اخبار المظاهرات في السويس :محاولات سرقة اثناء الفوضى والحرائق

نشر وتحرير: في Thursday, January 27, 2011, 16:54
هذا المقال نشر في قسم: اخبار مصر اليوم | ويحتوي على: 18 تعليقات فقط .

 

اخبار المظاهرات في السويس

اخبار المظاهرات في السويس

 

اخبار المظاهرات في السويس

اخر اخبار المظاهرات في السويس : محاولات سرقة اثناء الفوضى والحرائق

مصريات

كريم عبدالمعين

انفجرت اوضاع المظاهرات في السويس  وبدأت الحرائق تشتعل في مشهد مؤسف بعد تطور المظاهرات في السويس الى اشتباكات عنيفة بين قوات الامن مع المتظاهرين الذين قاموا باطلاق قنابل المولوتوف على جنود الأمن المركزي الذين بادلوهم بالقنابل المسيلة للدموع.

اخبار المظاهرات في السويس : حريق قسم الاربعين
وقد شب حريق هائل بالجانب الخلفي من قسم شرطة الأربعين وديوان عام حي الاربعين والجمعية الاستهلاكية و مقر الحزب الوطني.. وقام المتظاهرين باشعال النيران في المنطقة المجاورة للمجمع التجاري عمر افندي.

كما تجمع أكثر من 3 آلاف مواطن حول قسم الأربعين وألقي بعضهم اطلاق قنابل المولوتوف والصواريخ النارية في اتجاه القسم.

اخبار المظاهرات في السويس : عدد ضحايا الفوضى يرتفع الى 60 مصابا
وبلغ عدد المصابين في مستشفيات السويس والتأمين الصحي حوالى 60 مصاباً من بينهم اختناقات بسبب الغازات المسيلة للدموع وكدمات وسحجات بسبب التدافع.. بينما وصل عدد المصابين من قوات الشرطة الى حوالى 25 مصاباً بسبب الاشتباكات العنيفة.
وكانت الأوضاع قد تفجرت بعد تجمع أكثر من ألفي مواطن حول مشرحة السويس العام يطالبون بإخراج جثة القتيل الثالث غريب عبدالعزيز عبداللطيف “45 سنة” للسير به على الأقدام في شوارع المحافظة. ورغم محاولات الشيخ حافظ سلامة قائد المقاومة الشرعية. ود.صفوت حجازي الداعية الإسلامي بضرورة الإسراع في دفن الجثة.. وبعد فترة طويلة قامت قوات الأمن بتفريق المتظاهرين بالقنابل المسيلة للدموع مما دفعهم الى التوجه الى ميدان الأربعين واطلاق قنابل المولوتوف باتجاه مبنى القسم وإشعال النار في الجانب الخلفي له ثم تطورت الأوضاع الى باقي الأماكن.
ثم توجه المتظاهرون نحو نقطة شرطة المثلث وتوجيه الصواريخ النارية وزجاجات المولوتوف نحوها.

فرضت قوات الأمن كرودناً أمنياً حول ديوان عام محافظة السويس والحزب الوطني الديمقراطي بعد محاولة أكثر من 200 شخص والاعتداء على المقرين ورشقهما بالطوب والزجاجات.
كما عززت الشرطة تأمينها للبنوك بعد محاولات بعض الافراد اقتحامها وسرقتها.

اخبار ومواضيع ذات صلة:

Sponsored links


18 التعليقات في “اخبار المظاهرات في السويس :محاولات سرقة اثناء الفوضى والحرائق”

  1. محمودحامد
    2012.02.27 22:10

    كلهم شوية كلاب بستثناء ايمن نور والبرداعى والباقين مجرد شوية كلاب

  2. محمودحامد
    2012.02.27 22:03

    اختار مين فيهم حرام عليكم انا نش شايف غير شوية كلاب وركزوا فيهم كويس مافيش فرق بينهم وبينالكلب الكبير لودورنا وراكل واحدمنهم ورا امة حكاية يمكن الوحيد الى وقف فى وش الحزب الوطى والحكومة الوسخة واتظلم هو الاستاز ايمن نور واتمنى من اللة ان يولية فيما هو صالح البلاد اما الباقى عاوزين مقشة وسخة واياكم من الانسياق ورا الكلمات البراقة والكلام المعسول عاوزين التنفيز وكفيانا مجلس 90فى المية منة طراطير ومغيبين وعاوزين يحطو دستور  دستور اية يا ولاد الهبلة ضحكتو علينا وعلى 90 مليون مصرى بس وحياة امكم ما هتشوفوها تانى هما 5000 واحد هيشيلو ريس ويشيلو مجلس شعب اه يا شوية طراطير انا من الاربعين من السويس  

  3. آية
    2012.02.01 22:40

    كفاية خراب فى البلاد حرام عليكو المفروض بعد الريس المخلوع مااتنحى البلد تقف على رجليها مش نخرب فيها ونرجعها لورا اكتر من اللى حصل ايام المخلوع مبارك

  4. لسة فاكر
    2012.01.20 22:14

    بقول للسيد المحافظ انا سمعت انك عاوز تزور الشهداء يوم 25 يناير على فكرة مش هتلاقى اى شهيد فى استقبالك ( لانهم احياء عند ربهم يرزقون ) وهحتفلوا يوم مايخدو حقهم من ال استباح دمهم

  5. ابراهيم
    2011.12.05 23:03

    انا ابراهيم محمد 

  6. أمين
    2011.02.02 17:42

    با بنت السويس أنا أيضا أبن السويس وما حدث من استفزاز من الشرطة والرد على الناس بكل استعلاء ووقاحة وتعدى على الشعب بأطلاق نيران حية وقتل خير شباب البلد واطلاق سراح المسجونين وتزويدهم بالسلاح لأشاعة الفوضى وترويع الناس فى بيوتهم شىء لا نرضاه وان ارتضيتيه انتى فلن نرضاه نحن ..معروف عن السوايسة شئتى أم أبيتى الأعتزاز بالكرامة وعدم قبول الظلم ان قبلتى انتى ذلك فلن نقبله نحن ونصر أكتوبر الشعب بكامل فئاته أشتركوا فى صنعه وبلدك السويس ان كنتى لا تعلمى تحملت العبىء الأكبر وكان لها شرف الأنتصار على اليهود الذين دخلوا السويس ولم يخرجوا منها الا جثثا وأشلاء.النصر لم يصنعه فرد بمفرده ويا ريت متقلوش كلام مغالط أين الرئيس السادات رحمة الله عليه أين عبد المنعم رياض أين شهداؤنا اليسوا هم من صنعوا النصر عيب ..عليكى تقليل أنجازات شعب نحن لا يهمنا البرادعى ولا الأخوان كل ما يهمنا رفعة مصر وركامة الشعب وتكافؤ الفرص للجميع والنظر بعين الأعتبار للشباب وبلاش الضحك على الذقون كفانا حكم ثلاثون عاما من القهر وحرمان الشباب من حق الحياة والتفاؤل بمستقبلهم .من أذل الشباب وخنق الأمل والضحكة من شفاه الشباب من سبب ضياع مصر من سبب الغلاء من سبب ما نحن فيه من شقاء أتقى الله فى بلدك السوايسه رجال ونساؤها أفضل نساء الأرض وبلدنا مصر وأكفاننا نحملها فى سبيل رفعة بلدنا لا منافقة ولا مداهنة أتقوا الله فينا وبلاش خنوع وخضوع واستكانة ولى عهد الصمت والسكوت على الظلم مصر بلدنا جميعا وتسع لنا جميعا مصر ليست عزبة ولا وسية للى خلفوكم …. حماكى الله يا بلدى السويس وحمى مصر وشبابها من المتنطعين الخونة كلاب السلطة والحزب الوطنى المارق الظالم المتعفن…….

  7. بنت الاسلام
    2011.02.02 15:47

    السلام عليكم ورحمه الله وبركاته

    ياجماعه الى انتو واحنا كنا عايزينه خلاص بيتحقق اينعم مش كله بيتححق دلؤت بس اكبر شىء تم الريس خلاص فاق وعرف ان احنا مش مغيبيين لازم دلؤت نكون يد واحدة ونسنده فى الاصلاحات حتى يؤدى باقى حياته الرائسيه فى مصر ويمشى مشكور وافتكروا له انه بطل اكتوبر وبلاش نعيب فيه كفايه اسرائيل مستنيه تنقض علينا وامريكا عايزه تتداخل واوربا والعرب بيتشفوا فينا كفايه نقفل الباب علينا بعدين نحل كل حاجه بنا احسن ما الغرب والشرق ينقضوا علينا

  8. mslm
    2011.01.29 17:19

    alhm slm slm

  9. sasa
    2011.01.27 22:32

    والله برافو عليكي يا بنت السويس ياريت الكل يفهم الحكاية زيك ما شاء الله عليكي ربنا يحمي مصر طول ما فيها شباب زيك يارب اجفظ مصر رغم أنف الجميع (قال تعالى ادخلوا مصر إن شاء الله آمنين

  10. راضى أبو الفتوح
    2011.01.27 22:20

    اسمحى لى بنت السويس احترم رايك بس احب اقولك انك مش فاهمه حاجه ف القصه اقرى القصه من جديد قصة على بابا و ال 400 حرامى اوك

  11. راضى أبو الفتوح
    2011.01.27 22:18

    المور ف مصر النهارده انك ف 5دقائق تقدر تكسب 50 مليون جنيه لكن ماتقدرش انك تكسب 50 جنيه فهمتوها لابد من التغيير نريد حاكم عادل فاهم متعلم يشعر بالشعب

  12. كفاية تخريب فى البلد
    2011.01.27 22:16

    ارحموا البلد وارحمو الناس اللى فى البلد وكفايه تخريب احنا ما بنصدق نعمل حاجة انتو وقفتوا حال ناس كتير هاتستفيدوا ايه منالخراب والموت كفاية وحرام عليكم

  13. ابن السويس
    2011.01.27 20:59

    انت كلامك صح بس فى حاجة غلط ان الحكومة بدات باطلاق النار والرصاص الحى وغير كدة الجثث 10 مش 3 وتانى حاجة الحكومة مش عارفة انها لما تضرب الرصاص مش هايثير غضب الشعب اى واحد فينا لو حد مات من عائلتة برصاص الحكومة هاتزيد اكتر واكتر وكل ماالحكومة تضرب وتوقع ناس اكتر كل مابيزيدوا الضعف
    والرسول صلى الله عليه وسلم بيقول الكلمة صدقة يعنى لو الحكومة سمعت ولبت الطلبات كان كل دا ماحصلش او لما حموا المظاهرة لحد ماخلصت ماكانش حصل حاجة بس اهو انتوا شيفين ايه ال بيحصل وبالذات موضوع المشرحة . انتوا عاوزين يحصل اية تانى عاوزين الاهلى يسكوا وانتوا مش عاوزين تديهم حقهم ازاى دا ربنا عرفوه بالعقل ياجماعه فين العقل مافيش من الطرفين الحكومة ولا الشعب ونص البيظاهروا دول حرميه بيظاهروا علشان يسرقوا مش بيسرقوا مال الحكومة دول بيسرقوا مالنا احنا ؛ يعنى ايه اكون ماشى فى الشارع رايح مشوار او او او او اى حاجة تانية واضرب من الحكومة بالنار حاجة تتضايق سيبين المتظاهرين وبيضربوا فى الغالبنين والله حاجة تحرق الدم زى مايكون عاوزين يولعوها ايه دا ……………………………..

  14. عبدالله
    2011.01.27 20:41

    ربنايوفق النلس على بعضيها

  15. هندالعراقى
    2011.01.27 20:36

    مبارك كتر خيره ف ايه ياانسه عمل لشبابنا ايه ساعدك وساعدنا ف ايه
    فوقى لنفسك وبصى حولك وشوفى ادايه احنا مظلمين الشعب اتكلم لما فاض بيه انتى عايشه معنا وعايشه مشكله الغلاء والبطاله والعنوسه ياانسه ان كنا بنات ولا شباب ضيعين احنا مش بنطلب بانسحاب مبارك احنا عايزينهم بس يحسوا بالشعب شوى ان الاوان الحزب الوطنى يرجع لحجمه الطبيعى والسلام عليكم ورحمه الله وبركاته

  16. ashraf mohamed
    2011.01.27 20:21

    ياخوانى كفايه ما يحدث لنا من الخارج ليه التخريب والدمار لازم تكونوا عارفين ان اى شىء يحرق او يخرب سوف نقوم باعادته لاصله مره ثانيه على حساب مين فوقوا شويه كل المشاكل دى مش فى صالح مصر ولا المصريين وكمان احنا مش ناقصين ضرائب كفايه الى الناس فيه ارحمونا شويه وفكروا بعقلكم

    الامضاء/ واحد بيحب مصر

  17. أسماء علي
    2011.01.27 19:42

    ألتمس من محافظ السويس نظرة محب وشفقة لشعب المدينة الباسلة وأسباب معاناتهم التي دفعتهم لهذا الغضب

  18. بنت السويس
    2011.01.27 19:20

    ياجماعه في مصلحة مين التخريب اللى بيحصل في البلاد
    مصر بلد الامن والامان وانا سويسية وعارفة ان الشعب السويسى طول عمرة كارهه النظام اشمعنى دلوقتى طلع واتكلم و علشان تونس اتحركت نتحرك احنا كل اللى بيحصل ده هيضر مصر 10 سنين لقدام وبعدين مبارك كتر خيرة في الحكم هيعمل ايه مع شعب مش همه غير الاكل والشرب وزيادة النسل مش احسن من غيرة ولا تجيبوا واحد تانى يسموة البرادعى محدش سال نفسة واحد ساكن طول عمرة بالخارج يعرف ايه عن شعب مصر ولا المصريين الغلابة وفوق كل ده بنته كافرة ملحده متزوجة من واحد مسيحي ازاى مسلمة تتزوج من مسيحى وعاوزينه يحكمنا فوقوا يابلد بدل ماتدخلوا الاجانب تانى وساعتها يبقي راحت كل حاجة


    

أكتب تعليقك