اخبار حادثة كنيسة القديسين بالاسكندرية|المنطقة تتحول لثكنة عسكرية

نشر وتحرير: في Saturday, January 1, 2011, 7:43
هذا المقال نشر في قسم: اقرا الحادثة | ويحتوي على: 278 تعليقات فقط .

حادثة كنيسة القديسين

اخر اخبار حادثة كنيسة القديسين بالاسكندرية

مصريات

عادل حسين

صرحت جهات رسمية بأن اعداد قتلى وضحايا حادثة كنيسة القديسين بالاسكندرية هو 31 شخص منهم 7 قتلى و24 مصاب لكن في نفس الوقت فإن الكثيرين من شهود العيان الذين تواجداوا  وقت حادثة انفجار السيارة المفخخة امام كنيسة القديسين في منطقة ميامي سيدي بشر الاسكندرية قالوا انه اعداد الضحايا تفوق الارقام المعلنة لانه تفجيرات كنيسة القديسين وقعت بعد خروج المصلين ومن قداس ليلة الجمعة وعددهم كان يتجاوز الف شخص ..

من ناحية اخرى يتابع النائب العام الان التحقيقات في حادثة كنيسة القديسين وهناك انتشار امني في منطقة حادثة كنيسة القديسين ويتوقع ان يتم تشديد الحراسة على جميع الكنائس المصرية بحالة ثبوت تورط القاعدة بـ حادثة كنيسة القديسية ليلة رأس السنة 2011 وخوفا من تكرر مثل هذه الاعمال الارهابية ..

وقد وقعت اشتباكات بين الاقباط و المسلمين في الاسكندرية بعد حادثة كنيسة القديسين ماري والانبا بولا ولكن تمكن الامن من فضها خاصة بعد قيام بعض الاقباط الغاضبينبرشق مسجد قريب من كنيسة القديسين بالحجارة ، وتنتشر  الان عربات طوارئ وامن مركزي  بموقع احداث كنيسة القديسين في ميامي ..

اخبار ومواضيع ذات صلة:



278 التعليقات في “اخبار حادثة كنيسة القديسين بالاسكندرية|المنطقة تتحول لثكنة عسكرية”

  1. احمد انور
    2011.08.24 23:38

    انا من الاسكندريه  وانا ياكن في منطقه القدسين  وانا والحمد لله مسلم وكنت بشيل في الضحايه المسلمين كنا كلنا تحت شعار  الهلال والصليب ايد وحده

  2. بكر عكروش
    2011.03.10 12:04

    رسالة الي كل اقباط مصر الرب يسوع معكم ومع اخوانا المسلمين في مصر اتحدو كما كنتو في وجة الاعداء

  3. بكر
    2011.03.10 11:58

    انا من الاردن ربنا معكم يا شعب مصر  بس عايز اعرف اسماء القديسين من هم لو سمحتو

  4. مايه
    2011.02.04 00:46

    لو فكرنا نسافر برة دة لسببين اننا فقدنا الامن والامان فى مصر ثانيا زى اى حد علشان نشتغل ونقف على رجلينا وبعدين نرجع بلدنا.الغربة مرة مهما كان

  5. مايه
    2011.02.04 00:39

    انا ليا اصحاب مسلمين وبحبهم وبيحبونى زى اختهم بالظبط.الدين حريه .المفروض نتعامل كانسان فقط.

  6. مايه
    2011.02.04 00:37

    الى الاخ محمد عسكر نفسك تتطلع المسيحين من مصر.ربنا يعلم قد ايه بنحب مصر.حلم حياتى تسود المحبه بين كل الناس مسلمين ومسحيين .وصدقونى ساعتها ربنا هيرضي علينا ويرفع الفقر عنا.ساعتها مفيش واحد عاقل هيفكر يسيب مصر.مصر دى انا واثقه احلى بلد فى الدنيا.لكن يبعد عنها اتنين الارهاب والاخوان المسلمين

  7. مايه
    2011.02.04 00:33

    انا كتبت كزا تعليق نفسي اعرف لغتوهم ليه

  8. مايه
    2011.02.04 00:32

    الى الاخ محمد عسكر متشمتش قوى .يوم لك ويوم عليك.ومحدش يشمت ف الموت

  9. مينا كريم
    2011.01.27 23:54

    انا عايز اقول انه فعلا مفيش فرق بين مسلم ومسيحى فى مصر بس فعلا مفيش فرق بين المسلم المتعلم والمسيحى المتعلم ام الجهلا هما دول لايعرفون دينهم ولا يعرفون واجباتهم ويمكن بسهولة شديدة التحكم فيهم انا اصحابى معظمهم مسلمين خروجات وفسح واكل ورحلات وافراح ومواساة فى حالة حزن كله مع بعض بنتكاتف مع بعض فى كل ده من غير دينك ايه وانا دينى ايه عشان كده المهم ال EDUCATION

  10. احمد
    2011.01.14 17:57

    اسف الضحايا

  11. احمد
    2011.01.14 17:56

    ديننا الاسلامي يرفض الارهاب وترويع الامنين واقدم لاخواني اهالي الحايا بالغ التعازي

  12. على
    2011.01.10 23:45

    ان الدين لله والوطن للجميع من اهم مدخل الدول الطامعة اثارة الفتنة بيننا المسلمين والمسيحيين وكمان زى ما ادخلو فى موضوع المياه والنيل وتقليل حصة مصر هيعملو كمان الفتنة فانا اولا بعزى كل مسيحى فى حادث الاسكندرية وكمان بقولهم ان المسلمين فى مصر ليس لهم اى دخل لان دا تخطيط خارجى وربنا ينتقم منهم يارب اللى هيدمرو البلد احنا مصر ومصر احنا رجالها مصريين سواء مسلمين او مسيحيين

  13. ندى
    2011.01.09 14:50

    المسلمين والمسيحين اخوات فى الوطن لازم نحب بعض

  14. محمدالمتوحش
    2011.01.08 18:33

    لقد عشنا دهرا طويلا فى مصر ولم نسمع ابدا من يقول هذا مسيحى وهذا مسلم ناكل سويا ونخرج للتنزه ونمرح معا ونتبادل التهانى واطباق الكعك والبسكويت فى الاعياد فماذا حدث اليوم؟ اللهم احمى مصرنا من الارهاب الاسود القادم لنا من الخارج

  15. الاستاذ غانم برعى دسوق مركز فاقوس شرقيه
    2011.01.08 18:22

    يااخوه الاقباط و المسلمون فى مصر دى فتنه طاءفيه الى تعمل فى اسكندريه لضرب الاستقرارفى مصر ولكن مصر فوق الجميع بائرادتة الله الواحد القهار وفى كتابه العزيز واعتصموا بحبل الله جميعا ولاتفرقوا صداق الله العظيم**** واهناكم بعيد المسيح وكل عام وانتم بخير ومصر فوق الجميع

  16. محمد
    2011.01.07 18:31

    لم احزن فى حياتى قدر ما حزنت ليلة رأس السنة
    ولم التمس عذرا لأحد قدر ما التمست لأخوتى المسيحين فى غضبهم
    اما الاكثر ايلاما فى حادثة كنيسة القديسين هم المتشدقين بأسم الاسلام
    والاسلام منهم برئ
    فلم يعرف احدا منهم انا سيدنا محمد عليه الصلاة والسلام قال
    من اذى ذميا فقد اذانى
    وقال
    من اذى ذميا فأنا خصمه يوم القيامة
    الاسلام منكم برئ

  17. أمة الله
    2011.01.07 15:18

    معروف إن إلى فعل ذلك أخوتك فى المهجر و إنا لله و إنا إليه راجعون على سوء حال المسلمين وذهابهم ليكوا فى الكنيسة ولبسهم الصليب

  18. محمود
    2011.01.06 15:19

    اللهم اجعلنا قادرين على الخروج من تلك المحنه

  19. مجهول
    2011.01.05 22:20

    احنا جسد واحد مسلم وميسيحى

  20. Nour
    2011.01.05 21:41

    المفروض ان الدين لله والوطن للجميع وكلنا اخوات عايشيين فى وطن واحد مع بعض سواء كنا مسلمين اومسيحين ومفيش فرق بنا وانا الحمد لله مسلمه بس ليه صحباتى مسيحيين وبحبهم جدا

  21. shms nada
    2011.01.05 21:28

    الله (رب المسلم والمسيحى واليهودى) لا يرضى بهذا ابدا

  22. حسين
    2011.01.05 15:55

    لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم إن الله يحب المقسطين ”
    ” لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُواْ الْيَهُودَ وَالَّذِينَ أَشْرَكُواْ وَلَتَجِدَنَّ أَقْرَبَهُمْ مَّوَدَّةً لِّلَّذِينَ آمَنُواْ الَّذِينَ قَالُوَاْ إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لاَ يَسْتَكْبِرُونَ” و هذه الأية تدل على قرب الأقباط و النصارى الى المسلمين,وهناك العديدمن ايات المصحف الشريف والسنه النبويه المباركه يا جماعه الى حصل ده مصاب لمصر كلها يجب على العقلاء ان يعرفوا أن مصر كلها استهدفت وأحنا كلنا تحت الهجوم بعيد عن اى مزايدت لازم نفوق الفتنه لو اشتعلت هاتاكلنا ويخدونا بفرقه موسيقيه من غير طلقه واحده وكلنا عارفين السيناريو والى فوف الاربعين يعرف الكلام ده كويس بدل مانشتم بعض ونولع الدنيا اولا : أحنا الحمد لله اتبرعنا بدمنا لضحايه الحادث الاليم لان هما اخوانا وده واجبنا نحوهم ده مش من وكمان قمنا بزيارة اهالى الضحايا لتقديم واجب العزاء مسيحين ومسلمين وهنكون معاكم فى قداس القيامه وعلى فكره لمن لا يعرف من الجهلاء احنا طول عمرنا مسيحى ومسلم بنصوم ونفطر مع بعض نفرح ونحزن مع بعض تذوقنا مرار الهزيمه وفرحة النصر وأختلطت دمائنا على تراب سيناء مع بعض ولا احنا (الرومان ) ولا انتم (الصليبين) احنا أخوات وولاد وطن واحد هو مصر ربنا يحفظها من كل سوء. ثانيا : اكيد طبعا ان كل الى بيحصل بيطلع صوت وصوره بره انا عايز حد فيكم يعمل بحث على اى من محركات البحث المعروفه ويشوفوا بيكتبوا علينا ايه ده احنا صورتنا بره بقت ولا العراق مصر الى زكرت فى كل الاديان السماويه اكيد ما تستهلش مننا كده . ثالثا : الحادث الاليم ادما قلوبنا جميعا لكن كلنا غلطنا الى طلع سب ولعن والى ولع نار الفتنه على النت الى بيخدمهم وبيخدم اهدافهم القزره حتى الى سكت فينا برده غلط يا أخوانا احنا بنمارس الديمقراطيه غلط احنا لو فى امريكا نفسها مش هنقدر نعمل كده واقولكوا ليه لان فى امريكا ليس هناك ضباط شرطه بيتسحلوا كده واللى نزل الشارع حتى من اجل الفرجه يعرف كده كويس يكفى ان حضرتك ماشى بتسب وتلعن والحكومه ماشي امام حضرتك وخلفك حمايه فى فرق كبير بين ديمقراطيه التحضر والشغب المفرط أعيدوا للدوله هيبتها قبل ان نندم جميعا رحم الله شهداء الوطن الابرار وعافى جرحانا والهمنا الصبر والسلوان …………. أمييييييين

  23. خالد
    2011.01.05 14:54

    ممكن نعمل ايه نثبت بيه اننا بنحب كل اخواتنا

  24. خالد
    2011.01.05 14:53

    اجنا طول عمرنا عايشين من غير مشاكل والحاجات دى جديدة علينا

  25. مسلم
    2011.01.05 14:33

    لنقول انه من فجر الكنيسة هم مسلمون كما يدعي المسيحيون”"”"”"
    سؤال كم مسيحي قتل؟؟ 21 اليس كذلك؟
    اليس من قتل اكثر من مليون شخص في العراق, هم المسيحيون؟؟؟
    اليس من قتل النساء والاطفال ودمر افغانستان,هم المسيحيون؟؟
    سوال من هو دين الارهاب؟؟؟

  26. ابن المنو فيه
    2011.01.05 14:28

    يحيا الهلال مع الصليب

  27. ابن المنو فيه
    2011.01.05 14:27

    اللهم انصر مصر المحروسه يارب

  28. nada
    2011.01.05 08:49

    وانت شايف ان احنا كافرين يا استاز احمد انت صحيح اللى قال الملافظ سعد

  29. nada
    2011.01.05 08:40

    اشكرك يا اخت حنان ومفيش حاجة اسمها احنا كلنا مصريين مش ها نكدب على بعض من زمان بيحصلنا كدة وساكتين لان الرب يسوع لة كل المجد قال احبو اعدائكم باركو لاعنيكم احسنو ا الى مبغضيكم صلوا للزين يسيئون اليكم وقال كمان لا تقاوموا الشر بالشر

  30. am_sif
    2011.01.05 02:28

    اولا اقدم تعازى للاخوه المسيحيين اللى حصل ده من فعل صهيونى مرتب لكل من يفهم
    حتى على النت متصلتين علشان يزودو الفتنه ومن الضمن اللى اسمه محمد عسكر لان ده مش محمد ولا مسلم بس بيكمل الفتنه علشان يولعها نار بس المسلم ميعرفش الشماته لان من قبل ما اكون مصرى فانا انسان
    ولما تكون محتاج نقل دم هل بتسئل دم من هزا كلنا دم واحد(مسلم ومسيحى)الله يرحم الجميع

  31. حسبنا الله ونعم الوكيل
    2011.01.05 01:13

    والله مش لاقيه حاجه اقولها غير ان احنا مسلم و مسيحى عارفين كويس اوى مين اللى عملها وهو اخر ماهيلاقى ان اللى بيعملوا دا مش جايب نتيجه بل بالعكس بيخلينا نقرب من بعض اكتر هيعملها فينا احنا المسلمين المره اللى جايه علشان نقول ان المسحين هما اللى عملوها ياناس احنا مش جاهله ولا عمى احنا فهمين كويس اوى ان اللى يحب يدخل بلدنا ويغتصب ارضا مش هيعرف يعمل كده غير لو فرق بين المسلمين والمسحين احنا شعب واحد ودوله واحده وشكل ولون واحد

  32. مسلم ومصرى للابد
    2011.01.04 23:59

    العمر واحد والرب واحد يعنى مسلمين ومسيحيين كلنا واحد ثم ربنا قال ولكم دينكم وليا دين وصلاح الدين الايوبى قال ان الدين لله والوطن للجميع والى عمل كده ارهابى عايز يمشى على دين نبينا محمد بس ربنا مقلش تقتلو نفس باى حق

  33. كله مصر
    2011.01.04 23:57

    مصر ليست وطن نعيش فيه ولكن وطن يعيش فينا

  34. كله مصر
    2011.01.04 23:57

    قرصت ودن إيه ومسخرة إيه في رأس السنة أقرأ دينك كويس حتعرف أن الرسول أوصي خيراً باهل اذمة يا بني أدم , أقرأ سورة الحج ستعرف أن الأية تأمر المسلمون بحماية دور العبادة سواء مسيحية أو إسلامية … وكأنك ابو جهل يا عسكر الزقازيق

  35. كله مصر
    2011.01.04 23:53

    أ . محمد عسكر أنت إنسان غبي لإن مصر ليست وطننا نعيش فيه ولكنها وطن يعيش فينا فلسنا أمريكان لنترك مصر لأمريكا

  36. احمد عبده
    2011.01.04 23:37

    والله حرام انا من الا سكندريه احنا كلنا مسلمين زعلنين حررررررررررررررام عليكم مفيش دين بيقول نعمل فى بعض كده

  37. محمد العربى
    2011.01.04 23:17

    دة كانت الضربة القادية بث صراحة مش ينفع المظاهرات الى بتحصل فى الخصوص بالقاهرة

  38. eng.esam33
    2011.01.04 23:14

    انا مواطن مصرى ولاارضى ان يتعرض اى مواطن بسوء مهما كانت ديانتة لأننا جميعاً نعيش على ارض واحدة وهى مصر المحروسة فكل من يسير الفتنة على ارضنا الغلية سوف ينتقم من الله سبحانة وتعالى

  39. مصرى
    2011.01.04 22:08

    الى كل انسان مسلم كان ام مسيحى احنا كلنا مصرين الى هيضرنا هيكون واحد والاخ محمد عسكر بقوله دينا مقلش كدا عيب عليك ربنا قال لكم دينكم ولى دينى وبعدين واحد مسيحى عايش فى حاله مبيضرش حد احسن الف مره من مسلم بيضر الى حوليه وبيقتل نفس بغير نفس وكفايه سؤاله امام الله عز وجل **واذا المؤدت سؤلت باى ذنب قتلت**

  40. مازن المسلم
    2011.01.04 21:19

    فيه بعض المسيحين مفكرين ان المسلمين الي عمله كده اللهم بلغت

  41. مازن المسلم
    2011.01.04 21:16

    يا مسيحين انا عاوز اقلكو حاجه انتو قبل ما تعبدو الصليب انتو بتعبدو ربنا وبتعبدو بعد كده الصليب

  42. مازن المسلم
    2011.01.04 21:11

    علي فكره لو المسيحين مفكرين ان المسلمين عمله كده يبقي غلط واحنا كمان بنعتبرهم اخوتنا وابل ما تكون مسيحي انت مصري وانا ابل ما اكون مسلم ابقي مصري

  43. ابو نور
    2011.01.04 18:11

    انامش عارف اقول حاجة خالص بجد ادينى مستنى لما نشوف معا نصلى

  44. عبد الله المصرى
    2011.01.04 17:11

    خسة و نذالة وكفر ووحشية
    استغفر الله العظيم و أتبرأ مما فعلوه لو كانوا مسلمين (و أشك فى ذلك)
    يا أخوتى المسيحيين .. قلوبنا تقطر دما .. مصابنا مصابكم و من استشهدوا هم أهلنا كما هم أهلكم
    أدعو كل مسلم قادر على الخروج من منزله لأن يخرج مساء يوم 6 يناير ليصلى و يبتهل لله أن يرحم شهداءنا .. لنصلى جميعا فى هذا اليوم .. فى مسجد أو فى كنيسة أو حتى على الرصيف فى شوارع مصر الحزينة الثكلى .. هيا بنا نبكى جميعا على مصابنا الاليم .. انا لله وانا اليه راجعون و لا حول ولا قوة الا بالله

  45. مواطن مصرى
    2011.01.04 16:27

    شعب مصر شعب واحد مسلم و قبطى – أنا مسلم و أعز أصدقائى و اصحابى و زملائى مسيحيين – أول من يرسل لى رسالة تهنئة فى العيد و جميع المناسبات مسيحيين – دمنا دم واحد ووطنا وطن وواحد و يجب أن نقف جميعاً أمام من يحول أن يفرق بيننا و الذين سيفضحهم الله قريباً

  46. مينا عادل
    2011.01.04 16:22

    انا بشكر كل هؤلاء الاصدقاء الذين لم ولن ينتقدون اخواتهم المسيحين على ماجرى لهم وبالاخص الاستاذ محمد عسكر ونشكر محبتكم لنا ودائما وابدا نتمنى لكم وافر السعاده والراحه فى بلدكم الغالى مصر

  47. محمد السيد
    2011.01.04 13:21

    الحمد لله ان معظم المسيحين عارفين المسلمين بطبيعه العشره الى ما بينا فى الشغل فى البيت وفى الفرح وفى الممات كمان بتلاقى المسلم بيعزى المسيحى فى الكنيسه والمسيحى بيعزى المسلم فى الجامع وده كل الناس عارفه بس للدين الاسلامى والمسيحى الاثنين زى بعض الحرام متشابه بالظبط فيما عدا التوحيد اى ان المسيح ابن الله وعند المسلم رسول الله ولا واحد يقدر يهين المسيحى لان الرسول محمد وصى بيهم خير مش شتيمه ولا كلمه سيئه بل اوصى بالتعامل بالحب فالمسلم يؤمن بكل الاديان

  48. حنان
    2011.01.04 11:48

    انا مسلمة ومع ذلك اسأل المسلمين الشامتين: هل حدث ان قام مسيحي بتفجير مسجد ؟
    اتقوا الله فالاسلام بريء منكم

  49. مسيحى
    2011.01.04 09:52

    برجاء حزف تعليق الاخ محمد عسكر الزقازيق لما فية من ابتزال و جهل و اساءة للدين المسيحى و المسيحين حيث انى ام و لن اتنازل للرد على مثل هذة التعليقات الكاذبةالجاهلة و لكن امثاالك هم ذريعة الارهاب و الارض الخصبة للافكار الارهابية

  50. ياسمين
    2011.01.04 09:12

    اللى حصل ده حرام جدا انا مسلمه وزعلت جدا جدا عليهم ربنا يرحمهم ويرحمنا احنا كمان يا جماعه الارهاب لا دين له والبقاء لله فى اللى توفوا فى الحادثه ويا رب المصابين يخفوا ويرجعوا لحياتهم الطبيعيه لكن مفيش حد مسلم او مسيحى هينسى اللى حصل ده ابدا



أكتب تعليقك