اغنية مرسي الجديدة

اغنية عن الرئيس محمد مرسي الجديدة

اغنية مرسي الجديدة

كتبت: ندى المصري

رد مجموعة من الشباب على الكلام عن انجازات المئة يوم الذي تضمنه خطاب الرئيس محمد مرسي الاخير في ستاد القاهرة بمناسبة حرب اكتوبر، بنشر اغنية جديده عن الرئيس محمد مرسي على موقع يوتيوب وصفحات مواقع التواصل الاجتماعي، وكلمات الاغنية مأخوذة من الهتافات التي تتردد في مظاهرات بعد تولي الدكتور مرسي لحكم الرئاسة مصر وتندد بسياسته. .

لخصت اغنية محمد مرسي الجديدة المعاناة اليومية التي يحياها الشعب المصري والتي بدا ان الرئيس لا يعلم عنها شيئا سواء بسبب ارتفاع الاسعار وكذلك مشاكل انتشار وتراكم القمامة في المدن والقرى وازمة انابيب الغاز ورغيف الخبز وارتفاع اسعار الخضار واللحوم والبنزين والسولار وغيرهم .

اغنية محمد مرسي الجديدة

اغنية مرسي الجديدة

وتتضمن اغنية مرسي الجديدة اتهام بالتنصل من وعوده خلال انتخابات الرئاسة والتي قطعها على نفسه لتحقيقها في المئة يوم الاولى، ومنها تغيير وموازنة الجمعية التأسيسية لكتابة الدستور والقصاص لحق الشهداء وذكرته بكلامه عن الديمقراطية والعدالة الاجتماعية وتطبيق دولة القانون والتي تنافت قرارات مرسي خلال المئة يوم معها .

واخر رسالة يوجهها الشباب في الاغنية الجديدة الى الرئيس محمد مرسي هي ان الثورة مستمرة طالما لم تتحقق مطالبها التي نادت بها من البداية وهي عيش حرية عدالة اجتماعية وكرامة انسانية .

كلمات اغنية محمد مرسي الجديدة عن المئة يوم

  • اصحى يا مرسى و صحى النوم …. عدوا و فاتوا ال 100 يوم
    اصحى يا مرسى بلاش تهجيص …. احنا زهقنا من الترقيص
    مشروع نهضه طلع فنكوش …. و ال 100 يوم كانوا حلق حوش
    100 يوم خلوا العيشه تييييت …. مرسى بيجي مصر ترانزيت
    بيب بيب بيب بيب
    100 يوم مش لاقييين انابيب
    الانبوبه ب 100 جنيه
    الغلابه هيعملوا ايه
    و البنزين ولا السولار
    الطوابير من دار ل نار
    غنى علينا بناى و كمنجه
    ساب الباميه و قال على المانجه
    يا مرسي فى بيتكوا بتطبخوا ايه …. 100 يوم قوطه ب 10 جنيه
    يا مرسي فى بيتكوا بتشوو فراخ …. 100 يوم عيش دوخنا و داخ
    100 يوم عيش دوخنا و داخ
    يا مرسي فى بيتكوا بتعملوا لحمه ؟؟
    100 يوم عدوا ما شوفنا الرحمه
    حد ادنى للاجور
    مطلب ثوار مع جمهور
    مرسي يا مرسي يا مرسي يا مرسي
    يا العداله يا اما الكرسى
    احكى يا مرسى على المرور
    لف يا مرسى علينا و دور
    لا لا و لا لا و لا لا …. احكى يا مرسى عن الزباله
    و احكى كمان على سيناء كتيير …. على الارهاب و على التهجير
    قال هيجيب حق التحرير
    كرم عنان و المشير
    قال هيوازن التأسيسيه
    100 يوم عدوا و خيبه قويه
    قال هيهكل فى الداخليه
    و الداخليه هي هي
    قال هيجيب ديموقراطيه
    ساب جماعته مش قانونيه
    قال جاى يحكم بإسم الدين
    ساب اخواتنا فى الزنازين
    قال هيجيبلنا هيبه الدوله
    100 يوم شايفين خيبه الدوله
    قال مش جاى بقميص و حراسه
    ناقص يمشى معاه قناصه
    الجرافيتى … و دانيال
    100 يوم خلوا العيشه شمال
    اخون اخون فيها كمان …. 100 يوم بيعين اخوان
    هتحقق فى محمد محمود …. حق اخواتنا اكيد هيعود
    القصر العينى
    و فى ماسبيرو
    القصاص و مفيش حاجه غيره
    حق الاولتراس راجع راجع
    100 يوم عدوا الم و مواجع
    مرسي يا مرسي يا مرسي يا مرسي
    ثوره و قامت للحرية
    و العداله الاجتماعية
    انا مش خايف زى زمان
    لسه الثوره فى كل مكان
    لو ضربونا فى الشوارع …. صوت الثوره طالع طالع
    لو مسكونا فى البيوت …. بردوا الثوره مش هتموت
    علي فى سور السجن و على …. بكره الثوره تشيل ما تخلى
    علي يا مرسي كمان و كمان …. بكره نشيل و الزور هيبان
    علي يا مرسي كمان و كمان ….صوت الثوره فى كل مكان
    علي يا مرسي كمان و كمان ….صوت الثوره فى كل مكان

فيديو يوتيوب اغنية محمد مرسي الجديدة : اصحى يا مرسي

اخبار ومواضيع ذات صلة:

Advertisement

اغنية محمد مرسي الجديدة: اصحى يا مرسي وصحي النوم – يوتيوب فيديو

69 comments
  1. احمد الديب 08/07/2014 15:30 -

    السلام عليكم ورحمت الله وبركاته انا بحب محمد مرسي ونفسي يرجع للبلد علي شان كده مينفعش احنا كده هنجوع لو النظام فضل علي كده هنموت البلد خربت رخيف العيش بنجيبو بلعفيه 

  2. كمنوس 21/10/2013 13:34 -

    مرسى مين اااااااااااااه تقصد اللى كانو بيقولو عليه رئيس ياعم دا كان انسان الى كان بيمشى بالرمود وبعد كدا البطل السيسى كسر مرسى والرمودكمان هههههههههه

  3. حسام عادل اسيوط نجع سبع 04/09/2013 13:29 -

    يارب رجع رئيسنا مرسى

  4. nada gamal 29/08/2013 00:14 -

    مرسى ده اخره يكون رئيس مراجيح مولد النبى

  5. محمد ابو شديد 03/07/2013 16:32 -

    سيبوا الراجل في حاله هوا حيتشال بكره

  6. احمد شحته 02/07/2013 16:06 -

    مرسى فين مرسى هنا قاعد فى القبه خايف مننا

  7. rele eyguptالمصرى الاصيل 01/07/2013 11:24 -

    البلد محتاجة رئيس مش خرفان كنا لنقول مصر ام الدنيا دلوفتى هنقول باسم الثزرة مصر اعظم بلد العالم بس مش يشوية خرفان هنقول كدا لما يبقى فى رئيس بجد مش حبة حمير

  8. سعيد 17/06/2013 14:23 -

    تروح فين الشمس من على قفا الفلاح سعى الطلق مرة يا حبيبى يا مرسى

  9. مى المصرية 06/06/2013 13:32 -

    اللى بيحب الرئيس ميقفش معاه فى الغلط كلنا بنحه بس اللى احنا شيفينو منه مش شوية عايزين حق مصر وحق الشهداء ياريس

  10. احمد خميس 01/06/2013 01:59 -

    عيب عليكم الى بتقلوه عن الرئيس وحسبى الله ونعم الوكيل ومفكره مين نفسها كمان ندى المصرى علشان تقول على الرئيس وهى محصلتش زبالة

  11. ريهام 02/04/2013 18:22 -

    حرام عليك يا مرسي كفايه ظلم كفايه عناد صوت الثوره في كل مكان
    حق الالتراس راجع راجع 100يوم عدوا الم ومواجع
    100يوم بيعين اخوان

  12. رأي حر 27/03/2013 17:40 -

    باالله عليكم هو الريس حكم 100 يوم ولا احنا والفلول تركتاه يحكم 100 ساعة دا من يوم مانجح وبقي رئيس واحنا نايمين بالشارع وحلفين ماحد يشتغل  حرام عليكم ودا الاسلام بتاعنا اللي يخلينا نقول علي اللي كرمه الله تعالي من فوق 7 سموات خرفان ؟ ولقد كرمنا بني أدم اررحمونا شوية وبلاش ننساق ورا الكلام الفاض وعلي فكرو والله لا انتمي الي الاخوان ولكن نفسي نصدق مع انفسنا شوي

  13. مهيتاب هشام 26/03/2013 16:10 -

    بعدين الاغاني الهما اعدين يطلعوها ع مرسي دي هو مش لي عيال وبيت مش عياله بيشوفو الحجات دي ولو الي بيتكلم ده ممكن حد يسخر ع بابا صح ولا خطا والبنت تنجرح من جواها

  14. مهيتاب هشام 26/03/2013 16:06 -

    وفي حاجه تاني كانوا بيقولوا البنات بيغتصبوا طيب هما بيغتصبوا كده يعني مش البنت لما تكون مشيه بملزء وتقول ده اغتصبني بعدين في الثوره وفي الحريق البنات بينزلوا في وسط الشباب دول كلهم مش هيغتصبوا سوري بس بجد حاجه تفرس

  15. مهيتاب هشام 26/03/2013 16:01 -

    يعني لو هما عملو كده ايه الي هيستفدوه يستنوا شويه ممكن يعمل حاجه لكن الي بيعملوا مفيش فيده

  16. بدل ماتغنوا رحوا اشتغلوا علشان مصر وحام عليكم كفية بى ارحموا الشعب واحموا انفسكم هو انتم عوزين كل حاجة على الجهز لزام تتعبوا علشان تحسوا بقيمة الحاجة واتقى الله

أضف تعليقاً