الآف الاقباط و المسلمين بانتظار ظهور العذراء في الوراق لليوم الرابع

نشر وتحرير: في Monday, December 14, 2009, 6:35
هذا المقال نشر في قسم: شبابيك | ويحتوي على: 21 تعليقات فقط .
صور ظهور العذراء بالوراق

صور ظهور العذراء بالوراق

الآف الاقباط والمسلمين بانتظار ظهور العذراء في الوراق لليوم الرابع

هاني سمير

احتشد آلاف الاقباط و المسلمين أمس أمام كنيسة الملاك بالوراق بعد انتشار اخبار عن ظهور العذراء في الوراق على قبة الكنيسة في الوقت الذي ازداد في الوجود الامني عما كانت عليه في اليوم الاول من ظهور العذراء في الوراق وذلك لمواجهة تزايد أعداد المتوافدية لرغبتهم في رؤية ظهور العذراء بالوراق .

من ناحية أخرى صرح القمص داود ابراهين – كاهن كنيسة الوراق – إن التشديد الامني يرجع الى أن اعداد القادمين لمشاهدة تجلي و ظهورات العذراء في الوراق تضاعفت وفي زيادة مستمرة وشارك عدد من المسلمين الاقباط في احتفالهم بـ ظهور العذراء في الوراق ، مضيفاً أن الناس تأتي من الساعة التاسعة مساءاً بعد أن تنهي أعمالها وتنتظر حتى الخامسة فجراً ، وشهد شارع الكورنيش تكدس مروري نتيجة تزاحم الآلاف امام الكنيسة ممن يمنون انفسهم برؤية ظهور العذراء في الوراق ، أما داخل الكنسية فلم يكن هناك مكان لشخص بعد أن امتلأت عن آخرها ولم يسطتع أحد أن يدخل أو يخرج منها .

على الجانب الآخر استغل اهالي الوراق احداث ظهور العذراء في الوراق لتحقيق استفادة مالية ، إذ فتح المنزل المقابل للكنيسة لمن يريد الصعود حتى يستطيع الرؤية بشكل أفضل مقابل جنيه واحد في حين انتشر باعة الشاي والمأكولات وتم تأجير الكراسي مقابل 3 جنيه للكرسي الواحد .

وفي تمام الساعة الواحدة والثلث صباح الاحد ظهرت حمامة ظلت تحلق فوق الاقباط فهتفوا واندفعوا نحو الكنيسة لمشاهدتها اعتقاداً منهم أنه ظهور العذراء بالوراق مرة اخرى .

تعيد هذه الاحداث للذاكرة قصة اول ظهور العذراء في الزيتون في شهر ابريل 1968 ، حيث قرر الرئيس جمال عبد الناصر الذهاب شخصياً لمشاهدة ظهور العذراء ومعه عائلته وكان بصحبته حسين الشافعي سكرتير المجلس الاسلامي الاعلى .

فيديو يوتيوب تجلي و ظهور العذراء في الوراق و احتشاد الآف من اجل رؤية ظهورات السيدة العذراء بالوراق

YouTube Preview Image

اخبار ومواضيع ذات صلة:

Sponsored links


21 التعليقات في “الآف الاقباط و المسلمين بانتظار ظهور العذراء في الوراق لليوم الرابع”

  1. ابن المسيح
    2009.12.31 19:35

    اننى قد راءيت العزراء اكثر من مرة ولما اطلب منها شى يستجاب سريعا امين

  2. ام مى
    2009.12.26 19:15

    ياناس حرام عليكم رسولنا الكريم قال لكم دينكم وليا دين يعنى ضهرت العذراء نحن متمسكين بديننا الاسلامى اشهد ان لا اللة الااللة وان محمد رسولا اللة

  3. مصري جداااااااااااااااا
    2009.12.24 07:41

    الى الفنك الليبي
    ملكش دعوة وخليك فى حالك احنا مصرين انت مالك

  4. هبله ومسكوها طبله
    2009.12.19 13:37

    اهو عفريت وبيلاعبكم .وقاعد يضحك عليكم , مشكله دي ؟؟ وكتر خيرو اهو نساكم القرف شويه خناقه على حتة كورة , فضيحة مش عارفه مين , براءة او اعدام مش عارفه مين, خنازير على فراخ على معيز واخدين انفلونزا , يلا اهو سلاكوم شويه بس ياريت متزيدوش فيها وتستهبلوا وتسدئوا نفسكو ,,, بلا وكسه ع العقول الهايفه

  5. ابن الوديع
    2009.12.16 17:58

    يااخوتى الايمان هو(الثقى بما يرجى والايقان بما لا يرى) بمعنى ان انتا تامن بشى فوق قدرة العقل ويبقى عندك يقين بان الشى دة حقيقى ما علينا
    المهم انا اتمنى ان العذراء او اى حد من الرسل او القدسين يظهر فى مصر كفاية علينا البركة سوا كنا مسلمين او مسيحيين وبلاش الجهل اللى احنا فية باتمنى ان كل اولاد مصر يتعلمو لاان كثرة المشاكل بتيجى من الجهل بالشى انا بحب مصر واتمنى اعود من سفرى اعيش فيها دايما لاانها جمل مكان وادفى حضن تلاقية فى رد الناس عليك عند استفسارك عن اى شى
    فى جارك لما يزورك فى العيد لما كل اهل البلد بيعيدو على بعضيهم فى وعمى محمد يعيد على جارة جرجس (بحبك يامصر)

  6. عـامر منيب
    2009.12.16 14:53

    مين هنا بيتكلم عن اضطهاد الاقباط … يمكن بيركبوا الاتوبيس ويقفوا واحنا بنقعد .. او بيدفعوا تذكرة كامله واحنا نص تذكره … ولا يمكن هما ليهم مستشفيات خاصه واحنا لينا او حتي بياكلوا عيش معين واحنا بناكل عيش تاني … امال لو مكنش وزير اهم وزاره في مصر المالية مسيحي ..يمكن احنا عملنا معاهم زي ما سويسرا عملت وعملت استفتاء شعبي كنا عملنا احنا كمان استفتاء لحظر الاجراس مثلا … طب تعرفوا لو عملوا استفتاء زي ده انا هصوت ضده لانه ضد حرية العقيده ويتنافي مع تعاليم السلام السمحه … لله الامر من قبل ومن بعد

  7. محمد
    2009.12.16 00:28

    السيدة العذراء كانت انسانة عادية جدا زى كل البشر مفيش انسان بيظهر روح كدة او نور وكمان ايه هتظهر فعلا والناس يكونو عارفين طب والناس عرفو منين اصلا انها هتظهر دى كلها واحد قاعد على كمبيوتر وعامل بعد معين لليزر والواد لاعيب كمان منقى وقت ميكنش صبح منقى بليل عشان الليزر يبان واضح فوقو بقى يا جماعة من الاوهام اللى انتو فيها انتو فعلا فى مشاكل ولما بتصدقو تطلعو نفسكو من اللى انتو فيه بس المشكلة كمان ان الاخوة المسيحين عارفين انها ضوء ليزر ونور وكمان مش قادرين يصدقو نفسهم

  8. سامى فايز
    2009.12.15 22:28

    ظهور العزراء ظهور حقيقى وهى ترشد الناس الى معرفة الرب يسوع والايمان بة لانة هو الحب الكامل ونور اللة الذى اتخذ جسد فبارك البشارية انة الحب الاعظم

  9. maia
    2009.12.15 20:42

    …..حضرتك بتقول ان العدرا مش بتظهر غير للمؤمنين بيها …والي عايزين يشوفوها بس..!!!
    …طب انا ذنبي ايه يا اخي العزيز لو انا كنت على ضلال او متبعة اي دين آخر …ليه العدرا ماتظهرليش وتهديني …وايه الفايده اني اظهر للمؤمن بيا وماظهرش للغير مؤمن؟؟ …مش جايز الغير مؤمن بيا لما اظهرله ربنا يهديه!!!!……والنقطة التانية بعد اذنك اضطهاد ايه الي حضرتك بتتكلم عنه…هل مصالحك بتتعطل في وظايف حكومية لمجرد انك مسيحي؟؟ هل يعيش المسلمون هنا في ظروف تعليمية وصحية وبيئية افضل من التي تعيش فيها… ما كلنا يا اخ ايهاب بنتنفس هوا زي الزفت ونشرب مية زي الزفت وناكل اكل مسرطن وتحت سحابة سوده…اضطهاد ايه الله يهديك…ياريت نشغل مخنا شوية…وبردو مستنية لسه رد منطقي على كلامي

  10. مسلم والحمد لله عربى جدااامصرى جداجدا جدا
    2009.12.15 09:03

    يسم اللله الرحمن الرحيم 
    اولا زمن المعجزات انتهى من قرون (كلامك ميه ميه يا عم عامر)
    ثانيا :
    اقسم بالله العلى العظيم  انى اومن بكل الانبياء والرسل عليهم جميعا  السلام وعلى  رسول الله محمد بن عبد الله افضل الصلاة والسلام ولو ان اى حد ظهر قدامى من الناس الصالحين حتى لو (بينور ويطفى قدامى )لن اغير ايمانى بالله ولا رسول الله الخلاصة حتى لو مكنتش خدعة ليزر الشيطان او ابليس يقدر يتحول او يشبة اى شي ليزيد فئة ضالة ضلال مصداقا لقول النبى (اذا رانئ احد فى المنام فكانما رانى فان الشيطان لا يتلبس بى) صدق رسول الله صلى الله عليه وسلم اذن ابليس يستطيع ات يتلبس فى كائن من كان الا رسول الله 
    الحمد لله الذى هديتنا الى الحق الاسلام

  11. محمد المسلم
    2009.12.14 23:27

    يا جماعة انا من ش 10 بالوراق وسمعت عن الموضوع دا بس المشكله مش في الي بدعه ولا الناس الي وقفو المشكله في الدوله ان هي سايبه الكلام دا انا مش بتلكم من منطلق السيدة مريم عليها السلام بس يتكلم ان الحكم العلماني الي بيحكم مصر دا لازم يكون فيه قله للدين بالطريقه المخزيه دي ودا نابع من الجهل بالدين والسنه الشريفة والي الحكومات عادة في مجتمع دول العالم التالت بتكون عاوزاه ينتشر

  12. الله اكبر
    2009.12.14 22:29

    اكيد ده ضوء ليزر اوطاقة كامنة

  13. امير
    2009.12.14 21:46

    شباااااااااااااااااب يا ريت بلاش تعصب من الاخر انا من الوراق والله العظيم والي جي الوراق انا عند الاسكان شارع مخزن الانبابيب القديم وانا شوفت الظهور بعيني والي مش مصدق يشرب من البحر

  14. FARAH
    2009.12.14 21:24

    لا الاه الا الله محمد رسول الله

  15. عـامر منيب
    2009.12.14 17:19

    بالمناسبه في الفيديو الثاني الموجود علي يوتيوب الولد اللي ماسك الليزر وموجهه واضح جدا وبيقول للاعمي انا اهو.. اتفرج عليها بالبطئ وابقي قوله المرة الجايه يستخبي كويس ..

  16. ميلاد ابو الخير
    2009.12.14 15:04

    باسم الله الواحد

    نرجو من الناس اللى مش عايزة تصدق هى حرة و لكن لا يتم التشكيك فى ظهور السيدة العذراء لانها واضحة و نرجو من الناس المؤمنة ان تأخذ بركة من ظهور السيدة العذراء و نرجو من الاعلام المصرى ان يبث لقطات الفيديو الموجودة على المواقع الكترونية و لا يتعامل مع الموضوع من وجهة نظر اخرى .

  17. عـامر منيب
    2009.12.14 14:36

    بص يا fosh من سنين وعمالين نقول برضه كل شويه ان المهدي المنتظر ظهر وان وان وان …قولي احنا تقدمنا قد ايه … هو الكتاب المقدس عندك يقولك تقفل مصنعك وتسيب اشغالك علشان تروح تقف خمس ساعات في برد ينافس بروده سيبريا علشان تتفرج علي نور … ولا الدين عند المسلم اني اروح واسافر واروح اماكن ما انزل الله بها من سلطان عشان اتكلم مع *** شيعي باطني هو السيد البدوي … يا اخوانا يا مصريين بالله عليكم فوقوا … امسك رغيف العيش وبص فيه شويه وكن عارف ان ده بيدخل بطنك واهل بيتك بياكلوه .. بص للزباله اللي في الشارع شوف بتاثر علي صحتك قد ايه … بص للمواصلات اللي كنا بنشبها بعلب السردين وعلب السردين احسن منها … والله انا حزين علي حالنا متخيلتش في يوم اننا نوصل لكده العالم بيفكر في وادي واحنا في وادي تاني … تعرف يا fosh ان البيوت اللي جمب الكنيسه دي بتاخر السطح للفرد ب3 جنيه للدخول … طب انت شفت الفيديو ؟ نور مش اكتر … لو ربنا عايز يورينا معجزه مش هيجيب لينا طاقه نور مبهمه المعالم مدامت معجزه ومن ربنا لازم تكون واضحه .. صدقني انا مش بضلك ولا بضل اي مصري – مسلم او مسيحي – انا لا يمكنني تخيل ان مثلا السيده مريم-عليها السلام- تظهر في مكان ويكون الناس علي علم وتلاقي واحد جمب الصليب واقف بيشرب سجاير وبيهيج الناس ده اساءه للمسيحيه صدقني … ثم ان قس الكنيسه ده معروف في الوراق بالشعوذه والسحر وربنا شاهد علي ما اقول … يا ابني العلم .. مرة واحده عشان خاطر ربنا خلينا نفكر بالعلم … انا لو قالولي ان الرسول ظهر هولع في اللي قال كده لان مفيش في قرانا وعد بانه هيظهر كده … للاسف احنا بنغطي وبنهرب من مشاكلنا بحبه عبط… طب انت سمعت الراجل المسلم في العاشرة مساء قال ايه؟ قال انه شاف السيده مريم في المنام ايام ازمه الرسوم المسيئه وكانت اطهر مما في الصور- عليها السلام- وكانت حزينه قالت انهم قد اذوا النبي كثيرا … علي اي حال ربنا يحفظ مصر من كل سوء

  18. احمد زاهر
    2009.12.14 14:23

    بالله عليكو انتو اغبية جدا كل المسحين و المسلمين شفوها وانتو برضو شوفو الصح فين بقى هتغلطو اية وله اية الحقيقة بتظهر

  19. fosh
    2009.12.14 13:13

    كااقباط لا يعنينا اي فكر اخر او تعاليم اخري خارج الكتاب المقدس العذءاء مريم ظهرت مئات المرات في اوروبا و تم التصديق علي هذه الظهورات من فبل الفاتيكان و مجلس الكنائس العالمي

  20. الفنك الليبي
    2009.12.14 12:35

    الشعب المصري والعربي عامه…………. عايز اي حاجه تلهيه علي ظروفه المتنيله ………………من بطاله وغلاء معيشه ومشاكل ليها أول ومليهاش اخر………… ليه تفوقهم يا عم عامر……… خليهم عيشين في الدور…….عمليه السيده مريم ……….فكرتني بقصه مضحكه…….زمان كان هلال شهر رمضان يري بالعين المجرده…………… وكان اول واحد يراه يأخد 100جنيه مكافئه ………………..بعد ان تتبت رؤيته والناس في حاله ترقب في سكون الليل ………………..خرج واحد سكير وقال للناس انتو بتبصو علي السما ليه ……………قالولو عيزين نشوف هلال رمضان فقال لهم السكير انتم مشفتهوش اهه……….. واشار بيده عشوائيا وللمصادفه بان الهلال حيث أشار ……………فقال له الناس حنديك 100جنيه قالهم 100جنيه حته وحده طيب…………. بصو تاني أهه فيه هلال ثاني…………هاتو 200جنيه بقي…هههههههههههه

  21. عـامر منيب
    2009.12.14 10:50

    بصوا بقي يا جدعان … اقسم بالله العلي العظيم اني من الوراق فياريت تسمعوني كويس عشان هاجيب من الخر … اولا السيده مريم عليها السلام ام سيدنا عيسي والايمان بسيدنا عيسي كنبي جزء لا يتجزء من حقيقه ايمان المسلم … لكن انا لا اصدق هذه الخرافات كما لا اصدق خرافه السيد البدوي وغيرهم …. قال تعالي … واذا سالك عبادي عني فاني قريب اجيب دعوه الداع اذا دعان… وانا امبارح رحت هناك اشوف الدنيا فيها ليه .. حقيقي انا امبارح اتاكدت الجهل متاصل فينا قد ايه … اتاكدت ان في ناس متخله عايزانا نرجع لزمن الاولياء والمدد والتخريف ده كله ناس عايزانا نغرق فيه سواء كنا مسلمين او مسيحين ..حاسس ان اللي بيروح اماكن زي السيد البدوي او اي مكان مشابه ليه بينادي ويقول فليحيا التخلف والرجعيه وليسقط العلم ولنبقي متخلفين في اخر الركب … مثلا علي سبيل المثال امبارح واحده داخله وبتحلف بالله ان هي ساكنه قصاد الكنيسه ومسيحيه وفعلا شافت السيده مريم طب ازاي اصلا ساكنه قصاد الكنيسه ومفيش قصادها غير البحر! شارع جانبي يمين قهوه شمال علي نفس الصف ..امبارح مثلا الاقي الالاف من البشر مسلمين ومسيحين سايبين اشغالهم ورايحين يشوفوا هتظهر ولالا؟ طب بالله عليك شباب واقف وقاعد جمب الصليب وعمال يشرب سجاير ويدخن لو هو فعلا متاكد من ظهروها حقيقه دون تزييف عمره مكان شرب سجائر او فضل يعمل زي مكان بيعمل امبارح .. انا مش عارف لصالح مين بالظبط اننا كل شويه ننشغل بامرو تافهه زي دي ..الناس يعني من همومها ومشاكلها والضغوط اللي عيلها بتلجا للخرافات والدليل علي صحه ما اقول كميه الاتصالات في برنامج العاشره مساء … اللي قولك انا شوفت عفريت واللي يقولك شفت شبح ابيص واللي يقولك شفت نجمه بتبرق وكلها في مناطق مختلفه ناس بتبع الوهم …يا مصريين حقيقي عيب كده ده احنا كلنا – مسلمين ومسيحين بنتسرق وبنتنهب ..فوقوا بقي شوفوا العيش اللي بتاكله الزباله اللي ماليه الشوارع المواصلات والتعليم والبطاله ..كفايه وهم …اخر كلام ليا هاقوله -ده من غير ما اكد موضوع الليزر ده – ان فعلا صدق اللي اتصل امبارح بالعاشرة مساء وقال ان شوفوا اوربا بتتظاهر وبتتجمهر لايه واحنا بنتجمهر لايه ..وعلي اي حال الامر ده لا ينقص من ايمان المؤمن الحق مثقال ذرة..فمن شاء فليومن ومن شاء فليكفر …فليسقط العلم


    

أكتب تعليقك