حادث قطار المنيا : احداث سمالوط مؤشر جديد على العنف الطائفي

نشر وتحرير: في Wednesday, January 12, 2011, 6:47
هذا المقال نشر في قسم: اقرا الحادثة | ويحتوي على: 101 تعليقات فقط .
حادث قطار المنيا

حادث قطار المنيا

 

حادث قطار المنيا

احداث سمالوط مؤشر جديد على العنف الطائفي

مصريات

الجواب يعرف من عنوانه هذه الجملة نرددها دائما في حياتنا العامة ويبدو أن عنوان هذه السنة 2011 هي تفجيرات الاسكندرية التي اعقبها بفترة وجيزة نوعا ما حادث قطار المنيا أمس ..

مع عديد من علامات الاستفهام التي حملها حادث قطار المنيا سمالوط  وهو هل هذه رسالة اخرى للاقباط بأن يتركوا البلاد ان عاجلا ام اجلا ويحذو حذو غيرهم بالتنازل عن ابسط حقوقهم وهو العيش بأمان ..

وهل سنتعامل مع حادث قطار المنيا وغيره بسذاجة وسطحية ونردد شعارات تم افراغها بشكل او بآخر من محتواها الحقيقي من نوعية لا توجد طائفية ولا فرق بين مسلم ومسيحي في مصر ..

وبعد وقوع حادث قطار المنيا ماذا ينتظر اصحاب القرار للاعتراف بأن احداث الاسكندرية و حادث قطار المنيا وغيرها طائفية وسببها ابواق الفتنة التي تجهر طوال الوقت بضرورة تحجيم دور الاقباط بالمجتمع المصري …

ولما لا يكون المختل الذي ارتكب حادث قطار المنيا وقتل مسيحي واصاب مسيحيين اخرين تابع لنفس المختلين الذين نفذوا تفجيرات الاسكندرية فهناك وجه تشابه بين الحادثين وان اختلفت طريقة التنفيذ وقد حملا رسالة الى الاقباط واضحة وصريحة مفادها انه انت قبطي اذا انت مستهدف ..

اخيرا ولنفترض جدلا بان مرتكب حادث قطار المنيا مختل عقليا هل سيغير هذا شيئا مما يشعر به المسيحيين من شعور بالحزن والاحباط خوف قلق و ترقب لاحداث طائفية اخرى .

اخبار ومواضيع ذات صلة:



101 التعليقات في “حادث قطار المنيا : احداث سمالوط مؤشر جديد على العنف الطائفي”

  1. عادل
    2011.01.19 20:41

    فى برنامج 48 ساعة الذى يذاع على قناة المحور فى الساعة التاسعة مساء” يوم ( الخميس 13/1/2011 )
    البرنامج إستضاف الشاب (محمود عبد الباسط ) شاهد العيان الذى كان يركب قطار المنيا الذى شهد حادث اطلاق النار من طبنجة مندوب الشرطة على الأسرة المسيحية و أمسك الشاب بجاكيت القاتل وكان السبب فى القبض علية
    وعندما سألتة المذيعة هناء سمرى وقالت لة إحكى لنا كنت قاعد فى القطر بتعمل اية ؟
    فصرح هذا الشاب علنى فى البرنامج امام العالم كلة على الهواء مباشرة” مرتين فى البرنامج أنة كان يجلس فى القطار وهو واضع سماعات فى أذنية و فاتح الراديو
    وعندما سألة مقدم البرنامج سيد على وقال لة مخوفتش من صوت الطلقات النارية فرد علية
    و فال أنا كنت واضع السماعات فى أذنى
    وهذا يثبت فعلا” أنة لم يسمع القاتل وهو يردد الشهادة أثناء إطلاق النار على المصابين اللذين صرحوا بذلك و كذبهم أقوال الشاهد محمود وقال أن القاتل لم ينطق بكلمة واحدة و السبب أنة فعلا” لم يسمع كلام القاتل بسبب لبسة للسماعات و سماعة الراديو
    على فكرة ممكن تتأكدوا بنفسكم من مشاهدة فديو البرنامج الموجود على النت

  2. حسام
    2011.01.19 01:04

    يا جماعة الموضوع ابسط من كدة ……….. مهو كل يوم والتانى بتحصل جريمة قتل …. ومحدش بيعمل الظاطة دى كلها ولا يعنى علشان الجرايم التانية بتكون بين بين المسلمين وبعض او بين المسيحين وبعض ……. مهو دى جرايم قتل ودى جرايم قتل , يا جماعة يعنى احنا هنبقى مبسطين لما نلاقى قوات حفظ السلام الى هية مش لحفظ السلام ولا حاجة تدخل مصر بصو احنا دلوقتى عيشين ازاى و لو دخلو هنبقى ازاى ……… حرام عليكم احنا كدة هنضيع بلدنا بادانا …… طيب والله العظيم انا ومسافر قبل الأمتحنات كنت مسافر 7 ساعات مع واحد زميلى مسيحى ولا انا حسيت انو بيعملنى على انا مسلم ولا هو حس انو انا بعاملو على انو مسيحى ,,,,,, طيب انا عندى فكرة حلوة له بدل منقول مسلم قتل مسيحى نقول مصرى مزنب قتلى اخوه المصرى وللمرة التانية يا جماعة خلو بالكم ممكن فى لحظة لو محطناش ادانا فى ايد بعض نلاقى حصل لمصر مثل الى حصل للعراق مش هقول اكتر من كدة وانا كمسلم الى النخاع اعزى الضحايا المصريين اللذين ماتو فى حادث الأسكندرية ……..

  3. زيكو
    2011.01.17 01:53

    الحكومه مش بتفرق بين مسلم ومسيحي الشعب كله في وادي والحكومه في وادي تاني دي عصابه ياجماعه ومش عايزنا في البلد معاهم  القتل عندهم زي المحاضر والمخالفات               ربنا يصبرنا  علي الفقر والبطاله والفساد 

  4. الحقيقة
    2011.01.16 23:33

    كل الناس غايبة عنها الحقيقة مفيش حد هيقتل من الباب للطاق اكيد حصل شئ بينهم خلاه يعمل كدة اكيد

  5. المصري
    2011.01.15 18:43

    الاخوة الاعزاء اولا الحكومة مبتفرقش بين مسلم ومسيحي ومفيش عنصرية في مصر دي مصر اكثر من 80مليون وارد الاشياء دي طيب المسلمين بتحصل بينهم حوادث قتل وبعدين الحكومة بترفض ترخيص السلاح حتى للمسلم والواحد بيشرب الامرين علشان يدخل شرطة سواء مسلم ولا مسيحي دي امور الاثنين فيها سيان المواضيع فتن ربنا ينقذنا منها ونينا محمد صلى الله علية وسلم وصانا بحسن الخلق وكذلك باقباط مصر عودوا الى رشدكم اخوتى مسلم ومسيحي وارجو ان محدش يكون محراك شر كل كلمة الانسان ها يحاسب عليها من الواحد الاحد الذي لم يلد ولم يولد ولم يكن لة كفوا احد خالص التعازي للاخوة المسيحيين

  6. الجرئ
    2011.01.15 17:47

    ايه الهبل بتاع مسلم و مسيحي ده و الله ضحكتوني اكننا في ماتش اهلي و زمالك ايه يا جماعه ما كلنا مصريين و السيئه تعم يعني و اللي حصل ده مسنا كلنا مسلمين و مسيحين بس ودا خلاصة الموضوع…………

  7. اشرف اشرف
    2011.01.15 14:26

    العدل اساس الملك المسيحي ذو الاملاك الكثيرة عند طلب ترخيص سلاح لا يحصل عليه بينما المسلم الذي لا يملك ايه اشياء يتم ترخيص سلاح له بكل بساطة المسيحي لا يتمكن من دخول كلية الشرطة الا بعد واسطة كبيرة ودفع الكثير من المبالغ المالية حتي في الجامعات من الصعب ان يكون دكتور جامعي هذه هي سياسة الدولة التي نسيت ان مصر اساسا قبطية والان كل من اعطته الدولة سلاحا ليحمي به الناس يجاهد به في سبيل الله ضد الابرياء ماذا فعل المسيحيون لكل ذلك هل ان الصوم والصلاة يضايقون المسلمين لا يتضايق من ذلك الا ابليس والمسيحيين لم يصنعوا شرا باحد مثل السيد المسيح ملك السلام المسيحيين لا يخافون الموت قال السيد المسيح لا تخافوا من الذين يقتلون الجسد بل خافوا من الذي له سلطان ان يهلك الروح والجسد في ان واحد المسيحية قوية والا لما بقيت للان لانها استطاعت ان تجعل الجلاد وقاطع رؤؤس الشهداء بان يصير مسيحيا كل يتصرف حسب عقيدته وتعاليمها ربنا يسامح الجميع صلوا لاجل الذين يسيئون اليكم ويرحم الشهداء ويعزي اهاليهم

  8. sara
    2011.01.15 06:27

    احب ارد على الاخ الواحد المصرى: الكلام ده مفيهوش منطق . شئ مش منطقى انك تموت انسان او تقتل روح طفل و انسان برئ علشان شوية طوب و رمل على الاقل شئ مش انسانى و المسيحية تعرف الانسانية كويس جدا اكتر من انها بتعلم تعاليم ربنا انما بتعلم الانسان يكون اكثر انسانية من زى قبل انما اللى انت بتقوله مفيهوش اى انسانية و لا رحمة و على مر التاريخ عمر ما المسيحية عرفت دم او كان مبداها القتل و الفتح و الغزوات بل كان مبدا المسالمة دائمة . اما عن ما تدعوه خطف المسلمات فانت للاسف انسان جاهل و لو قى بلدنا غيروا مبدا تغير الديانة فى البطاقة لكنت رايت بكرة امام السجل المدنى الالاق يريدون ان يغيروها الى مسيحيين . للاسف انت اللى قاعد مش دارى بالدنيا حوليك خليك مثقف اكتر من كده.

  9. mimi
    2011.01.15 02:44

    لو ما اتحكمش بالعدل بشنق ارهابى القطر . وشنق ارهابيين نجع حمادى . علاني________________ة امام العالم اجمع ! هتبقى اكبر فرصة للخارج للتدخل فى الشأن الداخلى , وحمايتنا , وتصحيح القوانين الدولة المسلمة الى قانون مدنى عادل , يكون فيه دم المسلم = دم المسيحى . وهيكون هناك انفلات امنى واضح بسبب زيادة الاحتقان الى ابعد مدى وكمان الخوف الشديد داخل الاقباط فى الحياة العادية === من الموت فجأة . ربنا موجود وربنا يستر ……

  10. حزين على مصر
    2011.01.14 19:34

    لقد اصبح جميع المصريين يعيشون فى رعب وخاصه اقباط مصر من شمالها ال جنوبها الرعب مهيمن على الجميع داخل البيت وخارج البيت – فى العمل فى الإتوبيس فى القطار فى الشارع العام فى الكنيسة طيب نروح فين ونقول يامين غير يارب لأنه قال فى العالم سيكون لكم ضيق لكن ثقوا انا قد غلبت العالم فمهما حدث ومهما سيحدث فإن مسيحنا والهنا قوى قوى فوق الكل وسنظل اقوياء والرب معنا لأن ان كان الرب معنا فمن علينا والرب يعين جميع المصريين كما قال فى اشعياء النبى مبارك شعبى مصر وقال مصر لم يقول اى بلد اخرى فمصر مباركة ياعالم – مصر مباركة بزيارة المسيح والعذراء ويوسف النجار وقدسوا ارضها وترابها ولهم مزارات فى انحاء كثيرة معروفة بمصر والرب يعيننا ويقوينا كمان وكمان

  11. حزين على مصر
    2011.01.14 18:46

    اصبحت مصر ولكل المصريين الداخل فيها مفقود والخارج منها مولود – حرام حراااااااااااام اللى بيحصل دة فين الأمن والأمان – فين السلامة التى يعيش فيها المصريين اصبح الخوف والرعب يملإ قلوب كل المصريين – طيب ليه وايه السبب ولحساب مين ؟ كل ما يحدث – اول حدث فى الأسكندرية والثانى فى صعيد مصر يعنى الإرهاب اصبح منتشر ومتشعب من شمال الى جنوب مصر – فين الأمن – هل نستعين بأمن لحماية مصر من الداخل حاشا وحاشا لأن امننا اقوى ممن تتصوروا باس الموضوع عاوز شوية شد وضبط وربط – عاوز شوية اهتمام من الجميع

  12. محمد فرج
    2011.01.14 16:24

    دى يد من الخارج مصلحتها الفتنه بين المسحيين والمسلمين والمقصود الاساسى بلادنا مصر فهى مطمع للكثير منذالعصور الاولى

  13. لا فرق
    2011.01.13 22:50

    من امتى وكان فيه مسلم ومسيحى كلنا مصريين وياريت الناس كلها تفهم كده دمنا واحد ارضنا واحدة سكتنا واحده شغلنا وارضنا وبيوتنا وعشرتنا واحده من امتى وكان فيه فروق طائفيه ياريت بلاش تعصب اعمى والناس تفوق وتبص كويس تحت رجليها ونخاف على بعض احنا على ارض واحدة وبلد واحد وكلنا فى مركب واحد وكلنا محتاجين بعض ولازم نخاف على بعض اعز اصحابى مسيحين وجيرانى مسيحين حرام عليكم كفايه كده اللى بيحصل فينا ومعانا كفايه بقى

  14. الصقرالأبيض
    2011.01.13 21:48

    اخواني نحن نعلم ان لا فرق بين عربي واعجمي الا بالتقوى …. نحن كلنا عباد الله وهو الذي سيحاسبنا على اعمالنا ومعتقداتنا فدعو الحساب لصاحب الحساب …. وارجو القصاص العادل لمسبب حادثة القطار

  15. لا حول ولا قوة الا بالله
    2011.01.13 21:41

    انا مسلم والحمد لله
    بس احب اقولكم ان اعز صاحب ليا مسيحى وليا الشرف انه يكون صاحبى واقولكم انى بأتمنه على بيتى واسرتى
    لا فرق بين مسلم ومسيحى فى البلد دى يا ناس

  16. وجدى جرجس
    2011.01.13 20:55

    حرام حرام

  17. مسيحيين مطهضين
    2011.01.13 20:49

    بنسمع كلام وقصايد كتير
    هل الشرطة ماتقدرش توقف المهازل ؟
    هل الشرطة متهاونة؟
    هل الشرطة غير قادرة على امن واستقرلر مصر؟

  18. ياسر محمد نصار
    2011.01.13 18:45

    كفيانا فتن دا احنا فى مغارة فتن اتقوا الله لافرق بين مسلم ومسيحى كلنا اخوة واحنا كمسلمون نقول لااخوه المسحيين نحن واحد ودم واحد وبلد واحدة ونعيش وناكل فى طبق واحد وكفايا فتن لالالالالالالا للارهاب

  19. مسلم مصرى
    2011.01.13 17:33

    ارجوا من الجميع يعلم جيدا ان فيه ناس بتكتب انها مسلمه وناس بتكتب انها مسيحيه
    من اجل زعزعة النفوس وان تكبر الفتنه وتنموا
    اتقوا الله اتقوا الله اتقوا الله

  20. مسلم مصرى
    2011.01.13 17:19

    لساحر الملهم
    2011.01.12 20:44

    من نبوءات استر داموس ( وفى مصر بلد يسكنها الموت والتى يقال لها المنيه ويخرج منها الكفيف (طه حسين) ويخرج منها العنيف(الاسلامبولى)وتصير اعنف بلاد مصر باقى النبؤه اقراها فى كتاب الامم القادمه
    رد……………………..
    ياساحر
    اولا الكتاب اسم تنبؤات نوستراداموس
    ثانيا فى اى قرن من القرون الخاصه بالكتاب قال كده من فضلك
    ثالثا ايه هوه كتاب الامم القادمه ده ياملهم

  21. نور العالم
    2011.01.13 16:07

    انا مسيحى واخويا كان فى قطار سمالوط وكان فى العربة المجاورة للحادث
    اكيد الخطر قريب من كل واحد مسيحى وبلاش نضحك على نفسنا الشخص دا مش مختل دا موضوع مفروغ منه
    الحل :
    لو دى فتنة نحاول نحاربها
    لو دا عدوان علينا من بره (تنظيم قاعدة او اى حد ) نواجهه
    لكن اللى ممكن يدمر بلدنا اننا نقعد نتكلم سواء من حكومة او ناس او اعلام لكن مفيش واحد فى مصر عارف يدينا حل فعال
    بقول لاى واحد شايف ان دم المسيحى حلال ومباح انسى احنا محمين وريح نفسك ومتتعبهاش
    بقول لكل اخ مسلم : ان ليا فيكوا ناس بعزها جدا ووقفنا مع بعض وقفات رجاله فى مواقف كتير حاول تفكر ازاى تواجه الناس اللى عايزة تكرهك فى اخوك المسيحى
    بقول للناس المتخلفة اللى بتغلط فى رموز الدين سواء مسيحى او مسلم ربنا يخلصنا منكم علشان انتم سبب البلاوى اللى بتحصل
    شخصية هذا الاسبوع ( شيخ الازهر) تعجبنى صراحته الشديدة وحبه للاقباط(فعلا رجل من الصعيد)

  22. راضى
    2011.01.13 11:41

    تذكروا الارهاب فى فترة التسعينات و احصوا عدد المسلمين الذين استشهدوا—- تذكروا حادث قطار الصعيد الذى حرق قبل عيد الاضحى —– كم عدد المسلمين—– فاقولها ان التطرف موجود فى كل الدول و الاديان و الافكار لكن— هذه الجرائم هى تطرف دولة لا تطرف دين– و الدولة معروفة فعدو الله معروف و قريب مننا واصبح جارانا—وجارنا خسيس و الخسة ليست جديدة عليهم –وعليهم ان يعلموا ان مصر امنة رغم انف الجميع— فالجميع يعرف ان مصر اعظم من ان تنهار بعمل ارهابى– فمصر ليست عصابة عملت دولة فمصر مثل الذهب غالى فى كل الازمان ولا نحزن اذا شابه بعض التراب فهو لا ينقص منه–فادعوا المصريين ان يحافظوا على البيت الذى اذا انهار — لن نجد له بديلا– ولن يقبلنا احد—فبيتنا اولى بنا– واراهنكم ان اكثر مصرى معذب فى العالم هو البعيد عنه مهما كانت ومهما ستكون—- ومش كلام شعارات

  23. راضى
    2011.01.13 11:19

    (لعن اله الفتنة ومن ايقظها) –( الفتنة اشد من القتل) — ( لكم دينكم ولى دين)–( وستجدن اقربهم مودة للذين امنوا الذين قالوا انا نصارى)– ( استوصوا خيرا باهل مصر فان لهم ذمة و رحمة)–( المسلم من سلم الناس من لسانه ويده)– —الخ– هذا هو الاسلام فلا تنسوا عمر بن الخطاب الذى رفض الصلاة داخل الكنيسة و صلى على بابها خوفا من ان يقال هنا صلى عمر فيصبح مسجد — و القبطى الذى سافر من مصر الى المينة المنورة شهورا حتى يشكى عمرو بن العاص (حاكم مصر) من الذى جعله متاكدا الى هذا الحد انه سياخذ حقه واخذه— ومن متى والمسلم فى مصر يتضطهد المسيحى ( نغمة جديدة) مخطط لها وانظروا حولكم فى البلاد العربية و الشرق الاوسط سوف تجدونه (ملتهب)–( تقسيم دول- مشاكل مياه- صراعات عرقية صراعات حدودية- ——-) ولماذا مصر تبقى غير امنة– لانها الشوكة فى جسد المتربصين لكن و بثقة– وهذا كلام سيد البرية خاتم الانبياء والرسل ( من اراد هلاك مصر اهلكه الله ) نصيحة اقرأوا كتاب بروتوكولات حكماء صهيون

  24. الفنك الليبي
    2011.01.13 09:26

    قلتها واكررها…….هناك من يعمل لفرض سودان جديد وتقسيم مصر الي دولتين علي اساس ديني وممكن علي اساس عرقي………قلنا قبل بخصوص السودان ……….فضحكو الجميع……….قد يكون هذا الجندي مختل لو استغلو اختلاله المشكله ليس فيه……….المشكله في من وجهه بطريقه او اخري…….اتوقع المزيد من الاحداث التي تكرس ان المسيحيين ميتهدفين في مصر ………والتي تجعل التدخل الاجنبي ملاذ والانفصال حد………انتظرو ارهصات كتيرة وكبيره بلعبون علي تغيير وجوه……..وتقسيمات شرق اوسطيه جديده……وكما قلت انتظرو المزيد.

  25. احمد
    2011.01.13 08:40

    حد يعرف اية مين اخد كاس العالم سنه 70

  26. علي
    2011.01.13 07:12

    حسبي اللة ونعمة والوكيل ايام الرسول صلي الله علية وسلم مكنشي في الكلام دة بس احنا عرب ودي جواسيس امريكا داخل مصر علشان مش عارفين والله يوصل لحاجة مع مصر لان شعب مصر مش بييئس من حاجة غير الفقر الي بيعاني منهو وياريت الناس دي تعرف انا في اية بتقول لكم دينكم ولى دين في صورة الكافرين والمسلم اخو المسيحي في مصر طول العمر الي يوم الدين وان شاء الله مصر هتفضل في امان

  27. الحجر الازدى
    2011.01.13 04:55

    مزبحة المنيا من كام سنة طلع الفاعل مختل وحادثين الازهر مجنون والاسكندرية مجنون وحادث قطار المنيا مجنون 
    لالالالالالا تعليق

  28. sara
    2011.01.13 02:37

    ايه الجمال ده اول مرة اعرف انه فى صعيد مصر مختليين تحت العلاج النفسى و الله ده شئ كويس جدا و فين بقى الدكتور اللى كان بيروح له الاخ المختل ده و بيتردد عليه ده, مين الدكتور الجرئ اوى ده اللى راح فتح عيادة علاج نفسى فى الصعيد ياريت وزارة الداخلية تتدنى اسمه و عنوانه علشان اروح اتعالج عنده من اللى بيحصل اليوميين دوال.

  29. أحمد المصري
    2011.01.13 02:16

    أخواني الأعزاء , يبدو أن الذي أراد الوقيعه قد حقق مراده , وحيث أننا جميعا متفقين أن الأختلال العقلي هو الأسطوانه المشروخه الجاهزه عند الحكومه واللي مش عارفه تخترع حاجه جديده عشان تسكت بيها الناس , فهذا يجعل مآساتنا و اليأس حاله عامه يصعب تغييرها في زمن سبقتنا فيه حتى أصغر الدول الى الأعتراف بحقوق الحيوان و لكن للأسف في بلدنا الحبيبه حتى الآن لا نعرف يعني أيه مواطنه و حقوق المواطن المصري , و المشكله الحقيقيه أننا أحنا اللي عملنا كده في نفسنا و سكتنا على الحق البسيط ده , لقد عبرنا الى عام 2011 و مازال الجهل و التخلف يضرب أطنابه بنا و هو الشيئ الوحيد الذي نتعامل به , من منا لا يفزع عندما يرى ظابط أمامه و كأنه مارد عظيم يستطيع أن يخسف به سابع أرض حتى لو لم يفعل أي شيء يهدد الأمن أو أنه بالبلدي “في السليم” , نحن لم نعبر عن أرآئنا بجديه و كل ما حصلنا عليه حتى نهدأ هو شوية حرية صحافه و أعلام “لزوم التنفيس” حتى لا نصل حد الأنفجار من الغضب .
    أما المشكله الأكبر في رأيي أننا دائما ما نهرب من هذه الحقيقه الى الدين و رجاله و أصحاب الحكمة فيه الذي يوجد الكثيرين منهم يستمتعون بهذه القياده و يلهثون وراء الأكثر و الأكثر من مريديهم , فلما منعوا في أن يتكلموا في السياسه بحثوا عن شيئ آخر ليعلنوا من خلاله أنهم الأجدر على قيادتنا و أنهم السبيل الوحيد للخلاص . أنهم يستعملون أدياننا ضدنا بغسل أدمغتنا التي تبحث عن حل , و بعضهم أيضا يحصل على مقابل مادي لأنه أيضا يبحث عن لقمة العيش و يرى أنه عندما يقبض ثمن فعلته من رجل دين فهو يؤدي رساله آلهيه و أن مثواه الجنه و لا يرى الجزء السليم في الدين الذي يقول من قتل آمنا بغير ذنب فأن مثواه جهنم و بئس المصير .
    لقد قرأت الكثير من التعليقات على هذا الموضوع و كنت قد هممت بالبحث عن شيء أخر بعيد عن هذه الأحزان ألا أن الذي أعتصر قلبي و جعلني أكتب تعليقي هذا الكثير من التعليقات التي رأيت فيها أن الذي صنع الفتنه أستطاع بنجاح حتى الآن في تقليبنا على بعض , فالأخ الفاضل صاحب أسم “واحد مصري” الذي أخترع تعليقا صفيقا و لا يستحق عليه سوى لقب جاهل عندما يقول :( وليه ما يكونش النصارى وراء كل الأحداث دي ومدبرها لهم رأس الأفعى شنودة علشان يحققوا مكاسب زي بناء كنايس وإشعار العالم بأنهم مضطهدين وتغطية جرايم خطف المسلمات الجدد وسجنهم في الأديرة) و أعظم ما في جهله أن يطلق على نفسه أسم واحد مصري ووهو أحد الذين يجب علينا جميعا أن نحرص من سمومهم المبثوثه بيننا, فمن أنت حتى تتهم الرجل الفاضل البابا شنوده و تنعته بهذا اللفظ الشائن و من أين لك أن تعرف أنه مدبر لهذا العمل وهو الذي جميعنا أدركناه صغارا و كبارا و منذ زمن طويل بمثال الرجل المتسامح الخلوق الذي أنما يعمل راعيا صالحا لأبناء دينه الذي هو حقه الطبيعي و حق أبناء رعيته عليه, لقد تعايش أبناء مصرنا الحبيبه مسلمين و مسيحين و حتى اليهود عندما أنعموا بوجودهم بيننا في وطننا الحبيب بالأمن و السكينة و السلام لأكثر من ألفين سنه , الجار بالجار يبادله المحبه و الأخوه , يعيده في مرضه و يشد من أزره , يضاحكه و يحزن لحزنه و يفرح في فرحه , من منا لا يوجد له جار مسيحي أو صديق أو زميل في العمل يأتمنه سرا أو يشاطره أفراحه و أحزانه, لقد حق على بعض الأخوة المسيحين أصحاب التعليقات أن يحزنوا لما يحدث و أن كانت تعليقاتهم قاسيه الى حد ما , فهو شيئ لم يسبق أن حدث على بسيطة مصرنا الحبيبه و لقد حق علينا جميعا كمسلمين أن نحزن ايضا لحزنهم و أن نحزن جميعا على بلدنا ليس لأن مختل عقليا فعل هذه الجريمه بل أقول جاهل أقتيد من أجهل منه بل و كان من بيننا من أضاف تعليقا أجهل من الجهل, اللهم أحفظ لنا هذا البلد آمنا من العابثين بأمنه و الجاهلين الذين هم أخطر بكثير من المدبرين , و يظل عزائي الوحيد لنا جميعا أن بيننا الكثيرين الذين يعلمون من هو العدو الحقيقي و الذين لا يلعنون الظلام بل يضيؤن شموعا لنا جميعا مسيحيون و مسلمون لنرى طريقنا الى الحق و الأمان لأننا جميعا مصريين نفخر و نعتز بهذا و لنا الحق جميعا أن نتعايش في حب و أخاء و سلام و أن ننعم بهذا البلد الحبيب و بخيراته .

  30. محمد
    2011.01.13 01:28

    بدون افعالالت الاسلام لا يحس على القتل بغير حق وانتم مازا فعلتم حتى نقتلكم
    لا تاحذ العاطل بالباطل كما يقلون وانما تمعن لمن من مصلحته ان تقوم فى مصر فتن طائفيه

  31. اسلام
    2011.01.13 01:08

    الوحش يغور ومش كل الناس وحشه فيه مسلمين وحشين وفيه مسحين وحشين بس الى يسيب حقه ميبقاش راجل

  32. أمين
    2011.01.13 00:33

    الأخ المجد يا سيدى دم المسيحى غالى علينا وبلاش تهيج الناس الفتنة الطائفية غريبة على مجتمعنا والكلام الفارغ اللى لا يودى ولا يجيب بيخلى ناس جاهلة ومشوشة بتتطرف وبتنفعل نتيجة لكلام خايب من ناس مش فاهمة حاجة ومش عارفة أن مصر كلها مستهدفة والمواضيع دى بتخلى رأس المال الأجنبى يهرب من الأستثمار فى مصر يعنى خراب مستعجل فيا ريت بلاش الأنسياق وراء الفتن أصحوا بلدنا مصر فى خطر وبندق ناقوس تحذير لحضراتكم أصحوا وفوقوا …ملعون أبو الأرهاب والأرهابيين ..نحن فى محنة ..اللهم أحرسنا من شر الفتن والأرهاب

  33. وليد هوبه
    2011.01.13 00:20

    ياجماعه بجد الشباب زهقت مسلم ومسيحى فى الشغل شغلازا الشباب لو مش عايزين فتنه فى مصر حرام كده الحكومه دى كفايه عليها كده بقى حرام بجد كل الى بيحصل فى البلد ده وربنا يستر على مصر الايام دى

  34. "ان الدين عند الله الإسلام"
    2011.01.13 00:13

    أولا:الحمد لله موضوع ان واحد مسلم يؤذى نصرانى أويهودى ده حرااااااااااام وربنا سبحانه وتعالى أمرنا أن نبرهم ونقسط اليهم طالما لم يقاتلونا . ثانيا الى الان لم يتبين من فعل احداث اسكندرية ثالثا:كل المشايخ المسلمين انكروا هذه الجريمة ووصفوها بالشيطانية وايضا منصفوا النصارى قالوا من فعلوها يهود.خامسا:الذى انقذ القطار شخص مسلم وهذا دليل على كل ما سبق.سادسا…….وسابعا ………لسه كتير بس مش عايز أطول

  35. دكتور محمد اسماعيل
    2011.01.12 23:46

    للأخ العبقرى صاحب السؤال لية العنف بيحصل من مسلمين فقط ما هى القضية واضحة واللى عايز يعمل مؤلمرة هايشترى بعض زوى الذمم الخربة من المسلمين ليضرب بهم الأقباط وتقوم فتنة وبيلعب على وتر حساس وبعدين انت اية عرفك انهم مسلمين هوة انت عبقرى زمانك واكتشفت السر المخفى انهم مسلمين وهوة فية حد لسة عرف حاجة ياخى داحنا قاعدين مع اصدقاء لينا وعشرة عمر ومسيحيين وزى الفل وبناكل ونشرب مع بعض وعيش وملح وانا لييا اصدقاء مسيحيين اكتر من المسلمين والأرهاب دة فى كل حتة فى العالم ماهو فى امريكا فية واحدة عضو فى الكونجرس انضربت بالنار وماتو ستة وفى قلب امريكا وفكل انحاء العالم خلينا بقى عاقلين وبلاش ننتهز الأحداث علشان نقطع فى بعض ما احنا طول عمرنا عايشين وحلوين مع بعض اما اللى عايزين ينتهزوا الفرصة ويلعوها نار احب اطمنكم مش هاتجحوا لأن احنا مسلمين ومسيحيين مدركين تماما ان بلدنا مستهدفة وشفتوا اللى حصل للعراق واهو حاليا فى السودان تقسيم ومؤامرات بس شعب مصر واعى بمسلمية ومسيحية ولن تصل يد الشر للنيل من هذا البلد وهاقولهلك كلمة المسيحسسن المحترمين من ابناء هذا البلد قبل المسلمين هايدافعوا عن وحدة وصلابة هذا البلد والأيام هاتثبت لك وانا مسلم ومن اشد المدافعين عن وحدة هذا الوطن مع اخوة كثيرين بل بالملايين من المسيحيين الذين تربطنا بهم علاقات وطيدة وليس مجرد حدث عارض تقوم تقول الكلام دة داحنا شاربين من مية النيل منذ الأف السنين ياراجل شغل مخك شوية تعرف الضرب دة جاى منين

  36. shereen
    2011.01.12 23:09

    والله الواحد مش لاقى كلام يقوله غير حسبنا الله ونعم الوكيل فى كل واحد يفكر يأذى روح خلقها ربنا مهما كانت عقيدة هذه الروح فى النهاية ما يحاسب الروح الا اللى خالقها وربنا يلطف بمصر والمصريين جميعا 

  37. اعجوبة
    2011.01.12 22:38

    بامانة الواحد مش عارف يقول اية كل شوية مجنون عبيط يبقى البلد كلها مجانين ازاى يعرف يمشى من بيتة اومن الجامع الى شحنة او من مقر عملة وعرف يفرق بين المسحين والمسلمين دة نوع جديد من الجنان يعرف يفرق بين الناس اكيد انت فى مصر بلد النفاق والكذب والخداع  يبقى انت اكيد فى مصر

  38. احمد
    2011.01.12 22:36

    والله انا مستغرب هو امتة اختل عقليا بعد الحادث طبعا دى كذبة اول السنة الجديد يا جماعه فى حاجة غلط وسببها الحكومة متنسوش انحنا داخلين على فترة انتخابات رئاسية وممكن ودة الاكيد هيفرضو حالة الطوارى تانى على شان البلد فيها ارهاب والله الحكومة هية سبب الارهاب وحال الناس الى هية فية اشمعنا يعنى المسيحيين طيب اصحاب الدين الى عاملين نفسهم جهاد وخلافة من الكذب الى بيصدقوا انفسهم بة طيب فية بيوت دعارة فية كابريهات وما ادراك مافيها يا خوانة سيبوا الاخوة المسيحيين فى حالهم والله هما احسن مننا على الاقل هما بيعملوا بجدا وبجهد اسمعت عن واحد مسيحى ماشى غلط او بيتردد على بيوت الدعارة الا شواذ منهم كلهم فى مصالحم والله حرام يابلد انا واحد من الناس ومسلم واغلب اصدقائى من المسيحيين وكلهم ماشاء الله عليهم زو مناصب رفيعة وبنحب بعض بحدا مش نفاق حسبنا الله ونعما الوكيل فى كل واحد عاوز فتنة بيننا فى هذة البلد وكفاية نخدع نفسنا اكتر من كدة مختل عقليا قال ههههههههههههه من البلاء ما يضحك

  39. المجد
    2011.01.12 22:35

    على فكرة انا مستغرب جدا من اللأخوة المسلمين انتوا فاكرين لما مروة الشربينى اتقتلت فى المانيا الدنيا كلها قامت و ماقعدتش علشان واحدة اما بالنسبة للمسحين عادى لما يموتوا و يتقتلوا وبناتهم تتخطف عادى خالص دى موأمرات خارجية ربنا يرحمنا اعرفوا الحقيقة يا مسحيين احنا دمنا **** افهموا بقى واصحوا

  40. مصرى وبحب بلدى
    2011.01.12 22:35

    على فكرة بقى هو مش مختل هم اللى عايزينوة كدة يعنى بمزاج اللى عايز ويدخل سجن ويتقبض علية وياخد حكم امام التلفزيون والناس كلها تقرا الجرايد مرتكب حادث كذااااا اخد اعدام مثلا ولاكن اعدام مع ايقاف التنفيذ وغيرة وغيرة لية بقى لان الحكومة هى اللى عايزة كدة وفى الاخر هى اللى هتحكم يعنى بصراحة ثمن المسيحى المتوفى 20000 الف جنية والمصاب 5000 احسب كام مسيحى فى البلد يبقى المجموع كام اخيرا زى ماقال رب المجد ثقو انا قد غلبت العالم

  41. المسيحى
    2011.01.12 22:34

    انا بضم صوتى لصوت اخواتى المسيحين واعزيهم واقول لهم ربنا يصبرنا والمودوع دة مينفعش السكوت علية

  42. أمين
    2011.01.12 22:33

    مصر مستهدفة والجاهل الأهبل اللى يقول مسلم أو مسيحى كلنا مصريين وملعون أبو اللى يفكر أننا مسلمين وأقباط فى كراهية بيننا أو تشاحن أو تباغض الحاجات دى غريبة على مجتمعنا واللى يفكر مننا ولو خطر على باله ثانية واحدة اننا بنكره أخوتنا الأقباط يبقى أكيد مش مصرى وأكيد أنسان حاقد أو حاسد أو مختل الفتنة الطائفية لو سمحنا لها وأسترسلنا فى المهاترات واللغو والكلام الفارغ الغريب علينا سندمر أقتصاد مصر حيث سيكون الجو ملبد ومتوتر والمناخ الأقتصادى غير مهيأ لأستقبال الأستثمارات الخارجية والتى تكبر وتترعرع فى الجو الآمن المستقر فكيف بالله عليكم ونحن أبناء الوطن الواحد نتناحر ونتعارك بجهل وعدم مسئولية أخوانى الأقباط وأخواتى المسيحيات أقسم بالله أننا جميعا مصريين وأخوة فلا داعى للأنسياق وراء المكائد والفتن الخارجية ولنتكاتف جميعا لطرد الأرهاب من مصرنا الحبيبة بلدنا وبلد أجدادنا وأحبابنا وأولادنا وأصدقائنا وأهالينا فتقبلوا من أخ لكم نداء أن نكف جميعنا عن الدخول فى مهاترات ونتماسك وننبذ الفتنة والفتانين ونأمل أن لا نلقى التهم على الشرطة والحكومة والمسلمين والأقباط ورجال الدين من الناحيتين فلهم كل الأحترام …فلو فعلنا ذلك لأنتصرنا على عدو متربص بنا وان لم نفعل فالنصيبة والطامة الكبرى ستحل علينا جميعا ..فأتقوا الله فى بلدكم مصر وفى أخوانكم … اللهم أهدى جميع المصريين وأزل الغشاوة عن أعينهم …وتحيتى للجميع وعزائى الحار الخالص لوجه الله للأخوة الأقباط الذى نالتهم أيدى الغدر ودعاء لهم أن يلحقوا بالرفيق الأعلى فى جنان الخلد…..

  43. تامر عبد الخالق
    2011.01.12 22:32

    منة لله ابن الكلب الجزمة اللى خلانا مش عرفين نرد 
    وربنا يصبر قلب كل اخوننا الاقباط على مفقوديهم

  44. شنودة وجدى المسيحى
    2011.01.12 22:29

    يا جماعة حرام دم المسيحين الى بيترمى فى الارض احنا بنادمين مش حيوانات على شان نداس بالجزم

  45. مصرى وبحب بلدى
    2011.01.12 22:27

    انتو فاكرين حتى لو حبو يراضونا ويحكمو علية باى حكم هل هينفذو الحكم ولا ياخد حكم فى سجن فيف ستارز

  46. محمد محمد المصري
    2011.01.12 22:22

    الفتنه نائمة لعن الله من أيقظها ……. يا ناس يا هو يا أولاد مصر ( مش هقول مسلم ولا مسيحي) بلدكم مستهدفه أه و الله العظيم مستهدفة من الكلاب و لاد الكلب الأمريكان و الصهاينة …… حادث الأسكندرية استشهد فية مسلمين و ماسحيين لية الأخوة دائما مش فاكرين هذة الحقيقة احنا في مركب واحد …… لية عتاب من الأخت توتا هاني ( مين قال ليكي سيبي بلدك دي بلدك وبلد كل المصريين يا اختي الكريمة هنعيش فيها الي قيام الساعة ان شاء الله عز وجل أما لو تكلمنا علي موضوع الحماية و العالم الخارجي اللي بتعتبرية حر فهذا الكلام خطأ كبير أنا أحميكي انا اخوكي و كل مسلم يحميكي لأنك اخنه و المن يحميكي لأنك مواطنة مصرية و الدوله تحميكي و كل ما هو مصري يحميكي لكن الخارج والله العظيم لا يهمة مسلم و لا مسيحي المهم عندة هو خراب البلد و تصبح بلدة من النيل للفرات هو دة بس اللي يهمة وبعدين بهذا الكلام يا اختي الكريمة بتفرطي في تعاطف باقي الشعب المصري اللي حزين من اجل ما حدث وعلي اتمم استعداد انه يكون دروع بشرية من اجلكم يا ريت بلاش نغمة الخارج و نتقي الله في هذا لبلد ) وعتاب اخر من الأخت ناني ( لية منقلش الأحداث دي من الخارج من فترة عندما وجد الأمن عبوة عند احدي الكنائس التحقيقات أثبتت انة عميل لأسرائيل و العميل يا اختي الكريمة يعمل اي شيئ فية اية تاني بعد خيانة البلد بلاش يا ناني نشكك في الجهود المبذوله من الداخل كله سواء الشعب او الأمن اعانه الله في هذة الأيام ) في النهاية ندعو للرئيس مبارك بالصحة و العافية لأنه بإعانه الله عز وجل هو من سيخمد هذة الفتنه لأنه قال لأ اقبل المساس بأمن مصر و ادعو الله عز وجل ان يوفق وزير الداخلية كان الله في عونه هذة الأيام وقبل كل ذلك ادعو الواحد الأحد الفرد الصمد ان يكفينا شر هذة الفتنة و يحفظ بلدنا مصر من كل شر .

  47. عبدالناصر الدوشى
    2011.01.12 22:22

    كما توقعت فى اول التحقيق الجانى عندة اكتئاب
    الاكتئاب مرض شائع فى المجتمع الذى قد يؤدى إلى تهديد للحياة هناك اسباب كثيرة هناك عوامل اجتماعية مثل فقد الأهل والأقارب والأصدقاء سواء بالوفاة أو بالمرض أو السفر ، و مثل قلة الدخل والاعتماد علي الأخرين الحزن مستمر أو قلق مما نحن فية كل يوم  بشوف العجب فيك يامصرومازل التحقيق مستمر  .. نسأل الله السلامة للجميعالحقيقة أجمل وأبقى مهما تجملت الأوهام 

  48. mikail
    2011.01.12 22:14

    سبق أن قلت رأى فى احداث الأسكندرية وما حدث فى كنيسة القديسين وكان رأى نابع من فهم حقيقى للواقع الذى نعيش فية بمصر ولكن للأسف تم منع رأى واننى اكرر ما قلتة حتى ولو تم منعة أن ما يحدث للمسيحين الأقباط الوطنيين الأصلاء سوف يظل يحدث لأن ******* وهذة هى الطامة الكبرى الأرهاب باقى ما بقى زعلول ومحمد عمارة والعوا والحوينى وغيرهم كثر والأكثر من ذلك ما يجعلنى لا استبشر خير لمصر ******

  49. أبو مؤمن المصري
    2011.01.12 22:14

    أنا معلم مصري مسلم مقيم في السعودية وأناشد كل مسلم وكل أخ قبطي وأستحلفكم بحبكم لمصر الغالية العظيمة اللي ربنا ذكرها في قرآنه وانجيله الا تتركوا فرصة لحاقد أو غادر ان يخرب علينا وحدتنا وأخوتنا وقولوا للدنيا كلها نحن مصريين ونحن اللي صنعنا الحضارة للدنيا كلها وليكن شعارنا جميعا مسلمين وأقباط لا بل مصريين مصريين ليكن شعارنا (الدين لله – والوطن للجميع ) وكل واحد حسابه على الله – حافظوا على مصر يا مصريين فمصر والله غالية وتستاهل مننا كل تضحية من أجل سلامتها 0والسلام على من اتبع الهدى والسلام عليكم ورحمة الله وبركاته- أخيكم أبو مؤمن المصري   

  50. محمد
    2011.01.12 22:00

    أولا أقول لكاتب الموضوع أتق الله البلد مش ناقصه فتنه ، أحداث الاسكندريه مامتش فيها مسيحيين فقط بل مسلمين كمان ، وهذا الارهاب ليس له دين أو وطن ودى بلدنا مصر وبلدكو كمان ونحن جميعا أخوة .ولاذم هنعرف مين وراء هذه الاعمال التى لاترضى ربنا وحسبنا الله ونعم الوكيل فيه



أكتب تعليقك