نشر صور اباحية على موقع محمد البرادعي
احمد فايق
بدلا من معرفة اخر اخبار محمد البرادعي فوجئ الكثيرون باختراق جروب البرادعي رئيسا للجمهورية على “الفيس بوك “مجموعة من الصور الإباحية ظهر يوم الاربعاء الماضي، الصور وضعها أحد الاعضاء ويدعى موزيلا الشقية ، وتسبب هذا في غلق جروب موقع محمد البرادعي لدقائق، وانهالت التعليقات من أعضاء الجروب التي اتهمت الحزب الوطني صراحة بنشر هذه الصور، بهدف ارسال تقارير الى ادارة الفيس البوك العالمية لإلغائه من على الانترنت، خاصة أن نشر الصور الاباحية ضد قوانين هذا الموقع الشهير، وربما تتسبب في إغلاقه فيما بعد، الصور نشرت في الثانية والنصف ظهرا، وبمجرد نشرها انهالت عشرات من التعليقات تطالب بحذفها فورا، حيث كتب أحمد السيد “إيه اللي بيحصل ياجماعة فين الادمنز وفين إدارة الفيس بوك ” وكتب اسامة العشري “ياأدمنز إيه حكاية الصور الاباحية اللي بتنزل هنا دي هما ولاد ال…. مش هايبطلوا ؟ “وكتب مصطفى الجوهري على حائط الجروب: فيه واحد متخلف حاطط صور سكس ياريت يا أدمن تعمله حظر” وبعد أربع دقائق بالضبط تم إغلاق حائط الجروب مع تعليق للمدير: نأسف سيتم إغلاق الوول لحذف هذه الصور غير المحترمة واتخاذ الاجراء اللازم، ثم عاد الجروب الى طبيعته وتم حذف الصور، وعلق على هذا محمود عادل أحد مديري الجروب قائلا: شباب الحزب الوطني يستعينون بالصور الاباحية في الهجوم على مجموعة البرادعي رئيسا 2011 على موقع الفيس بوك، وكتب إيهاب على “الجروب اتعمله تقرير وتم حذفه من البحث وأيضا دعوة اعضاء جدد..حد يشوف حل..حد يبعت لادارة الفيس بوك يفهمهم “، وطالب البعض بغلق الحائط وتركه للمديرين فقط يتحكمون في المادة المنشورة.
واكد عبد الرحمن يوسف منسق الحملة الشعبية لدعم محمد البرادعي رئيسا للجمهورية : ان هذا الاختراق يحدث للمرة الثالثة واضاف : نحن على يقين أن إدارة الفيس بوك تعلم جيدا ان هناك محاولات لإغلاق الجروب، ونحن لدينا كل البدائل وسيتم طرح موقع محمد البرادعي ومؤيدينه الخاص في الوقت المناسب، وأكد “يوسف” أن محاولات إغلاق الجروب لم تقف عند هذا الحد بل حاول بعضهم إقحام بعض الشتائم البذيئة لشخصيات في النظام الحاكم وشخصيات عامة أخرى، لكنهم يحذفون فورا هذه الشتائم، واستبعد أن يتم غلق الحوار بين الاعضاء على الحائط من قبل المديرين، لان فكرة الجروب قائمة على النقاش والحرية وأضاف : سوف نرسل تقريرا لإدارة الفيس بوك نوضح لها الحقيقة حتى لا يستغل أحد ما حدث في إغلاق الجروب
“البرادعي رئيسا للجمهورية ” مجموعة تم إطلاقها على الفيس بوك منذ طرح ترشيح البرادعي في الانتخابات الرئاسية، ويبلغ عدد أعضائها حتى عصر الاربعاء الماضي 156 ألفا ويزدادون بمعدل 10 آلاف عضو جديد يوميا بعد عودة البرادعي الى مصر.
احنا معاك يا برداعى عاوزين نتغير كفاية ظلم وفساد وطوراى كفاية اعتقالات كفاية نتقول البلد مفيش فيها فلوس بلدنا كلها خير بس للاسف الخير مش لينا وانتو عارفين لمين كفاية مرض وجهل نعم نعم نعم يا برادعى
لو لم يكن البرادى رئيسا لمصر
لوددت ان يكون البرادعى رئيسا لمصر
البرادعي من اشرف الشرفاء علي ارض مصر فهو ليس عميلا امريكيا او ايرانيا او حتي اسرائيليا وكل من يقول غير ذلك فهو من مرتزقة النظام والرجاء علي من ينبح علي قافلة البرادعي انها ستسير رغما عنه
آية الله محمد البرادعي المحامي
ظاهرة تستحق الدراسة والتحليل من جديد ولكن نبدأ من حيث إنتهى أخر من تأثر به عندما كان يعمل بالتفتيش على العراق وإيران بالتحديد ومن الطبيعي أن ينتهل من الثقافة التي غاص فيها لدراسة طبيعة العلاقة بين الشيعة والسنة ويعجب بفكر الخوميني الذي عاد من النجف بالعراق ليقود ثورة بفكر جديد للشيعة فهل يعود المحامي المصري صاحب الدكتوراه بفكر الخوميني في قيادة ثورة لقلب نظام الحكم هل يوافق الشعب المصري على الطريقة التي يحملها في جبعته بعد ما وجد ضالته في الحلم الخوميني عند شباب الفيس بوك وهم براء من تنصيب البرادعي فلم يحدث أن نزل الفنان محمد صبحي بعد مسرحية تخاريف أو الفنان عادل إمام بعد مسرحية الزعيم أو الفنان هاني رمزي بعد فيلم ظاظا ليتولى رئاسة قيادة الأمة ويصبح رئيساً لمصر … ويسأل المصريون جميعاً الأن لمصلحة من أن يأتي رئيساً لمصر من المدنين ؟ وأين رجال أكتوبر ؟ اسمع أصوات تنادي من بعيد الأن بالسماح لكل القيادات التي شاركت في حرب أكتوبر أن تتقدم للإنتخابات الرئاسية إستثناءً من الدستور والله من وراء القصد
نـحـن شــرف وفـخـر وعـزه وكــرامـه أنـنـا ننـتـخـب الـمـخـتـرع الـعـالـم مـحـمـد الـبـرادعــي ..
نـحـن نـدعـو ليلا ونـهـارا عـلـي ظلم الحكومه وعلي نظام الطوارق وعلي سرقه الحكومه للأموال الطائله وأذيه الشعب لكن أصبحت ولا يغير الله مابقوم حتا يغيرو ما بأنفسهم .. وأنتم يا شعب مصر بيدكم فرصه فريده عظيمه ورجل لا يوجد منه أثنان رجل قدر حقوق الأنسانيه محمد البرادعي جعله الله أن شاء الله رئيس مصر
— بـلـسـان مـحـافظـه الشـرقيه ثـاني أكـبـر مـديـنـه فـي مـصـر (ش.ك.ع) . نـحـن نـنـتـخـب الـمـخـترع الـعـالـم الـفخر لمصـر مـحـمـد مصطفي الـبـرادعـي رئـيـس عـلـي
مــصــرللأنـتـخـابـات 2011 ـ وذالـك لأن أبــدآء الـرأى للـجـميـع .<<===
نعم لمحمد البرادعى من أجل التغير زهقنا من احوالنا والكيل طفح الى متى سيظل المواطن المصرى مسلوب الارادة الى متى سيظل المواطن المصرى مكبل بالضغوط الى متى سنظل محدودين الدخل الى متى سيظل الفساد الادارى والى متى …..نريد تغير جذرى فى الحكومة المصرية
البرادعي مش هياخد ولا صوت === لان كل مؤيديه ليس لديهم بطاقات انتخابيه
من غير المعقول ان يفعل اي واحد فية ذرة احترام هذا التصرف وانا لست حسبيا بالمرة ولااحب سياسة الحزب الوطني اللي اسسها ناس ضعاف فكريامن اعضاء مجالس الشعب القدامي بتوع المصالح الشخسية زي اللي كان بياخد الكزب اوعلف المواشي المدعم ويحط جميع مربي المواشي والخباصين اعضاء مجالس محلية وما زال اغلبهم مسيطر حتي الان وإن إدعي البعض ان هناك فكر جديد لان هؤلاء القدامي بيطفشو اي حد بيفهم سياسة علشان مينكشفشي هووعلي الرغم من كل ماسبق انا لااصدق ان مصري اصيل ينشر هذا الهراء علي اي موقع
الاخ الى كاتب الدفة والسواق هى مصر عربية مصر دى بلد كبير يامحترم الادارة الفاشلة لها خلتها متحصلش عربية كرو وبعدين مهوموجود سواق بتاع طيارات معرفش يسوقها ليه احنا محتاجين راجل محترم زى البرادعى علم وخبرة سياسية حقيقية مش خبرة الخنوع والذلة والمهانة والعربية محلك سر قصدى مصر محلك سر يريت الناس تفهم ان السمكة تفسد من راسها ومش هيتصلح حالنا الااذا كان كبيرنا راجل ذو احساس بانه يدير اعظم بلد فى المنطقة ولكى الله يامصر.
مش مهم مين المهم ايلى يعرف يسوق يمسك الدافه
مينفعش دكتور ويمسك دفه ؟ دى مركب ياعم !!!
أسئلة كثيرة حول هذا الشخص المحترم ….
البرادعى
…منها .. أين كان خلال الأعوام الثلاثين الماضية … أين كنا بالنسبة له … من تفكيره . من خططه المستقبلية … فجأة صعد الشعب المصري إلى عقله ومخيلته وضميره أين كان ؟؟؟؟؟؟ عندما كنا نحتاج إلى رجل آخر … فجأة أصبحنا همه ومستقبله وكل كيانه …يا سلام… !!!! ومع كل الاحترام له … ليس لهذه الشخصية اى كفاءة { شخصيه } لإقناع الغير آو التأثير عليه وخاصة زعماء وحكام العالم بالفعل وبالواقع هو افشل ما يكون في هذا وليقل لي ماذا فعل بالعراق والملفات الخربانه التي تركها لسلفه ….لم يبت أو يأخذ قرار واحد عندما كان في موقعه العالمي … وينصفه البعض بالقول أن التأثير على العالم ينبع من أمريكا … أقول كان عليه والأجدر به أن ينطق بكل ما له من إعلام وموقع عالمي أن يقول لا لا لا…… العراق لا لا لا يملك أسلحة نووية …أن يحارب أمريكا من خلال موقعه العالمي وسمعته النوبليه … ولا يخشى أن ترفضه أمريكا آو لا ترفضه …. أين كان خلال الثلاثين عام الماضية ….. يبنى مستقبله {هو } وأين كنا بالنسبة له …. لو كنا في خياله كان له أن يبدى رأيه فيما كان يحدث في البلد من مشاكل وصراعات من خلال مكانته العالمية … صمت دهرا وعندما لم يجد الأضواء حوله تنطع بالخروج علينا لينقذنا ….. يا سلام …. أصبحنا فجأة كل همه …أصبحت مصر هي أمه وأبوه …وأصبح الشعب العظيم الذي هو ليس منه …كل همه ….يا سلام … هي ضجة ودخان اعلامى ومصالح شخصية … لو كنا همه وضميره ومستقبله …. فليقل لي أين كان وماذا فعل في حياته …. كان رئيس للوكالة الدولية .. … .. ؟؟؟ نوبل … بماذا أفاد
… هل صرخ في وجه العالم لنووية إسرائيل .. هل صرخ وهلل وذهب يصلى في اى مسجد وأعلن من على المنبر أن أمريكا هي الظالمة للعالم المكسور أمامها .. آم كان يأخذ بما تمليه عليه تأكيدات استمراره في موقعه .؟؟؟؟؟ من أين كانت تأتى التعليمات التي تفرض عليه عندما كان بالوكالة….. لنقولها .. من أمريكا …. ولنقول من أين تأتى التعليمات ألان .. حاليا … ألان ؟؟؟؟ من عقله وضميره الذي تركه لغيره ثلاثون عام … أم من مصلحه العالية … كذبه كبيره أسميناه البرادعى .. فكروا لحظات في حال هذا الرجل المحترم … وليدلل لنا متى كان ذو شخصية مستقلة .. فعاله .. متمكن من أدواته .. حر .. قوى .. ذو رأى يؤخذ به .. يرعى الله في نفسه وأهله ودينه .. واتركوا له التفكير في التعليمات المفروضة عليه من …… ماما ….. أمريكا ….!!!! لو رشح آي شخص مصـــــــــــــــرى { بما تحمله الكلمة من معاني كثيرة } مصـــــــــــرى .. لوقفنا خلفه دون تردد ولكن البرادعى لالالالاالالالا..
بالنسبه لراى فى موضوع الانتخابات انا شايف ان كل الشعوب العربيه الان مش مؤهله لموضوع الديمقراطيه ولا حتى بعد عشر سنين ادام احنا لازم نبدا من الاساس من الطفل اللى اتولد النهارده يعرف يعنى ايه ديمقراطيه حتى فى اختيار هدومه اللى بيلبسها واكله اللى بياكله وكل حاجه بتيجى بعد كده لوحدها ما ينفعش الشعب اللى موجود دالوقت يحدد مصيره الانه ما يعرفشيختار صح الناس عاوزه تغير وخلاص وكل واحد بييجى يقول كلمتين يبقى هو اللى فاهم احسن من غيره الموضوع مش كد ابدا حسنى مبارك مش احسن من البرادعى ولا البرادعى احسن من حسنى مبارك احنا اللى وحشين ومش متحضرين ومش فاهمين اى حاجه فاى حاجه ضيعنا نفوسنا وضيعنا ديننا ولو جالنا احسن واحد فى الدنيا وحطلنا احسن قوانين نمشى عليها مش هايعجبنا لان احنا ولا اتربينا صح وولا فهمنا ديننا صح وادى الدليل ولا بلد عربى غيرت الرءيس الا واتحولت من سوء الى اسوا فلسطين والعراق وحتى لبنان اكبر دليل الحريه والديمقراطيه لازم تتزرع من جديد فالجيل الجديد لو كنا عاوزين نتغيرالجيل اللى بعد كده هايبقى منهم الرءيس
والشعب كله وكل واحد فاهم ان زى ما ليه هو عليه كتير مش ليه بس وعلى فكره انا باربى عيالى كده جايز يكون فيهم حد وزير والا مسؤل بعد كده يبقى عارف اللى ليه واللى عليه وعنده مبادىء
الاستاذ المحترم مفيد فوزى كان فى حوار واتسأل عن البرادعى وغيره بس بشكل غير مباشر وقال ما ينفعش حد غير مبارك لانه ايده فى كرشة مصر وانا بحترم الكلام دة
مصر مصر مصر ربنا يستر من الى جاى
انتخبوا البرادعى
انت فين ياحكومة اوسخ من ستى الا سيدى (شعب غلبان)
احمد أمين عبد الحزب الوطني ليس أميناً
السلام عليكم. كل الحضرتك قابلتهم كذبين لانى اعرف واحد منهم عن قرب وهو جزار فى المذبح
البرادعى قصة اعلامية صنعها الاعلام فقط اما نحن فغير قادريين على صنع رئيس جمهورية قادة هاتوا واحد بعيد عن البهرجة يبقى اصلح وارى المشير طنطاوى الاصلح بعد عمر طويل للرئيس مبارك
الى المعارضة العرجة تغزل برجل حمار افهموا بقى
انا اهلاوى وبحترم الاهلى ونفسى افهم للزمالك نظام كلة فى الزمالك بيتكلم فى كل البرامج اية فية اية اية الا حصل كانوا مكسوفين يظهروا دلوقتى بقى الاعلام حلوا ارحمونا بقى الاهلى يعرف ما لة وما علية انتم لا تعرفون التزاماتكم تجاة جماهيركم وعاملين زى المعارضة كلام وبس مفيش غير الكلام ياةةةةة اتخنقت من ابراهيم حسن رغاى جدا ومضلل جدا ارحمونا واية صفتة فى العمل الاعلامى
نحب التهليل والزراغيط دون تقييم حقيقى للاشخاص ياريت نقيم البرادعى بمنطقية ومن غير بهرجة وافلام وكلام عارى من الصحة ومن غير شحن زائد
موسسة القوات المسلحة دائما بتخرج رجالة محترميين لا يعرفون الفساد سلام وتحية لكل الا موجوديين من القوات المسلحة
المعارضة دائما بتقول الاعلام ضدنا والدنيا ضدنا والهواء ضدنا واللة انتم الا ظالمنا معاكم ايوة فية مشاكل وفساد وبلاوى بس انتم اول المقصريين بطلوا لهث وراء كراسى الاحزاب والاعلام بقى مفتوح ورونا نفسكم بس بالعقل عشان نفهمكم اما البرادعى فهو لم اسمع عنة الا من 3 سنين من ايام حرب العراق كان فين باقى حياتة وزويل شايف انة مغرور جدا بشكل لا يطاق واية الا عملة لمصر بدون شعارات
الكلام عمال على بطال عن الحزب الوطنى فى كل كبيرة وصغيرة امر لافائدة منة الاصل ان كل واحد يخدم البلد دون النظر الى الاخريين وسبب مصائب مصر اننا ننظر الى الحزب الوطنى نظرة المجرم لا افهم لمازا الا شايف غلط يصلحة او يفضحة بدلا من التوتر التى يسببة اتهامتكم من بلبلة للناس المعارضة فى مصر عارجة وليس لها اقدام وتعمل لمصالح انفسها وشعارتهم لا يمكن ان تكون عملية اين احزاب المعارضة ولمازا نجح سعد زغلول رغم سيطرة الفساد وقتها الا عايز يغير يتفضل بس صدقونى مفيش شخص جدير بالحكم الا الناس الا موجودة حاليا …..احمد من المنوفية طوخ دلكة
يعنى مصر مفيش فيها حد الاالبردعى مفروض كل واحد يقدر يساعد البلد يترشح مش مقصور على البردعى
على فكرة بقا الحزب الوطنى مش بيعمل اى استصلاحات فية البلد ……….
ياريت بقا الانتخابات متكونش مزورة ؟؟؟؟؟
برنامج الحكومة يا تامر امين والجزائر على حق
محمد البرادعي احسن واحد رئيس جمهورية و الحزب الوطنى يسرق البلد وليس الديمقراطى
هو انت كل ما يحصلك حاجة تقةل الحزب الوطني يا عم ارحمنا بقي
يا رحاله ….. يارجالة….. احنا مش ممكن نفرط فى اى حاجة …… اىىىىىىىىىىى حاجة (مع اعتذار لتهامى ووديع )
لااا
مبروك
تفائلوا ….من غير دعاية انتخابية ومن غير فيس بوك ومن غير أى ضغط على أصوات الشعب المصرى…لو أراد الشعب التغيير فليغير برأيه ومشاركته فى الادلاء بصوته فى الانتخابات القادمة لرئاسة الجمهورية …عبر برأيك بكل أمانة …غير من وضعك الحالى بأختيار الأصلح لك ولاولادك من بعدك …الرجل ينادى بالاصلاح السياسى أولا والعدالة لاجتماعية بين أفراد الشعب …وها هو نرى العدالة الاجتماعية أن 10% من الشعب المصرى أستولوا على مقدرات وثروة الدولة و90% تحت خط الفقر …يعنى كلمة فقر قليلة عليهم …شايفين الوزراء اللى المفروض يعملوا لخدمتنا بيخدمونا كويس وعمالين يسرقونا ويتسابقون على اللى يشيل أكتر …فين الرئاسة فى الطراوة ولو وزير أتمسك بشيلته وتيجى تحاكمه يقولك طيب وفلان وفلان وفلان متحاكموش ليه ويغلق ملف القضية خوفا على أظهار فضايح الحزب لحاكم …واللى خايف من البرادعى دوول المستفادين والمرتشين والفاسدين وصدقونى الشعب قادر على التغيير وبدون أحباط ووقت ساعتها فيه حاجة أسمها (من أين لك هذا) القانون الموقوف حاليا وقادر البرادعى يفعل مثلما فعل الرئيس جمال عبد الناصر بقانون الاصلاح الزراعى لما أخدالاراضى من الاقطاعيين ووزعها على الفقراء ورجع حقوق المواطنين الغلابة ….نفسى أشوف اليوم ده لما يفر خارج البلاد شوية الحرامية اللى سرقوا البلد ويرجع لمصر وشعبها الغلبان كل ما سرقوه ….كل يوم نعانى من رغيف العيش وأنبوبة البوتاجاز والسولار وتلوث المياة ويخرج علينا وزير المالية بقوانين تفرض علينا عنوة ورجال مجلس شعب تماثيل لا يعرفون غير تمرير القوانين المشبوهة بالموافقة خوفا من عدم ترشحهم من داخل الحزب ولا يتقون الله فيمن أعطاهم صوته …من يريد أن يكون زليلا مقهورا مريضا فقيرا الموت أكرم له فلينتخب الحزب الوطنى ومرشحيه
ياجماعة الاختلاف الوحيد أن نتيجة الانتخابات حتى لو اترشح البرادعى هتكون 80% مؤيدة للى احنا كلنا عارفينة — يالة مش مهم تقدم برضة احنا كنا فين وبقينا فين .مش احسن من 99.9%يعنى معنى كدة انة بقى فية حرية اهوه. انتو عايزين اية تانى ولا هوه بطر وخلاص . انتو عارفين انا خايف من اية . واللة العظيم انا مش خايف غير على ابنى الصغير ربنا يلطف بية لما يكبر ويبقى مسئول عن حياتة انا مش عارف هيعمل اية لو فضل الحال على ما هو علية . احنا بقينا بعد 30سنة اهوه بتسول كل شى .نتسول مرتبنا من الخصخصة الغير مدروسة. نتسول رغيف العيش. نتسول حتى للعسكرى اللى فى الشارع عشان ما يخدش النمرة وتلاقى عليك مخالفات قد كدة .نتسول .نتسول .نتسول عذرا اصبحنا ……………..، لية ؟؟؟؟؟؟؟؟مش عارف هوة احنا مش دولة برضة ليها امكانيتها وليها اقتصادها برضة . احنا بقى نملك اية غير مجهودنا وطاقتنا . حوالى 40مليون على الاقل كلهم طاقات عايزين يفيدو ويستفيدو . يالة همة بيبددو طاقاتهم دى على النواصى والقهاوى والنت وشرب المخدرات وكتتتتتتتتتتتتتتتتتر كتييير كل حاجة غير العمل وشكرالانى طولت كتير
ياجماعة البرادعى قالها قبل كدة مش حرشح نفسي الا ان اجد املا فى التغيير .وطبعا بيطلب المستحيل فياريت ننسي هذا الحلم الوهمى ونعيش فى الواقع .
الراجل مش حيرشح نفسه ولكنه يطلب أصلاحات مشروعة .لماذا لا يلغى قانون الطوارىء وتعدل مواد الدستور لأتاحة الفرصة لأى مصرى لترشيح نفسه طالما يجد فى نفسه الجدارة والمقدرة على ذلك . لماذا لا ينقى القانون من القوانين المشبوهه ..لماذا لم يفعل قانون من اين لك هذا .من المسئول عن الغلاء والوباء والأمراض الفتاكة .من المسئول عن تلوث الجو والأكل المسرطن .من المسئول عن وئد وقتل أحلام شباب المصريين من المسئول عن سرقات البنوك والتأمين الصحى والعلاج على نفقة الدولة لمن لا يستحق ..من ومن ومن …اللى يجد جواب لذلك فليخبرنا أنار الله بصيرته .
بل كل المصريين سيذهبون لانتخاب البرادعى حتى ولو كان املا زائفا او سرابا كاذبا .. فالبرادعى هو نقطة انطلاق لشرارة امل فى التغيير من استعباد الحزب البطنى للمصريين .. سيكون شرارة لثورة تصحيح على الفسادين ومرتزقة الحكم المباركى .. وان لم يحقق البرادعى آمال المصريين .. فيكفى أنهم كما قالوا له نعم فسوف يقولون له نعم .. اصواتنا من وحى ضمائرنا .. وانا كنت من مؤيدى ايمن نور واعرف ان الانتخابات زورت وزج بالرجل فى السجون وفبركت له التهم ومنها الجنون .. اصواتنا ملك لنا واقول لبلطجية الحزب كفاكم عبثا مع رجل حقق ما لم يحققه ولى نعمتكم حين خرج الناس لاستقباله عن وعى ورضا .. وانتم تحشدون اتباعكم بالترغيب او الترهيب لاستقبال مريضكم .. غدا سيقف الشعب المصرى لكم بالمرصاد
والله أنا مشفق على الدكتور البرادعى ..ولنفرض جدلا انه انتخب رئيسا للجمهورية ولو انى أشك ان ذلك لن يحدث سيرث دولة مهترأة لقد بيعت الأصول والمشاريع الناجحة دمرت والضمائرخربت والرشاوى انتشرت والمرتشون استفحلوا والمسئولين تجبروا .هل يستطيع د.البرادعى أصلاح التعليم المصرى هل يستطيع حماية علمائنا واتاحة الفرصة للبحث العلمى أن يوضع فى المكانة المرموقة للنهوض بمصر هل يستطيع أصلاح الأزمة الأخلاقية المتردية فى الشعب .هل يستطيع عودة الروح المصرية الأصيلة والشهامة للشعب لك الله يا مصر ….ربنا أفرغ علينا صبرا.
التعليق ده جزء من مقال لدكتور احمد خالد توفيق من سلسلة مقالاته لماذا هاجر محمد
وسط هذا الضباب يظهر أمل خافت.. فارس فارع القامة حملته السماء لنا.. صحيح أنه فارس أشيب في السبعين، لكنه يحمل الأمل بالتأكيد، وقد قابله المصريون بلهفة حتي إن هاجسًا مقلقًا مر بذهني أن يتكرر معه ما حدث يوم استقبال المعارض الفلبيني (بنينو أكينو) في المطار في الثمانينيات.. أخيرًا ها هو ذا رجل مدني لا يحسب علي المؤسسة العسكرية ولا الإخوان فيثير قلق البعض، وله احترام دولي ساحق وخبرة سياسية عميقة. تعودت لكي أعرف الصواب من الخطأ أن أبحث عن علامات معينة؛ لهذا اعتدت أن أقول لصغار السن: من الذي رقص الإسرائيليون في الشوارع يوم وفاته (كانت عندي صورة نادرة لجولدا مائير وهي توشك علي الموت ضحكًا من فرط السعادة)، ومن الذي بكوا يوم موته؟.. إذا عرفت الإجابة فأنت تعرف الصواب من الخطأ. اليوم أنظر إلي اتجاه نباح الكلاب.. كل الكلاب تنبح في اتجاه هذا الرجل. هذا بالتأكيد يعطيه مصداقية وشرعية عظيمتين. هذا مقياس دقيق إلي حد ما. وفي النهاية هو يعد بما يحتاج له هذا البلد فعلاً: الرئيس الذي يسمح للناس بانتخاب آخر لو لم يرق إلي مستوى تطلعاتهم. سوف يعطي مصر الهزة المطلوبة لإسقاط طبقات الصدأ والغبار والطين الجاف
لكن هل البرادعي يستطيع فعلاً أن يلعب الدور الذي يتوقعه الجميع منه؟.. كيف يمكن أن يفلت عبر ثغرات المصيدة الجهنمية التي لا تسمح لأي واحد بالترشح؟.. هل يمكن فعلاً أن تتم التعديلات الدستورية التي طالب بها؟.. ما أعرفه هو شيء واحد: لو رشح نفسه فلسوف أذهب لانتخابه
لا بجد هما دول شباب مصر ..شباب الحزب الوطني بتاع كل شباب مصر هيشتغلوا وبكره تشوف بعنيك .. من يوم ما سمعت الاغنية دي وانا مش عايز اقفل عينيا لتفوتني اللحظة اللي هشوف فيها زمايلي شباب مصر شغالين عشان اخزء عين اي حد يقول كلمه عليهم بس لسه …وعلي اي حال يخترقوا الجروب او ميخترقوش البرادعي هو المل الحقيقي للاصلاح في مصر وللاسف لو الشباب ده يعلم جيدا الخطر اللي منتظره ومنتظر اولاده وبيهدد مستقبلة مكنش شرب حاجة اصفرة وعمل كده خالص
ياجماعه مش عايزين نظلم الحزب الوطنى الديمقراطى ايوه انتو مش عارفين الحزب الوطنى ده ايه ؟؟ ده امنا وابونا الحزب هو اللى بيوكلنا وهو اللى بيشربنا ويشغلنا يعنى اللى مايحبش الحزب الوطنى الديمقراطى يبقى مابيحبش مصر انتو مش عارفين لوزعلنا الحزب الوطنى الديمقراطى هيحصل ايه ؟؟؟ انتو مجانين ؟؟؟ هنتاخد وهنعتقل وهيعملولنا قلة ادب لا اعقلوا انا باقولكم اهه انا عن نفسى باصلى كل يوم بالليل ركعتين اسمهم الحزب الوطنى الديمقراطى واقعد ادعى ادعى امال ايه ؟؟ هوانا وانتم لينا غيره …. يلا حصل خير