مصريات – كتبت نيرمين خالد: يقال، انه في قديم الزمان وسالف العصر والأوان، كان الاغنياء في هذه المناسبة هم من يعملون على تلوين بيض شم النسيم بانفسهم، ثم يقومون باهداءه للفقراء.
ويقال ايضًا (والعهدة دائماً على القائل)، انه وفي تلك العصور القديمة الغابرة، كان العشاق يهدون بعضهم البعض بيض شم النسيم الملون، وذلك للتعبير عن الاعجاب او الحب المتبادل.
ويقال كذلك، ان قدماء المصريين كانوا يعتقدون ان للبيض الملون تأثير يشبه المعجزات، فهو طارد للامراض وجاذب للصحة الوفيرة، كما انه قادر على حماية المنزل من اللصوص والكوارث، بل انه يجلب الفرح ويطرد التعاسة والاحباط.
وفي تلك الأيام الخوالي، كن الفتيات يعتقدن ان وضع البيض الملون في الماء والاغتسال بهذا الماء يحافظ على جمالهن ونضارتهن.
بالطبع قد تكون تلك اساطير، ولكن هناك من يعتقد بصحة بعض الطقوس والمعاني المرتبطة بتلوين البيض سواء في عيد الفصح او عيد شم النسيم.
كيفية تلوين البيض
نعود الى يومنا هذا وموضوع تلوين البيض، بداية كل سنة وكل المصريين بخير.. وتاني حاجة دي مجرد خطوات و افكار جديدة لطرق تلوين بيض بمناسبة يوم شم النسيم.
يمكن تكون مبتكرة او تبقى عرفتها قبل كده، بس بتساعد اللي غاويين تلوين بيض عيد شم النسيم.
خصوصًا انها حاجة بتفكرنا بايام الطفولة والتشرد، ومنها تشارك من خلال تلوين بيض شم النسيم بالالوان الطبيعية مع اللي حواليك وتقضي اليوم ده سواء شم النسيم او عيد الفصح المجيد بطريقة مختلفة حبتين عن العك بتاع سنين فاتت.
ويمكنك التنقل مباشرة بالضغط على دليل معلومات الموضوع.
1 – ادوات التلوين والمواد
المهم ايه هي ادوات تلوين بيض يوم شم النسيم طبيعي.
– للتوفير واحسن ما يضيع البيض على الفاضي ننصحك انه تروح اي محل من بتوع كل حاجة بـ 2,5 او 5 جنيه وهاتلاقي بيض صناعي بلاستيك او فوم زي كور البينج بونج وعلى شكل بيض وده احسن في تزيين بيض شم النسيم بدل ما تنكسر التحفة واللوحة السريالية التي تخصك بالنهاية.
– ثانيا: حط ببالك انه اي حاجة قديمة عندك ممكن تستخدم في تلوين او تزيين قشر بيض شم النسيم سواء: الوان فلوماستر او زيت – شمع – صلصال – ورق لف هدايا – شرايط – زراير قديمة – شرايط ملونة – حبات رز – قشر فستق وبندق.
لسه باقي الحاجات بتفتكرها اثناء التلوين بس قبل دول شوية صور توضيحية لطرق تلوين بيض يوم عيد شم النسيم وياريت حد يطلع منها بحاجة ويستفاد.
2 – تجهيز البيض وتلوينه
عصاية شواء بتدخلها زي ما موجود في الصور عشان تستحكم تلوين البيض
تلوين بيض شم النسيم باستخدام الوان زيتية غير طبيعية
دي علبة كبريت عشان تند عليها البيضة لحد ما ينشف اللون عليها
3 – مرحلة التزيين
بعد الانتهاء من تلوين بيض شم النسيم بس تيجي لمرحلة التزيين ولازم يكون عندك احدى الادوات السابقة الذكر ودي صور توضيحية للشكل النهائي ممكن يكون ازاي بعد تزيين البيض الملون وكل واحد وذوقه:
4 – صور البيض بعد التلوين
خلاص كده واي حد عنده افكار تانية ممكن يفيدنا بيها ياريت يشاركنا بالتعليق و Happy Easter