ظهور العذراء مريم انوار في سماء مصر | ظهورات العذراء

القمص صليب متى ساويرس و ظهور العذراء

القمص صليب متى ساويرس و ظهور العذراء

مصريات
هناك انوار في السماء .. بهذه العبارة استهل عمرو اديب حلقة القاهرة اليوم عن ظهور العذراء حيث وللمرة الثانية خلال اسبوع يقوم عمرو اديب بتناول موضوع ظهور العذراء ، حيث استضاف في حلقة برنامج القاهرة اليوم ممثلين عن الكنائس المصرية مابين مؤكد  لظهور العذراء ومشكك بهذا الظهور.
وكان ضيوف الحلقلة بالاضافة الى القس بشاي لطفي راعي كنيسة العذراء مريم والملاك ميخائيل بالوراق
والقس صليب متى ساويرس راعي كنيسة ماري جرجس بشبرا
وحضر عن الكنيسة الانجيلية نصر الله زكريا مدير المكتب الاعلامي للكنيسة الانجيلية
وكذلك الاب رفيق جريش ممثلا عن الكنيسة الكاثوليكية الذي شارك بمداخلة هاتفية.

قال القس بشاى لطفى راعى كنيسة العذراء مريم و الملاك ميخائيل بالوراق، إنه لم يكن موجوداً وقتها فى الكنيسة عند ظهور العذراء مريم ولم يتمكن من رؤيتها ولكن عدداً من خدام الكنيسة الموثوق فيهم أكدوا رؤية مشهد التجلى و ظهور العذراء وذكروا أيقونات ظهورات العذراء ، الذى تتمثل فى ضوء أبيض وحزام والرداء الازرق اللون، مشيراً إلى أن التوقيت ليس غريباً ولا يرتبط بأحداث سياسية أو اجتماعية، بل أن وقت ظهور العذراء مريم ارتبط عادة بما يسمى “الشهر المريمى”، حيث إنه الوقت الذى تكثر فيه أناشيد الكنيسة الخاصة بالسيدة العذراء ويكثر التسبيح باسمها، وهو الوقت الذى يسبق ميلاد المسيح، حيث الظهور بدأ ليلة الاثنين فى ذلك الشهر، مضيفاً أن جميع الشهود هم شهود عيان رأوا ظهور  العذراء بأعينهم المجردة، لأن الفيديوهات لا تنقل التفاصيل نظراً لعدم دقتها ولتفاوتها.

القمص صليب متى ساويرس راعى كنيسة مارى جرجس بشبرا : ليس غريب ظهور العذراء في مصر

ومن جانبه، أوضح القمص صليب متى ساويرس، أنه ليس من الغريب أن تظهر العذراء مريم فى مصر، بل الغريب هو عدم ظهورها فى بلد غيرها، حيث كثيراً ما سجل ظهور العذراء فى مصر فى تجليات فردية وجماعية مثلما ظهرت للخليفة هارون الرشيد عند محاولته هدم إحدى الكنائس، مضيفاً أن العذراء من الممكن أن تظهر فى أى هيئة، نظراً لتعدد صورها، مثل العذراء الحزينة أو المتجلية أو العذراء وهى حاملة المسيح، وهذا التعدد لا ينفى ظهور العذراء كما أن كثرة الشهود تؤكد الواقعة، كما أن هنالك عدة ظواهر أخرى ترتبط بالظهور مثل الأجسام البيضاوية التى تظهر فى السماء وقت ظهور العذاراء الذى يعتقد خطأ أنها حمام طائر فهى أنوار إلهية وليست حماماً، لأن الحمام لا يطير ليلاً.
ونفى ساويرس، أن يكون ظهور العذراء عرض ليزر، لأنه لم يكن يوجد ليزر وقت ظهور سنة 1986 وهو حدث موثق فى جميع الكتب الدينية وصدقت عليه الكنيسة ومن أكبر الدلائل على تجليها هو الظهور الروحى لها وتأثيره على مشاهديها، إلا أن عمرو أديب قام بعرض لقطة الفيديو التى تناقلتها أجهزة المحمول فى مكان التجلى ونشرت على المواقع الإلكترونية، تثبت وجود نور ينطفئ لحظة اختفاء العذراء، وذلك بفحص الفيديو لقطة بلقطة، إلا ساويرس أكد أن ذلك شىء عادى وطبيعى فى مثل هذا التجلى.
وعقب ساويرس، قائلاً: “إن ظهور العذراء لا يحمل رسالة خاصة، بل ينقل رسائل عامة، فظهور العذراء بالوراق حمل ثلاثة رسائل مثل تذكير الناس بكثرة الصلاة فى الكنيسة، ومن بعدها الكنيسة أصبحت لا تخلو من المصلين، وأيضاً تذكير المصلين بالإيمان، وأخيراً طمأنة المسيحيين وكل المصريين بعدم الخوف وأن يتوحدوا جميعاً، وهو أكبر هدف لظهور العذراء ، حيث إن مصر هى البلد الوحيد التى زارتها العائلة المقدسة وبقيت فيها فترة من الزمان.

القس نصر الله زكريا مدير المكتب الإعلامى للكنيسة الإنجيلية : الكنيسة الانجيلية لاتعترف بظهور العذراء مريم

ذكر القس نصر الله زكريا ، بأن الكنيسة الإنجيلية مقتنعة كلياً بوجود نوعين من التجلى أو الظهور الإلهى المرتبط بالكتاب المقدس، أولهما ظهور له هدف وله رسالة مثل ظهور الملائكة والقديسين، والثانى ظهور كاذب، مدللاً على ذلك بما ذكره المسيح فى الإنجيل، ففى أواخر الأوقات توجد ظهورات كاذبة حيث يستطيع الشيطان الظهور كملاك من “نور”، مؤكداً أن الكنيسة الإنجيلية لا تعترف بما سمي ظهور العذراء ، رغم تمجيدها للسيدة مريم العذراء، وتساءل زكريا: لماذا لا تظهر العذراء فوق إحدى الكنائس الكاثوليكية أو فوق أحد المساجد مع التقدير الكبير الذى يكنه المسلمون لها؟ ولماذا دائماً لحظة الظهور تكون غير مرئية لراعى الكنيسة أو الكهنة المتواجدين؟ معتبراً ما حدث ظاهرة جغرافية وطبيعية تحتاج إلى دراسة علمية دقيقة، لأن من شروط التجلى أن يظهر الشخص بشكل كامل وأن تسمح الفترة برسم ذلك الشخص.

رفيق جريش مدير المكتب الصحفى بالكنيسة الكاثوليكية : مقتنع كلياً بـ ظهور العذراء

وقال الأب رفيق جريش في مداخله هاتفية، إنه مع الاعتراف بظاهرة التجلى ومقتنع كلياً بظهور السيدة العذراء فوق كنيسة الوراق، وأنه حصل على معلومات من أحد مطران الروم الكاثوليك، تؤكد ظهورها أمس من الساعة السابعة مساء حتى العاشرة مساء وقرب أحد المساجد فى منطقة الظاهر وبشكل دائم بجميع التفاصيل وسط شهادة المئات من المسلمين والمسيحيين، بينما أكد القس رفعت فكرى راعى الكنيسة الإنجيلية بشبرا فى مداخلة أخرى إنه لم يرَ ذلك الظهور المزعوم فى شبرا، قائلا “أنا مشفتش حاجة.. أنا لسه راجع من السفر من المحلة”، مشيراً إلى أنه فى القرن الأول الميلادى لم توجد تقنيه التصوير الفوتوغرافى وأن كل ما رسم هو إبداع لفنانين هذا القرن وأن العذراء والمسيح ذاته يتم تناقل صورهم بإبداع الفنانين، حيث يرسم بطباع الفنان وحيث يرسم فى الصين صينيا وفى الهند هنديا فهو غير مقتنع بكل صور العذراء وصور المسيح، كما أكد أنه لا يعترف بالظهور لأن فى الكتاب المقدس قال المسيح، إنه لو قالوا المسيح ظهر فلا تصدقوه.

مداخلات المشاهدين تشيد بتغطية عمرو اديب لقضية ظهور العذراء

واستقبل البرنامج عدد من المداخلات الهاتفية، وأثنت إحدى  المتصلات، على تناول عمرد اديب لموضوع ظهور العذراء في مصر، وعدم التعامل معها باستهزاء أو سخرية مثلما فعلت الإعلامية منى الشاذلي، التى قالت إن بعض الثعابين تجلت فى المدينة الجامعية للطالبات بجامعة الأزهر، فى إشارة سخرية إلى ظهور العذراء مريم دون احترام لمشاعر المسيحيين على حد تعبير المتصلة

اخبار ومواضيع ذات صلة:

24 comments
  1. سورية الله حاميها 24/10/2011 07:37 -

    من آمن بي وإن مات فسيحيا

  2. الفنك...الليبي 05/01/2010 00:10 -

    ايه يا امينعمال ……..تفتي في كل حاجه يا اخي بطل هجص.

  3. أمين 04/01/2010 23:59 -

    ايوه يا سيد مراد مش فاهم حضرتك بتقول ايه أو معنى كلامك معلش ممكن سيادتك توضح .بدون زعل

  4. أمين 27/12/2009 03:09 -

    معرفش يا اندرو انا كنت مش عاوز اتدخل فى الموضوع تانى ووقفت عند حد معين بعد ما أخذت فكرة معينة .وقلت لحضرتك مفيش نقاش تانى . لكن بيزعلنى ناس بتخش فى الموضوع بجهل مطبق ومش بيناصروا أو بيضيفوا جديد بل بالعكس جهلهم فى المناقشة بيؤخذ عليهم وبيسببوا خلل كبير فى عدم اتفاقنا على شىء .عارف المثل اللى بيقول اتفقنا على الا نتفق .من الأشكال اللى انت شايفها دى .ربنا يهديها .بالعلم والمال يبنى الناس ملكهمو لم يبن ملك على جهل واقلال.

  5. أمين 27/12/2009 03:01 -

    ميرو لما تحب تناقش وتجادل يبقى بعلم مش بتهور وتجيب من الآخر بدون ما تقرأ كويس وتشوف ايه المكتوب أنت داخل تلطش من غير ما تعرف أيه موضوع المناقشة أنا والسيد/اندرو بنتناقش وبنتجادل فى حوارات عديدة .لم نأتى بسيرة الشك فى الظهور ولم نتطاول على احد مناقشة حرة بأسلوب مهذب يعنى حضرتك عالم فى الليذر بتتكلم على ايه بالظبط لو سيادتك أتطلعت على المداخلات فوق حتجد اندرو شارح الموضوع كويس أتعلم منه وأعرف وبعدين أتكلم علشان محدش يضحك عليك وعلى جهلك. لامؤاخذة ايه حيدخل الشرطة وعمال تجيب فى حجج خايبة اذا كنت أنت متأكد من الظهور فلا تبرر ولا تنتظر تصديق أو عدم تصديق من أحد تعرف حاجة أسمها الأيمان .طالما انت مؤمن خلى الدنيا كلها تتكلم وخلى عندك ودن من طين وودن من عجين .والل يقول يقول 

  6. ميرو 26/12/2009 22:52 -

    الناس اللى بيقولوا ليزر مع كامل احترامى لتعلمهم العالى اوى شعاع الليزر له بداية وله نهاية ولكن فى ملاحظة لفيديو الظهور لا يوجد بداية ولكن يوجد ضوء نورانى هائل لا يعرف من اين واظن ان اجهزة الشرطة فى مصر لو متاكدة ان دة ليزر لن تسمح بهذا الزحام وكانوا جابوا الجهاز بتاع الليزر والوها علنى فى وسائل الاعلام وشكرا واسجل تقديرى لجهاز الشرطة الذى يتعامل بكل احترام مع الناس رغم الزحام الشديد جدا

  7. أمين 26/12/2009 19:55 -

    والله يا سيد اندرو أنا مش عارف أقولك ايه لكن حقول وجهة نظرى الشخصية ويا ريت ميدخلش واحد جاهل ويقول كلام فاضى أنا فى غنى عنه .يا أندرو نحن فى زمن محنة وفتنة ومستهدفين من كلاب الأرض صعبان عليهم وحدة الهلال مع الصليب شعار ثورة 1919 .وكلنا اتربينا ومؤمنين بهذا .ومعندناش الحساسية المفرطة فى مسألة الدين علشان كلنا أهل ذمة ومؤمنين بالله معايا فى كده . الغرب وأمريكا كانت الشيوعية بعبعهم .خلصوا منها واتفككت الدول الشيوعية وأصبحت شبه منتهية .العقبة الثانية أمامهم ومؤرقاهم هى الأسلام . ودى الحرب المعلنة أو غير معلنة منهم وعلشان عارفين أن الأسلام موجود فى مصر يعملوا ايه يدقوا أسفين بين المسلمين والمسيحيين لعلمهم مدى وحدتهم وترابطهم ويجمعهم وطن واحد وهم واحد ورغم هذا كلنا بنحب مصر بلدنا معايا لحد كده يا سيد أندروا .رؤيتى بقى لظهور السيدة العذراء فى هذا الوقت تحذيرنا جميعا مسلمين ومسيحيين من عدم الأنسياق وراء الفتن ولم الشمل ونبذ الفرقة والتناطح . ماشى كده أو تبشرنا جميعا بأن الهم والكرب الذى نعيش فيه سيرفعه الله عنا وتعود القدس وبيت المقدس محررة وتعود للمسيحين كنيسة القيامة فى بيت لحم لتتلى فيها ترانيمكم .بس بعد أن تعود الناس الى التقى والورع والعودة الى الله بقلب سليم هنا ممكن أن تتحقق الرؤية . والله أعلم .

  8. أندرو 26/12/2009 07:21 -

    إلى أمين
    (ولا تكن لينا فتعصر ولا صلبا فتكسر .ماشى يا اندرو!!!)
    ماشي يا أمين بس طب سؤال لما انت مش عايزني أكون ولا سائل ولا صلب طب أمل هروح فين، أنا كده هختفي
    (أنا سؤالى واضح وضوح الشمس)
    أنا بجد مش عارف فين سؤالك لكن أديني هجبلك سؤال من أسئلتك ويا رب يكون هو
    (لو العذراء أوحت لأحد ما من الناس الطيبيين المتدينين الورعين التقيين بشىء عن سبب الظهور فليخبرنا)
    يا سيد أمين لا يعقل أبدا إن العذراء تظهر وتخفي ما تحذر به كذلك لا يعقل انك تكون لسه مفهمتش ايه التحذير اللي هي عايزة تحذر به كي تطالب أنت بما طلبت انت زي ما سؤالك واضح زي الشمس سؤالها هي أوضح منك وشمس سؤالها أكبر وتغطي شمس سؤالك وسأريك أن سؤالك خاطئا فعندنا ف الإنجيل الشيطان جرب المسيح وقاله (لو انت ابن الله ارمي نفسك من فوق والملايكة تيجي وتشيلك) هل دا منظر سؤال يتجرأ ويسأل بيه الشيطان ربنا وهو نفسه الشيطان كان عمال يشكك فيه فقاله المسيح بحكمة (مكتوب لا تجرب الرب إلهك) ولم ينفذ الرب طلب الشيطان لأن الشيطان كان عارف وبيستعبط فانت برضه يا أمين انت بتعمل نفس الحكاية لانك عارف ايه هو التحذير ومتزعلش مني وبتستعبط أنا بس قلتها عشان أفهمك غير كده الرب يسوع من حوالي 2000 سنة كان بيقول لتلاميذه ايه اللي انتوا عايزينه وأعملهولكوا عارف ليه قالهم كده لانهم كانوا بيؤمنوا بيه انه ابن الله ومكنوش بيجربوه أو بيشككوا فيه وعشن انت شفت بعينك الظهورات ولسه ما آمنتش فسؤالك ده هيبقى مبني على الإيمان المرادي وإلا ميبقلكش عين تسأله تاني بعد اللي انت شفته دا رأيي وشوف آراء تانية من ناس تاني ومتقفلش معايا باب المناقشة لان أسلوبك حلو زي أسلوبي أو يمكن لاننا بنردح قبال بعض في الموضوع الجامد ده فحسين في تجاوب

  9. أمين 25/12/2009 23:49 -

    طيب يا اندرو لما توصل للنقطة اللى بسأ ل أنا عنها وبتقول انك بتحاول توصل لها عرفنى والله أنا سؤالى واضح وضوح الشمس ومش بزايد عليك ولا على أحد ومتزعلش منى انا لا أدعى العلم بكل شىء بس بفهم ومش جاهل وأعرف أشياء كثيرة جدا فى الدين المسيحى معلش يعنى أكثر منك .وأعز صديق لى أرثوذوكسى ومعاه بكارليوس كهنوت حصل عليه بعد انتهائنا من الجامعة .انسان متعلم صادق وأنا بأحبه جدا وأعتبره مرجع لى عندما تقابلنى حاجة عايز أسأل عنها بيجاوبنى بصدق .وأمانة العالم مش فكهانى ولا منادى .وأسلوبك ما زال عايز شوية تهذيب ولو حضرتك عندك كياسة وذوق فى التخاطب تعرف اللى بيكلمك ده جاهل ولا بيلعب فى الحارة عموما باب المناقشة بيننا مقفل وما زلت منتظر الأجابة على سؤالى بدون تجريح منى ولا منك ولا من أى متطاول. وشكرا

  10. أندرو 25/12/2009 22:40 -

    إلى أمين
    (وقلت للمرة الألف لظهورها حكمة . أما لتبشر وأما لتحذر)
    ياريت كل الناس تقول زي ما انت بتقول احنا بنحاول نوصل للنقطة دي
    (مش فاهم أنت عايز ايه)
    يبقى متتكلمش وانت مش فاهم حددلي المقال اللي انت مش فاهمه وانا أوضحهولك أكتر
    (يا سيد أندرو القساوسة الأجلاء وعلماؤنا المشايخ .وهم أولى منى ومنك بالتفسير والتأويل وهم المرجعية الصح)
    يبقى انت لسه مفهمتنيش يا سيد أمين افهم زي ما انتوا عندكم مذاهب وانقسامات ناس تأيد أقوال وناس تأيد أقوال تاني نفس الحكاية برضه عندنا فاحنا عندنا طوائف مختلفة في الآراء والأقوال وهم الطائفة الانجيلية البورتوستانتية والطائفة الكاثوليكية والطائفة الأورثوذوكسية اللي هم احنا اللي ظهرت عندنا العدرا أما القس رفعت والقس نصر الله اللي أنا انتقدت كلامهم دول من الكنيسة الانجيلية مش من الكنيسة الأورثوذوكسية وطبعا دول ما بيؤمنوش أصلا بظهور العدرا ولا بشفاعة العدرا من أصله
    (فأرجوك لا تتعصب)
    يا سيدي أنا مش متعصب بالعكس أنا باستخدم اسلوب النقاش لا الجدال يعني باستخدم الدليل والبرهان يعني (بم أن وإذن) يعني مش بتربس دماغي ولا أنا دماغي حجر فهمت يا أمين

  11. أمين 25/12/2009 18:29 -

    يا سيد اندرو لا تتخيل ويروح فكرك بعيد ويسرح .مفيش مسلم فى الدنيا لا يؤمن بالمسيح عيسى ابن مريم  وأمه السيدة  مريم صديقة عليها وعلى عيسى وعلى نبينا أفضل الصلاة وأعظم التسليم كل ما فى الموضوع نحن لا نشكك فى ظهور أو عدم ظهور طالما فيه ناس محترمة بتؤكد ذلك ونحن نحترم مشاهدتهم .وقلت للمرة الألف لظهورها حكمة . أما لتبشر وأما لتحذر وقلت لو العذراء أوحت لأحد ما من الناس الطيبيين المتدينين الورعين التقيين بشىء عن سبب الظهور فليخبرنا بما أوحت له حتى نستبشر أو لنحتذر جميعا مسلمون ومسيحيون .شاهدت حضرتك كاتب مقالات ونقد وحاجات بصراحة مش فاهم أنت عايز ايه وبتتكلم عن ايه.وكلامى ليك المقصود منه أسألوا أهل الذكر ان كنتم لاتعلمون .أهل الذكر دول يا سيد أندرو القساوسة الأجلاء وعلماؤنا المشايخ .وهم أولى منى ومنك بالتفسير والتأويل وهم المرجعية الصح و الأنسان العاقل يستقى منهم العلم لأن مثل هذه المواضيع لها ناسها وده أختصاصها مش واحد بيكلمنى عن الظهور بيقوللى اسأل الفكهانى اللى قدام الكنيسة يقولك .خلاص وصل بينا الحال نسيب القساوسة المحترمين المتدينين ونسأل فكهانى ده كلام يعقل .يا سيد اندرو أنا مسلم حقا لكننى لا أحمل أى ضغينة ولا حقد ولا حسد لاى أخ مسيحى فأنتم أهل ذمة وقد أوصانا نبينا بكم خيرا .فأرجوك لا تتعصب ولا تكن لينا فتعصر ولا صلبا فتكسر .ماشى يا اندرو!!!

  12. أندرو 25/12/2009 02:28 -

    إلى defncho
    (لو سمحتوة خالوة كل واحد فى عقدتة وكل واحد يحترم الاخر)
    على الرغم من أنك مسيحي إلا ان كلامك خاطئ جدا توووووووووووب حالا ومتستناش لبكرة
    هناك فرقا شاسعا بين المناقشة في أمور الدين وبين الاحترام المتبادل متخلطش الأمور ببعضيها موضوع المناقشة شيء والاحترام شيء آخر فإن نهيت عدم الاحترام لا تنهي عن المناقشة وأنا مش بكره حد لكن انتوا اللي بتفهموا غلط أنا بحبكم صدقوني وبحب وباحترم القسيسين الانجيليين بالأخص وان كنت قللت أدبي فسامحني وأرني ما قلة الأدب هذه اللي أنا ممكن ماكونش واخد بالي منها عشن معملهاش المرة الجاية
    (عشان كلنا فى الاخر بنعيش تحت رحمت ربنا مش تحت رحمت دين معين)
    هنا في الدنيا نعيش تحت رحمة ربنا حتى نتعرف على دين الله المعين ولكن كلنا في الآخر هنعيش تحت رحمة هذا الدين المعين الذي اتبعه كل منا وكل واحد ربنا اداله مخ يختار بيه فاختار انت من النهارده إما النقاش أو الجدال وانت بلا عذر أيها الإنسان فكيف تقول إننا في الآخر مش هنعيش تحت رحمة دين معين طب يالا يا جماعة نعملها كوكتيل

  13. أندرو 25/12/2009 02:07 -

    إلى أمين
    (ما معنى أن العذراء والمسيح يتناقلان صورهما بابداع الفنانين)
    فين الرسمة دي اللي بتحكي عنها وعموما أي رسمة لأي قديس دا عبارة عن رمز بيذكرنا بوجوده معانا ايه المشكلة معاك في كده المهم الرسمة دي احنا رسمنها ليه وهو ده الغرض أنا مش عارف ايه المشكلة معاك في كده ما احنا أصلا قديسين وعايشين وبنتصور عادي خالص والقديسين اللي احنا رسمنهم دول كانوا عايشين زيينا ولو كانوا راحوا عند أي فنان كان هيرسمهم برضه ودا اللي حصل بالفعل للقديسة مريم لما رسموها الرسل اللي شافوها والرسم دا فن ايه المشكلة بعدين دا تكريم مننا للعدرا لما تلاقينا بنحبها ومهتمين بان نرسم صورتها هي تفرح وعمرها ما تمسك ولد بيرسمها وتزعق فيه وتقوله ايه اللي انت بتعمله ده أما صورة الرب فالرب نفسه أظهر لنا وجهه الحقيقي من معجزة الكفن لما حبوا العلماء يستخدموا النيجاتف على قماشة الكفن بان فيها وجه السيد المسيح وانت ممكن تجربها على صورة الكفن باستخدام النيجاتف ودي معجزة مش ممكن تكدبوها لكن ممكن تألفوا عليها لكن أحب أقلك إن قماشة الكفن دي بتاعة الرب يسوع وبس وهي مقدسة ومحدش يجرؤ أنه يلعب فيها ودا بتعرفه عن طريق معرفة تاريخ الدماء التي على هذه القماشة ودا دليل على ان الرب بيقولنا طالما تهتمون بالمقدسات ها أنا أظهر وجهي لكم وعلى فكرة أنا بوجه كلامي اللي قلته فوق للبروتوستنت ولقساوس البروتوستنت سواء القس رفعت أو القس نصر الله

  14. أندرو 25/12/2009 01:44 -

    إلى أمين
    (اندروا لو سمحت بلاش تعمل عالم وفاهم)
    أنا مش عالم زي ما انت بتقول لكن دا مجرد رأي بنتناقش فيه انت مالك أنا دا اللي أعرفه وبحب اللي يعدل علي يديني برهانه ودليله وأنا من عيني أقتنع مع الحاجة الصح ومقتنعش مع الحاجة الغلط دا يا بابا النقاش الصح وأنا فوق تلاقيني كتبلك إن آرائي دي مجرد آراء وقد لا نعصم من الخطأ أنا مش معنى كده إني كرهت القس رفعت فهمت ولا لسة
    (وفيه قساوسة أعلم منك ودراستهم أعمق وأشمل)
    بالنسبة إلى القس رفعت مثلا دا مش من طائفتنا هو انجيلي ومكنش مؤمن بشفاعة السيدة مريم من أصله ساعة لما اتكلم واحنا طائفتنا الأورثوذكس اللي ظهرت عندنا العدرا مش بنعترف ان كلامه صح من الأول لكن عمرو أديب بيحب ياخد نظرة شاملة عن الموضوع ومين اللي مأيده ومين اللي ضده وأنا لإني مأيده كلية أحببت أن أنتقد ما قاله هذا القس لكي أكمل اقتناعي بظهورها الحقيقي حريصا على أن آتي في ذلك بالدليل والبرهان له ولغيره حتى يؤمن الجميع ولا يتعثرون بأي كلمة قيلت وحتى يكتمل فرح الجميع

  15. لو سمحتوة خالوة كل واحد فى عقدتة وكل واحد يحترم الاخر عشان ربنا قال حبو بعضكوم بعض كما احببتكوم انا وقال كمان وقال كمان اللة يدافع عنكم وانتم صامتون خالى الى يشتم يشتم وربنا يسمحوة السيد المسيح قالى على الصليب يا ابتاة اغفر لهم لانهم لا يعلمون مازا يفعلون انت كمان اغفر للى يسىء اليك وربنا هو الى هيخد حقق وربنا يصلح حال البلد مسلمين ومسحيين ويهود كمان عشان كلنا فى الاخر بنعيش تحت رحمت ربنا مش تحت رحمت دين معين

  16. أندرو 25/12/2009 00:02 -

    إلى prince
    (ولكم جزيل الشكر والتقدير)، (وكل عام وانتم بخير)
    أحب الأول أشكرك على ذوقك وأدبك وأخلاقك انت شرف لي ولكل المسيحيين ولتاني مرة بشكرك على كرمك وذوقك الرفيع
    (هو أن بعض الأشخاص من هواة العاب الليزر بشعاع الضوء)
    هنرد على الكلام ده وللمرة الألف بس ياريتك زي ما انت ذوق كده يكون عندك ذوقيات النقاش أي لا تستخدم الجدال أبدا
    1-العذراء مريم بتظهر دائما على مدار التاريخ الميلادي من بعد نياحتها ولعلك سمعت عن ظهورها ف الزيتون ودا كان قبل اختراع الليذر ايه تعليقك؟
    2-طبعا برقم 1 مفيش أسئلة تاني ممكن تتسإل ولو عايز تعرف أكتر بص في التعليقات في موقع masreat احنا اتكلمنا كتير عن الموضوع ده وأثبتنا وإن معرفتش توصل اكتبلنا تاني بس بعد ما تكون اتأكدت من رقم 1 وأمنت بيها فعلا لان رقم 1 وحديها لا تقبل الشك وانت بصراحة لو ما أمنتش من رقم 1 متزعلش مني هعتبرك من المتطرفين ولو عندك أسئلة تاني ياريت الأول تعلقلي على رقم 1 الأول وبعدين نشوف

  17. أمين 24/12/2009 17:17 -

    اندروا لو سمحت بلاش تعمل عالم وفاهم وفيه قساوسة أعلم منك ودراستهم أعمق وأشمل ولكل وجهة نظر ولكن تفرق نظرة العالم من السبهللى ما معنى أن العذراء والمسيح يتناقلان صورهما بابداع الفنانين . عيب تشبيه ردىء منك عن المسيح عيسى ابن مريم .وأمه العذراء البتول عليهما أفضل الصلاة والتسليم .

  18. سامح 2200 24/12/2009 16:30 -

    القس نصر الله صدقني عيب عليك طيب ما فكرتش ان المسيح اللي انت بتنكر امه يزعل منك
    انا اتغظت منك بشكل بس كفايه انهم كسفوك وبان ضعف موقفك امام الناس كلهم
    سؤال ؟ ايه اللي خلاك تطلع في البرنامج اساسا علشان تنكر علنا )

  19. أندرو 24/12/2009 15:29 -

    إلى القس رفعت فكرى راعى الكنيسة الإنجيلية بشبرا
    في البداية أنا أعبر عن رأيي وقد لا أعصم من الخطأ أو تكون اجاباتي ناقصة……إلخ فهذا من رأيي
    (إنه لو قالوا المسيح ظهر فلا تصدقوه)
    في هذه انت قد نسيت الكتاب فاستذكرت آية والباقي أهملته أو نسيته فأصبحت تؤمن بأن هذه خرافات وهي ليست هكذا انظر إن كنت لا تجادلني (فإن كثيرين سيأتون باسمي قائلين أنا هو المسيح ويضلون كثيرين ) (مت 24:5) فهل رأيت ذلك؟ جاوبني وباستكمال هذا قال لهم المسيح (حينئذ إن قال لكم أحد هوذا المسيح هنا أو هناك فلا تصدقوا) والآية التالية مباشرة هي (لأنه سيقوم مسحاء كذبة وأنبياء كذبة ويعطون آيات عظيمة وعجائب ……) (مت 24:23-24) فهل رأيت شخص يقول على نفسه أنا هو المسيح أو هل رأيت عدة مسحاء قالوا على أنفسهم أننا هم المسحاء؟ على أن هذا الكلام قاله قبل صلبه وقيامته ثم أن الرب بعد قيامته ظهر لتلاميذه انظر كيف ظهر (أنا أذهب لأتصيد، نذهب نحن أيضا معك ، ولما كان الصبح وقف يسوع على الشاطئ، هو الرب، وألقى نفسه في البحر، وأما التلاميذ الآخرون فجاءوا بالسفينة، نظروا جمرا وسمكا وخبزا، جذب الشبكة إلى الأرض ممتلئة سمكا كبيرا 153 ومع هذه الكثرة لم تتخرق الشبكة) (يو 21:1-14) هل تقول أن هذه الآيات العظيمة والعجائب من مسيح كذاب؟! وليه؟! ليس ذلك فقط إن جميع الشهداء والقديسين كالشهيدة مارينا وأم الغلابة والأنبا بيشوي هذا على سبيل المثال لا الحصر على أنني أظن أنك تعرفهم وكل الأفلام الدينية عن القديسين والشهداء ألم يروا المسيح وكانت تحدث العجائب على أيديهم بل أن الأنبا بيشوي سمعوا بقية الرهبان منه أن المسيح سيظهر على الجبل وكلهم ذهبوا وها هو ظهر فعلا على الجبل للأنبا بيشوي فهل تقول لي هنا لو قالوا المسيح ظهر فلا تصدقوا انظر ها جسد الأنبا بيشوي لم ير فسادا إلى يومنا هذا كما وعده المسيح لابد أن تفرق بين المسيح الحقيقي والأنتي كرست الذي سيأتي قبل مجئ المسيح مباشرة

  20. انا احب السيدة العذراء واسيد المسيح والشيخ يوسف النجار حبا شديدا …

    ولى تعليق على ظاهرة الظهور هذه .
    اولا الحقيقة التى يجب على جميع المواطنين ان يعرفوها فى جميع انحاء العالم لهذه الظاهرة ، وهى ظاهرة ظهور السيدة البتول العذراء فى بعض الأماكن ( هو أن بعض الأشخاص من هواة العاب الليزر بشعاع الضوء ) يسلطون شعاع الليزر وبها صورة فيلمية ثابته لصورة السيدة العذراء ويسلط الضوء سواء بالسماء على السحاب الأبيض أو على اى جدار بمبنى كنيسة او اى مكان اخر فتظهر صورة السيدة العذراء هذا ببساطة شديدة جداا.. ولكم جزيل الشكر والتقدير .. وبارك الله فى السيدة العذراء البتول مريم وابنها السيد المسيح عليهما السلام وكل عام وانتم بخير بمناسبة العام الميلادى الجديد والعام الهجرى 2010م/1431هـ

  21. أندرو 24/12/2009 14:01 -

    إلى القس رفعت فكرى راعى الكنيسة الإنجيلية بشبرا
    (أن العذراء والمسيح ذاته يتم تناقل صورهم بإبداع الفنانين)
    وعلى الرغم من ذلك فإن الروح حينما تظهر تتخذ الشكل المعروف بين العامة أي الذي رسم فى القرن الأول الميلادى لكي يعرفها كل من يراها ولكن إذا جائت بالصورة الحقيقية الغير معروفها بين العامة فقد يظنونها غير مريم إنما العذراء مريم تتنازل إلى أقصى الدرجات حتى تظهر في عالمنا الجسدي الثقيل وعموما فإن الرسل ومن بينهم لوقا برعوا في رسمها إلى أقرب من حقيقتها

أضف تعليقاً