بقلم : محمد البيلى . ميت عساس .سمنود .غربية
=======
مصر
مصر ياناس
عملت اضراب
وشالت لوحة
كاتبة عليها
كفاية عذاب
ايه يا ولادى
ايه جرالكم
قبل ماتدوا
عايزين تاخدم
زرعتوا الثورة
وعايزين ثمرة
قبل حتى ما ارضى تنبت
ايديكوا فيا ليه بتحتت
قبل حتى ما اداوى جروحى
قبل ما اصحا وافوء لروحى
بتموتونى
بتقطعونى
فكرتوا فى رحكو وسبتونى
وانتوا اللى ياما سبتونى
اتسرق
واتحرق
ليه ناسين اللى جرالكم
ليه فى الزحمة بتنسوا عيالكم
ليه ياولادى بتعذبونى
وبتسبونى
اضيع اكتر ما كنت ضايعه
واتوه اكتر ما كنت تايهه
ليه بايدكوا تغرقونى
قبل ما نفتح اى حساب
مين الصادق مـ الكداب
مين حمانى وضحى بعمره
ومين واقف فى الاضراب
مين عنى
شال همومى
ومين بلطج
وملانى ارهاب
ومين استندل
وفكر فى يومه
ومين كتب فى عشقى كتاب
ومين سبنى اتحرق
تلاتين سنة بتسرق
ومين فى ترابى هواه غلاب
ومين فى الثورة حرر قيودى
ومين عايزها تروح سراب
مين عشانى سالت دموعه
ومين بتاسف للنصاب
ومين خاين واقف بروبه
بدافع عنه بالاتعاب
قبل ما نحسب اى حساب
اللى مابينا دابس عتاب
عايزة طارى وطار عيالى
مـ اللى خلا عيشتنا هباب
عايزة بكره الاقى شبابى
رمز وقدوة لكل شباب
هتفضل مكانك
هفضل مكانى
ونموت الثورة
فى الاضراب
كلام جميل وصادق وواقعي وهو دة اللي بيحصل بس مين يحس ومين يفهم ، زي ما فيه شباب هم اللي عملو الثورة وهدفهم تحرير مصر فيه برضو شباب للآسف مخصوص لهدم الثورة وهدفهم تخريب مصر ،، حسبي الله ونعم الوكيل
واللهى كلام مؤثر جدا وفعلا دى الحقيقه