منة فضالى 2010
المحكمة الزمت منة فضالى 2010 برد ثمن الشبكة لخطيبها
مصريات
إيمان محجوب
ألزمت محكمة 6 أكتوبر الابتدائية في حكمها الصادر الأسبوع الماضي برئاسة المستشار طارق زكي الفنانة منة فضالي برد الشبكة لخطيبها السابق رجل الاعمال عادل مصطفي حقي وقيمتها حوالى 60 ألف جنيه.
وجاء في عريضة الدعوي أن شبكة منة فضالي عبارة عن خاتم من الذهب عيار 18 وزنه 55،11 جرام مرصع بأحجار كريمة عبارة عن عدد 28 حجر مليهات ألماظ ووزن 30،20 وعدد 8 أحجار باجيت ألماظ زنة «92،2» جرام وعدد 1 حجر برنسيس ألماظ زنة 70،20 وتقدر قيمته بـ 29 ألف جنيه وخاتم ذهب عيار 18 زنة 45،7 جرام مرصع بأحجار كريمة عبارة عن 5 أحجار برنسيس ألماظ زنة 28،2 ومجموعة أحجار ألماظ قيمتها نحو 31 ألف جنيه كما الزمت المحكمة منة بالمصاريف وأتعاب المحاماة.
البداية كانت بإقامة الدعوى رقم 458 لسنة 2009 مدني 6 أكتوبر من قبل رجل الأعمال عادل حقي في أول سبتمبر من العام الماضي جاء فيها أنه تقدم لخطبة الفنانة منة فضالي وقدم لها خاتمين من الذهب مرصعين بفصوص من الألماظ بقيمة 60 ألف جنيه وبعد فترة فسخت منة الخطوبة ورفضت رد الشبكة مما دفعه الى تحرير محضر ضد منة فضالي ويقيم دعوى رد شبكة أمام المحكمة التي تداولت القضية حيث قدم عادل حقي أصل الفاتورتين الخاصتين ببيانات ووصف وقيمة الشبكة وأكد أمام هيئة المحكمة أن فسخ الخطبة كان من جانب منة فضالي بعد رفضه تسجيل مسكنه باسمها قبل إتمام الزواج وهو عبارة عن «فيلا» بحديقتها تصل قيمتها الى 5 ملايين جنيه.
walahi al 3azem howa al ksban ano sbha de be2a we msh mo7trma
بكرهك يا منة عشان طلعتى جشعة و طماعة و كمان عايزة تأخذى الشبكة من خطيبك…..حرام عليكى بجد….حسبى الله و نعمة الوكيل
بصراحه انا لو مكانك اول ما افك خطوبتى من نفسى ارجعله الشبكه لان من الطبيعى انك ترجعيها لانها تخصه .. لكن من العيب اوى انك ترفضى وتنتظرى منه انو يرفع قضيه طب وليه كده الموضوع كان يتحل بهدوء احسن من الفضايح دى والله.. وكمان فعلا شكلك ماديه اوى.. حرام عليكى بتشطرطى عليه يكتبلك الفيلا عشان الجوازه تتم؟ يعنى عشان مكتبهاش يبقى الجاوزه تتفركش؟ طب مهى كده بانت انك مش بتحبيه ومجوزاه كده عشان فلوسه ايه النصاحه دى….. ده انا خطيبى بيقولى تحبى اجيبلك ايه والله رديت عليه قلتله اللى تقدر عليه هاتوا …. ومحبتش احدد سعر عشان مش عاوزه اضغط عليه… لالا الله يهدى البنات بجد
الصراحه منه فضالي دي شلق جدا بس فعلا كرامتك لازم تكون اغلي من ال 60 الف ومن فلوس الدنيا ويلاا ادفعي للصحافه فلوس عشان يكتبولك كلمتين حلويين
بصراحه انا شايفه انى الموضوع مش فيلا اوشاليه اواى ماديات تانيه لازم يكون الحب موجود واظن لو فى فعلا حب موجود مكنش الخلاف ده موجود واحب اقولك انك ماديه زياده عن اللزوم
اللى اختشوا ماتوا و حسبيا اللة و نعم الوكيل فيكى كنت فاكراكى احسن و انضف من كدة
فين بالظبط فى مدينة الرحاب هههههههههههههههه باهزر والله
الله يسامحك يا انسه منه يافضالى فتحتى عليه طاقه جهنم مراتى اللى اسمها مها طلبت منى ان اكتب الفيلا التى املكها فى الرحاب باسمها لكن مش كل الطير اللى بيتاكل لحمه قلت لها انسى والا ساسفرك الى دبى فى رحله طويله للقاء سوزان تميم الشهاده لله ما طلبتهاش تانى ليه معرفش؟
اه نسيت اقول لك ياانسه منه يافضالى بعد ما تاخذى الفيلا من هشام طلعت فى الرحاب اوعى تسافرى دبى طول ما انتى على قيد الحياه تعرفى ليه علشان الدنيا هناك حر وبرضه اسألى سوزان تميم وهى تقول لك
يا أنسه منه يا فضالى انتظرى قليلا لحين خروج هشام طلعت مصطفى من محنته وهو لن يبخل عليكى بفيلا فى الرحاب بعشره ملايين جنيه على الأقل لأنه راجل كريم وبيقدر الجمال وهو لن يدفع شيئا من جيبه اللى بيدفع هم أحنا سكان الرحاب وأسئلى سوزان تميم وهى تقول لك
مساء الفل يام يوسف
والنبى ياختى كنت عايزك فى حوار كده …… تسلم عينيكى … لا فلوس ايه مستوره والاشيا معدن انا بصراحه نويت استأرر واكمل نص دينى … الله يباركلك ياختى عقبال يوسف … امبارح كنت سهران عند ام سوكه وانت عارفه البت سوكه دى الحب الاولى و الحته المخصوص بتاعة اخوكى سلطان وباسأم عليها من وهى فى الدبلون … قصره امبارح كنت قاعد عندهم الوليه امها ام وش بلاستك نطت فى الحوار وقال ايه احنا جوز ولايا معناش راجل وانت كل يوم داخل طالع ياتاخد مطرح وتكتب عليها ياتورينا عرض اكتافك انت هتحملج ع الولايا ياسلطان ؟ الله يحرقها طيرت نص البارمورال وفردة الالترادول اللى كنت معبيهم .
وانا اللى كنت عامل الدماغ دى عشان اظرف البت الكلمتين الحنان منها لله
ما اطولش عليكى قولى طول. قلتلها ادينى اسبوعين اظبط فيهم الكلام واشور على الغاليه… وادينى جيت وحيات النبى ياشيخه السيده فى ضهرك تدبرينى خلى الوليه امها تنزل من على ودانى لحد مااتصرف وانا عن نفسى كنت ناحت قرشين من قطب بتاع المخدرات ونايم عليهم اربعتاشر عشان اجيب توك توك بالتقسيط بس كله يهون عشان زات العيون الدبلى …. روحى ياشيخه ربنا يرجعلك عم ابو يوسف بالسلامه
يا منة اللى بيفرق القصور والفلل الكومى وهشام طلعت .يخرب عقلك الطمع واضح من عنيكى ده انتى طلعتى جشعة بشكل. بس اللى يكتب فيلا ب5 مليون يكتبها لواحدة حلوة أميرة مش غسالة صحون …هههههههه
أول مره يا فنك تقول حاجة صح …منه فضالى أثبتت فى برنامج حيلهم بينهم أنها بيئة بيئة بيئة وعلشان طمعها ده عمرها ما هتتجوز وابن جزمة اللى يبص لها ولا يعبرها
نداء الى (( فارس السيف والقلم )) كيفك وكيف وكيف الاموره الصغيره كنت قد اقترحت ان نستعرض تاريخ البرامج الاذاعيه والتليفزيونيه القديمه اامل ان يكون هذا مشروعك معنا لانك كما ذكرت ملم بالموضوع وانا متشوق لقراءة اول مقالاتك فى هذا الموضوع ….. ولك منى وافر الشكر وخالص التقدير لك شخصا وخلقا وقلما
معلش يا…………منة ……..خيرها فى غيرها
صحيح عالم طماعه………..كويس نفذت بجلدك……..قال 5 مليون……….دي حتي شلق……..ووضح اسلوبها في الحياة في برنامج حيلهم بينهم.
(( وكفايه اصحى على ابتسامتك ))
كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك للأرنب بطريقة أحسن من كده، قول له هات لى جزر، إذا جاب لك جزر لونه أصفر إضربه و قول له أنا عاوز جزر أحمر، و إذا جاب لك جزر أحمر إضربه و قول له أنا عاوز جزر أصفر. فقال النمر للأرنب أنا عاوز جزر، فقال له الأرنب، عاوز الجزر أصفر و لا أحمر.النمر راح ضربه و قال له إنت ودانك طويلة ليه