تنسيق الثانوية العامة
مصريات- تنتهي اليوم الفرصة الاخيرة لطلاب الثانوية العامة لتسجيل وتعديل رغباتهم على موقع التنسيق، وعددهم حوالى 5 الاف طالب وطالبة للالتحاق بالجامعات والمعاهد العليا بعد ان تقدم لموقع التنسيق حتى امس 30 الف طالب..
وصرح عبد الحميد سلامة انه سيستمر فتح تسجيل الرغبات في تنسيق الثانوية العامة امام الطلاب حتى السابعة من مساء اليوم.
من ناحية اخرى تبدأ اللجنة العليا للتنسيق برئاسة د.هاني هلال وزير التعليم العالى مساء اليوم في توزيع الطلاب على الجامعات والمعاهد من خلال الحاسب الالى بجامعة القاهرة على ان تظهر النتائج خلال 72 ساعة..
كما سيتم فتح باب التحويلات لتقليل الاغتراب عقب اعلان نتيجة تنسيق الثانوية العامة المرحلة الاولى ب48 ساعة..
وصرح مصدر مسئول بالتعليم العالى انه تقرر خفض اعداد المقبولين بكليات القمة الى حوالى 2650 طالبا فقط حتى لا ينخفض الحد الادنى للقبول بهذه الكليات عن 90٪ ليصل الحد الادنى للقبول بالطب الى 94.8٪..
كما اصبح من المؤكد عدم وجود اماكن بالجامعات الحكومية لأكثر من 45 ٪ من الطلاب الناجحين في الثانوية العامة وعددهم يصل الى 16 الف طالب وطالبة ولن يصبح امامهم سوى التعليم المفتوح او المعاهد الخاصة.
وهناك 5 آلاف طالب وطالبة تقدموا بأوراقهم للالتحاق بالجامعات الخاصة وهم يمثلون 14٪ من الناجحين في الثانوية العامة.
وبذلك تكون نسبة المقبولين في الجامعات الحكومية لاتتجاوز 40٪ من الناجحين هذا العام.
مش عارف ادخل على موقع التنسيق
التعليم اساس الحياه يا رب وفق الجميع
طايب اللي جايين من السعودية ممككن يقدموا في الازهر حد يطمني لوسمحتم …
بسم الله………
بتصعب عليا نفسي كل مافتكرك يا ثانوية يا عامة…..انا نفسي كل اللي سمعني يحس بقلبي اللي وجعني ميقولش عادي وايه يعني بتحصل كتيير….يارتني سمعت كلام الناس كملت ليه وعلى اي اساس ؟؟ وانا طول البوقت بتألم في كل وقت بشووووووووووفه…..
يللا الحمد ادينا خلصناها بكل مافيها انا مستنية بقى التنسيق بتاعي 🙂 ربتا يسهل ..ويا فاطمة ده مش ظلم ولا حاجة لان مينفعش انك تقارني اللي بيتعلم في مناهج مصرية وواحد تاني سودانية هما بياخدوا حسن الموجودين بغض النظر عن المجموع يعني مثلا كان لينا قرايب في ماليزيا جابو في الثانويه 76% او حاجة زي كده ودخلت طب عين شمس كمان هههههه عشان المصريين اللي فمالزيا مكنوش كتير وهي احسن الموجودين في السنة دي كانو بياخدو اللي جايين من السعودية للطب 98% وفي الحدود دي ادعولي بقى في التنسيق ربنا يكرمني:)
……… سلام يا طالبة ثانوية عقبال الكلية 🙂
بجد انامشفق على كل طلاب الثانويه العميه بجد انا بجد حاسس انى كنت عايش فى زمن الخير انا كنت ايام الثانويه اللى كان فيها تحسين مره واتنين وتلاته واربعه كمان بجد انا جسمى بيئشعر لما بسمع منكم تعليقتكم على الثانويه العامه بتاعه 2010 بجد انا خريج ثانوى 98بجد فرق شاسع بينى وبينكم بجد الحمد لله السنه الى بتفوت مش بتتكرر تانى ابدا …. ربنا معاكم … اخوكم يوسف..المحامى
والله اللى بيحصل فى مصر ده ظلم ظلم ظلم يعنى ايه لما طالب مصرى يجيب97 و ميدخلش طب و واحد فى الثانويه السودانية يجيب 87 و يدخل طب و النبى ده و حكم مين والا فى شرع مين ده ظلم للمصريين
ممكن حد يقوللي معاد تنسيق المعاهد والكليات الخاصه ده ايميلي
انا بدعى لرئيس التربية والتعليم المعلم الفاضل وربنا يكمله بعقله واشوفه حمااااااااار اد الدنيا والى عنده حاجة يعملها
طيب حصل ايه في تنسيق 2009 اهالي الناس رفعوا قضية على وزير هاني هلال وكسبوها الموضوع وصل لحد فين دلوقتي حد عنده فكرة
سكووووووووووت كل دا سياسة تسليط الأضواء على البدر الجديد اللى بعون الله هيبقى محاق فى يوم من الأيام والحدق يفهم هههههههههههههههههههههههههه
ياجماعة الموضوع كبير كبير يعنى مينفعش كدة
يمكنك دخول كلية اللغات والترجمة جامعة الأزهر .. هذا مسموح لطلاب الثانوية العامة في الأزهر مسموح لهم بدخول كلية اللغات والترجمة مع خالص تمنياتي بالتوفيق,,,
يمكنك دخول كلية اللغات والترجمة جامعة الأزهر .. هذا مسموح لطلاب الثانوية العامة في الأزهر مسموح لهم بدخول كلية اللغات والترجمة مع خالص تمنياتي بالتوفيق
حرام اللى بيحصل دة
اللة يكون فى عون اولاياء الاومور والطلبة المصريين الغلابة واقول لهم انتو عملتوا الى عليكم والباقى على اللة وبالتوفيق والنجاح
دة حرام وحسبنا اللة ونعم الوكيل يعنى هو فى وظاءف قوى
نعيش الآن عصرا مظلما من عصور الفراعنة كلما جاء حاكما قضى على نظام سابقه دون دراسة لعواقب فعلته واتى بنظام لايناسب ما تراكم لدى الشعب من ترسبات النظام السابق
(هكذا فعل الوزير أحمد زكي بدر) حسبنا الله ونعم الوكيل
خدعونا وقالوا دولة مؤسسات طلعت دولة (بدر وست ستات)
الثانويه العامه دي حظوظ وانا كنت بذاكر وعملت كل اللي عليا واتظلمت في التصحيح الي جانب الامتحانات الغامضه مش هاقول غير حسبي الله ونعم الوكيل بس يتري تنسيق السنه الجايه هيبقي عامل ازي يعني هينزل ولا هيفضل كده ولا هيعلي بليز حد يد عليا
ياجماعه ممكن حد يقولى هو معهد مساحه قبل من كم السنه دى
حسبي الله ونعم الوكيل
حسبي الله ونعم الوكيل انا ذاكرت كويس جدا وعملت كل اللي عليا واتظلمت بردو في المجموع وفي الاخر جبت 90 في الميه هاعمل ايه بس حد ينصحني افضل علمي علوم ولا احول علمي رياضه وممكن الحق هندسه .وحسبي الله ونعم الوكيل في كل ظالم
حرام اللى بحصل ده والقرار فيه عدم احترام المواطن الغلبان وفيه عدم دستورية القرار و اى حد هيرفع قضيه هيكسبها . فين العرض والطلب حتى لو كانت طب هتنزل ل 50 % يدخل وبعد كده يسقط لكن انى ازيح اكتر من 60 % الى الجامعات الخاصه والمعاهد الخاصه والعادية فى مصلحه مين فين مجلش الشعب من القرار الجائر كل الطلب اللى امتحانو السنه ديه لا يتعدو ال 70 الف نجح 35 الف تقريبا جامعات مصر كلها مش قدره تستوبعهم اللى كانت كل سنه بتاخد اكت من 150 الف طالب حرام حرام حرام
انا بكــــره اســرائيل بـــس بكــــره الوزيــــر اكــــتر بكتيــــــــــــر
حسبنا الله ونعم الوكيل فى وزير التعليم الباشا الكبير لوزير التعليم الغالى، فين التنسيق حسب الاماكن المتاحه؟ كله كذب مفيش تنسيق من أصله، جامعات مصر بكل فروعها وانواعها لم تستوعب ال33 الف طالب؟ كذب، اصلا مفيش تنسيق، الموضوع ان 10% من الدفعه فقط اللى دخلوا جامعات حكوميه اللى حصل على اكثر من 85%، والباقى اندلق فى الجامعات والمعاهد الخاصه، فين زراعه وحقوق واداب والتربيه وغيره اللى كان يوصل القبول فيها للسبعينات؟ كله كذب، كله منفعه للجامعات الخاصه اللى اصحابها رجال الاعمال واعضاء مجلس شعب ودكاتره الجامعه، كله عشان الضرائب التى تحصل منها لخزينه الدوله، وكله على حساب المصرى الغلبان اللى مش عارف يأكل اولاده ويصرف على تعليمهم، حتى الموظف اللى مرتبه 3000 جنيه هايجيب منين عشان يصرف على تعليم 2 من ابناؤه. مين الغبى اللى بيصقف للمهزله والفساد الموجود فى البلد ، كفايه حرام . المصرى تعب من اللى بيحصله. سنه ظلم على ابناءنا، فينك يارئيسنا ؟ روح مكتب التنسيق وشوف اللى بيحصل، عاملين زى اللى بيجوزوا بنت بقوة السلاح واسمها مضت على عقد الزواج ، كده برضه بكره يقولوا الاقبال شديد على الجامعات الخاصه نظرا للتميز فى التعليم، انما كانت بالقوه فالكمبيوتر مفتوح للطلبه ابتداء من الجامعات الخاصه، ومكتب التنسيق يرفض يستلم اى ورقه مدون فيها الجامعات الحكوميه، فلتره بمعنى الكلمه، حسبنا الله ونعم الوكيل، نكلم مين ونشتكى لمين؟
يا جماعه انا فى ثانوى عام وعاوزه ادخل كليه من الازهر ارجوكم اعمل ايه انا بسترجاكم بسسسسسسرررررعه
الله ينور عليك ياوزير التعليم في مصر وتسلم ايدك والله كنا محتاجينك من زمان انت كده ماشي صح ومهزله الا متحانات كل سنه العيال بتلعب وفي الامتحان يصرخوا الحقونا الامتحانات صعبه وهي مش صعبه ولا حاجه علي اللي اجتهد وذاكر اما الفاشلين فهذا مصيرهم بس المهم خليك علي موقفك ولا تاخذك في الحق دموع الطلبه الفاشله ولا اولياء امورهم لانهم لو ربوا اولادهم صح كان حالهم افضل
وارجوك تستمر في قراراتك الشجاعه وتلغي الكادر بتاع المدرسين اللي كلفنا الملايين ومازالت الدروس الخصوصيه شغاله يعني بندفع لهم مرتين مره في الكادر ومره في الدروس الخصوصيه ارجوك ارجوك انسف الكادر من اساسه كلهم بيعطوا دروس خصوصيه ومافيش مدرس بيشرح بضمير زي زمان في المدرسه وياريت تمنع الكليات الخاصه فسوف يدخلها ابناء الاغنياء ودول لا يهمهم العلم ولا شيئ المهم اللقب وسياتي اليوم اللي نجد الخريجين كلهم نص طبيب ونص مهندس والناس تموت علي ايدين طبيب نص كم والعمارات تقع بسبب مهندس نص سوي وسلامي لسيادتك
يا ناس كده حراااااااااااااااااااااااااام اولا انا نفسى اعرف التنسيق هاينزل كام فى الميه السنه دى
المفرود الجامعات الخاصه ما تقبلش حد خالص السنه دى واللى لازم يتعمل ان الجامعات الحكوميه تأخذ كل الطلبه والسلام عليكم وحسبيا الله ونعم الوكيل
ما يحدث الان في التعليم المصرى لا يطلق عليه الا مهزله في حق كل مسؤل
انا اتمني تنزيل جدول القبول بالجامعات الحكوميه والخاصه حسب الدرجات
اللى بيحصل ده مينفعش