فوازير مضحكة
مصريات
من دون شك وريبة بأن الحل الامثل انك تطلع عين اي واحد وتقرفه في عيشته، انك تشوفله حبة نكت مصرية تموت ضحك، واجدد فوازير مضحكة مع حلها على ان تكون الفوازير مضحكة جامدة كده.
وتكون فوازير حلوة مع حلها، ولا مع حلولها، بحالة لو كانت الفزورة من النوع الذي يتطلب عدة حلول، وبخاصة لو في اكتر من حل من النوع الرخم زيادة عن اللزوم اللي عمر اللي قدامك حتى لو عمل ايه ميتوقعش اجابة فوازير مضحكة على شكل نكت مصرية تموت من الضحك وانت تفاجئه بحل الفوازير اللي لا ع البال او الخاطر.
المهم نسيبك انت مع اجمل فوازير جديدة مضحكة تحفة بجد، ويجعل كلامنا خفيف على اللي هايقراهم.
- 5 فروق بين البطة والوزة 1- تقدر تحلق شعرك زلبطة لكن ماتقدرش تحلقة زلوزة 2- فية رحالة اسمة ابن بطوطة لكن مافيش رحالة اسمة ابن وزوزة 3- تقدر تبلبط في البحر لكن ماتقدرش تبلوز فية 4- كلنا بنتغطى في الشتاء ببطانية لكن مابنتغطاش بوزانية 5- الوزة كانت زمان بطة لكن الشيطان وزها
- غبي دافن نصه في الارض ليه ؟ بيصور فيديوكليب انا عايش ومش عايش
- س: ما الفرق بين الكمبيوتر و الاتوبيس و الحفرة ؟ ج:الكمبيوتر .. حاسب آلى والاتوبيس .. حاسب يا اسطى والحفرة .. حاسب لاتقع
- مرة واحد طويل جدا شرب لبن مات ليه؟ لان اللبن صلاحيته انتهت قبل ما ينزل بطنه
- عايزين ندخل فيل جوة الكباية نعمل ايه؟ نحط ورقة علي الكباية وبعدين نحط الفيل علي الورقة وبعدين نيجي بشويش ونشد الورقة بسرعة الفيل يقع جوة الكباية
- مره نكتة ماشية بتعيط ليه؟؟ عشان واحد ضحك عليها
- مرة واحد راح يشترى ساعة لقاها غالية اشترى 5 دقايق
- واحد تاية بيسال واحد ماشي في الشارع اقرب طريق للمستشفي ايه قاله غمض عينك و عدي الشارع
- لية بلديتنا بيلبس تي شيرت علية قطة ؟عشان الفار ميلعبش في عبة
- كان فيه سفينه طالعه في البحر وكانت مليانه بنات وبعدين السفينة عطلت وكل اللى فيها غرقوا ما عدا واحده عارفين ليه ما غرقتش ؟ علشان كان اسمها بطه
- جماعه مساطيل عملوا اتوبيس بيمشي بالعرض لييييه؟ عشان كلهم يركبوا قدام
- مرة واحد كل ما يشوف البرق يضحك ليه ؟ عشان يطلع حلو فى الصورة
- واحد جـزار ضرب بنته علقة سخنة جدا .. ليه ؟؟؟ ضبــــطها مــاشيـــة مــع عجــــل
- واحد بلدياتي واقف قدامه خمس شياطين ليه ….؟؟؟ واحد يوسوسله و اربعه يفهموه