وزير التعليم :نتيجة الثانوية العامة المرتفعة سببها تسريب الامتحانات

نتيجة الثانوية العامة

نتيجة الثانوية العامة

وزير التعليم :نتيجة الثانوية العامة المرتفعة سببها تسريب الامتحانات

مصريات

نفى الدكتور احمد زكي بدر وزير التربية والتعليم ان تكون نتيجة الثانوية العامة بمرحلتيها الاولى والثانية هذا العام هي الأسوأ منذ مدة طويلة.. متهما بعض الصحف بتضخيم الامر بعناوين منها بدأت كوارث التصحيح طالبة تحصل على 90% العام الماضي وتحصل هذا العام على 11% وقال ان نتائج الثانوية العامة المرتفعة في الاعوام السابقة تعد ظاهرة تحتاج الى دراسة وقال ربما كانت نتيجة الثانوية العامة مرتفعة في الاعوام الماضية نتيجة عمليات التسريب وقال ان احدى الطالبات حصلت على نصف درجة من خمسين في حين ان خطها لا يمنحها حتى نصف الدرجة.

اشار وزير التعليم احمد  زكي بدر امام اجتماع لجنة التعليم والبحث العلمي بمجلس الشوري امس برئاسة المستشار عبدالرحيم نافع وكيل المجلس ان ما نشر في الصحف حول امتحانات الثانوية العامة و نتيجة الثانوية العامة 2010 قد أثار بلبلة بين الاسر واصفا ما نشر عن نتيجة الثانوية العامة بالكذب وغير الصحيح .

اخبار ومواضيع ذات صلة:

36 comments
  1. اميره 09/07/2011 18:55 -

    انا نفسى اجيب الكلية الحلوة اللى تناسبنى ونفسى يبقى فيه ذمة السنة دى ميبقاش زى اى سنة فى التصحيح

  2. لولو 29/06/2011 13:15 -

    بالنسبة للمرحلة الاولى من الثانوية العامة الامتحانات صعبة جدا ياريت تخفيف على الطلبة

  3. اديك 11/08/2010 19:57 -

    يا جماعة كل دا عادى انا بقالى خمس سنين فى الثانوية العامة بسبب الرياضة كل ماامتحنها اسقط بردو و3 مرات اعمل تظلم واروح والاقى اخطاء بلهبل ويعيدو التصحيح وتبقى نفس الدرجة فى المرة الاول مدير لجان التصحيح هو الى كان واقف معايا وشاف الورق وقالى انت ليك درجات بس بردو لا حياة لمن ينادى وتانى مرة اتخانقت مع الى كان واقف فى لجنة التظلم علشان مش رادى يدخل اى حد معايا يشوف الحل ولما طلعتلو بردو اخصاء وكان من ضمنهم اسئلة معمول عليها اكس كبيرة وقولى ان الاسئلة دى صح وانا مش كاتبها فى اى ورقة تانية يقولى المصحح كاتب جنبها معادة وقولو يشوف هوا يلاقى ان الاسئلة اساسا اول مرة اكتبها وبقولى هما ادرى بالصحيح وبردو مفيش اى زيادة او حتى نقص على رأى المطرب الكبير (خليها تاكلك)

  4. ليلي حسني احمد 25/07/2010 21:30 -

    حرام عليك يا وزير روح منك لله ضم تنى في الدرجات

  5. اميرة 23/07/2010 21:50 -

    بجدحرام ايلى بيعملوا فينادة والتصحيح الزفت دة ازاى يعنى اجيب ف الفرنساوى 41و5واناخارجة ومراجعاه وقولت انى هقفلوا ولونقصت هنقص درجتين بالكتير مش عارفة كل دة راح فين دة الامتحان اصلا كان سهل اوى ومفهوش حاجة واناحلاه كلوا وحتى الجبر ايلى اناحالة فيه كلوا اجبارى واختيارى ومراجعاه اجيب فى 22 وقال انا كنت ضمنة انى هقفل الجبروالفرنساوى هههههههه لا وايه كمان الكيميا ايلى اناغلطت فيها3 درجات بس لقتنى جيبة فيهه44مش حرام الدرجات ايلى راحت عالفاضى دى انابجدهتجنن بالزات من درجة الفرنساوى والجبر

  6. معتز 22/07/2010 00:20 -

    يلا خلصونا بدي اعرف النتيجي والله اني سهران عشان النتيجي بس يا رب انها اتكو ابتستاهل السهرة يا رب الله ينجح كل طلاب التوجيهي وانا معهم

  7. معتز 22/07/2010 00:17 -

    مشان الله بس بدي خمسين ما بدي اكثر يا رب

  8. ابانوب مجدى 21/07/2010 21:08 -

    انا هخسر اية اكتر من كدة

  9. كارهى احمد ذكى بدر 20/07/2010 05:52 -

    منــــــــــك لله
    وحسبى الله ونعم الوكيل فيك يا وزير التربيه والتعليم

    حراااام والله حراااااام

  10. سهير 19/07/2010 18:11 -

    أنا والدة طالب بالثانوية العامة عندما ذهبت للكنترول لمراجعة أوراق إبني وجدت عبارة أسلوب غير علمي ولكن إجابته صحيحه لأنه فاهم مش حافظ وهو محور الإجابة ولكنها ليست حرفيه كما النموذج …… حرام عليكم الللي بيعملوه فينا يجب أن يكون فيه لجان متخصصه من نفس المادة لتعرف إن الإجابه بنفس المعني وليست حرفيه مثل النموذج ضيعتونا منكم لله .. كل ده عشان الجامعات الخاصة تشتغل ياتري المسئولين مصلحتهم إيه وواخد ين كام ؟ حسبنا الله ونعم الوكيل .. طبعا النتيجة متظبطه لصالح هؤلاء
    ل

  11. سامح وببببببببببببس 19/07/2010 03:16 -

    انا الحمد لله فى اعلام جامعة القاهرة

  12. محمود البشناقى 18/07/2010 15:33 -

    كانت معموله بالبلاستيك

  13. محمود البشناقى 18/07/2010 15:30 -

    العيال بقى شالو …. ليس ….مع انها كانت لازقه جامد بعنى العيال شالوها بسكينه

  14. محمود البشناقى 18/07/2010 15:28 -

    انا لما كنت فى مدرسه وجيه اباظه فى الاعدادى الفصل اللى انا كنت فيه فوق السابوره كان فيه المقوله دى ….:::(الغش ليس وسيله للنجاح):::…وبعد يوم من الدراسه لقيتها اتغيرت واتحولت لـ….:::(الغش وسيله للنجاح):::…
    اتضح ان ده صح بعد كده

  15. محمود البشناقى 18/07/2010 15:19 -

    على فكره فى مدرسين بيظلموا الطلبه وفى مدرسين لا…. وعلشان كده الطالب اللى مذاكرش بيتساوى بالطالب اللى ذاكر انا فى العربى مخلص الساعه 12:04 بالظبط والتعبير كاتب فيه 5 صفحات غير التقرير وحالل تمام يعنى اجيب اققل حاجه 27 والامتحان يعتبر سهل وجايب فيه 25.5فى الخر وغيرى ماكتبش التقرير وكاتب صفحه ونص ويجيب 27 بس الحمد لله المواد التانيه ساعدتنى فى المجموع وجبت 93.414%والرياضه ناقص فيها 3 درجات عافيه مع ان المدرس قالى المصحح حيديك 1.5 على السؤال اللى شوفته غلط دة ومش عارف هما نقصونى فى الكيميا ليه ليه ليه درجتين ؟؟؟؟؟؟ هما مايراعوش ليه !!!!
    ……….فى حاجه تانيه بقى الجنه اللى انا كنت فيها كان فيها عيال بتغش وعيال لا علشان الموقع الاستراتيجى بتاعها انا والله ماغشيت ولا فاسفوسفه مش حراااام بردو انا فى مدرسه عمر مكرم واللى فى مدرسه احمد محرم غااااااااشووووووووو لدرجه العيال كانت بتقوم من مكانها وكان فى مدرس بيجلهوم كل شوايه يقلهم انتو عاوزين حاجه …………مش ده حرام ارجوكو قولو كل شوايه الغش ليس وسيله للنجاح…….. وغير كده المجاميع عاليه فى المدرسه عندى يعنى مش ضامن حاجه ..

  16. حرام 18/07/2010 10:06 -

    نا اتعبت كنت بزاكرة 20 ساعة فىاليوم ومعايا احياء وجبت 85% وانا الاول على المدرسة
    كان نفسى اخش طب حررام عليكوو

  17. اهبل 18/07/2010 09:54 -

    ههههههههههههههههههههه انا اتجننت هههههههههههه

  18. كفايه مدح في وزير التعليم
    لأن الله سميع بصير
    بصراحه و من الأخر لو كان حد من اللي بيمدحو سياده المبجل وزير التعليم عنده عيل في الثانويه العامه كان هيحس بالظلم والاضطهاد و التحدي ضد الطالب وخاصه لطلاب الاحياء اللي امتحنوا كل المواد في ٨أيام و من الاخر ربنا على الظالم و المفتري

  19. حسبى الله ونعم الوكيل فيك يا…. انا اتظلمت فى التصحيح انا كنت مقفل التاريخ وجبت 21 والرياضه كنت مجاوب فيه حلو وفى الاخر خذت 3 من 50 ده ظلم ولا لا انا بجد بقول منك الله وحسبى الله ونعم الوكيل

  20. حسبى الله ونعم الوكيل فيك يا …… منك الله انا اتظلمت فى التصحيح كنت مقفل التاريخ لقيت نفسى جايب21 ده ظلم والرياضه كنت مجاوب حلو واخذ 2 من 50 ده ظلم ولا مش ظلم

  21. احب انوه عن امر هام جدا انا مستغربة على كل اللى بيتقال وبينشر بخصوص اللى حصل ف الثانوية العامة ف هذا العام انا شايفة ان مافيش اى فرق بين هذا العام والاعوام الماضية الثانوية العامة هى واحدة ف كل السنسن ومافيش حاجة اسمها ثانوية عامة صعبة او ثانوية عامة سهلة الثانوية العامة هاتفضل طول عمرها ثانوية عامة

  22. عبد الفتاح حجازي 17/07/2010 11:52 -

    أقول بسعادة الوزير إذا كثر الهجوم والنقد فأعلم أنك على حق وهل يتأثر البحر إذا رمى فيه طفل بحجر نحن في هذه الأيام نجد عهد جديد مدرس منتظم طالب منتظم مدرسة تجاول أصلاح ما أفسده الدهر

    دعوا الوزير يصلح ما أفسده الدهر لما مدرب كرة يأتي ينتائج سيئة تتركوه وتقولوا بيجدد الفريق دعوا الوزير يجدد أن كل أناس يأتي بالنجاح تهاجموه والله أننا في طريق الأصلاح حقأ والله يطول لنا في عمره لنرى تعليما جقا وليس مزيفا

  23. ahmed karam 17/07/2010 11:28 -

    عندك حق والله ياweza التعليم باظ ودلوقتي بيتعلمو فينا

    مش كفاية هم الدروس كمان النتيجة .

  24. بجد حرام عليكم كده المجماميع ناقصة اوىىىىىىى انا نقصة فى مادة واحدة 21 درجة وكلة الدرجات النهايبة حرام بتوع ادبى يجبلهم كدة حتى صعب على بتوع علمى

  25. عبدالواحد 16/07/2010 21:45 -

    طلاب فشله ويرموا همهم على الامتحان صعب التصحيح ظلم حل تنجح

  26. عبدالواحد 16/07/2010 21:43 -

    ياناس ياشر سيبوا الوزير يصلح ما افسده الاخرين

  27. سعاد عماد محمد سليمان 16/07/2010 21:21 -

    انا عايزة الشهادة

  28. أمين 16/07/2010 16:45 -

    هلا نور العيون ايه هى الكلمة الواحدة فزورة دى  ههههههههه

  29. أمين 16/07/2010 16:44 -

    الحق أحق أن يتبع والتعليم لا بد له من أصلاح ولو أحتاج الأمر لبتر .متنفعش الحلول المؤقته الجامعات بتخرج أطباء ومهندسين جهلة ومستواهم العلمى صفر وعار على المهن المنسوبين اليها والمفروض ان كل انسان على قدر جهده واستيعابه وعلمه وثقافته يكون وضعه ومركزه ..بلاش مجاملات فاضحة ورشاوى .عمرنا ما حنتقدم لو بقينا على حالنا الراهن أعطوا الوزير فرصته وأنا واثق انه حيصلح كثير من الأمور الفاسدة والغير سوية ..طبعا الكل حيحاربة وخفافيش الظلام حتسواء سمعته وحتضربه من تحت لتحت أسلوب الجبناء والكلاب …مع الوزير فى كل ما من شأنه أن يرفع مستوى التعليم والنهوض به ولا التفاف للمزعورين”دع الكلاب تعوى والقافلة تسير” 

  30. سيمون 16/07/2010 00:25 -

    سيبوا الراجل يشتغل الثانوية عايزة تعديل ولا علشان هو مش حرامى وبيمسك الحرامية
    انا مصحح كيمياء الامتحان كان تافهة واللى بيحل بياخد حقة واكتر محدش بيظلم حد احنا لينا اولاد وسطيهم وبنعرف كويس تعب الطالب والاسرة لاننا معاة طول السنة والله لو الوزير طو ول فى الوزارة لحال التعليم يبقى عال العال

  31. lمجدى حنا 15/07/2010 22:55 -

    بصراحة اتضح ان وزير التربيه والتعليم بيشجع الجامعات الخاصه وخاصة كليات القمه والسنة دية بدات كليات الخاصه فى فتح ابوابها ولغوا الانتساب وعملوا بدلها جامعه مفتوحة كل دة علشان يخصصوا الجامعات الحكوميه كل سنة تبقى الاعداد قليله من قلة المجموع فيدخلوا كليه خاصه والكليات القمة تبقى فضيه ومايبقاش فى طلبه وبعد كدة يقفلوها ومايبقاش الى الكليات الخاصه والجامعات المفتوحه ومحدودين الدخل الى بيوصى عليهم الريس ولا حاجة يخبظو رسهم فى اجدع حيطة والى يدخل الكليه ويبقى تعليم على الى معاهم ملايين بس ونرجع تانى الى الراس ماليه فقط الى معاه قرش يسوى قرش ولامعهوش مايسويش وربنا موجودوهو بس الى معا المظلوم والى حاسس بينا

  32. عبدالمنعم 15/07/2010 21:53 -

    ينعل ابوه الخط الي ينقص 10 درجات في مادة واحدة

  33. مش كفاية حرقة الدم والسهر طول الليل
    ارحمونا شوية والنبي ارحمونا من الاشاعات والكذب وغيره
    كفاية علينا الدنيا وتلطيشها فينا
    احنا كدة يا شباب حظنا في الدنيا قليل
    يوم فرح وعشرة مشاكل وارف

  34. نورالعيون 15/07/2010 17:22 -

    اكيد مش هنقول غير كلمة واحده

أضف تعليقاً