مكياج سريع للطوارئ

مكياج الطوارئ

مصريات – اخبار الموضة والجمال تكتبها هالة نجيب: لو مفيش وقت و وراكي مليون حاجة لازم تعمليها وبنفس الوقت لازم تهتمي بنفسك تابعي على مصريات نصائح للبنات والسيدات في الصحة والجمال والموضة وهتلاقي جديد دايما يخليكي احلى و يزيد ثقتك بنفسك.

مكياج الوجه والعيون

مكياج الطوارئ للوجه والعيون

النهاردة معانا مكياج الطوارئ السريع وازاي تعملي مكياج العيون والوجه في اسرع وقت.

اول خطوة لازم تنظفي بشرتك كويس جدا وتشيلي اي آثار اتربة او مكياج قديم او دهون على البشرة وده بيساعد على ان البشرة تظهر بمظهر اكتر نضارة و جمال.

تاني خطوة حطي كريم الترطيب الخاص بالبشرة.

– حطي كونسيلر تحت عينيكي وحوالين انفك وبعديها استعملي البلاشر – احمر الخدود- ويستحسن انه يكون كريمي.

– حطي طبقتين من الماسكارا ودي هتديكي مظهر طبيعي و نضر.

بعد كده ممكن تحطي ملمع شفايف بدرجة اغمق من لون شفتيك بدرجة واحدة.

و لو عندك وقت ممكن ترسمي خط فوق عينيكي بظل جفون يكون غامق ويفضل انه يكون لون عينيكي  و مش هيحتاج منك وقت طويل زي الآي لاينر مثلا او ممكن تكتفي انك تحطي خط رفيع من الكحل الاسود على الجفن السفلي من الداخل و ده هيديكي مظهر جميل و جذاب.

اخبار ومواضيع ذات صلة:

احلى مع مصريات مكياج الطوارئ السريع للوجه والعيون

أضف تعليقاً