اخبار الرئيس مبارك

اخبار الرئيس مبارك

اخبار الرئيس مبارك

الرئيس مبارك : لن اهرب ابداً وساموت على ارض مصر

مصريات

بعد خطاب الرئيس مبارك لم تعلن اخبار الرئيس مبارك وخاصة بعد احداث ميدان التحرير و  مظاهرات مصر الاخيرة وقراره بتعديل الدستور ونيته عدم الترشح مرة ثانية … واليوم نقلت جميع وسائل الاعلام اخبار الرئيس مبارك بعد الحوار  مراسلة شبكة  اي بي سي الامريكية  كريستيان أمانبور  وبعد احداث ميدان التحرير وتقصت من خلاله اخبار الرئيس مبارك ورد فعله على المظاهرات والاحتجاجات التي طالبت برحيله

وكان تعقيبها بعد حوارها معه هو قولها :

  • عند مغادرتى للقصر الرئاسى بالقاهرة بعد لقاء دام ثلاثين دقيقة مع الرئيس مبارك، ذكر لى أنه قلق مما يجرى من أحداث العنف التى يشهدها ميدان التحرير خلال الأيام القليلة الماضية، ولكن حكومته لم تكن المسئولة عن هذا العنف، بل ألقى اللوم على جماعة الاخوان المسلمين، أحد الأحزاب المحظورة هنا فى مصر  ، وأن الرئيس مبارك ذكر أن الملل أصابه من كونه رئيساً ويرغب فى مغادرة مكتبه الآن، ولكنه لا يستطيع خوفاً من أن تغرق البلاد فى الفوضى.

وبسؤاله الاعمال الدامية و العنف في احداث ميدان التحرير كان رد الرئيس مبارك ”

  • أنا غير سعيد عما حدث بالأمس، ولا أحب أن أرى المصريين يقاتلون بعضهم البعض .
  • وذكر الرئيس فى سؤال وجه إليه عما كان يفكر فيه حينما يرى الشعب موجها الإساءة إليه وينتظر رحيله قائلا: “لا أعير اهتماماً بما يقوله الناس عنى، ولكن فى الوقت الحالى أولى اهتماماً بشأن بلدى، فإن مصر كل ما يهمنى”.

وبسؤاله حول اخبار الرئيس مبارك بعد خطابه الاخير وكيف كان شعوره قال :  أنه شعر بارتياح


اما في ظل تصاعد التوتر في مصر قالت المراسلة عن اخبار الرئيس مبارك :

  • انه الان يظل فى القصر الرئاسى مع عائلته وحوله حراسة مسلحة مكثفة من الدبابات والأسلاك الشائكة، وكان ابنه جمال مشاركنا أثناء الحوار الذى كان معتقداً عنه بشكل كبير بأنه سيخلفه فى الرئاسة، وصرح مبارك بأنه لم يكن لديه النية أن يخلفه ابنه فى الرئاسة.
  • وتعهد الرئيس مبارك بولائه لمصر، مضيفا أنه يستحيل أن يهرب وسوف يموت فى هذه الأرض، ودافع أيضا عن إرثه فى سرد الكثير من السنوات التى أمضاها فى خدمة بلده
  • وفى القوت الذى وصف فيه الرئيس أوباما بالرجل العظيم، اضطرب عندما وجهت إليه سؤالاً عن شعوره بأن الولايات المتحدة قد خانته. وفى سؤال وجه إليه عند دعوات الولايات المتحدة غير المباشرة بالتنحى عاجلاً وليس وليس آجلاً رد قائلا: “أنا قلت للرئيس أوباما أنت لا تعلم ثقافة الشعب المصرى، ولا تدرك ما الذى قد يحدث إذا تنحيت الآن”.
  • وأخيرا سألته كيف كان شعوره بنفسه؟ قال: “أشعر بالقوة ولن أهرب أبداً وسأموت على أرض مصر”.
  • مستطردا بقوله: “لم أنوى الترشيح مرة أخرى، ولم أنوى أن يترشح جمال للرئاسة بعدى”.

اخبار ومواضيع ذات صلة:

اخر اخبار الرئيس مبارك : لن اهرب ابداً وساموت على ارض مصر

235 comments
  1. ام لطفل مريض 09/04/2011 15:57 -

    ابني مريض بنفس مرضك يا مبارك انت بملايين الشعب تقدر تجيب علاج تسكن بيه المك وتشترى بيه عمرك لكن انا وملايين زى بيموتوا كل لحظه انا شخصيا بدعى عليك عارف ليه لان ابنى بيتقطع من شدة الالم وهو يعانى من سرطان القولون ولم املك غير
    حسبنا الله ونعما الوكيل وافوض امرى الى الله الذى لا يغفر ولا ينام

  2. ام يوسف 09/04/2011 14:39 -

    انا عمري ماحسيت اني بعشق مصر الا اما رحلت لان مصر كانت عزبه لاولادك ومراتك ونظامك يلي بتقولو انه كان اب ليكم طب ازاي هو كان اب بس لجمال وعلاء كان مثال للاب بتحبوه علي ايه يكفي انه يبيع الغاز لاسرائيل بعشر التمن بتحبوه علي الفساد الي كانت فيه البلد

  3. عجيبتي 08/04/2011 13:57 -

    أنا حبيت الراجل ده مع شدة كرهي له في الفترة الأخيرة
    أنا فاتح محل تجاري وكانت الغرامات والمخالفات كان بتجيلي من غير ما أي شخص حتى يبص علينا في المحل دغير الكهرباء اللي كنت بادفعها 300 جنية في الشهر الواحد
    أعمل أيه كان لازم أكرهه …. بس هارجع وأقول أن الراجل ده لما كان بيطلع في خطاب كان بيهز قلبي .. ويحرك مشاعري ناحيته .
    أعمل أيه بحبك يا ريس

  4. هاني فاروق - الفيوم - شدموه 07/04/2011 23:31 -

    يا ترى سألت نفسك يا ريس أنت أخطأت فيه أنا أقولك :
    – أخطأت لما كنت رأئيس جمهورية في العشر سنوات الأخيرة وانت مش عارف تدير البلد وسايب كلابها على ديابها.
    – أخطأت لأنك سمعت من حولك ومش سمعت من شعبك. 
    – أخطأت عندما فكرة أن هذا الشعب مسيطرة عليه الداخلية الفاسدة وجهازه الفاسد أين الداخلية الآن وأين جهاز إرهاب الدولة جيمعهم فروا وتركوا البلد مثل الفئران ويا ريت ده حتى الفار أشجع منهم ، ضاع الضابط الشريف مع الضابط البلطجي الحرامي وتساووا جميعهم في نظر الشعب بأنهم جميعهم بلطجية وإرهابيين وليس أمناء على الدولة.  طيب ودلوقتي نعمل إيه نثق في من من الضباط وكيف نرد جميل الضابط الشريف الذي ضاعت هيبته في وسط وزارة الحرامية قصدي الداخلية فضاع الأثنان معا الضابط الشريف والعشرة الحرمية.
    كنت فين من متابعة توزيع الأراضي على الشباب هل كنت نائم
    كنت فين والوزراء بيسرقوا البلد ويبيعوا الأراضي السكنية والسياحية هل كنت نائم
    كنت فين وانت عمرك ما حسبت يعني إيه 400 جنيه لموظف مافيش في مره وضعت نفسك مكانك وجربت كيف تصرف وكيف تعيش أنت وأولادك.
    كنت فين والغاز يبتباع لعدونا وقاتل شبابنا وشباب وطنني العربي
    يا راجل موضوع الغاز لوحده ده كفيل بمحاسبتك بكتير
    لكن هانقول إحنا المصريين الأصلة إحنا نرجع فلوسنا للدولة وبلاش نحاسبك علشان سنك وصحتك بس نحب نقول لك حاجه وحده (حسبنا الله ونعم الوكيل)
    ونسيت أقولك إنت أهدرت كرامة المصريين بسبب أوضاع مصر الاقتصادية السيئة على حساب علاقات شخصية مع الحكام العرب.
    وما تنساش أنت دمرت العراق قتلت الأطفال والنساء والشيوخ والشباب في العراق وحولتها من دولة سنية إلى دولة شيعية وده بيدل على أن عقلك مينفعش رئيس جمهورية أو  أب روحي للحكام العرب .
    وأقول لكل المصريين يا ريت نأخذ الفلوس ونترك الحساب لله عز وجل لكبر سنه ولكي يحيى بين المصريين ويحس بما كانوا يعانون منه
     

  5. الجزار الصعيدى 07/04/2011 00:58 -

    والله ان العين لتدمع وان القلب ليحزن وان على ما يحدث لمصرنا ولرئيسنا مبارك لمحزنون . وحسبنى الله وكفى . ما الفائدة فى كل هذه الاحداث من دمار وسرقة وخداع وتجريح وتضييع لكرامة مصر ولشعبها قبل الاستهزاء برجل هو الاول انسان مصرى خدم مصرنا طيلة الاعوام وافتكرنا له الاساءة ولم نفتكر ونزكر له ما صنعه من خير . فلك الله يا مبارك وانتى يا مصر حفظك الله بعينة التى لا تنام . وانتم يا شعب مصر غيروا من انفسكم ما بداخلكم وتزكروا الله حتى تنولوا مطلبكم فليست الراحة فى تغيير الرئيس ولا الوزير انما الحل والراحة كل الراحة فى تغيير انفسنا والقرب من ربنا عز وجل . ولا حول ولا قوة الا بالله . مع تحياتى / ابن محافظة سوهاج

  6. هاني فاروق - الفيوم 01/04/2011 19:49 -

    إذا كان هناك حق ونحن شباب الثوره المصريين المخلصين للبلد فلنسمع كلام الشيخ الشعراوي والذي فيما معناه بما يخص الرئيس محمد حسني مبارك بمعنى أن يأخذ الشعب كافة الأموال التي كان يمتلكها ما بعد توليه الرئاسة أما الذي من قبل فهو له ، ولابد من أن يعشي مثله مثل أي مواطن في هذا البلد هو وأهله في سلام أمنين (هذا مفاد كلام الشيخ الشعراوي عن الثوره ) ونحن شباب الثوره نقولها ستحاسب بالعدل كي يتساوي الحق وسوف تعيش يا مبارك سالم أمن في وطنك وأرضك وفي حماية المصريين المخلصين الذين لم يمسوا للحزب الوطني بشيء أو أي حزب أخر (فالندعم الحق حتى يزهق الباطل) عش معنا في مصرنا جميعا فأنت واحد مننا وهذا يسري على جميع المسئولين مالم يتورطوا بقتل وتعذيب ويحاسبوا بالحق وليس لإرضاء شعب مصر فالحق فوق مصر وفوق الجميع والله يعوض علينا ولنبدأ من صفحة جديدة صفحة كفاح صفحة احترام صفحة احتواء الذات وهكذا ستكون مصر فوق الجميع

  7. مدام هدى 31/03/2011 22:52 -

    تعرفوا انا بحب اقعد مع الناس واللة العظيم كل الناس الى فى بلدنا وشبين الكوم والبلاد الى بجورنا بيتمنوا عودة سيادة الرئيس ويوم الاستفتاء على الدستور انا لفيت عليهم بيت بيت وذهبنا وقلنا نعم علشان البلد تمشى واحنا مسلمين لكن عوزنها مدنيةانا بحكلكوا دة علشان تعرفوا ان سيادة الرئيس لة شعبية جامدة وحب شديد من معظم الشعب المصرى

  8. مدام هدى 31/03/2011 22:43 -

    احب ان اقل لكم شى انة يوم سيادة الرئيس لما ترشح امامة ايمن نور كنت انا هنا فى مصروعلى فكرة كل الكلام الى بينقال فى حق الرئيس غلط فى غلط اقول لكم لية لان يوم الانتخاب اقسم با للة العظيم ان انامن بلد ارياف تبع المنوفية ان هذة البلد با لكامل طلعت من غير اى ضغط من احد وكلهم انتخبوا سيادة الرئيس ومن هنا ذاد حبى واحترامى لة

  9. مدام هدى 31/03/2011 22:32 -

    وعلى فكرة انا من هنا اوجة كلامى الى قناة الفراعين على اد ما كنت احب الدكتور توفيق على اد زعلى منة الان اتضح لى انة معاك معاك وعليك عليك بسبب كلامة هذة الايام على سيادة الرئيس واحب ان اقول لة كلنابشر والبشر خطاء يعنى هومين ماخطاش ولا حضرتك نبى مرسل من عند اللة

  10. مدام هدى 31/03/2011 22:25 -

    على فكرة انا بزعل اوى لما القنوات المصرية تقول مبارك هماسابوا اية للقنوات العميلة لما يسمعوهم يتكلموا علية بهذة الطريقة واحب ان اقول لهم كرامة الرئيس من كرامة الشعب حتى لو ساب الحكم دة مهما ان كان كان رئيس مصر وكرمتة من كرامت شعب مصر

  11. فارس اسوان 28/03/2011 20:42 -

    والهى العظيم احنا فى فراغ بس؟ احنا اتبهدلنا بسببك والخارج انتهزتنا وكرامتنا راحت فى داهية الاغذية المسرطنة و الامراض الخبيثة بس ربنا مش هيسيبك وانا بصلى الفجر بدعى عليك حسبنا الله ونعم الوكيل فيك وفى جمال ابنك وسوزان وعلاء داانتو مش هتموتو موتت ربنا

  12. يوسف 28/03/2011 16:49 -

    انا زعلان يا ريس على مشيانك ياريت كنا نبقى واقفين جنبك زى الشعب اليبى ما وقف مع رئيسة يمكن كانت مصر كتير أتغيرت . وعاوز أقول للشعب المصرى مصر عمرها مهترجع تانى يا خسارة على بلدنا اللى هى احلى بلاد العالم وانا متأكد ان انت ياريس لو كنت موجوع ومع المظاهرة الشريفة وأخذت قرار سريع اكيد كانت حاجات كتير اتغيرت لكن الله اعلم محدش عرفك الحقيقة من اللى حواليك والا انت عارف وساكت دى مصر ام الدنيا

  13. عمرو خليل 25/03/2011 19:56 -

    معلش ياريس الماره الجايه تبقى تاخد بالك من ال غرؤك ومتسمعش كلام سوزان لما كانت عاوزه تخلى ابنها رئيس للدوله لان شعب مصر مش تركه ليكم ده شعب حر ارجع لتاريخ مصر من ايام الحملات الفرنسية والانجليزية وانتى تعرف ارادة الشعب ده شعب بسيط بس مش سهل واديكم شفته بتوفيق الله حصل ايه فانتم نسيتم الله فانساكم انفسكم ارجعوا الى الله واستغفروه لعل يغفر لكم ما فعلتوه فى الشعب

  14.  ايوة بجد طلعت مصر منهوبة .فى الفترة دى سمعنا  ارقام مهولة الازن اول مرة تسمعها ايه الناس دى قاعدة بتنهب وبترعى ومافيش حد بيحاسبها .لكن في نفس الوقت ماكنتش احب ان حسنى مبارك يخرج كده .ايه ماشفناش منه  حاجة ايجابية خالص .ماعملش اى حاجة  كويسة للبلد .كفاية بس مشاركته في حرب 73 ده كان كافى نحفظله الخروج بكرامة .للاسف اخطاء اللى حواليه كانت  بالكوم وهما اللى غرقوه وبرده للاسف هو اللى شال كله .

  15. مدام هدى 24/03/2011 18:38 -

    انا اقدم شكرى وشكر اغلبية الشعب المصرى الى كل انسان كتب كلمة شكر للسيدالرئيس لانة فعلا يستاهل اكتر من كدة لانة كان ولاخر لحظة الاب الحنون الى خاف على اولادة وبلدة ونفسى ارى ابنائة من الشعب المصرى يكرمة بنفسهم وهذا اقل شيىء نقدمة لة ورد لكرامة امام العالم اجمع لان كرامتة من كرامة الشعب المصرى

  16. مدام هدى 23/03/2011 20:22 -

    على فكرة ياشعبنا الحبيب انا كل مااجلس امام التليفزيون واشاهد اد اية الشعب الليبى او اغلبيتة واقف بجانب العقيد القذافى ادمابزعل جامد على سلبية الشعب المصرى اتجاة السيد الرئيس محمد حسنى مبارك لانة قدم لنا ولشعبنا اكثر من الى قدمة القذافى لبلدة وانا اناشد الشعب الحبيب ان نكرم ذلك الاب الحنون المعطاء وربنا يديلة الصحة والعافية

  17. مدام هدى 23/03/2011 16:02 -

    ياجماعة حرام عليكم الى بيحصل دةالانسان دة ميستهلش كدة يكفى انة خاف على مصلحة مصروبدل منكرمة عملين نسب علية عيب كدة وربنا يظهر الحقيقة عن قريب وتعرفوا ان فية ناس كانت عوزة تخرب فى مصر ومازالت لكن الرئيس العظيم ادرك ذلك وتنحى عن الحكم خوف على مصلحتة الشعب

  18. حسبي اللة ونعم الوكيل فيك يا حستي خربت البلد ومصيت دمها بس ان شاء اللة مصر هتقوم تاني وهتاخد حقها منك بايدين ولادها الابطال

  19. سمسمة 22/03/2011 15:53 -

    ana mn r2ye eny e7nah nnsah elrayes wnf8krloh el7aga8 el7lwah ely 3mlha

  20. ابو ياسين من السعوديه 21/03/2011 14:33 -

    اللهما ارفع غضبك ومقتك عنا

  21. مصريه 18/03/2011 20:44 -

    انا بصراحه من ساعت ما اتولد وانت اللايس بس بصراحه فى ناس كتير مظلومين وانت مكنتش حاسس بيهم بس ربنا يعفى عنك ويغفر ليك ويرحمك يارب وياريت يكون الى بيحصل ليك يكون مغفرة
    ليك

  22. مصريه بجد 18/03/2011 20:32 -

    يا مبارك يا طيار كده تسيبها تولع نار؟؟
    الدليل على حب الراجل ده لمصر ووطنيته الاتى
    انه اما حب يحط لنفسه نائب رئيس حط واحد كل الناس بتحبه انه مرضاش يهرب ويسيب ارضه ومكانه انه فى الاخر تنحى عن الحكم عشان حقن دماء المصريين عشان ميتحطوش فى رقبته وانه هو السبب واما تنحى جرى ايه؟ المتظاهرون هدوا الدور؟؟ لا لسه متلمتش لحد النهردة ومش هتتلم بسهوله لو كان حصل انتقال سلمى للسلطه مكنش كل الخراب ده حصل لسه لنا حاجه بسيطه اوى ومدخراتنا الغذائيه تخلص وامريكا بتهدد بوقف المؤن والمعدات الحربيه لجيشنا الجيش هيعمل ايه ولا ايه والله حرام بحبك يا ريس يا مبارك بحبك

  23. الحاجة وفاء ام محمد 17/03/2011 18:45 -

    احنا من غيرك ولا حاجة وناقصنا كم مليون حاجة من يوم ما فرقتنا ودموعنا على خدنا يا عشرت عمرنا يا غالى عندنا يارب ترجعلنا واوعى تفرقنا تانى فخامة الرئيس محمد حسنى مبارك اللى عمرها ما تقالت ولا هتتقال اللى للرئيس مبارك ومعلش ياريس العين ما بتكرهش اللى احسن منها عشان انت راجل وثابت وجودك وروؤساء العالم بيحترموك وبيقدروك وبدعيلك بالصحة والعافية وطولت العمر ونفسى ياريس اشوفك عشان ابوس راسك وايدك ورجلك عشان طول فترتك حسين معاك بالاستقرار والامان وراحة البال ونفسك معانا برضو ياريس

  24. بحبك بحبك مقدرش على بعدك مقدرش طول الليل بفكر ازاي مصر هتبقى مصر وازاي هعدي عليها ظهر ولا عصر كدة تسبانا وتنسى حبايبيك وحبيابنا دة انت الراية المنصورة وانت لينا اجمل صورة وانت الحياه ومن غيرك هتنتى وانت الامل ومن غيرك هتنسى اكيد هتبقى ناقصة من غيرك الصورة من غيرك مفيش راية منصورة من غيرك الحب هيبقى كره والحياه طعمها مر والنجاح عمره من يعود والزمان شى ومعدود وثوانى هتعدي سنين وسعات هتعدي قرون ومفيش حد هكون ممنون والبسمة تغادر الوجوه والبحر هبقى بر والشر هشتر والقلب هنجرح والغدر هيبقى عادي والشر دلوقتى وفى الماضى عايزنا نبقى كدة ارجوك ارجعلنا

  25. محمد الهجان 14/03/2011 08:04 -

    الغربه مش سفر لبعيد أو هم يوم جديد الغربه ان يكون لك حبيب وعن عينك يغيب

  26. ميرو 12/03/2011 19:25 -

    الف سلامة ليك يا ريس يا احلى واجمل رئيس شوفته فحياتى ومش هشوف بعديك تانى وعمر مااللى حصل ده هغير حبى ليك ربنا يشفيك يارب وربنا يطمنا عليك

  27. امان 12/03/2011 16:30 -

    ;كل اللي حصل ده مخططله من الخارج اولا يسقطوا الشرطه في عين الشعب وبعدين يوقعوا هيبه القضاء المصري للاسف بادين ولاده ويزرعوا الفتن بين المسلمين والاقباط ويهزوا الاستقرار الاقتصادي عن طريق قطع كابلات النت وايضا الايقاع بمستثمرين كبار زي هشام طلعت مصطفي اللي لفوا حبل المشنقه علي رقبته مما اضاع المليارات في البورصه ودلوقت يشككوا المصريين في الرئيس علشان يمشي والجو يخلالهم ويتحكموا فينا و نبقى لعبه في اديهم وده طبعا قبل ما نبدا في بناء المفاعل النووي بتاع الضبعة علي طول مع انو كان للاغراض السلميه زي بالظبط ما دربوا المهندسين والخبراء بتوعنا علي كيفيه صناعه الطائره والصاوخ المصري ميه في الميه وبعدين ضربوا الطياره ووقعوها في المحيط ومالحقناش نفرح بحاجه بس المره دي اخطر لان كل مصر في الطياره.

  28. كلنا مبارك 12/03/2011 00:35 -

    انا بحبك لكل محبى مبارك ارجوكو ساعدوة دة رقمى لمؤيدى الرئيس0119341355

  29. كلنا مبارك 12/03/2011 00:33 -

    بحبك ياريس انا حلمت بكل الى حصلك واللة ربنايشفيك

  30. احمد ابو القاسم 11/03/2011 03:14 -

    اولا انا بقولك الف سلامه عليك ياريس ومعلش الظروف جات كده ومتزعلش من الاهانات اللى بيقولها عليك بعض الناس انا بقول لكل واحد بيشتم عليك ياجماعه ارحموا عزيز قوم زل بس انتا بردو معملتش زى سيدنا عمر امير المؤمنين ( حكمت _ فعدلت _ فنمت ياعمر ) معلش كل بدايه لها نهايه بس انا من راى انتا احسن رئيس بجد كفايه 30 سنه مدخلتناش فى حرب وانا بقول فى اخر كلامى (ربنا يولى علينا من يعدل )

  31. سمسم الكومى 08/03/2011 23:27 -

    كما تدين تدان ذنب السادات

  32. أسأل الله العظيم رب العرش العظيم ان يشفيك 

  33. احمد بيحب مصر جدا ومبارك 06/03/2011 23:43 -

    انا حزين جدا علي تنحي السيد الرئيس مبارك
    وبقول عيب للناس اللي طالبه تشيل اسمه من المدارس
    بقول لهاني شاكر انت غنيت لمبارك يا معلي راية الحرية بلاش تغير موقفك
    وبقول لكل شباب التحرير والناس اللي ظهرت فجاة
    من كان منكم بلا خطيئة فليلقها بحجرر

  34. احمد عمر 02/03/2011 22:45 -

    الرجال موقف انت اب لكل المصرين اصبر وصابرلله ربالعالمين

  35. رجائي يس 02/03/2011 22:36 -

    الرجل موقف انت اب لكل المصرين اظن ذلك اصبر وصابر لله ربالعلمين

  36. امير الجزار من الاسكندريه 26/02/2011 00:48 -

    ربنا يديك الصحه ويخليك يارب للشعب الاسكندريه بتحبك يا ريس لو كان بايدينا كنت انتخبتك والله

  37. عبد الحميد عبد الوارث فتحى محمد النفراوى 25/02/2011 01:49 -

    الف سلامة عليك ياحبيبى بحبك اوى ياريس وهافضل احبك لحد اخر لحظة فى عمرى

    ربنا يشفيك ويديك طولة العمر انا عبد الحميد من المنصورة وبحبك اوى انا ووالدى واخواتى

  38. واللة العظيم بحبك يا ريس مهما قالو عنك وربنا يبشفيك بالسلامة واللة يسامحك ياجمال يا خبيث عشان انتا السبب فى اللى حصل

  39. الشيماء محمود عشرى 23/02/2011 19:32 -

    انا حزينة عشان مشيت ياريس انا من الاقصر

  40. محمد حليمه 23/02/2011 13:44 -

    كان عندى احساس إن كان ممكن نشوف خير فى السبع شهور ماشفنهوش ماشفنهوش فى الثلاثين سنه علشان انا حسيت ان مبارك صحى وفاق وحب يصلح اللى عملوه الفاسدين من حوله ماكنتش اتمنا ان رئيس دولتى يمشى بهذه الطريقة ولا هذا الأسلوب لانة رمز لى ولكرامتى وستسبة الأيام انة زعيم عربى ومحارب لا مثيل له يكفى انة ترك الحكم ولم يلوث نهاية تاريخة ولا تاريخ القوات المسلحة بنقطة دم من أبناء مصر الحبيبه وادعو له بالشفاء العاجل وأن تمضى هذه الأيام على خير وتصبح مصر بلد الأمن والأمان (بحبك يامصر . عاشت مصر . بحبك يا مبارك )

  41. ابوعلى 23/02/2011 09:55 -

    الف سلامة ياريس قدراللة ماشاء فعل بعد اذنك دعواتك لمصر بالامان والازدهار وشكراااااااااااااااا

  42. نونوس 23/02/2011 07:04 -

    كلمة بحبك ياريس مش كلمة سهلة فعلا بحبك وانا مش متخيلة مصر من غير محمد حسني مبارك مش حيليق كلمة تانية غيرك بكرة الايام تسبت للشعب مين مبارك اللي مايتعوضش

  43. Algentel 22/02/2011 22:14 -

    ربنا معاك ياريس وتقوم بالسلامه انت شخص مفيش زيك وتاكد انك شخص جميل كلنا بنحبك والتاريخ هيحكم صدقني ربنا معاك

  44. اسلام ناصر عبد العزيز شلبي من صراوة 22/02/2011 22:12 -

    الله يحرق جمال بن ابنك هو السبب في اللي انت فيه معلشي انا عارف انه هو شم هيهون عليك وانت مشيت بسببه بسي ربنا اكيد هيوفقك وكل الشعب المصري بيبحبك متبوصش لل30 الف لا بص لبقيت ال69 مليون كلهم بيحبوك وربنا يشفيك انا مش متخيل ان حد غيرك نقله ياريس بنحبك كلنا وبندعيللك

  45. احمد زقزوق 22/02/2011 02:47 -

    انا بحبك مهما قالو ا ومهما عملوا انت بالنسبالي زي ابويا بصراحه انا بحبك اوي وناس كتير واحداث اكتر كانت كفيله تغير مشاعري ناحيتك لم يحدث ولا تغير حتي واحد في الميه بحبك مهما حصل يا ابويا

  46. محمد 22/02/2011 00:45 -

    يارات يا مبارك ترجع تانى ممكن يا شباب بالدنا

  47. خالد النجار 21/02/2011 12:15 -

    انا لاانتمي الي حزب ولكن بصفتي مصري الجنسيه ثوره 25يناير كشفت المستور من الفساد وسرقه اموال الشعب بالمليارات ونزاهه الوزراء علي حساب قوت الشعب واحمد عز عازف الدراميز ضحك علي جمال مبارك وجعله اضحوكه في يده وعشمه بالرئاسهعلشان احمد عز يسرق براحنه وكان جمال يضلل والده الرئيس محمد حسني مبارك ولذا كان احمد عز اذكي من اي وزير بالوزاره السابقه علشان الوزراء فهموا انه قريب جدا من حمال فكان صوت احمد عز يعلوا فوف جميع الوزراء واجمد نظيف وهو لانظيف ولاحاجه عندما كان ينزل الافصر في فندق اربعه ايام الفاتوره مليون واربعمائه الف جنيه مياه معدنيه وهي في حقيقه الامر وسكي ومشروبات كحليه والشعب مش لاقي قوت يومه اي ان جميع الوزراء السابقين ليس عندهم دين وبالتالي صب الله عليهم عضبه واهو الشعب بتفرج علي حصادهم عليهم لعنه الله اجمعين لكن معذره للسيد الرئيس محمد حسني مبارك علي راي المثل ساب ذقنه لابنه جمال واحمد عز هم السبب في خراب مصر في هذه الايام وانا من وجه نظري اعدام لكل من جمال /غز /نظيف /حبيب العادلي وغيرهم اي انه مفيش وزير نظيف كلهم حراميه فلا تزعل ياريس علي الذي عمله الشعب في وزاره حراميه حماك الله يامصر الحبيبه الله الوطن

أضف تعليقاً