اغنية راب احمد مكي “فوقوا” لجماهير مصر والجزائر | فيديو

تطورات مباراة مصر والجزائر

تطورات مباراة مصر والجزائر

مصريات

قام الفنان احمد مكي بتسجيل اغنية راب بعنوان فوقوا قبل مباراة مصر والجزائر في تصفيات كأس العالم ووجه رسالة من خلالها لجماهير منتخب مصر و المنتخب الجزائري الى وقف كل اعمال العنف والاساءات وقال : رسالة الى كل فنان او اعلامي سواء من مصر او الجزائر في زيادة المشكلة بين الشعبين عشان يزود شعبيته انا لا احترمك

اما كلمات اغنية راب احمد مكي لجماهير منتخب مصر والمنتخب الجزائري

اول جريمة في الكون كانت بين اتنين اخوات قابيل هابيل ياريتنا بنتعلم من كل اللي فات
تاريخنا عاد نفسه مليون مرة و مابنتعلمش وبنفهم نفسنا دايما طب ليه مابنتقدمش
قالها راجل حكيم زمان في الاتحاد قوة وفي الفرقة ضعف
ياريتك تفهم معنى كلمة ضعف عارف الغرب اتحول عالم اول ليه
مشيوا بالظبط ع اللي في يوم جدودك قالوا عليه
الغرب اتعلم مننا فكرة الاتحاد
وترجم كل كتابنا للغاتهم واتقدم واستفاد
واحنا بقينا عالم تالت وكرهنا لبعض زودها خلنا عالم مكانه ثابت
يا مصر وياجزائر انتوا احفاد شهداء
لرفع اسم العروبة

والله لو عملتوا نص اللي اتعمل ما بينكم
ساعة ما امريكا دخلت العراق ماكنتش دخلت
خير اجناد الارض واقوى واعظم ثوار
لو اتحدتوا مع بعض صوتكم هايكون جبار
قريت جرايد بره شفت اليوتيوب واتنكدت
ياه لما الحفيد يضيع جهد الجد
صراع الاخوات بقى مانشيتات .. جرايد الغرب
كل المحطوط ع ال يوتيوب مش تشجيع دي اسمها حرب
تشجيع بلدك من حقك .. مش بس من حقك ده واجبك
اهتف قوم ارفع علمك .. شوف اخوك من قلبك
اوعى تخلي الانانية والعصبية تشوه وطنك
الوطن العربي ماهو وطني وطني
فيكوا نفس الاديان .. فيكوا نفس الالوان
نفس القارة ..نفس الوطن .. انتوا الاتنين اخوات ..فوقوا

فيديو اغنية راب احمد مكي عن مباراة مصر والجزائر ..فوقوا

اخبار ومواضيع ذات صلة:

أضف تعليقاً