نكت محششين وصعايدة

نكات محششين وصعايدة

نكت محششين وصعايدة

مصريات

نرجع لنفس الازمة انه مفيش حشيش ولذلك في اي لحظة ممكن يختفي من الاسواق وتروح معاها نكت المحششين والصعايدة معهم كمان.

وفجأة ما تلاقيش غير اصدارات قديمة من نكت تحشيش يعني لا جديدة ولا غيره..

وغير لما تحب تطلع نكت صعايدة او نكات محششين على حد تحس ان زمانها راح لذا استمتع مع اخر نكتة ونكتة عن المحششين جامدة جداً ومضحكة موت ممكن تشوفها:

  • واحد صعيدي مات جاله خمس ملايكة اتنين يحاسبوه و تلاتة يفهموه
  • واحد صعيدي بيدهن الحيطة .. قالوله حط جرنال تحتيك .. قالهم لأ أنا كده طايل كويس
  • واحد صعيدي عاوز يقتل مراته حطيلها مسدس في الشوربة
  • واحد صعيدي ماشي في الشارع لقى قشرة موز … قال ييييه حتزحلق تاني
  • اتنين محششين اتفقوا انهم يسرقوا العماره اللى قدامهم فالحرامى الاول اقترح انهم يزقوا البيت الى مكان بعيد وفاضى علشان يسرقوا براحتهم فخلعوا ملابسهم وفضلوا يزقوا فى البيت فات من جنبهم واحد حرامى سرق الملابس فواحد منهم بص وراه ملقاش الهدوم قال بس كفايه كده احنا بعدنا اوى.
  • ضابط المرور بيحقق فى حادث… سأل الاول .. فرد .. يا بية انا اديتة كلاكس .. واديتة انوار وصرخت فية علشان يبعد ومفيش فايده.. سأل التانى … فرد … يابية انا اعمل اية ، انا قاعد فى الكشك بتاعى
  • محشش لابس جزمة ، فردة بيضة والتانية سوده …. قابله مسطول تاني وقاله: “ايه ياواد الجزمه الشيك دي. راح المحشش الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبط
  • مرة واحد مسطول بيلعلب كورة اخد الكورة على صدرة طلعها من منخيرة
  • 10 صعايده بيتعلموا ربط الكرافتة 6 ماتوا و 4 في حاله حرجه.
  • مرة حرامى دخل على واحد مسطول البيت قالو هات فلوسك و الا هقتل مراتك قام الرجل قعد يضحححححححك…….الحرامى قتل مراته وقاله هات الفلوس قبل م اقتل ابنك الراجل المسطول قعد يضحححححححك……..الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر
  • واحد مسطول راكب طيارة خبط علي كتف المضيفة وسألها الحمام فين؟ قالتله الناحية التانية راح عالكتف التاني وسألها الحمام فين.

اخبار ومواضيع ذات صلة:

نكت محششين وصعايدة شوفها فجأة ماتلاقيش غير اصدارات قديمة

347 comments
  1. محشش بيكلم مع بنت يقول

    ممكن نخرخ انهارده

    قالت البنت ايه
    قال شكلك مش فاهمة او مش سامعةانا قولت ايه

    قالت لا سمعتك

    قال طب اقولت ايه
    وفتح السبيكر قدام صحابه

    قالت ممكن نخرج بكره
    قال لاوالله انهارده مشغول قوى خليها بكرة

  2. محمد 07/10/2012 02:14 -

    انا صعيدي وافتخر باهلي وقل المصرين اهلي وقل من يستخف دمه علي اهلي فهو ميستهلش ان يكون مصري شكرا

  3. جيجي مغربية 23/09/2012 18:35 -

    هههههههههههههه نكت مصرية زوينة بزاف

  4. عادل الطيب 06/08/2012 17:19 -

    مرة واحد صعيدى اشترى راديو حط حجرين المزيع اتسطل

  5. محمد البرنس 06/08/2012 17:18 -

    مرة واحد بيقول لواحد ممعكش عشرة جنيه سلف قاله قدامك 3 شوارع سيب الاول والثانى والثالث خش فيه هتلاقى 3 حوارى سيب الاولى والتانية والتالتة خش فيها هتلاقى 3 بيوت سيب الاول والثانى والتالت خش فيه هتلاقى 3 سلالم سيب الاول والثانى والتالت اطلع عليه هتلاقى3 شقق سيب الاولى والتانية والتلتة خش فيها هتلاقى 3 حجرات سيب الاولى والتانية والتالتة خش فيها هتلاقى3 دولابات سيب الاول والتانى والتالت افتحه هتلاقى 3 ادراج سيب الاول والثانى والتالت افتحه هتلاقى 3 مصاحف سيب الاول والتانى وهات التالت امااحلفلك ان انا مامعييش ولا مليم والله

  6. رورو 21/07/2012 00:44 -

    شكرا انا عرفت حل الفزورة وهو المقص وعنى نكتة يارب تعجبكم(الصعايدة من كتر النكت اللى عليهم راحوا اشتكوا اتعمل لهم اختبار ذكاء اول واحد دخل سالوه جاجة سوداء بنلبسهافى رجلينا برباط اية هي ؟اجابهم حاجة سهلة الجزمة قالوا لة برافوا ابعت صاحبك وهو خارج قال لصاحبة الفزورة وحلها لما دخل سالوه حاجة سمرة بتتالى وتتعمل مسقعة اية هى؟قال لهم برباط قالولوه لا قال لهم تبقى بلخة (نوع من الاحزية من غير رباط)!!!!!

  7. رورو 20/07/2012 03:23 -

    النكت جميلة جدا بس فى حاجة محيرانى انا مش عارفة حل الفزورة هو اية الحاجة اللى تحط ايدك فى عنيها ترقص رجليها؟؟

  8. EL-BASHA 12/07/2012 05:45 -

    يا جماعه عيب اللى بيتقال على الصعايده ده مش من الاصول واللى بيكتب النكت على الصعايده ملوش الحق انه يكتبها والحجه اللى الكل بيقولها دلوقتى انا بس قصدى اضحك الناس لا يا استاذ محدش طلب منك انك تضحك الناس مهو كل واحد تطلع فى دماغه نكته يقولها على الصعايده طب يا اخى متقولها على اليهود اللى عايزين يهدونا وطلب شخصى للى بيكتب النكت دى لو سمحت لو عندك نكته ابقى احكيها مع نفسك

  9. hesham sabq 10/07/2012 20:05 -

    مرة واحد كان بيقول نكت كتير على الصعايدة فحب يتوب الناس نصحته انه يطلع يحج ويدع ربنا انه ميقولش نكت على الصعايدة تانى فراح الحج وهو بيدعى لقى واحد صعيدى فى قلب الحرم بيسأل واحد القبله منين فقال يا رب هما اللى بيستفزونى

  10. مره واحد اعد مع صحابه اتصل بمراتة قالها سخنيل الماية يا ولية راح صحابة قالولو شكلك ليك شنه ورنة فى البيت رد عليهم امال اغسل الموعين بماء سائعة

  11. ahmadsaad 18/06/2012 14:38 -

    مرة واحد صعيدي مجوز وحدة مصرية وهو راجع مخنوق من الشغل لقاها معملتش الاكل قالتلة اعملك مساج قلها والله منا ديجة

  12. محمد ميشو 08/05/2012 18:30 -

    مرة واحد مراتة بعتتة يشترى لوبية وكان علية طار قتلوة وحدة بتقول لمراتة هتعملى اية دلوقتى قلتلها هعمل ملوخية

  13. محمود عز الدين 06/05/2012 14:48 -

    اولاً : انا صعيدى وافتخر جداً جداً بذلك
    وكل واحد بيعايب على الصعايده تا أكيد بيغير منهم
    وأحنا فى الأول والأخر كلنا ولاد تسعة

  14. خالد 05/05/2012 12:41 -

    على فكرة حرام دة اللى بتقولوة على الصعايدة مع انهم اجدع نا س (بيقولك مرة واحد سيس من بتوع بحرى راح يتجوز من الصعيد فابو العروسة اقلو هتتجوز مين -سارة ولا هدى ولا ندى -قالوا اية دة يا عمو انت معندكش صبيان)

  15. توفيــــق 18/04/2012 22:22 -

    مالهم الصعايده ناس جدعان جدااااااااااااااااا وعيب على فكره

  16. نكت جميله 06/04/2012 15:28 -

    محشش ماسك فرخة بيضربها وبيقولها يا بنت الكلب كل يوم بيض ما فيش جبنة .

  17. ذياد تمام 06/04/2012 01:26 -

    الصعايدة رجالة مش عيال ابتاعت بحرى بتاع بابا وماما صعيدى وافتخر

  18. احمد 01/03/2012 09:18 -

    على فكرة الصعايدة احسن ناس وفيهم علماء كتير من ضمنهم احمد الطيب ورافع الطحطاوى وشخصيات مهمة لم تتخلى عن اصلها مثل الابنودى وغيرهم من الكثير على فكرة الصعايدة مفيهمش الكلام ده خالص بل بالعكس هم ممكن يكونو احسن منكم لكن فى الاحر مننساش ان احنا كلنا مصريين وشكر

  19. ياجماعة الصعيدة دول ناس
    جدع جدا حرم يا ناس

  20. rana mohamed 26/02/2012 23:57 -

    انا عندى نكتة مره نكته ماشيه بتعيط

              بففى  ناس سألوها بتعيطى ليه فقالتلهم علشانفى واحد ضحط عليا

    هاهاهاهاهاى

  21. rana mohamed 26/02/2012 23:51 -

    وبعدين نص النكت محششين يعنى يزعلوا على ايه

    ونكت المحششين دى روعة 

  22. rana mohamed 26/02/2012 23:50 -

    على فكرة الصعايدة هما اكتر ناس جدعة اوى 
    واحلى حاجة فيهم ان هما طيبين خالص
    وانا بقول لهم متزعلوش 
    وبعدين دى مجرد نكت هو يعنى فى صعايدة بالشكل ده؟ انا عايزه اعرف يعنى 
    وبعدين انا مش بقول الكلام ده علشان انا من الصعيد لأ انا بقول كده علشان هما ناس طيبين اوى اوى اوى ربنا بيحبهم اوى اوى 
     وانا بقول للناس الصعايده يضحكوا هما كمان معانا وميزعلوش….

  23. ايمن 26/02/2012 18:43 -

    بقول لكم انا من سمنود من الغربية انتو كلكم حرام عليكم لانكم بتهزؤ الصعايدة

  24. ايمن 26/02/2012 18:41 -

    زيكم ولله حرررررررام كلام عن الصاعيدة بس النكت روعة

  25. على فكره الصعايده مش زى مانتو فهمين الصعايده فيهم علماء وحر اااااااااااااااام عليكم كده انزلو الصعيد وشوفو الكرم وخفت الدم على اصوله انا صعديه وبفتخر

  26. بحر الحلام 26/01/2012 04:08 -

    علي فكرة الصعدين مش وحشين بس دي نكت ياجماعة بضحك الناس وخلاص هقول انا نكتة     مرة واحد لاقة الساعة واقفة جبلها كرسي

  27. زايد 25/01/2012 22:07 -

    واحد صعيدي عنده أربعين ألف جنيه فالدلاب فيوم من الأيام أنسرقت فقال الصعيدي أخ لو اعرف من الي سرق فلوسي قاله صاحبه أني أقولك الزاي تعرف السارق قاله الزاي حط كمان خمسةألف جنيه فنفس المكان وانته هتعرفه على طول راح حط خمسة ألف جنيه وكمان دخل الحرامي وخد الفلوس وقال البضاعه بلاش وصحبها مغفل

  28. زايد 25/01/2012 21:51 -

    الصعايده من كثر النكت عليهم قالو عايزين نتخلص من النكت الي علينا راحو عمل ثوره ضد فساد النكت الي عليهم

  29. زايد 25/01/2012 21:40 -

    واحد صعيدي أتعرف على واحد صعيدي وقاله أسمك ايه قال التاني اسمي صالح قاله صالح لمدة كام

  30. نورسار 18/01/2012 08:23 -

    فيه واحد يسئلوه وش اسم ابوك رد مائعرف هو من زمان عندنا

  31. شروق 07/01/2012 21:45 -

    انا مش مسامحة اى حد يتريئ على الصعيد لانهم زيينا

  32. محمود العسقلانى 06/01/2012 02:13 -

    الله ياجماعة اللى بينكت مابيقصدش التريقة والاستهزاء وانما يقصد الضحك والترويح وبعدين ياصعيدى ماتخدهاش على صدرك

  33. معتصم ابو كراع المطعنى 04/01/2012 05:03 -

    اولا السلام عليكم

    ثانيا مش عارف ليه بتعاملو الصعايد كبهايم اغبياء وعلى فكره (الذكى الى عامل نفسه ذكى مطلعش ذكى والغبى الى فاكرينه غبى مطلعش غبى ) وبراحتكم قولوا نكت ذى منتوا عاوزين بس العبره بالخواتيم شكرا

  34. عبدالرحمن 28/12/2011 20:11 -

    نكت المحششين روعه روعه روعه بس حرام على الصعايده دول احسن ناس

  35. اhassan hassin 23/12/2011 11:54 -

    عندكتابة أى طرفه تكون بمناسبه ولا يقصد التجريح وهذا (رأى)

  36. على فكرة انا صعيدى من اسيوط ومش بزعل من النكت اللى بتتقال على الصعايدة لانى واثق ان الصعايدة فيهم صفات كتيرة حلوة وان النكت للضحك فقط فعادى يعنى

  37. بوبا محمد اسماعيل 12/12/2011 22:28 -

    انا بقي مش هقول نكته بس هقول فزووووووووووره حاجه تحط ايدك ف عينيها ترقص رجليها ؟؟؟؟

  38. محمود الوحيد 08/12/2011 21:32 -

    مرة سواق نقل مركب بهايم ركب معاه ظابط رخم فبيقول للسواق انت رايح فين بخواتك فقاله رايح اقدملهم فى كليه الشرطه ياباشا

  39. مصطفي 06/12/2011 02:39 -

    بسم الله الرحمن الرحيم

    السلام عليكم ورحمة الله وبركاته
    اناا مش صعيدي وده مش معناه اني بهرب منهم بالعكس علشان اشهد شهادة حق دول من ارجل واكثر الناس احتراما وربنا يكرم ونشوف باقي البلد زيهم لاننا اليوم في ازمة رجالة فعلا وبقولهم متزعلوش من اللي بيستظرف عادي خالص وخلوووووووووووااااااااااااااااااااااا بالكم النبي (صلي الله عليه وسلم)حذر في حديث ما معناه ان اللي بيكدب علشان يضحك الناس عليه اثم جامد
    وربنا يكرمكم وخلوا بااالكم مازال الرجل يكذب ويتحري الكذب حتي يكتب عند الله كاذبا واكثروا من قول لا اله الا الله محمد رسول الله
    وسبحان الله وبحمده سبحان الله العظيم

  40. على ميمى 28/11/2011 18:17 -

    اناس الى بتتريق على الصعايدة والمصريين يعنى مافيش غير المصريين فى الدنيا مع انهم علموا ناس ودول كتيررررر

    طيب انا اقلكم على واقعة رايتها بعينى واحكموا انتم شفت عسكرى خليجى بيتكلم مع سيارة واقفة فى الممنوع وبعدين راح كاسر الفنوس الامامى فقلتلة لية كدة قلى فقعت عنيها لانها مش عاوزة تدلنى على راعيها وبكدة يبقى كفاية تريقة ع الصعايدة

  41. ميــــــــدو 18/11/2011 02:53 -

    مسطول بينزل من عربيته لقى الدنيا بتمطر قفل الباب ونزل من الباب التانى

  42. ميــــــــدو 18/11/2011 02:34 -

    مرة واحد مسطول قابل واحد قاله الساعة كام قاله خمسة وخمسة فرد عليه المسطول وقاله ما تعرفشى تقول عشرة وخلاص

  43. ميــــــــدو 18/11/2011 02:34 -

    محشش قطع رأس أخوه وهو نايم…وقعد يضحك ويقول: هيتجنن لما يصحى الصبح وميلقهاش

  44. ميــــــــدو 18/11/2011 02:25 -

    مسطول شاور لتاكسى قال له فاضى ؟
    قال ايوة
    قال له طيب انزل نتكلم شوية

  45. ميــــــــدو 18/11/2011 02:23 -

    جماعة مساطيل بيتفرجوا على الاخبار …. فنشرة الاخبار طولت
    الاولانى قال للتانى :هى لية نشرة الاخبار طولت النهارد كدة؟ فراح التانى رد علية
    وقال معلش اصل شكلها كدة النهاردة اخر حلقة

أضف تعليقاً