آخر نكت مصرية 2023 مش بايخة ومفيش بعد كده ولا أحلى ولا أجمد

آخر نكت مصرية 2023

مصريات – يدعي أحد العلماء أن الضحك على نكتة جديدة مهمها كانت قصيرة يطيل عمر الإنسان لمدة ربع ساعة، وعليه يمكن القول بانك تستطيع اطالة عمرك يوميًا لساعات وساعات بمجرد قراءة او الاستماع لاحدى النكت المضحكة، فما بالك لو كانت هذه النكت مصرية، حينها يمكنك القول ان مفعول هذه النكات قد يتضاعف.

نكت مصرية 2023 - 2024

اخر نكت مصرية 2023

ولعل ذلك ما يفسر سر البقاء وروح الدعابة والمرح المتأصلة لدى الشعب المصري رغم جميع تلك الكوراث التي حلت عليه على مر الأزمان والعصور.

وحسب رأي أحد الفلاسفة القدماء ان النكت الهزلية غالبًا ما تعكس حياة الشعوب الواقعية، أو كما يقول المثل الفرنسي الشائع “في كل لحظة هزل هناك على الاقل ذرة حقيقة”.

فلو عايز تجدد نشاطك وتكسر اي روتين في حياتك اعرف احلى نكت مصرية مضحكة يعني مش اي نكتة والسلام ترفع معنوياتك لازم تكون نكت 2023 مصرية، وغير كده هاتلاقي اجدد النكت المصرية المضحكة جدا تعملك حالة من الشفافية مع نفسك.

جرب وانزل على اجمد النكت المصرية وشوف اخر نكتة مصرية جامدة هنا وبس، ولو عندك نكتة متبقاش بخيل حطها في التعليقات وخليك كول يا مان.

  • * مرة دكتور تحاليل أمه ماتت.. قال: تحاليلى يا أمه.

  • * مرة واحد عجلاتى قعد على قهوة.. طلب كاوتشينو.

  • * واحد ركب اوتوبيس شاف واحده قاعده راح بصلها فبصتله, ضحكلها ضحكتلو, غمزلها غمزتلو, راح شاورلها على المحطه, فنزلت.… راح قعد مكانها.

  • * مرة اتنين ماشيين ف الصحرا… طلع عليهم اسد… راح واحد منهم رمي عليه طوبة وطلع يجري… وبص وراه لقي صاحبه واقف ما بيجريش… قال له مش بتجري ليه؟ قال له واجري ليه؟ هو انا اللي ضربته؟؟

  • * مرة فار فشار شاف جثة اسد قعد يجر فيها لغاية ما وصلها الغابة المهم الحيوانات كلها قعدت تهتف وتقول عاش الفار ، راح الفار رفس الاسد برجله وهو بيقول انا لما اتعصب ما برحمش.

  • * واد كسلان جدا شغال في ورشة كل اما المعلم يقول له هات مفك، يقول له كمان شويه.. بكره .. مش وقته، وفى يوم لمبة الورشة اتحرقت، المعلم قاله ركب اللمبه قال له دي حاجة سهلة قوي، وشاله المعلم على كتفه واستنى دقيقة دقيتين ربع ساعه مافيش حاجة ركبت، قال له المعلم انت مركبتش اللمبه ليه؟ قال له اللمبه قلاووز وانت اللى مبتلفش يا معلم.

  • * مرة ثلاثة فشارين راحوا الجبل واحد اعمى و واحد اطرش وواحد اقرع الاعمى قال انا شايف النملة التى فوق الجبل و الاطرش قال انا سامع دبتها والاقرع قال أنا شعرى  وقف من كتر الكدب.

  • * مره اثنين بيفشورو علي بعض الاول بيقول الي الثاني تتصور ماما جابتلنا حله وسعها 10 فدان الثاني قوله ايه يعني انا ماما جابتلنا باميه طولها متر الاول قام قاله بتطبخوها فين دي قله في حله امك.

  • * مرة اتنين أغبيا عندهم حصانين .. فكانوا عايزين يعلموهم علشان ما يتلغبطوش بينهم .. الاول قطع ودن حصانه وراح قال للتاني، فالتاني قاله الله يخرب بيتك انا بردك عملت كده .. فالاول راح فقع عين حصانه ، و راح قال للتاني, فالتاني قاله الله يخرب بيتك انا بردك عملت كده .. فالاول قاله انت هتصدعنى في دماغي .. خدت انت الحصان الاسود وانا الحصان البيض.

  • * في واحد دلوع اوي, دخلوه اهله الجيش , سأله القائد: تعمل ايه لو قابلت العدو… قال : ارمي السلاح في وشه و اقولوا اكرهك اكرهك اكرهك.

  • * اتنين حشاشين قاعدين مسطولين فيهم واحد فشار قال لتانى تصدق عارف مين الكان قاعد معايه امبارح قاله مين أبو لهب و أبو جهل فقاله ياراجل دول ماتوا من  زمان قاله طيب اسئل ابنى احمد قاله يااحمد قاله نعم يا بابا قاله مين الكان قاعد معايا امبارح قله والله مش فاكر بس العربيه الكانت واقفه كان مكتوب عليها ملاكى قريش.

  • * واحد منحوس خبطته عربية ومات فروحه طلعت خبطتها طيارة.

  • * بخيل وقع فى حفرة ، فتجمع عليه الناس علشان يساعدوه… المهم انه في الآخر ما كانش راضي يطلع ، فجاهم واحد و سألهم ايه اللى بيحصل ؟ قالوله احنا قاعدين نقوله هات ايدك هات يدك وهو رافض، قال بسيطه، راح عند البخيل وقال له خذ ايدي…………….فطلع البخيل.

  • * اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟ .. قاله انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونته. ..قاله ايوه كده تعجبنى، مش التاني اللي قاعدلي في البانيو و بيقول علي نفسه من الضفاضع البشريه!

  • * مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن.. وفي يوم راح الشغل ونسي المفتاح. مراته فتحت الدولاب لقت 20 الف جنيه وبيضتين… لما رجع سالته ايه حكاية البيضتين قالها بصراحه كنت كل ماخونك أحط بيض فيالدولاب.. الست قالت عشرين سنه جواز ومرتين بس مش مهم.. وسالته طب والعشرين الف جنيه؟ قالها كنت كل ماجمع كرتونة بيض ابيعها.

  • * مره واحد فشار قوي بيقول لصاحبه انا كنت ماشى فى الصحره طلع عليا اسد نطيت في البحر،صاحبه قاله بحر ايه بس اللي فى الصحرا، قال لا انا قلت لقيت ابو الهول اتشعلقت فى رقبته، صاحبه قاله وايه اللي جاب ابو الهول في الصحرا، فقال وانا ماشي فى الصحرا طلع عليا اسد أكلنى.. ارتحت.

  • * مرة إتنين مساطيل واحد بيقول التانى هما القدماء المصرين بنوا الهرم فى اد ايه .. قاله 50 سنة قاله ياه ليه ؟ قاله اصل كل ما يرصوا حجرين الحكومة تكبس عليهم.

  • * واحد ال للدكتور والنبى انا عايز اتعالج عندك قاله خير يا ابنى قاله كل مبكلم اى حد فى اى موضوع بنسى الكلام الى انا قلته قاله هى الحالة دية بتجيلك كل اد اية قال له حالة ايه.

  • * صرصار في العنايه المركزه بيسال صرصار جمبه بيقولو بيرسول ..؟ قالو لا فردة شبشب.

  • * الراديو: والاعب بيشوط بمشط رجله ياه بتيجى في المقص صبي الحلاق: إلحق يا معلم بيلعبوا في العدة.

  • * الجزء الثاني من نكت مضحكة مصرية والبقية تأتي.

  • * واحد غبى حط إيده في جردل فيه مية نار فحس ان صباع من اصابعه ناقصة .. فحط رأسه في الجردل عشان يدور عليه.

  • * دكتور اسنان كان مصاحب شله وخلع منها.

  • * اتنين زهقوا من التأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة ليه ؟ قال له أصلهم هنا بيعبدوا البقر.

  • * واحد حانوتي ربنا فتحها عليه و فتح محل فكهاني .. كل يوم في المحل يقعد ينادي : المووووووز علينا حق !!!

  • * واحد غبى حط إيده في جردل فيه مية نار فحس ان صباع من اصابعه ناقصة .. فحط رأسه في الجردل عشان يدور عليه.

  • * واحد سباك راح للدكتور (يكشف):الدكتور ال مراته الحوض مكسور ال له مش المهم الحنفيه شغاله.

  • * واحد بيسأل الحلاق ايه الراس الوحيده الي ما حلقتش للها قاله راس السنه.

  • * مره حرامى سرق فرخه وراح يكله على شط النيل فشافه عسكري وقل له مسكتك ياحرامى الفراخ ، والريش جنبك اهو … فقال له الحرامي لا ياشاويش دي نزلت تستحمى وقالت لى خلي باللك من هدومي.

  • * مرة اتنين في كلية هندسة عايزين يبقوا مهندسين واحد راح المهندسين والتاني مدينة نصر.

  • * مساطيل قاعدين بيصيدوا جراد، عدّت من فوقيهم هليكوبتر .. واحد منهم قال جت أمهم .. استخبوا استخبوا.

  • * مرة اتنين مساطيل قاعدين بيحششوا قدام نشرة الأخبار في التليفزيون فنشرة الأخبار طولت، راح الأول قال للثاني: هيه ليه نشرة الأخبار طولت النهاردة كده؟ رد عليه الثاني و قال: معلش أصل شكلها كده النهارده آخر حلقة.

  • واحد بلديتنا راح امريكا لقى كل الشباب لابسين تشيرت مكتوب علية سفن اب كوكاكولا بيبسي …راح كتب على الجلابية عصير قصب.

  • * الزوجه لزوجها: ياريتنى جريدة عشان اكون فى ايدك كل يوم، الزوج: ياريتك نتيجة اغيرها كل سنة.

  • * مرة واحد حب… كلته الفراخ.

  • * مرة واحد تعب من المشى طلع يجرى.

  • * مرة ظابط اتجوز مدرسة خلفوا سلاح التلميذ.

  • * واحد حب يوصل بلده بسرعة ركب القطر وقعد يجرى فيه,

  • * مرة واحد بلديتنا نزل في محطة الرمل رجله غرزت.

  • * مره واحد مستعجل تجوز وحده مستعجلة.. خلفو ولد مش فاضيلهم.

اخبار ومواضيع ذات صلة:

540 comments
  1. اتنين مساطيل واحد بيقول للتانى : امبارح وانا واقف فى البلكونة الواد ضربنى بالامبلق فى الامبلايز
    رد عليه التانى قالوه : يعنى ايه بلكونة

  2. مزيكا 08/01/2019 08:56 -

    اتنين محششين بيزقو عماره حرامى سرق هدومهم فواحد بص ملقاش الهدوم قال للتانى يااااااااه احنا زقينا كتتير اوى يلا نرجع تانى

  3. هياكلة 16/09/2018 07:47 -

    بلدياتي راح الحج عنبر الحريم عشان بيحج عن أمه.
    نسي كام مرة طاف وخلص كتاب الدعاء، لف كمان لفة وقال “التعلب فات وف ديله ٧ لفات”.
    سال غطاس كام تقعد تحت الماء رد ٣ دقايق، قال له ابن عمي اجدع غطس من ٣ ايام ولسه مطلعش.
    نملة بتعاكس فيل “تسابق يا كابتن، رد عندي ساونا”.
    دخل فيل السينما زعق لما لقي مكانه اتاخد، ردت النملة “ولا يهمك ياض، تعالي اقعد علي حجري، كلنا نساع بعض”.

  4. مره واحد محشش اشتغل علي تاكسي وفي واحده شاورتله قالاها رايحا فين قالت المهندسين قال متتاخريش

  5. مرة واحد حرامي راح يسرق بيت ست كبيرة ففضل واقف على الشباك مستنيها لغايت ما تنام الست فضلت تسرح 3 ساعات و بعدان نامت الحرامي دخل البيت ما لقاش حاجة يسرقها نعكشلها شعرها وطلع يجري

  6. يوسف اصباغ 16/04/2018 02:26 -

    مرة واحد بيسأل صاحبو بيقلة عملت ايى فى رمضان قل ياخى الواحد لولا الوضوء لكان فطر

  7. الجوكر 22/09/2017 00:29 -

    مره واحد مسطول راح القسم فقال للظابط سلام عليكم الظابط قاله ايه البجاحه دي وجاى برجلك المسطول قاله هو مش دي غرزه ابو علي قاله لا دي زلزالة ام علي هههههههههههههه

  8. محمد حسن عثمان 01/03/2017 21:25 -

    مرة واحد حلو ازوج واحدة حلوه خلفوا واحد ملزق

  9. مرة ٣عيال صغيرين راحوا على محل البلالين فالاول قال الراجل عايز بلونة طلع وجابلة واحدة ونزل وقال للتانى وانت عايز اية قالة عايز بلونة قالة مقولتليش اية وانا فوق طلع جابله بلونة وسأل التالت وهو فوق عايز بلونة قاله لا نزل وبعدين قالة امال عايز اية قاله عايز بلونتين

    ومرة واحد مخنف ركب تاكسى فقال للسواق هتنف يمين ولا هتنف شمال قاله لا هبربر طوالى

  10. عبير محمد 26/01/2015 15:55 -

    مرة مدرس اتجوز مدرسه زفه بالتبشير

  11. عبير محمد 26/01/2015 09:09 -

    مرة بطة بتبيض كثيركل لما تبيض بيض من غير قشرة راحت للدكتور قالت له انا بابيض بيض من غير قشر قال لهاانتى بتستعملى شمبو ضد القشرة

  12. عبير محمد 26/01/2015 09:02 -

    مرة واحد اقراع طلعت ليه شعرية فى نصف دمغه عامل له عيد ميلاد

  13. شروق 25/06/2014 04:54 -

    مرة واحد بيخبط على مراته افتحى يا وليه راحت ما فتحتش راح ضرب صفيحة الزبالة براجله راحت الصفيحة رجعت وخبطت فى رجليه راح خبط تانى بردك ما فتحتش راح ضرب الصفيحة تانى راحت الصفيحة لفت من الناحية الثانية وضربته فى دهره راح خبط تانى بردك ما فتحيتش راح ضرب الصفيحة تانى لفوق راحت الصفيحة نزلت على دماغه راح خبط تانى و قال لمراته افتحى الباب و النبى الصفيحة هتموتنى

  14. يوسف 27/01/2014 22:36 -

    مرة شحات ماشى في الشارع يقول حاجة لله ادالو واحد 100 جنية الو مفيش حاجة لى انا باه

  15. بيدو 25/01/2014 14:56 -

    النكت حلوه جدا و رائعة جدآآ وياريت يكون فية جديد

  16. محمد خالد 25/01/2014 07:58 -

    مرة مسطول حب يعمل نظرية علمية جاب ضفدع قاله نط راح نط قطع رجل قاله نط راح نط قطع رجل تانية قاله نط راح نط قطع الرجل التالتة قاله نط راح نط نطة صغيرة راح قطع اخر رجل راح قاله نط راح منطش قاله نط منطش كتب المسطول ملحوظة هامة:عند قطع اخر رجل للضفدع يفقد حاسة السمع 

  17. محمد خالد 25/01/2014 07:47 -

    اسمع النكتة دى (مرة واد صغير راح لامه الحامل قالها :ماما هو مين الى فى بطنك ده قالت :اخوك يا ابنى قالها :طب بتحبيه قالت : طبعا يا حبيبى قالها : طب كلتيه ليه

  18. رودي وحبيبة واميرة 13/01/2014 23:13 -

    الحزن مالي العين والدمع علي الخدين اهرب اروح علي فين من ظالم شوفتوا سنين كل العيوب دي فيا دة كتير والله عليا

  19. نكت تجنن خدوا النكته دى  1 – ( واحده عجوزه و وحشة اوي طلع لها عفريت قال لها شبيكى لبيكى قالتله عاوزه ابقى شباب خلاها 40 سنه معجبهاش خلاها 30 
    معجبهاش خلاها 20 معجبهاش خلاها 10 معجبهاش خلاها 5 جالها الحصبه ماتت )

  20. مو مو 05/09/2013 03:03 -

    هههههههههههههههههههههههههههههههههههههههههههههههه نكت جامدة جدا

  21. ramozeen 04/09/2013 23:46 -

    عدلى واوباما وساركوزى راكبين طيارة فقالولهم كل واحد يطلع ايده بره الطيارة ويعرف بلده فساركوزى طلع ايده وقال دى بلدى قالولوا عرفتها ازاى قالهم دى بلد النور خلصنا من ساركوزى اوباما طلع ايده وقال دى بلدى قالولوا عرفتها ازاى قالهم ايدى خبطت فى تمثال الحرية دى بلدى بلد الحرية خلصنا من اوباما عدلى طلع ايدهوقال دى بلدى قالولوا عرفتها ازاى قالهم الساعة اتسرقت

  22. جيهان عبد الحميد العطار 25/08/2013 21:23 -

    علي فكره فيه واحد بيغني بس ماينفعش يقول اسمه ججججججامد

  23. جيهان عبد الحميد العطار 25/08/2013 21:20 -

    بخيل بيته اتحرق اتصل باالمطافي رن وقفل

  24. جيهان العطار 25/08/2013 21:18 -

    نكت مدهشه وعلي فكره في موهبه غناء

  25. سلمى الامورة 13/08/2013 18:31 -

    اجمل نكت شوفتها فى حياتى

  26. سلمى الامورة 13/08/2013 18:30 -

    مرة طفل صغير بيقول لراجل عجوز ازيك ياحاج الراجل العجوز قاله انا محجتش الطفل الصغبر قاله طب ازيك ياشيخ الراجل العجوز قاله انا مشختش

  27. احمد 19/07/2013 17:05 -

    مرة واحد راح يشترى ساعة لقاها غالية راح اشترى خمس دقايق

  28. احمد 19/07/2013 17:02 -

    مرة فى بياع تذاكر سينيما قعد ينادى و يقول التذكرة بعشرة جنية و محدش دخل فقال بخمسة جنية محدش دخل فقال التذكرة ببلاش راح دخل ناس كتير و لما خلص عرض الفيلم وقف على الباب و قال الخروج بعشرة جنية

  29. احمد 19/07/2013 15:59 -

    مرة واحد حب واحدة راح اتجوز اختها ليه……..؟!  علشان يشوف حبيبته كل يوم

  30. احمد 19/07/2013 15:55 -

    مرة واحد ركب تاكسى فقال للسواق روح للجامعة  فالسواق قاله بس انا مش عارف الطريق فقال الرجل طيب انا هاجرى امامك و انت تمشى ورايا

  31. احمد 19/07/2013 15:48 -

    مرة نكتة اخذت حكم سجن مؤبد ليه…….؟!  علشان موتت واحد من الضحك

  32. احمد 19/07/2013 15:46 -

    مرة فى واحد بخيل دخل حمام و قعد ماخرجش ليه ………؟!  علشان الباب مكتوب عليه ادفع  

  33. احلى نكتة 

    مرة واحد بكرش قابل واحد بكرش قالوة معاك قرش قالوة مفتكلرش هههههههههههههه

  34. الفرعون الصغير 18/06/2013 12:05 -

    اجمل وأحسن الكت اللى شوفتها فى حياتى مع تحيات الفرعون الصغير

أضف تعليقاً