مشاهدة برنامج مصر النهاردة بث مباشر
مصريات
طبعا شارك في تقديم برنامج مصر النهاردة الرباعي الاصلي اللي بدأ بيه برنامج البيت بيتك وهم محمود سعد ، تامر امين ، خيري رمضان ، ومنى الشرقاوي رغم رفض الثلاثي اي تواجد نسائي بس جدارة منى فرضت نفسها .
يواصل بث مباشر برنامج مصر النهاردة يوميا و مصر النهاردة انجح برنامج توك شو يعتبر نوعا ما انتاج حكومي لكن حاليا بشكل غير مباشر
شاهدوا بث مباشر برنامج مصر النهاردة يوميا من خلال هذه الصفحة مشاهدة بث مباشر برنامج مصر النهاردة وايضا بث اونلاين برنامج مصر النهاردة على الانترنت من الساعة 10 مساءا
بجد برنامج جميل وأتمنى لكم دوام التوفيق
ومزيد من التقدم والنجاح
السلام عليكم ورحمة الله وبركاته
الاستاذ محمود سعد والاستاذ تامر و الاستاذ خيري والاستاذة مني
اعيد واكرر تهنئتي لكم علي هذا البرنامج الرائع و المتميز انا حاسس كده اني هدمنه زي برنامج البيت بيتك بس لي طلب ادعوا الله ان يكون حظي سعيد وتقرأو تعليقي
ارجوا منكم ان يكون للمعاهد الازهرية نصيبا في اهتماما تكم مثل التربيه والتعليم لان تلاميذ و طلاب الازهر ومعلميه مصرين مثل باقي المصرين تابعوهم واستضيفوا المسئولين عن الازهر ونماذج من تلاميذه وطلابه ومدرسيه وناقشوا مشاكلهم وخصوصا الغش علي فكره انا مدرس بالأزهر واخيرا ادعوا الله ان يوفقكم لما فيه خير مصر والمصريين
والسلام عليكم ورحمة الله وبركاته
ارسل هذا التعليق بالنيابة عن كل الحاصلين على درجة الماجستير والدكتوراه والعاملين بالتربية والتعليم حيث تم وقف حافز التميز الذي سبق وحصلنا عليه لأننا حاصلين على هذه الدرجات العلمية أثناء الخدمه والمؤهل يخدم العملية التعليمية بحجة أننا من الحاصلين على كادر المعلم الكادر الذي استفاد منه جميع العاملين التربية والتعليم وحتى غير المؤهلين تربويا هذا عقابنا لأننا فكرنا في تطوير مستوانا ا العلمي والعملية التعليمية ولم نكتفى بالبكالوريوس عقابنا أن يتم إلغاء الحافز من فضلكم إهتموا بالأمر
شاهدت احداث الاقصر الطائفيه
ياريت يكون في اهتمام اكثر بمطروح ويكون في كاميرات ثابته موجودة هنا لان مطروح في حالة تحتاج للمتابعه .
السلام عليكم
الف مبروك على البرنامج الرائع الذي حل محل برنامج رائع ايضا تحياتي لكم جميعا ومعكم فريق الأعداد الرائع ولكن في البدايه انا ليه تعليق بسيط في جملتين صغيرتين وهم !!!!!!!!!ليه دائما الأخبار وألأحداث من داخل المحافظات ليه مفيش محاولات انكم تشوفوا وتبحثوا داخل القرى والأرياف اللي فيها مستخبي كتييييييييييييييير قوي وتنزلوا المحافظات الصغيره لن بصراحه يا اساتذه فيه (بلاوي ) اسف على اللفظ!!!!!!!!! انا من بلد اسمها الشموت تتبع مركز بنها محافظة القليوبيه
اسألو عنها وشوفو القمامه فيها عامله ازاي وايه يا سلام على البلطجه وألأحلى من كده السرقه بقت منتشره عيني عينك ولو بحثتم كويس زي ما تعودنا منكم هتعرفو المستخبي يعني على سبيل المثال لا الحصر في المده الأخيره يعني تقريبا حوالي شهر ونص اكترمن 10 موتوسكلات ومحل كاوتش وجنوط سيارات هذا بخلاف كم من النازل التي تمالتهجم عليها ليلا وسرقتها دون جدوى من المسؤوليينوعلى فكره قريتنا من اقرب القرى للمدينه (مدينة بنها) ولك ان تتخيل ماذا يحدث في القرى البعيده اتمنى البحث في القرى وألأرياف يا اساتذه وسيبكم بقى من المدن لأن المدن متظبطه علشان المسئوليين فيهاانزلوا افران الأرياف واتفرجو على رغيف العيش اللي فيها واتفرجوا على كميات القمامه واتفرجوا على الريف المصري اللي بتوع البندر كانو بيتمنوا يشوفوه اتفرجوا على كميات الناموس والحشرات وعلى فكره انا مش بقول ان المشاكل دي هتتحل في يوم وليله ولكن نتمنى نظرة عطف من الأعلام والمسئولين وشكرا
ياريت تبعتولى الرد على الايميل
انا عندى موضوع فى غايه الاهميه وعايز اعرضه عليكم وعلى الناس من خلال هذا البرنامج الشيق
( هام جدا ) ياريت تتكلموا عن المصاريف فى الجامعات العامه وخاصه جامعه الاسكندريه وصلت لفوق 500 جنيه لطلبه الانتساب و250 لطلبه الانتصام ده غير رسوم الدمغات والكارنيهات يخلوا الواحد اصلا يدخل جامعه خاصه بدل من الحكوميه( كليه التجاره)
الف مبروك يا استاذ محمود على البرنامج ( وكل سنة وكل ام بالف خير ) ورسالة لكل من كانت له أم أن يشبع من حنانها وأن يحملها فوق رأسه ويتحملها وهى كبيره كما تحملته وهو صغير ورجاء خاص بعدم المبالغة فى هذا الاحتفال فان هناك الكثير ممن فقدوا امهاتهم وهذا الاحتفال يحزنهم كثيرا (اللهم ارحم أمى وكل الامهات ونور عليهم قبورهم ………….امين)
فى الاول احب اقول مبروك على البرنامج وخصوصا منى رجوعها لينا هى لذيده وباقى المجموعه كلها وتموره بارائه الجريئه وخصوصا الجزائرين انا فى تانيه جامعه فى مشكله فى الجامعه ارتفاع اسعار الكتب ونزولها فى الفتره الاخيره جدا من الامتحانات وحجز الكتب بيكون فى الاول جامعه كفرالشيخ بالتوفيق ان شاء الله
ارجو منكم اخذ بعض التعليقات من الصعيد واوحييى كل من الاستاذ محمود وتامر وخيرى والجميلة منى وربنا يخليكم فى كشف المستور على طول سلامى الى الجميع
البرنامج رائع و بهنيكم عليه و مهلبيه ده حلو قوى يااستاد محمود سعد بس ليه عتاب فى الحلقه اللى كنت مستضيف فيها الشيخ خالد الجندى و الاستاد ابراهيم انت سيبت الشيخ خالد اتكلم براحته و الراجل مافتحش بقه ليه لما الراجل اتكلم قاطعتوه و مخلتهوش يعرف يعرض وجهة نظره حتى لو كانت غلط انا زعلت منك قوى ولا يمكن بقى علشان الشيخ خالد صاحبك
يا استاذ محمود
يا استاذ تامر
يا استاذ خيرى
يا استاذة منى
ارجوا من سيادتكم مساعدتى فى الحصول على فرصة عمل انا شاب حاصل على بكالوريوس تجارة منذ سنتان وكعوب رجليا دابت عشان الاقى فرصة عمل واحدة بس الوسايط ربنا يرحمنا ملناش حد غير ربنا ارجوا مساعدتكم لاجل ظروفى ورقم موبيلى هو 0102766918
السلام عليكم ورحمة الله وبركاته وأهنئكم ونهنئ جميع المصريين بهذا البرنامج .. وبعد
عندي مشكلة وتم مخاطبة جميع المسؤلين أعتباراً من السيد الدكتور/ محافظ المنيا ومدير الأمن ورئيس مجلس المدينة بالمنيا الخ بها ولم يتم فعل أي شئ … والمشكلة هى :
نحن سكان العقار رقم 29 شارع محمد بدوى بجوار فراشة المدينة ببندر المنيا مدخل العمارة فى حارة عرضها 2متر فجاء واحد يقال إنه ( مسنود ) وبنى رصيف عالى عليه كشك لبيع العطور بعرض متر وربع من مدخل الحارة. مما أعاق الدخول والخروج لمنزلنا ..نرجو من سيادتكم مناشدة المسؤلين بمحافظة المنيا للعمل على إزالة هذه المخالفة التى يضرب بها جميع القوانين لكونه مسنود وهذا هو حال مصر النهاردة المسنود يفعل ما يشاء … !!!!! وحاولت ارسال صورة للكشك لم استطع ادخالها مع التعليق وشكراً لكم
من سنوات يقال اننا بنعمل تطوير للتعليم فى مصر وأساس التعليم ( المرحلة الإبتدائيه ) منهارة فكيف نبنى عمارة وأساسها منهار ولتطوير التعليم يجب تطوير المرحلةالأساسية وهي أساس العملية التعليمية برمتها (المرحلة الإبتدائية )فيتم تغيير العاملين بها جميعا بأساتذة متخصصين ويعطى لهم جميع المزايا مادياً وأدبياً وزيادة عدد مدارس هذه المرحلة قبل كل شئ لإنشاء اساس قوى …
السلام عليكم ورحمة الله وبركاته
الف مبروك على عودتكم منورين الشاشه وملين علينا بيوتنا يااستاذ محمود وخيرى وتامر وليه رجا ياريت رسالتى توصل لوزير التعليم الدكتور احمد زكى بدر مديرى المدارس ياحضرات اصبحو مافيا فى مدارسهم والله العظيم المدارس بقت عزب مدير المدرسه يقعد على الكرسى بالعشر سنين ثم ينتقى من المدرسين ما يتناسب مع مصلحته الشخصيه ومن يختلف تطلع عينه فى الحصص الاحتياطى والجزاءات والتلاكيك حتى يمشى ويريح المدير وهناك من المديرين من يفرض اتاوه على المدرسين شهريه والى بيدفع يبقى مستريح يعمل الى هو عايزه ويكونو مع المدير مجموعه محدش يقدر يقرب منها ثم يختارو معلمين يقوموا بجميع اعمال المدرسه ويكون الكرباج وراهم الى يكل تطلع عينه وعين 0000 ولو مش عاجبه يتجمعله اى تلكيكه ويمشى طبعا الحاجات دى كلها محدش يعرفها الا مدرسين المدارس ولا الجن الازرق يقدر يلاحظها ناهيك عن مبالغ التحويلات طبعا بتبقى عارفه سكتها ناحية جيب السيد المدير لذلك التمس من حضراتكم ان تقترحو على معالى الوزير ان تكون اقصى مده لمدير فى المدرسه سنه او اثنين على الاكثر حتى لا يقوم بعمل حاشيه داخل المدرسه كما هو الحال فى مدارس كثيره الان وخاصه المدارس التجريبيه لغات
البرنامج
السلام عليكم
الف الف الف مبروك على البرنامج الجديد ياستاذ محمود بتو فيق انشاء الله
انشاء الله يكون احسن من بيت بيتك الف مر ه
محمد من جيبوتى
ليه متطرحوش موضوع فلسطين بمساحه اكبر وليه حكمنا ميتخذوش موقف ويصدوا العدوان عن اخواتهم بمعنى الاخويه ولو الريس قال يلا نحارب انا اول واحد لازم يكون فى جديه ان مكنش من العرب خليها من مصر اسئل الله النصر
الله عليكم
السلام عليكم ورحمة الله وبركاته انا نفسى اعرف هو الريس عارف مشاكل الشعب ولو عارف سايبها كده ليه الله بيخلص منه
اشكركم على حلقه يوم الخميس الموافق 18- من مارس الجارى التى استضفتم فبها السيده عائشه عبد الهادى و الاستاذ الغول و النائب هشام هذه الحلقه بينت ان الاغلبيه من نواب الشعب هم نواب خدمات و ليسوا نواب بمعنى الكلمه لسن التشريعات و الرقابه على الحكومه و عرفت من هذه الحاقه ان فاقد الشئ لا يعطيه الساده الضيوف يسنون القوانين و لا يعملون بها قال الاستاذ الغول اننى مستعد لدخول السجن فى سيبل خدمه دائرتى و هو يعلم ان ذلك مخالف للقوانين فكيف يشرع القانون و هو لا يطبقه على نفسه ولا يحترمه ارجو ان تكون هناك معايير لدخول مجلس الشعب غير النجاح فى الانتخاب انا مصرى و مقيم فى ايطاليا و شكراااااااااااااااااا
الف مبروك لبرنامج مصر النهارة وانا باحلم ان اشوف شوارع مصر متخططة بالابيض لحارات سير السيارات ودة ابسط صورة لتحضر المصريين ز
بجد برنامج جامد مووت انا بحب استاذ تامر امين استاذ محمود سعد
حيث ان العاملين بالجهاز الإدارى للحكومه 60 %منهم فاسدين وإنظرو إلى المحليات ابو الفساد
الرجاء النظر فى حقوق المعاقين حيث اننا فى طى نسيان الحكومه والرجاء عدم التقصير فى حقوقنا وسترون ان المعاق يقوم بكل المنوط اليه من غير ملل ولا كلل
انا بحيي الاخ مصطفى من الجزائر على روحه الجميلة احنا كلنا عرب ومش لغبة اللى هتفرقنا واحنا والله بنحب الشعب الجزائرى
لا اله الا انت سبحانك انا كنا من الظالمين
انا نفسى اشوف فقرات ثابتة رياضة وكدا اسبوعيا فى البرنامج زى فقرة الشيخ خالد الجندى الجميلة
اهنىء جميع العاملين بالبرنامج والاخص حبيبنا ممود سعد
السلام عليكم ورحمة الله وبركاته
أولا اود اشكر الذين قاموا بأداء افضل بالبرنامج مصر النهاردة واشكر ايضا اداء المتميز بالنسبة الاستاذ الفاضل محمود سعد وربنا يوفقكم ويبارك لكي تساندوا وتناقشوا مشاكل الشعب والسياسة ارجوا من سيادتكم ارسالي بارقام الفاكسات وايضا ميل البرنامج مع الشكر
بداية نهنأكم على البرنامج ونتمنى لكم التوفيق وبعد
احب اسألكم ياترى فيه فقرة مشاكل ولا ايه
السلام عليكم ورحمة الله وبركاته
أولا اود اشكر الذين قاموا بأداء افضل بالبرنامج مصر النهاردة واشكر ايضا اداء المتميز بالنسبة الاستاذ الفاضل محمود سعد وربنا يوفقكم ويبارك لكي تساندوا وتناقشوا مشاكل الشعب والسياسة ارجوا من سيادتكم ارسالي بارقام الفاكسات وايضا ميل البرنامج لكي ارسل مشكلة بل كارسة واقعة في محافظة قنـــــــــا مع الشكر
مصر محتاجة تعمل لجنة للقيم في كافة المجالات حتى نتفادى قليلا كل قضايا الفساد
واحنا محتاجين فعلا نرجع كرامة المصريين بالخارج وخاصة في الوطن العربي
ويا سلام لو الحكومة بتحب شعبها وتعمل مشروعات ضخمة ووظائف كثيرة ومرتبات جيدة تجعل كل المصريين المحتاجين اللي بيسافرو على 1000 ريال وبيتبهدل نخليهم يشتغلو في بلدهم بكرامتهم يارب يارب
انا بعمل مدرس فى السعوديه التدريس فى بلدنا محتاج وقفه من الحكومه ومن خلال برنامج مصر انهرده هو برنامج الحزب الوطنى الديمقراطى كفايه قرف من الحكومه و تطلعه فى التليفزيون كفايه وخلو رسالة الحكومة واضحة من الحكومة للناس خلو فى مصداقية انا قرفااااااان من البلد واللى فى البلد الناس تعبت منكم ومن النفاق اللى الحكومة بتطلعنه فى التليفزيون على فكرة الموضيع مش مترابطة
اشكر الاستاذ خيرى على الحوار الجميل واحب ان احيط علمك ان عائشة عبد الهادى لم تعلن عن اى عمل وان العمل يتم بالوساطة وان اى اعلان لم يحدث اذا كانت صادقة فا ان زوجتى معها دبلوم تجارة ولم تعين حتى الان خريجة 1995 والاسم صفاء عبد السند ابو الحديد
أقصد مبدأ تكافؤ الفرص
هاى السلامو عليكوم ازيك يا استاذ خيرى بجد الحلقه وحلو بس ممكن طلب انا موظف فى شركه النقل التقيل وفى هناك ظلم كبير لوى من رئيس مجلس الاداره فى فصل اللعاملين فى الشركه وكمان فى راف وكمان كان فى شهر مكافاء من الوزير لى قطاع العام كل الشركات صرفت واحنا لا عاوزين الوزير يدخل
بجد حلقة محمود سعد وخالد الجندى ممتعة جدا
الكلام بتاع الناس دى كدب حتى المعاقيين خلاص معدويشى بيعينوهم يعنى اضعف فئة تعرفوا انا حاصل على جيد جدا ومن العشرة الاوائل على القسم من 8 سنين ولسة قاعد وسلملى الكذابين ودرويش معاهم واللله السجن للناس دى حلال
ولا شك أن توصية السادة النواب تخل بمبدأ دستورى واضح وهو المساواة في تكافؤ الفرص في الحصول على الوظائف العامة .
قاض
السلام عليكم،
المادة المذكورة في قانون العقوبات سليمة 100% ، وأنا مستغرب إن السيد النائب مش عايز يقتنع إنه موظف عمومي رغم وضوح نص القانون، والحقيقة أنه لو تم تفعيل هذه المادة لما بقى موظف عام بدون عقاب .
المشكلة إنه رغم الإعلان عن الوظائف بالفعل، إلا أن من يحصل على توصية من السادة نواب مجلس الشعب المحترمين جداً – بلا أدنى شك – يحصل على فرصة أفضل من باقي المتقدمين، وذلك ثابت من كلام السيدة الوزيرة .
تحياتى للبرنامج فى ثوبة الجديد وحمد اللة على سلامة مدام منى الشرقاوى منورة البرنامج وتحياتى لمحمود سعد كمان وتامر امين وخيرى رمضان
جزاكم الله كل خير وربنا يوفقكم دائما
اولا مبروك البرنامج الناجح وثانيا احب ان اناشد وزير الصحة بوقف العلاج على نفقة الدولة لانة يذهب هباء الى من لا يستحقة ويجب صرف هذة الاموال فى تحسين احوال المستشفيات الحكومية لاستقبال جميع المواطنيين فانا طبيب وكنت ارى مهازل فى هذا العلاج واهدار مال وزارة الصحة هل تعلم يا سيادة وزير الصحة ان ما ينفقة المريض فى القرار يهدر نصفة للعاملين بالمستشفيات فانا طبيب كان يصرف لى كل 3 اشهر حوالى 2000 ج من هذة القرارات اللة غنى عن اموال الغلابة والمساكين ولا يكون تحسين وضعى من مال المساكين ومدير المستشفى كان يحصل على حوالى20 الف جنية فبدلا من اهدار ها المال وكذبة التامين الصحى نرجو صرف المال على المستشفيات لتعالج جميع الناس وتوفير الادوية لكل المرضى لان بعض ضعاف النفوس يصرفون العلاج ثم يقومون ببيعة لاى صيديلة خارجية
علشان احنا فقراء سمعت ياستاذ خيرى مين عندة الشجاعة يرد
مساء الخير عليكم
تهنئتى بالبرنامج الجميل الذيذ
باى حق تاتى لجنة الجودة لمدرسة ناصر الاعدادية بنات بمحافظة سوهاج يوم 4/4 وهذا يوم عيد اخواننا المسيحيين وتأخذ اجازة يوم شم النسيم ثم تكمل يوم 6و7و8 العمل دون اى اعتبار لهم
مساء الخير عليكم
تهنئتى بالبرنامج الجميل الذيذ
باى حق تاتى لجنة الجودة لمدرسة ناصر الاعدادية بنات يوم 4/4 وهذا يوم عيد اخواننا المسيحيين وتأخذ اجازة يوم شم النسيم ثم تكمل يوم 6و7و8 العمل دون اى اعتبار لهم
من منكم يقول ان النت لايقطع ياتى ليرى بنفسة علما بان السرعة عندى واحد ميجا