مصريات – كتبت انتصار النعماني: صرح السيد وزير التعليم العالي والبحث العلمي، ان تنسيق الثانوية العامة 2022-2023 سوف يبدأ بعد مدة 72 ساعة من اعلان نتيجة الثانوية العامة للعام الدراسي الحالي لشعبتي العلمي والادبي، وسيجري فتح تسجيل الرغبات للطلاب الناجحين في الثانوية العامة الدور الأول وفق موعد سيجرى تحديده لاحقا، وذلك عن طريق موقع نتائج تنسيق الثانوية العامة الالكتروني على شبكة الإنترنت لمدة 5 ايام للمرحلة الواحدة بحد ادنى يجري تحديده اثناء التقديم.
وذكر رئيس قطاع التعليم والمشرف العام على مكتب التنسيق، إنه سيتم تشغيل الخدمة بمعامل الحاسبات في اماكن الجامعات المصرية اثناء المدة المحددة في عملية التنسيق أو بوابة الحكومة الالكترونية المصرية للتنسيق، مضيفاً أنه سيتم فتح معامل جامعات مصر اعتباراً من الساعة التاسعة صباحاً حتى الخامسة مساء يومياً خلال أيام المرحلة الاولى.
توقعات تنسيق الثانوية العامة
كما، يمكن للطالب التقدم عن طريق الكمبيوتر الشخصي أو أي كمبيوتر متصل بشبكة الانترنت خارج جامعات مصر، وسيكون التسجيل على موقع تنسيق الثانوية العامة 2021 متاحاً لمدة 24 ساعة طوال أيام المرحلة الاولى، مع مراعاة أن ينتهي إدخال أو تعديل الرغبات الساعة السابعة مساء آخر يوم للمرحلة.
هذا، وسنقوم بنشر كل الاخبار المتعلقة حول توقعات تنسيق القبول للحاصلين على الشهادة الثانوية العامة ادبي او علمي للعام الدراسي 2023 في الجامعات او المعاهد المصرية المختلفة وكذلك توقعات الحد الادنى لتنسيق القبول في الكليات للعام القادم 2023 -2024 سواء بما توقعات التنسيق الخاصة بما يعرف بكليات القمة مثل الطب او الهندسة، او توقعات القبول في غيرها من الكليات.
كما ننوه بان مكتب التنسيق كان قد خصص رقماً هاتفياً بسعر المكالمة الداخلية في مصر لتوفير الدعم الفني لكافة الطلبة اثناء مراحل التنسيق وهذا الرقم هو: 19468 حيث تتم الاجابة على جميع الاستفسارات او الشكاوي والرد عليها خلال وقت لا يتجاوز 48 ساعة.
هذا ويمكن الدخول الى موقع مكتب التنسيق الرئيسى الالكتروني على الانترنت، وتسجيل الرغبات على الرابط الاتي: https://tansik.egypt.gov.eg/application
وايضاً نرحب باي مشاركة من قبل الطلاب انفسهم على موقع مصريات حول توقعات تنسيق الثانوية لهذه السنة عبر نظام التعليقات ادناه وهو لا يحتاج الى تسجيل.
طيب تنسيق الطلاب الحاصلين على الثانوية العامة من خارج مصر هيكون امتى وازاى للعلم انهم لم يبدأو الامتحانات بعد وامتحاناتهم مثلا في الكويت ستبدأ 23/6 وتنتهى 4/7
نرجو معرفة ذلك للضرورة
يارب النجاح ب 92
والله ده حظ ونصيب انا مكنتش بذاكر للدرجه والحمد لله ربنا فرجها فى الغش وجبت 97% علمى علوم
انا جايب 97,6% وعايز اعرف هجيب بترول ولا لا حراااااااااااام
انا جبت97% علمى رياضة عاوز اعرف هدخل هندسة بترول ولا لا الرحمة الرحمة دة نظام سيى للتعليم لو مش هطول بترول بعد المصاريف والتعب والسهر
دلوقتى خلاص التنسيق نزل و كل واحد خد نصيبة حتى لو كان ظلم بس بجد حرام لو اجلة نتيجة المرحلة التالتة احنا اعدين على اعصبنا و مستنين النتيجة بجد حرام لو اتاجلت عايزين نعرف هنروح اية
عايزة اعرف 80% علمى رياضة يدخلو كلية ايه ارجو الرد بسرعة
على فكره مش شرط كل واحد يجيب مجموع عالى يبقى شاطر هو الغش اتغمل ليه اول سنه تبقى المجموع عالى الطب الى كان بياحد من 98 دلوقتى بياخد من 4ذ99 اللا اتظلم فيه ثانويه الحارج ولا غندهم غش بل عتدهم هم اسمه القدرات الله معاهم ووزير التعليم العالى ينظر ليهم بعين العطف والرجمه وكفيه عليهم الغربه وهما فى الاصل مصرين فا عملهم مغامله المصرين بالداخل
ارجو مراعاه ظروف الطلا ب هذا العام وخصوصا للمصرين بالخارج
يارب تكون رسالتى وصلت وحسيتها قرارك الى حضرتك هتاخدوا السنه الجايه واقف عليه حياتى وحياة اهلى وكل الطلبه والاهالى اتوسل اليك حس بينا
لو سمحت يا استاذ ياوزير التربيه والتعليم حرام عليك المجاميع المرتفعه للكليات لو سمحت حس باولياء لاامور الى بيدفعوا الفلوس هما مش بيسرقوا الفلوس ده بعد ازنك نصيحه صغيره اتقى الله لو مؤمن انا ابويا مش زيكم رئيس ولا محافظ يعنى حط نفسك مكانه ارحمنا كطلبه احنا معندناش وسايط عشان باى مجموع ندخل اى كليه اكيد عندك اولاد اعتبرنا اولادك واعد فى تنسيق الكليات وارحمنا فى المجاميع شويه بعد ازنك لوسمحت اتوسل اليك اعدل من السنه الجايه واتقى الله وقبل اخذ القرار شو قدامك الاهالى الى بيدفعو فلوس دروس وفى الاخر تعبنا وفلوس اهالينا بتروح على الفاضى اتوسل اليك اتقى الله انا مش هحسبن زى الى بيحسبنو لانك مثل ابى بس حس بينا واعدل فى قراراتك لو سمحت استخر الله قبل اخذ القرارات كفايه المدرسين الى بينهبوا فى الاسعار عشان يدونا درس
ياريت تنسيق المرحله الثالثه يبقى فيه رحمه
حرام عليك يا وزير روح ربنا ينتقم منك
المرحله ال3 هل هيكون مثلا ال جايب 68هيلحق كليه ولا هيبقي معهد
يا جماعة متزعلوش
محدش بياخد اكتر من نصيبه
حسبي الله ونعم الوكيل
كلمة ومش هقول غيرها وانا عارف ان ربنا هينصرنا ان شاء الله
والله العظيم انا منا عارف ادعى اقول ايه على التنسيق انا اتظلمت ظلم كبير جدا مش عارف ادعى على المصحح الى ظلمنى ف 8 درجات ولا على التنسيق والمكاتب الى مدوليش درجاتى واالى بسببها راح مستقبلى من هندسه لحاسبات حسبى الله ونعم الوكيل وانا كنت شعبة رياضه يعنى مقلكوش على الرياضه جايه ف مستقبل الطالب ابن الى حاطط الامتحان وكمان الامتحانات كانت متسربه ومبقولش غير دى بلد زباله كنت مفكر اننا فى يوم هنترقى ونبقى بنئدمين بس الواضح اننا هنفضل طول عمرنا من حثالات الدول بس اما طالب ميبقاش عارف حاجه ف حياته مش تعليمه بس وابوه او امه يشترولو اللجان ويجيب هندسه مرتاحه ولا الى يغش ويجيب هندسه ومكنش يعرف حاجه دا ظلم ولا لاء واحنا الى قاعدين فتين قلبنا ف الكتب طول السنه كله فشوش يا رب الى عمل فينا كدا من اول لاخر واحد ما يشوفها الى ف اعز الناس ليه وما يطوله حتى اى جامعه خاصه ويعرف حرقتنا اما كل تعبنا ضاع بسبب ناس بتلعب بمستقبلنا حسبى الله ونعم الوكيل
كل ده اصلا بسبب ابن محمد مرسى لو ماكانشى ابنه فى ثانويه كان التنسيق هيبقى كويس ولان فى خلافات بين محمد مرسى وبين وزير التعليم العالى ما كانشى زوددددددددددد التنسيق علشان ابنه جايب 75ولازم يصقت ابن محمد مرسى
انا جبت 96.4وهدخل علوم مش هقدر اقول غير حسبى الله ونعم الوكيل وربنا معنا فى اى كلية ندخلها وما حدش يزعل كل شىء اسم ونصيب
انا السنه اللى فاتت قاعد ازاكر طول السنه وفى الاخر جبت (70%) السنادى وحياه ربنا قعت اتفسح ومقضيها وجبت (74,5%) المجموعين على بعض =(72,44%)ولحقت مرحله تانيه
لكل مجتهدا نصيب انا الحمد لله جبت 72,44% ولحقت مرحله تانيه والكليه اللى انا عايزها دخلتها (تربية رياضية جامعة جنوب الوادى فى قنا )بسم الله الرحمن الرحيم(لايضيع الله اجر من احسن عملا)صدق الله العطيم وانشاء الله اللى مدخلش الكليه اللى هو عايزها اكيد ربنا هيديلو حاجه اعظم منها والله اعلم شكرااااااااا
ونقسى اعرف الحقها مرحلة ثالثة ولالا
حد يرد عليا
انا جايبه 54.5 وكان عندى دور تانى فى الغة الانجليزية
ونفسى الحق تربية نوعية اسيوط
والله ده ظلم
حسبى الله ونعم الوكيل
بصوا بقى ياجماعة مش الوزير والرئيس والمسؤلين الكبار بس هما اللى غلطانين ويستاهلوا اننا ندعى عليهم احنا كمان لينا ذنب وغلطنا اما سكتنا على الظلم ده وقولنا كله هيعدى بس هقولكوا حاجة فى البلد دى اللى عايز حقه ياخده بدراعه ويخلص محدش بيحس بحد واولها الرئيس اللى كان بيتكلم على العدالة واساسا ميعرفوش يعنى ايه عدالة طب هقولكوا حاجة انا طالعة الثالثة على محافظتى الاقصر شعبة أدبى 97.8 عارفين بقى عملولنا حفلة وأعطونى شهادة تقدير وشنطة لاب توب تصدقوا المحافظ على النت قال ان منحونا اجهزة لاب توبات شفتوا بقى ان كله سرقة فى سرقة يلا ربنا المنتقم الجبار حسبى الله ونعم الوكيل
احنا انتخبناك علشان ترفع الظلم مش جاى انته تزيده
يا جماعه ما حدش يزعل لان ده نصيب وان ربنا خد من حد حاجه هو عايزها هيعطيه حاجه احسن منها بكتير واي حد دخل اي كليه من كليات القمه بغير مجهود او دخل خاص ربنا اكيد اكيد مش هيوفقه في حياته وهيكون فاشل في كليته وهيكون معروف انه دخل خاص لان لم يلحق باي كليه من الكليات الحكوميه لان مجموعه قليل
على فكره الطلبه ماكنش بيغششو لبعض وبس لا المدرسين كمان كانوا بيغششو الطلبه وخاصة فى امتحان الانجليزى مرحله اولى وبعد كده اللى كان بيذاكر اتساوى مع اللى كان مش بيذاكر على فكره الضمير صاحى اوى
من الواضح ان تنسيق الثانوية العامة لدخول الجامعات ظهر مغيب لأمال كثير من الطلبة ولكن يجب ان يتفهم الطلبة ذلك ولا يلومون احد فمن الواضح ان الجامعات قد استكفت لذا لا يجب على الطلبة الدعاء على احد بل يجب عليهم الاجتهاد فى جامعتهم لكى يكونوا سندا لمصر.
التعليم السنادي في مستوي الطالب الفضائي
الف مبروك
انا جاببة 289 ادبي عاوزة اعرف هلحق كليات اية
تنسيق 2012 ظلم ف ظلم مخيب للامال قضى هذا التنسيق على اغلبيه الطلاب انى اشكوا امرى لله عزوجل
ليك يوم يا وزير عند ربنا
كفاية كدة يا وزير ارحم الطلبة واولياء الامور
انا نفسي اعرف المرحلة التالتة فيها كليلت ولا ايها
اولا : اللهم ما انى مظلوم فأنصرنى ,ثانيا:حسبى الله و نعمة الوكيل فكل من ظلمنى و جه عليا
لان انا فى 2 مزكرتش جبت 59 , و السنادى اللى ازاكر فيها و احبس نفسى اجيب 53
ليييييه؟ , حرام ولا لا ؟ مش حرام لما يبقى يجيلك او يجيلك مدرس رياضة2 و فيزياء كل واحد منهم بيلسع الف جنيه اخر الشهر و فى الاخر المجموع ده
؟
حد يرد عليا ادخل ايه انا داخل ثانوية عامة عشان هندسة
انا جايبة 91.7 علمى رياضة ممكن الحق علوم رياضة ولا لا؟
ارجو وزير التربية والتعليم الرحمة
كل سنة وانتوا طيبين “نتيجة المرحلة الثانية امتى ” انا جايب93.2ومش عارف اطول حاسبات ولا
انا بقولها اهوه لو مانجحتش في الملاحق واللهي لا اروح اعمل ثوره وانا قولنلكو اهو
أنا جايب 77.4 أدبي حد يقدر يقولي أنا هقدر ألحق تجارة ولا لأ أنا عن نفسي بقول مش هلحقها علشان كده نداء الي كل من أتي بهذا المجموع والمجاميع المجاورة بعد الإطلاع علي نتيجة التنسيق للمرحلة الأولي ياريت يربطوا مع خدمة إجتماعية من دلوقتي وكل ده كلمة واتقالت وعلشان ننفذها نضيع حلم جيل وعدم الإستفاده منه وآخر الكلام احنا لو فضلنا علي نظام التعليم ده وربنا…….. وربنا…… وربنا ماهنتقدم خطوة وده اللي هيحصل
انا جايبه 75% علمي متادب ممكن اعرف انا مجموعي يجيب كليه ايه ؟؟؟
ايه الظلم ده!!!!!!!
ايه التنسيق الفظيع ده هو احنا ايه يعنى.عباقره علشان طب تبقى ب100.1%
ده افتره يارب اتنقم من كل ظالم
هى دى بلدنا لا طموح ولا تقدم ولا اى حاجه استغفر الله العظيم يعنى انا واحده انا الحمد لله جايبه 93%ادبى يعنى كويسه لكن اما اصحابى يجيبوا 97%وميلحقوش اى كليات من كليات القمه يبقى ظلم وافتره
حسبى الله ونعم الوكيل فى نظام تعليمنا الفاشل وع فكره عمرنا ما هنتقدم
عاوز اعرف ميعاد تنسيق المرحلة الثالثة
السنه الى فاتت الامتحانات كانت سهله والتنسيق كان كويس وكولوا دخل كليات احنا ذنبنا ايه ان احنا دخلنا ثانوى زفت ده نظام تعليم متخلف احنا بعد التعب والمصاريف ندخل معهد ده حررررررررام والله
منكم لله بقيت مش عارف العيب منى ولاسياسة التعليم المتخلفة
والله حرام فعلا ربنا ينتقم من الظالم انا رايحة 3 ثانوى عام وجبت ف 2 مجموع 89% وخايفه اكمل علمى رياضه وملحقش هندسة و ف نفس الوقت خايفة احول ادبى ياريت اى شخص ينصحنى اعمل ايه
بسبب فضيحة الغش الكبرى بامتحانات الثانوية العامه هذا العام انقلب الهرم أو المثلث التعليمى فأصبحت القمه التى يفترض أن تكون مساحتها أو حجمها أقل من حجم ومساحة القاعده فأصبحت كل ارقام التفوق التى يفترض أن تكون قليلة جدا كما هو متعارف عليه فى شتى المجالات فى التوب والقمه وارقام ونتائج القاعده العريضة من الطلبه أقل ممن حصلوا على الأرقام الفلكية التوب بسبب الغش فى الامتحانات ومن هنا انقلب الهرم أو المثلث التعليمى فأصبحت الغالبية العظمى من المتفوقين تمثل قمة الهرم والأقلية من الغير متفوقين يمثلون قاعدة الهرم وهذا هو حال التعليم الغير مأسوف عليه بمصر
(مولد وسيرك وهيصه وميغه ولعب عالى فى الكواليس الكلمه صبحت ليها 100 صيغه والناس ياعينى تمنها رخيص 0000 قبل السما والهوى والشط حصل ايه للى عدى الخط وأهى علشان مشيت حلوانى خربت والمستوى انحط ) ياعينى وباحسرتى على التعليم المصرى الذى انهار على ايدى الجهله ممن ينتسبون اليه بعد أن كان يتصدر قائمة الصادرات المصرية للدول العربية والاسلامية ،، لكى الله يامصر ولنا الصبر والسلوان فى فقيد الورقه والقلم !!!!!!!!!!!
انا علمي علوم وجبت في الثانويه العامه 95% طلع عين اهلي في المزاكره والله العظيم انا مغشيت حرف واحد وفي الاخر مش قادر ادخل كليه من كليات القمه انا كانوا يلقبوني في المدرسه باينشتين بس في الاخر شكلي كده
هدخل معهد خدمه بالدرجه الدي انا قاعد دلوقتي في البيت وبغني ظلموه ده بسبب الاستهبال والغباء الي معشش في وزاره التربيه والتعليم اخر كلمه هاقولها حسبي الله ونعم الوكيل انا علشان فقير مقدرش ادخل كليه خاصه ولو واحد جايب 75% ممكن يدخل طب بس لسبب واحد انه يملك الفلوس