جدول امتحانات الثانوية العامة 2012 النهائي المعتمد
مصريات
ستقوم وزارة التربية والتعليم بتوزيع جدول امتحانات الثانوية العامة المعتمد للعام الدراسي 2011/ 2012 بمرحلتيها الأولى والثانية على مديريات التعليم بالمحافظات وذلك بعد اعتماده رسميا من قبل وزير التربية والتعليم.
الجدير بالذكر بان الجدول المقترح قد لاقى ترحيباً من غالبية طلبة المرحلتين ولعل ذلك يعود الى التعديل الذي طرأ عليه بسبب من الفرصة التي تخللته بين المواد وذلك لكون انتخابات الرئاسة القادمة كانت ستتعارض معه بحيث اصبح الان الان مدة اطول بين المادة والاخرى.
ويمكن مشاهدة جدول امتحانات الثانوية العامة 2012 المعتمد الذي قمنا بنشره على موقع مصريات منذ يومين وذلك بالضغط على هذا الرابط >>>> جدول امتحانات الثانوية العامة 2012
يا عم ارحمنى شوية هو انت فى يوم وليلة هتقلب حال التعليم وبعدين انت حاطط نقرك من نقر الثانوى ليه انت تاخد بال من الابتدائي والاعدادى علشان لسه عيال تعرف تاكل معاهم يا اخى ارحمنى دا احنى دفعة سنة ستة
انا طالب اولى ثانوى بس لما شفت الجدول اتصدمت علشان مش هينفع الطالب يراجع الماده كولها فى 24 ساعه وكمان التاريخ والكيمياء فى يوم واحد مش حرام ولا الوزير الجديد مش عايز البلد تنفع بعدين كدا مش هيباء فى مجميع عاليه انا نفسى كنا نحب الوزير الجديد لكن كدا حسبن اله ونعما الوكيل
مفيش فايده سقطنا والحمد لله الوزير ده المفروض ينفوه الي جنوب افريقيا علشان دماغه تلسع ويرحم الطلبه شويه
بجد جدول ممتاز وياريت الأمتحانات تجى فى مستوى الطالب المتوسط
حرام والله العظيم ده ظلم مين يقدر يذاكر بعد الجدول ده الوزير مش عايز حد ينجح ولا ايه انا زهقت والله من التعليم
الي (سيادة وزير التربية و التعليم ) انت فعلا لو عندك حد في ثانويه عامه كنت عملت مبين كل ماده وماده( 6) ا يام علي الأقل_____ بجد حرام حرام هو حضرتك شيفنا ايه يعني
جدول تمام اخر حاجة والله وزير زى الفل
الجدول كويس جدا لان اللى ذاكر ذاكر من اول السنة مش اليومين اللى قبل الامتحان هما اللى هيخلوا الطالب يجيب 99%
انا مش عارفه اكتب حاجه اصلي لسه قاريه الجدول ومصدومه
مش هقول غير ربنا يستر وبعدين في بني ادم يطلب منه يمتحن فيزياء من 1-4م في الصعيد ده لو مذاكر ميه ميه مش هيعرف يحل هو الوزير منزلش الصعيد قبل كده في الصيف ولا ايه؟وكمان ماده الميكانيكا اللي هي اصعب مواد علمي رياضه مقدمهاش وقت خالص رياضه2 مضغوطه قوي بصراحه هو والكيمياءوالاحياء لعلمي علوم بس انا علمي رياضه ولسوء حظي معايا كيمياء والله مش عارفه اضحك ولا ايكي احسن حاجه اروح انام وصحوني علي الامتحانات
تنسيق الجدول أساسا دمر نفسية الطلبة وسد نفسهم عن المذاكرة .هو ده الجو النفسى اللى محتاجين نوفرهلهم قبل الامتحانات؟!
على فكره الجدول كله تمااام اوى ماعدا يوم الكيمياء والتاريخ مع بعض… ده هو اليوم اللى مستحيل خالص يكون فيه المادتيين دول … انما باقى الجدول زى الفل الحمدلله … وعلى فكره عاوزه اقولكو حاجه… حتى لو الوزير حط بين كل ماده والتانيه مده 10 ايام.. كل العيالل بتعد تلعب طووول ال9 ايام ومش بتزاكر غير فى اليوم اللى فاضل .. انا بصراحه كنت بعمل كده على طوول.. انما لما الايام تكون على القد الواحد يلم نفسه ويزاكر كويس
يا ****** حرام عليك والله حس بينا شوية منك لله انا احياء ولما بيكون عندى امتحان على فصل واحد مبلحقش اخلص فى يوم واحد ازاى هخلص الاحياء كلها فى يوم منك لله
ياجماعه انا نفسي اعرف ازاي امتحن ماده زي الكمياء مع التاريخ في نفس اليوم يعني اخرج من امتحان الكمياء علي امتحان التاريخ والفاصل ساعه واحده لاغير يعني انا مأجل الكمياء عشان اجيب فيها الدرجه الكليه ومكنتش اعرف انها هاتقع في نفس امتحان التاريخ والنبي ياسياده الوزير غير جدول الامتحانات ده ابوس رجلك ياسياده الوزير انشاء الله تأجل التاريخ ولو ليوم واحد وحياة ولادك
حسبي الله و نعم الوكيل
هههههههه انا طالب 3 ثانوي معايا 6 مواد منهم الكيمياء و التاريخ………حرررام يبقوا مع بعض في يوم واحد ازاااي و قبل الامتحان يوم واحد هذاكر كيمياء و تاريخ في يوم واحد ؟ والله حررام
اهم حاجه نكون مذاكرين كويس وربنا معانا
لازم دايما تقولو يا -علي كل ظالم عامل نفسه فاهم-رب
اهم حاجه تكونوا مذاكرين وربنا معانا
لازم دايما تقولو يا -علي كل ظالم عامل نفسه فاهم ااارب
طب انا بكره عيد ميلادي مش عارف افرح ولا ازعل بسبب الجدول اللي من ساعة ما شفته وانا مصدووم
انا كان نفسي ادخل كلية طب والناس كلها ينادوني يا د/أحمد بس انا اعتقد بعد الجدول ده اني منش هحصل حتي تجارة
جدول جميل جدا شكرا لسيادة الوزير وياريت الامتحانات تكون في مستوى الطالب العادي وشكرا
والله بجد حرام عليكم الجدول ده زبالة بمعني الكلمة بعني انت جي علشان تبوظ ولا علشان تظبت مش خفاية خلصنا من ابوك طلعتلنا منين انت عموما
لا نستطيع نقول غير حسبنا الله ونعم الوكيل فيك يا سليل ذكي بدر
جدول ممتاز جدا الله يبارك فيكم
كفايه حراام
ايه الجدول ده انا طالبه فى 2 ثانوى و الجدول مضغووط جدا مش كفايه احنا الجيل اللى اخد
نا الصف السادس غير انى متاخره سنه على المدرسه احنا هنخلل فى التعليم
يارب رحمتك مالناش غيرك
ياجماعه اهدوا لسه فى وقت تراجعه وكويس انكه عرفتوه الجدول من دلوقتى علشان تذاكره على اساسه وعلى شعبة علمى تخصص كيمياء انهم يقولوا الحمد لله وكمان الادبى وتبصوا للتخصص الاحياء العيال هيموته حرام انتوا كده احسن منهم الف مره اما اللغات فهى على الكل وربنا يسهل للجميع ويجى الامتحان سهل زى امتحان التجربه وعلى راى lazy boy سابقا crazy المهم الصحه
بجد جرام الاحياء قبلها يوم واحد ليه على اساس ان الكتاب صفحتين هيتراجعوا في عشر دقايق وهنام باقي اليوم اشمعنا الكيمياء والتاريخ قبلها 5 ايام كانوا يعملوا فاصل للأحياء زيها والله بجد حرام اللي بيعملوه اتحدى حد يخلص الكتاب قراءة في يوم واحد والرسومات يعني اللي حط الجدول ما يعرفش ان المنهج مافيهوش 100 رسمة عايزين يتذاكروا بجد اللي حط الجدول بيهذر والمواد التانية ع الاقل يسيبوا فاصل يوم واحد بين كل مادة ومادة مع ان المفروض يكون يومين ع الاقل ياريت الوزير يشوف المواد ويحط الجدول على اساسها
نداء للاستاذ محمود سعد والاستاذ تامر ****** الحقونا حيدمرونا
جدول الثانوية العامة لطلبة المرحلة الاولى ال اختاروا مادة الاحياء *** عايز اى بنى ادم عندة ضمير يقراءه ويقول رأية بصراحة ** دة لو انقطعت الكهرباء عن منزل فية ثانوية عامة مرحلة اولى علمى علوم يعمل اية فى ال12 ساعة بتوع وزيرنا الهمام المفكر ** الاولاد ينزلوا تحت اى عامود نور ويكملوا علشان مفيش وقت ويكونوا اعصابههم مرتاحة علشان قاعدين فى الهواء الطلق مش فى حر البيوت والثانوية يلازم يحس بهولاءؤ الطلبة ويتم مساوتهم بطلبة الكمياء ويجعل العملية وسط *** وكل شئ ممكن يتصلح لان اعتماد سيادتة للجدول لايعنى انة كتاب سماوى لايمكن تعديلة لمنع الظلم **** واحنا معندناش مانع القبول باحد الجدولين ال اقترحهم علينامن قبل وتم الاستفتاء عليهم حسب قولة وهو الجدول الذى ينتهى فيةمادة الاحياء يوم
الاربعاء ومستعد لمناقشتة شخصيا مع سعادتة او احد مستشارية وتليفونى *** لان ذنب هؤلاء الاولاد حيكون فى رقبة كل من ظلمهم وهم فعلا ظلموا لارضاء طلبة الكمياء والتاريخ لان عددهم قليل جدا جدا بالنسبة للاخرين واحنا عارفين انة لايمكن ارضاء الجميع ** لكن بالمعقول يعنى ناس تنهى امتحانتها فى خلال 16 يوم وناس تنتهى منة فى 8 ايام ونفس السنة الدراسية وبعد كدة نفس مكتب التنسيق اين المساواة ارجو اى حد يرد عليا احسن الموضوع حيجننى انا واهل بيتى
احنا جيل ذكى وعنده قدرات بس المشكله ان تعليمنا فى الابتدائى معتمد على التلقين يعنى نحفظ الكلمتين وندخل الامتحان نكتبهم وبمجرد خروجنا من الامتحان ننسى كل اللى درسناه وده مش ذنبنا ده ذنب اللى كانوا ماسكين التعليم وذنب المدرسين اللى خلونا واقفين فى مكاننا زى ما احنا وكمان مش عارفين نستفيد من قدراتنا يعنى المفروض يبقى مراعاه للظروف اللى اتحطينا فيها غصب عننا ومش بارادتنا
انا عارفه ان التعليم فى مصر بايظ بس لو عايزين نعدل فى التعليم ونخليه احسن المفروض يبقى من مرحله الابتدائى لانها الاساس مش من الثانويه العامه وبعدين شويه شويه والتغيير هيوصل لكل المراحل وكمان ياريت يكون فى فرق بين المواد يعنى على الاقل يومين. وعموما الوزير عامل مجهود كويس
ياريت تخلي في مسافات بين الامتحنات عايزين نجيب مجموع
والله انا بحب مصر ونفسى تبقى احسن دوله فى العالم بس بالطريقه دى عمرها ما هتبقى ولا هتكون لان بصراحه الشباب اللى طالع او شباب المستقبل او الدفعه الجديده نفسها تسافر وتسيبها ارجوكم حاولوا ترضونا وتفهمونا ولو لمره واحده بس . وبعدين هو لازم حد ينتحر ولا يجيلو اكتئاب عشان تتحركوا وتحلو المشاكل هو لازم بمصيبه يعنى ما من الاول امشو صح ولا لازم نعتصم ونعمل مشكله عشان تسمعونا ارجوكم اسمعونا
انا طالبه منازل وبشتغل وراضيه بالظلم من اول اولى ثانوى فحرام كمان ارضى بالظلم فى اخر سنه ليا وعاوزة ربنا يكرمنى ونفسى ادخل كليه كويسه واستريح من المصاريف اللى انا بدفعها دى وعموما الجدول مش المشكله فى المشكله اللى بجد فى الايام انا عاوزة اعرف ازاى 3 مواد زى الفلسفه وعلم النفس والجيولوجيا وعلوم البيئه يبقوا ورا بعض مفيش اى فاصل ولو يوم واحدوالانجليزى كمان مفيش بدو فاصل
وكمان الاحياء فاصل بسيط جدا ارجو مممن حضرتك تعديل الجدول لسه الوقت بدرى وعاوزين نسمع جدول حلو عشان ربنا يكرم حضرتك ونفسى بجد صوتى يوصل ليك وتسمعنى وتنفذلنا نحن طلاب الثانويه العامه هذا الطلب وهو تعديل الجدول
على فكرة انا فى قسم الكمياء وانا شايف ان طلاب الاحياء مظلويين اوى بس على فكره عيب كلمة نلعب على الحبل لان فى نااااس داخلة علمى رياضه يبقى هتلعب على الحبل ازاى وكما ان الوزير قام بالغاء التحويلات فكيف يكون اللعب على الأحباااااال وربنا يوفق طلبة الاحياء والجمييييييييييع
الجدول مش حلو اوى لان فيه مواد زى الانجليزى و زى الفرنساوى الى هيكون بعد الجبر على طول مش عشان انا ارتاح فى مراجعة الريااضة اتعب فى مراجهة الفرنساوى دا حتى الرياضة قوانين و50مسألة صعبه على المنهج كله وبس اما الفرنساوى حفظظظ هيكون اتنسى شويه لانى مش هراجع عليه مع الرياضه ……واشكر الوزير بعد شكرى لله عز وجل والجدول هيبقى تمام باذن الله
شكرا جدا انك سبت 5 ايام قبل الكيمياء انا والله فرحانة اوى بس هو ليه الفرنساوى و الانجليزى مش قابليهم ايام و كمان الاحياء حرام حيذاكروا ازاى بس لازم نقول الحمد لله على كل حال
سيادة الوزير اعطي فرصه لولادنا تراجع حت لا تخطلت المواد في رؤس ولادنا وعلم انك مسؤل لتخريج دفعه متريسه قبل ان تكون دفعه متسرعه لانك قدوه
بجد والله الجدول دة رخم طيب انا عايز اعرف اعمل ايه عندى 3مواد فى 3ايام ورا بعض وكل مادة بخمسين درجة مش حرام وعايزنه نجيب مجموع مجموع ايه بس يريت حد يقولى والنبى لحسن انا اتخنقت من الوزير دو شكله غبى ومش بيفهم والنبى علموة ازاى يحط جدوال
والله العظيم الجدول ده اثبت انهم فعلا بيخططوا علشان يقللوا عدد خريجى الجامعات ولما يتسالوا ليه فى بطاله يقولوا الناس تعلمهم ضعيف وحسبى الله ونعم الوكيل
شكرا يا سيادة الوزير على هذا الجدول الجميل ارجوك من حضرتك ترحم بتاعوا الاحياء وبجد الجدول دة احسن بكتير عن الجدول الاولانى وشكرا وياريت حضرتك متغيرش الجدول دة
كنت اتمنى يكون عند سيادة الوزير اولاد عشان اشوف جدول تفصيل زى القوانين اللى بتتفصل حرام عليك يا سياده الوزير جو الارهاب اللى بدات فيه رحلتك فى الوزاره مش كفايه شردت المديرين والمدرسين كمان عاوز تشرد الطلبه واولياء الامور بجد حراااااااااااااام
الجدول ده غبى اوى بجد وحسبى الله ونعم الوكيل
كان لازم على الاقل جدا يومان اللغه الانجليزيه
حرام كدة هو مفيش فاصل بين الفرنساوي والجبر نهائي ولا يوم واحد . بجد انت وزير ابن (تييييييييييت)
اللى احنا نقدر نقوله ربنا يقوى سياده الوزير ويضع اعدائه تحت قدميه وربنا يقوى كل الطلبه وعلى راسكم اناااا
اناطالبه بالمرحله الثانيه اللى حضرتك مش عامل حسبها خالص يعنى هوكل اللى فى السنه دى راسبين لازم تراعينا اناعندى الاحياء قدامهايومين بس اراجع المنهج كله ازاى؟والفيزياء قدامهايومين ازاى ده ده ع الاساس انى هراجع نظرى المقرربتاع السنه كلهافى يوم والمسائل فى يوم؟والكيمياقدامها6ايام ومنهجهابالنسبه للاحيالايقارن اصلا0بجدحضرتك لوحاطيتنااولادك بجدعمرك ماكنت هتعمل جدول كده ارحمنابقى
Alexander hello for every bady in wep
hhhaaa انا اجننت من الوزير الجديد
الاحياء مادة طويلة وتحتاج وقت اكتر من الكمياء رغم كدة قبل الكمياء ستة ايام وقبل الاحياء يوم د ة ظلم شديد شيء من العدل يا وزيرنا كفاية باقى الجدول
الجدول حلو بس كان نفسى فى وقت قبل الانجليزى ع الاقل يومان
انا كان نفسى يكون بين كل مادة ومادة وقت مثل الانجليزى عايز اتر من كدة كدة مش حنذاكر الدين ودة بسبب تقسيم الجدول بس كدة الجدول بعد كدة كويس
ممكن حل نضع الاحياء فى نفس يوم الكمياء حتى نحقق العدل الكمياء الساعه 9 والاحياء الساعه 1 ظهرا او اى حل اخر ارحموا الطلبه