حنان ترك من رغباتها المتوحشة بالمايوه إلى النقاب | فيديو

حنان ترك فيلم المهاجر

كتبت جمانة عبد المجيد: غريب امر حنان ترك فبعد ما لبست الحجاب، واعتقد انه ليس حجابا بالمعنى المعروف ، ولكن حنان ترك حبت تظهر بلوك جديد لتلقى استحسان الغالبية العظمى من الشعب المصري وتركب موجة التدين الاخوانجي السائدة .. و طبعا  اتحجبت حنان ترك بعد ما قرفتنا وسائل الاعلام بخبر حنان ترك مترددة ، حنان ترك بتفكر تلبس الحجاب ، حنان ترك تعاني من العزلة والاكتئاب ،  حنان ترك تشعر بأن  ماينقصها كي تكسبها دنيا وآخرة هو الحجاب.

كل تلك التصريحات ملينا منها قبل ما تطلع حنان ترك بالقرار الاخير، وكأنها كانت محتاجة لانعقاد قمة عربية طارئة للنظر في امر حجابها من عدمه ، وفي الاخر لبست حنان ترك الحجاب وبعدين صورها الاعلام كبطلة قومية  وداعية  .. ليه عشان حنان ترك لبست الحجاب وقاومت يا عيني اغراءات كتير اكيد للرجوع عن قرارها وخافت تفقد الاضواء والشهرة وهي لازقة طول الوقت ومابطلتش تمثيل و بمناسبة ايه ما في ملايين من بنات مصر متحجبين يعني كل دول محدش احتفى بيهم زي حنان ترك وعلى مستوى الفنانين في غيرها كتير اعتزلوا ولبسوا الحجاب وعلى رأسهم شمس البارودي و غيرهم بس ناقص يقولولنا نعمل تمثال في ميدان عام لحنان ترك بالحجاب.

لكن المهم من هي حنان ترك عشان تهاجم شيخ الازهر على قرار منع النقاب في المعاهد الازهرية ، يعني ممكن نفهم ان يحصل خلاف بين الفقهاء او رجال الدين على تصريح شيخ الازهر ، لكن حنان ترك تهاجم شيخ الازهر محمد سيد طنطاوي وهو اكبر سلطة دينية في مصر و رئيس اكبر مؤسسة دينية في الوطن العربي والاسلامي وهي الازهر الشريف ، وياريت وقفت عند كده كمان طالبت حنان ترك شيخ الازهر بانه يلاقيلها نص صريح من القران او السنة تبرر قيامه باصدار قرار منع القرار .. صحيح اللي اختشوا ماتوا يعني حنان ترك نسيت كل افلامها واعمالها اللي عملتها بالمايوه و المشاهد الساخنة والمثيرة ، نسيت لما ظهرت شبه عارية في فيلم الآخر او فيلم المهاجر للمخرج العالمي يوسف شاهين ( الله يرحمك يا يوسف شاهين اكيد كانت عاملة فيك مقلب وعاملة علمانية وتقدمية ويسارية كمان زي ما بقت اخوانجية وعاملة فيها شيخة في الايام الاخيرة) و دلوقتي جاية تعمل دور المهدي المنتظر.

يعني دلوقتي لو حنان ترك حابة ترتدي النقاب ياريت تقعد في بيتها وتريحنا وتريح المشاهدين مش بس عشان تكسب الرأي العام في صفها تقعد تهاجم شيخ الازهر  ..

وده فيديو لحنان ترك بالمايوه والفيديو التاني شبه عارية عشان تعرف ان مين فات قديمه تاه.

فيديو حنان ترك بالمايوه مع محمود حميدة في فيلم رغبة متوحشة

مشهد من فيلم المهاجر وتظهر فيه حنان ترك شبه عارية

اخبار ومواضيع ذات صلة: