مصريات – كتبت نجوى مدبولي: تقدم مصريات دليل استرشادي يساعد طلبة الثانوية العامة على التقدم الى مكتب التنسيق الالكتروني، وطريقة اختيار الكلية في اي جامعة من الجامعات المصرية من الكليات المتاحة في الجامعات، واختيار الرغبات التي تناسب ميولهم ورغباتهم بالاضافة الى مجموعهم بعد ظهور نتيجة الثانوية العامة 2023 وتوزيعهم الجغرافي قبل ملأ بيانات ورغبات التنسيق للمساعدة على اتخاذ القرار واختيار الكلية المناسبة والمتاحة حسب مجاميع الثانوية العامة 2023 المختلفة.
وفي خطوات لازم يتبعها اي متقدم عند تسجيل الرغبات والتقدم الى الكلية الكترونيا وبشكل صحيح ويجب الالتزام بشروط وضوابط التوزيع الجغرافي..
وسوف تجد في هذا الدليل اسماء الكليات التي تخضع لمعايير التوزيع الجغرافي.
اول حاجة لازم تعرف انت في اي مرحلة من مراحل تنسيق الثانوية العامة 2022 – 2023 سواء المرحلة الاولى او التانية او المرحلة التالتة وذلك في موعد فتح باب التنسيق والذي قمنا بالاعلان عنه في موقع مصريات، لازم تدخل موقع مكتب التنسيق الالكتروني التابع لوزارة التعليم العالي المدرج آخر هذا الخبر.
مكتب التنسيق واختيار الرغبات
وبعد ما يفتح موقع التنسيق الالكتروني لازم الطالب يدخل رقم الجلوس و الرقم السري اللي بيستلمه مع شهادة الثانوية العامة.. اتأكد من بياناتك الاساسية، ولو في اي شئ غلط في البيانات ومش ممكن تعدله بنفسك كغلط في الاسم مثلا او البيانات الشخصية لازم تتصل بمكتب التنسيق، او اي فرع من فروعه او تروح لاقرب معمل للحاسبات في جامعة قريبة منك..
تاني خطوة للتقديم في مكتب التنسيق، لو لقيت كل البيانات واتأكدت انها سليمة، انك تختار الكلية او المعهد اللي عايز تتقدمله من خلال قائمة للتوزيع الجغرافي بتوضحلك كل الكليات المتاحة ليك والجامعات حسب توزيعك الجغرافي.. وبعدين بتختار التخصص اللي حابب تتقدمله في كلية من الكليات مثلا القطاع الهندسي في كليات الهندسة والحاسبات، ولازم تراعي ان قائمة الكليات المسموح لك تتقدم لها حسب التوزيع الجغرافي بتنقسم الى 3 مجموعات هي:
التوزيع الجغرافي في اجراءات مكتب التنسيق
بداية يجب الملاحظة بان التوزيع الجغرافي تنسيق الجامعات يصنف ضمن عدة مجموعات وهي كما يلي:
مجموعة »أ« اجبارية وهي الجامعة او الجامعات الأقرب لادارتك التعليمية.. وفي بعض الحالات بتكون اكثر من جامعة في هذه الادارة تقع ضمن حيز متساوي المسافة من الجامعتين.
مجموعة »ب« اجبارية بعد استكمال الاختيارات في المنطقة »أ«: وهي عدة جامعات تقع ضمن حيز الإدارة التعليمية للطالب ولا يوجد فرق في اختيار اي منها قبل الآخر.
مجموعة »ج« باقي الجامعات التي بها كليات للقطاع الذي ترغب لإلتحاق به ويسمح لك باختيار اي منها وتعتبر متساوية حيث انها جميعا تبعد عن محل سكنه وادارته التعليمية لكن مع ملاحظة ان الـ٠٠٣ طالب الاوائل لا يخضعون لهذه القواعد ويمكنهم ترتيب رغباتهم دون الالتزام بها.
ويجب ملاحظة ضرورة اختيار كل الكليات التي تقع في نطاقك الجغرافي اولا قبل البدء في الاختيار في النطاق التالي لك.. كما يجب مراجعة الاقسام والشعب التي تعتبر كل منها رغبة مستقلة عند الترشيح لها. ويجب الالتزام بتسجيل »٨٤ رغبة«. علشان ما تستنفدش رغباتك.
في كليات لا تخضع لعملية التوزيع الجغرافي في قبول الطلاب، وهي كليات »الاعلام والاقتصاد والعلوم السياسية والألسن« كما اعلنت د. سلوي الغريب امين المجلس الاعلي للجامعات علي ان يكون القبول بكليات التمريض اقليميا وليس جغرافيا لأول مرة، كما توجد بعض الكليات التي تقبل ابناء المحافظة التي تقع بها فقط مثل الطب البيطري والتمريضي بمرسي مطروح – وطب قنا بالوادي الجديد، كما لا يجوز التحويل من طب الاسماعيلية إلي كليات طب أخرى في حالة اختيارها.
تعديل رغبات تنسيق الشهادة الثانوية العامة
يمكن لطلاب كل مرحلة تعديل الرغبات اكثر من مرة طوال فترة المرحلة وقبل اغلاق موقع التنسيق الالكترونى في المدة المحددة وبعد الانتهاء من تسجيل الرغبات ومراجعتها اضغط علي زر التسجيل ثم قم بطباعة رغباتك.. وبعد اعلان نتيجة الترشيح في كل مرحلة من مراحل تنسيق الثانوية العامة سيتم اعلانك بالنتيجة عن طريق البريد الالكتروني أو رسالة SMS علي الموبايل او من خلال موقع التنسيق بعدها يمكنك التقدم باوراقك الي الكلية التي تم قبولك بها او الانتظار لاجراء تحويل الي كلية اخري تري انها افضل وذلك طبقا لقواعد التحويلات مع العلم انه سيتم فتح باب التحويلات عقب انتهاء طلاب المرحلة الثالثة من تسجيل رغباتهم.
وننبه الطلاب الذين يرغبون في تسجيل رغباتهم عن طريق معامل الحاسبات بالجامعات انها ستفتح ابوابها امام طلاب تنسيق الثانوية العامة المرحلة الاولي اعتبارا من الاحد القادم من التاسعة صباحا حتي الخامسة ظهرا طبقا لشرائح المجاميع التي يحددها وزير التعليم العالي غدا.. مع العلم ان الطالب الذي سيسجل رغباته من المنزل غير ملتزم بهذه الشرائح ويمكنه الدخول علي الموقع خلال الـ٤٢ ساعة.
اختيار الكلية حسب التنسيق الالكتروني والحد الادنى للقبول في الجامعات
ولكي تختار الكلية المناسبة، يجب ان تعرف الكليات التي تتناسب مع الشعبة التي درستها في الثانوية العامة:
اولا: الكليات والمعاهد التي تقبل طلاب الشعبة العلمية » الناجحين في مواد الفيزياء والكيمياء والاحياء ومادة رابعة ادبية« وهي كليات »الطب – طب الاسنان – الصيدلة – العلاج الطبيعي – الطب البيطري – الزراعة – التمريض – والمعاهد الفنية للتمريض – التربية النوعية واقتصاد منزلي بالاسكندرية – البنات للآداب »اقتصاد منزلي عين شمس« المعهد العالي للكفاية الانتاجية »الشعبة الزراعية بالزقازيق – التربية »اقتصاد منزلي« بالاسماعيلية.
كما يتم قبول هؤلاء الطلاب في المعاهد الصحية الفنية ومدة الدراسة بها عامان.. اضافة إلي المعاهد العليا الخاصة للتعاون الزراعي بشبرا الخيمة واسيوط ويجب علي الطالب الانتباه إلي ان الدراسة في المعاهد الفنية ٤٢ شهرا وملحقة بكليات الطب ومدة الدراسة بالمعهد الفني للتمريض »مبارك كول« بقصر العيني ٣ سنوات ويشترط للقبول به الحصول علي ٠٧٪ في اللغة الانجليزية ويضاف إلي الكليات والمعاهد السابقة جميع الكليات والمعاهد النظرية التي تتناسب مع مجموع الطالب ومرحلته طبقا للحد الأدني للقبول في الشعب العلمية.
ثانيا: الكليات والمعاهد التي تقبل الشعبة الهندسية » الناجحين في مواد الفيزياء والكيمياء ورياضة »٢« ومادة رابعة ادبية«. وهي كليات »الهندسة – التخطيط العمراني – الفنون الجميلة »عمارة« الزراعة شعبة الهندسة الزراعية، هندسة البترول والتعدين، المعهد العالي للتكنولوجيا ببنها، المعهد العالي للطاقة بأسوان التربية النوعية بقنا »شعبة تكنولوجيا التعليم«. ويضاف الي الكليات والمعاهد السابقة جميع الكليات والمعاهد النظرية التي تتناسب مع مجموع الطالب ومرحلته طبقا للحد الادني للشعب العلمية ويراعي الطالب المقبول بهندسة القاهرة ان الدراسة بالفرقة الاعدادي في مقر الجامعة بالشيخ زويد وتستكمل في المقر الرئيسي بالجيزة.
ثالثا: كليات الحاسبات والمعلومات التي تقبل طلاب الثانوية من الشعبة الهندسية بالجامعات الاتية: القاهرة – عين شمس – أسيوط – المنصورة – الزقازيق – حلوان – المنيا – المنوفية – قناة السويس – الفيوم.
رابعا: الكليات الجامعية والكليات التكنولوجية والمعاهد التي تقبل طلاب من الشعبتين العلمية والهندسية: »العلوم – البنات للأداب بعين شمس »علوم« الفنون التطبيقية – الاقتصادية المنزلي – التربية النوعية بقنا »شعبة اقتصاد منزلي«.
وفي الكليات التكنولوجية ومدة الدراسة بها عامان » بالمطرية وشارع الصحافة وقويسنا والمحلة والاسكندرية وبورسعيد وسط الوادي وجنوب الوادي« ويتم قبولهم ايضا في المعهد الفني للصناعات المتطورة بالزقازيق والجامعة العمالية والمعاهد العليا الخاصة للفنون التطبيقية.. اضافة إلي قبولهم في جميع الكليات والمعاهد النظرية التي تناسب مجموعهم.
خامسا: الكليات التي تقبل طلاب المجموعة العلمية الذين درسوا مواد »الاحياء – الكيمياء – الجيولوجيا – مادة ادبية« يتم قبولهم في كليات الزراعة بالجامعات المختلفة طبقا للتوزيع الجغرافي.. اضافة إلي جميع الكليات والمعاهد النظرية التي تناسب مجموعهم.
سادسا: الكليات والمعاهد التي تقبل جميع طلاب الشعبة العلمية والادبية (الاقتصاد والعلوم السياسية – الاعلام – الاثار – التجارة – الحقوق – الاداب – التربية النوعية – دار العلوم – الألسن – الخدمة الاجتماعية – التربية الرياضية -السياحة والفنادق – رياض الاطفال – البنات »للآداب والعلوم« – الفنون الجميلة »فنون«).
كما يتم قبولهم في الكليات التكنولوجية السابق ذكرها وفي الجامعة العمالية بفروعها.. وفي المعاهد العليا الخاصة التي تناسب كل شعبة.
شروط اضافية في مكتب التنسيق لطلاب الثانوية العامة
مكتب التنسيق لطلاب الشهادة الثانوية العامة
وتوجد شروط اضافية للقبول ببعض الكليات والمعاهد كالاتي: الحقوق.. يشترط ان يكون الطالب قد درس اللغة الفرنسية في شهادة الثانوية العامة الطلاب الذين لم يدرسوا اللغة الفرنسية يجوز قبولهم بشرط النجاح في مادة اللغة الفرنسية علي مستوى الثانوية العامة ولا يمنح درجة الليسانس الا بعد نجاحه خلال سنوات الدراسة.
الألسن: يشترط الحصول علي ٠٧٪ علي الاقل من الدرجة النهائية لكل لغة من اللغات الثلاث »عربي – لغة اجنبية اولي – لغة اجنبية ثانية« ولا يحق للطلاب المعفين من اللغة الاجنبية الثانية الالتحاق.
السياحة والفنادق: يشرط للقبول بها اجتياز الاختبار القدرات الذي ينظمه مكتب التنسيق.
التربية الموسيقية: تشترط ايضا النجاح في اختبار القدرات كذلك الفنون الجميلة والتربية النوعية »شعبة فنية« ويشترط المعهد العالي للطاقة باسوان قبول الطلاب الحاصلين علي الثانوية العامة من »سوهاج – قنا – اسوان – البحر الاحمر – الوادي الجديد«.. وتشترط المعاهد الفنية الصحية ان تكون اللغة الاجنبية الاولي هي الانجليزية والا يقل سن الطالب عن ٦١ سنة ولا يزيد عن ٢٢ سنة في اكتوبر 2023.
هذا وستعلن وزارة التعليم العاليعن موعد المرحلة الاولى من تنسيق الثانوية العامة والتقدم للقبول بالجامعات والتي ستبدأ خلال 24 ساعة بعد ظهور النتيجة وسيتم القبول لمدة 5 أيام ويتم تحديد اعداد طلاب المرحلة والحد الأدنى للقبول بها لطلاب العلمي والادبي بعد دراسة المجاميع التكرارية.
للبدء في التقدم الى تنسيق الثانوية العامة واختيار الكليات ومعرفة الحد الادنى للقبول في الجامعات وكذلك موعد بدء التقديم او تعديل الرغبات هنا: https://tansik.egypt.gov.eg/application
انا كنت فب ثانوي فني 3 سنين وجبت70% وقدمت علي كلية تعليم صناعي بالسويس بس التنسيق مجبش الا الجامعة العمالية بالاسكندرية وقعدت سنتين مقدمتش انا عايزة اعرف ايه الكليات الي تناسبني في السويس او الاسكندرية
انا جايب مجموع ان شاء الله 60 وعاوز اعرف الكلية المناسبة ليا وشكرآ
انا جايبه 67 فى المائه وعاوزة ادخل تربيه رياضيه فى اى محافظه عادى مع العلم انى كتبت فى الرغيات تربيه رياضيه الزقازيق بس لومجموعى جاب اى بلد تانيه ممكن اقدم فيها من غير ما اكون مسجله ده فى الرغبات يعنى وانا خلصت القدرات ونجحت فيها كمان
انا جايبه 67 فى المائه وعاوزة ادخل تربيه رياضيه فى اى محافظه مع العلم انى كاتبه فى الرغبات تربيه رياضيه الزقازيق بس خايفه مش تجيلى وعاوزة اى محافظه ممكن يبقلونى من غير ما اكون كاتبه فى الرغبات عادى
انا جايبه مجموع 61.% ومش عارف الكلية المناسبة ياريت حد يرد على
معلش بس انا مرحلة ثانية وجايبة 94 وكنت عاوزة اعرف ممكن ادخل علوم اسكندرية والا لا وهى قبلت من كام مرحلة اولى
المرحلة الثانية التقديم بتاعها امتى ياريت حد يرد عايز اكتب الرغبات
عاوزة اعر تنسيق علمى المتادب بياخد من علمى ولا ادبى فى التنسيق
عايزة اعرف نتيجة التنسيق للمرحلة الاولى مفروض تظهر الوقتى ومظهرتش عايزة اعرف هتظهر امتى
انا جايبه 93.3 وخلاص الهندسه راحت منى وبصراحة انا مش شايفة غيرها مستعدة ادخلها حتى لو فى اخر الدنيا اعمل ايه؟
الصراحة كان نفسى اجيب مجموع بس انا عارفة انى لم اجتهد دلوقتى عايزة اعرف المرحلة الثانية والتقديم هيكون امتى
هوالى عاوز المرحلة الثانية يستناها اد اية
حد يرد عليا التنسيق المرحلة الاولى كلية حقوق اسكندرية بياخد من كام pleaseee
أنا جيبت 69.02% علمى متأدب مجموع الدرجات بعد المستوى الرفيع 283 عاوزة أعرف الكليات المتاحة
انا مجموعى 59 وعايزة ادخل اى كلية ومش عرفة ادخل ايه بس انا مش عايزة معهد
انا اخذ ثانويه العامه العام الماضي وكنت جايب 97.8 ينفع اقدم في تنسيق السنادي 2013
انا جايب 73% أدبى ممكن اعرف هيدخلونى أية وفين وممكن أعرف هكون فى انى مرحلة
انا جاي السنة اللي فاتت 96% وكنت علمي علوم ينفع اخوش صيدلة السنة ديه
لو سمحت ممكن حد يفدنى هل ينفع لو طالب ازهرى جايب مجموع عالى فى المواد الثقافية والعربية يبنفع يقدم فى جامعة عين شمس او القاهرة ….. لو سمحت حد يرد عليا ويقولى ينفع ولا لا
اناجبت 73.17%وعايزاعرف اية الكلية المناسبة لية
لله الحمد انا مجموعي 91% % علمي رياضه عاوزه اعرف الكليات المتاحه ومصاريف التنسيق والكليه
مسى على الناس الكويسة اولا انا جايب ولله الحمد 100 %ممكن اعرف ادخل معهد لاسلكى وهو بياخد من كام ارجوكمم ردو على الرقم هكتبو دلوقتى (01286562191)
انا جايب99.9 عاوز اعرف التنسيق
وممكن اعرف السن بتاخد من كام
انا جايبه 87.5 وكنت علمي علوم ممكن اخل ايه وممكن اعرف السن بتاخد من كام
السلام عليكم
لو سمحتم متى يبدا التسجيل؟؟؟؟
انا جبت 58.17 ايه بقي الكليه الانسب بالنسباللي ومججموعي ده يدخلني فين؟؟؟؟؟
التنسيق هينزل امته يا جماعه وتوقعات الهندسه اخبارها ايه؟
انا 95.37 عايزه اعرف لو الحق صيدله والا لا افيدونا افادكم الله ولكم مني جزيل الشكر
السلام عليكم ارجوكم انا ازهرية وعايزة احول على عام كلية تربية فرنساوى عايزة اعرف فى تعاقد السنة دى مع الازهر والعام فى التربية وبتقبل من كام ارجو الررررررررررد
ازاى اعرف انا فى اى مرحلة من المراحل الاولى والتانية والتالتة
مجموعى65 نفسى اعرف هقبل فى اية
انا جبت 65 وعايز اعرف ايه الكلية الي ممكن تقبلنى
انا جايبه مجموع 62.9% وعايزه ادخل تربيه رياضيه مش عارفه يقبلوني ولا لا وانا واخده مركز اول في الوثب والجري علي مدريه اسيوط والمحافظه السنه دي 2013 ادعولي انا خايفه
بالنسبة لكلية تجارة انجليزى بتقبل من كام علمى رياضة
مجموعى 80.39 % علمى رياضة هل استطيع ان التحق بكلية هندسة خاصة
انا مريم من اسيوط وجبت 93.5 وعايزه اعرف تنسيق كلية طب علاج طبيعى وممكن ادخل اية وحسبى الله ونعم الوكيل وبسمة جيرانى بتقول حسبى الله ونعم الوكيل
انا نفسى اعرف جميع المصاريف الخاص للكليات الهندسية
انا نسقت فى المرحله الاولى وجتلى كليه علوم . ومجموعى ممكن يدخلنى طب بطرى وعايز احول اعمل ايه ؟؟؟؟؟؟؟؟؟؟….مع العلم انى مكتبتش بيطرى ضمن الرغبات
ايه الافضل ياجماعه كلية التمريض ام الطب لبيطرى
التعليم المفتوح موجود يا بيبو اللي هو انتساب موجه ان شاء الله
انا عايزه اعرف التنسق هينزل امتي وازاي اعرف الكليات المتاحة ليا ؟؟؟؟؟؟؟؟؟؟؟؟؟
انا جبت 72% وعايزه اعرف ايه الكليات او المعاهد اللي ممكن تقبلني
انا مش فاهمه اي حاجه وبعدين انا عايزه اعرف التنسيق هايزنل ولا لسه
hلحكاية مش صعبة خالص يا ايمي يا دلوعة
انا داخل 3ثانوى وجبت فى 2ثانوى 97 وعايز ادخل هندسة بترول ما هو المجموع المطلوب لدخول الكلية
انا جبت 65 وعايز اعرف ايه الكلية الي ممكن تقبلنى
مجموعى 93.9%ممكن ادخل كلية هندسة
انا قدمت السنه الى فاتت وجالى معهد عالى علوم اداريه وحاسب الى التجمع الاول ومقدمتش ولا عملت تاجيل وعايزه اقدم فى تنسيق السنه ديه ينفع واعمل ايه مع العلم ان بطاقه الترشيح ضاعت
بجد انا مرعوبة من التنسيق