مؤشرات نتيجة تنسيق الثانوية الازهرية لكل كليات الجامعة بنين بنات

ما هي مؤشرات تنسيق الأزهر

مصريات – كتبت ناهد ابو النجا: تعلن نتائج القبول في كليات جامعة لهذا العام، بداية شهر سبتمبر، بعد انتهاء امتحانات الدور الثاني واعلان نتيجتها.

وعادةً، ما يصل لكل طالب في بيته خطاب ورقة الترشيح التي يذهب بها للتقديم في الجامعة او يعرف قبلها من الانترنت من خلال موقع مكتب التنسييق المخصص لطلابات وطلاب الازهر الشريف وذلك حسب الرابط الموجود ادناه هنا.

هذا، ويبدأ تنسيق الثانوية الازهرية بعد ظهور نتائج الامتحانات للدور الثاني، وذلك لشعبتي العلمي – الادبي بنين او بنات وكنا قد اوردنا خبر سابق عن مؤشرات توقعات التنسيق لهذا العام، وبانها قد تشهد انخفاضًا عما كانت عليه في العام السابق نظراً لنسبة المجاميع المتدنية بعض الشيء.

نتائج تنسيق القبول في جامعة الأزهر

طالبات في جامعة الازهر

وبعد معرفة نتائج التنسيق، يجب على اي طالب يرغب في التحويل الذهاب إلى مقر الكلية لتقديم الاوراق المطلوبة، وايضًا تقديم طلب بالنقل الى العميد او العميدة بالنسبة لكليات البنات.

كذلك يتم الذهاب بعدها الى المدينة الجامعية لطلبة الاقاليم للتقديم بها قبل ان ينتهي الموعد المحدد.

* ما هو رابط مكتب التنسيق على موقع الحكومة الالكتروني:

https://tansik.egypt.gov.eg/application/Certificates/Azhar/DefaultAzhar.aspx

إقرأ آخر الأخبار وتابعها هنا من خلال التعليقات او من خلال موقع الازهر التعليمي.

* ما هي مؤشرات تنسيق الأزهر (بنين القسم العلمي)؟

  • كلية طب القاهرة :642 درجة بنسبة 98.77%

  • كلية الطب دمياط : 639.5 بنسبة 98.38%

  • طب أسنان القاهرة 639 بنسبة 98.31%

  • طب أسيوط 638 درجة بنسبة 98.15%

  • طب أسنان أسيوط 637 درجة بنسبة 98%

  • صيدلة بنين القاهرة 633  بنسبة 97.38%  

  • صيدلة أسيوط 629 بنسبة 96.77%

  • كلية الهندسة في القاهرة 620  بنسبة 95.38%

  • هندسة قنا 618.5 بنسبة 95.15%

  • اللغات و الترجمة شعبة الترجمة الفورية إنجليزى 614 درجة بنسبة 94.46%

  • كلية الإعلام بنين 93.23%.

ما هي مؤشرات تنسيق جامعة الازهر (بنات علمي)؟

  • كلية الطب بنات القاهرة 644.5  بنسبة 99.15%

  • طب أسنان القاهرة 643 درجة بنسبة 98.92%

  • طب بنات فصول دمياط 642.5 درجة بنسبة 98.85%

  • صيدلة القاهرة 639.5 درجة بنسبة 98.38%

  • صيدلة بنات فصول دمياط 637.5 درجة بنسبة 98.8%

  • هندسة بنات القاهرة 628.5 درجة بنسبة 69.96%

  • طب بنات فصول أسيوط 627 درجة بنسبة 96.46%

  • صيدلة بنات فصول أسيوط 617 درجة بنسبة 94.92%

  • علوم بنات القاهرة 616 درجة بنسبة 94.77%

  • الدراسات الإسلامية والعربية بنات القاهرة شعبة الصحافة و الإعلام 613 درجة بنسبة 94.31%.

ما هو تنسيق القبول بجامعة الازهر (بنين ادبي)؟

  • الحد الأدنى لكلية اللغات و الترجمة شعبة الترجمة الفورية 564 درجة بنسبة 89.52 %

  • اللغات و الترجمة تخصص عام 495 درجة بنسبة 78.57 %

  • التجارة بنين القاهرة تخصص عام 456 درجة بنسبة 72.83%

  • شريعة وقانون بنين القاهرة 455 درجة بنسبة 72.30%

  • الدعوة الإسلامية تخصص عام 433 درجة بنسبة 68.73%

  • التربية القاهرة تخصص عام 431 درجة بنسبة 68.41 %.

ما هو تنسيق القبول بجامعة الازهر (الأدبى بنات)؟

  • الدراسات الإنسانية بنات القاهرة شعبة اللغات الأوربية 569 درجة بنسبة 90.32%.

  • كلية البنات الأزهرية بالعاشر من رمضان شعبة الترجمة الفورية إنجليزى فقط 569 درجة بنسبة 90.32%.

  • الدراسات الإسلامية و العربية بنات القاهرة شعبة الصحافة و الإعلام 560 درجة بنسبة 88.89%.

اخبار ومواضيع ذات صلة:

26/07/2012 3�446 تعليق نتائج الازهر الشريف , , , , , , , , , , , , , , ,
3�446 comments
  1. محمد ناجى الدسوقى 20/08/2010 16:32 -

    انا كنت فى اصول فى المنصوره وراسب السنادى فرقه1 وعاوز احول معهد فى القاهره ينفع

  2. محمد ناجى الدسوقى 20/08/2010 16:29 -

    من الاخر انا عاوز احول معهد تمثيل عاوز اغنى و**

  3. اباشا الازهرى 20/08/2010 14:55 -

    يارب نتيجة التنسيق تبان النهاردة قبل بكرة بس انا سوال هية الشريعة والقانون بتاخد من كام شعبة قانون اى حد يعرف يكلمنى على الرقم دة

  4. واحد من الناس بس ازهرى 20/08/2010 06:39 -

    يارب اللى عاوز حاجه ربنا يحققهالو والطب ياخد من 95% والهندسه من 90% الصيدله من 92% من الاخر زى التربيه والتعليم اشمعنا هما !!!!!!!!!!!!!!!

  5. طالب ازهرى فاشل 20/08/2010 06:30 -

    كلو يركز معايا يارب التنسيق يقل 2% عن السنه اللى فاتت ده لو حصل انا هادخل مدينه جماعيه اصل انا داخل طب القاهرة بمجموع 98% والمدينه السنه اللى فاتت كانت من 100%و ادعولى الحق المدينه

  7. abdo elnagar 19/08/2010 23:33 -

    اى حد يعرف حاجة على نتيجة التنسيق يتصل بيا على الرقم دة

  8. طالب ازهرى 19/08/2010 18:48 -

    هو التنسيق هايظهر امتة اة القرف دة انا عايز اعرف انا هادخل اية

  9. بنوتة رقيقة 19/08/2010 16:19 -

    انت يلى بتحب دينا لو هى بتحبك هتتحدى العالم كلة علشانك ولا انت شايف اية طب انا بحب واحد قدى وهو ملتزم جدا اية رايك اكمل معاة لغايط مانتخطب بعد الكلية ولا اسيبة ولما نخلص كلية نبقى نرجع لبعض

  11. محمود عويس 19/08/2010 14:37 -

    باقي علي ظهور التنسيق تقريبا 15يوم يا رب كل طالب وطالبة ينل ما يتمني ويستريح بدل من حرقة الدم هذة

  12. AYA 19/08/2010 11:36 -

    السلام عليكم
    ……….

    بصراحه يا جماعه الازهر فيه ظلم شويه وديه حاجه وارده يعني بيرجع لتقدير المصحح للاجابه اللي قدامه وعادى ماهو عام فيه ظلم برده بس تأكدو اني كل واحد بيأخد نصيبه اللي ربنا كاتبهولو من قبل مايتولد بس المهم الرضا وربنا بيقول في الحديث القدسى من رضي

  13. زهره الازهر 19/08/2010 00:14 -

    الحمد لله على كل شئ انا الحمد لله جايبه 94.92 واتمنى ادخل صيدله او هندسه يارب الحق حاجه من كليات القمه ادعولى وياجماعه ياللى بتنتقضوا الازهر احمدوا ربنا انكو عرفين دينكو و حفظين القران هو ده شويه

  14. MADO EL BOOND 18/08/2010 22:12 -

    يا جماعة انا لسه معملتش اى حاجه ممكن حد يساعدنى اعمل ايه فى التقديم انا جايب 93
    وانا علمى

  15. علياء 18/08/2010 17:13 -

    انا جبت في الثانويه 98.9 بس عايزه اسال احنا هندخل المدينه في اول السنه ولا هنقعد بره كتير

  16. بلال رجب 18/08/2010 15:44 -

    يا جماعة التنسيق بتاعنا هيبان بعد امتحانات الدور التاني وبعد ما تظهر النتيجة ويعملوا رغبات المرحلة التانيه وبعدين التنسيق يبان

    يعني على بعد العيد …… ومحدش يستنى ان التنسيق ينزل غير درجة واحدة بس مش اكتر

  17. احمد عيد والشيهر بالاطش 18/08/2010 15:06 -

    ياجماعه احنا كده هنمل الدراسه بعد العيد واحنا لسه معرفناش النتيجه ولا اقدمنا ولا اجرنا ولا عملنا اى حاجه يعنى ايه نفيضها ونعد احسن يا ريت تظهر خلال بكره او بعده وشكرا

  18. توتا 18/08/2010 11:25 -

    ايه ياجماعه الاحباط اللى انتو فيه ده استعينو بالله ولن يصيبنا الا ما كتب الله لنا يا جماعه بلاش تتكلمو كده عن الازهر وبعدين مش الازهر بس اللى فيه ظلم وفى والاول والاخر كله نصيب بس اكتر حاجة مضايقانى فى الازهر انهم بياخرو نتيجه التنسيق ومعايشنا فى قلق اكتر من النتيجة انا جبت 97% ونفسى ادخل طب يارب النتيجه تظهر بسرعه ياااااااااااااااااااااااااااااااااااااااااااااااااااااااااارررب

  19. طااااالبة 18/08/2010 09:26 -

    بجد حاجة تقرف امتحانات وحشة وتصحيح زباله ولجان شاده وتأخير وحرق دم
    حسبى الله ونعم الوكيل

  20. احمد ناجى 17/08/2010 17:33 -

    يا جماعة الازهر احسن من العام بمراحل اولا لن الازهرى لابد وان يكون حافظا لكتابالله ثانيا الازهرى بيدرس مواد اكتر من العام اذن هو يتعب وينظم ويتحكم ويصبح لديه خبرة وحسن تصرف وبما انه يتعب اكثر اذن ففرصته فى التفوق تكون اكبر وهذا ما حدث معى وانا جبت 96.8% ورمضان كريم

  21. sara 17/08/2010 16:48 -

    ده مش كلام ازهرين ابدا المفروض يكون عندكو انتماء ده فخر ليكو ان تكونو ازهرين والاستاذ اللي بيقول بناخد انصاف مواد شكله ميعرفش كان بيدرس ايه كل اللي العام كانو بيدرسوه درسناه وعليه المواد الشرعيه والعربيه يعني الطالب الازهري بجد يعتبر عالم العلماء بالنسبه للتانين لكن هنقول ايه الازهر بقي يلملم ناس مش عارفين قدره وبالنسبه للتظلمات فهي موجوده في كل مكان وانا شفت السنه دي في العام مهازل احمدو ربكو

  22. ريدا 17/08/2010 16:44 -

    كانو كاتبين ان التنسيق هيظهر النهاردة مفيش اخبار لية

  23. safaa 17/08/2010 15:30 -

    ياجماعه انا لياكتير أصحابى خدو حقهم وفى ناس ماخدوش حقهم زيى انامطلومه 9درجات لكن ابل ماشوف نموذج الاجابه كنتمعتقده انى ليا20درجه وعموما الحمدلله وعلى فكره أناجايبه96.5 فىعهد الطنطاوى اختى تطلمت وخدت 15درجه

  24. زهرة العلا 17/08/2010 10:33 -

    اية ياجماعة النقض الكتير ده دا نقض هدام وليس بناء ارجوكم اللى عاوز يناقش حاجه عن الازهر الشريف يناقشها باحترام ولازم يضع فى اعتباره ان الازهر الشريف كان وسيظل مناره للعلم والعلماء فى كل مكان وزمان ابحثوا بث فى انجازاتة وانتوا تعرفوا فضله عليكم وعلى العالم اجمع….

  25. shimaa 16/08/2010 22:18 -

    لكن لما أركز فى مواد أقل أحسن ما ركز فى مواد كتييييييييييييييييييييييييييييييييييير

  26. محمود عويس 16/08/2010 11:09 -

    صحيح الثانوي العام بياخد مواد قليلة لكن مواد كاملة مش زي عندنا انصاف مواد وكمان النتيجة عندهم بتتبني علي مرحلتين مش علي مرحلة واحدة وعلي فكرة انا من الازهر بس بقول كلمة حق

  27. shimaa 16/08/2010 05:22 -

    المشكلة مش فى الأزهر المشكلة فى اللى ماسكينه

  28. هههههههههه 16/08/2010 04:59 -

    آه نسيت أقولكم حاجة يا طلبة الثانوية العامة إحسبوها كدة 6 مادة عندكم بس دا غير نظام علم علوم وعلم رياضة دا غير كمان إن لو أى حد فيكم جاب ملحق أو شال مادة وإمتحنها ورسب فيها بياخدها معاه للسنة الجاية يعنى متوفر ليكم كل حاجة (1) مواد قليلة ودا طبعآ بيساعد فى إن وقتكم يكون أطول للمذاكرة والجهد قليل أما إحنا فعندنا 18 مادة وأكيد إنتم عارفين كل مادة أد إيه صح
    (2) عندكم علم علوم وعلم رياضة يعنى إللى مش حابب العلوم يدخل رياضة وإللى مش حابب الرياضة يدخل علوم ودى حاجة بتخفف عنكم أكتر أما إحنا فمفيش حاجة إسمها علم علوم وعلم رياضة كل المواد بتاخدها مفيش أى رحمة
    (3) حاجة لو حد شال مادة عندكم وإمتحنها ورسب فيها بياخدها معاه للسنة الجاية وبيمتحنها تانى أما إحنا لو حد شال مادة وإمتحنها ورسب فيها بيعيد السنة من الاول تانى عرفتم إنتم فى رحمة أد إيه وبعد دا كله مش نافعين فى الآخر مين بقى إللى ليه الحق يقول على التانى فاشل يا فشلة ها ههههههههههههه سلام كفاية كدة.

  29. هههههههههه 16/08/2010 04:44 -

    هههههههههههه إنتم مش شاطرين غير فى الكلام بس شاطرين تقعدوا تقولوا الأزهر فاشل ومش عارف إيه الأول شوفو نفسكم ههههههههه 109 ألف راسب دا غير طبعآ الراسبين من الدور التانى وغير الملاحق ومش عارف إيه أظن إنكم كنتم عارفين إنتم كنتم شاطرين ليه فى عهد يسرى الجمل بس لما أحمد زكى بدر حبيبى جالكم ظهرتم على حقيقتكم كلكم فشلة ومتستهلوش إننا نتناقش عنكم أصلآ.

  30. هههههههههه 16/08/2010 04:36 -

    هههههههه أزهر إيه إللى إنت جاى تقول عليه هو بقى فيه أزهر على فكرة أنا طالب أزهرى ومتفوق كمان وممكن تقول إن قليل أوى إللى فاهم الأزهر زيى بس أحب أقولكم حاجة واحدة بس هيا إن تلاميذ التربية والتعليم مينفعش يتكلموا علينا نص كلمة
    أكيد هما فاهمين ليه تحبوا أقولكم ليه وأنا عارف ومتأكد إنكم هاتقتنعوا؟ ولا بلاش وربنا أمر بالستر(ها)؟ فهمتم هههههههه

  31. safsaf 15/08/2010 22:33 -

    بصو يا جماعة مهما كان الازهر مش كويس فى نظركم دة مش معنا انة مش كويس على طول وبصراحة مينفعش الى انتو بتقولوة على الملا كة

  32. محمودعويس 15/08/2010 20:42 -

    فعلا الغش كان جامد اوي في الامتحانات وانا اعتقد ان اللي بيتظلم في الحكاية دي الناس اللي تعبانة في المذاكرة طوال العام واعتقد ان الغش لو اتمنع هيبقي افضل حتي لو نسبة النجاح قلت لان كل واحد هيدخل الكلية التي يستحقها

  33. sss 15/08/2010 17:21 -

    ana mosh ba3’esh bas el legan kollaha bet3’esh w nekallem el mas2ool ye2ool el emte7anat sa3ba w law ma sayebnash el legan ma7desh hayenga7 ne2ollo tab w elly mosh bey3’esh ye2ool tab w eih elly man3 w fi el 2aa5er bakeya el 7al kama howa 3aleih

  34. مهدى الديب 15/08/2010 10:22 -

    المصححين مش عندهم ضمير انا عملت تظلم فى مادتين متاكد انى هاجيب الدرجة النهائية فيهم لكن للاسف مش خدت حاجة زى كل الناس

  36. بوسى 15/08/2010 01:58 -

    بارب التنسيق يظهر بقى والله انا تعبت بجد انا اكتر حاجه اكرها الانتظار ويا رب يكون اقل من السنه اللى فاتت بكتير وانا سمعت التوقعات بيقولو الطب حياخد من96%والصيدله من 94%والله اعلم علشان انا مبصدقش حاجه فى التنسيق الا ما بيظهر وشكرا

  37. shimaa 15/08/2010 01:18 -

    الأزهر ده نظام فاشل لما تلاقى المدرس وكمان الموجه بيقول للطلبة فى اللجنة غشوا علشان تجيبوا طب أو صيدلة يبقى راح الضمير فين طبعا أنا بتكلم عن اللجنة اللى كنت بمتحن فيها وبس منهم لله بسببهم ضاع منى درجات كتير مع العلم انى جبت 97%

  38. مصرى يعشق غزة 14/08/2010 23:54 -

    ربنا يسر الامور ويحقق لكل واحد مرادة فى الخير ويرزقنا التميز والتفوق وبالنسبة للتنسيق نتمنى من الله عز وجل انة ينزل عن السنة اللى فاتت كتيروالنبى صلى الله عليه وسلم قال بشروا ولا تنفروا

  39. بنت أزهرية 14/08/2010 15:49 -

    أنا بقى واحدة أزهرية جبت 87,2 مع إنى كنت قبل كده دايما من الأوائل لكن السنة ده هو ده الحصل الحمد لله……

    .
    لكن أنا نفسى أعرف التنسيق عشان أعرف أحدد مستقبلى

  40. رمضان كريم 14/08/2010 14:29 -

    يا جماعه الحمد لله على كل حال ولكن اللي مظلومين بجد في الازهر البنات لان مش ليهم غير كليات القاهره فبالتالي تنسيقهم عالي جدا وربنا يستر السنه دي

  41. النمر المقنع 14/08/2010 10:52 -

    يارب التنسيق يبقى كالآتى :
    الطب 102.5% والصيدلة102%والهندسة 101% والعلوم 100%
    وأقل كلية تاخد من 98% علشان اللى بيشتموا الأزهر يتأدبو قاعدين يلعبوا طول السنة وفى الآخر يعيطوا ال ايه التصحيح كان فيه ظلم الظلم الحقيقى هو ان انتم فى الأزهر أكبر صرح دينى فى العالم والله حراااااااااااااااااااام

  42. محمود عويس 12/08/2010 23:58 -

    انا لما قلت ان التنسيق مش هيقل عن السنة السابقة قلت بالنسبة للبنين وبعدين اللي بيتكلم وبيقول انا جبتة منين انا سمعت من محطة القران الكريم وواضح ان اللي زعلان من كلامي مجموعه مش كويس وفاكر ان كل الناس مثلة واحنا والتنسيق وعموما هو قرب يظهر وهنشوف مين الصح من الغلط

  43. yujin60 12/08/2010 17:22 -

    انا عايزه اعرف الى بيقول ان التنسيق مش حيقل عن السنه الى فاتت جاب الكلام جه منين
    ويااااااااااااااااريت الى عنده اخبار موصوق فيها يتكلم والى معندهوش الصمت احسن
    وان شاء الله التنسيق ينزل ذى تنسيق التربيه والتعليم علشان دى سياسة دوله

  44. د.بشير 12/08/2010 16:47 -

    بقلك يا اخت ازهريه سيبك من كل تعبراتك السخيفه دى مش علشان فشلك فى الازهر يبقى الازهر كله فشله والازهر قادم لامحاله وهو الاصل الاصيل لبناء هذه الامه واعداد القاده والرجال العظماء

  45. محمود عويس 12/08/2010 12:34 -

    علي فكرة انا اسمعت ان التنسيق مش هيقل عن السنة السابقة
    يعني اللي جايب اقل من 93.5بالنسبة للبنين مش هيلحق الهندسة حتي

  46. طالب 12/08/2010 05:03 -

    ياجماعه أنا والله العظيم كنت حاسب لنفسى 99% على الأقل لقيت نتيجتى 92,2 بجد ده مش حرام وتظلمت فى مادتيم كنت متأكد 100% إنى هجيب فيهم الدرجات النهائيه وهم منقصينى فيهم 25 درجه ومجبتش ولا درجه طاب ليه هم بينتقمو مننا بجد ده حرام ومنهم لله 

  47. alazharya 11/08/2010 23:22 -

    احمدوا ربنا انكوا ازهرية وبلاش كل واحد مقدرش يحقق حلمه يعلق فشله علي الازهر العيب مننا مش منه ولما انتوا تقولوا الكلام ده يبقي متزعلوش من بتوع العام اما يتريقوا ع الازهرية

  48. الروش 10/08/2010 23:59 -

    عسل يا دنيا سمير غانم اموت انا

  49. علاء رمضان 10/08/2010 23:02 -

    ياترى هل صيدلة الازهر ممكن تقبل من94%

  50. محمود عويس 10/08/2010 19:55 -

    انا معاك يا محمودالخطاب لكن كتب طنطاوي مش وحشة خصوصا اذا كانت في التفسير

أضف تعليقاً