مؤشرات نتيجة تنسيق الثانوية الازهرية لكل كليات الجامعة بنين بنات

ما هي مؤشرات تنسيق الأزهر

مصريات – كتبت ناهد ابو النجا: تعلن نتائج القبول في كليات جامعة لهذا العام، بداية شهر سبتمبر، بعد انتهاء امتحانات الدور الثاني واعلان نتيجتها.

وعادةً، ما يصل لكل طالب في بيته خطاب ورقة الترشيح التي يذهب بها للتقديم في الجامعة او يعرف قبلها من الانترنت من خلال موقع مكتب التنسييق المخصص لطلابات وطلاب الازهر الشريف وذلك حسب الرابط الموجود ادناه هنا.

هذا، ويبدأ تنسيق الثانوية الازهرية بعد ظهور نتائج الامتحانات للدور الثاني، وذلك لشعبتي العلمي – الادبي بنين او بنات وكنا قد اوردنا خبر سابق عن مؤشرات توقعات التنسيق لهذا العام، وبانها قد تشهد انخفاضًا عما كانت عليه في العام السابق نظراً لنسبة المجاميع المتدنية بعض الشيء.

نتائج تنسيق القبول في جامعة الأزهر

طالبات في جامعة الازهر

وبعد معرفة نتائج التنسيق، يجب على اي طالب يرغب في التحويل الذهاب إلى مقر الكلية لتقديم الاوراق المطلوبة، وايضًا تقديم طلب بالنقل الى العميد او العميدة بالنسبة لكليات البنات.

كذلك يتم الذهاب بعدها الى المدينة الجامعية لطلبة الاقاليم للتقديم بها قبل ان ينتهي الموعد المحدد.

* ما هو رابط مكتب التنسيق على موقع الحكومة الالكتروني:

https://tansik.egypt.gov.eg/application/Certificates/Azhar/DefaultAzhar.aspx

إقرأ آخر الأخبار وتابعها هنا من خلال التعليقات او من خلال موقع الازهر التعليمي.

* ما هي مؤشرات تنسيق الأزهر (بنين القسم العلمي)؟

  • كلية طب القاهرة :642 درجة بنسبة 98.77%

  • كلية الطب دمياط : 639.5 بنسبة 98.38%

  • طب أسنان القاهرة 639 بنسبة 98.31%

  • طب أسيوط 638 درجة بنسبة 98.15%

  • طب أسنان أسيوط 637 درجة بنسبة 98%

  • صيدلة بنين القاهرة 633  بنسبة 97.38%  

  • صيدلة أسيوط 629 بنسبة 96.77%

  • كلية الهندسة في القاهرة 620  بنسبة 95.38%

  • هندسة قنا 618.5 بنسبة 95.15%

  • اللغات و الترجمة شعبة الترجمة الفورية إنجليزى 614 درجة بنسبة 94.46%

  • كلية الإعلام بنين 93.23%.

ما هي مؤشرات تنسيق جامعة الازهر (بنات علمي)؟

  • كلية الطب بنات القاهرة 644.5  بنسبة 99.15%

  • طب أسنان القاهرة 643 درجة بنسبة 98.92%

  • طب بنات فصول دمياط 642.5 درجة بنسبة 98.85%

  • صيدلة القاهرة 639.5 درجة بنسبة 98.38%

  • صيدلة بنات فصول دمياط 637.5 درجة بنسبة 98.8%

  • هندسة بنات القاهرة 628.5 درجة بنسبة 69.96%

  • طب بنات فصول أسيوط 627 درجة بنسبة 96.46%

  • صيدلة بنات فصول أسيوط 617 درجة بنسبة 94.92%

  • علوم بنات القاهرة 616 درجة بنسبة 94.77%

  • الدراسات الإسلامية والعربية بنات القاهرة شعبة الصحافة و الإعلام 613 درجة بنسبة 94.31%.

ما هو تنسيق القبول بجامعة الازهر (بنين ادبي)؟

  • الحد الأدنى لكلية اللغات و الترجمة شعبة الترجمة الفورية 564 درجة بنسبة 89.52 %

  • اللغات و الترجمة تخصص عام 495 درجة بنسبة 78.57 %

  • التجارة بنين القاهرة تخصص عام 456 درجة بنسبة 72.83%

  • شريعة وقانون بنين القاهرة 455 درجة بنسبة 72.30%

  • الدعوة الإسلامية تخصص عام 433 درجة بنسبة 68.73%

  • التربية القاهرة تخصص عام 431 درجة بنسبة 68.41 %.

ما هو تنسيق القبول بجامعة الازهر (الأدبى بنات)؟

  • الدراسات الإنسانية بنات القاهرة شعبة اللغات الأوربية 569 درجة بنسبة 90.32%.

  • كلية البنات الأزهرية بالعاشر من رمضان شعبة الترجمة الفورية إنجليزى فقط 569 درجة بنسبة 90.32%.

  • الدراسات الإسلامية و العربية بنات القاهرة شعبة الصحافة و الإعلام 560 درجة بنسبة 88.89%.

اخبار ومواضيع ذات صلة:

26/07/2012 3�446 تعليق نتائج الازهر الشريف , , , , , , , , , , , , , , ,
3�446 comments
  1. هند 02/09/2010 19:53 -

    الحمد لله علي كل شئ اهم حاجة منفقدش ثقتنا بالمولي عز وجل ونحسن الظن بالله

  3. أحمد السحراوي 02/09/2010 18:04 -

    إزيك يا هند أنا قصدي إن الغش كان كتير أوووووووووي في معاهد كفر الشيخ وكل الأولاد كانوا بيقولو كده ومعظم اللي جايب فوق ال95% مايعرفش الألف من كوز الدرة وبالنسبة للتنسيق هوا الأزهر معودنا علي كده إن هوا يقعد يحرق اعصابنا ويزلنا والله يا جماعةاناكتير اوي باحس إن إحنا مش مصريين وأرد علي الأستاذ راجي إن ده شهادة كبيرة من حضرتك كل الجروب بيعتز بيها والفضل يرجع بعد ربنا سبحانه وتعالي لسوسو مؤسسة الجروب وربنا يخليلك خطيبتك وتكون من نصيبك وإنتي يا سلمي ماقولتيلناش جايبة كام ويا سوسو إنتي بنت نادرة الوجود في الزمن ده ومتهيئلي ماعدش فيه حد من نوعيتك وإنتي يا سلمي ماقولتيلناش إنتي جبتي كام في ال% وإنتي يا هدير ماعملتيش تظلمات ولا إيه ؟يا ريت لو حد عمل تظلمات وطلعله درجات يدخل يقوللنا

  4. عبوووود 02/09/2010 17:55 -

    ياجماعه التنسيق ماتاخرش ولا حاجه السنه اللى فاتت ظهر يوم 9/15ودى كانت ليلة القدر واللى قبلها ظهر يوم 9/13يعنى هو داالمعاد الطبيعى للظهور بس كل دفعه بتحس ان هى الدفعه اللى اتظلمت بس لو شوفتوا اللى حصل مع الدفعات اللى قبلكم هتعرفوا ان دابيحصل كل سنه لان الازهر بيحب الروتين ومابيحبش التغيير   ……………….وانا ياحمد كنت فى معهد الامام الشافعى  فى المنصوره اللى عند كلية لغه عربيه وانت اكيد روحت هناك على الاقل علشان مظروف التنسيق

  5. gomana iprahem 02/09/2010 16:23 -

    هدير ازيك شكلك انتى الوحيده الى من القاهره ومتخفيش ان شاء الله التنسيق ينزل ولو منزلش ادينا هنبقى مع بعض وهنخش كليه وحده واتمنى اتعرف بيكى اكتر

  6. gomana iprahem 02/09/2010 16:21 -

    هند ازيك يا قمر ايه اخيارك منوره الجروب

  7. gomana iprahem 02/09/2010 16:08 -

    للبنات العسل سوسو ومنال وبوسى وهدير انتو كلكوا من محافظات مختلفه حد ناوى يخش جامعه القاهره نفسى يكون حد من القاهره عشان بجد حسه ان كلكو اخواتى هو انت جبتى كام ياهدير

  8. gomana iprahem 02/09/2010 16:02 -

    يامنال البحيره دول اجدع ناس انا بلدى البحيره بس انا من القاهره

    وانا بحب البحيره جدا وبابا كان درسته فى دمنهور وبيقول عليها بلد جميله واكيد جميله عشان انتى فيها

  9. gomana iprahem 02/09/2010 16:00 -

    ياسوسو ياعسل قصتك انت ومحمد حلوه اوى ربنا يتمم بخير ان شاء الله انا برضوه بمقتنعش بكلام مع الشباب ولا بفكر خالص فى الحب بس شكل محمد انسان كويس ربنا يخيلهولك بس اهم حاجه ان اهلك واهله يكون عرفين وربنا يخليكوا لبعض وتقبلى تعليقى يا قمر

  10. gomana iprahem 02/09/2010 15:48 -

    ازيكوا ياجماعه وحشتونى جدا يا بنات معرفتش اكلمكوا امبارح كان عندنا عزومه

    بجد وحشتونى جدا ازيك يا هدير اهلا بيكى نورتى واهلا بكل البنات الجديده الى زى العسل

  11. احمد الحسانين 02/09/2010 15:43 -

    يجماعة دى مش جديدة على الازهر ماهى دى عوايدة طول مرة متاخر ياترى هيتعدل امتا

  12. هند 02/09/2010 14:23 -

    السلام عليكم ورحمة الله وبركاته عاملين ايه يابنات يا عسسيل (soso-بوسي ومنوله وجومانه وكوكي )يارب تكونوا بخير

  13. هند 02/09/2010 14:20 -

    ازاي التنسيق يتاخر كل ده والجامعات والدراسه كلها بعد العيد هما شكلهم كده عايزين يعرفونا ان الله حق ومش عيزين ينزلوا التنسيق السنه دي خليهم براحتهم هيكونوا ظلمنا في الدرجات وكمان في التنسيق محدش يقلقهم وخلوهم يخدوا راحتهم علي الاخر خالص

  14. هند 02/09/2010 14:11 -

    يااحمد انا بتكلم علي ان كان عندنا في المعتهد غش رهيب جدااااااااااااااااااا اللجان كانت شده بس الامتحانت كانت مع الطلبه قبل الامتحان شفت الغش وصل لفين والي جابوا مجموع فوق 95%هما بجد الي يستهلوها وكانوا طول السنه مذاكره جامده انت تعرف انةمعهد كفر الشيخ كل سنه بيطلع منه بنات كتر اوووووووي طب وصيدله ومجامعيهم فوق 98% كلهم الا القليل الي مجمامعهم نازله عن 90%

  15. هدير 02/09/2010 13:50 -

    ياسلمي هدي اعصابك النتيجه هتظهر خلال ايام انتى نويه على ايه انشاء الله

  16. هدير 02/09/2010 13:47 -

    هند انتى فين ممكن اتعرف بيكى وبكل بنات الجروب

  17. هدير 02/09/2010 13:44 -

    منال اهلابيكى انا من 6اكتوبر  وانتي  انا ممكن اقلك كمان اني بعد كل احلامى متحطمت بعد النتيجه والى انا كنت متوقعه مجموعى مش اقل من 95 جبت 85.5 بس الحمد لله على كل شئانا بفكر ادخل تجارة  ايه ائيك يامنوله

  18. هدير 02/09/2010 13:24 -

    يا بوسي انا من 6اكتوبر وكان يشرفنى اني اكون معاكى بس مش هينفع لئني حسب التوزيع الجغرافى متاح لى تجارة القاهرة وكمان بالنسبه لمجموعى اناجبت 83.9بدون مستوى وبالمستوى 85.5

  19. راجي 02/09/2010 13:15 -

    السلام عليكم ورحمة الله وبركاته

    معلش ارخم وارزل شويه صغيرين عليكو ومش هاتتكر تاني اولا احييكم كلكم علي خفة دمكم واحييكم اكتر علي احترامكم لبعض ولاول مره علي النت ادخل الاقي تعليقات مفهاش شتيمة وضرب وخناق عارفين ليه لان الازهر بيزرع فينا بذرة الاحترام من الالف الي الياء انا دخلت عندكوا عن طريق جوجل لمعرفة نتيجة تنسيق الازهر لخطيبتي اللي هي بردوا احلي انسانه شفتها في حياتي وبنات الازهر احلي بكتير من اي حد تاني ورومانسيين بردوا ربنا يوفقكم

  21. salma 02/09/2010 06:52 -

    نسيت اقولكو لما التنسيق يتكرم ويظهر ابقوا ادونى مزد لانى خلاص هتشل

  22. salma 02/09/2010 06:50 -

    صح يا جماعة كلام ( الولد الشقى ) صح كلنا بنقول مظلومين مش عارفه بقى العيب ف مين انا بصراحة منكرش انى قصرت جدا جدا السنة دى وفعلا والله محدش بياخد اكتر من اللى ربنا كتبهولو قولوا كلكو الحمدلله @_@

  23. بوسى 02/09/2010 06:08 -

    ويا ريت لما مامتك وباباك يرجعو من العمره تبقى تقولى لنا وابقى خليهم يدعو لنا يا سوسو يمكن ربنا يوفقنا

  24. بوسى 02/09/2010 06:01 -

    اهلا بيكى يا كوكى اكيد ده مش اسمك الحقيقى ياترى اسمك الحقيقى ايه؟وانت منين؟وجبت كام؟ وناويه تدخلى كلية ايه؟

  25. بوسى 02/09/2010 05:57 -

    احنا المعهد بتاعنا مكنش فيه غش خااااااااااالص غير هى لجنه واحده وكانت البنات شارينها كمان والله ماجابو درجات مزادوش عن 92%وكلهم فى الاخر قدمو كليات خاصه صيدله وهندسه بس الاوله على المعهد جايبه99.8% ياله ربنا يوفقهم ويوفقنا

  26. بوسى 02/09/2010 05:50 -

    ازيك يا سوسوانت ومنال وجومانه وهدير وهند وكل بنات الجروب عاملين ايه؟هو فى حد فيكم ناوى يدخل تفهنا؟ وطبعا يا سوسو انت مش زى العسل انت العسل نفسه وخليكى واثقه فى نفسك على طول

  27. أحمد السحراوي 02/09/2010 02:42 -

    وإنتي يا كوكي كلامك صح أهم حاجة الواحد يدخل الكلية اللي بيحبها ويثبت نفسه فيها وبعدين لوجتلنا كلية إحنا مش حبينها اكيد ربنا مقدرلنا الخير فيها (وعسي أن كرهوا شيئا وهو خير لكم) وإنتي ياريم مش كل الأزهرية مظلومين في شوية وشوية يعني هي حظوظ اللي كانت ورقته بتقع في إيد مدرس بيفهم وبيدرس المادة هو ده اللي بيكون مش مظلوم أما اللي ورقته بتقع في إيد مدرس مش بيدرس المادة هوا ده اللي إتظلم يعني مثلا مدرس بيدرس طول السنة صرف ويخلوه يصحح بلاغة أو مدرس بيدرس فقه ويخلوه يصحح تفسير أو توحيد ويا ريت نعرف إنتي يا روكا وريم جايبين كام إنتي فين يا سوسو مش باينة ليه

  28. كبير الجزيره 02/09/2010 02:16 -

    حرام حرام حرام ياطيب انت مش طيب نهائى

  29. كبير الجزيره 02/09/2010 02:15 -

    اكتر معاهد اتظلمت معاهد نجع حمادى

  30. soso 02/09/2010 02:12 -

    يا احمد انا عمري ما فكرت اني احب بس محمد جاب نمرتي من الدرس وكلمني بعد النتيجة وقالي نبقى اخوات وفقت عشان دة انسان سمعتة سبقاه مع العلم ان في اتنين تانين من الدرس حاولو يكلموني بس انا عرفتهم قيمتهم بس يا سيدي وبعدين الموضوع قلب بجد واكتشفت ان انا كمان اللي جوايا كدة بس مكنتش واخدة بالي واتفقت معاه اول امباح اني مكلموش تاني خالص بس هفضل فكراة وبعد الكلية ان شاء الله لوربنا كاتب نكون لبعض هنكون لو بعد مليون سنة .في الاول كان في اسئلة كتير في دماغي منها اشمعنا انا ما في بنات تانية حلوين بس هو قالي عشان انت كنت بتدخلي تصلي لوحدك في الاوضة عبال م الدرس يبدأ وساعات كمان كنتي مش بتلاقي حاجة تصلي عليها كنتي بتصلي ع الارض بس انت بجد دمك خفيف مش ببالغ والله مع ان كل الناس بتقول علية زي العسل بس انت غلبتني

  32. كبير الجزيره 02/09/2010 02:09 -

    هاى للاولاد فقط هو التنسيق امتا هيظهر

  33. soso 02/09/2010 01:52 -

    يا هدييير ياصوت المية الجميييل (طب والله تنفع مطلع اغنية)انتى قولتي عاوزة تتعرفي على بوسي ومنال وجومانة بط بالنسبة لسوسو مؤسسة الجروب اية النظام

  35. هند 02/09/2010 01:42 -

    وعسي ان تكرهوا شيا وهو خيرا لكم وعسي ان تحبوا شيا وهو شر لكم والله يعلم وانتم لاتعلمون

  36. هند 02/09/2010 01:34 -

    شوفتوا الجديد مش اكتر معهد كفر الشيخ بنيت وبنات دخلوا كليات بالفلوس طب وصيدله وهندسه

  37. هند 02/09/2010 01:33 -

    ان شاء الله كله خير اهم حاجه شدو حيلكم في العشر الاواخر وادعوا ربنا كتير وربنا يوفقكم( ومن يتق الله يجعل له مخرجا ويرزقه من حيث لايحتسب )ومن يتوكل علي الله فهو حسبه

  38. أحمد السحراوي 02/09/2010 01:30 -

    يا عبود إنتا فهمت كلامي غلط بنات الازهر محترمين وجمال جدا انا بس كنت باهزر إنتا كنت في معهد إيه يا عبوووود وإنتي ياهند بردو فهمت كلامي غلط بنات الأزهر كلهم محترمين ماعدا قلة وأنا ماباقولش إن البنات اللي مابتكلمش ولاد ماتبقاش بنات إحنا كنا بندردش بهزار وبعدين ياهند إنتي بتقولي إن عشرة بنات بس هما اللي جايبين فوق ال95% إحنا عندنا في المطرية أنا اللي طالع الاول وجايب 92,15 والتاني جايب 90 والباقي تحت ال90 وماكانش فيه غش جامدزي اللي كان عندكم واللي بسبب الغش اللي المعاهد بتاعتكم غشته التنسيق هايرفع وفي الأول والآخر حسبنا الله ونعم الوكيل

  39. روكا 02/09/2010 00:06 -

    الواضح ان كل ا
    للي في الازهر مظلومين

  40. كوكي 01/09/2010 23:38 -

    علي فكره يا جماعه مش لازم تكون الكليه كلية قمه المهم تدخل الكليه اللي انت بتحبها ومش ليك دعوه بكلام حد

  41. سحر 01/09/2010 23:12 -

    ارجوكم حد يقولى التنسيق هيبان امته

    انا قلقانه اوى .ارجوكم افدونى

  42. ريم 01/09/2010 23:10 -

    ارجوكم حد يقولى التنسيق هيبان امته انا قلقانه اوى ارجوكم افدونى

  43. منال 01/09/2010 22:38 -

    على فكره ياجماعه نتيجه التنسيق هتظهر ان شاء الله تقريبا بعد العيد

  44. منال 01/09/2010 22:31 -

    انا كمان يا بوسى مش فاهمه حاجه من احمد حمدى ياريت لو تقول الموضوع من اول عشان نعرف نقول رائينا

  45. منال 01/09/2010 22:25 -

    يا mando فعلا الجمال جمال والاخلاق مش الشكل

  46. منال 01/09/2010 22:24 -

    يااحمد ياحمدى قرب من ربنا اكتر وهو اللى هيضيع اى خنقه وبعدين احنا فى شهر الخير والتوبه

  47. منال 01/09/2010 22:21 -

    اهلا بيكى ياهدير ممكن تكلمنى عن نفسك اكتر اختك فى الله منال

  48. منال 01/09/2010 22:07 -

    يابوسى انا معاكى فى الكلام وبنات الازهر مش شيخ غفر دول بنات قمرات

  49. منال 01/09/2010 22:04 -

    ياجومانه انا من البحيره من دمنهور وانت والله شكلك عسوله قوى اختك فى الله منال

أضف تعليقاً