نكت 2023 تموت من الضحك مصرية جامدة اخر حاجة وفي الصميم

نكت 2024 تفطس وتموت من الضحك مصرية

نكت 2023 تموت ضحك مصرية

مصريات – مش كل مين يقولك في نكت تموت ضحك تروح مصدقه وعامل ميث من الضحك، بس هنا اكيد هاتلاقي احلى نكت مصرية 2023 يعني مش لازم كلها مرة صعيدي ومرة راجل ومراته وهكذا ..  بس هي نكت تفطس ضحك مصرية مختلفة جامدة وفي الصميم تجيب اجلك.

بس اوعى تروح فيها بجد بعد ما تشوف نكت مضحكة جامدة جدا ولو مش عاجباك نكت 2024 ولم تؤدي الى انك تموت من الضحك والقهقهة يمكن ممكن العيب فيك او مفهمتهاش حاول مرة تانية.

  • حمار شاف حصان قال اخ لو اني مخلص الثانوية

  • حمار بيقول لخطيبته امتى هنتجوز ياحمارة قالت له لما تحسن الفاظك ياحيوان.

  • مرة واحد توأم شاف أخوه قال له: انت فين من الصبح يخرب شكلك أمي خلتني أستحمى مرتين.

  • ببياع في القطر لما بينادي  بيقول ايه ؟ : صلى على رسول الله ، لا بنشحت و لا بنقول لله  ، معايا اللبان و اللي ما بانش ، معايا اللباس و اللي ما باسش ، معايا أستك ياباني تمطه يرجع لك تاني ، معايا فلاية تطلع لك القملاية و تقولك دكر و لا نتاية ، معايا طبق صيني ما ينكسرش ، اللي يكسر واحد أطلع له ربع جنيه ، اللي يكسر اتنين اطلع له نص جنيه ، اللي يكسر التالت اطلع تلاتة ديك امه.

  • مرة اثنين ساكنين فى ناطحات سحاب لكن المصعد كان معطل فطلعوا علىرجليهم فوصلوا الى الدور 99 فقال واحد للاخر عندى خبرين الاول حلو والثانىوحش الحلو ان احنا وصلنا الى الدور 99 والوحش ان العمارة مش بتاعتنا.

  • الصحفي: وحضرتك إزاي بتعرف إذا كان المريض مجنون فعلا ولا مجرد تعبان نفسياالدكتور: بنعمله إختبار البانيوالصحفي: واللي هو ؟الدكتور: بنملى البانيو ميّه على آخره … وندي المريض معلقة وكوباية وجردل … وبنقوله فضيلنا البانيو ده من الميّةالصحفي: وطبعا لو استخدم المعلقة أو الكوباية يبقي مجنون لإنه المفروض يستخدم الجردلالدكتور: مممم … هو عامة، العاقل حيرمي ده كله ويشيل سدادة البانيو … تحب اوضتك على الشارع ولا بتبص على الجنينة ؟؟

  • مرة واحدة ست ماشية في جنازة جوزها عمالة تنوح عليه اتنين كانوا ماشيين في الجنازة واحد بيقول للتاني تراهني إن الستات دول ما يصدقوا ازواجهم تموت و ينسوهم قالوا ازاي ام راح ماشي وراها و عمال يقول اه يا حلو يا مسمسم لو الواحد يعرف عنوانك بس ما كانش يسيبك راحت الست ماشية في الجنازة تنوح و تقول اه يا جوزي يا اللي كنت مستتني و مجوزني في شقة برحة في 3 شارع النسيان الدور الثالث شقة 5 اه يا جوززززززززززي.

  • تم طرح مناقصة لصيانة سور البيت الابيضتقدم 3مقاولين امريكاني و مكسيكي و مصرى للمناقصةالامريكاني اخد مقاسات السور و تقدم بسعر 900 دولارسأله مسئول البيت الابيض: ليه 900 دولارقال : 400 دولار خامات+ 400 دولار عمالة و 100 دولار مكسبو المكسيكي اخد مقاسات السور و تقدم ب 700 دولار للمناقصةلما سأله قال: 300 دولار خامات+ 300 دولار عمالة و 100 دولار مكسبأما المصرى فراح من غير ماياخد أي مقاسات و قال للمسئول: أنا هاخد 2700 دولار في الحوار دةالمسئول رد علية و قالة: ليه يا عم كل دهرد علية المصرى و قالة: 1000 دولار ليا و 1000 دولار ليك و نجيب المكسيكي يعمل الشغلانة بـ 700

  • واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى…….طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ….. وقابل موظف اخر وسأله عن الفراخ المدبوحة ومقطعهفقال له عايزها متكيسة ولاّ لأ ؟؟ قال له متكيسة فقال له اطلع الدور الرابع …..طلع الدور الرابع وقابل موظف اخر وقال له عايز فراخ مدبوحة ومقطعه ومكيسةفرد الموظف وقال له مافيش فراخ ..  بس ايه رأيك فى النظام؟

  • بخــيل وقع فى حفرة ، فتجمع عليه الناس علشان يساعدوه … المهم انه في الآخر ما كانش راضي يطلع ، فجاهم واحد و سألهم ايه اللى بيحصل ؟ قالوله احناقاعدين نقوله هات ايدك هات يدك وهو رافض، قال بسيطه ، راح عند البخيل وقالله خذ ايدي ………… فطلع البخيل.

  • واحد صعيدي في برنامج الكاميرا في الملعب سألوه بتشجع مين قالهم المقاولين العرب قالوله بتحب مين في المقاولين العرب قالهم الجماعة بتوع المحارة.

  • صعيدي فتح محل جواهرجى عمل أول يوم ببلاش.

  • صعيدي سافر بره خمس سنين متواصلة لما رجع القاهرة لقاهم بيحتفلوا بسبوع أبنه بقى ماشى فرحان أوى ويقول موجودين بنخلف مش موجودين برضه بنخلف.

  • صعيدي راح أمريكا لقى الناس لابسين تي شيرتات مكتوب عليها بيبسى و كوكاكولا لما رجع البلد كتب على التي شيرت بتاعه عصير جصب

  • صعيدي عايز يروح حفله تنكريه بعت أخوه.

  • صعيدي مفتاح عربيته ضاع ميكانيكي جه فتحاله بطفاشه تاني يوم عمل نسخه من الطفاشه.

اخبار ومواضيع ذات صلة:

09/01/2015 996 تعليق نكت مصرية , , , , , , ,
996 comments
  1. captine mero 16/07/2011 03:58 -

    ماتزعلش يا عم مينا احنا بنهزر وخليك رويح

  2. بهاء الدين السيد 15/07/2011 14:54 -

    انا شايف اني احترامك للاخرين هو احترامك لنفسك @مع خالص احترامي وحبي للاخرين

  3. محمد مصطفى 14/07/2011 16:14 -

    الصعايده مشش اغبى نا س والله اذكى واجدع ناااس وعلى فكره متفكروش انا صعيدى واللله من صعيدى

  4. المراسى 14/07/2011 13:38 -

    واحداحول عندة عصفورة حولة جي يحطهة فىالقفص حطهة برة وهى جات تطير دخلت القفص

  6. محمد 13/07/2011 05:41 -

    الصعيده اذكى نا والله واجدع ناس وبتقف جنب الواحد فى اى موقف مهما كان وعمرها متخونك انا بتكلم عن عشره 12سنه معاهم عمرى مشفت منهم حاجه وحشه

  7. mostafa 13/07/2011 04:28 -

    مرة واحد اهلاوى….وواحد زملكاوى…كانوا الاتنين جيران …سكنين فى بيت واحد….
    الاهلاوى ساكن فى الدور الارضى….والزملكاوى فى الدور التانى…………
    فكل اما الزملكاوى ييجى طالع…الاهلاوى يقول مين اللى طالع……
    الزملكاوى يقول انا الزملكاوى……يقوله الاهلاوى غلبناكم ستة واحد 6/1
    الزملكاوى ييجى نازل…….يقول الاهلاوى مين اللى نازل……
    الزملكاوى يقول انا الزملكاوى…..يقوله الاهلاوى غلبناكم ستة واحد6/1
    مرة فى مرة فى مرة زهئ الزملكاوى وقال كدة مش هينفع لازم اشوف حل………
    راح لاتحاد الكورة………….وحكلهم على الموضوع…المهم عمله اجتماع…..
    واتفقوا …..ان الزملكاوىيسكن ارضى…والاهلاوى يسكن دور تانى…..فأتفقوا ووافقوا…..
    وفى يوم الاهلاوى طالع………قال الزملكاوى مين اللى طالع…
    رد الاهلاوىوقال مين اللى بيتكلم……..قاله انا الزملكاوى……
    قالهه برده غلبناكم ستة واحد…………………..

  8. طه 12/07/2011 16:56 -

    عايز اقول حاجه لكل الى بيكتب النكت انا عايز اعرف الصعايده دول مش مصريين زيكم ولا هم اغبياء وانتوا اذكياء خفوا الاستعباط شويه وعيب عليكم الى بتعملوا ده اناعايز اشوف حد اقوى من الصعايده

  10. المعلم 11/07/2011 23:16 -

    اجدع ناس الصعايدة واحسن كرماء الصعايدة واجدع ناس يعملوا الواجب الصعايدة واحسن ده وده احباب الله

  11. جيمى 11/07/2011 19:59 -

    مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي…تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.

  12. جيمى 11/07/2011 19:58 -

    في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا استاذ ، الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ

  13. جيمى 11/07/2011 19:57 -

    سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله

  14. جيمى 11/07/2011 19:55 -

    واحد نايم جنب مراته فسمعت صوت، بتقوله يا قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع

  15. جيمى 11/07/2011 19:55 -

    يا جماعة انتم واخدين الموضوع بحساسية كده ليه ده مجرد هزار وبعدين مفيش اجدع واكرم واطيب من الصعايدة
    وخدوا النكتة دى
    مره واحد محمل فراخ وهوه معدي علي كمين سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف ودره ام الظابط لا الفراخ مايكلوش علف و دره دول بيكلو لانشون وبسطرمه وراح عملو مخالفه غالسواق بعد مامشي جه عالكمين التاني فالظابط بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعد السواق مامشي وجه عالكمين التالت فالظابط بيسالو محمل ايه يا اسطي قالو فراخ يا باشا قلو بتاكلهم ايه بص يا باشا انا بدي كل فرخه نص جنيه وهيه تاكل اللي علي مزجها

  16. سارة 11/07/2011 16:19 -

    جامدة اوى النكت دى بجد جميلة اوى

  17. توتى السوهاجيه 11/07/2011 03:00 -

    انا صعيديه وبحب بلدى جدااااااااااااا بس بلاش ناخد المواضيع بحساسيه لو حد شايف انه الصعايده ناس غبيه اوك دى حريه راى بس اعتقد يا صعايده احنا نقدر نسبت العكس ولا ايه يا صعايه وبالمناسبه نقول نكته
    مره واحد غبيى قوى بيعاكس واحده غبيه وكل يوم يبعتلها رسايل على موبيلها فغيرت الرقم وبعتتله رساله من رقمها الجديد وقالتله انا غيرت الرقم ابقى قابلنى لو عرفته راح رد عليها برساله وقالها برضو هجيب رقمك

  18. الملاك الجريح 09/07/2011 14:53 -

    على فكره انا من الصعيد بس مش زعلانين على النكت الى بتتقال علشان احنا احسن ناس بدليل ان روحنا رياضيه وبنتقبل دا

  19. ورده فى بستان 09/07/2011 13:37 -

    نكت جميلة اوى شكرا على النكت

  20. المهندس عاصم 08/07/2011 22:47 -

    جرى من قديم ان تكون النكات على الصعايدة كانهم ناس درجة ثانية
    الا تعلمون انهم اهل كل خصلة خير وكرم ورجولة 
    نرجوا تصحيح المفاهيم والنكت

  21. ندي محمد 08/07/2011 20:07 -

    بجد والله النكت دي حلوةةةةةةةةةةةةةة اوووووووووووووي وبعدين الصاعيده زعلننين ليه ده هزار وبعدين لو مش عجبكوا متبصوش علي الرسايل

  23. نور 08/07/2011 18:42 -

    معاكم حق انا صديقه جديده وبحب النكت

  27. ايمان 07/07/2011 21:13 -

    المفرود مش نتكلم نص كلمه عالصعايده عشان ماشاء الله اذكياء فعلا وبيطلع منهم اوائل الثانويه العامه ومنهم فى فريق احمد زويل واخيرا انا مش صعيديه بس بحترمهم

  28. داشا 06/07/2011 00:43 -

    nice
    بجد نكت جامدة مووووووووووووووت
    احلى نكت من اجمل مصريين

  29. محمد خليل الشيمى 05/07/2011 15:24 -

    ياعم خلينا نضحك قبل مايدخلوا الضحك ضمن الضريبة الموحدة

  30. nermeen 05/07/2011 01:27 -

    نكت حلوه اوى اوى والصعايده احلى

  32. hamada aly 04/07/2011 13:20 -

    قصيدة من تأليف صعيدي مجروح

    يا بهانة وحشتينى

    يالي بسهم حبك نغزتيني
    ………
    وبجمال ضفايرك سحرتينى

    وبطرف دلابيتك شغلتينى

    وياما ضحكتي عليا وجلبتينى

    وع الحمار بالمشجلب ركبتينى

    وف الأخر يا بلغة سبتينى

    وأتجوزتي هريدي ونسيتينى

  34. rody 03/07/2011 00:36 -

    لو سمحتوا انا مش صعيديه بس مش ينفع نقل ادبنا كتير اوى اكتر من اللازم كده عيب مهما كان فى الاول والاخر احنا اخوات والصعيد دى مش جزء من مصر

  37. اميره 01/07/2011 23:12 -

    بجد بلاش الصعايده هما ناس مصريين بردو

  38. اميره 01/07/2011 23:11 -

    مره اليسا ونانسي وهيفاء قاعدين فكل وحده بتقول نفسها تتجوز مين ردت اليسا قالت نفسي اتجوز لاعب كوره ونانسي نفسي اتجوز واحد صيني وهيفاء نفسي اتجوز ضابط بعدها دخل عليهم واحد قالولو انت مين قالهم انا الضابط شنج بونج الشهير ب ابو تريكه

  39. عاشقه احمدحسن 01/07/2011 01:27 -

    النكت كتيير حلوه والله

    واحد شكله وحش قوى قوى قوى عايز يتزوج فراح و اتقدم لواحده فبيقول لابوها

    انا يا عمى و بلا فخر عملت نفسى بنفسى

    رد ابوها وقال : ما انا كمان بقول استحاله تكون خلقة ربنا

  41. محمد على جابر 30/06/2011 21:38 -

    مرة صعيدى واقف فى الهرمسقل واحد مجنون بيقلة فين الاهرمات قاله فى الهرم ركب مكروباص قاله الهرم قاله مئحنا فيها يا لحئنانوصل

  42. محمد 30/06/2011 21:30 -

    مره واحد مات باقى الارقام زعلت عليه

  43. محمود شعبان 29/06/2011 22:40 -

    النكت جميلة جدااااااااا

  45. مينة 28/06/2011 22:02 -

    انا منسوهاج يعني صعيدي وزعلان اوي منكم كلنا مصريين صاحوني

  46. nona 28/06/2011 21:23 -

    مره واحد اعد وسط صحابه راحت مراته اتصلت بيه قالها اه يا وليه حضرتى الميه السخنه لما قفل واحد من صحابه قاله الله يا معلم ده انت شكلك مسيطر باه قاله اومال اغسل الموعين بميه بارده

  48. yoyo 27/06/2011 21:25 -

    هههههههههههههههههههه جميله جدا النكت دي

  49. ضياء 26/06/2011 18:50 -

    مرة واحد بيول لوحد لو الدنى بردت هتعمل ايه قال هعد جمب الدفى طيب لو بردت اكتر هرب من الفي لو برد اكتر هزء فى الدفى لو نزلت تلج هتعمايه هولع الدفى وامر لله

  50. مازن 25/06/2011 16:07 -

    واحد صعيدي اتجوز واحده اجنبيه راح عاش في بلده كل لمه حد يكلمو ميفهمو راحت مراتو التلو كل لمه حد يكلك حاجه اولو يس راح ابل مصارع الو تلعبني الو يس خشلو الموصارع فرمو راح حكه لمراتو التلو اول نو ابل المصارع تاني الو حرمت الو نو خشلو فرمو راح حكه لمراتو التلو اول يس نو اكي ابل الظابط الو انتا الي اتلت الو يس الو حد شركاك الو نو الو طب تعاله معايه البوكس الو اوكيه

أضف تعليقاً