نكت 2023 تموت من الضحك مصرية جامدة اخر حاجة وفي الصميم

نكت 2024 تفطس وتموت من الضحك مصرية

نكت 2023 تموت ضحك مصرية

مصريات – مش كل مين يقولك في نكت تموت ضحك تروح مصدقه وعامل ميث من الضحك، بس هنا اكيد هاتلاقي احلى نكت مصرية 2023 يعني مش لازم كلها مرة صعيدي ومرة راجل ومراته وهكذا ..  بس هي نكت تفطس ضحك مصرية مختلفة جامدة وفي الصميم تجيب اجلك.

بس اوعى تروح فيها بجد بعد ما تشوف نكت مضحكة جامدة جدا ولو مش عاجباك نكت 2024 ولم تؤدي الى انك تموت من الضحك والقهقهة يمكن ممكن العيب فيك او مفهمتهاش حاول مرة تانية.

  • حمار شاف حصان قال اخ لو اني مخلص الثانوية

  • حمار بيقول لخطيبته امتى هنتجوز ياحمارة قالت له لما تحسن الفاظك ياحيوان.

  • مرة واحد توأم شاف أخوه قال له: انت فين من الصبح يخرب شكلك أمي خلتني أستحمى مرتين.

  • ببياع في القطر لما بينادي  بيقول ايه ؟ : صلى على رسول الله ، لا بنشحت و لا بنقول لله  ، معايا اللبان و اللي ما بانش ، معايا اللباس و اللي ما باسش ، معايا أستك ياباني تمطه يرجع لك تاني ، معايا فلاية تطلع لك القملاية و تقولك دكر و لا نتاية ، معايا طبق صيني ما ينكسرش ، اللي يكسر واحد أطلع له ربع جنيه ، اللي يكسر اتنين اطلع له نص جنيه ، اللي يكسر التالت اطلع تلاتة ديك امه.

  • مرة اثنين ساكنين فى ناطحات سحاب لكن المصعد كان معطل فطلعوا علىرجليهم فوصلوا الى الدور 99 فقال واحد للاخر عندى خبرين الاول حلو والثانىوحش الحلو ان احنا وصلنا الى الدور 99 والوحش ان العمارة مش بتاعتنا.

  • الصحفي: وحضرتك إزاي بتعرف إذا كان المريض مجنون فعلا ولا مجرد تعبان نفسياالدكتور: بنعمله إختبار البانيوالصحفي: واللي هو ؟الدكتور: بنملى البانيو ميّه على آخره … وندي المريض معلقة وكوباية وجردل … وبنقوله فضيلنا البانيو ده من الميّةالصحفي: وطبعا لو استخدم المعلقة أو الكوباية يبقي مجنون لإنه المفروض يستخدم الجردلالدكتور: مممم … هو عامة، العاقل حيرمي ده كله ويشيل سدادة البانيو … تحب اوضتك على الشارع ولا بتبص على الجنينة ؟؟

  • مرة واحدة ست ماشية في جنازة جوزها عمالة تنوح عليه اتنين كانوا ماشيين في الجنازة واحد بيقول للتاني تراهني إن الستات دول ما يصدقوا ازواجهم تموت و ينسوهم قالوا ازاي ام راح ماشي وراها و عمال يقول اه يا حلو يا مسمسم لو الواحد يعرف عنوانك بس ما كانش يسيبك راحت الست ماشية في الجنازة تنوح و تقول اه يا جوزي يا اللي كنت مستتني و مجوزني في شقة برحة في 3 شارع النسيان الدور الثالث شقة 5 اه يا جوززززززززززي.

  • تم طرح مناقصة لصيانة سور البيت الابيضتقدم 3مقاولين امريكاني و مكسيكي و مصرى للمناقصةالامريكاني اخد مقاسات السور و تقدم بسعر 900 دولارسأله مسئول البيت الابيض: ليه 900 دولارقال : 400 دولار خامات+ 400 دولار عمالة و 100 دولار مكسبو المكسيكي اخد مقاسات السور و تقدم ب 700 دولار للمناقصةلما سأله قال: 300 دولار خامات+ 300 دولار عمالة و 100 دولار مكسبأما المصرى فراح من غير ماياخد أي مقاسات و قال للمسئول: أنا هاخد 2700 دولار في الحوار دةالمسئول رد علية و قالة: ليه يا عم كل دهرد علية المصرى و قالة: 1000 دولار ليا و 1000 دولار ليك و نجيب المكسيكي يعمل الشغلانة بـ 700

  • واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى…….طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ….. وقابل موظف اخر وسأله عن الفراخ المدبوحة ومقطعهفقال له عايزها متكيسة ولاّ لأ ؟؟ قال له متكيسة فقال له اطلع الدور الرابع …..طلع الدور الرابع وقابل موظف اخر وقال له عايز فراخ مدبوحة ومقطعه ومكيسةفرد الموظف وقال له مافيش فراخ ..  بس ايه رأيك فى النظام؟

  • بخــيل وقع فى حفرة ، فتجمع عليه الناس علشان يساعدوه … المهم انه في الآخر ما كانش راضي يطلع ، فجاهم واحد و سألهم ايه اللى بيحصل ؟ قالوله احناقاعدين نقوله هات ايدك هات يدك وهو رافض، قال بسيطه ، راح عند البخيل وقالله خذ ايدي ………… فطلع البخيل.

  • واحد صعيدي في برنامج الكاميرا في الملعب سألوه بتشجع مين قالهم المقاولين العرب قالوله بتحب مين في المقاولين العرب قالهم الجماعة بتوع المحارة.

  • صعيدي فتح محل جواهرجى عمل أول يوم ببلاش.

  • صعيدي سافر بره خمس سنين متواصلة لما رجع القاهرة لقاهم بيحتفلوا بسبوع أبنه بقى ماشى فرحان أوى ويقول موجودين بنخلف مش موجودين برضه بنخلف.

  • صعيدي راح أمريكا لقى الناس لابسين تي شيرتات مكتوب عليها بيبسى و كوكاكولا لما رجع البلد كتب على التي شيرت بتاعه عصير جصب

  • صعيدي عايز يروح حفله تنكريه بعت أخوه.

  • صعيدي مفتاح عربيته ضاع ميكانيكي جه فتحاله بطفاشه تاني يوم عمل نسخه من الطفاشه.

اخبار ومواضيع ذات صلة:

09/01/2015 996 تعليق نكت مصرية , , , , , , ,
996 comments
  1. احمد محمد 29/08/2011 15:57 -

    ياجماعة عادي احنا مش بنستهزأ ببعض ولا حاجة وده كله هزار مع اني انا صعيدي

  2. احمد عقبى 28/08/2011 09:28 -

    بيقولك واحد حب يعلم ولاده درس وينصحهم فجاب الكبير اعطى له عود خشب ليكسره فكسره اعطى له 5 كسرهم اداله10كسرهم اداله50كسرهم اداله100كسرهم الراجل قال لولاده والله طول ما البغل ده معاكم انا مطمن

  3. احمد عقبى 28/08/2011 09:26 -

    والله شئ جميل جدا الله ينور عليكم

  4. مهندس مدني 28/08/2011 01:26 -

    لو سمحتو ممكن محدش يكتب نكت على الصعايده تاني

  5. السيد 26/08/2011 04:29 -

    واللة الصعيدة دول اطيب ناس واللة و اجدع ناس

  6. محمد الصعيدى 25/08/2011 11:00 -

    يا جدعان مش هينفع النكت كله على الصعيدى خلو حاجة للكتكوت

  7. ماندو 24/08/2011 18:02 -

    الصعيده اجمل ناس واحسن ناس 🙂

  8. محمد 24/08/2011 04:01 -

    الصعيدة احسن نااااااااااس والله

  9. محمد النادى 23/08/2011 23:34 -

    ياجدعان الصعايدة دول الفكاهة المصرية والله بنحبهم وبعدين مانا من المنصورة واصلى صعيدى

  10. محمد عزام 21/08/2011 06:18 -

    معاكو ان الموضوع واخد اكتر من حجمو المفروض يكون فية احترام اكتر من كدة لبعض

  12. محمد الهوارى 19/08/2011 17:43 -

    الصعايده رجاله وعمرهم كانوا عاله وايدهم ديما شغاله

  13. دودى 17/08/2011 23:55 -

    على فكرة الصعايدة احسن ناس والبحروية احسن ناس وفى الاول والاخر احنا فى البطاقة والباسبور وكل الاوراق ايه؟؟؟؟ مصرى متنسوش الحقيقة دى علشان مش يجى الاعداء ويسهل عليهم تقسيمنا وفى الاخر يحتلونا

  14. محمد محمود السيد 17/08/2011 03:40 -

    اولا انا من المنصوره ولا يصح بنا كمسلمين ان نستهزأ بأحد على الاطلاق
    عسى ان يكونوا خيرا منهم
    ثانيا ياجماعه لو تلاحظوا ان علماء الازهر _دائما وشيوخه وأصحاب الفكر والفقه
    اللذين علموا العالم الاسلامى كله الدين الاسلامى_ من الصعيد

    ولكن الشعراوى من المنصوره ونفتخر

  15. علاء عبدالله 16/08/2011 12:47 -

    يعنى كل النكت على الصعايده طيب خدو دى مره واحد بحراوى بنته باتت بره فلما وصلت الصبح بيسالهل كنتى فين قلتلو كنت بزاكرعند واحد صاحبى قلها كويس عشان معندناش بنات بتبات عند حد غريب

  16. جمانه 11/08/2011 01:06 -

    wa ba3den msh fahma ya3ne fe eh nazlen tary2a 3la al as3yda leh ya3neee

  17. mrmr 10/08/2011 17:26 -

    هى حلوة قوى النكت دى بس اللى يضايق انكم دايما تتريقوا على الصعايدة

  18. no. name 09/08/2011 17:34 -

    جااااااااااااااااااااااامدة very fanny تسلموووووووووووووووو

  19. جوجو 08/08/2011 01:25 -

    خلااص يا جماعه مفيش اى حاجه حصلت والصعايده اجدع ناس وكل حاجه بس هى الفكره ان احنا فى مصر بنحب نضحك على اى حاجه فا واحد قال نكته عن الصعايده خلااص كلو يالف عليها بس ده مجرد ترفيه مش اكتر (شكرا)

  20. khaled melok 06/08/2011 17:13 -

    مالهم البحراوية يا عم
    طب خد دى
    واحد صعيدى ماشى فالشارع لقى بنيه ماشيه مع واحد
    قالت يالهوى ابوى
    قالها قوليله ان انا اخوكى
    :P:P:P

  21. نونا 05/08/2011 17:18 -

    النكت فعلا كتير حلواه اوى بس الصعايدا كده هيزعلوا اوى مننا بس ميرسى بجد على النكت ديه

  22. يوسف 05/08/2011 08:08 -

    مرة واحد حلاق راح السيما سمع فيلم سوالف النينجا

  23. bisoo 05/08/2011 07:05 -

    بلاش صعيدى عشان محدش يزعل واحد
    غبى كسب 90 مليون دولار اشترى ميسى 🙂

  24. gegemohid 04/08/2011 11:45 -

    يا جماعة مافيش مانع من اننا نهزر شوية لكن برده ماننساش ان الصعيد خرج منها اشهر الناس زى {هشام الجخ و عبد الرحمن الابنودى و احمد حسن }

  25. ادهم السوهاجى 03/08/2011 09:13 -

    النكت ال بيطلعها اصلوا حمار وميعرفش ان مننا احسن ناس فى كل مجال داكترة ومهندسين وشعراء (عبد الرحمن الابنودى وهشام الجخ)وممثلين(احمد زكى وسمير غانم) ومغنيين (محمد منير) وناس مسكت مناصب مهمة فى البلد

    يجى عيل سيس يتكلم على اسيادو اساس بلدو

  27. mando 31/07/2011 22:25 -

    فى مره واحد راح يغير امبوبة الجاز …..وهو خارج قال لامه ادعيلى يا ماما….. قلتلو ربنا يفتحا فى وشك………………..^_^…….هههههههههههه حلوه صح

  29. MERO 29/07/2011 03:39 -

    انا بحب النكت اوى وبما اننا عرفين ان الصعايدة دول اجدع ناس فعادى لو قلنا عليهم نكت وقلكم نكتة :مرة واحدة مدلعة اوى ووالدتها مدلعة بردة فالام بتقول لبنتها عيب كدة فقلتلها هو انا عملت ايه يامامى قالتلها مش انا قولتلك لما ولد يجى يبوسك تقوليله DONT ولما ولد يجى يحضنك تقوليله STOP ازاىى الولد ده باسك وحضنك قالتلها يامامى اصله بسنى وحضنى فى نفس الوقت فمعرفتش اقوله ايه فقولتله DONT STOP

  30. دودى عرب 28/07/2011 21:03 -

    النكت ظريفة جدا منكم تسلموااااااااااا بس خدوا دى بقا وقولوا رايكم مرة واحدة بتقول لجوزها ادبح خروفين بقا علشان ده يوم عيد جاوزنا قالها وايه زنبهم فى غلطة واحد حمار

  31. عبد الرحمن 26/07/2011 12:24 -

    احنا بنقول نكت علي الصعيده مش الغرض الاستهزاء منهم لسمح الله ولكن الغرض الضحك والتسليه ودي بين المصرين صعيدي بلديتنا لاكن لما نخرج بنقول واحد مصري ههههههههه

  33. محمد 25/07/2011 16:38 -

    هما ليه الصعايده زعلنين هو مش جدهم مبروك اشترى العتبه الخضراء

  34. tarek 24/07/2011 13:57 -

    انتزا عارفين لية الصين معندهاش نكت!!!!!!!

    عشان معندهمش صعايدة

  35. hell girl 23/07/2011 23:09 -

    ههههههههههههه حلوين كتير بجننو شكرا

  36. نور الكون 23/07/2011 17:07 -

    حلوة النكتة بتاعتى ولا وحشة منتظرة التعليقات

  37. نور الكون 23/07/2011 17:06 -

    حلوة النكت بس بعضها مش ظريف بس مقبولة :اسمعوا النكتة دى واحد اميريكى حط على راسه برتقالة وضربها بالمسدس وقال i’am imercan انا امريكى التانى جه حط على راسه برتقالة وضربها بالمسدس وقال i’am french انا فرنسي التالت صعيدى حط البرتقاله على راسه وبدل ما يضرب البرتقاله بالمسدس ضربها في دماغ الفرنسي وقال i’am sory انا اسف

  38. اسلام ميشو 22/07/2011 16:50 -

    الصعيداى هما اجمل ناس والله داه كفايه كلامهم

  39. كريم الحسينى 22/07/2011 04:59 -

    مره حلاق بخيل عندوبغبغان فى المحل راح جاب كفته فدخل زبون ركن الكفته وقام يحلقلو البغبغان نزل على الكفته كلها الحلاق خلص وراح ياكول ملاقاش الكفته مسك البغبغان شلو ريشو بعد يومىن فرح ابن الحلاق فحط البغبان على باب الشقه البغبغان كل اما يشوف واحد اقر يقولو انتا كلت كفته

  40. bebo 20/07/2011 23:34 -

    على فكرة الصعايدة مش وحشين وانا مش صعيدية بس انا بتاسف بدل اللى كاتب النكت

  41. الدلوعة 20/07/2011 01:31 -

    النكت ملهاش اى لزمة بدال ما القلب مجروح ومقفول على حد والحد دا كداب والمشكلة ان المفتاح مرمى ف بحر كبيرررررررررررررر
    وملهش ئرار
    اواولى اعمل اية!!!!!!

  42. ميدو المصراوي 20/07/2011 00:48 -

    مرة واحد فاتح سوبر ماركت عجبه جدا الاعلان اللى بيجي كل شوية فى التليفزيون عن الثورة
    ،ركب الاتوبيس ومعاه يافطه مكتوب عليها الكرسي مبيــ (دومتي) لحد

  43. بيرو 19/07/2011 14:12 -

    هههههههههههه النكت حلوة كتيييييييييييييييييير

  44. هاااااااى 19/07/2011 11:16 -

    اريد اثبات بان البحرزية اذكى من الصعايد اللى متعرفوهش ان الصعيد هى اساس مصر بمعنى حد يقدر يقول اكتر مكان فيييييييييييه معابد فرعونية اكيد الاقصرواسوان وقنا وغيره من المدن الصعيدية وهذا دليل على انا المدن الصعيدية هى اساس مصر   تمتم كده وعلى بعد الكلام ده مسمعش نفس تانى وعلى الاقل احنا دمنا حامى مش زيكم انتم وعلى العموم انا حقول نكتة على البحروية وهى فى واحد بحراوى شاف بنته ماشية مع واحد فقال مين اللى ماشية معاه البنت ده فقالوله ده زميلها فقال اه احسب تحسب ايه يامجنون انت يعنى زميلها ملاك مثلا هههههههههه هو ده حال البحراوية العيب فيهم ويرموه على الصعايدة ويقولو ايه الصعايدة دول مش مودزن خالص واللى متعرفوهش ان كلمة صعيدى علامة على العفة والشرف والسيادة وده اللى عندى

  45. جاسمن 19/07/2011 10:53 -

    مرة واحد احول سألوه ايه امنية حياتك؟؟

    قال لهم نفسي اشوف واحد ماشى لوحده فى الشارع………………………عجبتكم ………….ارجو الرد سريعا

  46. BABY MOON 17/07/2011 15:26 -

    والله جميل النكت دى الشى الوحيد اللى بيخلينا نضحك وننسى الدنيا انا بشكر كل اللى بيعرف يالف نكتتتتتتتتتتتتتتتتتتت

  47. اية عبد الرحيم العدوى 17/07/2011 01:51 -

    اتنين مساطيل اعدين فى محاضرة بيكتبوا وراء الدكتور كل ما يمسح السبورة يقطعوا الوراقة هههههههههههههه

  48. captine mero 16/07/2011 04:07 -

    مرة اتنين مساطيل كفارواحد فيهم عطس فقال الحمد لله فصاحبه قاله انت نسيت احنا كفار فقاله /اه استغفر الله العظيم

  49. captine mero 16/07/2011 04:03 -

    على فكرة الراجل بتاع النكتة اللى فاتت كان صعيدي

  50. captine mero 16/07/2011 04:02 -

    نكتة عالطاير
    مرة واحد مسك الفرخة بتاعتة وضربها جامد وهو بيقول/كل يوم بيض بيض مفيش مرة جبنة

أضف تعليقاً