حادث قطار العياط | فيديو شهود عيان حادثة تصادم قطار العياط و قطار الجيزة – الفيوم

نشر وتحرير: في Sunday, October 25, 2009, 16:24
Advertisement
هذا المقال نشر في قسم: المصطبة | ويحتوي على: 46 تعليقات فقط .
شاهد عيان من موقع حادث قطار العياط في حادثة تصادم قطار الفيوم الجيزة بقطار القاهرة اسيوط

شاهد عيان من موقع حادث قطار العياط في حادثة تصادم قطار الفيوم الجيزة بقطار القاهرة اسيوط

حادث قطار العياط | فيديو شهود عيان حادثة تصادم قطار العياط و قطار الجيزة – الفيوم

مصريات – عادل حسين

مازال البحث عن الضحايا في حادث قطار العياط مستمرا و حتى الان تم تقوم الاهالي في قرية جزرا التابعة للعياط التي وقعت بها حادثة قطار العياط بمساعدة رجال النجدة في استخراج الجثث و البحث عن احياء بين اشلاء قطار الفيوم و قطار القاهرة – اسيوط الذي اصطدم به ، لكن الامل مفقود في امكانية العثور عن اي احياء في حطام القطارين.

حالة استياء و غضب شديدة بسبب الاهمال الذي تسبب في حادث قطار العياط و مطالبة بمحاسبة المسئولين وقد وقعت الحادثة الساعة 6 و 45 دقيقة مساء امس بعدما توقف سائق القطار المتجه من الجيزة الى الفيوم في الطريق بعد اصطدامه بجاموسة كانت تعبر شريط القطار و لم تصدر اي اشارات تحذيرية للقطارات القادمة من خلفه بتوقف قطار الفيوم في الطريق مما ادى الى اصطدام قطار القاهرة المتجه الى اسيوط بموخرته وتهشم عربيتين من القطار تماما وانقلاب عربات اخرى .

وقال شهود عيان من العياط التابعة لمحافظة 6 اكتوبر ان معظم ركاب قطار الفيوم من الطلبة و العمال الذين يستخدمونه بشكل شبه يومي وهذه الحادثة ليست الاولى من نوعها في الفيوم فهناك في نفس المكان وقعت حادثة قطار الصعيد الذي اخترق وراح ضحيته اكثر من 300 مصري حسب ما اعلنت وزارة الصحة وقتها .

وقال شهود عيان ان الاهالي قامت بمساعدة ضحايا حادث قطار العياط و محاولة انقاذ الركاب قبل وصول الاسعاف و الشرطة الى موقع حادثة قطار العياط

وقد اعلنت هيئة سكك حديد مصر انه تم انتشال ورفع الاثار الناجمة عن حادث قطار العياط و انتظمت حركة القطارات في نفس الخط .

ويطالب الكثيرين الان بمحاسبة المسئولين عن حادثة قطار العياط و خاصة بعد تكرار هذا الحادث وبعد عملية تجديد جرارات القطارات في سكك حديد مصر و قالوا انه يجب عدم القاء اللوم على المواطن و الاهمال الحكومي هو المتهم الرئيسي في حادثة قطار العياط .

تابع مزيد من التفاصيل في فيديو من موقع حادث قطار العياط و حادثة تصادم قطار القاهرة – اسيوط مع قطار الجيزة – الفيوم في قرية جزرا بالعياط في 6 اكتوبر

فيديو شهود عيان من موقع حادث قطار العياط و الاهالي يساعدون رجال النجدة في تصادم قطار الفيوم و قطار القاهرة

YouTube Preview Image

فيديو في حادثة قطار العياط  ومحاولة فصل القطارين بعد حادثة التصادم

YouTube Preview Image

المسئول في حادثة قطار العياط و المطالبة بتحرك سريع لمواجهة الفساد

YouTube Preview Image

صور من موقع حادث قطار العياط و حادث قطار الفيوم و قطار القاهرة – اسيوط في قرية جزرا

احد شهود العيان في موقع حادث قطار العياط

احد شهود العيان في موقع حادث قطار العياط

الاهالي يساعدون في البحث عن الاحياء في حادثة قطار العياط

الاهالي يساعدون في البحث عن الاحياء في حادثة قطار العياط

البحث عن المصابين في حادث قطار العياط

البحث عن المصابين في حادث قطار العياط

جهود الانقاذ في حادثة قطار العياط

جهود الانقاذ في حادثة قطار العياط

اشلاء قطارات العياط و قطار القاهرة و قطار الفيوم

اشلاء قطارات العياط و قطار القاهرة و قطار الفيوم

حطام من موقع حادث قطار العياط

حطام من موقع حادث قطار العياط

اخبار ومواضيع ذات صلة :

Sponsored links


46 التعليقات في “حادث قطار العياط | فيديو شهود عيان حادثة تصادم قطار العياط و قطار الجيزة – الفيوم”

  1. منار
    2012.11.17 16:43

    مصر اصبحت حديقه كبيرة مملؤة بالحيوانات والبعير وزاد الفساد والاهمال ولكن الله يمهل ولا يهمل

  2. منار
    2012.11.17 16:41

    حسبي الله ونعمه الوكيل ربنا يصبر أهليهم

  3. محمد عيسى
    2012.11.17 15:02

    بالله

    عليكو ده يرضى مين لم يكون حدثتين للسكه الحديد فى اقل من شهر …..

    واحنه الى شطرين فيه نقول هنحاسب المسؤل من هوه المسؤل المرادى

  4. mido
    2012.10.30 00:22

    احنا اصبحناقليلون اوى كده فى نظر الحكومة يا عينى علكى يامصر اللى بيقولوا عليها ام الدنيا

  5. على حافظ
    2010.09.11 13:01

    للدرجة دى ارواح الناس لاتسوا شيىء الهم ارحم موتنا وموتا المسلمين فى مشارق الارض ومغاربها يارب العلمين

  6. احمد سامي
    2010.08.23 22:45

    البلد مفهاش حكومه جموسه توئف قطر ليه

  7. نعمت
    2010.05.15 18:43

    لا حول ولا قوة الا بالله رجاء نقرأ لكل الشهداء الفاتحة

  8. محمد
    2010.03.22 09:29

    حسبى الله ونعم الوكيل والله ان حكومتنا للاسف بتدور على المصلحة الشخصية وليس المصاحة العامة واهمال حقوق الشعب

  9. عماد زهران
    2009.12.01 00:22

    والله الوزير لا يُحاسب علي خطأ سائق القطار أو خطأ اللي ساحب الجاموسة ، ولو حاسبنا كل وزير علي خطأ موظف صغير ، والله لن يبقي وزير في البلد. المسئول يا سادة مسئول عن السياسات الموضوعة ومراقبة ميزانية وزارته ، وليس مسئول عن جاموسة.

  10. احمد البغدادي
    2009.11.12 22:37

    كل الناس اللي ماتو بسبب السواق لان السواق حمار مبيفهمش

  11. احمد البغدادي
    2009.11.12 22:34

    لاحول ولاقوة الا بالله حسبي الله ونعم الوكيل في دة سواق السواق اعمى

  12. العبد الفقير
    2009.11.07 22:25

    مع الاسف انا لو علقت على الحادث دة هيبقى تعليق جامد الاقدر اقولة ان البلد دى مش بتاعتنى دى بتاعت الاجانب الريس يعمل ونفذ فى الاماكن السياحية واحنا الفقرة نموت دى بلد الاغنياء على راى الفنان الكبير عادل امام بلد
    بتاعت شهادات صحيح
    الريس ياكل والتانين ينهشو فى الغلابة حسبى الله ونعم الوكيل فيهم

  13. احمد حرررررررررررررام
    2009.11.05 10:25

    حرررااااااااااااام  دماء الناس تروح هضر .

  14. معترض
    2009.11.04 22:47

    انا بقول للحكومة اللى هى ماتنفعشى تكون حكومة لبلدالف شكر على الاهتمام العالى بالمواطنين ده بدليل الحادثة دى….

  15. مواطن مصري مطحون من اللي شايفه
    2009.11.04 15:53

    هو ده اللي يدوب شفنا بعد الوزاره الجديده ولسه مستغربين من اللي بيحصل هو احنا لسه شفنا حاجه  داحنا هنشوف ايام سوداء الا اذا حدث تغير من المواطنين واحساسهم بالمشكله وحسبي الله ونعم الوكيل

  16. الحب
    2009.11.02 20:29

    حسبنا الله ونعم الوكيل في كل من له سبب في الحادث من قريب او بعيد سواء كان السائق او رئيس الهيئه او الوزير او رئيس الوزراء النايم او حتي رئيس الجمهوريه الملكيه علي فكره ياجماعه مصر ضايعه ومسروقه ولازم الشعب يتحرك ويسقط الفساد لازم نقف مع الشعب حرام عليك ياريس يا نايم انزل شوف البلد شوف مشاكل الشعب حرام عليك

  17. ندى
    2009.10.31 20:23

    بجد انا مش عرفة اقول اية للسادة المسؤلين اللى المفروض انهم بيحافظوا على حياتنا ال حياة ال دة احنا بقت حيتنا رخيصة جدااا زنب الناس اللى ماتت دى اية زنبها انها فقيرة وملهاش صوووووت انها تطلب الحق صح بجد لازم المسؤلين دووول يتعاقبوا اشد عقاب لان دوووول ارواح مش كلاب يعنى (حسبى الله ونعم الوكيل)

  18. عامر ابوزيد
    2009.10.31 14:36

    اقتراح لمنع تكرار حوادث القطارات البعشة او السفن العائمة مثل كارثة عبارة السلام 98 أن يتم وضع كلب بوليسي من النوع النادر في كل قطار أو سفنية مسافرة ففي هذه الحالة سوف يتابع جميع المسئولين خط سير القطار أو العبارة خوفاً على روح وحياة …………….. الكلب طبعاً . وسيصل الغلابة بالسلامة

  19. عادل سرور
    2009.10.30 21:12

    اية ذنب الوزير والله لا تربطني به أي علاقه هل يتحمل الوزير خطأ انسان جاهل وهو صاحب الجاموسه التى كانت تمر أمام القطار وكذلك غباء سائق القطار الذي وقف وهو يعلم بقدوم قطار خلفه اذن الوزراء مكلفون بمراقبة حركة الجاموس بأنواعه على الطرق

  20. مظلوم ابن مصر
    2009.10.28 03:35

    ههههههههههههى وزير مصر خرج يارجاله ههههههههههههههههههههى

  21. الشعب المظلوم
    2009.10.27 15:26

    حسبى اللة ونعم الوكيل فى دى حكومة ودة رئيس ودى وزارة بتعض ف الناس الغلابة وهما مستريحين .اخرتكم جهنم انشاء اللة بحق كل الظلم اللى بتعملوة ف البشر

  22. smsm
    2009.10.27 02:55

    لا الة االا اللة ولا حول ولا قوة الا باللة حسبنا اللة فى اللى كان السبب ويسكن الموتى فسيح جناتة ويصبر اهلهم

  23. اسامة
    2009.10.27 00:45

    او قلنا ان المسؤل عن الحادث جاموسة لازم نقول لباقى الجاموس الى جاى من بعيد بعد كدةياخد بالة لية علشان جاموسة مابيشوفش و مبيفهمش وطبعن مش همة ارواح الناس

  24. محمد على على
    2009.10.27 00:45

    الله عز وجل هو نعم المولى ونعم النصير الله يرحم موتانا وموت المسلمين

  25. مهندش/طاهر سيد عباس عكاشه
    2009.10.26 15:30

    الى الساده الافاضل اعضاء مجلس الشعب والشورى الى الصحف والمجلات والجرائد الى الاخوه الصحفيين والاعلاميين الى القنوات الفضائيه والمزيعين والمزيعات الى كل زاعق وناعق عايز يتكلم ويهاجم ويجامل ويكتب ويتصور الفرصه حلوه للى عايز يقدم طلب احاطه اللى عايز يقدم استجواب علشان الانتخابات على الابواب اللى عايز شهره الفرصه امامكم وهتتعوض طول مانتو كده الفرصه هتتعوض والاخر هيشييل المسؤليه عامل التحويله اوالسائق وكل حادث وانتم بخير العالم كله تقدم واصبحت حركة القطارات وحتى السيارات تدار بأجهزة تحكم عن طريق الكمبيوتر اما العامل البشرى هو عامل بسيط ممكن ينام ممكن يمرض أويصاب باغماء او يموت فى مكان عمله وتخرب الدنيا وتقع الكارثه وتعود الفرصه للى عايز يتصور واللى عايز يتشهر واللى عايز يعمل صفقه صحفيه على حساب اشلاء الغلابه وجراح الفقراء ودماء المساكين وكل واحد يجرى علشان يحقق مكاسبه بطريقته اللى عايز شهره واللى هينزل انتخابات اتقوا الله ياتى يوم تقفون فيه امام المنتقم الجبار وتسئلون فيه عن كل كبيره وصغيره حتى والله تسئلون عن الجاموسه التى دهسها القطار لماذا لايؤمن طريقها ان تمر من خلال نفق أو كبرى امن لماذ ا لاتؤمن الطرق التى تعبر فيها القطارات مثل مترو الانفاق لماذا لاتستخدم تكنولوجيات وتقنيات حديثه فى ادارة حركة القطارات وهذه التقنيات مستخدمه من عشرات السنين عند دول اخرى وباستخدامها تلاشت كوارث كثيره وانا اؤمن ان الحزر لايمنع القدر ولكن الاهمال والتواكل يعتبر قتل عمد نناشدكم جميعا ان ترحمونا يرحمكم الله نحن عامة الشعب فقراء ونحن الرعيه وانتم الراعى ونسائلكم امام الحاكم العادل اللهم ارحم الموتى وتقبلهم شهداء واشفى المجروحيين وارزق اهليهم الصبر والسلوان امين م/طاهر ت/0101724095

  26. احمد سالم
    2009.10.26 14:25

    حسبنا الله ونعم الوكيل في المسئوليين المهملين وانا عايز اعرف فين التجديدات اللي حصلت في القطارات

  27. مطلوب امنيناٌ
    2009.10.26 11:35

    اولا بسم الله الرحمن الرحيم وحسبي الله ونعم الوكيل اتوقع مما يحدث بمصر بان عددها حينقص اقل حاجه عشره مليون في الخمس السنوات القادمه بسبب الحوادث المفتعله او المقصوده ام بسبب الحكومه او بسبب شخصي فقد سمعنا ان الحكومه تريد تقليل العدد او انا الحكومه كانت تريد ايقاف القطارات لانهاء مكلفه علي الدوله وايضا سمعنا انا احد المواطنين سرق الجاموسه من احد جيرانه الذي كانت بينهم عداوه وربطها بالسكك الحديد بقصد قتلها وسمعنا وسمعنا فماذا سوف نسمع مستقبلاً . انا لله وانا اليه راجعون

  28. خالد
    2009.10.26 10:29

    حسبي الله ونعم الوكيل

  29. ا
    2009.10.26 14:18

    لالالالالالالا تعليق الله يرحم جميع موتي المسلمين

  30. احمد عبد المعطى
    2009.10.26 05:17

    اهلا يا حكومة اناشد جميع العلاامين وجميع المسؤلين هناك فساد فاساد حسبى الله ونععمى الوكيل بعد ساعت قليلة من الحادث كان هيتكرر حادث مثلو فى محافظة اسيوط با التحديد الساعة 12″45 دقيقة قطار الاسبانى القطار بعد خروجو من اسيوط با حوالى 10 دقائق حدث به فى العربية اثنين وثلاثة اهتزاز جامد وكاد ان تق العربيات انا قاعد فى كرسى 17 فى عربية واحد جه كمثرى يقول يا ريس يا ريس الحق العربيات هتقع والكهرباء بتتحرق على الفور قام با ابلاغ الساق با التوفق لم يستجيب للاسلكى بعدها الناس كانت فى زعر هذا بعد قريبة منقباد قكر الزوجاج بتاع فرامل الطؤارء الفرامل لم تستجيب بتاعت 3 عربيات لغايت ما فرمل با العربية الرابعة مش شغالة الفرامل عشنا لحظات زعر حتى بعض من عمال السفرى بداخل القطار اصيسب با بعرض الجروح القاطعة من الزوجاج بعدها توقفنا ونززل السواق والناس الى فى القطار تا فجائنا بنور من بعيد بتاع قطار قالو كلو ينزل با سرعة فى الارض فى الخلاء ونجرى للقدام علشان القطار ممكن يكون ما استقبلش نداء الشرطة اما اتصلنا با الشرطة على اخر لحظة وقف بعدها ما عرفوش من ايه قالو هنروح على محطة ونقف كان بينا من المحطة منفلوط حوالى 2 كيلو مشى با الراحة لغايت المحطة بعدها كان فى انتظارنا الاسعاف والمطافى فى الاستقبل كلالناس بتاعت المحطة وبعدها نزلو الكمثارية وكتبو المحضر سائلو الساق لماذا لم تستجيب للاشارة قال انا ما استلمتش جهاز لاسلكى اثاثا من سوهاج هوا كان طالع من سوهاج وعملو لازم وما ردوج انى العامل والكمثرى يروح المستشفى خوف من افصاح الامر بعدها قعدنا لغايت الساعة الرابعة ونصف فجرا قالو الخط متعطل واما جابو الفنين وشافو الفرامل طلعت ما فكوكة بعدها تجمهرنا علشان التزكرة اتصلو با بعض المسؤلين قالو رجعو الموظف بتاع التذاكر والمسؤال عن الخزنة ما كنش قاعد ولا تلفونو شغال استدعو با الشرطة اخر كلمة شفنا يوم عزاب سلام يا حكومة سائق قطار بدون جهاز حسبى الله ونعمى الوكيل ومعى تسجيل صوت وصورا با الواقعة واحنا باخل القطار وخارجو احنا با نجرى علشان القطار القاضم وكلو با الصوت والصورة

  31. seloky
    2009.10.26 04:39

    للدرجادي……….أصبحت أرواح المصرين أرخص من روح الجموسه
    لا حول ولا قوه الا بالله

  32. saef22
    2009.10.26 03:21

    حسبي الله ونعم الوكيل

  33. حسبي الله ونعم الوكيل
    2009.10.26 03:19

    حسبي الله ونعم الوكيل في كل من ليه سبب في هذا الحادث وربنا هو العالم باللي كان السبب في الحادث

  34. مصري
    2009.10.26 02:27

    حسبي الله ونعم الوكيل في كل من ليه سبب في هذا الحادث وربنا هو العالم باللي كان السبب في الحادث

  35. حزين على حال البلد
    2009.10.26 02:00

    حسبنا الله ونعم الوكيل فى كل مسئول فى الحكومه مش مهتم بمنصبه وهو لا يعلم انه سوف يحاسب على كل فرد مظلوم من الشعب لا نه من اولى الامر

  36. مواطن محروق دمه
    2009.10.26 01:15

    سيدى المواطن………اذا ثبت من تحقيقات النيابه ان المسئول عن الحادثة هو هذه الجاموسه فانى اطالب هذة الحكومه الذكيه او الحكومه الالكترونيه او سمها ماشئت……بان تتخذ القرار الحكيم باعدام جميع الجواميس الموجوده بالبلد حتى لا تتكرر هذه المأساه وذلك كما سبق في ازمه انفلونزا الطيور باعدام جميع الطيور وكذلك في انفلونزا الخنازير باعدام جميع الخنازير ……مع العلم سيدى المواطن ان هذه الجاموسه المستهتره كانت رايحه تقابل جاموسه تانيه مالقتهاش جاموسه لقتها بقره على رأى الفنان يونس شلبي الله يرحمه مما ادى الى اصابه الجاموسه بالاكتئاب فقررت تنتحر وترمى نفسها في النيل وفى طريق عودتها وهى سرحانه عبرت شريط السكه الحديد فحدثت الكارثه……ولا عزاء في الحيوانات……..وفق الله حكومتنا الذكيه الى مافيه الصالح……وشكرا.

  37. عبد الله
    2009.10.26 00:53

    كفاية كفاية كفاية

  38. وفاء
    2009.10.26 00:03

    حسبنا الله ونعم الوكيل

  39. نبيهه
    2009.10.25 23:39

    حسبنا الله و نعم الوكيل لا يوجد احد يهتم بسلامة ارواح الغلابة لانشغالهم فى نهب خير البلد و لرخص ارواح الناس

  40. النايم فالعسل
    2009.10.25 22:52

    يعني حسني مبارك مش عارف بيحصل إيه في البلد الفساد والاهمال في كل حاجه بس السبب فينا إحنا الشعب إحنا ممكن نسقط الظلم والفساد والاهمال والنيمين فالعسل

  41. واحد مصري
    2009.10.25 22:34

    حسبنا الله ونعم الوكيل في كل من له سبب في الحادث من قريب او بعيد سواء كان السائق او رئيس الهيئه او الوزير او رئيس الوزراء النايم او حتي رئيس الجمهوريه الملكيه علي فكره ياجماعه مصر ضايعه ومسروقه ولازم الشعب يتحرك ويسقط الفساد

  42. حميم
    2009.10.25 22:32

    حسبي الله ونعم الوكيل في حسني ونظيف واولادهم وفي الحكومة المصريه كفايه حرام كم من مره قتل مصريون نتيجه حوادث السكه الحديد والخطا خطا جاموسة

  43. مواطن بيحب بلدة
    2009.10.25 22:27

    هذة البد تحتاج لثورة تصحيح الاوضاع الكلام وعبارات الرثاء والشتيمة للحكومة يعجز عنها اللسان والقلم بقى شيء واحد على الشعب المصري المسكين ثورة فهيا لنبدأ بها ولانخاف إلامن الله عزوجل فلن تموت إلا بامر الله ولن ياخذ الروح إلا خالقها ثور يا شعب وعرف الدنيا ان مصر فيها رجال وحسبي الله ونعم الوكيل في الحكومة كلها من الصغير والكبير ولن نقول إلا ما يرضيي ربنا إنا لله وغنا الية راجعون

  44. واحد مصري
    2009.10.25 22:25

    حسبنا الله ونعم الوكيل في كل من له سبب في الحادث من قريب او بعيد سواء كان السائق او رئيس الهيئه او الوزير او رئيس الوزراء النايم او حتي رئيس الجمهوريه الملكيه علي فكرة ياجماعه مصر ضايعه ولازم الشعب يتحرك ويسقط الفساد واحد مصري

  45. HAMEDO45
    2009.10.25 20:34

    الحقيقه ان هذه البلد تباع لحساب الوزراء ورئيس الوزراء ورئيس الجمهوريه بمقدرتها ومواطنيها وتاريخها العربق الحقيقه ان كل موظف فى اى موقع من المواقع يدار لحسابه الخاص انا مواطن من مركز الواسطى اعلم وبلتعامل مع جميع المصالح هنا بكام وبلذات مستشفى الواسطى العام او مستشفى العياط الاطباء فى هذه المستشفيات يحولون المر ضى لعياداتهم الخاصه بحجة عدم الامكانيات ولكن تسمع وذارة كذا تنفق كذا على مين ينفقونالاقارب وكبار الموظفين والمحافظين اين فقراء هذه الدوله هم الذين يدفعون الدعم للكبارلانهم هم الفقراء ومحدودى الدخل هم الذين يعانون فى سرقة المواطن البسيط الذى يعانى جوعا وفقرا ومرضا لااملك الا (حسبنا الله ونعما الوكيل)مواط مصرى مخلص بيحب بلده ويتمنى تكون ام الدنيا كما كانت

  46. يوسف المصرى
    2009.10.25 18:09

    انا يوسف ابرهيم المصرى من الصعيد ويوجد عندى السبب الرئيسى لحادثة قطار العياط الا وهو ان البيه السائق عضوا فى جمعيه الرفق بالحيوان لذلك عندما راءى حيوانا امامه اضطر الى الوقوف .. طبعا كان لازم يعمل كده مش مشكله ارواح الناس الغلابه المهم الحيوان او الجاموسه .. ااه لو كان من اعضاء الرفق بالانسان لتبدل الحال تماما .. واخيرا اقولها بكل صراحه ووضوح ما ارخص واتفه المواطن المصرى فى نظر حكومته الفاسده.. وعليه العوض ومنه العوض فينا وفى جكومتنا


    

أكتب تعليقك