مظاهرات مصر اليوم : مظاهرات تأييد الرئيس مبارك في مصر اليوم

نشر وتحرير: في Wednesday, February 2, 2011, 17:01
هذا المقال نشر في قسم: اخبار مصر اليوم | ويحتوي على: 150 تعليقات فقط .
مظاهرات مصر اليوم

مظاهرات مصر اليوم

مظاهرات مصر اليوم

خرجت مظاهرات مصر اليوم بشكل مختلف عن مظاهرات مصر في الايام السابقة … فبعد خطاب الرئيس مبارك الاخير خرج الكثيرين بـ مظاهرات مصر اليوم لتأييد الرئيس مبارك ورفعوا لافتات تؤيد ما جاء في بيانه واعتبر هؤلاء المتظاهرين الذين خرجوا بـ مظاهرات مصر اليوم ان استمرار الاعتصامات المطالبة برحيل الرئيس مبارك يهدد امن واستقرار البلاد وخاصة في ظل توقف جميع المصالح الحكومية والخاصة والحالة التي سوف تشهدها مصر والتي حذر منها البعض وهي نقص المواد الغذائية الاساسية ….

وايضا شارك في مظاهرات مصر اليوم العديد من المشاهير بحيث يتم استغلال اسمائهم وشعبيتهم لصالح نظام حسني مبارك، الذي يبدو بانه يعني من سكرات الموت وعلى وشك السقوط، ومن بين المتظاهرين الكابتن حسن شحاتة المدير الفني  لمنتخب مصر الذي شارك بـ مظاهرات مصر اليوم بميدان مصطفى محمود المهندسين وقال ان رحيل مبارك حاليا ممكن ان يؤدي استمرار حالة الانفلات الامني وكان بجانبه خلال مظاهرات مصر اليوم كابتن شوقي غريب واحمد سليمان وتضمنت هتافاتهم رسالة الى الرئيس وهي لا ترحل …

كما  نزل الى الشارع في مظاهرات مصر اليوم ابراهيم حسن مدير الكرة بنادي الزمالك الذي اتهم كلا من ايمن نور و البرادعي بمحاولة اثارة الفتنة في مصر وقيادة البلاد نحو مصير مجهول على حد تعبيره.

اخبار ومواضيع ذات صلة:

Sponsored links


150 التعليقات في “مظاهرات مصر اليوم : مظاهرات تأييد الرئيس مبارك في مصر اليوم”

  1. وداعان يامصر
    2012.06.08 03:39

    نعم وداعن يامصر

    وداعن شعب مصر وداعن يارض الكنانة
    كانت مصر اخر المطاف لنقاذ العروبة ولكن للا سف لم تصحو ولم تقوم من محنتها وكان الحل امام اعيونكم والحقيقة واضحة مثل الشمس بالسماء وانتم اعرف الناس من اين اتت المصايب وكان الحل بيد الشعب المصري يتحرر ويحرر العروبة العمياء اليوم نعم اقول وداعن يامصر هذي الحقيقة المره التي لم تعروفها او تتعمدون عدم معرفة الحقيقة وكان الحل امام اعيونكم ومازال امامكم ايام تنقذون انفسكم وتنقذون الامة العربية والحل امام كل مصري الان هذا الحل فقط الذي ينقذ مصر هو ان تتركو كل شي وتنتنخبون فقط من هو يعطيكم الوعد بالهجوم السريع علي علي الطغيان والظلم وسرائيل اساس كل المشاكل ليس امامكم حل يامصر سو الهجوم الانتحاري الي صهيون تنقذون انفسكم وتنقذون الامة العربية المستعبده من هذا النظام او سوف تنظرون بام اعينكم الموت الجماعي كل يوم في مصر وهذا سبب الصهاينة التي تدفع الاموال لكل من يقتل مصري او يتسبب بفتنة بين اي اشخاص هذي الحقيقة المراه لاحل امامكم البحر امامكم العدو خلفكم اخر رسالة الي الشعب المصري يامصر اصحي قبل فوات الاوان يامصــــــــــــــــــــــــر اصحي قبل فوات الاوان

  2. نورا
    2012.02.14 20:12

    ياشعب مصر الكل يوقع فى بعض حتا حسنى مبارك هيوقعنا فى بعض كل واحد يشوف مصلحته وان دائما الاشتهاد فى قلبنا

  3. رانسي مون
    2012.02.11 21:54

    انتم بتقولي للي سرق البلد اسفين ولا للي موت شباب بلدنا ولا اسفين علي ايه ده المخلوع الحرامي

  4. hanen
    2011.11.23 18:45

    ايه الى وصلناله ده مصر الان بتنهار تعبت فين التغير ولحساب مين مصر تدمر الان كل همنا الان نقول للريس احنا اسفين على ايه انا من الصعيد مشفنش خير الريس ولايعرف عنا حاجه ولى قبله ولابعده خدنا حاجه غير الدمار

  5. مصرى
    2011.11.22 13:26

    سترك يا رب على الى جى ربنا يستر بقة
    محدش يعرف متخبلنا اية بعد كدة

  6. مصرى
    2011.11.22 13:23

    اية الى بيحصل دا

  7. محمود الصعيدى
    2011.08.12 15:42

    حسبى الله ونعم الوكيل انا مصرى بحب مصر والمعارضه عملت اللى هيا عايزاه ولسه انا خايف نضحى بمبارك زى صدام ونبقى ملطشه العرب مش قادة العرب

  8. شريف إبراهيم
    2011.07.25 14:44

    ياشعب مصر العظيم ألم يكون للرئيس مبارك حسنة واحدة لتصفحو عنه هل نسيتم حرب أكتوبر هل نسيتم أنه رفض إنشأ قاعدة عسكرية أمريكية فى سفاجا وهل نسيتم أنه لم يفعل بنا ما فعله القذافى وبشار الاسد وعبدالله صالح وزين العابدين بن على ياريت زى ما بنقول سيئاته نقول كمان حسناته الكثيرة

  9. محمد صالح
    2011.07.24 07:41

    السيد الرئيس محمد حسنى انا شاب من مصر واحب هذا البلد واحبك انته شخصيا بس ياريس كان نفسي تكلم الشعب الغلبان ده تلقائيا من غير ورقه وقلم انا كنت فى معركة الجمل من بعد خطابك بس الغلابه كانو كتير فى التحرير ناس تعبنين من كل شاء كان فيه ايه يارايس لو نظرة للناس دى كنت هاتكسب والله العظيم معلش ياريس بس الي وراق هما الي غرقوك

  10. ضد الحكومة
    2011.07.11 04:06

    انشاء الله هنقضى على كل فلول النظام والحزب الوطنى الى اتربوا بخير مبارك وعهده الظالم والفاسد وكل مايديين مبارك الخونة الى لا يعرفوا وطنية ولا حب وطن يعرفوا الفلوس وبس والمقابل يبيع الوطن وممكن يبيع الشرف كمان ’’’’’’’’’’’’’’’’’’’’

  11. نونو
    2011.07.08 00:32

    حزب الله ونعمة الوكيل فيك يا ريس

  12. اسماء عمارمحمد سليمان الشرقيه فاقوس البيروم
    2011.02.24 22:57

    فين النتيجه محافظة الشرقيه فاقوس بسرعه

  13. زياد اشرف النوبى
    2011.02.22 14:48

    الكلام الى بتقولوة كلة فشنك ولو انتو فهمين القانون مكنتوش قلتوة

  14. راندا ابراهيم
    2011.02.18 17:40

    يا شعب مصر الحبيب المتسامح دعونا نعمل على جعل بلدنا من أعظم وأرقى بلاد العالم
    ولندعوا الى يوم لتكريم رئيسنا السابق القائد محمد حسنى مبارك شفاه الله وعفاه

  15. راندا ابراهيم
    2011.02.18 17:29

    الى الأب الحبيب الى القائد العظيم الى بطل من أبطال حرب أكتوبر الى صاحب أول طلعة جوية الى الأب الفاضل كانا بنحبك ياريس وألف سلامة عليك وربنا يشفيك وكان أملنا فيك كبير لمحاربة الفساد والفاسدين الذين نهبوا ثروات البلاد لكن اللى حصل حصل وربنا ينتقم من كل ظالم ويديك الصحة ياريس

  16. احمد
    2011.02.12 21:16

    تحيه الى القائد الشجاع مبارك رغم عن انف الحاقدين و اود ان اقول للاخوة الشمتانين فى ان الرئيس رحل انتم ينطبق عليكم قول الشاعر اعلمه الرمايه كل يوم فلما اشتد ساعده رمانى و كم علمته نظم القوافى فلما قال قافيه هجانى و حسبى الله و نعم الوكيل ،،،،،،،

  17. نور مصرية
    2011.02.12 18:26

    أحلى وأجمل تحية لكل من شارك في مظاهرات 25 يناير ودم الشهداء ماراحش هدر ومستغربة على اي حد زعلان على رحيل حسنى مبارك وأتمنى أن يكون عمرو موسي هو الرئيس القادم

  18. مصرى حر
    2011.02.12 10:52

    بصراحه موقع *** زى التعليقات اللى فيه اللى بتؤيد الطاغيه واشعر انهم ***** الحكم البائد اللى ضيعوا البلد من 30 سنه خايفين طبعا لانهم مش هيلاقوا اللى يرمى لهم **** بعد كدة لانهم **** تغذت على قوت الناس 

  19. منار
    2011.02.11 19:52

    الى شعب التحرير الدى يترك الميدان الان بعد ما خربتم البلاددددددددد و ضيعتوها ان غدا لناظرة قريب و بكرة تشوفوا حيحصل فى البلد ءايه و احنا اسفين ياريس ولادك اللى بيحبوك لم يستطيعوووووووووا الدفاع عنك حسبنا الله و نعم الوكيل

  20. منار
    2011.02.11 19:40

    و هكدا رحل الرئيس و القائد و الاب حامىىىىىىىى البلاد و ها هى امريكا تبعث لنا باسطولها وبوارجها العسكريه و هاهى اسرائيل تدخل البلاد و لما لا ……فقد اهداها شعب التحرير بلده على طبق من فضه ومن الان فصاعدا بدلا من ان نقول عمار يامصر سنقول حرررررررررررررراب يامصر و انا لله و انا اليه راجعون

  21. محمد ابو يحيى
    2011.02.11 09:08

    السيد الرئيس الفاضل /محمد حسنى مبارك شكرا على تحملك من اهنات من اجل مصر الغاليه انت مش هاتتعوض ابدا تحيا مصر

  22. علاء الدين وهدان
    2011.02.10 09:10

    اوجه كلامى إلى المتظاهرين بميدان التحرير …. كما أنكم تعتقدون ان إستمرار تواجدكم بميدان التحرير هو أكبر ضمانه لتنفيذ الوعود بالإصلاح , فإنه سيكون أيضا اكبر ضمانه لإستمرار الملتفين فى الخروج بالثورة
    عن أهدافها و مطالبها العادلة وتحويل مسارها إلى خدمة مصالح خاصة لقوى غير شريفه تريد الاستيلاء على الحكم ولو كان ثمن ذلك بركان من دماء المصريين الابرياء …. وما يمثله ذلك من تهديد سافر لأمن
    وإستقرار الوطن …. وأيضا هو أكبر ضمانه لأعداء الوطن من المتربصين بتوجيه سهامهم المسمومه الى صدر مصر من خلال فضائياتهم الاخبارية المشبوهه التى تزيف الحقائق وتقوم بتضليل الرأى العام
    العالمى عن حقيقة ما يجرى فى مصر , وما يترتب على ذلك من خسائر إقصادية جسيمة أبسطها إتساع نطاق البطالة ليشمل قطاع المواطنين الذين يعملون بمجال السياحه والذين هم الآن لا يملكون قوت يومهم
    ( وهم الذين تم حصرهم رسميا اول امس بـ 211000 نسمة )
    وكذلك من هذه الخسائر فُقدان مورد عظيم تسعى حكومات العالم كله لدعمه و جذبه وهو الإستثمارات الأجنبية , أو حتى تشجيع رؤوس الاموال الوطنيه على النزول الى ساحة الاستثمار ….. وذلك من منطلق
    أن رأس المال جبان لا يظهر فى الأماكن الغير مستقرة و الغير آمنه , وهو ما تدعمه هذه الفضائيات مستغلة فى ذلك إستمرار حالة الإحتقان و التظاهر .

  23. علاء الدين صابر
    2011.02.10 09:08

    هل من المقبول إنتظار بضعة أشهر لرؤية وعود الإصلاح تتحقق على أرض الواقع . أم نستمر فى حالة عدم الإستقرار التى ستكون أهم عواقبها هى المعاناه الاقتصادية لأبناء هذا الوطن لبضعة سنوات لتدارك
    الخسائر الاقتصادية المترتبه على إستمرار الوضع الحالى من إنشقاق الصف الوطنى ؟؟؟ …وما هى مصلحة قيادة وحكومه مؤقته ( لبضعة أشهر ) سوف تقوم بتسليم السُلطة وتخضع للمساءلة عما قامت به
    خلال هذه الفترة الانتقاليه ؟؟!! …. ألا يعطينا هذا إنطباعا بديهيا عن مدى صدق وعود هذه الحكومة بالذات , خاصة و أنها تعلن منذ البداية مبدأ الحوار و المشاركه مع كافة القوى الوطنيه لإعادة تأسيس مصر
    الحديثه وبدأت بالفعل تنفيذ ذلك …. ولعله ومن خلال الأحداث الأخيره منذ 25 يناير وحتى اليوم فقد ثبت أمام الشعب المصرى قبل العالم وبما لا يدع مجال للشك أن إرادة أبناء هذا الشعب التى غيرت تاريخ
    مصر فى عدة أيام تعتبر الآن هى أكبر ضمانه لإجبار أى نظام فى أى وقت على الرضوخ للمطالب العادلة للمواطنين ومحاربة أى فساد أو إنحراف …
    بل يمكننى ان أقول بكل ثقه أن إستمرار حالة التظاهر حتى الآن ( بدعوى فقدان الثقه فى مدى صدق النظام فى وعوده بالاصلاح الشامل ) هى أكبر دليل على فقدان هؤلاء المتظاهرين للثقه فى مدى تأثيرقوة إرادة
    أبناء هذا الشعب وقدرتهم على الدفاع عن حقوقهم فيما هو قادم … ودعونى أنطق برسالة الغالبيه العظمى من أبناء هذا الشعب من البسطاء لإخوانهم المتظاهرين ……….
    نشكركم أيها الأبطال الذين صنعوا لمصر ما لم يستطع فعله غيرهم عبر التاريخ ، نشكركم أنكم أعدتم إلينا جميعا الشعور بالعزه و الكرامة بعد أن فقدنا الأمل فى ذلك …. إن رسالتكم قد وصلت إلى قلب و عقل
    كل مصرى و مصرية , ومن اليوم لن نخذلكم أبدا إذا ما واجهنا فسادا أو ظلما , وساعتها لن تكون مظاهرة مليونية … بل ستكون غضبة 85 مليون مصرى و مصرية

  24. علاء الدين صابر
    2011.02.10 09:08

    هل يمكن لمتظاهرى ميدان التحرير أن يقدموا ضمانات بألا يستغل الملتفين و المتسلقين من أصحاب المصالح الخاصة لحالة إستمرار التظاهر فى إشاعة الفوضى وعدم الإستقرار وما يؤدى إليه ذلك من تعريض أمن
    الوطن لمخاطر جسيمة ( مع الأخذ فى الإعتبار عدم جاهزية مؤسسة الشرطة حاليا لمواجهة ضغوط أمنية زائدة نتيجة إستمرار التظاهر وربما إتساع نطاقه فى أرجاء مصر …
    وهل يستطيع المتظاهرون الشرفاء بميدان التحرير تقديم ضمانات بعدم استغلال بعض القنوات الفضائيه المسمومه ( أمثال الجزيره و العربيه و المستقله ….. ألخ ) لحالة إستمرار التظاهر فى تشويه الحقائق
    وتضليل الرأى العام العالمى بما يضر بمصالح مصر الاقتصادية ( تدمير قطاع السياحه و نفور المستثمرين الاجانب من القدوم إلى مصر )
    بل لا أكون مبالغا أو واهما إذا قلت أنهم يثيرون الرأى العام الداخلى من البسطاء الذين لا يملكون أى حس سياسى بما يصنع منهم قنابل موقونه تهدد أول ما تهدد أمن و إستقرار هذا الوطن

  25. علاء الدين صابر
    2011.02.10 09:08

    لا يختلف اثنين من أبناء هذا الوطن العزيز على مدى عدالة و مشروعية مطالب الإصلاح وتحقيق العداله التى حمل لوائها شباب 25 يناير الأبطال .. لأن ذلك كان حلم الشعب لعقود من الزمان ساد فيها القهر
    والظلم و الفساد … ولكن ألا ينبغى لهؤلاء الشباب أن يستعينوا بذوى الخبرة من الرموز الصالحة فى مختلف المجالات المراد إصلاحها كى يستطيعون ترجمة هذه المطالب الى حقائق بما يضمن الحفاظ على استقرار
    الوطن وبما لا يتعارض مع احكام الدستور المصرى … ان نبض الشباب المتدفق حيويه هو المحرك الرئيسى لعملية الاصلاح .. ولكن عليهم ان يقتنعوا تماما بأنهم يحتاجون الى عامل الخبرة و المهنية التى
    سوف تحَول أمالهم الى حقائق ملموسة فى عالم الواقع بما فيه من متغيرات كثيرة و تكتلات و مؤثرات تلقى بظلالها على عمليات الاصلاح المرتقبه …
    ألا يجب أن يقتنع الجميع بضرورة وضع البدائل الممكنه لتحقيق مطالب الأمة , ثم مناقشة و دراسة أختيار البديل الأمثل للتطبيق على أرض الواقع بما يضمن الحفاظ على الأمن و الإستقرار وبما لا يهدد أقوات
    الغالبية العظمى من ابناء الشعب التى تعيش تحت خط الفقر ؟؟… وهل يمكن أن نغفل حقيقة أن عشرات الملايين من أبناء هذا الوطن تكسب قوت حياتها يوما بيوم ؟؟
    إن الإصلاح قادم بما لا يدع مجال للشك فى ذلك … وكل المطلوب من ابناء هذه الثوره هو الثقه بقوة إرادة هذا الشعب التى ما بُعثت إلا على ايديكم انتم ايها الشباب الرائع الأبى كضمانه لتحقيق الإصلاح المنشود

  26. احمد
    2011.02.09 18:45

    سمعت اغنيه محمد منير و الحقيقه انا اندهشت الظاهر هو كمان ركب الموجه …و نفسى اساله مند متى و مصر بتكسر اولادها و بتحنى فى راسهم

  27. مصرى
    2011.02.08 18:20

    يا مصريين .. 30 سنه ذل وارهاب وعتقال وفتنه وغش وخداع ورشوة وبيع لمصر وبيع للعروبه والوطنيهونشر للفتن الطائفيه والله ان المصريين من افضل اهل الارض وكل ما كان من فساد هو من فعل النظام واعوانه من المستفيدين والمتسلطين .. اعقلوها : احمد عز الحاكم النهاى من اسبوع بقى مجرم الان؟ حبيب العدلى كرباج الحكومه اصبح وحش الان؟ وزير المالية اللى ذل المصريين اصبح غبى الان؟ جمال مبارك ابن حسنى مبارك بقى مينفعش الان؟ علاء مبارك سارق اثار مصر فينه الان؟ وكثير من ذلك كل مصرى عارفه..

    طيب اشمعنى الان بالتحديد تقف اسرائيل وتحارب لبقاء نظام مبارك؟؟
    طيب ليه امريكا بتقاتل لبقاء مبارك او من وضعهم على اسوء الاحوال؟
    طيب ليه شالوا الوزراء اللى شالوهم .؟ كم نادى الناس بذلك اشمعنى الان؟
    طيب ليه حسنى مبارك ونظامه وامريكا وافقوا على الاخوان بالدخول فى المفاوضات الان؟
    طيب ليه حسنى مبارك عين نائب الان؟
    طيب ليه حسنى مبارك وافق على تغيير الدستور الان؟
    يا شعب مصر كفايه استخفاف بكم .. انتم من علم الشعوب.. انتم من حرر الشعوب… انتم من نصر الشعوب .. والله الرجال الموجودين فى كل المظاهرات بمصر افضل منكم .. والله انها ليست الا لرجوع الحقوق لكم.. والله انها غير مدعومه من الخارج.. والله انها من اجل مصر واهل مصر وتاريخ مصر ودور مصر الرائد ..

    هذه رساله لكل المصريين .. رساله لمن لا يعرف .. اعقلها وفكر فيها … وانا واثق جدا من انك مصرى ولن ترضى بالذل .. عش رجلا شجاعا .او موت شهيدا .. ستحاسب يوم القيامه والله ستحاسب .. فان وقفت مع الحق ستجد جنه ونعيم وان وقفت مع الظالمين ستجد نار وان جلست سلبى ستعيش جبان وستموت جبان وهتتحصر قريبا بينك ونين نفسك لما تشوف النصر على نظام حسنى مبارك الغاسد
    اللهم انى بلغت … اللهم فاشهد 

  28. ahmed
    2011.02.08 17:01

    شاءت الظروف انى امشى فى شارع مجلس الشعب و رايت مظاهرة من بعض الشباب واقف امام المجلس و قد احزنى منظر لم اكن اتوقعه انى شاهدت بعض الشباب واقف امام البوابه الرئيسيه و ماسك فى اعمدة البوابه و يقوم بسب و قدف رجال الشرطه و هم رتب كبيرة و الناس واقفه مش قادرة تقول حاجه يا شباب الثوره هى دى تعاليم الثورة اللى اتعلمتوها حقيقي انا حزين على شبابنا

  29. مصر في قلوبنا
    2011.02.08 13:34

    حفظ الله مصر ..مصر العروبة مصر العلماء مصر الادباء مصر الفكر والحضاره مصر التاريخ ..اللهم احفظ مصر وشعبها من كل مكروه اللهم احقن دمائهم واحفظ ممتلكاتهم وحقق لهم الخير والعزه ..رسالتي الي نصر الله نصر ولاية الفقيه الذي تمنى ان يكون مع شاباب مصر بان مصر ليست قم او النجف بل مصر تعرف جيدا عندما تمرض كيف تتعافى فليست بحاجه الى وصيتك عليها فشعبها اذكى من ان يستمع اليك فهى من تعلم العالم ماذا يقولون وكيف يكون يدا واحده
    ..الصوره معكوسه رئيس ميلشيا يخاطب حضاره ويوجه دوله ظن منه ان هناك من يستمع له ربما نسى ان الازهر الشريف بعلمائها يدرك جيدا ابعاد ماذهبت اليه ..

  30. manar
    2011.02.07 23:55

    السلام عليكم يا جماعه اود ان احكى لكم ما حدث لى اليوم عندما دهبت الى عملى و هو فى قلب ميدان التحرير و شاءت الاقدار انى لازم اعبر المنطقه اللى الاخوة محتلينها فى الميدان فا وجدت امراه تقول ما تخافيش انا حا افتشك فقلت لها ليه؟؟ انا رايحه شغلى فا استغربت و قالت مفيش شغل ما حدش حيروح شغله النهاردة فقلت لها باى حق تمنعينى من الدهاب فقالت بكل عناد و اصرار اخواتك واقفين فى الشارع و انتى عايزة تروحى شغلك ؟ انتى تقفى معنا هنا احنا و الاخوة فقلت لها لا لا …. انا رايحه شغلى و انا ما طلبتش انك تقفى فى الشارع من اجلى فنظرت الى نظرة كانى واحدة جايه من اسرئيل و طبعا مشيت بالله عليكم ممكن حد يقولى اى مظاهرات فى العالم تمنع المواطنين الغير متظاهرين من الدهاب الى عملهم هل هدة هى الديمقراطيه التى ينادى بها شباب التحرير ……. و تحيا مصر …….

  31. نور مصرية
    2011.02.07 22:24

    برنامج واحد من الناس اللى نشر صور الشهداء علي قناة دريم

  32. نور مصرية
    2011.02.07 22:09

    وبكمل كلامي للشباب الحر للمتظاهرين في مبدان التحرير أتمنى أن ترجعوا عن الاعتصام وأكيد الحكومة هتحقق كل مطالبكم وأتركوا الرئيس يرحل بكرامة بعد نهاية المدة ولا يصح أن يقال له إرحل وأكيد الكلام ده مش خارج من الشباب الحر وكفاية الشباب اللى راح منكم لإني حزينة جدا على الشهداء اللى راح منكم وأتمنى أن ترجعوا كلكم سالمين

  33. نور مصرية
    2011.02.07 21:53

    أتمنى تشوفوا حلقة برنامج (واحد من الناس) للاعلامي عمرو أديب كانت يوم الاثنين7/2 الساعة السابعة مساء والاعادة يوم الثلاثاء لكن مش عارفةساعة الاعادة وتشوفوا الشباب الشهداء اللى ماتوا في المظاهرات علشان كل واحد فى مصر ياخد حقة ويعيش حياة كريمة دول شباب جميل وشريف ومثقف ربنا يصبر أهاليهم وأكيد الشباب دى تستحق إن الرئيس يتنحى عن الحكم علشان ما يمتش من مصر تاني أحلى شباب فى مصر وأكيد هتبكوا لما تشوفوهم واللي بتقول ربنا ينتقم من الموجودين في ميدان التحرير في شباب هناك جميل جدا جدا ومثقف وبعيد عن أي حزب أوتنظيم وبعيد عن البرادعى أونور دول شباب حر ورائع وأتمنى أن تتحقق مطالبهم ولا يروح دم الشهداء هدر

  34. طارق عابد
    2011.02.07 18:46

    مبارك باقي مع مصر باذن الله

  35. خالد
    2011.02.07 18:36

    لابد أن يختم سياده الرئيس محمد حسني مبارك هذه الفتره بكل حب واحترم منا شعب مصر ولا ننسى هذا الرجل الذى قدم لمصر كثير بدايه من أكتوبر 73 وحتي الأن فياشباب مصر ليس من طبعنا الغدر ونكر الجميل فأنا اناشدكم بحق القران ورب السماء بأن تفكرو قليلا من له مصلحة في خراب مصرنا الحبيبه مصر قلعة الأمه العربيه ودرعها الحصين أفيقو ياشباب مصر هناك عدو خارجي يريد خراب مصرنا فحافظو عليها هي في أعناقكم أمانه ليوم الدين .

  36. أحمد
    2011.02.07 02:08

    يجب أن يبقى الرئيس حسنى مبارك و لو رحل الرئيس حسنى مبارك سيأتى البردعي و المشكلة أن لو جاءالبردعي أنه لا يعرف أي شئ عن مصر و الخوف أن لو جاء البردعي يمكن أن يغير القانون ولا يعجب المتظاهرون ويتظاهروا مرة أخرى و البلد تولع و تعود المظاهرات

  37. SHAHAD
    2011.02.06 11:23

    نا بحبك يا ريس انا من اسوان مصر النوبة ربنا يثبتك يا ريس ياما عشنا فى امان فى عهدك اتمنى ان تزول هذة الغمة وترجع مصر تانى فى امان

  38. فاطمة السيد
    2011.02.06 11:14

    أنا أسف يا ريس أنا من النوبة وبحبك يا ريس وأتمنى ان تعبر هذه المنحة ( لا لتقسيم مصر ) لا للبرادعى اللى خرب العراق فين البرادعى لما امريكا ضربت العراق(GO TO HELL AMERCA)

  39. هدى
    2011.02.06 00:05

    بحبك ياريس بحبك يابويا واحنا اسفين وربنا معاك وتمضى هذه المحنه بخير انشئا الله وربنا يحمى مصر واولادها من الدخلاء امثال البردعى

  40. هدى
    2011.02.05 23:59

    حرام عليكم كفايه كده عيزين نشوف شغلنا ونصلح الى اتخرب وسيبو الراجل الباقى قليل جدا

  41. اريج
    2011.02.05 23:11

    انا بحبك اوى ياريس حتى لو لك اخطاء كلنا بنغلط لكن خطئك مكنش خطىء وطنى بالعكس انت بطل وعملت عشانا كتير يعلم الله بحبك اد ايه واد ايه اتالمت انا ول اللى اعرفهم بخطابك /خليك معانا ياريس اوعى تسيبنا معاك بنحس بالاستقرار والامان والله والله كل الاهانه اللى اتقالت عليك مازادت الا حب ليك فى قلوبنا لانك بتتحمل عشان بلدك ربنا يخليك لينا

  42. manar
    2011.02.05 19:28

    ربنا ينتقم منكم ياللي واقفين فى ميدان التحرير ياللى خربتم البلد و دمرتوها مش حسنى مبارك الكل يسال اين الجيش المصرى لمادا لا يتم اعتقال هؤلاء المخربون اللى ضيعوا البلد هم واقفين يتفرجوا عليهم و هم قاعدين ياكلوا و يغنوا اشعار احمد فؤاد نجم و البلد بتتخرب

  43. وليد عبد العال الاسكندريه
    2011.02.05 17:07

    لا ومليون لا لرحيل مبارك الرجل العظيم الاب الحنون مبارك يا ريس انتا راجل كويس متسمعش كلام غير شعبك علشان شعبك بيحبك ويحبك انا واحد من الشعب مليش غير مبارك اب واب واب انتا الكبير فى الوطن العربى انتا خليت لمصر هيبه وامان ووضع كان لازم يبان بس نعمل ايه الكل عينه علينا وعليك مش عاوزين مصر تتقدم بيك عاوزين يخربوها بس ده بعيد عن الى جابوهم احنا معاك ومش هنسيبك حتى لو الناس حاربوك احنا الشعب الى بيحبوك بيحبوك

  44. ابو سلطان
    2011.02.05 14:06

    بنحب الرئىس ونكرة الخونة والبطانة الفاسدة

  45. zain rafi
    2011.02.05 11:30

    اللى في المظاهرات 2 نوعان ***ناس واقفة ليهم مطامع شخصية امثال البرادعي وشلته النصابين والمنافقين والاخوان المنافقين والاحزاب وناس واقفة مش فاهمة اى حاجة امثال الناس الغلابة الغير مثقفين واللى طلعوا امثال الخائن البرادعي والاخوان والاحزاب علي اكتافهم ليركبوا الموجة اللي بإذن الله هتغرقهم كلهم *** آمين يارب العالمين

  46. zain rafi
    2011.02.05 11:26

    افيقوا ايها الشعب المعتوه المتخلف سوف تفيقوا انشاءلله عندما تستبيح نساءكم وبناتكم واخوتاكم علي يد الامريكان قريب انشاءلله يا شعب يامتخلف وانشاءلله هيحصل قريب علي يد البرادعي العميل الخائن اللى عامل فيها وطني دلوقتي وايد الاخوان اللى هتكون زريعة لدخول الامريكان والاسرائيلين والمعارضه اللي نفسها في السلطة بأي طريقة وبأي مبرر ربنا ياخدهم جميعا وياخد اللى واقفين في المظاهرة
    اللهم انصر مصر وشعبها الاصيل ومبارك واقلب الفاسدين المظاهرين علي اعقابهم خائبين

  47. ايمن شهاب
    2011.02.05 03:48

    وان كان بالاسلام فانت اولى الامر \ مش قال النبى صل اللة علية وسلم اطيعو اللة واطيعو الرسول واولى الامر منكم \فانت يا قدوتنا اولى الامر
    نحن وراءك يا ابينا
    هذا وطنك \وهذا شعبك\ واللة معك

  48. ايمن شهاب
    2011.02.05 03:42

    اناشد الرءيس مبارك شخصين الاب الخلص للوطن لن يرحل
    ولا ولا لخراب الوطن الذى حافظت علية طوال عمرك ونحن وراءك يا قدوتنا

  49. زيزو
    2011.02.05 00:37

    والله لو تعرفو مصر فيها خير اد ايه واد ايه هيا منهوبه من قبل النطام الفاسد لكنتم طلبتم جميعا بضروره رحيل هذا النظام الفاسد الذى اذل الشعب لعقود طويله ومحا كرامة المصريين فى مصر وفى كل بقاع الارض واصبح الانسان فى مصر لاقيمة له وحسبى الله ونعم الوكيل

  50. تركي عبدالعزيز
    2011.02.04 23:01

    الحمدلله اللذي لايحمد على مكروهسواه ثم اللهم احفض السد العالي للمسلمين من كل فتنه مصر القوه و العلم والصحوه للمسلمين والعرب

    ماحصل في مصر في نقاط 1-ظلم واستبداد على مدى السنوات العشر الاخيره رغم التطور في جميع الدول العربيه وهو مايحسب للرئيس 2-استغلال اصحاب السلطه من بعض الحكومه وبعض ضباط الامن والجيش والاستيلاءعلى اموال ومقتدرات مصر واستخدام سلطاتهم في ظلم الشعب واقول بعض وليس الكل 3-تدخل ابن الرئيس في سياسه مصر بل والأعداد ليكون خلفا لأبيه كماحصل في سوريا4-ماحصل في انتخبات مجلس الشعب من تزييف وكأ

    ن الهدف الزياده بضغط على المصريين نحو الآنفجارلماحصل من تزويير واضح وهو أستهانه وأهانه5-ماحصل في تونس جعل الكثير من المستفدين من النضام الحالي والحاقديين على مصر بستباق الأحداث وأعدو الخطط كما حصل في سحب الآمن وأطلاق السجون ومنهم سجناءحزب الله اللذيين وصلو لبنان . النهايه المقصود ليس مبارك بل هو ضحيه تسلطه وسماعه لابنه ومنهم قربه من المستفديين الحقاديين عليه في أن واحد (المقصود مصر وأبناء مصر ).الحل ان يتنحا مبارك المفرط أولى بلخساره مع التعهد له بعدم التعرض له ولالآسرته بأي صورة فلا تستغرب أن تنحا ان ينتقم منه سليمان والجيش وجميع من حوله ولابد من مشاركه عمر موسى في الحكومه .



أكتب تعليقك