اخبار صحة الرئيس مبارك

اخبار صحة الرئيس مبارك

اخبار صحة الرئيس مبارك

مصريات – تحت عنون تجميع 10 الاف مصري في استقبال مبارك ،  وردا على انصار البرادعي خاصة بعد الاستقبال الالاف له اثناء رجوعه الشهر الماضي يسعى بعض اعضاء ومؤيدين الحزب الوطني لحشد الالاف المواطنين من جميع المحافظات لعمل استقبال شعبي للرئيس مبارك في مطار القاهرة عند رجوعه من المانيا بعد اجرائه العملية.

الكثيرين اعتبروا ان نجاح هذه الحملة التي تستخدم رسائل الموبايل لدعوة الجميع مؤكد لان الكثيرين كانوا مهتمين باخبار صحة الرئيس مبارك وقالوا انه يجب ان يكون في استقباله جماهير شعبية وليس مخبرين ,

من ناحية الاخرى رد الشاعر عبد الرحمن يوسف مقرر عام الحملة الشعبية لدعم البرادعي على هذه الدعوة بأن  الحزب الوطني فى حالة خوف وارتباك، ويحاول تصوير أن للحزب جمهورا كما للبرادعى.

اخبار ومواضيع ذات صلة:

حشد الالاف المواطنين لاستقبال الرئيس مبارك بمطار القاهرة

17 comments
  1. حريه وعدل وكرامه 25/02/2011 23:10 -

    الله يجحمه مطرح مراح ز حسبى الله ونعم الوكيل فيه يارب يامطلع
    هذا الرجل ظهر فى عصره الفقر والجوع والبطاله وكثره الرشاوى والفساد من كبار المسئولين دون رقيب ولا حسيب نعم هو اشترك فى حرب 73 ولكن أعلن الحرب على شعبه بزياده الفقر والبطاله والفساد والرشاوى والمحسوبيه وباع البلد لناس يهود لايهما مصلحه البلد ولا مصلحه الشعب
    حسبى الله ونعم الوكيل فيه وفى ابنه جمال

  2. عبدالعزيز 25/02/2011 20:36 -

    انتو تقريبا مش عايشين فى البلد
    هقولكم حاجه وياريت ما نختلفش
    الريس حكمنا 30 سنه
    اما كان عارف مشاكلنا وما بيحلهاش
    اومش عارفها وفى كلتا الحالتين لا يستحق ان يحكم شعب مصر العظيم
    ثم قارن مصر طوال فترته بدول زى ماليزيا تركيا كوريا الجنوبيه
    وانت تعلرف انه ما يتزعلش عليه
    لما تعرف ان وزير بن بلد يقولو ياريس شيل فلان وفلان…. ويسيبهم يبقى مشترك معاهم فى الفساد
    بل هناك تفسير اشنع
    انه يعتقد ببقائهم يمهد الطريق لابنه
    وهو بالتلى باع البلد باع مصرنا باعنا لاجل عيون ابنه نواره شباب مصر

  3. جمعة حمدى احمد 28/03/2010 21:55 -

    الف حمدللة على السلامة ياريس والف الف مليون سلامة عليك وربنا يخليك لبنا واطال اللة فى عمرك لان مصر مبارك ومبارك مصر وانت الاب الحنون لكل المصرين

  4. محمد بدر 26/03/2010 14:13 -

    عودة الرئيس بسلامة الله بعد اجراء العملية الناجحة وتحسن حالته الصحية هى اسعد الاخبار التى يحب ان يستمع اليها الشعب المصرى كله والرئيس مبارك زعيما لكل المصريين اللذين يفتخرون به قائداعسكريا وزعيم سياسى ساهم فى تحسين الوضع السياسي والدولى لمصر ومن ثم فان سيادته ليس هناك مجال للمقارنة بينه وبين الدكتور البردعى والذى غاب كثيرا عن مصر وشغله عمله الدولى الخاص وكانت قلوب كل المصريين مع الرئيس وقت اجراء العملية الجراحية ويدعون له بالسلامة صغيرا وكبيرا

  5. ممدوح العطار 25/03/2010 12:41 -

    انا من اسكندرية وبشتغل في المدينة المنورة وعلي اتم استعداد لإستقبال الوالد العظيم البطل ربنا يحفظه لنا ولمصر وللامة العربية حفظه الله ورعاه ارجوا تبلغونا امتي ونناشد كل المصريين الشرفاء من جميع الفئات والاعمار سيدات ورجال واولاد وبنات واطفال الجميع بيحب الوالد القائد ربنا يشفيه ويرجعه بالسلامة

  6. محمد عزيز 22/03/2010 02:07 -

    يالا يا مصريين كلنا نروح نستقبل رئيسنا وياريت تعرفونا الرئيس هيوصل امتى بالسلامه

  7. محمد عزيز 22/03/2010 02:06 -

    حفظك الله من كل سوء سيدى الرئيس

  8. محمد عزيز 22/03/2010 02:04 -

    والله العظيم انا بتمنى اروح واكون اول واحد فى استقبال ابى الروحى واب كل المصريين الشرفاء الرئيس محمد حسنى مبارك اطال الله عمره وحفظه لمصر …..

    والله لو تعلمون حقيقة هذا الرجل العظيم .. افيقوا وتذكروا من جنبنا ويلات ودمار الحروب من جعل لمصر مكانة اقتصاديه وثقافيه ورياضيه ايضا هذا الرجل كل ما يشغله هوه محدودى الدخل ويسافر ويقطع الاف الاميال لجلب الاستثمارات لنا لتوفير فرص العمل للشباب والله انه من بنى مصر الحديثه ولن يتكرر فى تاريخ مصر رجل مثل الرئيس مبارك حفظه الله من كل سوء وليموتوا غيظا المرتزقه الخائنين وعاش مبارك لمصر زعيما ورئيسا وحبيبا تحيا مصر … تحيا مصر … تحيا مصر

  9. brave heart 17/03/2010 04:49 -

    انا بصراحه مش عارف ايه اللى حشر بوتفليقه والجزائريين بينا ولا هو لكلكه فى الكلام وخلاص احنا مصريين وبنحب الريس وبعدين مافيش رئيس واحد فى العالم نال حب كل الشعب مره واحده لان مش هيقدر يرضى الشعب كله وهو يعنى الرئيس بيبقى هو السبب فى كل المشاكل الاقتصاديه والامنيه والصحيه وغيره من المشاكل ؟.كل المشاكل دى مش فى مصر بس ؟ كل الدول فى العالم عندها مشاكل وبعدين اللى بيطالبوا بالتغيير ماتيجوا انتوا تحكموا البلد وهانشوف هاتمشوها ازاى واتحدى اى حد يقدر يحل مشاكل الزياده السكانيه اللى بتلتهم الاخضر واليابس او التلوث او الزحام او البطاله حرام عليكم وليقل احدكم خيرا او ليصمت وان شاء الله ربنا يحفظ الريس ويرده سالم لانى شايف ان فيه بعض الشماتين واصحاب اثاره الفتن

  10. عبده ابوحلاوه 16/03/2010 04:44 -

    الله معك يا ابو قلب طيب وتقوم بالف سلامه

  11. أمين 16/03/2010 00:00 -

    عيب كلمة حشد احنا مش بقر ولا جاموس .. اللى عايز ينتظر ويقابل يبقى من نفسه وعن طيب خاطر مش بالقوة ولا بالضغط الحب محدش يقدر يشتريه ونعوز بالله من النفاق والمنافقين ..والناس المرائين والمنافقين ينطبق عليهم المثل فى الوش مراية وفى القفا سلاية ..يخرب بيوتكم الأوامر والعنف لا يولدوا الا العنف هدوا المواضيع مش ناقصينقوا يا حلاليف .بعدين باذن الله الريس حيرجع أمتى ؟

  12. علاء المصري 09/03/2010 01:38 -

    اخي سلام مريع ممكن كمان يكون الحشد من رجالة قوات الامن التابعة لابو علاء اللى بيحركها زى مهو عاوز وبرضو خمسة جنية وتتسوى خمسين وهو كلة فى حب الريس وحب مصر : البرادعي الحمد لله الناس راحت استنتة على طيب خاطر مش علشان خمسة ولا خمسين جنية ربنا يوفق البرادعى : ويدي الريس على قد نيتة : اختي وفاء احنا مبنشوفش الريس من الحرس اللى معاه وبعد كدة الناس اللى بنشوفها بتتلف حولية دول رجالة الحزب الوطني من ابوخمسة جنية والحسابة بتحسب ياااااااااارب اديلة على قد نيتة

  13. سلام مربع .. يا بلدى 08/03/2010 22:42 -

    الآلاف اللى استقبلت البرادعى لم يتم حشدهم فى اتوبيسات .. الناس طلعت عن طيب خاطر تعلن تأيدها للتغيير وأملها فى راجل يصلح ما أفسده رجال الحزب البطنى .. اما حشودكم معروفة مقدما كل واحد هياخد 5 جنيه وتتسوى 50 جنيه فى دفاتر ميزانية الدولة .. وكله فى نهب مصر يهون .. مبروك على الحشود اللى رايحة الفانلة والشورت والكاب … وهنيئا لاباطرة الفساد الميغة واليخنى والكباب .. الله ينتقم منكم خليتم عيشتنا هباب .. هباب .. هباب .. الاخت وفاء .. الديكتا تـــــــور عندنا له مراسم خاصة ومواكب مسلحة .. الشوارع يصتف فيها غلابة الامن المركزى وتتلغم بحواشى امن الدولة وتتقفل كل الطرق اللى هيمر من عليها الموكب … خروجه بيبقى يوم شؤم على الناس اللى بتتحبس فى عربياتهم او فى مواصلاتهم انتظارا لمرور الموكب الامبراطورى .. شلل تام فى حياة المواطن المصرى البسيط .. وبعدين حد يستجرى حتى يرمى عليه وردة .. تبقى ليلة سودا عليه وعمره ما يشوف نور الشمس من تانى .. الناس فى مصر لسه فاكره شهيد بورسعيد اللى اخترق الحصار الامنى وجرى عليه ومعاه مظلمة تمنى ان يسلمها له يدا بيد .. قتل الرجل برصاص الغدر وحطوا فى ايده سكينة وقالوا مجنون .. الفرق بينا وبينكم ان شعب مصر سيصير مجنون ويقتل رميا بالرصاص

  14. وفاء 08/03/2010 19:34 -

    اهل مكة ادرى بشعابها لن اعلق على استقبالكم لرئيسكم…………. فانت احرار في بلدكم……… نتمنى له الشفاء لانه في الاول ولاخر مسلم …………… لكني ساقول لكم انو الرئيس الجزائري بوتفليقة رغم كل مايفعله من اجل الجزائر الا ان انه مازال هناك فساد كبير في بلادنا ومن كثر سخط الشعب على الرئيس مرة كان في زيارة لولاية تيزي وزو وكان يمشي في الشارع رمي عليه الناس البيض تعبيرا على سخطهم …………….. ومرة كان في ولاية ورقلة وكان يمشي في الشارع رمي عليه الناس الحجارة………. تعبيرا على سخطهم……… رغم كل مايفعله لارضاء الشعب…….الا ااننا مانزالو ساخطين عليه لان مادام هناك من سرق ومازال يسرق اموال الجزائر ولم يحاسب بعد………….. اللهم اصلح حالك حكامنا……………. وتحياتي الخاصة للفنك الليبي…….

  15. ملكش دعوه 08/03/2010 13:29 -

    حمدالله بالسلامه ياريسنا يا مفلسنا المره الجايه ف القلب ولو بنيت الجدار الفولاذى هتبقى المخ دعواتكم مستجابه يا ابناء القدس (((((((((( واحد من مصر )))))))))

  16. أمانى ضرغام 08/03/2010 13:05 -

    مصر كلها فى أنتظار عودة الرئيس مبارك سالما وفى أتم صحة وأحسن حال بإذن الله الى أرض الوطن وكلنا معه نؤيدة نصره الله دائما وجعله دائما السند والأب لكل أبناءه المصرين ،وأقول له من كل قلبى حمدلله على السلامة وربنا يديم عليك الصحه والعافية يارب

أضف تعليقاً