اخبار نتائج الانتخابات نتيجة دائرة طنطا : انهيار احمد شوبير

مصريات

ودع احمد شوبير مقعده في البرلمان بعد اعلان فوز ياسر الجندي منافسه على مقعد الفئات بدائرة طنطا في انتخابات مجلس الشعب 2010 الخاصة بالاعادة ..

واصيب شوبير باغماءة بعد معرفته بـ نتائج الانتخابات وخروجه من المجلس وتقدم بطعن يطالب باعادة فرز الاصوات وحساب نتيجة الانتخابات ..

اما نتيجة الانتخابات على مقعد العمال فقد حسمها محمد غريبة

اخبار ومواضيع ذات صلة:

اخبار نتائج الانتخابات نتيجة دائرة طنطا : انهيار احمد شوبير

145 comments
  1. محمود الاسوانى 09/01/2011 00:33 -

    بعد الكلام اللى سمعناه فى السى دى مع الصحفيه والله المفروض ما كان رشح نفسوا لو محترم انا اتخدعت فيه جدا جدا جدا وحسبى الله ونعم الوكيل فى كل المنافقين اللى فى البلد والف مبروك للدكتور ياسر الجندى؟؟؟

  2. أمين 11/12/2010 08:46 -

    لا يصح الا الصحيح .. تساقطت الأقنعة فبان المستور .تستطيع أن تضحك على الناس مرة لكن لا تستطيع أن تضحك عليهم كل مرة …. تهانينا لنواب طنطا المحترمين ولغيرهم نقول اتقوا الله وأعلموا حدود امكانياتكم ..ومن زرع حصد .ودولة الظلم ساعة ودولة الحق الى قيام الساعة

  3. سميه عريشه 11/12/2010 02:44 -

    شوبير مغرور وقاسى على الضعفاء ، هذا رأيي برغم أنى لا اعرفه شخصيا ولا اريد ان اعرفه وأيضا انا لست من طنطا او الغربية خالص – وللعلم هذا رأيي فيه من سنوات والذى كونته من تلك الحكاية :
    ( من سنين وفى حلقه من حلقات برنامج ( هذا المساء ) الذى كان يقدمة ( سمير صبرى ) ، كان ( شوبير ) ضيف احدى حلقاته عقب اعتزاله  لحراسة المرمى مباشرة – ووبعدما تحدث شوبير عن نفسه كثير ا كثيرا  بغرور – وجلس مع الضيوف ، وقدم سمير صبرى فى فقرة تالية ( شاب مصرى ) بشرته سوداء جاء من حى فقير حالما بفرصته كراقص استعراضى وبالفعل اجتهد الشاب ورقص مقلدا ترافولتا فى شبابه مع فارق ان هذا الشاب  تدرب على الرقص من منازلهم ، ولما اتم الشاب الموهوب رقصته وكان يتصبب عرقا ويحلم بكلمة تشجيع – فوجئنا كمشاهدين بشوبير  ينتفض ويترك مقعده ضمن الضيوف وويستولى  على الميكروفون وعلى دور سمير صبري كمزيع : وينهال على الشاب بالسخرية والتهزيئ وتقليل الشأن وتسفيه ما فعله مستنكرا ان يرقص شاب ومتحدثا عن الاخلاق والدين ( برغم انه هو نفسه لقمة عيشه كانت من مسك الكورة  – لكنه واصل هجومة على الشاب  الذى كان يترنح مقاوما السقوط من طوله  من شدة الصدمة وفظاعة القسوة ومستنجدا بنظرة رجاء تجاه سمير صبري عله ينصفه !! * لكن المذيع الاستعراضى الراقص سمير صبري هز كتفيه فى خشيه من اغضاب شوبير برغم علامات الدهشه التى كانت على سمير صبرى من سلوك شوبير وقام بأنهاء  فقرة الشاب دون كلمة تشجيع او انصاف له (بعدما ضاعت شخصيته سمير صبرى فى تلك الحلقه  تحت سطوة وارهاب شوبير للجميع على الهواء بعدما تحدث عن الدين والاخلاق وضرورة ان يبحث الشباب عن العمل الجاد المحترم بدلا من هذا الاهتراء ) !! 
     فانسحب الشاب المصرى الاسود البشرة ومرارة العلقم حتما ملات روحة مصدوما ومحروما من حلمة بعدما حتما شقى كثيرا فى سبيله ومؤكد شاف الويل حتى يصل الى سمير صبرى ليقدمة ، ومؤكد نشر خبر طلوعة فى برنامج سمير صبرى بين كل معارفه واهله وحبيبته وابوه وامة واخواته وأهل الحارة او الحى العشوائى اللى عايش فيه حالما بأن يشهدوا لحظة ميلاده ، ذى افلام الابيض والاسود الرومانسية ، اللى فى افلام (عبد الحليم حافظ وليلى مراد أو أحمد زكى فى النر الاسود ) مع فارق نوع الموهبه ) لكن سواد روح  المغرور ( شوبير )  ونرجسيته :  وقفا له ولاحلامه  بالمرصاد فأغتال سواد قلب شوبير ) احلا م الشاب الصغير الفقير:  على الهواء مباشرة عبر  التلفزيون المصرى  – وبرغم مرور سنوات وسنوات على تلك الحادثة الا أنى دوما اتذكرها واتألم لهذا الشاب الذى لا اعرفه – ولكنى تخيلت كم الامه بعد ذلك اللقاء الذى تخيله بوبة حياة جديدة بالنسبة له ولكل حالم مثله لكن الكابتن النرجسى قلبه له الى مقبرة – ترى  هل مازال ذلك الشاب يحلم ام كف عن الحلم ام انتحر او اسودت الدنيا فى عينه فترك الرقص واغرق روحة فى المخدرات – نتيجة  ذلك الحادث الذى ذبحه فيه  شوبير ( الذى تحول فى تلك الحلقة من مجرد ضيف الى جزار ) يليزبحه على الهواء مباشرة وامام اهله وناسه وحبيبته ان كان له حبيبه وناس مصر كلها –
    * حتى لو سامحك هذا الشاب يا شوبير انا لا اسامحك لانك عرضتنى كمشاهدة لألام نتجت عن اجبارى على مشاهدة تلك القسوة ووالذبح العلنى لذلك الشاب ، برغم انى كنت انتظر حلقه لطيفه وليست سلخانه ياكابتن ياللى بقيت اعلامى سانن سنانه – وبرلمانى ملكش حس الا فى الدفاع عن نفسك – مبروك السقوط ياشوبير – دوق طعم الهزيمة وطعم العلقم اللى شربته لهذا الشاب ومؤكد غيره ياشوبير !!!

  4. م س ع 09/12/2010 20:54 -

    الدنيا علي كدة والاصلح بيستمر ياشوبير
    يامتملق

  5. محمد عزت 09/12/2010 12:11 -

    الف مليون مبروك للقمرين للعقيد ايهاب الهرميل عن دائرة برما وللدكتور ياسر الجندى عن دائرة طنطا

  6. يحيى الخولى 08/12/2010 22:28 -

    ألف ألف مليون مبروك للدكتور/ ياسر الجندى والمحترم / محمد عريبى، وبقولكم من قلبى يمكن يكون ربنا بيديكم فرصة مش كتير بينولوها علشان تثبتوا حبكم لمصر وتقدروا تحلوا مشاكل الناس !!!!!! مع إنها كتيرة قوى، لكن ربنا يوفقكم، وكما نقول اللهم ولى الأصلح وولى من يُصلح.

    ابن طنطا يحيى الخولى

  7. عبد اللطيف الشامى 08/12/2010 21:51 -

    مفيش جد بفتكر لشوبير انه فرحنا سنة90

  8. عبد اللطيف الشامى 08/12/2010 21:49 -

    يعنى مفيش حد بيحب شوبير خالص انا بحب شوبير

  9. عبد اللطيف الشامى 08/12/2010 21:47 -

    كاتكم نيلة هى جات على شوبير

  10. عبد اللطيف الشامى 08/12/2010 21:40 -

    اقسم بالله شكلكم كلكم زملكاوية اية دة اية اللى انتم فيه ده ايه الشماتة دى ربنا يديكم

  11. [جمال خضر 08/12/2010 04:36 -

    أسعد مخلوق في الدنيا بهزيمة شوبير هو أنا والسبب ببساطة شديدة ما حدش خرب مصر كلها غير أمثال هذا الشخص من المنافقين وعقبال يارب ما تسقط كل أوراق النفاق الوصولية فيك يا مصر
    …. بحبك يا مصر

  12. محمد عصفور 08/12/2010 03:18 -

    ا/ احمد شوبير بتاع كورة وعمرة ما دخل فى السياسة ويسال نفسة هل فعلا عمل حاجة لطنطا..ان كان عمل يبقى لة حق يزعل…وفعلا اهل طنطا مش بتحبة الان واكيد هو عارف وبعدين يا ا/ احمد الناس مستغنية عن خدماتك اما حين تزعل من كدة يبقى انت داخل مش للناس يبقى لنفسك وغرورك………………….

  13. احمد الجندي 08/12/2010 00:26 -

    مبروك يا جندى ويارب تقف بجانبنا فى قضية الورث الجندى الكبير

  14. طنطاوية 07/12/2010 23:32 -

    الف مبروك ياشوبير
    طبعا دة اقل ماتستحقة لو بيحاسبوك صح كانو رجالة طنطا اطعوك

  15. احمدحسن امين البرعى 07/12/2010 22:29 -

    انا كنت فى يوم من الايام بحب شوبير ومن الناس الى كانو يدفعو عنه  وانا برضه دلوقت الى انتخبت د  ياسر الجندى  لان كل طنطا اتخدعت  فى شوبير وحسبى الله ونعم الوكيل  احمد حسن البرعى  ربنا معاك  د  ياسر 

  16. احمدحسن امين البرعى 07/12/2010 22:27 -

     الف مبروك للدكتور ياسر الجندى ومحمد عريبى احب اقول اتقوا  ربن فينا  والحمد لله ان شوبير سقط انا مش بشمت  بس خلى المنافقين والعنجهيه  تنفعك  واتقى الله  احمد حسن البرعى

  17. محمود 07/12/2010 21:42 -

    اه يا استاذ احمد مكلمتش جيمى ليه عشان تعرف ان السياسه ممكن توديك فى ما وراء البحار

  18. عبد العزيز 07/12/2010 21:15 -

    انا فرحان جدا علشان رسوب شوبير واعتقد ان خروج هذا الرجل من مجلس الشعب هو بداية لمرحلة التصحيح وكفايا مهازل وفحوله وهمية علي شاشات التلفزيون ياريت يستفيد شوبير من هذا الدرس وبلاش يكلم الناس من مناخيره ياريت يعرف انه جون سابق للاهلي يعني كان مفعول به وليس فاعل وياريت يبطل يقول انا اعلامي وهو اخره دبلوم تجاره وميصحش ان كل واحد مسك ميكرفون يعمل نفسه اعلامي ومعدش باقي الاالعربجية اللي ماسكين ميكروفنات في ايديهم ويجوبون شوارعنا للنداء علي خضروات وخلافه يقولوا انهم اعلاميين  !!!!!!! ياجماعة ايه الحكاية كل واحد يقعد في مكانه ولاداعي للبس قميص اوسع منه .

  19. احمد محمد 07/12/2010 20:11 -

    مش عارف اية كمية الحقد والغل على الناس دة وبعدين شوبير انتم عرفتوة منين وامتة عرفتم انة وحش احنا شعب اهبل بنحكم على الناس من غير ما نعرفهم المهم اننا نبقى صادقين فية فرق ما بين انى بكرة بنى ادم وفرق ما بين انا شايفة ومتاكد انة وحش لازم نفكر قبل ما نهاجم 

    كفاية قلة ادب فى الناس الا ممكن نكون بنرتكب سيئات بالهبل نتيجة بكلامنا الا كلة غيبة ونميمة 

  20. ا/ احمد احمد احمد 07/12/2010 18:17 -

    ياشوبير كما تدين تدان وانت عارف مين هو حمدى الكنيسى …………..اسف الاستاذ حمدى الكنيسى

  21. ابورحمة 07/12/2010 16:09 -

    يااخواني انا من اسوان وقرات المكتوب عن الكابتن احمد شوبير كده مش كويس لانه مهم يكون فهو ابن بلدكم وواجه لطنطا واكيد فيه شئ كويس مش كله وحش ارحموا عزيز قوم زل مع شكري لكل اهل طنطا الجدعان قوي قوي هاني ادفو الفقراء اسوان

  22. انا شايف ان 2010 مش ماشيه مع شوشو خالص خسر فيها كل حاجه يا ريت يعيد حساباته مع نفسه ومع الناس يمكن يبقى انسان كويس وربنا يهديه

  23. محمد 07/12/2010 14:07 -

    كان فاضل يرشح نفسة لرئاسة الجمهورية مغرووور

  24. اشرف 07/12/2010 14:00 -

    سقوط شوبير دليل على سمعته اللى زى وشه لان اى واحد حزبوطنى ناجح بدون بذل مجهود بالتزوير عقبال مدرن كورهانت البضين دعبس كل الناس كارهك

  25. الكنج 07/12/2010 13:07 -

    يعكر مش عايزين نشوفك عل الفضايات مره تانيه ولافى طنطا نهائى

  26. الكنج 07/12/2010 13:05 -

    اهو انتا ايل جيبته لنفسك ياشوبير ويارب ياخد الظالمين والفاسقين ايل مثلك ياشوبير مواطن من على اغا بيكرهك لله فى لله ويارب نرتح منك للابد

  27. واحد من علاغة 07/12/2010 12:38 -

    والله انتا راجل مية مية يا شيخ سيد لما عرف ان الانتخابات كوسة وهيسقطوة انسحب بشرفة مش زيك يا شوبير يا اللى بتحتمى فى البلطاجية

  28. ادهم 07/12/2010 12:33 -

    شوبير رمز كل ما هو سيء الحسنة الوحيدة في انتخابات 2010 سقوط شوبير ربنا يجعلنا نشوف فيه يوم ويكون عبرة لكل متغطرس فاسد وياريت يكون فيه تحقيق في مخالفاته في البنوك ورشاويه اللي اعترف بيها وتكون بداية تصحيح ما افسده شوبير

  29. رمضان عبدالرازق السيد 07/12/2010 10:12 -

    هارد لك يا احمد شوبير واحد كسبك علشان بنى مستشفى انت بنيت ايه؟ عملت ايه
    كفايه الفضايح

  30. بنت طنطا 07/12/2010 08:54 -

    احسن يا شوبير يا ريت مت رترشحش نفسك تانى واما

  31. رمزى ابومندور 07/12/2010 07:34 -

    الف مبروك لجميع الاعضاء الناجحين سدد الله خطاكم لما فية الخير للبلاد والشعب خاصة

  32. رمزى ابومندور 07/12/2010 07:33 -

    الف الف مبروك للدكتور / ياسر وفقك الله لما فية الخير لاهل طنطا

  33. احمد السيد 07/12/2010 06:27 -

    مفيش شنك ان قيادات الحزب الوطنى تيقنت ان شوبير اصبح سىء السمعه فاختارت بديل يزاحمه فى المقعد بديل طيب السمعه رجل محترم واستحف النجاح بجداره من غير ضجيج او هاله اعلاميه كدابه الف تحيه لقيادات الحزب الوطنى لاختيارهم الجيد وبالتاكيد نحن نصب اعينهم رجال فهموا الواقع المصرى ولم يراهنوا على الحصان الخاسر

  34. واحد من سيجر 07/12/2010 05:02 -

    وعلى فكرة طنطا مبيعشلهاش نائب اكثر من دورة الا اذا خدم الناس بجد مش يخدم الحاشية بتعتة بس وياريت الدكتور ياسر ينظر للغلابة اللى بجد لان دول اغلبية وهما دوول اللى هينجحوة

  35. واحد من سيجر 07/12/2010 04:57 -

    معلش شوبير دى اخرة اللى يحتمى فى البلطجية وينسى الغلابة

  36. اصيل شاهين 07/12/2010 02:58 -

    والله دا حال الدنيا – غرورة وكدابة وأديك شوفت بنفسك ياشوبير

  37. طـنـطـــــاوى 07/12/2010 02:36 -

    الحمــــدلله إنتهت أكـذوبة شــوبير ورجالتـة مـديح وجابر الزهيرى واحمد عطـوان وياشوبير خلى أبو الليـف ينـفـعـــك

  38. ياسر الجتدى وشوبير 07/12/2010 01:35 -

    لله الأمر من قبل ومن بعد مبروك يادكتور ياسر وهاردلك ياكابتن أحمد هى الدنيا كده يوم لك ويوم عليك والأنسان بيتعلم كتير من اللى بيجرى له ـ د/ ياسر أعطاك الله ونصرك وأعطاك الناس ووقفوا
    بجانبك فلا تنسى وكن خادما لأهل بلدك تكن سيدهم ـ كابتن أحمد شوبير من زميل دراسة قديم فة الأنبابى والجمعية والرافعى وبيحبك وبينصحك لوجه الله اوعى تزعل اليوم عليك وغدا لك بس شوف انت أخطأت فى ايه وحاول تتجنب الخطأ تانى وربنا يصلح حالنا وحالك ـ طنطاوى مخلص

  39. مهموم 06/12/2010 23:48 -

    واللة يا جماعة انا بجد نفسى محمد ثروت يدخل الانتخابات على الاقل عمل قبل ما يدخل الانتخابات من زمااااااااااان اوى وهو بيعمل لاكنياسر الجندى لسة محدش يعرفو الان من سنة تقريبا او اقل ظهر علشان الانتخابات لاكن ثروت دة محترم جداجدا ويارب يرشح نفسة الدورة الجاية

  40. مهموم 06/12/2010 23:42 -

    اولا مبروك للراجل الجميل جدا المحترم الدكتور ياسر الجندى والاستاذ محمد عريبى لاكن بجد المفورض يكون فى عدل فى البلد دى شوية انا مش بحب شوبير ابدا ابدا وهو مش عامل اى شئ لطنطا ولا هيعمل والدكتور ياسر افضل منة بكتير لاكن بجد الانتجابات المرة دى زووووووووووووووور بجد عينى عينى كدة التزوير بيقولو لو نهر النيل كلة صلصة مش هيكفى الكوسة الفى مصر ياريت ياريت بجد الراجل المحترم فى طنطا ابن طنطا الاستاذ محمد ثروت بجد يستحق كل خير لان دة بيعمل فى البلد من زمان اوى اوى ومفيش اى حد يسمع عنة واخرها مستشفى السرطان وكمان دار الايتام يارب يكون لة نصي المرة الجاية والف لاف مبرولك للفائز

أضف تعليقاً