اخر الكلام

بقلم : محمود بلال

انا فاكر اني اتكلمت كتير ورغيت من اول ما انقلبت الاوضاع فعالمنا العربي ومش عارف ازا حد بيقرا اول لا …عالعموم مش مهم الناس مش ناقصها كلامي لان برامج التوك شو والاخبار المسرطنة كلت دماغ العالم ..فوضى فكل مكان وكاني بشوف فيلم زومبي والناس كلها بتتحول وعمالى تاكل فبعضيها ..اكيد كلامي مش هيزيد حاجه على اللي بيحصل ومش هيفيد ..كانت برامج التوك شو والتحليلات الاستراتيجية فادت..انا فاكر اني قلت ان الموضوع كله مؤامرة ولو حتى كل ال 80 مليون مصري وافقوني هيفيد بايه لو فضلنا بحالنا العشوائي ..مع تكرار المسلسل المصري الطويل بنكهة مكسيكية عن ” اقباط ومسلمين مصر ” …انا اعلنت استسلامي عن قضية بلادي ..ممكن تكون السلبيه هنا هي الخلاص والمخرج الوحيد لكل التخبط والعشوائية اللي احنا فيها…لازم كلنا نستسلم لطرف واحد لقوه واحدة عشان يتوحد راينا المتبعثر زي اشلاء متعفنة ..ممكن السلبية تكون هي مخرجنا الوحيد ..بدانا ثورة ومعرفناش نكملها صح ..طلبنا حرية الراي ..وللاسف اصبحنا كلنا بنتكلم فنفس الوقت ..كلنا بقينا طرش..فقدنا السمع نهائيا ..فبقينا نتكلم وبس من غير ما نسمع عمالين ننهش فبلدنا وكانها ذبيحة ووقعت ومطلوب مننا زي الضباع نلحق منها اللي نلحقه ..مش عارف ليه مش حاسس ان في حد عايز يحل مشكله …شايف بس ناس عماله تطرح فمشاكل …يمكن عشان انا بعيد عن مصر ..لاكن احوالها واخبارها تكفى للتنبؤ” بفوضى مزمنة” ..مفيش حد عايز يدي فرصه لمصر شويه ..كل عايز حقه كل الناس فاقت وصحيت الوقتي وعايزه حقها باسرع وقت ..الوقت ازف خلاص .محنا بنتسرق 7000 سنة ..خلاص مش قادرين نصبر كام سنه ونشوف مصر بتقف على رجليها تاني ..احسن حاجه الوقتي هي الاستسلام ..واكيد الناس اللي لسه فيها روح تعافر وتطالب بمطالب تعجيزية فوقت قاتل ومش فصالح مصر هتعرف وهتندم انها مصبرتش شويه على بلدها لحد ما تتعافى بعد ما ياكلهم الجوع وينخر فدماغهم كآبة المستقبل المظلم ….اطلعوا كل يوم وكل ساعة في مظاهرات ..وانا كل يوم من مكاني هتفرج عليكوا واشوف هتودوا مصر فين بعشوائيتكوا دي…هتسالوني بوجه الكلام لمين !!! للاسف اللي بوجهله الكلام مشغول بصنع اكبر قدر من الفوضى .

اخبار ومواضيع ذات صلة:

اخر الكلام

أضف تعليقاً