اغنية مرسي الجديدة

اغنية عن الرئيس محمد مرسي الجديدة

اغنية مرسي الجديدة

كتبت: ندى المصري

رد مجموعة من الشباب على الكلام عن انجازات المئة يوم الذي تضمنه خطاب الرئيس محمد مرسي الاخير في ستاد القاهرة بمناسبة حرب اكتوبر، بنشر اغنية جديده عن الرئيس محمد مرسي على موقع يوتيوب وصفحات مواقع التواصل الاجتماعي، وكلمات الاغنية مأخوذة من الهتافات التي تتردد في مظاهرات بعد تولي الدكتور مرسي لحكم الرئاسة مصر وتندد بسياسته. .

لخصت اغنية محمد مرسي الجديدة المعاناة اليومية التي يحياها الشعب المصري والتي بدا ان الرئيس لا يعلم عنها شيئا سواء بسبب ارتفاع الاسعار وكذلك مشاكل انتشار وتراكم القمامة في المدن والقرى وازمة انابيب الغاز ورغيف الخبز وارتفاع اسعار الخضار واللحوم والبنزين والسولار وغيرهم .

اغنية محمد مرسي الجديدة

اغنية مرسي الجديدة

وتتضمن اغنية مرسي الجديدة اتهام بالتنصل من وعوده خلال انتخابات الرئاسة والتي قطعها على نفسه لتحقيقها في المئة يوم الاولى، ومنها تغيير وموازنة الجمعية التأسيسية لكتابة الدستور والقصاص لحق الشهداء وذكرته بكلامه عن الديمقراطية والعدالة الاجتماعية وتطبيق دولة القانون والتي تنافت قرارات مرسي خلال المئة يوم معها .

واخر رسالة يوجهها الشباب في الاغنية الجديدة الى الرئيس محمد مرسي هي ان الثورة مستمرة طالما لم تتحقق مطالبها التي نادت بها من البداية وهي عيش حرية عدالة اجتماعية وكرامة انسانية .

كلمات اغنية محمد مرسي الجديدة عن المئة يوم

  • اصحى يا مرسى و صحى النوم …. عدوا و فاتوا ال 100 يوم
    اصحى يا مرسى بلاش تهجيص …. احنا زهقنا من الترقيص
    مشروع نهضه طلع فنكوش …. و ال 100 يوم كانوا حلق حوش
    100 يوم خلوا العيشه تييييت …. مرسى بيجي مصر ترانزيت
    بيب بيب بيب بيب
    100 يوم مش لاقييين انابيب
    الانبوبه ب 100 جنيه
    الغلابه هيعملوا ايه
    و البنزين ولا السولار
    الطوابير من دار ل نار
    غنى علينا بناى و كمنجه
    ساب الباميه و قال على المانجه
    يا مرسي فى بيتكوا بتطبخوا ايه …. 100 يوم قوطه ب 10 جنيه
    يا مرسي فى بيتكوا بتشوو فراخ …. 100 يوم عيش دوخنا و داخ
    100 يوم عيش دوخنا و داخ
    يا مرسي فى بيتكوا بتعملوا لحمه ؟؟
    100 يوم عدوا ما شوفنا الرحمه
    حد ادنى للاجور
    مطلب ثوار مع جمهور
    مرسي يا مرسي يا مرسي يا مرسي
    يا العداله يا اما الكرسى
    احكى يا مرسى على المرور
    لف يا مرسى علينا و دور
    لا لا و لا لا و لا لا …. احكى يا مرسى عن الزباله
    و احكى كمان على سيناء كتيير …. على الارهاب و على التهجير
    قال هيجيب حق التحرير
    كرم عنان و المشير
    قال هيوازن التأسيسيه
    100 يوم عدوا و خيبه قويه
    قال هيهكل فى الداخليه
    و الداخليه هي هي
    قال هيجيب ديموقراطيه
    ساب جماعته مش قانونيه
    قال جاى يحكم بإسم الدين
    ساب اخواتنا فى الزنازين
    قال هيجيبلنا هيبه الدوله
    100 يوم شايفين خيبه الدوله
    قال مش جاى بقميص و حراسه
    ناقص يمشى معاه قناصه
    الجرافيتى … و دانيال
    100 يوم خلوا العيشه شمال
    اخون اخون فيها كمان …. 100 يوم بيعين اخوان
    هتحقق فى محمد محمود …. حق اخواتنا اكيد هيعود
    القصر العينى
    و فى ماسبيرو
    القصاص و مفيش حاجه غيره
    حق الاولتراس راجع راجع
    100 يوم عدوا الم و مواجع
    مرسي يا مرسي يا مرسي يا مرسي
    ثوره و قامت للحرية
    و العداله الاجتماعية
    انا مش خايف زى زمان
    لسه الثوره فى كل مكان
    لو ضربونا فى الشوارع …. صوت الثوره طالع طالع
    لو مسكونا فى البيوت …. بردوا الثوره مش هتموت
    علي فى سور السجن و على …. بكره الثوره تشيل ما تخلى
    علي يا مرسي كمان و كمان …. بكره نشيل و الزور هيبان
    علي يا مرسي كمان و كمان ….صوت الثوره فى كل مكان
    علي يا مرسي كمان و كمان ….صوت الثوره فى كل مكان

فيديو يوتيوب اغنية محمد مرسي الجديدة : اصحى يا مرسي

اخبار ومواضيع ذات صلة:

اغنية محمد مرسي الجديدة: اصحى يا مرسي وصحي النوم – يوتيوب فيديو

69 comments
  1. شريف المصرى 20/03/2013 16:35 -

    زى ما فينا المحترمين فينا أكثر المفسدين والمجرمين لذلك لا يمكن أن أخطأ فى حق الشعب زى ما فى ناس كتيييييير تقول ده شعب يستاهل ضرب ال……….كده عيب قوى

  2. شريف المصرى 20/03/2013 16:32 -

    نفسى حد يقولى تعالى طلع معانا الفساد اللى فى البلد بشرط يحمينى والله العظيم يمكن ما أنام من كتر الشغل على المفسدين بس أضمن أنهم يتحاسبو صح وياخدوا جزاءهم المناسب كى يتعظ منهم الأخرين

  3. شريف المصرى 20/03/2013 16:27 -

    أقول وأمرى إلى الله ……. أنا مصرى ولا يهم مين اللى يحكم على الأطلاق فهذا البلد مصر الحبيبة محفوظة بأمر الله ولكن لا وجه للمقارنة بين الرئيس | الدكتور مرسى ومن سبقه دون أى خطأ فى شخص بعينه [ولكن اللى عاوز أقوله أن مصر بدأت تسير فى الأتجاه الصح وعلشان الحرامية والمنتفعين والمتسلقين من وجود النظام السابق هيتجننوا علشان الحنفيات هتتقفل على مصالحهم شعب عدده تسعين مليون فيه موش أقل من خمسين مليون فاسد وكل واحد بطريقته وأتحدى لو كلامى فية غلط بل أكثرررررررررررررر وعلى مسئوليتى

  4. منه الله وائل منير حسين احمد 09/03/2013 00:58 -

    اغنية محمد مرسي جميلة

  5. والله عيب عليك يا ريس الشعب متبهدل 
    وانت بترقص مينفعش كدة البلد كدة تخرب
    والله العظيم حرام الشهداء تموت 
    وهوة يرقص 
    والله حرام عليك يا مرسى
     

  6. ابوعبدالرحمن 25/12/2012 06:59 -

    بالله عليكم أيام الطاغية حسني مبارك كان حد فبكم بيقدر يفتح فمه

  7. عايزة اقول حاجة اننا ظالمنا مرسى لان مرسى اصلا مش رئيس لدوله مرسى مجرد الاه فى ايد المرشد (الاخوان) بيحركوا حيث ما شائوا
    اللى بيحكم مصر المرشد و الشاطر

    يارب يستر على البلد من هذا الطوفان

  8. انا عايزة اعرف الشيخ صفوت حجازى داعى مسلم ولا سياسى فاشل انا كنت باسمعلة جداااااااااااا بعد ما دخل فى السياسة انا اسفة انى اقول مبقتش اصدقة لان الكلام معظمة كدب اتمنى انه وكل الشيوخ اللى ادخلوا نفسهم فى السياسة يبطلوا سياسة ويخليهم فى دينهم علشان يرجعوا ثقة الناس فيهم مرة ثانية

  9. fadwaana 07/12/2012 17:13 -

    لا يختلف عن نظام مبارك تك خيبة يا اخوان

  10. الشعب المصرى عاوز واحد يغنى له اخترناه
    وعاوز واحد فرعون يحكموا
    هو اللى ولف على الزل بيدمنوا للاسف الله يصبرك يا مرسى على شعبك وبخاصه الناس الزباله الله عاوزه واحد يضربها بالجزمه لانها ولفت على عدم الاحترام
    الله يكون فى عونك يا مرسى
    ويجعل صبرك اخرو الجنه

  11. هند المهندس 12/11/2012 21:48 -

    فعلا فيه ناس مش وراها إلا الكلام دة لدرجة انهم من كتر ما بيرددوه بقوا يغنوه
    هوا ده اللى ناقصنا يا جماعة عيب عليكم لو كل واحد اتقى ربنا فى عمله هيلاقى كل ما يتمنى واكثر مصر مليانة بالخير والله الناس اللى بتقول الكلام دة عاملين زي الطفل الصغير اللى ابوه قالوا هاجبلك حاجة حلوة لما اخلص شغلى ولما اتأخر الأب عن ابنه شوية ضرب الإبن بوز وقال له انا ما بحبكش انا زعلان منك انتا ما جبتش الحاجة الحلوة اللى قلتلى عليها ليه
    يا جماعة الصبر والخيرجاى بإذن الله بس انتوا اشتغلواوبلاش كلام كتير لأن دماغنا وجعتنا خلاص

  12. اللي مش قادر يقعد في بيته الثورة قامت بعد 30 سنة ومش معني كده انها هتقعد 30 سنة تاني لا اللي مش هيعترف بكده بيكدب علي نفسه مش ع الناس وطبعا زي منظام مبارك بيقول ع المعارض ارهابي وعميل انا عارف هيتقال عليا علماني وليبرالي ويمكن كمان بحارب الدين اههههههههههههه بجد كان حلم حلو عشناه 18 يوم وشكله راح لكي الله يامر

  13. عصام عبدالمنعم 29/10/2012 11:06 -

    ثوره و قامت للحرية
    و العداله الاجتماعية
    انا مش خايف زى زمان
    لسه الثوره فى كل مكان
    لو ضربونا فى الشوارع …. صوت الثوره طالع طالع
    لو مسكونا فى البيوت …. بردوا الثوره مش هتموت

  14. مسلم وبس 29/10/2012 01:03 -

    يا جماعة هو فيه حاجة في الإسلام إسمها إخوان دول أعداء الوطن والدين
    وكل غايتهم الكرسي جعلوا من الرئيس إله ومن المرشد إله فوق الإله ولا إله إلا الله
    ربنا على الظالم والمنافق والكذاب

  15. مصري 24/10/2012 18:08 -

    دي اغنية سافلة من شوية مقاطيع ولكن لن تصل البلاد الي مايريدة اعدئها باءيد جهلها فلا لن تكون مصر الاقوية انبحو واعوو ممكن كمان تنونو انتم لاوزن لكم ولاقيمة يا فشلة بقوة

  16. ناصر على 22/10/2012 18:49 -

    الفشل الذريع للاخوان يجعلهم يقولون كلاما غير مقنع بالمرة من نوعية وهل أيام مبارك كنت ….أو كذا …. وأقول للاخوان الذين لا يفهمون ولا يستحون ولا يرددون الا ما يأمرهم به مرشدهم ..أقول لقد قمنا بالثورة وأسقطنا مبارك وكلامكم بهذا يعنى اعترافا ضمنيا منكم بأن مرسى هو مبارك .. لكنكم لن تتركوا الحكم الا بالدماء ..سبحان الله أسقطنا مبارك وفرضت علينا أمريكا الأسوأ منه بمراحل

  17. ناصر على 22/10/2012 18:33 -

    اللجان الالكترونية للخوان تدافع بالباطل عن الفاشل مرسى لأن الاخوانجية ليس لديهم الا السير على نفس سياسة مبارك وأسوا مع أخونة مصر..الاخوان يكذبون كما يتنفسون ويخدعون البسطاء ولكن حقيقتهم السوداء انكشفت وبانت ..كانوا ينتقدون مبارك وهم يقلدونه فى كل شىء وأسوأ..مصر الى الهلاك والضياع اذا استمر حكم الاخوان ..عاد الغليان فى أحاديث الشعب مرة أخرى مثلما كان فى سنوات مبارك الأخيرة….الغريب تلك العلاقة المريبة بين الاخوان وأمريكا واسرائيل وبالطبع قطر !!!!!

  18. ابومعاذ 22/10/2012 06:14 -

    اللهم وفق عبدك محمد مرسي الي صالح البلاد والعباد واحفظه ياربي من كيد الكائدين وحقد الحاقدين وصل اللهم وبارك الي سيدنا محمد وعلي اله وصحبة وسلم تسليما كثيرا

  19. يويو 21/10/2012 16:15 -

    من يوم ماهو جه مصر مش شايفه يوم والبلد في ايد الاخوان ومش عملو حااجه واحده بس توحد ربنا وانا عايزه اعرف ففين مشروع االنهضه

  20. salma.moon 17/10/2012 23:18 -

    اللهم وفق رئيس مصر واصلح البلد التى زكرت فى القراءان

  21. salma.moon 17/10/2012 23:14 -

    رغم ان حال مصر مش عاجبنى وبالذات الامن والامان اللى بقينا بنفتقده بس لازم نخلى فيه يقين بالله ان ربنا مع مصر ومع اهلها وكل الشعب دعا اللهم ولى من يصلح يبقا لازم نثق فى اختيار ربنا ونصبر وربنا قادر يصلح البلد اللى زكرها فى القراءان اللهم وفق مصر للخير اللهم امين

  22. ابوايوب 17/10/2012 19:53 -

    يجب على الشعب المصري أن يحترم شخص فرض نفسه على جميع رؤساء العالم بدل ماكنتم عالم ثالث بدأ نقلكم إلى اللتطور

    ايها المغنون

    الا يكفيكم إنكم انتخبتم اللص أحمد شفيق

  23. والله المشكله مش في الاغنيه ولا في كلماتها المشكلة ان الراعي يوصل الرعيه انهم يصرخوا ويبكوا من الاحتياج……الرسول قال كلكم راع وكل مسئول عن رعيته………..المشكله ايضا اننا كنا مدفونين زمن وحطينا املنا في راعي جديد ووعد ولكن لا جديد

  24. اصل الشعب ده شعب وسخ كان حلال فيه شفيق والله خساره فيه الرأيس مرسي

  25. ثورة 16/10/2012 16:52 -

    كل كلمه فالاغنيه حقيقه مهما انكرتوا ولو سالت الشهداء هتلاقيهم دلوقتى بيغنوها

  26. شعبان سعد 15/10/2012 22:41 -

    حاسب نفسك قبل ماتسأل مرسى انت عملت ايه للبلد ولا هى بلد مرسى بس هل تصفق اليد الواحدة يا بنى ادم ولا انت اعد تعد الايام علشان تفرح وتقول مرسى فشل لو ده تفكيرك تبقى مش مصرى

  27. شعبان سعد 15/10/2012 22:36 -

    لو دول شباب الثورة يبقى مكنتش ثورة يبقى دول شوية عيال طلعوا يلعبوا لقو نفسهم ثوار لو بنفهم صح نصبر شوية اللى بيقول مرسى عمل ايه فى الميت يوم هل سأل نفسة هو قدم ايه للبلد فى حياته

  28. توتا 14/10/2012 01:14 -

    يت جماعة ارحموا مرسى شوية الراجل ما صدق يشوف قصور وراحة فى القصر قال اريح شوية اللى خلاهم يصبروا 30 سنة مش قادرين يصبروا 100 يوم سيبوا الراجل يشوف النظافة شوية اصله تعبان من النوم على البرش 30 سنة وقال هيييييي شوفت سرير انام عليه

  29. احمد السيد 13/10/2012 14:16 -

    طيب هو وعد بى 100 يوم بس هيجرى ايه لو صبرتو عليه شويه منتو ساكتين من 30 سنه وكنتو ساكتين ومفيش حد فيكو فتح حنكه الان قوله بيسن السكاكين طيب هنشوف انتو هتروحو بالبلد على فين

  30. العمده مناع 13/10/2012 11:47 -

    والله كلام معقول هو مرسى عمل ايه لشعب مصر كل الصور دى مضبوطه عليه علشان معملش حاجه خالص وكفايه الاسعار النار دى احنا مش عارفين نعيشوا ولا رقابه على الاسعار وكل بياع يبيع بالسعر ال عاوزه وانت غصب عنك وعنى بنشترى امال الثوره دى قامت ليه علشان كانت الاسعارمرتفعه والشعب مش عارف يعيش وفين العداله الاجتماعيه ال بينادى عليها والله فيه ناس متبتهم 400 جنيه فى الشهر ده اسمه كلام  ذنبك ايه انك بتشتغل فى شركه غزل ونسيج اضعف الشركات فى المرتبات وانا بشتغل فى شركه بترول أو شركه كبيره ذنبك ايه تقف فى طابور العيش علشان تجيب لاولادك ب2 جنيه وال شغال فى بنك او فى شركه بترول مش عايز الرغيف ده ويقدر يجيب  كل يوم لبيته ب10 جنيه من بره اصح يامرسى شوف الشعب عامل ايه فى حسره والله الناس سخطه جدا من تصرفات الاخوان واولهم مرسى ما صدق ركب الكرسى وحسبنا الله ونعم الوكيل والشعب له ربنا

  31. ماجد موسى 12/10/2012 21:59 -

    ربنا يعين الرئيس مرسى على الأشكال دى / لا منهم ولا كفاية شرهم / الرجل يعمل بكل همة ونشاط فى جميع الاتجاهات الباقى علينا / بدل الكلام الخايب هيا نفكر فى حاجة تنفعنا وتنفع بلدنا

  32. كلمات واحد خايب 12/10/2012 21:56 -

    كلمات متخلفة تدل على عقل سطحى وتفكير منحط يا ريت الشعب كله يشتغل زى الرئيس بلدكو خرابة وأمخاخكو فاضية إنتو بتثبتوا إن اللى ينفع معاكو واحد يديكو بالجزمة موش واحد مخلص ومؤدب / عاوزين حاكم عسكرى مع أمن الدولة والشغلالقديم / والله مرسى خسارة فى البلد دى

  33. اسامه 12/10/2012 14:48 -

    اذا كان حساباته خانته في ١٠٠ يوم فده من تفائله بالشعب المصري ولكن بعض اصحاب النفوز القديم واصحاب النفوس الضعيفه وعدم صبر الشعب فدة اثر بشكل صعب وصدقوني محمد مرسي كان متوقع ان الشعب هيكون ايد واحده ولكن خانه فئات كثيره من الشعب لابيصبر ولا بيعجبه اي شي 

  34. اسامه 12/10/2012 14:44 -

    والله حرام يا جماعه والله محمد مرسي لو عنده المقدرة يصلح هيصلح بس يا شعب مصر الاصلاح محتاج وقت ولازم نصبر شويه والشعب المصري صبور وبيستحمل . متفائل خير بالرئيس وان شاء شعب مصر هيحبه ويقدر يعرف مين محمد مرسي 

  35. على البس 11/10/2012 22:43 -

    هو الريس مرسى حيلاقيها من مين ولا مين ياشعب عاوز يتحزم ويرقص ربنا معاك ياريس ومش حيضيعك أبدا ومن توكل على الله فهو حسبه   

  36. مصري 11/10/2012 13:20 -

    ولمن هو حزين علي عدم الرد عليهم من قبل الرئيس
    فالرد الحقيقي هو
    كن كالنخيل عن الأحقاد مرتفعا ترمي بحجر فتؤتي أحسن الثمر

  37. مصري 11/10/2012 13:18 -

    المثل يقول عن هؤلاء المعارضون
    إن جالك العيب من أهل العيب يبقي مش عيب

  38. طارق مصطفى 10/10/2012 23:23 -

    الاخوة اللى مش عاجبهم الفيديو..ممكن حضراتكم تقولونا لية عملنا الثورة..حاجة تانية اية هى انجزات محمد كرسى دة قبل الثورة .ةبعد الثورة او فى الميت يوم ..يمكن احنا مش واخدين بالنا من انجزاتة

  39. حنين احمد 10/10/2012 22:39 -

    بجد شيئ محزن ومخزي  30 سنة جوع وفقر واهانة ومذلة وزبالة وسرقة فلوسكو وثروات بلدكوا وما كانش في اي صرصار يقدر يعلق بس علي لون كرافتة مبارك كان يتسحل ويتسجن ويضرب بالجزمة وماحدش يقدر يفتح بقه  دلوقتى جالكوا راجل محترم  حليم  واتقوا شر الحليم اقسم بالله لو انا مكانه  الم كل الزباله اللى بتشتم فيه 24 ساعة في زنزانة واحدة مع شوية تعابين علي عقارب ربنا ينتقم من كل ظالم وينصر الحق وتموتوا بغيظكم ان شاء الله

  40. عيد شر ع الله 10/10/2012 20:24 -

    خيبة قوية عليكم ، أدى ضريبة الديمقراطية
    معرفتوش تحاسبوا حرامى فى ٣٠ سنة سرقة ونهب
    جاين تحاسبوا رجل شريف على ١٠٠يوم
    حسبي الله نعم الوكيل

  41. د/ أيمن الطوخي 10/10/2012 16:47 -

    اتقو الله شباب مصر عيب عليكم يا شباب مصرتغلطو وتجرحو في رئيسنا الرمز الي بيمثلنا حاولو تنسو الشخصنة والعداءات الشخصية والطائفية وتفكرو في مصلحة مصر بجد ربنا يهديكم

  42. ياناس خافو ربكم  الرجل اصبح رمز لكل المصريين واى اساءه له تعتبر اسائه على كل مصرى ومصريه     مية يوم   تحكموا على الراجل ومش عاجبكم ازاى اتحملتوا الذل والاهانه والجوع والفقر اربعين سنه (رغم ان مصر من اغنى الدول ) لاعاجبكم العجب ولا الصيام فى رجب  اهدوا شويه واعقلوا التوفيق لمصر العروبه 

  43. مصر القوية 10/10/2012 00:44 -

    طبعا محدش يقدر يلوم لجان الاخوان الالكترونية على المدح والكلام الكذب عن محمد مرسي لانه ده اكل عيشهم  ياريت بس تنزلوا تعيشوا وتشوفوا الشعب على الارض وان ولا حاجة اتحققت من وعود ال 100 يوم الاولى ولو الريس كان بجد ناوي يعمل حاجة بدل ما يكدب على الشعب ويقول اتحققت 70 ولا 80 في المية من الانجازات يعترف بالحقيقة المرة وكل الانجازات او اللي مسميها انجازات لصالح جماعته وبس وتحية كبيرة للراس الكبيرة ومرشد الخرفان بديع

  44. محمد 10/10/2012 00:00 -

    استنوتوا 30 سنة ليه كنتم بتخدوا بال………….بتتكلموا دلوقتى

  45. Mohamed Sadek 09/10/2012 21:28 -

    خيبة قوية عليكم ، أدى ضريبة الديمقراطية 
    معرفتوش تحاسبوا حرامى فى ٣٠ سنة سرقة ونهب 
    جاين تحاسبوا رجل  شريف على ١٠٠يوم 

  46. مهندس / خالد 09/10/2012 21:21 -

    والله عيب عليكوا …. دا رئيس مصر …. يا…..
    فكر شويه اذا كنت تهزء من رئيس مصر وأنت مصري بالتأكيد مستواك أقل من مستواه بمراحل . يعني كل لفظ جارح له اضربه × 1000 عشان تكون انت .
    دا رمز مصر ياكلاب

  47. ياسو الاسد 09/10/2012 20:19 -

    الكلاب تنبح والقافله تسير وكل من شارك في هذا العمل خليه يهوهو براحته رغم عدم رضائي الكامل عن اداء الريس خلال ال100 يوم واكتر حاجه مختلف معاه فيها تساهله مع من يهينه

أضف تعليقاً