البابا شنودة الثالث يلقي نكت مصرية جامدة  و نكت صعايدة

البابا شنودة الثالث يلقي نكت مصرية جامدة و نكت صعايدة

نكت البابا شنودة

نكت مصرية جامدة | نكت صعايدة

مصريات

انتشرت بين موبايلات الشباب القبطى مقاطع صوت ل نكت مصرية جامدة منها نكت صعايدة ألقاها البابا شنودة الثالث فى عظاته  وبعض ردوده الكوميدية على أسئلة الناس و التى حملت اسم “ قفشات البابا شنودة ” .

نكت صعايدة و نكت مصرية جامدة
و يحتل الصعايدة و الحاخامات اليهود المركز الأول من نكات البابا الذى يعد أول من أطلق النكات على الحاخامات اليهود فى مصر .
و هو البطريرك الوحيد من بين 117 بطريركا فى الكنيسة القبطية الأرثوذكسية عشق النكتة و يحرص على قولها فى عظاته الأسبوعية لدرجة أنه قال ” الناس كانت فاكرة إنى لما هبقى بطريرك هبطل ضحك … بس ماقدرتش ” .

كاهن وشيخ وحاخام ” رجل الدين اليهودى ” ماشيين مع بعض فسئلهم شخص إزاى هتقسموا الفلوس بتاعتكم بينكم وبين ربنا؟ الكاهن قال ” أنا هاعمل دايرة كبيرة على الأرض وجواها دايرة صغيرة و هرمى الفلوس فيها و اللى هيجى على الدايرة الكبيرة من نصيب ربنا و أنا الدايرة الصغيرة … و الشيخ قال : أنا هدفع الزكاة . والحاخام قال ” أنا واثق إن ربنا كبير , و قادر على كل شىء علشان كده أنا همسك الفلوس بإيدى و ارميها له كلها لفوق؟ ياخد الى ياخده و ينزلى الباقى .

و عن مصريف الإكليل ” رسوم الزواج التى يتم دفعها للكنيسة قال له شخص إنها غالية فرد عليه ” أحسن حاجة إنكم تدفعوا اللى تقدروا عليه و تكتبوا بالباقى شيك أمانة للكنيسة و تبقةا متجوزين شكك ” .

لأن القسيس لما يكون مستريح من الناحية دى يصلى ان حياة العروسين تكون حلوة ؟ لكن لو ” دققتوا عليه ” مين عارف فى سره هيقول إيه ..؟

و سأله شخص ماذا يفعل لأنه فقد جزمته بالكنيسة ؟! .. فرد عليه ” لما تيجى الكنيسة تتناول ” طقس كنسى أثناء إقامة القداس ” تعالى بأقدم جزمة عندك !.

و قال نكتة عن خورى – شماس – فى الشرق الأوسط فقال كان خورى فى الكنيسة فقال للناس إيش ده اللى بيحصل وسيطكم؟ إن بعضكم بيسب الدين لبعضكم ما يجوز هذا الكلام , شوفوا تلاتة بالله العظيم اللى فيكو بيسب الدين لأخوه أنا هسبله دين أبوه !.
و عن الكهنة قال ” ما يصحش إن الكاهن يدخل بالموبايل فى الكنيسة أثناء القداس الإلهى لازم يسيبه فى البيت , وإلا وهو بيصلى ويقول” يا الله العظيم الأيدى ” صلاة داخل القداس ” … بعد إذنك يا رب أرد على التليفون وأجيلك شويه!
ورد على سؤال آخر بخفة ظل فسأله شخص ماذا أفعل فى النسيان دائما أنسى , أدخل الكنيسة أسمع القداس و الوعظة و أحفظ ترانيم ومتى أخرج أنسى كل شىء ولا بفتكر حاجة ..!

فرد عليه ” ما أنا خايف أقولك الإجابة تنساها ….واحد بيسأله أنا بنام فى إجتماع قداستك أعمل إيه ؟ .. فرد عليه ” فكرنى أعمل اجتماع و أنت صاحى “.

نكت صعايدة و نكت مصرية جامدة
واحد صعيدى صرخ بصوت عالى و قاله أنت ” جاموس ” يا سيدنا ” يعنى قاموس ” فرد عليه وقال الرك على العجول ” يقصد العقول “.

نكت مصرية و ردود من البابا شنودة
سأله شخص أنا عاوز أتجوز بس عندى 55 سنة ؟ رد عليه : إذا كان سنك 55 سنة يبقى لازم تتجوز أم 44 .

نكت مصرية
مذيع سأله وقاله صحيح يا سيدنا ما تردد أن الأقباط و الكنيسة هتعمل دولة خاصة بهم فى أسيوط ؟ فرد قائلا : إزاى الكلام ده ؟ احنا عندنا أساقفة كتير أوى هنوزعهم إزاى على أسيوط؟! و استطرد ضاحكا ممكن نخلى كل أسقف على حارة و ممكن نسميهم الآباء الحواريين .

سأله شخص يا سيدنا الشيطان دايما بيحاربنى ويخلينى أعمل الخطيئة .. فرد عليه .. ” حاول تتفاهم معاه وقله ( ابعد عنى يا شط شط ! ) “.
نكت صعايدة
سأله صعيدى … يا قداسة البابا أنا صعيدى و بلديات قداستك وجاى مصر علشان أسأل سؤال واحد هل فى يوم القيامة هانقوم صعايدة زى ماحنا ولا لع ؟ فرد عليه فى الدينونة ” اليوم الآخر ” مش هتقوم صعيدى ربنا هيكون صلحك على الآخر؟.

اخبار ومواضيع ذات صلة:

Advertisement

البابا شنودة ابن نكتة | نكت مصرية جامدة | نكت صعايدة

28 comments
  1. ماريا المسيحية 18/06/2012 22:28 -

    علي فكرة يا عمااااااااد البابا قال يسبلة دين ابوة بجد بس كان بيهظر

  2. مسلمة ولكن أؤمن بكل الاديان السماوية 29/05/2012 01:57 -

    يا جماعة ياريت نفهم احنا مسلمين ولازم يكون كلامنا الطف من كدة والبابا شنودة انسان محترم ربنا يخليه لكل مسيحى احنا ملناش دعوة الا بدينا احنا احنا كلنا مصريين وكل واحد بدينه (لكم دينكم وليا دينى ) احنا منرداش ان حد يغلط فالى حاجة فى ديننا صح ومحدش هيغلط فى ديننا واحنا كمان منغلطش فى دين حد ونعبر عن وجهة نظرنا بكل ادب واحترام وربنا يحميسنا من كل شر

  3. مرة واحد بخيل جدا قال لابنه روح هاتلى بتعريفة جبنة ابنة راح وجة قال له بابا
    عمو بيقول لك تعل الحس السكينة ههههههه

  4. ادم المسلم 17/04/2011 23:30 -

    نعم انه راجل محترم والاخ الى بيقول دخلتوا الدين فى النكت والكلام ده اقوله بلاش تعصب يااخى وماتخليش الناس تفهمنا غلط انا الحمد لله مسلم وباحترم شيوخنا لما تقول نوع من الفكاهه او النكت فى وسط المحاضرة لكى يلفتو نشاط الناس ويجددوه والبابا شنوده بالفعل رجل دين له مكانته عند المسيحيين والمسلمين ايضا له احترامه
    وباقول لكل مسلم وكل مسيحى هنا الله واحد مصر للجميع مسلم مسيحى كلنا ايد واحده

  5. maged makram saad 13/04/2011 12:33 -

    ربنا يديك طولة العمر يا قداسة البابا ويحافظ عليك يا خليفة مارمرقس وربنا يسامح اى حد قال كلام غلط على قداستك او كلام مينفعش يقال

  6. مسلم وافتخر 10/02/2011 02:44 -

    اشهد ان لا اله الا الله وان محمد رسول الله

  7. الفرعونى 23/01/2011 23:48 -

    لماذا رفضتم تعليقى وليس به كلمه واحدة خارجة؟؟؟أظن أنكم متعصبون ودى اخر مرة أدخل على هذا الموقع0000

  8. الفرعونى 23/01/2011 20:03 -

    شكرا لجميع التعليقات المؤدبة عالية الذوق( سواء مسيحيين أو مسلمين) ما عدا بعضها—ولاحظوا الفرق بين نكات الأطهار ونكات الأشرار هل يوجد هنا كلام سفاهة؟؟؟ورجل الله هذا يعلم قول الكتاب(لا تخرج كلمة رديئة من أفواهكم)—ان قداسته رجل حساس خفيف الظل مرح القلب عايش قول الكتاب(افرحوا فى الرب كل حين)—أما بعض التعليقات غير المؤدبة:مثل (نادين)أقول لها واضح أن التعصب مالئ قلبك جدا—ول(زعيم المافيا):فعلا رأيك رأى زعيم مافيا———-ول(نزار-موبايل):كل اناء ينضح بما فيه— ********,نجانا الله من أمثالكم0 أنشر يا (مصريات )بدون حذف عملا بحرية الرأى000

  9. عبدالله محمد 29/10/2010 06:26 -

    انا طبعا مسلم و البابا شنودة راجل محترم جدا طبعا محدش يقدر يقول حاجه و راجل خفيف الظل وشكرا على هذه الجمل الظرفة

  10. محمد 20/09/2010 08:44 -

    والله انا شايف ان الراجل مقلش حاجة عيب ولا حرام هو بيهزر وهو حر ياعنى ماحنا عندنا شيوخ وبتهزر سآعات ليه مبنقلش حرام وانا مسلم طبعا بص بقول الحق والنكت للجميع :))

  11. يامسلم افهم دينك 10/09/2010 07:52 -

    اسمي أحمد واعتز بديني كل التحية والتقدير لقداسة البابا وربنا يطول عمره أما عن خفة ظله ودماثة خلقه لاتحتاج لتعليق وأنا اعتذر عن ردود بعض الجهلاء اللي بيعرض أعظم شهادة يعتز بيها المسلم ( شهادة أن محمد رسول الله ) للاهانة لانه مش فاهم دينه مطلوب منه احترام عقائد الآخرين وشكرا

  12. طبعا محدش يقدر ينكر خفة ظل قداسة البابا وشخصيته المحبوبة ربنا يديم حياته ويخليهولنا بس عندى طلب من مديرى الموقع يا ريت منع التعليقات السخيفة اللى بيكتبها الاشخاص الحقودة ديه خاصة لو كانت مفعمة بالجهل والغباء دى ناس ما تنفعش تعلق على حاجة اخرهم يعلقوا خيبتهم على قفاهم ويمشوا بيها

  13. اشهد ان لااله الا الله وان محمد رسول الله

  14. ربنا يخليك لينا قداسه البابا شنوده

  15. البابا شنوده انسان محترم جدا وانا سمعت حديثه مع لميس الحديدي وكان حديث رائع

  16. اللهم ارحمنا والحمد لله علي نعمه الاسلام .

  17. adelaziz 08/07/2010 09:34 -

    الدنيا كلها بتضحك مع احلى ضحكة من البابا لان ابتسامته بتنور الحياة وتعطى الامل

  18. دميانة 17/06/2010 13:35 -

    البابا شنودة دة بركة كبيرة اوي وكمان دمة خفيف في عظاتة معنا وفي كلامة كمان 0 والشخص الي كاتب الكلمة دي مش محترم وزي ما الاستاد عماد بيقول حاسب علي كلامك شوية 0وبعدين شوف الابتسامة الحلوة بتاعت البابا ملاك وشكراااااااااااااااااااا00000

  19. نيزار 0114424795 14/06/2010 08:40 -

    استغفر الله العظيم فعلا اللهم لاتؤاخذنا بما فعل السفهاء منا ودة سفية

  20. البابا شنوده انسان محترم وانا بيعجبنى فيه انه شاعر وكمان دمه خفيف واعتقد انه مفيش مانع انه يشد انتباه الحاضرين ويجدد نشاط عقولهم بنكته محترمه تغير جو الالتزام والوعظ شويه لان لو الحال طول على الانسان فى شىء واحد ممكن ميركزش وشكرااا

  21. العنكبوت 18/03/2010 19:53 -

    ممكن يكون البابا يقول نكت لان في ناس بتزهق من كلام ربنا علي طول فهو بيقك عنهم شوية ههههه

  22. الفرعون الصغير 09/03/2010 02:35 -

    انا بحب البابا شنوده لانه انسان محترم جداجداجدا ومن احلى كلام البابا شنوده كلمت ربنا موجود

  23. زعيم المافيا 06/03/2010 01:06 -

    استغفر الله العظيم يارب حتى الدين بتطلعوا عليه نكت اشهد ان لا اله الا الله وان محمد رسول الله

  24. أمين 05/12/2009 21:05 -

    انا أشك فى ان البابا يعمل كده أولا هو انسان وأديب ومثقف وكان عسكريا يعنى أنسان ملتزم بس برضه هو مصرى والمصرى ابن نكتة وطبعا لمكانته تبقى قفشات حلوة مهذبة واحنا راضيين بيه كده.  عمااااااااااد لعلمك أنا مسلم

  25. عمااااااد 09/11/2009 08:33 -

    على فكره سيدنا البابا شنوده بيحب النكت و بيحب يقولها و ده مش شرط فى كل اجتماع طبعا …..بس استحاله عمره ما حاول يدس نكت سافله زى اللى انت دخلتها فى النص زى نكته (اسبله دين ابوه

    )…..و انت بتكتب حاجه على الناس البركه دول حاسب على تصرفاتك قبل ما تتحاسب عليها اخى العزيز و شكرا على النكت الممتعه اللى اتقالت فى قعده مصطبه …..

أضف تعليقاً