سيادة المشير: خللي بالك من الفانلة

بقلم : ‏محاسب / محمد غيث

دهشت وأيما دهشة وأنا أقرأ خبر سرقة حذاء السيد المشير طنطاوي من أمام مسجد القوات المسلحة بالنزهة ‏بمدينة نصر وأثناء تأيته لصلاة عيد الأضحي المبارك ، وعلي الرغم من أن هناك الكثير والذي يمكن قراءته  في ‏هذا الخبر الهزلي والمفضح والمخجل ؟ إلا أنني لم أتماسك نفسي من الضحك علي تلك التعليقات الصارخة من ‏شباب مصر علي مواقع الفيس بوك وتويتر وغيرها من مدونات ، ولعل هذه التعليقات الساخرة لو تمعنا قرائتها ‏بجدية وبعد أن نتكتم الضحك ؟ سنجد أنها تترجم وبكل الصراحة والشفافية المزاج السياسي العام للشارع ‏المصري والأهم لشباب مصر الثورة ، بل ويقيناً لجموع مثقفي الدولة ، بالطبع سرقة حذاء المشير علي الرغم ‏من بساطة عنوانه إلا أنه يدل غلي أن هناك قصور أمني فاضح ومخزي ومخجل قد بلغ أقصاه ومداه لدي الحهات ‏الأمنية الموكل لها الحراسات الخاصة سواء عسكرية أو شرطية أو حتي مخابراتية ، فالقادر علي سرقة هذا ‏الحذاء يكون قادراً ولا محالة علي تفخيخه ووضع عبوة ناسفة بلاستية داخله وبكل المكر والسهولة ، وهو الأمر ‏الذي لابد أن نلفت النظر إليه ، وهو مايعني مياعة ورعونة القائمين علي أمن شخصية مهمة مثل شخصية ‏المشير طنطاوي وفي أيام سودة ؟ لم تشهدها البلاد ، بالطبع إن حدثت هذه الواقعة المضحكة فهي ربما تسنحق ‏منا التدقيق والتمحيص في مغزاها وماتحتويه من مضامين أمنية قاصرة بل وعاجزة ، ولعل هذه التعليقات التي ‏جمعتها من الفيس بوك وتويتر وغيرهم توضحان أننا بصدد شباب مثقف وواعي ( ومالوش حل ؟! ) وهو ‏مايجعلني أثق في أن تورة يناير المباركة بشبابها الواعي المثقف خفيف الروح والدم مازالوا هم الأقوي علي ‏أرض الواقع الفعلي ، وأليكم أهم هذه التعليقات الساخرة من شباب خفيف الدم :

*الشعب المصرى: سلمنا السلطه نسلمك الجزمه‏

* المفتش كورمبو: يا تري مين اللي سرق جزمة المشير  ‏1- حمبوزو لاوي بوزه‏‎ ‎‏2- سحس بومبا‎  ‎‏3- حامد مفيش فكة‎

‎… … ‎انا عرفت مين اللي سرق الجزمة‎ ‎‏..لو انت عرفت .اتصل من مصر علي علي س 28 نيابات‏‎ تكسب مدرعة من اللي واقفين في ماسبيرو‎ . وابقو قابلوني في الشهر اللي جاي مع حادثة جديدة من حوادث الجيش‎‏

* كده المجلس مسروق منه … عدد 1 جزمه و عدد 1 مدرعه‏‎

‏*لجنه تقصى الحقائق : لقد تم سرقه جزمه المشير وهو لابسها‎

* والي الان لم تتبني اي جهه او جماعه عمليه سرقه الجزمه ومازال البحث جاري

* منصور العيسوى:المشير معندوش جزمه اساسا‎  ….

‏*مرتضى منصور : انا عندى سيديهايه إللى سرق الجزمه ومعايه مقاسه كمان

‏* توفيق عكاشه: يا سياده المشيييير ماهو انت ياخويا لو كنت واخدها تحت باطك كيداهوّن وانت داخل مكنتش ‎إتسرقت

‎ ‎‎*‎‏ عصام شرف : هو ده عيد أيه بالضبط ؟‎

‏* احمد زوبيضر : هذا مخطط ماسونى لمعرفه مقاس المشير

*عمرو مصطفى:جزمه المشير اساسا فوتوشوب …. مرسومه على رجله ولا يمكن سرقتها … هذا خبر كاذب ‏‏*من منظمه بياده أون لاين لصالح كوتشيهات الاعداء

‏*منصور العيساوى:المشير معندوش جزمه اساسا‎

*التلفزيون المصرى :قله مندسه واصابع خفيه تلعب فى جزمه المشير ولكن مازال الرباط شديد بين الجيش ‏والشعب‎

*إحنا اسفين يا ريس: حمله مكثفه لجمع اموال لشراء بياده كلاركس للمشير بدل إللى اتسرقت بعنوان (إحنا ‏اسفين يا جزمة ؟‏

* حمله ترشيح المشير: ها هو المشير يسرق حذائه كمواطن بسيط ويلبس قبقاب كمواطن بسيط ويطرقع وهوا ‏ماشى كمواطن بسيط … يا له من مواطن حافى بسيط يستطيع ان يقود ابناء وطنه الحافين إلى إستقرار الكوتشى ‏وإنسيابيه الإسبدرين ورقى الكعب العالى وهيبه الشبشب أبو ورده‎

* طلعت السادات :يقدم بلاغ للنائب العام ضد 6 إبريل بأنهم هم من خططو لسلت جزمه المشير من امام باب ‏الجامع بتمويل صهيونى إرانى مستكوفى مستعفن‎                                    ‏* المجلس العسكرى: أيها الشعب العظيم لقد فقدت مصر جزمتا … من اشد الرجال … جزمتاً … من اغلى المحال ‏‏… جزمتاً … من اقوى النعال … جزمتاً … كان يضرب بها الرجال‎  …‎وبما اننا حمينا الثوره ومش عا رفين ‏نحمى الجزمه‎ ‎‏… فنناشد شعب مصر الشرفاء … إللى يلاقى الجزمه يسلمها لأقرب وحده شرطه عسكريه وهنيالك ‏يا فاعل الخير والثواب … وإلا المشير مش هيعرف يسلم العهده … وهتلبسوه للأبد …. والله الموفق والمستعان‎ بعد البيان مباشرة :اعداد هائله من الجزم تنهال بغزاره على المجلس العسكرى

. ‏*اللى انا عايز اسال عليه بكرة الشرطة فى الكماين بدل مايشوفوا البطاقة هيشوفوا مقاس ونوع الجزمة ولا ايه ‏؟؟؟‎

‏*محمود معروف : خبر من اليوم السابع بيقول سرقة جزمة المشير .. يعنى ايه الكلام ده؟‎ ‏

* مدحت شلبى : يعنى سرقة الجزمة بتاع سيادته مفهوم مفهوم‎ . ‏

* المشير : الجزمه الي حيلتي ضاااااااااااعت ضاااااااااااااااااعت …

شفيق : ياما قولتله يلبس الشبشب وهوا ‏مسمعش الكلام‎ ‏‎ ‏

*بس يا بختة , اكيد الجزمة اصلية‎ ‎وجلد طبيعى , لا صنع اليابان ولا صنع الصين‎  ‎دى صنع بلدنا ومبتتقطعش

‎‎‎ *‎‏ توفيق عكاشه : يابرادعى لو قلتلى نعل الجزمه دهون معمول من جلدة انهى معزه !!! انا هانتخبك رييييس‎ ‏

* احمد سبايدر : انا جاتلي مكالمة ماسونية بتقول ان هما الي سرقوا جزمة المشير‎ ‏

* عكاشة : يا دكتور البرادعي لو تعرف مقاس الجزمة كام قولنا يمكن ننتخبك‎

‏*عمرو مصطفي : الجزمة كان مقاسها 45 يعني نقص منها 20 يديك معاد الثورة‏‎ هتلاعبني بالارقام لا يا عدوي انا فاهمك …. ومفيش حد صلي العيد اصلا كل دا كان فوتوشوب‎

‏*مصدر في الجيش : حركة 6 ابريل تلقت تدريبات في الخارج علي كيفية سرقة الجزمة وتفكيك الرباط‏‎ ‏

* ابناء المخلوع وجماعة مصطفي محمود وآسفين ياريس ؟ قرروا عمل حزب ” آسفين يا جزمة “‏‎

‎ mohamd.ghaith @gmail.com

اخبار ومواضيع ذات صلة:

سيادة المشير: خللي بالك من الفانلة

10 comments
  1. سمير نصار 15/11/2011 04:59 -

    عقبال  لما  نسمع  خطف  المشير  نفسه  قريب  و يا ريت  ما  فيش  حد  يرجعه  لان  الثورة  نفسها  ترتاح  بقى  من  العسكر  و  اخبارة  —-شكرا

  2. السيد عبدالمعطى حسن 12/11/2011 21:40 -

    معقوله الشباب الذى بهر العالم بثورته العظيمه اصبح الان يتنكت على سرقة حذاء من امام مسجد مافتكرش ان اللص كان عارف انها تخص السيد المشير ياريت نبطل هيافه ونشوف البلد رايحه على فين ياشباب مصر

  3. طارق محمد 12/11/2011 13:47 -

    و الله الشعب ده مش فالح غير فى الهيافة و العبط و الهبل احنا قلنا بعد الثورة الناس حاتبدا العمل الجاد لبناء الوطن لكن كل اهتمامات الناس بقت فى الاستهزاء و التريقة و الاستظراف و الله شعب اهبل

  4. mohamed sorour 11/11/2011 12:26 -

    هو دةالى فالحين فية ياريت نتجة الى العمل من اجل التقدم مثل الدول الاوربية وهو سرقة حذاء المشير خبر يستحق كل هذا هو دة الذى ادى الى سرقة البلد بدل من ذلك لابد من القبض على السارق واعدامة ليكون عبرة لغيرة وصدقونى لن تصلح هذة البلد الا بعد اتخاذ القرارات ولا تراجع فيها وحرام عليكم البلد سبوها تتقدم واعملوا جميعا من اجل رفعة مصر وليس من اجل الحزب الفلانى او الشخص الفلانى مصر اولا ومصر فوق الجميع

  5. خيري حسن 10/11/2011 11:38 -

    خبر اليوم : روسيا ارسلت صاروخ الي المريخ , والصين ارسلت قمرا صناعيا الي المدار الفضائي . نحن في مصر ارسلنا الجزمه الي رؤوسنا !!!

  6. خيري حسن 10/11/2011 11:35 -

    بعد هذه التعليقات الجميله من شباب مصر الواعي الذي غبر بمصر من مرحلة التخلف الي مرحلة التصنيع الكبري حتي اضصبحنا بعد 25 يناير في مصاف الدول الكبري مثل اليابان والمانيا وفرنسا وايطاليا وانجلترا وامريكا و بل تفوقنا عليها ( بالكلام ) والهبل والعبط والسخريه من كل البشر , بل اصبحنا اضحوكة العالم عندما يقرأ هذا الموضوع ويعلم انه تمت السرقه من امام ( مسجد) اي ان السارق لم يخشي حرمت بيت الله ( قمة المهزله ) تخيلوا كم من وقت ضاع في كتابة هذه التعليقات المخزله التافهه من شباب تافه لاعمل له الا الوقوف باساعات في ميدان التحرير دون سبب وجيه ومقنع حتي الان اللهم ا لا طلبا للشهره مثل اسماء الملعونه وتوابعها , لك الله يامصر , وكما قلت في بداية الثوره ( القادم اسوأ)

  7. SAD.HEART 09/11/2011 22:21 -

    ممكن الجزمه دلوقتى تكون بتتباع فى سوق الجمعه او فى محطه مصرفلابد من كمين لارجعاها حتى تعود لنا الهيبه !

  8. الشيخ راشد بن محفوظ 08/11/2011 23:46 -

    السلام في البداية علي كل الحلوين اللي نادوا بأن المشير يبقي رئيس جمهورية مصر العربية علشان يبقي رابع رئيس من العسكر اللي خربوا البلد وقاعدوا علي تلها..وكان أول المنافقين اللي نادوا بأن المشير يبقي رئيس جمهورية كان الكذاب محمد حسنين هيكل علشان يحمي ابنه المليلردير حسن شريك جمال ننوس أمه في الهبش والسرقة وزي مانافق هيكل في عهد عبد الناصر عايز له موضع قدم في العهد الجديد..منين ياحسرة إذا كانت جزمة المشير اتسرقت والسلمي عايز بند السرية في ميزانية الجيش وليس لأي جهة رقابية رقابة عليه..علشان كل واحد يشتري تلات أو أربع اجواز جزم علشان لما تتسرق جزمة يبقي عنده”اسبير”أليس ذلك من البلاء الذي تعيشه مصر في عهدحكم العسكر الظالم الفاشي؟؟؟؟إي وربي إنه من البلاء…!!!وعجبي..إذاكانت جزمته اتسرقت في وسط رجالته كيف سيحافظ علي مصر وشعب مصر؟؟؟؟واحد عاقل يجاوبني…!!!!!!!!!!!!!!!!!!

أضف تعليقاً