انفجار كنيسة القديسين الاسكندرية

اخر الاخبار حادثة انفجار كنيسة القديسين في الاسكندرية اليوم : ارتفاع عدد الضحايا الى 21 قتيلا

مصريات

عادل حسين

بعد تضارب التصريحات المختلفة حول اعداد ضحايا انفجار كنيسة القديسين ليلة رأس السنة 2011 خرجت وزارة الصحة مرة اخرى لتعلن عن ارتفاع ضحايا انفجار كنيسة القديسين في الاسكندرية الى 21 قتيلا ووصول عدد المصابين في انفجار سيارة مخففة امام كنيسة القديسين بالاسكندرية وصل الى 43 واغلبهم الان بحالة حرجة حتى انه تم نقل مصابي انفجار كنيسة القديسين الى معهد ناصر بالقاهرة حتى يتم اسعافهم ..

ومن المتوقع خلال الفترة القادمة حصر اعداد جديدة من قتلى انفجار كنيسة القديسين وذلك لوجود جثث داخل مبنى الكنيسة لم يتم نقلها الى المشرحة او التعرف عليها الى الان ..

ومن ناحية اخرى تم فتح تحقيق وتجرى معاينة مكان انفجار كنيسة القديسين في سيدي بشر ميامي وتجرى تحريات لمعرفة الارهابيين الذي خططوا وقاموا بتنفيذ انفجار كنيسة القديسين ..

اخبار ومواضيع ذات صلة:

21 قتيلا ضحايا حادثة انفجار كنيسة القديسين الاسكندرية

190 comments
  1. رامى 13/01/2011 20:04 -

    الارهاب غير مصرين وبدهم يفرقو بين المصرين فضعو يدا ييد

  2. لا حول ولا قوة إلا بالله 11/01/2011 16:17 -

    لا حول ولا قوة إلا بالله

  3. محمد 11/01/2011 12:58 -

    يعنى اصراحه مش عرف قول ايهبس كلنا شعب واحد مفيش فارق مبين مينا و احمد ده سكن فى وطن واحد وده سكن فى وطن
     يعنى فى ناس من اخونا المسحين بيقوله ان المسلمين هما لى عملوا كده  ده عمل الرهابى والارهاب ليس له دين  هما عاوزين يدمروا الوحد شعبيا بتعتنا بس احنا مش ادمر جهد اجددنا  سعد زغلول وحد الامه وقدر ينتصر  فى الاخر  وفى رجل حكيم قل فى الاتحاد قوه وفى الفرق ضعف

  4. (مهم جدا) الاء 10/01/2011 11:52 -

    انا مسلمة وكمان اصحابى معظمهم مسيحى مش بنقول الكلام الفاضى دة بالعكس احنا مش متصورين الكلام اللى الناس بيقولوه احنا شعب واحد وكمان وطن وحد وانا مسلمة ضد الارهاب وحسبى الله ونعمة الوكيل بس لو واحد ذكى كان عرف ان اللى عمل كدة عايز يوقع بين المسلميم والمسيحين لأنة فجر الكنيسة اللى ادامها مسجد وطبعا محصلش حاجة فى المسجد بالتالى اللى عمل كدة كان عايز يوصل للمسيحين ان الكنسة اتفجرت والمسجد محصلش فيه حاجة يبقى الللى عمل كدة مسلم ودة طبعا لااااا وكمان انا بشكر اللى عمل كدة لأنه وحدنا وحدة السنين

  5. محمد افريركانووو 10/01/2011 09:57 -

    اما ليه تعليق فى منتهى البساطه

    تخيلوا كدا لو كل واحد مسيحيى جه فجر جامع وقتل 30 واحد  وبعديها االمسلمين فجروا كنيسه وموتوا 30 واحد واله العظيم يا جماعه انا نصف اصحابى مسيحين وانا بحبك جدا وانا لو مش بحبهم انا مش كت دخلت المستشفى علشان خاطر زميلى المسيحى 
    ارجو منكم رجاء لاتغيرواا من نفسكم مع بعض الى  مسلم وكان بيحب واحد مسيحى يحبوا علشان والله هما بجد الوفء كله فى دمهم 
    ومعلش يا جماعه ربنا يقويكوا 
    شكًرا لكمُ

  6. كوكى 09/01/2011 21:45 -

    انا مسيحية ولى اصدقاء مسلمين بنحب بعض مش بنقول انا مسيحى وانت مسلم لاء 0 احنا بنحب بعضنا

  7. كوكى 09/01/2011 21:40 -

    ربنا يسامح اللى عملوا كدة هو هيحاسبهم فى الاخرة بس لية عملوا كدة ازاى انسان يقدر يموت انسان زية بغض النظر عن الدين ولكن المهم المحبة 0 احبوا بعضكم بعض لان المحبة تجعل الكل اخوة

  8. بشير محمد 09/01/2011 13:49 -

    حسبنا الله و نعم الوكيل ربنا على الظالم بجد ده شيىء مؤسف جدا المهم انى احنا نفضل مع بعض و نبقى يد واحده حسن مع بطرس و فاطمه مع ماريا

  9. مسلم مصرى عربى 09/01/2011 00:28 -

    السلام عليكم و رحمة اللة و بركاتة

    لى تعليق بسيط و هو ان الذى قال تستاهلوا للنصارى انما هو يهودى اسرائيلى و هذا هو هدفهم الواضح و بصراحة العيب مش علية العيب على القائمين على هذا المنتدى فانتم كمن نشر صورة مسيئة للدين او خادشة للحياء بحجة الحرية الفنية و طبعا انتوا اما مش هتنشروا مقالى او هتقولوا دى حرية التعبير  ( اراهن على نشر المقالة لو هدفكم فعلا حرية الرأى )

  10. Ahmed Nour 08/01/2011 14:09 -

    أقدم خالص التعازي للأخوة المسيحيين
    وأبدي رأيي بأن هذه عملية إرهابية للتفريق بي المسلم والمسيحي وعمل ثورة بين شعب مصر
    لكن أحب أقول لكل مصري مسلم كن أو مسيحي إحنا كلنا ولاد بلد واحدة بنشرب من نيلها وبناكل من خيرها, ياريت مانسمحش لأي حد أي كان يفرق بينا ,,ونقف مع بعض كلنا ونقول لا للإرهاب
    وأنا عاشرت ناس مسيحيين فترة 7 سنين وعمري ماسمعت منهم ولا شفت منهم حاجة تسئ للمسلمين بالعكس ,, كلنا أخوة واللي بيجمعنا إسم مصر وأفتخر بإني مصري
    بس لازم نقف ضد الإرهاب

  11. مصرية مسلمة 08/01/2011 14:03 -

    هيفضل محمد صاحب عيسى والمسجد جنب الكنيسة

  12. هالة 08/01/2011 12:51 -

    مين التافه اللى بيقول للمسيحين تستاهلوا ؟! ازاى تنشروا تعليق مريض زى ده لشخص جاهل متخلف ؟ مسمى نفسه المسلم الصريح و الاسلام برىء منه على فكرة انا مسلمة وبكره الارهاب بكل اشكاله سواء نفسى او مادى ..الخ كما ان المسيحين اخوتنا و بشر قبل كل شيء و اروح لا ذنب لها و ربنا ينتقم من المجرمين و “المتخلفين” اللى هيبوظوا البلد و يسيئوا للاسلام

  13. محمود 08/01/2011 12:26 -

    انا مسلم مسيحىومسلم واحدإن الله يهتم بالكل, يبقي أن الكل يهتمون بأنفسهم, هو يعمل بنعمته في الجميع, ولكن المهم أن يستجيب الجميع لعمل نعمته. والبشر في ذلك ليسوا في اتجاه واحد. منهم من يناديه الله فيسمع ويسعي وراءه. ومن يرفض النداء ويرفض السير في طريق الله.

  14. الاخت المسلمة 08/01/2011 03:26 -

    ان لله و ان الية راجعين نشاطركم الاحزان للاخوة المسلمين والمسيحين

  15. المسلم الصريح 07/01/2011 23:29 -

    مش عارفة اقول اية بس احسن تستهلوا نشااااااااااااااء الله هاتموتوا منفجرين يامسحين

  16. مصطفى الكوك 07/01/2011 17:18 -

    لالا للارهاب مصر لكل المصريين يحيا الصليب مع الهلال

  17. انا مش عارفة اقول ايه على اللى حصل بس بجد حرام ليه يحصل كدة دة احنا كلنا واحد كلنا مصريين انا فلسطينيه بس حاسه ان مصريه وان اللى ماتوا دول اخواتى بجد حرام اجنا كلنا يد واحدة كلنا عرب لازم نقف امام الارهابيين لازم

  18. مسلمة ومصرية وبحب بلدي 06/01/2011 23:33 -

    انا عاوزة اقول حاجة يا جماعة صدقونا بجد مافيش مسلم بيكره مسيحي بمصر وده بجد ولا عمر شيخ قالنا اكرهو المسيحيين ولا سيدنا محمد قالنا كدة والله العظيم ما بيحصل ابدا دي فتنة بتزرعها اليهود بينا عشان ناكل في بعض ويقوعو مصر زي الدول التانية ما وقعت في بعض وبقي في كره بينهم وحروب اهلية فوقو يا مسلمين ويا مسيحيين ومننساش زي ما بتضرب الكنائس الازهر بردو انفجر اكتر من مرة يا جماعة المشكلة مش في مسيحي ولا مسلم هما عاوزين يوقعو مصر مش اكتر وبعد كدة يجيو يقولو انتم مش عارفين تحكمو البلد سيبهالنا احنا وبعد كدة اتفرجو اللي هيحصل لا مسيحي هياخد حقه ولا مسلم هياخد حقه وهنبقي كلنا عبيد للسفلة دول بدل ما بنتعصب وكل واحد حاطط ايده علي خده تعالو نحط ادينا في ايد بعض ووالله ما بنكرهكم والله لما بشوف اخت مسيحية جانبي بالمترو حزينة يا حببتي قولتلها انتي حزينة ليه مش عيدك بكرة ابتسمت يا قلبي وقالتلي ايوة قولتلها خلاص اضحكي ربك كبير ومتخافيش كلنا معاكم ونفديكم بروحنا وبدمنا ومش كلام والله زي ما المسيحي بيعمل كدة من زمان احنا كمان كانت ادينا واحدة تعالو نرجع زي زمان وباذن الله هنقدر بس الكل يشيل الظن السيء من قلبه وربنا معانا ودايما في مصر مافيش مسيحي ومسلم في مصري بس

  19. ربنااااااااااااااااااااا علي الظالم

  20. حرااااااااااااام الا حصل ده والله دوا مش بني
    ادمين

  21. مصرى 06/01/2011 12:14 -

    انا اكتر واحد زعلان لان اليوم دة كان عيد ميلادى وعايوز اقول لمحمد المسلم بلاش استظراف يا حلاوة

  22. مسلم صريح2 06/01/2011 10:06 -

    حرام ناس بتصلي ليه يضربوهم وهما بيتعبدوا بس الارهاب مش بيرحم مسلم ولا مسيحي

  23. بجد حرام 05/01/2011 22:13 -

    بجد حرام الى بيحصل ده هنقعد نكره بعض ليه كلنا نسيين حاجه مهمه قوى ان ممكن يكون عمل كده واحد مسيحى كارهه المسحين او بلاش كده واحد مختل عقليا او واحد عنده امفصام هوه لازم يكون مسلم هيه الناس فى ايه ولا فى ايه الناس بتفكر فى المسؤاليه الى مبقاش حد قدها لا حد عارف يتجوز ولا حد عارف يعييش الدنييا خربانه والناس الى استشهدت استريحت وعلى فكره انا مسيحى مش مسلم

  24. بنت من خليل حمادة 05/01/2011 16:57 -

    انا بعزيكم يا مصرين جميعا مش هخص التعزية للمسيحى بس. بس عايزة منك يا قبطى تكون متفتح الآفق شوية انت عايش بقالك سنين مع المسلمين ويمكنا صحابك مسلمين اكتر منهم مسيحين ليه السنتين دول بس اللى بنعمل كدة يا مسلمين معاكم على فكرة اللى بيجرلى لكم اكيد هيعمن علينا بخراب بردوا لانكم الطبيعى مش هتسيبوا تاركم يبقى احنا كدة بنفتح على نفسنا بابا مش بيتقفل احنا ربنا اللى يعلم قد ايه حزنا على اللى حصل زيكم تمام لانكم انتم مننا احنا شعب واحدحاولوا تفكروا شوية ليه هنعمل كدة؟ ولمصلحة مين؟ وهنستفيد ايه يا مسلمين لما نعمل الاعمال التخريبية فى منشأتكم؟؟ دى اسالة كتير جدا لو فكرنا فيها بعقل هنعرف اننا مش مستفيدين اى حاجة غير خسارة اصدقائنا واصحابنا على فكرة انا جيرانى كلهم مسيحين وبحبهم جدا وساكنة جامب الكنيسة يعنى الشاعر بتاعى كله مسيحى وكلهم اصحابي وبحبهم مش مسلمين اللى يعمله كدة اللى يعمل كدة حد مش عنده دين اساسا حتى لو كان فى البطاقة مسلم فبيكون بالاسم وبس احنا اكتر حد لبعض قريبين انا نفسى اقولكم كلام كتير حاسة بيه بس يار ب تصدقوا ومش تسدوا ودانكم احنا فعلا بنحبكم ومالناش دعوة بالديانة احنا لينا العشرة مع جيرنا واصدقائنا عمرنا ما قولنا ديانة فلان ايه بنحبكم فعلا

  25. مسيحي سرياني 05/01/2011 14:29 -

    يعجز السان عن العزاء

    لكن بقوة الرب يسوع هو سوف يعلن الحق
    انا شاهد الاحداث على القنوات وسمعت التعليقات بصراحة يوجد من الاخوة الاسلام عايشين مع الاقباط بكل روح ومحبة بهذه الاحداث ولكن اين الامن والحكومة هل سوف يصبح بمصر مثل العراق ان كانت الحكومة لا تستطيع الدفاع عن شعبها وتحميهم ليس بالكلام فقط وتصريحات بدها فعل قبل الكلام نعم اين الحكومة والسطلة نحن شبعنا كلام وتصاريح بدنا فعل فعل قبل كل شئ واقول لجميع الاسلام اين انتم من هذه العبارة التي تقولون فيها انتم اسلام انتم ضد الارهاب هذا الارهاب بعينه وفي بلدكم اصبح اين الامن والاستقرار اين السلطة والحكومة ان لم تكن السطة والحكومة معهم مع الارهاب

  26. مسلمه 05/01/2011 02:30 -

    ونسيتوا الانفجار اللي في الحسين ولا القرش اللي في شرم الشيخ وبكره ربنا يظهر الحق هما عاوزيين يهزوا مصلحه مصر

  27. مسلمه 05/01/2011 02:29 -

    انا بعزي كل المسحيين وبعزي مصر كلها اولا كل المسحيين فاكرين ان مسلم اللي عمل كده اولا دين الاسلام مش بيعلمنا نكره المسحيين ولا اي حاجه والدليل ان حصل انفجار في شرم الشيخ ليه مقلناش ان مسيحي اللي عملها لان دين الاسلام قال ان بعض الظن اثم وبيعدين في شرم الشيخ ياعني الحال من بعضوا اللي بيعملوا كده بيعملوا كده علشان يهزوا مصر مش مسيحي ومسلم ده مصر كلها حزينه معني كده ان مصر كلها حزينه يباعني دينا معلمناش نتخلي عن حد ولا نفرح فيهمن احنا بنخرج في العيد بتاعكوا وبنفرحلكوا لان دين الاسلام ماقلش نموت ناس ابرياء والبقاء لله

  28. قلبي بيبكي ع حالنا 04/01/2011 17:04 -

    انا والله ما بقيت عارف ارد ع ايه ولا ايه وانا الحمد لله مسلم واحب اعبر بكل استيائي لكل المسحيين ع المجزره الي حصلت وربنا هينتقم م الي عمل كدا وانا حقيقي عمري ما صاحبت اي شباب او بنت مسيحيه ف حياتي كنت رافض لكن حقيقي اتضح اني كنت غلطان لاقيت فعلا حقيقي ناس تتحب بس والله نبقي اغبيه اوووووووووي لو جينا ف يوم وفكرنا ان المسلمين هما الي عملو كدا ومش عشان موضوع حصل الي نجح حمادي دا يبقي احنا بردو ربنا هوا واحده الي يعلم وحسبي الله ونعم الوكيل ف الي قدرت يعمل كدا …..

    معاذ القاضي / ابن اسكندريه

  29. نجلاء الحميدى 04/01/2011 15:18 -

    السلام عليكم ورحمة الله وبركاته

    يا اخواتى مسلمين ومسحين كلنا مصر ولا فرق بين مسلم ومسيحى كلنا مصر زفى كل مره يقع فيها ما يمكن ان يفرق بين مصرى ومصرى عل اساس الدين يرتفع شعار يحيا الهلال مع الصليب وهو شعار شهير كانت ثورة 1919 قد رفعته فى مواجهة الانجليز حينما ارادو وقتها انا يمشوا بالوقيعه بين المصرين بعضهم البعض ز وف النهايه كلنا اخوهز وكلنا شعب واحدز وكلنات حاربنا مع بعض يبقى مفيش فرق بين اقوياء واخوات زولكن هذه الجريمه لم احد يعرف انها من مسلم او مسيحى ولكن كلنا نعرف انها عمليةه ارهابيه وحسبنا الله ونعم الوكيل فى هاؤلاء الارهابين.

  30. مصرية 04/01/2011 14:37 -

    على فكرة فى حاجة غيبة عن الوعى بصرف النظر عن الديانة كل واحد بيخرب بنقول علية مسلم او مسيحى ولكن فى حاجة واحدة لازم نفهمها مافيش دين سماوى بيدعى الى الارهاب لو رجعنا مئات الس هنلاقى الصلبين دخلوا القدس وقالو انهم جايين يدفعوا عن المسيحية لان المسيحية مهانة عند العرب واول لما دخلوا هدموا الكنائس وقتلوا القسيسين والشيوخ والاطفال والراهبات والشباب بأسم الصليب . هل المسيحية تدعوا لذلك وهل تدعوا الكنائس لذلك . لا ولا ولا فالمسيحية تدعوا الى الحب والسلام وهكذا الاسلام دين سماوى يدعوا الى الاخاء والحب والمساواه ويقول ربنا عز وجل من قتل نفسا بغير ذنب فكأنما قتل الناس جميعا ومن احيا نفسا فكأنما احيا الناس جمعيا . هذه هى تعاليم الاسلام الناس اخوة ولم يقل الناس اعداء . نحن نعيش فى مصر اخوات واصحاب وجيران هناك كثير من الناس هدفهم ايقاع الفتنة . لذلك لا نرمى بالذنب الى الاسلا ونبحث عن السبب فى ذلك

  31. مسلم صريح 04/01/2011 14:19 -

    انا عاوز اقول حاجة والله بجد انا زعلان من اللى حصل والشعب المصرى ملوش زنب فى اللى بيحصل لو كان اللى عمل الكارسة واحد مسلم ولى مسيحى المهم المقصود اية من اللى بيحصل ولازم نفهمة كويس عشان منضعش احنا الاثنين

  32. احمد رمضان 04/01/2011 10:18 -

    حسبى الله ونعمل وكيل فى اللى عملها واكيد ده مش بنى ادم ده شخص انتزعت من قلبه الرحمه لان دين الاسلام يحس على السامح والتأخى والمحبه ولا يأمر بلارهاب واراقه الدم احنا عارفين ان اخوتنا المسيحين اى حاجه تحصلهم اكيد هيقولو المسلمين هما السبب ولكن دينا الغالى وهو الاسلام نهانا عن كل افعال الارهاب وان شاء الله اكيد ربنا هيظهر الحق……؟

  33. مسلم 04/01/2011 09:21 -

    انا مسلم واحب ان اذكر اخوتي المسيحيين (هم اخوتي ان ارادوا ذلك او رفضوه) احب ان اذكرهم باننا كمسلمين لسنا في موقف ضعف او دفاع عن النفس ولكن انا عن نفسي اعزيكم تعزية صادقة من القلب ليست عن ضعف او دفاع عن النفس والسلام عليكم ورحمة الله وبركاته

  34. طلعت واصل 04/01/2011 03:04 -

    هذا شغل اسرائيل وسهل جدا عليها تاجير اى شخص وتجنيده كما فعلت مع الجسوس طارق المصرى ولها يد فى العراق واذا تمزقنا ضعنا والسودان اكبر مثال000

  35. وحيد محمود 03/01/2011 22:55 -

    بسم الله الرحمن الرحيم اخواني بعزيكم من كل قلبي وقبل ما اعزيكم اعزي نفسي لان الي ماتو اهلي واصحاب وجيراني الي بتقاسم معاهم اللققمة والكرسي والكلام والحكاية وكل حاجة حزننا لا يقل عن حزنكم ابداااااااااااااااااا بل بالعكس يمكن يزيد لاننا حزنا علي الموقف ككل فمن يفعل ذلك فهو ارهابي لا يمت للاي دين بصلة والدين برئ منه واحنا كمان نتبرأ منه ليوم الدين لكم مني كل التقدير ورزقكم الله الصبر والسلوان اوكم وحيد محمود علي

  36. أماني 03/01/2011 20:07 -

    تنظيم القاعده ما هو إلا فرز السي آي إيه. و السي آي إيه هو الجهاز الأول لأكبر دوله القائم على حماية مصالح اسرائيل في منطقة الشرق الأوسط.موضوع مسلم ومسيحي والفتنه الطائفيه والهرتله الفاضية دي و غيره ما هو إلا بند بنود أجندة اسرائيل الخفيه فيما يختص بمنطقة الشرق الأوسط وتقوم أمريكا  بتنفيذ هذه الأجنده لها.قصه واضحه وضوح الشمس و مش عارفه ليه نلف وندور و نجيب نصوص من الدين الأسلامي و نصوص من الدين المسيحي ونقعد ندافع عن بعض قدام بعض.أحنا كلنا مصريين. قصر الكلام: الدين لله والوطن للجميع.قصر الكلام: احنا كلنا مصريين ودي بلدنا واللي اعتدى على الكنيسة، هو شخص ارهابي لخلية ارهابية هدفها ضرب مصر وأمنها و أمانها وضرب المصريين.القصة أولها إن احنا مصريين ودي بلدنا مصر.والقصة آخرها أن احنا مصريين ودي بلدنا مصر.كفاية لت وعجن وتسويف للحقائق و تتويه لها.من قاموا بهذا العمل الخسيس أرهابيين لا دين لهم.الأرهاب ليس له دين.

  37. لا الة الا الله محمد رسول الله 03/01/2011 19:26 -

    هى الى بتقول نقتل القتيل ونمشى فى جنازتة دى يعنى احنا غلطانين اننا بنفول ربنا يصربكوا ولا احنا اخوة ومش عارف اية يعنى لا كدة نافع ولا كدة نافع ماشى مسلمين هما الى فجروا الكنيسة وبعدين يعنى ماحدش اتكلم على الجامع يعنى ما احنا اضرينا زينا زيكوا وفى مسلمين ماتوا كمان يعنى الى يتكلم يتكلم الى لية والى علية

  38. بنت مسيحيه 03/01/2011 19:03 -

    انا حزينه جدا جدا جدا للاسف مش حاسه بسنه جديده عايشه فى وهم 2011 حرام بجد اللى بيحصل لاولادنا كل الا بيحصل ده سببه الجوامع ودروس القران لانهم بيكرهوهم فى المسحيين 
    زمان مكنش فى كده خالص المسيحى والمسلم ضحوا بدمهم علشان مصر دلوقتى المسلم بيغدر باخوة المسيحى اللى ضحى بنفسه علشان هو يعيش ويرفع علم مصر 
    يخسااااااااااااااااااااااااااااااااااااااره ياااااااااااااااا مــــصــــتر 

  39. شايل الصليب 03/01/2011 18:10 -

    دى مش اول حادثه بتحصل ف مصر ياريت التاريخ يرجع ونفتكر اللى حصل ف حادثه الكشح وحادث نجح حمادى اللى لسه معداش عليها وقت بس هنقول ايه ربنا موجود

  40. سنيورة 03/01/2011 17:56 -

    خليك امين ي ((((اابن الاسكندرية ))9فى كلامك شوية لا تتكلم بصدق لا ماتتكلمش خالص …الناس وعية ولا فاكر اننا مش عارفين الحقيقة فا انت بتضحك على نفسك مش علينا …انا من العمرانية وشوفت كل حاجة بعينى بطل كدب وخليك امين شوية ربنا يهديك ….دة ردك على المجزرة الى بتحصل كل يوم ..انا بس عايزة اقولك كلمة ربنا مش هايضيع حقنا ابدا مهما كدبت انت وغيرك فانت مش هاتقدر تغطى الحقيقة يارب يصبر اهالى شهدائنا

أضف تعليقاً