مكياج صباحي ناعم

تعليم مكياج الصباح

مصريات – كتبت سارة نجيب: مكياج الصباح دايما لازم يكون سريع وبسيط وناعم، لان معظم البنات عموما او الخروجات الصبح بتكون للدراسة، او العمل او مواعيد رسمية، والمكياج الناعم بيدي شكل جميل وبسيط للبنت، وفي نفس الوقت بيخفي اثار النوم او التعب والارهاق وبيكون الشكل اكتر جدية.

– تعليم خطوات وضع مكياج صباحي

* اول حاجة ينغسل الوش كويس جدا وبعدين بتجيبي حتة تلج وتمرريها على الوش كله، وممكن تعملي كمادات للعين من الشاي (بتحطي اكياس الشاي بعد استعمالها في الفريزر وتكوني محضراها قبل) لمدة ربع ساعة او 20 دقيقة وده بيخفي اثار النوم والارهاق وفي نفس الوقت بيزيل اي انتفاخات في العين وبيساعد على ازالة الهالات السوداء.

* تحطي كريم مرطب وتستني شوية لحد ما تمتصه البشرة او ممكن تحطي كريم واقي من الشمس وتستني فترة تقريا 20 دقيقة.

* بتحطي بودرة مضغوطة على كل اجزاء الوش، وممكن بدالها تحطي كريم اساس وبودرة سايبة بشرط يكون قريب من لون بشرتك او افتح بدرجة واحد عشان يكون اقرب للطبيعي.

مكياج العيون في الصباح

تعليم مكياج الصباح مكياج ناعم

تعليم مكياج الصباح

بتجيبي اي شادو (ظل جفون) يكون لونه فاتح والاحسن انه يكون من نفس الوان اللبس اللي ناوية تلبسيه زي الوردي او السماوي او الاخضر بتحطيه على الجفن العلوي من ناحية الانف لبره على كل عين.

ممكن تكتفي بظل الجفون على العيون ولو حابة ترسمي عينيكي بالاي لاينر او الكحل فارسمي خط خفيف فوق العين من غير ما تكون ليه زاوية خارجية.

* بعد كده بتحطي الماسكرا على الرموش وبتفرقي بين الرموش بالفرشاة المخصصة ليها.

– احمر الخدود والروج

* بالنسبة لاحمر الخدود لو وشك نحيف يفضل انك تحطي لون فاتح على الخدين وتوزعيهم بطريقة متساوية اما لو وشك مدور او مليان بتحطي احمر الخدود – البلاشر- على عضمة الخدين في اتجاه الودن و ده بيساعد على ابرازهم وتنحيف الوش.

* اخر خطوة بتحطي كريم اساس على الشفتين وبعدين بتحطي روج ويفضل لون فاتح او ملمع الشفاه.

يوتيوب فيديو تعليم مكياج سريع

اخبار ومواضيع ذات صلة:

بالفيديو تعليم مكياج الصباح، مكياج صباحي ناعم سريع للبنات

30 comments
  1. مٍْْـٍْْ♡̷̴̬̩̃̊ـٍْْنٍْْال 23/08/2013 22:03 -

    واو حلو مشكورة

  2. ملك روحى 29/06/2013 20:19 -

    شي بجنن اوي بس ياريت تسرعو المقطع بليز

  3. نورر 29/06/2013 20:18 -

    واووووووووووووو الميك اب رووعة رويش تانكس

  4. توتو 06/09/2010 22:37 -

    الميك اب عادى جدا بس مش رقيق
    لو كان على واحدة عربية يكون احسن

  5. ام السوس 04/08/2010 22:14 -

    حلو الميك اب بس يا خساره في عندها مشكله في لسانها

  6. ياسمين 15/06/2010 21:02 -

    ينفع لو سمحت بعد اذنك تنشر تعليقاتي

  7. ياسمين 15/06/2010 21:02 -

    انا اسفه لكن انا مش فهمه اي حاجه خالص

  8. romanticbird 14/05/2010 17:38 -

    ميرسى تسلميلى بس مش ممن نحمل الفيديو ياريت تقوليلى ازاى لو ممكن

  9. نورة 12/04/2010 19:35 -

    وكمان هالميكب سهل يسلمو يا قمر

  10. نورة 12/04/2010 19:32 -

    بجنن يسلمو ياريت عنا هالمواهب هدى

  11. نور المصري 23/03/2010 01:24 -

    مرسى اوي علي نصائح المكياج الجميله دي وعلي الفيديو

  12. دودو 08/03/2010 23:43 -

    الميك اب روش طحن مرررررررررررررررررررررررررسى

  13. اخت قمر 14 25/01/2010 20:14 -

    بليل اذا عندك ميل عالهوت ارسلييه لاني ماعندي ياهوووو اوك

  14. بليل 11/12/2009 12:18 -

    مرسيه كتير والميك اب ده ممكن يفيدنا في الكليه اوي او حتي بليل

  15. بليل 11/12/2009 12:17 -

    شكرا على الفديو وعلى النصائح الغالية

  16. هبهوبة 07/12/2009 18:26 -

    شكرا على الفديو وعلى النصائح الغالية بس الفديو حلو بس بطى اوى مش سريع فى الاداء ليه

  17. اسراء البدري (oza) 07/10/2009 19:09 -

    مرسيه كتير والميك اب ده ممكن يفيدنا في الكليه اوي او حتي بليل

أضف تعليقاً