حلقة برنامج مصر النهاردة هند رستم مع محمود سعد
مصريات
هند رستم لـ برنامج مصر النهاردة : سر لقائي مع عباس العقاد
في حلقة هند رستم مع مصر النهاردة اكره الرقص والاخبار تصيبني بالملل
نيرمين خالد
كشف الاعلامي محمود سعد من خلال حلقة برنامج مصر النهاردة مع الفنانة هند رستم العديد من الاسرار والجوانب التي لا يعلمها الكثيرين حول شخصية ملكة الاغراء ومارلين مونرو الشرق هند رستم .
وقالت هند رستم في برنامج مصر النهاردة ان الاخبار والبرامج الحالية تصيبها بالملل وانها لا تسر حيث انها تظهر الجوانب السيئة فقط بالبلد .
وقالت هند رستم انها لم تندم اطلاقا على ترك الشهرة والتمثيل وهي في مجدها من اجل زوجها دكتور فياض وقالت ان وجوده بجانبها افضل من كل الاضواء .
كما حكت هند رستم عن التقائها مع الاديب والمفكر عباس محمود العقاد الذي وصف لقائه معها بالتقاء النجوم مع الهلال وقالت انه رغب في مشاهدتها والجلوس معها بالاساس لانها تشبه حبيبته الفرنسية سارة واضافت هند رستم انها سعدت كثيرا بهذا اللقاء .
كما اتضحت جوانب اخرى في شخصية هند رستم مثل كونها اما صارمة ومحافظة واثر في ذلك اصول هند رستم التركية .
وكذلك تبين ان هند رستم لا تجيد فن الرقص ولا تحبه وقالت ان المشاهد التي قدمت بها رقص شرقي بالسينما اشرف عليها علي رضا وقالت ان فريد الاطرش كان يعلمها الرقص خلال احد الافلام التي شاركته فيها .
بصراحه أنا اتجننت عليها مرررره وحبيت حضورها وبصراحه هيه قدوتي في الحياه بموت فيها وأتمنئ لها التوفيق والصحه يارب
برافو مايسترو محمودسعداستمروكمل باقى النخبة الباقيةمن الزمن الجميل ألى فات عمرما حاجة حلوة بترجع تانى أبدا هاتلى مسال واحدمن القديم جة زيةوشكرا لكبيرأعلاميين العرب
كانت بالفعل حلقه ممتعه رجعتنا للزمن الجميل و لكن واضح ان الفنانه هند رستم لم تكن تريد ان تركز عليها الكاميرا فكل اللقطات كانت بعيده او مركزه علي محمود سعد بشكل مبالغ اثار ضيق المشاهدين فكنا نسمع صوتها و الصوره كانت للمذيع او لظهر الفنانه هند و طبعا ده غلط من الناحيه الاخراجيه . وكان يجب ان تظهر حتي و لو من بعيد و هي بتتكلم . كما ان مشاهد افلامها كانت كثيره و طويله وذلك لملء الفتره الزمنيه . فكنا نريد ان نسمعها هي اكثر و نعرف نوادرها وحكاياتها مع زملائها و افلامها . علي العموم نتمني لقاء اخر معها او مع شخصيات فنيه اخري قلما ما تظهر علي الشاشه مثل فاتن حمامه و شاديه و نجاه و شمس البارودي وامال فريد وكريمان و نعمت مختار و سميحه توفبق و شريفه ماهر و نورا وغيرهم ليحكوا تجاربهم مع الفن واين هم الان .
ياريت الوقت ده تعطوه لعامل مصرى انتج او محترع ابتكر مش لازم نستنى لما الدول تكتشف ولادنا اما بالنسبة لهند ربنا يهديها واحدة بتفضل الكلاب عن احفادها شوف بقى احنا بنفضل ايه يامحمود
بصراحه كلنا فى البت كان نفسنا نشوف هند رستم من فتره طويله
بجد و هيا بتتكلم كنت كنا حاسين بالزمن الجميل و الدلع و الرومانسيه بتاعت زمان اللى للاسف ضاعت دلوقتى
حصرى بجد
استمتعنا جدا بحلقة الجميلة هند رستم وياريت نشوفها مرة تانية
وتجيب لنا كل الفنانات والفنانين المعتزلين من الزمن الجميل …. تحياتى للقدير محمود سعد
استاذ محمود يا ريت نشوف سيدة الشاشة العربية الاسطورة فاتن حمامة وحشتنا جدا فى انتظار حلقة خاصة عنها فى مصر النهاردة
الاستاذ محمود سعد أجمل التهانى لبرنامجك الجميل الخاص بالفنانة هند رستم…لقد عشنا لحظات ودقائق جميلة من الزمن الجميل …… يآآآآه …….واستمتعنا بالفن والتمثيل وفقرات من الافلام الرائعة وعرفنا لمحات من اخلاق الفنانة التى ادت كل الادوار بإتقان على الشاشة الفضية وفى الحياه…ولمحات من تقديرها واحترامها الفائق لشريك عمرها ….. , وبعد انتهاء البرنامج كان من الطبيعى أن يعقد المتفرج مقارنة بين الفن والاخلاق فيما بين الزمنين والنتيجة ……. !!!!! وأخيرا شكرا شكرا شكرا.
بجد وحشتيناااا يا فناه و نفسي اشوفك تاني و اشوفك كتير نورتي الشاشه من تاني و نورتي حياااتنااااااااااااااااااا
شكرا جزيلاً لأنك جبتلنا احلى فنانه فى الدنيا الحلقة كانت فوق الرائعة
صراحه احنا نفسنا في كل اسبوع حاجة من الزمن الجميل زي حلقة الفنانة هند رستم
الفنانة هند لسة محتفظة بجاذبتها انا مقدردش اغير البرنامج حتى فى الاعلانات الحلقة كانت اكتر من رائعة وهى دمها زى الشربات ولسة حضورها زى ماهو بس التصوير معجبنيش مكنش بيركز معاها وكان اغلب الوقت الكاميرا مع الاعلامى محمود سعد بس انا استمتعت بيها اوى وعرفت حاجات كنت احب اعرفها عن نجمة الفن الجميل بجد وحشتينا اوى يا فنانة
برجاء اعادة لقاء هند رستم مع محمود سعد
الحلقة حلوة جدا وهند حلوة زى ماهية والكل لسه بيحبها
— لو انت شاطر بجد لسه شادية ونادية لطفى وحتى ولو كبروا احنا بنحبهم ونشوفهم بنفس الحب والشكل القديم شكرا استاذ محمود
هند رستم .. هية .. هند رستم .. قوة وجمال وحضور – ضحكة حلوة – قيمة فنية – فن راقي وهادف – وجمال السينما مع أبطال ذو قيمة وجدية في العمل واحترام الجمهور. وحشتينا وربنا يبارك فيكي ويديكي الصحة.
انا مش فاضيه عيالى بيمتحنوا ……….سلام