شوبير ومرتضى منصور

شوبير ومرتضى منصور

شوبير ومرتضى منصور

الشيخ الجندي حلال العقد والمشاكل بين شوبير ومرتضى منصور

مصريات

الشيخ خالد الجندي في حيرة شديدة بسبب اصراره على التدخل والمصالحة بين المستشار مرتضى منصور والإعلامي احمد شوبير ورغم اقترابه من تحقيق هدفه الذي سيجازيه المولى عليه إلا أن هوة الشقاق والخلاف اتسعت من جديد في اعقاب نفي شوبير في برنامج عمرو اديب أمس الأول انه اعتذر لمرتضى منصور خلال حلقة الشيخ خالد في قناة ازهري التي يملكها مولانا منذ عدة أيام وبالطبع كان إعلان المصالحة الكبري من القناة بمثابة أكبر بروباجندا ودعاية لها وقد رفض مرتضى المصالحة وتفجرت الأزمة مجددا بين مرتضى وشوبير وغطت على كل الأزمات المحلية والعربية بل غطت يا عم الشيخ على تهويد القدس وعلى الصراع الفلسطيني وعلى انفجارالقنصلية المصرية في بغداد بل وعلى الحرب الدائرة حاليا بين احمد حسن نجم مصر والأهلي والعميد الجديد وبين إبراهيم حسن المنسق الكروي بالزمالك عفواً مدير الكرة!!
كل المخاوف ان يسحب الدكتور البرادعي البساط من تحت اقدام الشيخ خالد الجندي ويتدخل بصفة شخصية لاتمام تلك المصالحة التاريخية بين احمد شوبير ومرتضى منصور التي تتابعها الوكالات والفضائيات وحكومات العالم اجمع وسيتم وضع اتفاقية أو بروتوكول بينهما سيغطي على اتفاقية السلام!!
يا عم الشيخ اللي بيلعب بالنار بتلسعة… رغم ان النار لا تحرق مؤمناً!!
4 ساعات تصوير مرتضى منصور في الزمالك
قضىمرتضى منصور رئيس نادي الزمالك السابق 4 ساعات بالنادي أمس للاحتفال مع الاعضاء بعيد شم النسيم.. المفاجأة ان مرتضى لم يبلغ أحداً بحضوره والتف حوله كل الاعضاء لمصالحته والتقاط الصور التذكارية معه.
مرتضى منصور ترك النادي في الحادية مساء وهو يقول لنفسه أي شيء سيطلبه هؤلاء الاعضاء سأقوم بتنفيذه فورا

اخبار ومواضيع ذات صلة:

خالد الجندي حلال العقد والمشاكل بين شوبير ومرتضى منصور

32 comments
  1. dina fathy 13/04/2010 09:05 -

    عليه العوض في نوابك يا مصر ربنا يعوض علينا

  2. ماسة القلب 13/04/2010 09:01 -

    بمنهي الحيادية الغلط كان ع البرنامج وبعتب كتير على الاستاذ محمود سعد انه اصلا جمع بينهم ع الهواء في برنامجه المحتررررررم و كان معروف مسبقا انهم لا يمكن يتصلحوا بالشكل ده طول ما استفزاز مرتضي منصور مستمر و صمت شوبير الغريب …. و بالنهاية اتمني ان يكون هذا البرنامج استفاد من فشل هذه الحلقة و لا يكرر مثيلها .

  3. وليد السعيد 09/04/2010 22:21 -

    أنا كنت متأكد أن ده وأكثر ممكن يحصل لأن شوبير إنسان وضبع ووصولي ومتسلق ويستحق أن يكون في مكانه الحقيقي السجن أو مستشفى المجانين برافو عليك يا سيادة المستشار

  4. نادية مصطفى 09/04/2010 19:46 -

    الصلح خير قوم نتصالح الصلح خير وانسى اللى كان بينا امبارح الصلح خير لا تعتبى ولا اعتبك كتر العتاب مش فى الصالح الصلح خير متقولش لية قالوا وقولنا كتر العتاب مش فى الصالح الصلح خير يا جماعة وصدقت الاغنية مااحنا بقينا اغية فى فيلم فى مسلسل

  5. أبو هادي ــ الكويت 09/04/2010 18:47 -

    المفترض أن كل طرف جاء للصلح ونسيان الخلاقات وفتح صفحة بيضاء جديدة ولكن ماشاهدناة هو تبادل السباب بين مرتضي منصور و شوبيروسرد ما كان سببا للخلاف وكان المفروض من الأستاذ محمود سعد عدم السماح بذلك من الأول وكان المفروض من الشيخ خالد أن يقول كلمة في البداية لتهدئة النفوس وثواب من يتسامح ولكن شاهدناه صامت تماما والله لو نفذوا ما قالته نادية مصطفي في أغنية الصلح خير ولاتعاتبني ولا اعاتبك لكان تم الصلح وعموما كان عندي شعور أكيد أنه لم يكن لدي مرتضي منصور نيه للصلح ولكنه حضر للبرنامج لإلقاء مزيد من البنزين علي النار المشتعلة لأنة بيحب المشاكل ومن أنصار المثل اللي يقول ( طوبة علي طوبة خللي العاركة منصوبة ) والخاسر الوحيد هوالمشاهد وأنا واحد منهم لأني سهرت حتي ساعة متأخرة لمشاهدة هذة المهزلة وسامحني يا أستاذ ومحمود وياشيخ خالد فأنا أحترمكم جدا
    أعلي الصفحة
    عتاب واجب

  6. باسم المصري 09/04/2010 17:35 -

    بمنتهي الصراحة لايوجد مصري واحد يقبل اسلوب مرتضي منصور خاصة انفعالاتة التي يشوبها الفاظ خارجة ولا احمد شوبير وعدوانيتة واظهار قوتة المفرطة في برامجة,, نريد رموز تزيدنا اخلاقا راقية ومحبة واحترام بعضنا البعض,,,,, اعتقد ان مرتضي لو صفح عن شوبير سيزيد من محبية وسيحترمة الكثير من المصريين ,, وان كان لا يهتم الكثير من الشعب المصري بمرتضي او شوبير,

  7. السيد نوفل _ بورسعيد 09/04/2010 15:17 -

    انا اول مرة اكتب لأي برنامج حواري و انا متأكد ان رأيي هذا سوف يتم استبعاده و عدم ذكره و لكن حبي الشديد للصحفي المتميز و الاعلامي الكبير محمود سعد جعلنى ابدي رأيي عن ” السقطة الاعلامية الكبيرة” التى وقعت فيها لاتمام الصلح بين المستشار مرتضي منصور و الكابتن أحمد شوبير لأنه لا يحدث مثل هذا الصلح في اي اعلام فكان يجب ان يتم الصلح قبل الهواء و يتم الصلح علنيا على الهواء لان ما حدث يطلق عليه مهزلة و سقطة اعلامية…و تمنياتى لك بالنجاح الدائم

  8. dina fathy 09/04/2010 10:45 -

    لا احد يدري من علي حق ومن علي باطل ولكن الواضح ان شوبير غير دوبلوماسي حتي ولو كانم علي حق فليس عنده مايرد به علي عكس مرتضي استاذ الحوارارات والمناقشات حتي وان كان علي باطل ويظهر ابنه شرب منه يغلطوا اللي قاعد وانا واثقة انه خرج من البرنامج علي سياااااااادة النائب العام علشان يقدم البلاغ 63 ومحمود سعد وخالد الجندي شهووووووود وخير شاهد هو كتاب الله المصحف الشريف الذي كان بيد مرتضي و دايما عمااااااار يا مصر وهم دول اللي هيجيبو مصر ورا علطول انشاااااااء الله

  9. dina fathy 09/04/2010 07:25 -

    يا استاذ محمود سعد انت لك مكانة كبيرة عندنا ولك توقير خاص لكن بصراحة الحلقة اللي قدمتها دي قلت من شأنك لانك ماكنتش محمود سعد كنت واحد تاني مش عارف تتكلم ولا كلمة ؟؟؟؟ لو سمحت يا استاذ محمود ارجع لمستواك الراقي في اختيار المادة والبرامج اللي تهم الشعب بدل من التفاهات بتاعت مرتضي وشوبير وانا اسفة اقول كدة علي سيادة النائب وسيادة المستشار لكن للأسف هم الاتنين نموذج سيئ لمصر يا ريت تهتم بمشاكل الشعب اللي بيحبك وانت كمان راجل عرفناك انك محايد مع الحق دايما ياريت تبعد نفسك يا استاذ محمود سعد عن التفاهات دي وتستمر في برامجك الهادفة دايماوتحافظ علي مكانتك في قلوب الشعي المصري واخيرا ,,, اعتذاري الشديد للشيخ الجليل خالد الجندي اللي حط نفسه في موقف مايصحش يكون فيه ويسمع اليسب والاهانة وهتك اعراض الناس وما يردش ,, ياريت تراجع نفسك ياشيخنا بعد كده

  10. abohaleem 09/04/2010 04:25 -

    مروة جمال

    انتى مش بتحبى الحق والحق حبيب اللة اقسم لك انى على الحياد ولكن الكدب ينضح من هذا الشوبير من كل اتجاة على عكس الرجل النظيف الشريف العفيف مرتضى بك منصور والى لكل كلمة او اشارة وان دلت على شئ فانما تدل على صدقة وكل كلامة موثق ولايسطيع اى من كان ان يشكك بنزاهتة

  11. محمد الجعفري 09/04/2010 02:57 -

    عشنا وشفنا فيكي العجب يام الدنيا  بعد سعد وعرابي وجمال ويا السادات وكمان طلعت وعبود وعثمان اللي بني شفا رجالك ايام مكان عندك رجال واليوم اهودم رجالك وللاسف دول نجوم للزمن لسود ويخوفي يكون اللي جي اسود

  12. ايمن سالم 09/04/2010 00:13 -

    فضحتونا وعلقتوا غسيلنا الوسخ عالهوا وشبير بيه يخون ويلعب باعراض الناس جعله واحد زي المستشار مرتضى يفضحه عالهواء اتقوا الله ياأعالي قوم مصر انتم الان اسافل القوم

  13. مصرى بيحب بلده 08/04/2010 23:02 -

    حاولوا الاصلاح بين فتح وحماس الشرطة والشعب الرؤساء والمرؤسين المدراء والموظفين دى البلد كلها زمبليطة انااللى عجبنى فى القاعدة دى كلها هو الشيخ خالد لابس العمه ومنور ومتكلمش ولا كلمة كان محضره خير ربنا يستر والهجر اهون من عذابى فى قربك كما قالت الست والجرى نص الجدعنة وشوبير كان حارس مرمى للاهلى زمان ايه اللى دخلك فى السكك دى ياشوبير باين عليك هتروح تحرس المرمى من تانى بس المرة ده من خارج الملعب 

  14. مصرى بيحب بلده 08/04/2010 22:58 -

    ربنا يستر واضح ان شوبير ده متورط ومنصور على حق يارب القضاءيحكم عشان المفترى ينال نصيبه والدنيا تتفرج عليه 

  15. ميرنا 08/04/2010 22:47 -

    دول عايزيين قاعدة عرب عشان يصطلحو .مش عايز الشيخ خالد بس دول عايزيين يروحوا الصعيد زي الشاطرين كدا و يتخانقوا بالسلاح .عايزين دم في الموضوع.مش نافع كدا خالص.و ياسلام لو فيه شويه فرافر و بنادقو علي شوية سكاكين علي شويه سنج و مطاوي لزوم الحرمشه

  16. د مجدى 08/04/2010 19:56 -

    انكسفوا على دمكم لو عندكم ذرة دم  يامستشار انت وابنك  وانت ياشوبير فتحت صدرك وانا اسف بجهل دخلت معركة ولم تسلح نفسك جيدا   هذا الرجل  اللى اسمة مستشار عامل زى اللى يبطح نفسة وبعدين يرفع عليك قضية علشان يسترزق  شوية  كان لازم تكون اذكى من كدة ياشوبير  لكن انا متاكد انك مظلوم  رغم انى مش بحبك قوى  خاصة بعد حكاية مجلس الشعب ومحاولتك لبس ملائة اعضاء مجلس الشعب بكلامهم المستفز وتبجيحهم وطريقتهم غير المحترمة فى التعامل 

  17. العجرودى 08/04/2010 19:33 -

    يارب يكون فيه صلح والصلح خير

  18. مروة جمال 08/04/2010 13:40 -

    مساء الخير … تحيه لفريق العمل فى برنامج نجح على مدى سنوات و نحن وراءه بعد التغيير بأمر الله حتى ينجح أيضاً … لأنه من الشعب .. و إلى الشعب .. و أنا أقول هذا و الله على ما أقول شهيد .. رغم كل الانتقادات الموجهه إليه منذ عودته و تجديده و لكن الأمل كبير فى الإصلاح بإذن الله

    ……………. عن النشاز الذى حدث بالأمس فى حلقة مصر النهارده .. و للأسف مالوش حل و لا وصف غير كلمة نشاز … اللى حصل دا ماكانش يصح يطلع على الهوا .. ناس متخانقين .. فيهم واحد أقل ما يوصف بيه إن تاريخه عباره عن صفحه من المشاكل تتخللها فترات هدنه تلك التى كان خلالها يقدم بلاغاً هنا أو هناك … واحد زى دا تجيبوه على الهوا ليه و انتو عارفين تجاوزاته و لا مؤاخذه يعنى “قلة …….” و عدم قدرته على التعامل مع أى حد بشكل مؤدب ليه ؟؟؟؟؟؟؟؟ .. دا جانب … جانب آخر .. الأستاذ شوبير غلطان برده لأن له ساعات كده كلام ما يصحش يترمى و هو بيتكلم ف البرامج بس بصراحه مش بنفس قدر الـ………. بتاع الأخ مرتضى … و دا كله كان لازم يٌراعى و يوضع ف الٌحسبان … يعنى فقره زى دى كان لازم تٌدرس أولا و مش هى فكره و طقت ف دماغ حد ف ننفذها .. إنتوا يا برنامج مصر النهارده عباره عن منفذ خطير جدا لكل أفرا الأسره المصريه .. ما ينفعش تجيبوا حاجه و بس و لا تشغلوا الناس قصادكم بقضيه هايفه … على عينى و على راسى إن الاتنين شخصيات عامه .. بس مش مؤثره إلى الحد اللى الشعب كله متعكنن يعنى و بينام من غير عشا زعلاً على زعل الإخوه الأعداء …. ثم بقى تالت حاجه و دى كانت أخطر حاجه إمبارح .. الأستاذ محمود سعد … كان غريب إمبارح .. كان متحامل جدا جدا جدا على الأستاذ شوبير .. و كلمه بطريقه مش لطيفه إطلاقاً أكتر من مره .. أينعم شوبير قاطع الكلام مرتين… بس انا عايزه الأخ محمود يحط نفسه مكان شوبير و يشوف إذا كان هايقدر يمسك نفسه كل دا و اللا لأ … ربنا ما يحط حد ف أى موقف وحش .. بس الإجابه هاتكون مستحيل .. لأن شوبير إمبارح كان شخص مؤدب جدا و هادىء جدا و محترم و عنده استعداد و باين إنه ماكانش يعرف حاجه عن ألاعيب مرتضى على الهوا .. و بصراحه شوبير عادة محترم .. غيرشى بس الاستفزازت المهينه من شخص زى مرتضى … و بعدين يعنى شوبير غلط لما رد كلمتين بمنتهى الأدب و مش مقتنع بكلام مرتضى و مرتضى ما غلط
    ش لما قعد يقول ألفاظ أقل ما توصف بيه أنها لا تليق .. لما يقول الباطنيه و يشيل القضيه و خلى الشيخ خالد على جنب دلوقتى و ما شابه من كلام مستفز للناس كلها أصلا ف ما بالنا بحد واحد هو بيجرّح فيه بكل دا .. و بعدين دا لا احترم شوبير و لا محمود و لا الشيخ خالد و لا البرنامج حتى اللى إداله حق الكلام و مش عاجبه إن البرنامج طالع فاصل و عايز يتكلم .. عامل زى العيال كده و شوف يا أستاذ بيقوللى إيه و هو أصلا مطلع عينيه من ورا الأستاذ .. سبحان الله .. إزاى أصلا التليفزيون المصرى يسمح لشخصيه بهذا التاريخ و عدم ضمان إنه هايقول إيه و اللا ما يقولش إيه تجيبوه على الهوا و تسيبوه كده يقول كلام بقى عن أعراض و بنات و جواز .. حوارات ردح كده و تعريض بالأعراض و تشويه سمعه .. و بعدين هو بنى آدم مش مظبوط على الإطلاق .. بعد ما قعد يقول 62 قضيه و لسه 28 .. قال فيه ست بلاغات . ما قالش منهم إلا كل ما يؤدى إلى تشويه سمعة أى بنى آدم … ف ما بالنا بشخصيه معروفه و محترمه زى شوبير .. ؟؟ .. و هو بيتكلم بيرمى كلام ف الوسط كده فى منتهى السوء و يغطى عليه بكلام تانى و تعدى عادى .. أنا بجد كنت مستغربه من الأستاذ محمود سعد جدااااااااااااااااااااااااااااااااا … لما مرتضى على سبيل المثال لا الحصر طبعا .. قال وريتها صورة الكاتبن شوبير _ على بنت الكابتن شوبير يعنى_ و قلتلها آدى بابى .. يروح محمود بمنتهى الأخلاق العاليه يقوله : و دى حاجه سهله برده ؟ .. و بابتسامه بريئه و صوت واطى جدا !!!!!!!!!!!!!!!!!!!!!!!!!!! و لما شوبير أخد رد فعل أنا نفسى أخدته و انا قاعده أسمع لما الأخ مرتضى قال عن الناس اللى راحتله المكتب و هو قالهم لو جايين تفتروا على الكابت شوبير اتفضلوا اطلعوا بره .. كلنا قلنا الله .. طبيعى يعنى .. لما الكابتن شوبير قالها بقت دى تريقه و مسخره و إهانه و إساءة أدب تحملها الأخ مرتضى و بناءاً عليها رفض يكمل الحوار و قام زى العيال و مشى يقول يرد الأستاذ محمود على الأخ شوبير بمنتهى العنف و التحامل و الصوت العالى و قطع الكلام و يقولله لأ لأ يا كاتبن شوبير انت راجل إعلامى و عارف إن أنا بادير الحوار … !!!!!!!!!!!!!!!!!! و تبدأ وصلة “لأ” من محمود سعد لغاية ما شوبير بخلص كلامه بحيث يتشوشر عليه .. و طبعا دا أدى إلى تركيز المشاهد زياده و سمعنا كل كلمه قالها شوبير ………………. بالذمه دا مش شىء مٌلفت للنظر ؟؟؟ الأستاذ محمود كان واضح جدا إنه خايف من مرتضى منصور و كان قادر أوى على الأخ شوبير و للأسف ما يقدرش حتى يرد بنفس النبره اللى رد بيها على شوبير أو يتكلم كلمه من اللى قالها لشوبير و يتكلم و يقول كده لمرتضى … ماينفعش يا ناس تهينوا المٌشاهد إلى هذا الحد .. المٌشاهد اللى احترمكم و تفاعل معاكم إلى أقصى الحدود و مساندكم إلى آخر مدى .. و من رأييى إن البرنامج نفسه لو عايز يقدر يرفع تلات أربع قضايا على مرتضى بسبب كلامه و تصرفاته و أسلوبه و شكل حواره و ردوده .. دا كفايه إهانته للشيخ بس … دا غير طبعا ان الشيخ كان سلبى جدا و دا شىء لن أتطرق إلى الحديث عنه لأنه دا حريه شخصيه و جايز هو شاف إنه لازم يترفع عن اللى كان بيحصل .. و اللى انا شايفه إنه كان بيحصل من مرتضى بس … بس برده كان مفروض طالما وافق م الأول يحضر جلسه زى دى و إسمه يتردد ف الاعلان بتاعها إنه يتحمل تبعاتها للنهايه و ما ينسحبش من قبل البدايه بالشكل دا .. و هو يعنى ماكانش عارف إنه بيحاور حد بالمستوى دا ؟؟؟؟؟؟؟ … تحيه للجميع ..و أتمنى إن اللى جاى يتدرس كويس قبل الإعلان عنه

  19. نور الدين 08/04/2010 09:30 -

    يا استاذ محاسن محسن عيب تستهزء بالشيخ خالد لانة افضل من كتير والله يصلحة ويعزة ويهدينا واياك ام الصلح فهو خير بس مش لازم على الهواء يا استاذ محمود البلد مشاكلها كتير حول تعمل حاجة اكتر واحسن من كدة

  20. sahar ali 08/04/2010 03:04 -

    دى كانت مسرحيه وكان عملها مرتضى عشان يقول انى انا مقبلتش الاعتذار من شوبير واللى اتحط فيها ودخلت عليهم محمود سعد وخالد الجندى اللى متكلمش خالص ولا قال أيه ولا دعاء ولا حتى حاول يهدى الجووو بنهم وبردو بقول لسه محمود سعد بيخاااف من مرتضى ولا عرف يفتح بقوو قدامو ولا نطق دى قلت ادب واحنا نستاهل انى اتفرجنا على مرتضى وابنو العبيط ده

  21. حامد محمد حامد 08/04/2010 02:13 -

    بكل صراحة خلصت يا شوبير كلك كذب ونفاق وتريقة واقولك يا شوبير لو عندك زرة كرامة ياريت معدناش نشوفك على شاشات التلفاز لانك نموزج سىء للاولادنا ومنحبش نشوفك تانى انت جبت العار للغربية وادى اختيار الحزب ممكن اسئلك ولو عندك زرة كرامة تقولى مين كابتن س س حرام عليك يا شوبير عندك بنات اتقى الله ربنا ينتقم منك ومن امثالك ويعوض علينا يا عضو فاسد افسدت حيتنا ربنا ينتقم منك ويعين سيادة المستشار عليك

  22. مصري بحب مصر 08/04/2010 01:19 -

    واضح ان الاستاذ مرتضى مش في نيتة الصلح وواضح انة الاستاذ شوبير ….. ليس ما لدية ما يدافع به عن نفسة وواضح با عم محمود انها مسرحية انت اتخدعت فيها .. بتفكترني بالعمدة والبلد بس عمدتنا اجدع منك با عم محمود .. ما بيطلعش على الهوا .. ويعطل تلفزون مصر كلها ..على نسمع شتائم وااسرار الله يعلم بها

    كان ممكن تشوفوا مشاكل الناس البسيطة الي مش لاقية رغيف العيش والى واقفة طوابير اللحمة المدعمه .. الناس دي ماتت من الشيع ما فرقاش معاهم .. مصر النهاردة في انحدار .. افبقوا

  23. حوار كان فاشل جدا و بعدين المستشار كان جاى بيتلكك ومش هيرضى بالصلح و هو جاء البرنامج عشان يزل شوبير و انتو ساعدتوه فى كدة وادتولو حقه فى الكلام اكتر من شوبير و بعدين هما كانو جايين يتصلحوا و لا يفتحو الملفات لبعض و الاعلامى محمود سعد و الشيخ خالد معرفتوش تديرو الحوار خالص و صدمتونا فيكم ,الشيخ مفروض يهدى و يقول كلمتين يهدوا بيها الناس مش سيبتوهم يذلو فى بعض و احنا اللى اتضارينا بالمهزلة دى,صدمتونااااا….

  24. ديفيد عماد 08/04/2010 00:20 -

    هم الاتنين غلطوه وحته لوشوبير غلط من من منكم بلا خطيه فليرمها اولا بحجر كما قال السيد المسيح ديفيد عماد صدفا اسيوط

  25. احمد 08/04/2010 00:19 -

    دة كلام غير مقبول شخصية عامة يعنى تخدم بلادها مش تشغلة بكلام فارغ فى خلاف لايستحق واولادنا محبوسين من اخونا من الذين يحاولون ان يغيرو من الفساد الموجود فى البلد طبعا مافيش مناقشة عنهم .. شكرا

  26. واحد مصري 08/04/2010 00:01 -

    ياعني ياعم محمود خلاص الموضوع مفيش غير مشكلة عم مرتضى والعم احمد شوبير علشان تعطلوا تلفيون مصر كلها وتصلحوهم على الهوا ياعم ارحمونا ما زعلان مع امي … سلمو لي على مصر على فكرة ابويا زعلان مع امي ممكن تطلعوهم على الهوا …

  27. الادهم 07/04/2010 17:47 -

    يعنى كل مشكل البلد الحمد لله اتحلت الراجل الجعان بقى معاه عربيه وصاحب المعاش المبكر
    الحمد لله خد كل حقوقه وكله بقى فى التمام  ومفيش فى البلد حد تعبان الا شوبير ومرتضى
    لا زم الشيخ خالد والحاج محمود سعد يريحوهم  كفايه بقى المضوع اخد اكتر من حقه

  28. فؤاد الشعراوى 07/04/2010 12:05 -

    التصالح اهانه لانصارك ومحبيك يا سبادة المستشار ووصمه فى حق اسرتك !!! اين كانوا الذين اتو لعمل جلسة الصلح عام وثمانيه شهور وهم فى غيبوبه الم شاهدو اويسمعوا الشتائم والسباب !!! اتقى شر من احسنت اليه !!!!

  29. نور الدين 07/04/2010 11:35 -

    سؤال اشمعن دول الى عوزيين تصلحوهم على بعض طيب لو انتم هتعرفو تصلح وتحلو المشكلة ياريت تصلحو الحكومة على الشعب او الشعب على نفسة شكرا

  30. محاسن محسن 07/04/2010 09:51 -

    بصراحة انا مش عارفة ليه الاستاذ محمود سعد متمسك دائما بالشيخ المودرن خالد الجندى وايضا مش عارفة ليه سيتم الصلح بين الكابتن والاستاذ مرتضى منصور على التليفزيون احنا ذنبنا ايه نشوف الصلح ده اللى مالوش لازمه يتعاركوا يتصالحوا ما العائد علينا غير اننا شوفنا فضايح وردح من خلال القنوات وانا احترم جدا جدا الاستاذ الاعلامى الكبير محمود سعد واقول له رجاءا راجع موضوع خالد الجندى وفيه شيوخ كثر مبيسمين واكثر التزاما بصراحة لما باشوف هذا الشيخ على اى قناة باحول على طول

أضف تعليقاً