التحقيق مع محمود سعد حلقة شوبير ومرتضى منصور في مصر النهاردة

التحقيق مع محمود سعد بعد حلقة مصر النهاردة  شوبير و مرتضى منصور

التحقيق مع محمود سعد بعد حلقة مصر النهاردة شوبير و مرتضى منصور

برنامج مصر النهاردة

محمود سعد تحت التقييم الاعلامي بعد حلقة مصر النهاردة مع احمد شوبير و مرتضى منصور

مصريات

عادل حسين

قرر وزير الاعلام انس الفقي احالة حلقة برنامج مصر النهاردة مع احمد شوبير و مرتضى منصور والتي قدمها المذيع محمود سعد الى لجنة التقييم الاعلامي ووضعها تحت التحقيق بعد الانتقادات الكثيرة التي تعرضت لها حلقة احمد شوبير و مرتضى منصور في برنامج مصر النهاردة والتي اتهم بعدها الكثيرين الاعلامي محمود سعد بالتحيز الواضح مع مرتضى منصور ضد احمد شوبير في تلك الحلقة من مصر النهاردة وبنفس الوقت طال الشيخ خالد الجندي اتهام بالسلبية في التعامل مع حلقة برنامج مصر النهاردة مع احمد شوبير و مرتضى منصور .

اخبار ومواضيع ذات صلة:

48 comments
  1. اسماعيل الوهيدى 25/05/2010 16:22 -

    أولا : الاستاذ / محمود سعد أعلامى من الطراز الاول ومليون محطة فضائية تتمناه ثانيا : احمد شوبير كان شكله وحش

  2. مجدي اسيوط 21/04/2010 22:43 -

    والله انا شايف ان ليس في الامكان ابدع مما كان.لان شوبير يستحق بجدارة لقب(احقر انسان في التاريخ) ولا يعطي هذا افضلية لمرتضي منصور. اما عن محمود سعد فمن الطبيعي ان يميل ناحية مرتضي منصور لان لديه الحجة و الدليل القوي. الشيخ خالد كان مغلوبا علي امره فلقد بدا الطرفين الحوار برشق الاتهامات دون نية واضحة في التصالح.

  3. ايمن عبد الغني 19/04/2010 00:04 -

    ايه القوة الي ورا مرتضي الي مخلية يعمل كدة في الناس مرة شوبير مرة غيرة كتير حتي ا/ محمود سعد خايف يقاطعه ويقول الحق هو و الشيخ خالد الجندي الي مابعترفش بانه شيخ والمفروض انهم يغيروه من الربامج ويجيبو حد تاني و حسبي الله ونعم الوكيل في الظالم

  4. اسلام 14/04/2010 23:43 -

    فضيحة شوبير – مرتضى منصور قال كلام واضح وصرايح فى شرف شوبير اذا كان له شرف

    فالقضاء امامه ولكن لايستطيع لانه فعل كل هذا المنكر

  5. الاستاذ الفاضل محمود سعد يبدو ان اعداء النجاح والتميز كثيرون حدا لكن ولايهمك ان حصل وقدروا يبعدوك عن قناة المصرية مش ممكن حيبعدوك عن قلبنا وحنستناك في اي مكان واي قناة حتى لو قناة هنلولو واحنا افتقدناك اليوم انشاء اللة ربنا يزيح عنك هم هذة الغمة وحقيقي مرتضى او شوبير للاسف ماكانو يستهلوا انك تتعب نفسك علشانهم وقلبي معاك

  6. أبو محمد 14/04/2010 14:54 -

    أراد الله أن يفضح محمود سعد المنافق ومفتى محمود سعد( خالد الجندى )الذى لا يفرق عنه شيئا وداعى لتمييع الدين الإسلامى وإضلال المسلمين ولايهمنا شوبير ولامرتضى منصور ويكفى أن سعادة المستشار لم يستطع أن يقرأ آيه من القرءان صحيحه ولم يصححها له خالد الجندى فقال ( والذين فعلوا فاحشه )والصحيح ( والذين إذا فعلوا فاحشه ) ولك الله ياأزهر يامن كنت مناره للمسلمين

  7. مصري فاهم 14/04/2010 14:24 -

    انا مع كثير من الاراء السابقة ولكن عايز اقول حاجة لمرتضي منصور او كما يدعي المستشار وأنا مش عارف دائما يفتخر بأنه مستشار علي الرغم انة مستقيل من هذا اللقب وعلي فكرة مرتضي منصور مش ضليع في المحاماه دة عبارة عن محامي مخلصاتي فقط وهناك محامين كثيرين هم اللذين يقومون بكتابة المذكرات له فهو ليس بهذا الذكاء الخارق الذي به يستطيع استعراض كل هذة القضايا وانا واثق تماما بان منصة القضاء تجامله في قضاياه لان لديه ملفات لجميع القضاة في مصر وانا متعجب من الكثيرين اللذين يدعون بأن القضاء في مصر يتسم بالشفافيه والنظافة بل العكس تماما والدليل علي هذا بأن الحكم الصادر علي قناة الحياة بوقف شوبير عن التقديم لاي برنامج حكما خاطئا لانه صدر قبل الفصل في الدعوة الجنائيه فهل يجوز هذا قانونا وبالنسبة لموقف شوبير في حلقة مصر النهاردة انا شايف من وجه نظري أن شوبير هو الاقوي ولقد تيقن جميع المصريين ان مرتضي انسان مغرور جدا حتي وان كان علي حق وليس له مبدأ لأنه قد أخذل الاستاذ المحترم جدا حدا محمود سعد لان الحلقة هي حلقة صلح ورضاء ليست حلقة استعراض لما حدث فلقد كررت هذا مرارا في برامج عدة فلماذا تكرارها وانا اجيب علي هذا بأن مرتضي يريد اذلال شوبير وجها لوجه وهذا دليل علي انه انسان منحط ألم يكفيك كل هؤلاء الرجال الاجلاء اللذين تدخلوا للصلح بينكما ألم تشتري خاطر احدا منهم ام أنك تنتظرأخذ الاوامر من اللي في البيت أم تعتقد أنك بهذا قوي أقسم بالله لو أتأكد ان القضاء علي حق لاعلنت اسمي واقول لشوبير انت غلط وعيب قوي انك تقول علي احد ما قلته علي مرتضي وعموما عفا الله عما سلف اعرف ياشوبير ان مرتضي سيظل يطاردك واوعي تنذل له والله هو المعز والرزاق

  8. مصرى 14/04/2010 09:30 -

    يا محمود باشا انت راجل اعلامى محترم من زمان لية تدخل نفسك بين الوساخة دى. ياجماعة الحل بسيط خالص للناس دى وهو اننا نتجاهلهم نهائى ولا كانهم موجودين ومنجبش سيرتهم فى اى برنامج او صحف او اذاعة….

  9. عبده الدسوقى عبد المعطى ابو عيسى 13/04/2010 23:41 -

    يا جماعه انا مش فاضى للكلام ده انت ورايا شغلى فى الكافيه وعايذ اتجوذ وتعبان مله وفيش حد بيبسال فى ميتين اهلى صبو لنفسكو مانجه

  10. دكتور فرج الحبشى 13/04/2010 23:38 -

    البرنامج فوق الممتاز وكمان الاستاذ ممحمود سعد محاور ممتاز لكن كان هناك بعض التجاوزات وكلنا لاحظناها خلال البرنامج ودا مش معناه ان البرنامج ينحاز لشخص دون الاخر لكن من المفروض المتبع محاسبه المخطا ايا كان والسلام عليكم

  11. فرج الحبشى 13/04/2010 23:20 -

    احنا تاعبين دماغتا على الفاضى المهم ايه اللى هحصل فى النتخابات الجايه دا المهم بلا شوبير بلا مرتضى صح

  12. فرج الحبشى 13/04/2010 23:18 -

    محمود سعد محاور ممتاز يا جماعه واللى حصل ده متوقع مفروغ من امره وكان ممكن يحصل اكتر من كده مع اى حد تانى

  13. لمياء علام 13/04/2010 14:26 -

    السلام عليكم
    علي فكره شوبير يستاهل كل اللي جراله .والاستاذ محمود ملوش ذنب لان شوبير معرفش يدافع عن نفسه اصلا لانه فعلا كده وانا شايفه ان الحلقه محايده جدا والاستاذ محمود ادي حق الرد للاتنين بس وحد عرف يرد علشان معاه حق والتاني ياعيني………!

  14. محمد توفيق 13/04/2010 12:26 -

    السلام عليكم ورحمة الله وبركاتة والله انا شايف ان الموضوع دخل فى اطار غيرمحترم اى كان مين ال غلطان مش من حق اى قناة اذاعة اى شىء يخص هذة القضية لان انا شايف ان كل الكلام فى هذه القضية هو لا يخص الا صاحب القضية فقط وكمان انا شايف ثقة شديدة من المستشار مرتضى منصور على الكابتن احمد شوبير ورائى ان الكابتن احمد شوبير لازم يحسم هذه المشكلة لان المستشار مرتضى هو رجل قانون وايضا هو انسان ذكى للغاية وانا عايز اقولك حاجة يا أ مرتضى مش لازم الكابتن احمد شوبير يحلف على المسحف لانه من الواضح انك على حق وكمان انا عايز اقولك حاجة لا تنس العفو عند المقدره كما قال الاسلام

  15. حسن المصرى 13/04/2010 09:34 -

    هو احنا مش هنخلص من المواضيع الفاضيه دى كفايه ياجماعه ده كله حرام عليكم
    شوفو حاجه تكون مفيده

  16. استاذ / محمود سعد انت اعلامي متميز ولك مواقف عظيمة ومن الطبيعي ان الشجرة المثمرة نلقي بالطوب طبعا كنت تقصد خير ولكن حدث مالا يحمد وانا شايف انك حاولت تخلص مصر من صداع شوبير ومرتضي وكانت محاولة وفشلت وانتهي الموضوع لحد هنا ومش مستهلة تقييم ولا ديولة خلصت ويخبطوا دماغهم في بعض وعلي رأي المثل ماينوب المخلص الا تقطيع هدومة

  17. يوسف 13/04/2010 03:00 -

    بجد برنامج تحفة وشوبير افترى ويستااهل كل اللى يجرالة

  18. وليد غنيم 12/04/2010 22:51 -

    الاستاذ العزيز محمود سعد اكن لك كل الاحترام والتقدير ولكن مع من يستحق ان يقدرك مجهوداتك ولمتى سوف نظل بهذه الصورة الغير منطقية وغير مقبولة امام العالم اننا لانحترم انفسنا امام الجميع وهل ليسهناك كبير من يتدخل لحل هذه المشاكل ولمتى سوف يظ المستشار الجليل مرتضى منصور فى خصومات مع الجميع ونتمي من الله عز وجل ان يهدينا جميعا الى الصراط المستقيم وان تنتهى الخصومات مع جميع الاطراف

  19. اسماء 12/04/2010 14:39 -

    اسفه للاستاذ محمود سعد انا من محبيك لكن اول مره اشوفك متحيز لشخص عن الاخر وده الي شوفته ازاي سمحت لمرتضى يجيب اوراق ومستندات المفروض دي حلقه صلح مش حاجه تانيه ولا حتى انتا يا استاذ محمود بتخاف من مرتضى زي ناس كتير كفايه بقى خوف المفروض انك الي تدير الحلقه مش مرتضى وانتا الي توقف الكلام لما يخرج عن الخط الاحمر وبردو انا اتصدمت في الشيخ خالد الجندي ليه هو كان سلبي انا مش فاهمه ايه الي حصل وليه اتعملتو كده مع مرتضى وفين شخصيه محمود سعد الاعلامي الكبير وفين الشيخ خالد الجندي الي اي حاجه بيقولها بصدقها من كتر اقتناعي به انا مش مع شوبير ضد مرتضى او العكس انا مع الي شوفته وكمان الي ضايق اكتر تعليقك على الحلقه يوم السبت يعني على راي المثل جيت تكحلها عمتها

    وسؤال لاداره البرنامج كان في بركان في البلد بسبب مظاهره 6 ابريل وانتم تجاهلتو الموضوع هو فكر الجديد للبرنامج ايه علشان انا مش فاهمه

  20. محمود 12/04/2010 13:41 -

    الى محمود سعد
    اشعر انك تريد الاصلاح ولكن حلقاتك تنم عن تناقض في الشخصية مرة خالد الجندي ومرة هند رستم و مرة حل مشاكل الناس استحلفك بالله الفقرات التي تضر الشباب بلاش منها لان كل حلقة تكون سبب في ضلال واحد سيكون ذلك في ميزان سيائتك لان الدال على الخير كفاعله والدل على الشر كفاعله

  21. هند محمد 12/04/2010 11:42 -

    انا اتفرجت ع الحلقه وبصراحه انا ما شفتش اي تحيز بس ع العموم الاستاذ محمود سعد هو اللي غلطان وانا اسفه اني اقول كدا بس هو غلطان لانه دخل نفسه ف موضوع مالوش حل ومالوش اي اهميه وعلي فكره ما يهمش اي واحد من الشعب مش زي ما قال مرتضي منصور انها مش مشكله شخصيه لا مشكله شخصيه 100% وان كان علي الشيخ خالد الجند ف هو كمان غلطان لانه ادي للموضوع اكبر من حجمه وكل يوم مصلحه وتفشل والموضوع اصلا ما يستهلش لان الاتنين ظالمين

  22. ايمان أمين 12/04/2010 05:53 -

    ماينوب المخلص الا تقطيع هدومة معلش تعيش وتاخد غيرها انت الرائع دائما ولايعيبك شيئا ان كانوا حتى لايستطيعون ان يتحاوروا باحترام انت حاولت وجمهورك يكن لك كل احترام

  23. مواطن مصرى 11/04/2010 23:52 -

    دى وساخة هذة الأيام وللأسف هما دول الموجودين على الساحة وبيتدعموا من الكبار لألهاء الشعب الأمى عما يحدث مع أن يوجد ناس جميلة يتم دفنهم حتى يبقى هذا الشعب بدون قدوة ولا مثل أعلى وهذا هو الحال الآن والشاطر يشاور على مثل أعلى فى هذا الشعب يكون مكرم فى وطنةومن هذا الشوبير ومن يكون غير أنة لاعب كرة فقط هل هؤلاء هم نجوم مصر بعد طلعت حرب والنحاس وعبد الناصر وغيرهم حرام هو الشعب ناقص غيبوبة

  24. dr.mohamed 11/04/2010 23:46 -

    أكبر غلطة فى حياتك حتندم عليها طول عمرك يامحمود مش حننساها لك طب واحنا مالنا اتنين ولامؤاخده ذنبنا ايه مش كفاية النكد اللى احنا شيفينه لوشفتك حاامدك

  25. حماده 11/04/2010 21:08 -

    انا بس زعلانه من الشيخ خالد الجندى لانه لم يشارك فى الحوار ولم يعطى براى الدين فى هذه المهزله

  26. حماده 11/04/2010 20:58 -

    هند رستم جميله فعلا الزمن الجميل وجدع محمود سعد انه بيفكر فى الناس دى

  27. حماده 11/04/2010 20:57 -

    محمود سعد يا جماعه اتخم كان فاكر ان الحوار هيكون فى مستوى جيد من الحوار ولكن مرتضى منصور استغل البرنامج وشعبيه محمود سعد فى الاشهار باحمد شوبير وكويس جدا ان احمد شوبير مكلمش ليبين للنلس مدى سوء مرتضى منصور

  28. عجبني تعليق محمود سعد على اللى جرى له ما ينوب المخلص الا تقطيع هدومه وبعدين منتظرين ايه من الشيخ خالد الجندي هو الاحسن انه سكت اذا كان مفيش حد عمل احترام لوجوده

  29. د. يحيى خليل 11/04/2010 20:35 -

    ليه الوزير حول محمو سعد اوالحلقة دى للتحقيق و لم يفعل ذلك مع حلقة خيرى لما كان” بيردح” لعمر اديب ” احنا عارفيين من اللى كان بيمسك الصاجات………” !!!!

  30. بنت عربيه 11/04/2010 18:29 -

    والله انا شايفه ان ده فضا ف الوقت وهيافه وتخلف هو ده اللى احنا فالحين فيه نتفرج ع الخناقات و نعلق و نوهم نفسنا اننا بنفهم و اصحاب قرار سابيبن اللى بيموتوا كل يوم ف القدش و قاعدين نهيس مع الخناقت بجد حسبى الله و نعم الوكيل

  31. mlak ahmed 11/04/2010 18:24 -

    عجبني تعليق محمود سعد على اللى جرى له ما ينوب المخلص الا تقطيع هدومه وبعدين منتظرين ايه من الشيخ خالد الجندي هو الاحسن انه سكت اذا كان مفيش حد عمل احترام لوجوده

  32. سامية 11/04/2010 15:18 -

    خير تعمل شر تلقى هو المثل دة ينطبق على الاستاذ محمود الرجل كان عاوز يعمل خير بس اتلقاة شر وانقلب علية كان نفسة يصالح الناس دى على بعض ولكن هما محترموش دة ربنا معاك يا استاذ محمود ويجعل دة فى ميزان حسناتك

  33. زينب 11/04/2010 14:07 -

    مكنش المفرود محمود سعد يقول لهم اعرضوا المشكلة مرة ثانية لانها ولعت بينهم مرة اخري

  34. اشرف 11/04/2010 12:51 -

    من وجهه نظر اعلاميه

    .. المذيع لم يكن محايد بالمره ولم يعطي لضيف حق الرد بنفس المساحه الزمنيه يعني محمود سعد لازم يتحاسب
    … رغم ان المدعي والمدعي عليه مايستهلوش الوقت اللي ضيعناه…

  35. أم مصرية 11/04/2010 12:15 -

    قرار جيد أن يكون للرقابة دور ، لكن إذا كان نجح الصلح بينهم كانت مكافئتك إيه ياأستاذ محمود.. لقد أعطيتهم فرصة الحديث لكي تصفا النفوس ويتحقق الغرض من الحلقة. لكن كان واضح لي إن صحة الرؤيا أنه لم يكن في النية ذلك وليس هذا خطأك أن تعرف ما يدور في نفوس خلق الله يكفيك الأجر عند الله سبحانه وتعالى .. فأنت لم تخطئ … قال رَسُولَ اللهِ صلى الله عليه وسلم :لاَ تَبَاغَضُوا ، وَلاَ تَحَاسَدُوا ، وَلاَ تَدَابَرُوا ، وَكُونُوا عِبَادَ اللهِ إِخْوَانًا ، وَلاَ يَحِلُّ لِمُسْلِمٍ أَنْ يَهْجُرَ أَخَاهُ فَوْقَ ثَلاَثِ لَيَالٍ.

  36. د . محمد فرهود 11/04/2010 10:18 -

    قرار ممتاز ، ولكن بصرف النظر عن القرار ، وعما يجري عليه العمل في هذا الجهاز ، أود أن أشير إلى عدد من النقاط أرجو أن تأخذها اللجنة بعين الاعتبار وهي:-

    1 – أن التليفزيون المصري ملك الدولة أي أنه ملكية عامة ، ولذلك فإن تسخيره لمثل هذه الجلسات يعد إساءة لاستغلال المال العام وإهدار بين له ، وأن محاولة مقدم البرنامج التقديم بأن الصلح بينهما هو صلح بين شخصيتين عامتين هي محاولة داحضة .

    2 – أن الخلاف بين منصور وشوبير – مع حفظ الألقاب – لن يضر الأمن القومي المصري ، ولن يؤثر في مستوى معيشة الشعب ، ومن ثم فإن صلحهما أو عدمه لن يفيد أحد ..

    3 – أنه – وعلى فرض حسن نية الداعين للصلح – وأحسبهم كذلك – فلم تكن تلك هي الطريقة الصحيحة للصلح بل كان يجب أن يتم إنهاء كافة الفرعيات وتسويتها وعلاج كل أوجه الخلاف في الكواليس ولا يخرج الجميع علينا إلا لإعلان الصلح فقط ..

    4 – أن السماح لمنصور بعرض ما قاله إسهاباً خطأ جسيم في حق البرنامج لأنه أتاح له التشهير بشوبير على الهواء والتأثير على القضاء في قضايا لا تزال معروضة عليه ومنظورة لديه – رغم إقرارنا بسمو القضاء ونزاهته ، ولكن القائمين عليه في النهاية بشر وما حظر النشر في الغالب الأعم من القضايا إلا للابتعاد عن التأثير على القضاء . 5 – أن ما قاله منصور هو تكرار لما قاله على عدد كبير من القنوات الخاصة وهو نوع من استعراض العضلات في التشويش والتجريح والسب والقذف الذي يمارسه بحق شوبير، كان على مقدم البرنامج أن يمنعه منه قبل بدء الحلقة. 6 – أن البرنامج أساء كثيراً إلى شوبير حين سمح لمنصور أو تساهل معه في التعرض لحياة شوبير الخاصة والتعريض به وبسمعته وشرفه ولم يكن فيه أي شكل من أشكال التوازن إن لم يكن قد فقد حياديته بالمرة . وختاماً أحيي شوبير – رغم اختلافي معه في كثير من الأمور – على رباطة جأشه وعدم انزلاقه وراء منصور بل وعدم التقامه للطعم الذي قدم له أكثر من مرة حين رفض الاعتذار الذي لم يكن ليجلب له إلا كثيراً من الإدانة – إن وجدت – دون مردود إيجابي ..

  37. يوسف سعد 11/04/2010 04:05 -

    على فكرة يا استاذ محمود سعد انت كنت قاصد وبشدة انك توضح للملايين اللى بيشاهدو مصر النهاردة اخطاء احمد شوبير وبشدة وبينى وبانك احسن حاجة عملتها لانى هو كمان اتكلم عليك كلام مش حلو مع وفاء الكيلانى فانت بضربة معلم ردتها وبقوة لشوبير بدليل انى مرتضى محضر كل الاوراق والمحاضر اللى بديين شوبير وبعد التعليق السخيف من شوبير منة بيقول لاحمد ابن مرتضى شيل يابنى الورق بتاعكم حركة حلوة اوى منك انك نهيتك حوارك معاة عارف لية لانة شخصية كاذبة وغير صادق بكلامة برافو عليك انك انت لم تستمع لة

  38. محمود عياد 11/04/2010 02:28 -

    السلام عليكم رساله الي الاستاذا محمود سعد انت انسان مصري اصيل وابن بلد و واحد منن وحولت تعمل حاجة لله لكن مرتضي منصور واحمد شوبير ناس عيش في الوهم فين القدوه المستشار يقول وحياه امك لعمر اديب ويتصل بخالد الغندور ويقول شوبير وحدة ***** وشوبير يرد عليه ويقوله امك يا استاذا محمود انا مصري عيش في روسيا وياريت توصل ليك رسالتي الاتنبن مجنين شهره واعلام وياربت نعمل حمله احنا مش عوزين نشفهم في اي قناه والله لو هذا حدث الاتنين هيروحوا ومستشفي المجانين وانا بشوف البرنامح ولا اتمني ان اراهم في هذا البرنامج مصر فيها مشاكل اهم من هولاء.شكرا

  39. الدكتور \ احمد الشافعي 11/04/2010 01:57 -

    احنا اضحك علينا احنا كنا مستنيين صلح مش اعادة الخناقة اللي حفظنا اسبابها مليون مرة

  40. بالعكس الحلقة كانت رائعة ومسلية انا عن نفسي كنت بقزقز لب مع كوباية شاي منعنعين وكان نفسي البرنامج يقعد للصبح اهو نتسلى 11/04/2010 01:52 -

    بالعكس البرنامج كان رائع انا عن نفسي كنت بقزقز لب معاهم كوباية شاي منعنع محصلش وكان نفسي الحلقة تقعد للصبح اهو الولاد دول بيسلوني قوي قوي قوي يارب مايصطلحو ويقعد الحال على ماهو عليه وتولع بينهم زيادة يا مصيبتي لو هما اصطلحو انا اعمل اييييييه اقزقز لب على اييييييه

  41. احمد خميس 11/04/2010 01:07 -

    بصراحه البرنامج رائع لايضاح الرؤية كاملة. ولاكن السبب فى فشل الصلح هو الاداره لذالك. ومن امهر العرب فى ذالك ( العرب البدو) و لا أرى اية مسؤليه مهنيه تجاه محمود سعد. انما هو طرح مهنى فى موضوع حلقه .والسلام عليكم ورحمة الله وبركاته

  42. نيفين 11/04/2010 00:35 -

    والله أنا شايفة إن الإثنين غلطانين وإن أسلوبهم كان غير لائق بالمرة بس الأستاذ محمود كان قاصده خير والصلح بين إثنين مش عايزين الصلح أساسا

  43. المصرى 11/04/2010 00:21 -

    يارب نلاقى حاجه مفيدة نكلم فيها

  44. أشجان الحفناوى 11/04/2010 00:19 -

    حلقة جميلة وكان ممكن تحقق هدف الصلح لولا تكرار تعليقات شوبير المستفزة الى آخر الحلقةحتى عند خروج أحمد مرتضى أستمر شوبير فى أخطائه ولو بيفكر صح كان أستغل هذا اللقاء و وجود الشيخ خالد الجندى وتم الصلح ولكن هو مثل سئ للأعلامى و لنائب للشعب و للأخلاق الرياضية وحاول الأعلامى محمود سعد أن يهدأ الحلقة بأن يمتص غضب سيادة المستشار ويتركه يفرغ غضبه من تصرفات شوبير حتى يصل لهدف الصلح ولكن للأسف هذا هو شوبير

  45. ابمن 11/04/2010 00:17 -

    السبب فى فشل الصلح هو اْ/ محمود سعد لا نه المفروض انها صلح وليست أعادة للمشاكل بين شوبير ومرتضى المفروض ان يقوم الشيخ خالد بتهبئة الجو ثم بعتزر كل واحد الى الاْخر وينتهى الموضوع على كده

  46. وليد ابوزيد 11/04/2010 00:01 -

    بصراحه البرنامج رائع ولا يمس محمود سعد من قريب ولا بعيد ولم نجد من محمود سعد التمييز بين الحاضرين ولكن رايناه يعطى كل واحد الحق فى الرد وعدم التداخل لقطع اى منهما حوار الاخر وهزه مهنيه تحسب له ولكن تجاوز احمد شوبير بالتدخل بالتعليق ما رايت منه الا انه كان ينوى لافساد الحلقه وهزا ما قد نجح فيه وللاخ محمود سعد ما الوم عليه الا لتدخله لمحاوله الصلح ولكنى كنت احب ان يكون موضوع الحلقه الراى والرد عليه بخلاف ان تكون الحلقه للصلح هذا ما انتقده بالحلقه فقط

  47. محمد عبدالله صهر المصريين 10/04/2010 23:29 -

    جرت العاده لدينا نحن العرب ان نتقد ما هو حسن وسيىء على السواء . وان نحارب كل نجاح ان ما طرحه الاعلامى المتميز محمود سعد . انما هو طرح مهنى بحث .وهنا ياتى دور المشاهد فى تقييمه للموضوع . انا مواطن عربى ليبى . فلا أرى اية مسؤليه مهنيه تجاه محمود سعد . اتقوا الله فى نجحاتكم , فالبرنامج بكل تأكيد ناجح ونصيحه الاخ محمود وتامر اللا تلتفتوا للوراء .والنقد صفة اتصف بها العرب دون غيرهم .والسلام عليكم ورحمة الله وبركاته

أضف تعليقاً