مسلم قبطي وجهان ليس لعملة واحدة

 

بقلم محمود بلال

 

بالنسبة لقضية الاقباط والمسلمين بتاعت مصر واللي بعتبرها القضية الوحيدة اللي في العالم بتتعامل معاملة خاصة بالزبط زي ديربي اي كورة الانتر والميلان او حتى الاهلي والزمالك.احنا كمصرين بادينا عملنلها هوس اعلامي احنا اللي ضخمناها بالزبط زي الانسان اللي كل شوية بيعتذر لواحد ويقلو انا اسف اني دست على رجلك ويفضل يتاسفلو لحد ما الموضوع التافه ده يقلب بخناقه كبيره …احنا اللي ادينا القضية دي اكبر من حجمها… فضلنا نتكلم كتير ..ونطلع اغاني عن الوحدة الوطنية حتى الافلام والمسلسلات بقينا ندخل شخصيات في المسلسل على انها مسيحية عشان نقول ان عندنا وحدة وطنية مع ان الافضل اننا منذكرش اموضوع ده ومنكبرش ولا نضخم المواضيع المتعلقة بالاقباط والمسلمين لان بكل بساطه بنكبر الفجوة اللي منها بتدخل كائنات طفيلية من خارج مصر عشان تنهش في نسيج المجتمع المصري…وخلينا علطول كده نفضل نقول احمو مصر يا مصرين الاغنية المستفزه بتاعت محمد ثروت وغيرها من الاغنيات والمفارقات الكثيره ..وجيبنلنا الهلال مع الصليب وحركات مفقوسه ….من الاخر …خلاص خلاص كفاية نشغل الاسطوانه المشروخه القديمة الباليه بتاعت الاقباط والمسلمين..مفيش داعي نجيب امام مسجد وماسك بايد قسيس او قمص او اي كانت من الرتب الكثيرة اللي موجوده عند الاقباط . وصدقوني لو اتصرفنا عادي ومقعدناش نبرر علاقة المسلم والقبطي ..عدونا الخارجي ومثيرو الفتن هيقولو التالي بس طبعا هيقولو بلكنه صهيونيه خبيثة “” المصرين دول صرفوا نظر عن قضية المسلمين والاقباط ومعدش ينفع ندخل بينهم لانهم بكل بساطه كبرو دماغهم بطلو يتكلمو في الاعلام كتير بطلو يتاسفو لبعض ..فكوهين معدش ينفع نخشلهم من الباب ده خلينا نشوف باقي الطرق …””وبكل بساطه هتنتهي مشكلتنا.وهنعيش مع بعض باخاء وموده ” كده وكده ” ونعيش في تبات ونبات ومنخلفش لا صبيان ولا بنات .ويبقى موضوع اقباط ومسلمين مصر يتقال قبل النوم بعد 4000 سنة عشان ننيم بيها الاطفال ونقلهم كان يا مكان مسلم وقبطي وجهان ليس لعملة واحدة!!!!!

اخبار ومواضيع ذات صلة:

1 comment
  1. awad shehata 18/10/2011 13:19 -

    طيب انت شايف دة يحصل امتي لما نحترم بعض وكل واحد يخلية في معتقدة ومنحرضش بعض والمساجد تبقي منبر لــ بس الفتن ونرحم مصر من اللي هيا فية ونحترم حقوق بعضينا

أضف تعليقاً