مصريات – كتبت نجوى مدبولي: تقدم مصريات دليل استرشادي يساعد طلبة الثانوية العامة على التقدم الى مكتب التنسيق الالكتروني، وطريقة اختيار الكلية في اي جامعة من الجامعات المصرية من الكليات المتاحة في الجامعات، واختيار الرغبات التي تناسب ميولهم ورغباتهم بالاضافة الى مجموعهم بعد ظهور نتيجة الثانوية العامة 2023 وتوزيعهم الجغرافي قبل ملأ بيانات ورغبات التنسيق للمساعدة على اتخاذ القرار واختيار الكلية المناسبة والمتاحة حسب مجاميع الثانوية العامة 2023 المختلفة.
وفي خطوات لازم يتبعها اي متقدم عند تسجيل الرغبات والتقدم الى الكلية الكترونيا وبشكل صحيح ويجب الالتزام بشروط وضوابط التوزيع الجغرافي..
وسوف تجد في هذا الدليل اسماء الكليات التي تخضع لمعايير التوزيع الجغرافي.
اول حاجة لازم تعرف انت في اي مرحلة من مراحل تنسيق الثانوية العامة 2022 – 2023 سواء المرحلة الاولى او التانية او المرحلة التالتة وذلك في موعد فتح باب التنسيق والذي قمنا بالاعلان عنه في موقع مصريات، لازم تدخل موقع مكتب التنسيق الالكتروني التابع لوزارة التعليم العالي المدرج آخر هذا الخبر.
مكتب التنسيق واختيار الرغبات
وبعد ما يفتح موقع التنسيق الالكتروني لازم الطالب يدخل رقم الجلوس و الرقم السري اللي بيستلمه مع شهادة الثانوية العامة.. اتأكد من بياناتك الاساسية، ولو في اي شئ غلط في البيانات ومش ممكن تعدله بنفسك كغلط في الاسم مثلا او البيانات الشخصية لازم تتصل بمكتب التنسيق، او اي فرع من فروعه او تروح لاقرب معمل للحاسبات في جامعة قريبة منك..
تاني خطوة للتقديم في مكتب التنسيق، لو لقيت كل البيانات واتأكدت انها سليمة، انك تختار الكلية او المعهد اللي عايز تتقدمله من خلال قائمة للتوزيع الجغرافي بتوضحلك كل الكليات المتاحة ليك والجامعات حسب توزيعك الجغرافي.. وبعدين بتختار التخصص اللي حابب تتقدمله في كلية من الكليات مثلا القطاع الهندسي في كليات الهندسة والحاسبات، ولازم تراعي ان قائمة الكليات المسموح لك تتقدم لها حسب التوزيع الجغرافي بتنقسم الى 3 مجموعات هي:
التوزيع الجغرافي في اجراءات مكتب التنسيق
بداية يجب الملاحظة بان التوزيع الجغرافي تنسيق الجامعات يصنف ضمن عدة مجموعات وهي كما يلي:
مجموعة »أ« اجبارية وهي الجامعة او الجامعات الأقرب لادارتك التعليمية.. وفي بعض الحالات بتكون اكثر من جامعة في هذه الادارة تقع ضمن حيز متساوي المسافة من الجامعتين.
مجموعة »ب« اجبارية بعد استكمال الاختيارات في المنطقة »أ«: وهي عدة جامعات تقع ضمن حيز الإدارة التعليمية للطالب ولا يوجد فرق في اختيار اي منها قبل الآخر.
مجموعة »ج« باقي الجامعات التي بها كليات للقطاع الذي ترغب لإلتحاق به ويسمح لك باختيار اي منها وتعتبر متساوية حيث انها جميعا تبعد عن محل سكنه وادارته التعليمية لكن مع ملاحظة ان الـ٠٠٣ طالب الاوائل لا يخضعون لهذه القواعد ويمكنهم ترتيب رغباتهم دون الالتزام بها.
ويجب ملاحظة ضرورة اختيار كل الكليات التي تقع في نطاقك الجغرافي اولا قبل البدء في الاختيار في النطاق التالي لك.. كما يجب مراجعة الاقسام والشعب التي تعتبر كل منها رغبة مستقلة عند الترشيح لها. ويجب الالتزام بتسجيل »٨٤ رغبة«. علشان ما تستنفدش رغباتك.
في كليات لا تخضع لعملية التوزيع الجغرافي في قبول الطلاب، وهي كليات »الاعلام والاقتصاد والعلوم السياسية والألسن« كما اعلنت د. سلوي الغريب امين المجلس الاعلي للجامعات علي ان يكون القبول بكليات التمريض اقليميا وليس جغرافيا لأول مرة، كما توجد بعض الكليات التي تقبل ابناء المحافظة التي تقع بها فقط مثل الطب البيطري والتمريضي بمرسي مطروح – وطب قنا بالوادي الجديد، كما لا يجوز التحويل من طب الاسماعيلية إلي كليات طب أخرى في حالة اختيارها.
تعديل رغبات تنسيق الشهادة الثانوية العامة
يمكن لطلاب كل مرحلة تعديل الرغبات اكثر من مرة طوال فترة المرحلة وقبل اغلاق موقع التنسيق الالكترونى في المدة المحددة وبعد الانتهاء من تسجيل الرغبات ومراجعتها اضغط علي زر التسجيل ثم قم بطباعة رغباتك.. وبعد اعلان نتيجة الترشيح في كل مرحلة من مراحل تنسيق الثانوية العامة سيتم اعلانك بالنتيجة عن طريق البريد الالكتروني أو رسالة SMS علي الموبايل او من خلال موقع التنسيق بعدها يمكنك التقدم باوراقك الي الكلية التي تم قبولك بها او الانتظار لاجراء تحويل الي كلية اخري تري انها افضل وذلك طبقا لقواعد التحويلات مع العلم انه سيتم فتح باب التحويلات عقب انتهاء طلاب المرحلة الثالثة من تسجيل رغباتهم.
وننبه الطلاب الذين يرغبون في تسجيل رغباتهم عن طريق معامل الحاسبات بالجامعات انها ستفتح ابوابها امام طلاب تنسيق الثانوية العامة المرحلة الاولي اعتبارا من الاحد القادم من التاسعة صباحا حتي الخامسة ظهرا طبقا لشرائح المجاميع التي يحددها وزير التعليم العالي غدا.. مع العلم ان الطالب الذي سيسجل رغباته من المنزل غير ملتزم بهذه الشرائح ويمكنه الدخول علي الموقع خلال الـ٤٢ ساعة.
اختيار الكلية حسب التنسيق الالكتروني والحد الادنى للقبول في الجامعات
ولكي تختار الكلية المناسبة، يجب ان تعرف الكليات التي تتناسب مع الشعبة التي درستها في الثانوية العامة:
اولا: الكليات والمعاهد التي تقبل طلاب الشعبة العلمية » الناجحين في مواد الفيزياء والكيمياء والاحياء ومادة رابعة ادبية« وهي كليات »الطب – طب الاسنان – الصيدلة – العلاج الطبيعي – الطب البيطري – الزراعة – التمريض – والمعاهد الفنية للتمريض – التربية النوعية واقتصاد منزلي بالاسكندرية – البنات للآداب »اقتصاد منزلي عين شمس« المعهد العالي للكفاية الانتاجية »الشعبة الزراعية بالزقازيق – التربية »اقتصاد منزلي« بالاسماعيلية.
كما يتم قبول هؤلاء الطلاب في المعاهد الصحية الفنية ومدة الدراسة بها عامان.. اضافة إلي المعاهد العليا الخاصة للتعاون الزراعي بشبرا الخيمة واسيوط ويجب علي الطالب الانتباه إلي ان الدراسة في المعاهد الفنية ٤٢ شهرا وملحقة بكليات الطب ومدة الدراسة بالمعهد الفني للتمريض »مبارك كول« بقصر العيني ٣ سنوات ويشترط للقبول به الحصول علي ٠٧٪ في اللغة الانجليزية ويضاف إلي الكليات والمعاهد السابقة جميع الكليات والمعاهد النظرية التي تتناسب مع مجموع الطالب ومرحلته طبقا للحد الأدني للقبول في الشعب العلمية.
ثانيا: الكليات والمعاهد التي تقبل الشعبة الهندسية » الناجحين في مواد الفيزياء والكيمياء ورياضة »٢« ومادة رابعة ادبية«. وهي كليات »الهندسة – التخطيط العمراني – الفنون الجميلة »عمارة« الزراعة شعبة الهندسة الزراعية، هندسة البترول والتعدين، المعهد العالي للتكنولوجيا ببنها، المعهد العالي للطاقة بأسوان التربية النوعية بقنا »شعبة تكنولوجيا التعليم«. ويضاف الي الكليات والمعاهد السابقة جميع الكليات والمعاهد النظرية التي تتناسب مع مجموع الطالب ومرحلته طبقا للحد الادني للشعب العلمية ويراعي الطالب المقبول بهندسة القاهرة ان الدراسة بالفرقة الاعدادي في مقر الجامعة بالشيخ زويد وتستكمل في المقر الرئيسي بالجيزة.
ثالثا: كليات الحاسبات والمعلومات التي تقبل طلاب الثانوية من الشعبة الهندسية بالجامعات الاتية: القاهرة – عين شمس – أسيوط – المنصورة – الزقازيق – حلوان – المنيا – المنوفية – قناة السويس – الفيوم.
رابعا: الكليات الجامعية والكليات التكنولوجية والمعاهد التي تقبل طلاب من الشعبتين العلمية والهندسية: »العلوم – البنات للأداب بعين شمس »علوم« الفنون التطبيقية – الاقتصادية المنزلي – التربية النوعية بقنا »شعبة اقتصاد منزلي«.
وفي الكليات التكنولوجية ومدة الدراسة بها عامان » بالمطرية وشارع الصحافة وقويسنا والمحلة والاسكندرية وبورسعيد وسط الوادي وجنوب الوادي« ويتم قبولهم ايضا في المعهد الفني للصناعات المتطورة بالزقازيق والجامعة العمالية والمعاهد العليا الخاصة للفنون التطبيقية.. اضافة إلي قبولهم في جميع الكليات والمعاهد النظرية التي تناسب مجموعهم.
خامسا: الكليات التي تقبل طلاب المجموعة العلمية الذين درسوا مواد »الاحياء – الكيمياء – الجيولوجيا – مادة ادبية« يتم قبولهم في كليات الزراعة بالجامعات المختلفة طبقا للتوزيع الجغرافي.. اضافة إلي جميع الكليات والمعاهد النظرية التي تناسب مجموعهم.
سادسا: الكليات والمعاهد التي تقبل جميع طلاب الشعبة العلمية والادبية (الاقتصاد والعلوم السياسية – الاعلام – الاثار – التجارة – الحقوق – الاداب – التربية النوعية – دار العلوم – الألسن – الخدمة الاجتماعية – التربية الرياضية -السياحة والفنادق – رياض الاطفال – البنات »للآداب والعلوم« – الفنون الجميلة »فنون«).
كما يتم قبولهم في الكليات التكنولوجية السابق ذكرها وفي الجامعة العمالية بفروعها.. وفي المعاهد العليا الخاصة التي تناسب كل شعبة.
شروط اضافية في مكتب التنسيق لطلاب الثانوية العامة
مكتب التنسيق لطلاب الشهادة الثانوية العامة
وتوجد شروط اضافية للقبول ببعض الكليات والمعاهد كالاتي: الحقوق.. يشترط ان يكون الطالب قد درس اللغة الفرنسية في شهادة الثانوية العامة الطلاب الذين لم يدرسوا اللغة الفرنسية يجوز قبولهم بشرط النجاح في مادة اللغة الفرنسية علي مستوى الثانوية العامة ولا يمنح درجة الليسانس الا بعد نجاحه خلال سنوات الدراسة.
الألسن: يشترط الحصول علي ٠٧٪ علي الاقل من الدرجة النهائية لكل لغة من اللغات الثلاث »عربي – لغة اجنبية اولي – لغة اجنبية ثانية« ولا يحق للطلاب المعفين من اللغة الاجنبية الثانية الالتحاق.
السياحة والفنادق: يشرط للقبول بها اجتياز الاختبار القدرات الذي ينظمه مكتب التنسيق.
التربية الموسيقية: تشترط ايضا النجاح في اختبار القدرات كذلك الفنون الجميلة والتربية النوعية »شعبة فنية« ويشترط المعهد العالي للطاقة باسوان قبول الطلاب الحاصلين علي الثانوية العامة من »سوهاج – قنا – اسوان – البحر الاحمر – الوادي الجديد«.. وتشترط المعاهد الفنية الصحية ان تكون اللغة الاجنبية الاولي هي الانجليزية والا يقل سن الطالب عن ٦١ سنة ولا يزيد عن ٢٢ سنة في اكتوبر 2023.
هذا وستعلن وزارة التعليم العاليعن موعد المرحلة الاولى من تنسيق الثانوية العامة والتقدم للقبول بالجامعات والتي ستبدأ خلال 24 ساعة بعد ظهور النتيجة وسيتم القبول لمدة 5 أيام ويتم تحديد اعداد طلاب المرحلة والحد الأدنى للقبول بها لطلاب العلمي والادبي بعد دراسة المجاميع التكرارية.
للبدء في التقدم الى تنسيق الثانوية العامة واختيار الكليات ومعرفة الحد الادنى للقبول في الجامعات وكذلك موعد بدء التقديم او تعديل الرغبات هنا: https://tansik.egypt.gov.eg/application
انا 72.2ادبي وعاوز اعرف الكليات المتاحة والمعاهد
مجموعي ٩٥.٣٧% وعايزه اعرف الكليات اللي تناسبه من عامي علوم
انا مجموعي 93.41% اي الكليات المناسبه مع مجموعي
اناجايب 93.9ممكن ادخل ايه
انا علمي علوم وجبت 88.8 ايه الكليات اللي هتجيلي
برجاء ارسال جدول المرحلة الثانية
لو سمجتم اانا اجايبه 93.17 هل هلحق علووم ولا للاا بررجاء الرد ووجزااكم الله عنا الخيرر كله
أنا جايبه 77.3%
عايزه اعرف ايه الكليات إلى تقبلنى مع العلم انى علمى علوم وشايله فيزيا
بجد أنا مش عارفه اى حاجه حد يقولى اعمل ايه
أنا جايبه77.3% عملى علوم وشايله فيزيا ممكن أعرف ايه هى الكليات المناحه ليا
٧٨.٣٪ ممكن يجيلي اداب ولا ايه :/
لو سمخت انا جايب 82.80% علمي رياضه ايه الكليات المتاحه و لو حتى الاقاليم
انا في سنه أولي علوم و عايزه احول كليه أخري وحاصله علي جيد جدا ترم و امتياز الترم الثاني وارجوا الرد بسرعه وهل أدخل كليه أعلى ام أقل
انا جايب 92.5 علمي علوم
انا جبت 88.2 علمي رياضه هل ممكن ادخل حاسبات ومعلومات ولو حتي اقاليم
انا عايزة اعرف تنسيق الجامعات لكلية الصيدلة منين ؟؟؟؟
انا مجموع404 الثانوية تجارة
علمي رياضة 85.85% ايه اللي ممكن اقدم فيه؟!
ويعني ايه مرحلة اولي وتانية وتالته وبتفرق بكام %؟!
اتمني لو حد يقدر يفيدني؟
انا جايب 64 و نفسي ربنا يسترها
انا محمود من المنوفيه ادبي جايب 85.37%عايز اخش تربيه ابتدائي ممكن اخوشها
نرجو فتح اختبارات القدرات من جديد لكليات التربيه الرياضيه وغيرها نحن نضيع
نرجو اعادة فتح اختبارات القدرات رافه بالطلبه نرجوكم ونتوسل اليكم
السلام عليكم ورحمة الله وبركاته . نرجو من سيادتكم رافه بمن فى حالى وان مجموعى اتصدمت بيه ولم اقم بسحب استمارات القدرات. للتربيه الرياضيه والفنيه والموسيقيه. انقذونا يرحمكم الله
انا جايبه ٨٨.٥ ادخل ايه
مكن سؤال اعرف نسبتي ازاي و انا لسه مسجلتش
انا جايب 56% وعايز اعرف ينفع ادخل كلية ولا لا
ارجو المساعده انا فى 3 ثانوى علمى رياضه ومش عارفه هاجيب كام
انا جايب 100% محدش هيبركلي انا الاول علي مدرسة الثانوية بنين الخاصة
انا جايبه 57.2% و كتبت الرغبات و مكتوب فى بطاقه الترشيح امام الكليه استنفد رغبات الطالب و اما ترتيب الرغبات صفر
مش ده معناه ايه و هلحق كلية ولا مش هلحق
انا جايب 54.5 تفتكرو هلحق اي كلية خاصة ؟~
أنا جايبة 65.24% أدبى ومش عارفة أدخل إيه ممكن أدخل أى قسم فى كلية التربية أو آداب أنا من الإسماعيلية
اريد معرف ماذا تعني كلمة (الشعبة ) لانني اريد التقديم لكلية الطب جامعة القاهرة فاثناء ملىء الاستمارة تضهر لي كلمة الشعبة فماذا تعني وشكرا
انا جايبه 390 وعايزه ادخل تربيه انجليزى وجايبه فى اﻻنجليزى 46.5 مجموعى يجيب وﻻ ﻻ؟
انا جيبا 99 .7 علم علوم ا عمل اة
انا جايب 62 علمى رياضة وعاوز ادخل كليه حاسبات ومعلومات خاصه ياترى ينفع واو مينفعش ياترى ماهى احسن الكليات لى وشكرا
انا جايب 63 ./. ينفع تقبلنى تجاره اسوان ولا تربيه رياضيه اسوان
انا جايبه 72.8% وعايزه اعرف اذا كان ممكن ادخل جامعه الازهر لغات وترجمه و لا ولو منفعش ممكن ادخل تجاره انجليزي ولا لا مع العلم اني ثانوي عام
الحد الادنى للقبول فى الصيدلة
انا من جنوب سينا وجايبه 83.9 % وعلمى علوم وكنت عامله اختبار قدرات فنون جميله ونجحت فيه وقدمت رغبات ومجتش ليا كليه فنون جميله مع العلم انها ف المنيا واخده من 80 % وجاتلى كليه تجاره وانا مش عايزاها وعايزه احول فنون جميله المنيا اعمل ايه؟
انا جايب 69.15% علمي رياضه ايه الكليات اللي ممكن ادخلها
ممكن اغير محل الاقامة وادخل معهد صحى الزقازيق وانا من المنصورة ارجو اللرد ولكم جزيل الشكر
انا جايبة 77.5 % علمي رياضة
ينفع أدخل تجارة انجليزي ولا ﻷ
انا جايبة مجموع 397.8 وف الميه 97 وكسر وعاوزة ادخل صيدلة اعمل ايه
انا جايبة 89.88 علمى رياضة مرحلة ثانية ممكمن اعرف مجموعى يدخلنى اى كلية مع العلم انى عاملة تظلم فى مادتين لو فرض اعطونى اى درجات تتحسب ازاى وممكن تعدل معايا الكلية ولاعلشان قدمت فى المرحلة الثانية تضيع فرصتى
انا جبت 78 ممكن ادخل تجارة انتساب عين شمس و عايز اعرف هى بتاخذ من كام
انا جايبة73.5علمى علوم ومش عارفة هدخل اية .اية الكليات المتاحة .لو سمحتو ردوا عليا بسرعة
انا جايبة 97.8%عاوزة ادخل طب اسنان باى طريقة اعمل ايه ولو حتى اقاليم
انا اسمى خالد مجموعى 381 وعايز ادخل تربيه انجليزى بس عايز اعرف اه شروطها بالنسبه لمجموعى الانجليزى فى الثانويه عايزين كام انا 45 من 50
انا جايبه 84%علمى علوم وعايزه اعرف ممكن الحق تربيه عام او اساسى او طفوله؟؟ارجوكم قولولى بسرعه لانى محتاره جدا
أنا جبت مجموع 402 انا مجموعي يجيب طب أسنان في بني سويف والمنياواسيوط
بس انا قدمت غلط ومستني التحويل
اعملايه
هو الطيران المدنى اخد من كام