نتائج الانتخابات 2010 دائرة حلوان:سيد مشعل فاز بمقعد مصطفى بكري


نتيجة انتخابات مجلس الشعب 2010 حلوان : سيد مشعل تفوق على مصطفى بكري

مصريات

تأكد فوز وزير الانتاج الحربي سيد مشعل في نتائج الانتخابات بدائرة حلوان على مقعد الفئات وهزيمته للنائب السابق مصطفى بكري بفارق اكثر من 7 الآف صوت في الانتخابات المصرية البرلمانية التي اقيمت اليوم ..

اما بخصوص نتيجة الانتخابات 2010 على مقعد العمال فيرجح ان يكون هناك جولة ثانية وتتم الاعادة بين علي الجوهري مرشح الحزب الوطني و رمضان عمر عن الاخوان المسلمين ..

اخبار ومواضيع ذات صلة:

132 comments
  1. حسن المير 16/02/2011 18:12 -

    يا اخوانى الاعزاء سيد مشعل حرامى كبير ومرتشى

  2. حسن عبدة عبدالله 22/01/2011 20:32 -

    يوم 13/1/2011 في مصنع 81 الحربي انفجار او حريق حدث في قسم الالمنيوم ومات حتي الان 5 شباب وباقي اثنين في مستشفي الحلمية العسكري علشان سيد مشعل ينبسط ويلم فلوس يصرف بيها علي الكورة والكورة اجوان ربنا يحسابكم

  3. انا هتكلم عن دائرتى حلوان وخاصه 15 مايو بصراحة احنا ولا شفنا حاجة من مصطفى بكرى والذى كان عضواً فى الدورة السابقة ولا سيد مشعل العضو الحالى ياريت يرحمونا ويجيبوا حد يحس بالشعب شويه

  4. محمد محمد النقراشى 02/12/2010 18:17 -

    قال صلى الله عليه و سلم

    تعس عبد الدينار تعس عبد الرهم خاب وانتكس
    دعا الرسول على كل مرتشى

  5. محمد محمد النقراشى 02/12/2010 18:15 -

    قال ص تعس عبد الرهم تعس عب الدينار خاب وانتكس واذا شيكا لاانتكش

  6. هشام فوزى 99 الحربى 01/12/2010 22:02 -

    انا  هشام  99 الحربى  الف مليون مبروك  على  فوز السيد الوزير  سيد مشعل  واتمنى مزيد من  الانتصارات  ويارب  يخليك  لينا  يارب  

  7. بصو وشوفو قد ايه مصطفى بكرى راجل محتر ومبيحبش الظلم علشان ميظلمش حد ويقول فى تزوير الراجل راح المكان الى بتتشال فيه صنديق الفرز عندنا فى حلوان وشاف النتيجة بيعينه علشان ما يظلمش حد لقى نفسه كسبان بفرق 4000 صوت من الحصرة الراجل تعب ودخل العناية المركزة وخرج امبارح الحمد لله بعد قضاء يومين فى مستشفى النصر ووعد انه مش هيسكت وزى مدخل المستشفى بسبب سيد مشعل وعده بانه هيدخله المستشفى بردو وانا اتوقع ان سيد لو يدخل ممكن ما يطلعش تانى بعد ضرب النار اللى حصل فى حلوان البلد امبارح والناس بتهدد بقتل سيد مشعل الحرامى

  8. مبررررروك 01/12/2010 14:36 -

    الرجل المناسب فى المكان المناسب مبررروك

  9. محمود اشرف 01/12/2010 11:04 -

    هذا الرد بناءا على الرد الاول لو كان اقصده على الحرامى بالوزير اقولك لا انت فهمك خطا الوزير فاز فعلاباصوات حقيقيه 100% لان انا كنت فى الانتخابات وعارف مين كان بينتخب مين وبعدين الوزير فعلا يستحقها وهو راجل كويس جدا والله المستعان

  10. الحزبن اوى 01/12/2010 07:43 -

    وبنقول مصر بتتاخر ليه ؟ لها حق مصر تتاخر وتتخلف كمان ما دام فيها الحرامى هو اللى بينجح والشريف والمحترم هو اللى بيسقط اصل الحكومة مش عايزة الناس الشريفة علشان تقدر تستمر هى الناس الحرامىة فقط لا غير علشان تعرف تسرق من غير حساب ولا من غير من اين لك هذا فمن الطبيعى ان مصطفى بكرى يسقط فى الانتخابات علشان ده غير لائق بالنسبة لهم فى كشف الهيئة

  11. الحزينة 01/12/2010 07:28 -

    اسخف حاجة فى المصريين الكلام وبس ومن غير فعل والحكومة عارفة كده كويس علشان كده عاملة ودن من طين وودن من عجين وبتعمل اللى هى عايزاه من غير اى مشقة وعلنى وبتحدى

  12. عصام من المعصرة 01/12/2010 03:07 -

    اليوم وبعد انتخابات 2010 تم تغير اسم مجلس الشعب الى مجلس مبارك واعونة

  13. عصام من المعصرة 01/12/2010 03:03 -

    انا عايز اعرف هوة مشعل منين ومين جيبة عندنا . طب ياجماعة فى وزير محترم يشتم اهل دئرتة.واللة دة حصل.على فكرة انا وحد من ضمن الغلابة كنت متوقع انى الظلم خلاص انتهى ولكن للاسف.كل ظالم ولة نهاية.على فكرة انا معاية دليل التزوير واقسم بللة وكنت متوجد فى المظهرة الحشدة امام مركز الشباب فى حلوان والدليل الاوراق المحروقة. اليوم انا اعزى جميع اهالى دئرتى الشرفاء……………………. فقط وارجو النشر وشكرا

  14. blak golden 01/12/2010 01:12 -

    يا بكرى انت راجل الحق واحنا كلنا عرفين ان مشعل كسب بالتزوير
    وانا عندى الحجات الى تسبت كدة

  15. ميزووو 30/11/2010 23:09 -

    حسبنا الله ونعم الوكيل

    مش كان احسن الحكومة جمعت فلوس الدعايات ومكافات يوم الانتخاب والاعادة والصوت ابو 500 جنبة واكثر والهدايا و—————- وحلت بيها اى مشكلة ولو مشكلة البطاله ال عمرها ما حتتحل
    وجابت مجلس بالتعيين والا بلاها مجلس الشعب هو بيعمل ايه يعنى ما ال عيزاه الحكومة بتعملة وخلاص والا بدلات والا موافقة والا غيرة ولا يشتمو بعض تحت القبة – بزمتكم فى وزير ينجح – وعمار يامصر

  16. مواطن يكره الكذب 30/11/2010 23:08 -

    يامصطفى يابكرى عيب عليك مانت كنت حبيبهم كلهم وكنت بتروح تتمسح لهم علشان يوقعوا لك على ورقه تعمل بيها مصلحه# دلوقت بقوا وحشين ومزورين؟ ياريت تتكسف شويه من نفسك وهو انت لو كنت نجحت مش كنت هاتروح لهم علشان تخلص مصالحك وبعدين انا عايزاسألك هو انت تابع لحزب؟ طبعا لأ يعنى مفيش لك برنامج ! وحتى لو فيه هانحاسبك ازاى لو ما نفذتش وعودك؟ ومين هم جمهورك مش هم الصعايده اللى بيبعوا فاكهه فى حلوان والبائعين المتجولين؟ يعنى انت ساهمت بشكل كبير جدا فى زحمة حلوان بدل ما تفكر انك تعمل تنميه فى بلدك فى الصعيد وتشغل اهلك جايبهم وراك هنا يقرفونا فى عيشتنا ويضيقوا علينا الشوارع ويتحولوا لشوية بلطجيه بمساعدتك ياأخى انا عندى كلام كتير بس زهقت لأنك قرفتنا بالبكاء والنحيب من قبل الأنتخابات وانك هاتسقط طب ماكنت تحترم نفسك وناتنزلش وتقاطع الأنتخابات لكن لأنك انسان مريض بتحب تبان مظلوم ومضطهد وكثير البكاء وكذذذااااااااااب فكملت الأنتخابات

  17. مواطن يكره الكذب 30/11/2010 22:57 -

    انا مواطن مصرى مش بهاجم مصطفى بكرى والله العظيم لكنه بقول حقيقته فقد ادعى مصطفى بكرى اشياء كثيره انه قد قام بها وتأكدت بنفسى انه كذاب فقد ادعى انه هو من احضر شركة المصريين بحلوان وانه وفر الخبز للمواطنين وطبعا ده كذب وافتراء ونسب شئ لنفسه لم يكن له اى يد فيه وقدادعى أثناء أزمة أنابيب الغاذ انه اشترى على نفقته الخاصه عدد كبير من انابيب الغاذ واتضح ان سيد مشعل هو اللى اشتراها وادعى ايضا انه قام بالتأثير على المحافظه او أمرهم بسفلتة ورصف سارع حفنى ابو جبل والشارع الموازى له واتضح انه قد تم رصفه على نفقة المصانع الحربيه وادعى اخيرا انه قد قام بدفع مصروفات مدرسة حلوان البلد الأبتدائيه لكل التلاميذ مما تسبب فى مشكله للمدرسه مع الأهالى حيث ان الأهالى ذهبوا الى المدرسه لأسترداد ما دفعوه واتضح انه كذاب ( هزا الرجل تعود على الكذب ونسب اشياء لم يقم بها لنفسه )اما اذا كان له فضل فى كشف بعض الحقائق فى مجلس الشعب فهذا لاينكره عليه احد ياريت يراعى ربنا ويبطل كذب واذا كان هو راجل خدوم اوى كده فأولى به خدمة بلده فى الصعيد والعمل على ترحيل كل الصعايده اللى هو وأمثاله تسببوا فى كوارث بتشجيع عؤلاء المواطنين فى العيش بالقاهره وهم يعملوا كبائعين متجولين فى الشوارع فى حلوان ياريت يحاول يعمل تنميه فى بلده فى الصعيد ويبطل كذب فى القاهره

  18. الف مبروك لوزير سيد مشعل لانه بجد يستحها لانه دايما بجوار العمال المصانع الحربيه وجابيب ليهم حقهم ويستاهلها بجداره واللي يقول غير كده عشان مش يعرف اي حاجه وياريت كل واحد يقول غير كده يسكت احسن

  19. ايه الفساد ده حرام عليكو احنا هنفضل كده لحد امتى احنا بنحبك يابكرى وهنفضل معاك انت فى قلوبنا وكلنا عارفين ان انت الى تستحق لانك بجد مفيش زيك وربنا يطمنا عليك واحنا مش هنسكت الناس كلها كانت بتنتخبك انت يابكرى وكل الناس عايزينك انت وكل حلوان والمعصرة بيحبوك انت يابكرى وربنا يخليك لينا

  20. محمد يوسف 30/11/2010 17:30 -

    علي رائ المطرب هشام عباس
    اللي قال (( راحت خلاص كل الفرص وماعدش باقي للنجاح اي احتمال ))يعن مفاضلش اي احتمال لدوله جديده ديموقراطيه

  21. محاسب / وليد محمد امام - حلوان 30/11/2010 16:40 -

    الف مبروك للدكتور سيد مشعل وزير الانتاج الحربى بنجاحه فى انتخابات مجلس الشعب رجل الانجازات والعطاء والحق ومبروك لحلوان بنجاح الوزير افضل من يمثلنا فى مجلس الشعب 0

  22. عادل الحلوانى 30/11/2010 16:24 -

    مليون مبروك فوز الوزير سيد مشعل وهرد للك يابكرى خلى الصعيده تتبسط وبخصوصا الصعيده الى فى عرب الوالده لانهم هم السبب وانسى الموضوع وشفلك حاجه تانيه

  23. عثمان أبو العمده 30/11/2010 14:41 -

    انا عايز اعرف من انصار الوزير هما بيهتفولو لية عمل اية للناس ولا علشان الشهرين اللى صرفهم ليكو ولا علشان المعلبات اللى صرفهلكو فى يوم الانتخابات ولا الصوت اللى وصلو ل300 جنية انا عايز حد يقلى لية انا بقلى 27 سنة فى حلوان عمى ما شفت الوزير بتاعكو من ساعة ما وعيت على الدنيا وانا معرفش غير بكرى مشارك الناس الحزن قبل الفرح هوة دة فعلا اللى يستحق يبقى نائب لينا مش وزير الفلوس مش وزير الحزب الفاسد لو الانتخابات كدة فعلا يبقى حسبى الله ونعمة الوكيل ضاعت مصر ونسها الغلابة ومحدش حسس بحاجة الناس مش فلضة اللى مشغول بدور على لقمة العيش واللى بيدور على شغل واللى مش لقى حاجة خالص بى امانة الحزب مش مخلينا عيزين حاجة الحمد لله الناس جعانة ومش لقية لبس ولا خدمات ولا مسكن ولا حتى حد يسمعهم ولما لقيت الحكومة مش عايزة ينفع الناس انا خلاص مش عارف اقول اية تانى كل اللى هقولو الله معك يا بكرى وانتا فى قلبنا

  24. عثمان ابو العمده 30/11/2010 14:37 -

    مصطفى بكرى رجل الحق والمبادئ والخدمات وحل جميع المشكلات واحنا بنحبك يا مصطفى يا بكرى ” وربنا ع الظالم والمفترى ” وكفاية حبك عند أبناء دايرتك ..ونشكرك على اخذك لحقوق المرضى .. بنحبك يابكرى 

  25. فتحى الحضرى 30/11/2010 14:21 -

    والله حرام ده بكرى كان مكتسح دائرة حلوان من الساعه 7 حتى الساعه 12 الظهر كانت كل الصناديق الانتخابيه بكرى كل اتنخب بكرى من الساعه 1 حتى الساعه 3 العصر لاقيت كل الصناديق سيد مسعل يعنى بجد سبحان الله انا مش عارف دى معجزه ولا ايه يعنى انا مش لاقى كلام اقوله من كتر الكلام اللى عندى مش عارف اقول ايه ولا ايه فى الاخر ربنا معاك يا بكرى وكفايه ان كل الناس عارفه من اللى يستحقها وعارفه مين الاصلح انه يكون فى مجلس الشعب

  26. مصرى تعب من جنسيته المقرفه 30/11/2010 12:22 -

    يا جماعة بكرى تعبان واغمى عليه امبارح فى ميدان حلوان وهو عامل اعتصام ودلوقتى بكرى محجوز فى مستشفى النصر اللى على كورنيش حلوان
    والله العظيم يا جماعة بكرى يستحقها بجدارة
    خليكم مرة واحدة رجالة واقفوا واقفة رجالة وتعالو نرفض الوزير الحرامى وتعالو نرفض النظام الفاشل
    * بجد لو كلنا اتجمعنا ايد واحدة و وقفنا وقفة راجل واحد اقسم بالله الحكومة ما هتقدر تعمل حاجة غير انها توافق على مطالبنا

  27. ابو جمعة 30/11/2010 11:56 -

    مليون مبروك للرجل المحترم الوزير د/ سيد مشعل وبنحبك يا مشعل

  28. حاتم 30/11/2010 11:54 -

    الف مبروك للدكتور سيد مشعل الوزير المحترم

  29. بحبك يامصر 30/11/2010 11:23 -

    والله يا بكرى انت من يمثلنا حتى ولو لم تفوز
    وحتى لو سرق الوزير منك حقك كما يسرق حقوق الشعب ستظل دوماً اخونا وستظل أمين كما عهدناك وستظل بأعيننا كبيرا كبيرا ، فما حدث دليل على انك نزيه وليس لك مكاناً بين الحرامية ، لك جريده تكلم وقل ولاتسكت أبداً ، فمجرد أسمك يكفينا ، لا تدرى ما الله فاعل بهم . كن كما انت فنحن معك للنهاية فقد سرقونا كما سرقوك واعدك ان يأتى يوما سيتمنون فيه الموت وسوف لا يجدوه ان شاء الله
    .. لك كل تقديرى واحترامى

  30. مصرى 30/11/2010 10:51 -

    يااستاذ مصطفى (كن كالنخيل عاليا على الاحقاد ترمى بزهر قتلقى اطيب الثمرات) صحيح انك مادخلتش مجلس الشعب هما صحيح دخلوه بطرئتهم الخاصه بس احنا الشعب كلنا معاك عشان خاطر بلدنا تتقدم وتنضف من اصحاب المصالح والمرتشيين ..حسبنا الله ونعم الوكيل فى كل من ظلم

  31. رايحه على فين يابلد 30/11/2010 09:41 -

    رايحه على فين يا مصر تقشعر ابداننا عندما نسمع عن حوادث الاغتصاب ولكننا اعتدنا على ان تكون مصر هى من يقع عليها الاغتصاب جهارا نهارا ممن يدعون انهم ابنائها المخلصين فيكون الاغتصاب من الابن لأمه الى متى يامصر ستسكتين الى متى الصمت الى متى تشاهدين اكلة لحوم البشر ياكلون وينهشون لحمك وعرضك دون ان تتحركى من يصدق ان مصطفى بكرى لم ينجح فى الانتخابات هل يصدق احد هذا يبدو انى الان اصدقه فالبلد فى حالة اغتصاب من المحتلين ابناء النظام الملكى التى قامت عليه الثوره فراجعو كل اسماء رجال الدوله ستجدون انهم احفاد من قامت عليهم الثوره عادو فى ثوب جديد ويثأرون من ابناء الشعب اللذين قامو بتلك الثوره فتوعدوهم بالسلب والنهب والتشريد وعار على من عاونهم لتحقيق مرادهم واخر سؤال هقوله رايحه على فين يا مصر

أضف تعليقاً