نتيجة تنسيق الثانوية العامة 2010

نتيجة تنسيق الثانوية العامة 2010

نتيجة تنسيق الثانوية العامة 2010

اعلان نتيجة تنسيق الثانوية العامة 2010 المرحلة الاولى خلال 48 ساعة

مصريات

تنتهي اليوم‮ ‬الفرصة الاخيرة لطلاب الثانوية العامة لتسجيل وتعديل رغباتهم على موقع تنسيق الثانوية العامة 2010‮  ‬   وعددهم حوالى ‬5‮ ‬الاف طالب وطالبة للالتحاق بالجامعات والمعاهد العليا بعد ان تقدم لموقع تنسيق الثانوية العامة 2010 حتى امس‮  ‬30‮ ‬الف طالب‮.. ‬وصرح عبد الحميد سلامة انه سيستمر فتح تسجيل الرغبات في تنسيق الثانوية العامة 2010 امام الطلاب حتى السابعة من مساء اليوم‮.. ‬من ناحية اخرى تبدأ اللجنة العليا للتنسيق برئاسة د.هاني هلال وزير التعليم العالى مساء اليوم في توزيع الطلاب على الجامعات والمعاهد من خلال الحاسب الالى بجامعة القاهرة‮ على  ‬ان تظهر نتيجة تنسيق الثانوية العامة 2010 خلال‮ ‬72‮ ‬ساعة‮..

‬كما‮ سيتم فتح باب التحويلات لتقليل الاغتراب عقب اعلان نتيجة تنسيق الثانوية العامة 0102 ب48‮ ‬ساعة‮.. ‬وصرح مصدر مسئول بالتعليم العالى  ‬انه‮ ‬تقرر خفض اعداد المقبولين بكليات القمة الى حوالى ‬2650‮ ‬طالبا فقط حتى لا ينخفض الحد الادنى للقبول بهذه الكليات عن‮ ‬90٪‮ ‬ليصل الحد الادنى للقبول بالطب الى ‬94‭.‬8٪‮..

‬كما اصبح من المؤكد عدم وجود اماكن بالجامعات الحكومية لأكثر من‮ ‬45‮ ‬٪‮ ‬من الطلاب الناجحين في الثانوية العامة‮  ‬وعددهم يصل الى ‬16‮ ‬الف طالب وطالبة ولن يصبح امامهم سوى التعليم المفتوح او المعاهد الخاصة‮.. ‬وهناك‮ ‬5‮ ‬آلاف طالب وطالبة تقدموا بأوراقهم للالتحاق بالجامعات الخاصة وهم يمثلون‮ ‬14٪‮ ‬من الناجحين في الثانوية العامة‮ ..‬وبذلك تكون نسبة المقبولين في الجامعات الحكومية لاتتجاوز‮ ‬40٪‮ ‬من الناجحين هذا العام

 

 

اخبار ومواضيع ذات صلة:

نتيجة تنسيق الثانوية العامة 2010 المرحلة الاولى لا مكان في الجامعات الحكومية لكل الطلبة

32 comments
  1. احمدالبدري 12/08/2010 16:57 -

    التعليم اساس الحياه يا رب وفق الجميع

  2. محمد 31/07/2010 14:17 -

    طايب اللي جايين من السعودية ممككن يقدموا في الازهر حد يطمني لوسمحتم …

  3. sara oun 29/07/2010 06:53 -

    بسم الله………

    بتصعب عليا نفسي كل مافتكرك يا ثانوية يا عامة…..انا نفسي كل اللي سمعني يحس بقلبي اللي وجعني ميقولش عادي وايه يعني بتحصل كتيير….يارتني سمعت كلام الناس كملت ليه وعلى اي اساس ؟؟ وانا طول البوقت بتألم في كل وقت بشووووووووووفه…..
    يللا الحمد ادينا خلصناها بكل مافيها انا مستنية بقى التنسيق بتاعي 🙂 ربتا يسهل ..ويا فاطمة ده مش ظلم ولا حاجة لان مينفعش انك تقارني اللي بيتعلم في مناهج مصرية وواحد تاني سودانية هما بياخدوا حسن الموجودين بغض النظر عن المجموع يعني مثلا كان لينا قرايب في ماليزيا جابو في الثانويه 76% او حاجة زي كده ودخلت طب عين شمس كمان هههههه عشان المصريين اللي فمالزيا مكنوش كتير وهي احسن الموجودين في السنة دي كانو بياخدو اللي جايين من السعودية للطب 98% وفي الحدود دي ادعولي بقى في التنسيق ربنا يكرمني:)
    ……… سلام يا طالبة ثانوية عقبال الكلية 🙂

  4. يوسف المصرى 29/07/2010 01:01 -

    بجد انامشفق على كل طلاب الثانويه العميه بجد انا بجد حاسس انى كنت عايش فى زمن الخير انا كنت ايام الثانويه اللى كان فيها تحسين مره واتنين وتلاته واربعه كمان بجد انا جسمى بيئشعر لما بسمع منكم تعليقتكم على الثانويه العامه بتاعه 2010 بجد انا خريج ثانوى 98بجد فرق شاسع بينى وبينكم بجد الحمد لله السنه الى بتفوت مش بتتكرر تانى ابدا …. ربنا معاكم … اخوكم يوسف..المحامى

  5. فاطمة 28/07/2010 19:38 -

    والله اللى بيحصل فى مصر ده ظلم ظلم ظلم يعنى ايه لما طالب مصرى يجيب97 و ميدخلش طب و واحد فى الثانويه السودانية يجيب 87 و يدخل طب و النبى ده و حكم مين والا فى شرع مين ده ظلم للمصريين

  6. اسلام 28/07/2010 00:52 -

    ممكن حد يقوللي معاد تنسيق المعاهد والكليات الخاصه ده ايميلي

  7. محمود الشناوى 26/07/2010 08:35 -

    انا بدعى لرئيس التربية والتعليم المعلم الفاضل وربنا يكمله بعقله واشوفه حمااااااااار اد الدنيا والى عنده حاجة يعملها

  8. عفاف 25/07/2010 17:23 -

    طيب حصل ايه في تنسيق 2009 اهالي الناس رفعوا قضية على وزير هاني هلال وكسبوها الموضوع وصل لحد فين دلوقتي حد عنده فكرة

  9. سكووووووووووت كل دا سياسة تسليط الأضواء على البدر الجديد اللى بعون الله هيبقى محاق فى يوم من الأيام والحدق يفهم هههههههههههههههههههههههههه

  10. semba super star 25/07/2010 06:50 -

    ياجماعة الموضوع كبير كبير يعنى مينفعش كدة

  11. إلى الأخت إسراء فؤاد 24/07/2010 23:54 -

    يمكنك دخول كلية اللغات والترجمة جامعة الأزهر .. هذا مسموح لطلاب الثانوية العامة في الأزهر مسموح لهم بدخول كلية اللغات والترجمة مع خالص تمنياتي بالتوفيق,,,

  12. سراء فؤاد انور احمد سنبل 24/07/2010 23:54 -

    يمكنك دخول كلية اللغات والترجمة جامعة الأزهر .. هذا مسموح لطلاب الثانوية العامة في الأزهر مسموح لهم بدخول كلية اللغات والترجمة مع خالص تمنياتي بالتوفيق

  13. اميرة سالم 22/07/2010 22:06 -

    اللة يكون فى عون اولاياء الاومور والطلبة المصريين الغلابة واقول لهم انتو عملتوا الى عليكم والباقى على اللة وبالتوفيق والنجاح

  14. اميرة سالم 22/07/2010 22:00 -

    دة حرام وحسبنا اللة ونعم الوكيل يعنى هو فى وظاءف قوى

  15. واحد من الناس 22/07/2010 14:59 -

    نعيش الآن عصرا مظلما من عصور الفراعنة كلما جاء حاكما قضى على نظام سابقه دون دراسة لعواقب فعلته واتى بنظام لايناسب ما تراكم لدى الشعب من ترسبات النظام السابق

    (هكذا فعل الوزير أحمد زكي بدر) حسبنا الله ونعم الوكيل

  16. واحد من الناس 22/07/2010 14:38 -

    خدعونا وقالوا دولة مؤسسات طلعت دولة (بدر وست ستات)

  17. احلام 21/07/2010 15:26 -

    الثانويه العامه دي حظوظ وانا كنت بذاكر وعملت كل اللي عليا واتظلمت في التصحيح الي جانب الامتحانات الغامضه مش هاقول غير حسبي الله ونعم الوكيل بس يتري تنسيق السنه الجايه هيبقي عامل ازي يعني هينزل ولا هيفضل كده ولا هيعلي بليز حد يد عليا

  18. أحمد 21/07/2010 09:31 -

    ياجماعه ممكن حد يقولى هو معهد مساحه قبل من كم السنه دى

  19. سلمي 21/07/2010 01:33 -

    حسبي الله ونعم الوكيل انا ذاكرت كويس جدا وعملت كل اللي عليا واتظلمت بردو في المجموع وفي الاخر جبت 90 في الميه هاعمل ايه بس حد ينصحني افضل علمي علوم ولا احول علمي رياضه وممكن الحق هندسه .وحسبي الله ونعم الوكيل في كل ظالم

  20. أحمد محمد السيد 19/07/2010 19:54 -

    حرام اللى بحصل ده والقرار فيه عدم احترام المواطن الغلبان وفيه عدم دستورية القرار و اى حد هيرفع قضيه هيكسبها . فين العرض والطلب حتى لو كانت طب هتنزل ل 50 % يدخل وبعد كده يسقط لكن انى ازيح اكتر من 60 % الى الجامعات الخاصه والمعاهد الخاصه والعادية فى مصلحه مين فين مجلش الشعب من القرار الجائر كل الطلب اللى امتحانو السنه ديه لا يتعدو ال 70 الف نجح 35 الف تقريبا جامعات مصر كلها مش قدره تستوبعهم اللى كانت كل سنه بتاخد اكت من 150 الف طالب حرام حرام حرام

  21. نارمــــــــــر 19/07/2010 18:43 -

    انا بكــــره اســرائيل بـــس بكــــره الوزيــــر اكــــتر بكتيــــــــــــر

  22. الهام محمود ابراهيم 19/07/2010 13:32 -

    حسبنا الله ونعم الوكيل فى وزير التعليم الباشا الكبير لوزير التعليم الغالى، فين التنسيق حسب الاماكن المتاحه؟ كله كذب مفيش تنسيق من أصله، جامعات مصر بكل فروعها وانواعها لم تستوعب ال33 الف طالب؟ كذب، اصلا مفيش تنسيق، الموضوع ان 10% من الدفعه فقط اللى دخلوا جامعات حكوميه اللى حصل على اكثر من 85%، والباقى اندلق فى الجامعات والمعاهد الخاصه، فين زراعه وحقوق واداب والتربيه وغيره اللى كان يوصل القبول فيها للسبعينات؟ كله كذب، كله منفعه للجامعات الخاصه اللى اصحابها رجال الاعمال واعضاء مجلس شعب ودكاتره الجامعه، كله عشان الضرائب التى تحصل منها لخزينه الدوله، وكله على حساب المصرى الغلبان اللى مش عارف يأكل اولاده ويصرف على تعليمهم، حتى الموظف اللى مرتبه 3000 جنيه هايجيب منين عشان يصرف على تعليم 2 من ابناؤه. مين الغبى اللى بيصقف للمهزله والفساد الموجود فى البلد ، كفايه حرام . المصرى تعب من اللى بيحصله. سنه ظلم على ابناءنا، فينك يارئيسنا ؟ روح مكتب التنسيق وشوف اللى بيحصل، عاملين زى اللى بيجوزوا بنت بقوة السلاح واسمها مضت على عقد الزواج ، كده برضه بكره يقولوا الاقبال شديد على الجامعات الخاصه نظرا للتميز فى التعليم، انما كانت بالقوه فالكمبيوتر مفتوح للطلبه ابتداء من الجامعات الخاصه، ومكتب التنسيق يرفض يستلم اى ورقه مدون فيها الجامعات الحكوميه، فلتره بمعنى الكلمه، حسبنا الله ونعم الوكيل، نكلم مين ونشتكى لمين؟

  23. اسراء فؤاد انور احمد سنبل 19/07/2010 11:13 -

    يا جماعه انا فى ثانوى عام وعاوزه ادخل كليه من الازهر ارجوكم اعمل ايه انا بسترجاكم بسسسسسسرررررعه

  24. مرسي الزناتي 19/07/2010 01:26 -

    الله ينور عليك ياوزير التعليم في مصر وتسلم ايدك والله كنا محتاجينك من زمان انت كده ماشي صح ومهزله الا متحانات كل سنه العيال بتلعب وفي الامتحان يصرخوا الحقونا الامتحانات صعبه وهي مش صعبه ولا حاجه علي اللي اجتهد وذاكر اما الفاشلين فهذا مصيرهم بس المهم خليك علي موقفك ولا تاخذك في الحق دموع الطلبه الفاشله ولا اولياء امورهم لانهم لو ربوا اولادهم صح كان حالهم افضل

    وارجوك تستمر في قراراتك الشجاعه وتلغي الكادر بتاع المدرسين اللي كلفنا الملايين ومازالت الدروس الخصوصيه شغاله يعني بندفع لهم مرتين مره في الكادر ومره في الدروس الخصوصيه ارجوك ارجوك انسف الكادر من اساسه كلهم بيعطوا دروس خصوصيه ومافيش مدرس بيشرح بضمير زي زمان في المدرسه وياريت تمنع الكليات الخاصه فسوف يدخلها ابناء الاغنياء ودول لا يهمهم العلم ولا شيئ المهم اللقب وسياتي اليوم اللي نجد الخريجين كلهم نص طبيب ونص مهندس والناس تموت علي ايدين طبيب نص كم والعمارات تقع بسبب مهندس نص سوي وسلامي لسيادتك

  25. محمد عبدالحميد 18/07/2010 23:29 -

    يا ناس كده حراااااااااااااااااااااااااام اولا انا نفسى اعرف التنسيق هاينزل كام فى الميه السنه دى

  26. محمد 18/07/2010 23:28 -

    المفرود الجامعات الخاصه ما تقبلش حد خالص السنه دى واللى لازم يتعمل ان الجامعات الحكوميه تأخذ كل الطلبه والسلام عليكم وحسبيا الله ونعم الوكيل

  27. اسلام 18/07/2010 18:03 -

    ما يحدث الان في التعليم المصرى لا يطلق عليه الا مهزله في حق كل مسؤل

  28. اسلام 18/07/2010 18:00 -

    انا اتمني تنزيل جدول القبول بالجامعات الحكوميه والخاصه حسب الدرجات

أضف تعليقاً