هل مصر بحاجة لفانوس علاء الدين؟!

كتب : محمود بلال

لفت انتباهي المقولة المنقولة عن البابا شنودة اللي بيقول فيها “لو امريكا اللى هتحمى الاقباط فى مصر وتفرض الحماية الدولية على مصر فليموت الاقباط ولتحيا مصر ” وبغض النظر عن التشكيك ازا فعلا قالها او مقلهاش واكيد كلنا عارفين مكانة البابا شنودة عند اقباط مصر .وعارفين ان كل الاقباط يحترمونه وبيعملوا لكلمته حساب …..كلام جميل ….ولو ربطنا المقولة اللي قالها بكلمته ونفوذه على كل قبطي فمصر …فكان اولى ان البابا شنودة من البداية يتفهم ويعرف ان موضوع اقباط ومسلمين مصر حساس وان حتى سكان المريخ مستنين اي فرصه عشان يثيروا فتنه بين المسلمين وبين الاقباط.فكان اولى يا بابا شنودة قبل ما تقع الفاس بالراس انك تنصح قومك بالتريث وعدم الخروج فاي مظاهرات فظل الوضع الراهن الموجود في الشارع المصري …وبعيدا عن الدين والمناظرة بين المسلم والقبطي .فان كل انسان له مطالب وحقوق وسيكون الرد علي : بان الاقباط خرجوا للشارع المصري للادلاء بمطالبهم والاعتراض على بعض الامور او الخروج حتى لتصحيح بعض الامور ..اي كان سبب مسيرة الاقباط واي كان هدفها .فتعتبر مظاهرة ومشكلة جديدة توضع فوق كاهل مصر …حتى قطط الشوارع ليها الحق فالخروج في مظاهرة وكل ده طبعا مش هتلاقيه غير على ارض مصرية وبنكهة مصرية..لاكن يا ترى لو مصر تلك السيدة العجوزة وجدت فانوس علاء الدين .هيقدر الفانوس ينفذ كل مطالب الشعب المصري ولا الفانوس هيهنج والجني هيطفش او حتى يعلق حبل فطرف الفانوس ويشنق نفسه ..اعتقد الاحتمال الاخير هو الاقرب…وزي ما احنا شايفين نفس السيناريو بيتكرر .مؤتمرات صحفية تشجب وتستنكر الواقعة . ممثلين بيغنوا لوحدة الوطن .طلاب وطالبات جامعات ملوا الفيسبوك بكلام عن الوحدة الوطنية وعن ان الهلال مع الصليب ولا للمندسين ….الخ من الكلام المحفوظ والمعروف مسبقا..كلنا عارفين اننا لو وفرنا البيئة المناسبة للبكتيريا والجراثيم فهتتكاثر ويكون ليها تاثير ضار ونتيجة موثوقة فدمار الجسم البشري..لو فكرنا ولو 15 ثانية من 8640 الموجوده فكل يوم بيعدي علينا اننا بنهىء البيئة المناسبة للمشاكل والاحداث اللي فكل يوم في تصاعد مستمر ..انا من راي اننا نعمل لجنة لتنظيم المظاهرات …اتخيلوا معانا لو جبنا مستثمر عربي وعملنا مشروع في الصحراء يشمل قاعات مكيفة ومجهزة بكافة المعدات والادوات الازمة لاي تظاهرة بالاضافة لنظام امنى يصعب اختراقه او حتى اشعال عود كبريت جواه ..ببساطه كل الناس هتقدر تتظاهر براحة وامان ..ده لو لسه مصممين نكمل موضة المظاهرات اللي بسبب ومن غير سبب..نفسي الاقي حركة جديدة فمصر شعارها ” كفاية خبط ورزع وشواكيش فالدماغ ” ..كفايه نسمح لاي بلد غربي وغريب يدخل فسياستنا ويملي علينا شروطه..للاسف نفسي حد فينا يفكر بفكر جيرانا الصهاينة …نفسي كل الناس تعرف ان كل اللي بيحصل وهيحصل ليهم ادين خفية فيه…اشمعنى عايز تفرض حمايه على اقباط مصر ..اشمعنى قلبك ضعيف ورهيف ومش قادر يشوف فئة مظلومة…اشمعنى الغرب بيتحرك عشان بملي علينا قرارات .هل لانه خايف علينا كعرب قبل ما نكون مسلمين او اقباط ..الاجابة هنا: كان اولى يفرض قرارته على اسرائيل ويقلها كفايه تبني مستطونات وتعذبي شعب فلسطين..فلسطين !!! حد سمع بلاسم ده قبل كده؟؟؟ اكيد نسيناها اكيد عرفوا يخلونا ننساها ..هنفتكرها ازاي واحنا مشغولين بمحاولات يائسة بائسة لتصحيح اخطاء الماضي باضافة اخطاء الحاضر ؟! ..للاسف فانوس علاء الدين السحري مش موجود ..ولو كان موجود كان هيكون استخدامه الوحيد اننا نحط فيه شمعة نولعها لما تقطع الكهربا.

اخبار ومواضيع ذات صلة:

هل مصر بحاجة لفانوس علاء الدين؟!

7 comments
  1. يارا 21/10/2011 10:24 -

    فنوس ايه وبتاع ايه اللي انتم شغلين نفسكم بيه خليكوا فريش

  2. محمود بلال 17/10/2011 14:32 -

    ارجو قراءة مقال ” اخر الكلام ” انا بعتبرها تعليق على نفس المقاله دي

  3. محمود بلال 17/10/2011 14:28 -

    السلام عليكم ورحمة الله وبركاته…اعذروني يا جماعة على طريقة كتابتي الساخره …هي ساخره لاكن الحمدلله مفهاش تعدي على اي شخص بسوء او كلمه خارجة وغير مناسبه ..كتب المقال بتاع الفانوس بطريقة حاولت فيها اوصل بطريقة بسيطه لكل مصري وانا مش عايز كل شويه الك واعجن وازيد فمسل ومسيحي عشان كرهت بجد النغمه دي..انا بقول لكل مصري ان مصر بحاجه لهد
    نة …راحه نقاهة افهمومها زي ما تفهموما لاكن محتاجين ندي مصر راحة كبيره …عشان تتصلح وكفاية لحد كده استغفال الناس بينا …هكتب مقال قريب عن حقيقة الوضع العالم العربي بنفس الطريقة السهلة دي ..عشان كفاية تعبت من التعقيدات

  4. كلانا علاء الدين 17/10/2011 13:40 -

    ;كلانا علاء الدين كل مصرى بداخلة افكار تصلاح الى البلد والتاريخ يشهد على اننا فرعنا والشباب لابود ان يستعمل افكارة

  5. ضياء عرفات 15/10/2011 01:27 -

    يا جماعه فوقوا فانوس علاء الدين لازم يكون واحد زى عبد الناصر لأننا نعيش الأن فى تهريج مستمر

  6. الشيخ راشد بن محفوظ 15/10/2011 00:30 -

    السلام عليكم ورحمة الله وبركاته

    ..لسنا ياأخي محتاجين لفانوس سحري ولا غيره..إحنا محتاجين أن الأقباط يفكروا بعقل شوية..لكن شنودة ورجالته واخدنها بفتحة الصدر,,وهم عموما الخسرانين..وحاولوا في العهد البائد الفاسد وجربوا حظهم في واقعة “العمرانية”وفشلوا فقالوا نجرب مع بتوع العسكر الجداد يمكن يخافوا ويكشوا لكن جات علي دماغهم أيضا وقتل منهم ومن أنفسهم من قتل بمعني هم اللي فقدوا القتلي والفيديوهات التي صورها التليفزيون الألماني-وهو جهة محايدة لا يعرف مسلم ولا مسيحي وكلها الآن تحت يد المجلس العسكري..وكله بتحريض شنودة ورجالته الأشاوس اللي مبيستفيدوش من التاريخ والله يرحم الرئيس السادات يوم أن أعلنها مدوية”أنا رئيس مسلم لدولة إسلامية والإسطوانة المشروخة اللي كل كام يوم يشغلوها البلد بلدنا وإحنا أصل البلد كل دا كذب وتدليس لا يسمن ولا يغني من جوع..البلد كان فيها بعض المسيحيين وكانوا هاربين في الجبال والصحاري وفتحها عمرو بن العاص رضي الله عنه وليس للأقباط شبر واحد باسمهم..وهذا من أكثر من ألف سنة جايين النهردة يقولوا البلد بتاعتنا..صحيح اللي بيختشوا ماتوا..مصر دولة مسلمة مائة في المائة ويدور شنودة علي لعبة تانية يلعبها..واسلمي يامصر

    ..شيخ راشد بن محفوظ/كاتب وباحث إسلامي/من علماء الأزهر الشريف

  7. عبدالناصرالدوشى 14/10/2011 22:50 -

    اللهم لا تؤاخذنا بما فعل السفهاء منا
    خلونا نعمر البلد نبني لانهدم
    الى كل مصرى و مصرية يتخلي عن النزعة العرقية والطائفية ويتعايش بروح الفريق الواحد
    بسبب التعصب والجهل والمرض والتخلف أصبحنا فى زيل الامم
    لاننا نؤمن مسلمين ومسيحين نتعايش تحت دولة القانون
    لابد وان نعرف ما معنى أديان سماويه ومعنى أى مسجد يعنى أى كنيسةوحترام بيوت الله
    ثقافتنا ياشعب مصر هناك تقصير شديد لا أعرف السبب فهل من طريقة التعليم أم من بيوت الله أمام مسجد أو قسيس
    كنيسة 0عمل فى الخارج ولى اصدقائى من الكاثوليك لايوجد اى أحقاد بيننا لكم دينكم ولى دين
    المفروض أهل بلدنا الارثوزكس المصريين نتعايش سويا لانة جارى وشريكى فى المواطنة
    شىء غير مقبول نقتل بعضأ رغم كل التحذيرات من المولى عزوجل { من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا }

أضف تعليقاً