احداث كنيسة العمرانية
عادل حسين
اثار قرار المسئولين بمحافظة الجيزة بوقف بناء كنيسة العذراء و الملاك ميخائيل في منطقة الطالبية بالعمرانية غضب مجموعة من الاقباط في مصر .. وقاموا بالتظاهر اليوم احتجاجا على هذا القرار باعتباره مجحفا وقالوان ان ما يحدث هو امتداد لمسلسل اضطهاد الاقباط في مصر.
واسفرت مظاهرات الاقباط في الهرم عن اشتباكات وصدامات بين رجال الامن ادت الى اصابة البعض والسبب الرئيسي في احداث كنيسة العمرانية ان المواطنين المسيحيين حصلوا على ترخيص لبناء مبنى اداري خدمي تابع للكنيسة لكن تم تحويل هذا المبنى الى كنيسة وهذا يخالف القانون الخاص ببناء دور العبادة الخاصة بالاقباط في مصر ولذلك اندلعت احداث كنيسة العمرانية.
انظروا للعراق وانتو ترتاحوا
لو فضلنا على ده الحال مبروك عليكم يامسلمين ويا مسيحين خراب مصر والعدو مابيفرقش صاروخه
على فكرة احنا وانتوا اخوات ياريت تكونوا ايد واحدة وارحمونا بقى
على فكرة يا اخ محمود لو انت فتحت الموقع انا عيزاك تعرف ان تعليقك الاخير فعلا رائع
انا بالصدفة دخلت الموقع وما كنتش اعرف ان علاقة المسلمين بالمسيحيين وحشة قوى كده وان كل مرة واحد مسلم او مسيحى بيبتسم للتانى بيشيل جواه الكره ده كله وعموما يا اخ ديفيد كويس انك عارف ان مش انتم بس اللى اتعمل فيكم بلاوى واتبهدلتم احنا كمان حصلنا كده عموما انا مش فاهمة لحد امتى انتو هتفضلو تقولوا زهقنا واحنا نقول عيب احنا مصريين بجد بقى انا مش بعرف افرق فى التعامل بين مسلم ومسيحى المسلم اخويا والمسيحى كمان بجد اللى عايز يقول حاجة يقولها بادب ياديفيد ويامسلم وافتخر والا يحتفظ بيها لنفسه
المفروض ان كل واحد يعرف دينه كويس يكون فى توعيه دينيه
لكم دينكم ولى دين
والتعصب والارهاب مش من الدين ومش موجود فى اى دين
ربنا يهدى الجميع يارب
علشان نخلص من الافلام دي مطلوب اعدام اي مسلم يتطاول علي المسيحيه والمسيحيين واعدام اي مسيحي يتطاول علي الاسلام والمسلمين. فكروا في الحل ده
للمهتمين بالمعالجة القانونية لحرب العمرانية يوجد سابقة فصل قضائى فى قضية مشابهة حيث
اختصم الحى شخصا بنى مسجدا دون اى تراخيص … فجاء الحكم بالبراءة وجاء فى الاسباب توبيخ
الحى وذكر القاضى انة كان يتوجب على الحى تشجيع ذلك الشخص وشكرة لانة بنى بيت للعبادة
… ورد ذلك فى جريدة الجمهورية صفحة الحوادث منذ 5 اسابيع… اتمنى ان يقوم المهتمين بجمعة
أخواني جميعا صباح الخير والسلام عليكم
احنا كلنا مصريين ومفيش حد بيهدد حد باي حاجة احنا كلنا اخوات يا أخواتي المسيحية والإسلام بينادوا بالمحبة السلام والإخاء فين دول انا مش شايفهم لازم كلنا نكون عارفن انا الدنيا الى زوال واحنا كلنا حنتحاسب على كل فعل وعمل وكلمة بنقولها فخلي المحبة تسود عشان لما بتيجي علينا حرب بنكون كلنا مع بعض ومش ممكن حد يفكر ساعتها انا مسلم او انا مسيحي أنتهروا الشيطان يا مسيحين وانتم يا مسلمين وحدوا الله واستعيذوا بالله من الشيطان الرجيم أخوكم الى بيحب مصر
اخواني المسيحين والمسلمين
انا احمل نتيجه ما حدث الى القاده المسحيين من البابا وغيره لانه كما نعلم ان ما حدث هو اخال بترخيص بناء كما نعلم انه يجب الوافقة عليه من رئيس الجمهورية مباشرة ومع ذلك فان حي العمرانيه غير مسئول عنه لانه ينفذ قوانين بناء وتشييد فكان يجب على القاده المسيحيون الى السيد رئيس الجمهورية بدلا من استخدام العنف ضد قوات الشرطة الذين ينفذون القانون ولا يحملون ضغائن لاي كائن ما كان والله الموفق
لما تلاقى القبطى ملوش اى حقوق ومن مرارة الذل والمهانة يذوق وبيتة ومالة مسروق2_لما تلاقى الظلم زيادة وممنوع ترمم بيوت العبادة واحباط كتير فوق العادة3_لما تلاقى مذبحة للاقباط فى الكشح والزاوية ونجع حمادى والعياط والعمرانية وقتل ونهب باستعباطيبقى انت اكيد فى مصر!!!
هى دى مصر المخروصه
عدم احترام القانون يضعف سيادة الدولة فالقانون يسرى على المسلم قبل المسيحى اما العدل و المساواه والتسامح من المبادئ الاساسية للاسلام وكذلك الدين المسيحى اذا فالامر ليس يتعلق باختلاف الاديان وانما باختلاف العقول فما حدث من مثل هذه الحداث كأعمال الشغب والعنف والمخالفات القانونية هى أمور شبه يومية فلماذا نعطى الفرصة لمن يريدون خلق تلك الادعائات ودعم الفتنة الطائفية . القانون هو اقامه العدل والعدل أساس المساواه .فيا كل من حاول اشاعة الفتنة بين المسلمين والمسيحيين فى مصر. انت تزرع الكره والحقد والعداوة فى أرض لا تصلح الا لزراعة المحبة وروح الاخوة فقط .
الاخ محمود كن صريحا مع نفسك ولا تقلب الحقائق فى نظرك المسيحيين ارهابيين علشان مرة اتظاهروا علشان بنا كنيسة ؟؟؟؟ الاخوة المسلمين بيتظاهروا كل شويه علشان موضوعات ملهاش اساس من الصحة وكلنا عارفين وبعدين اجراءات ايه اللى بتمشى على المسلم قبل المسيحى اجراءات بنا الكنائس المعقدة ولا بنا الجوامع بمنتهلى السهولة بدون حتى ترخيص هضربلك مثل تانى افرض ان بياناتك على الكمبيوتر كان بند الديانة خطا ومكتوب مسيحى ممكن تصلحه فى وقت اد ايه؟؟ ولو العكس لو مسيحى مدون على الكمبيوتر مسلم يبقى قابلنى لو اتصلحت اللى بعد متطلع روحة وسلملى على المساواة
الى بيقول امريكا هتعمل وتعمل احنا مبنخفش من حد وانتو نسين احنا عملنا اية فى اسرائيل
وامريكا كانت بتمدها بالسلاح !(مســـــــــــــــلم بكل فخر )
لو اتبع الاصول قمنا ببنا الكنيسة وسط بيوت المسيحين ماحدثت الفتنة وما قتل الابرياء فنحن المسيحين نعتر اقلية فمن الواجب انراعى شعور الاغلبية عسى ان يهديكم كما هدانى اللة
اولا احب ان اوضح باننا كمسلميين و مسيحين ندين ماحدث بشدة وكان يجب ان يتعامل الامن المصرى بحكمة لان اقامة دور عبادة يعبد الله لن يضر المحافظة فى اى شى لان اقامة كنيسة لن يختلف عن اقامة مبنى خدمات 0واخيرا يجب ان نتمسك بالوحدة الوطنية التى هى اساس قوتنا مصريين مسلمين و مسيحين لان نار الفتنة سوف تحرقنا جميعا و هذا ما يريده العدو و يسكب عليها الحطب و الوقود فانتبهو ا ايها السادةفلندع ما نختلف جانبا ونلتفت الى ما يجمعنا تحت راية الوطن وتعازينا الحاره لكل ضحايا الاحداث من المتوفين و المصابين
انا ليا سؤال بوجهه للسادة المسئولين يعنى انتو مش شايفين اى مخالفات فى المحافظة غير المبنى دة يعنى المبانى اللى بتبقى مخالفة ومطلعين اكتر من عدد الادوار المقررة بالترخيص وغيرها وغيرها كل دة بيعدى لكن علشان دة كنيسة انتو بتعملو كدة وتحاربونا مع اننا فى حالنا ومش بنضايق حد ما بالاولى تحاربو محلات شارع الهرم اللى بيرتكب فيها كل المعاصى وكل الافعال اللى بتعضب ربنا جايين تحاربو ناس عاوزة تصلى . معنديش غير اقول ربنا موجود
كفايه ادعاء كفايه مزايده كفايه جبن كفايه ……………؟
ولا بنخاف ولا بنطاطى ولا بنحب الصوت الواطى احنا مستعدين للاستشهاد فى وقت
لية كل التعصب دة يا جماعة ما كل واحد مسلم لما يحب يهرب من الضرائب يبنى جامع تحت البيت ومحدش بيقولة ترخيص والا يحزنون اية وقفت عند المسيحين وبخصوص الاخ الى بيتكلم على ان المسيحين وخدين حقهم دة لان المسيحى متربى على مخافة اللة وربنا وقف جانبة وناجح
من زمان جدا واحنا بنشوف المسيحين والمسلمين اخوات دايما لما بنتعامل بنقول احنا مصريين اولاد بلد واحده بنأكل فى مكان واحد وبنشرب من نيل واحد اما الكلام ده جديد المسيحيين غلطوا لاحداث الشغب اللى عملوها لان اللى ليه حق يدافع عنه بحريه ايوه ولكن حريه مش مضره لحد ونعرف بيها نأخد حقنا ده انما اللى حصل يعتبر همجيه مكنش لازم تحصل لان اى ضرر بيعود على بلدنا كلنا اللى احنا عايشين فيها وكان ايه ذنب الاطفال اللى اتفزعت فى المدارس واعتراض السيدات يعنى هما دول ليهم ذنب فى حاجه انا عوزه اسأل كل واحد احدث شغب مفتكرش اخته او امه او مراته او خطبته اوحتى حببته صدقونى مش هو ده الصح