اخبار الحصول على الدبلومة التربوية
المعلمين المساعدين اشتكوا: التأهيل التربوي مرهق ومكلف
مصريات – تشهد كليات التربية اقبالاً كبيراً من جانب المعلمين المساعدين بوزارة التربية والتعليم للحصول على الدبلوم التربوي الذي يؤهلهم للترقي والفوز بمميزات الكادر الخاص.
المعلمين المساعدين غير الحاصلين على مؤهل تربوي أعلنوا أن شرط التأهيل التربوي يكلفهم الكثير من النفقات رغم مرتباتهم الضعيفة التي لا تتجاوز 250 جنيها شهرياً.. ومعظمهم لديهم أسر مكونة من زوجات وأبناء وبنات ويحصلون على قوت يومهم بالعافية .
لذا فإنهم بدأوا يعلنون شكوى المعلمين المساعدين من التكلفة العالية ويطالبون إما بإلغاء هذا الشرط أو قيام وزارة التربية والتعليم بدعمهم مادياً للحصول على الدبلوم التربوي.
أساتذة التربية من جانبهم رفضوا مطالبة المدرسين بإلغاء شرط التأهيل مؤكدين ضرورته البالغة للتعامل مع التلاميذ بأسلوب تربوي سليم.
الدبلومة لتجديد عقد المعلمين المساعدين
قالت داليا حسن عبدالحليم مدرسة كمبيوتر من المعلمين المساعدين إنها تدرس الدبلومة التربوية بجامعة عين شمس لمجرد التمكن من تجديد عقدها مع الوزارة لكنها في الواقع لا تستفيد شيئاً.
اتفقت معها شيماء كمال الدين “اخصائية تطوير تكنولوجي” المعلم المساعد في أنها التحقت بالدبلومة لتجديد عقدها وأن كل ما حصلت عليه هو بعض المعلومات العامة بعيداً عن مجال تخصصها.
رسوم مرتفعة لدراسة المعلمين المساعدين
أوضحت إيمان أحمد مدرسة حاسب آلي ارتفاع رسوم الالتحاق بالدبلومة التي تبلغ 1025 جنيهاً بتربية عين شمس بالإضافة الى 800 جنيه للكتب وهي مبالغ مرهقة لمدرس لا يتعدى مرتبه 300 جنيه.
اعتبر زميلها المعلم المساعد عمرو صالح “مدرس دراسات اجتماعية” هذا العام من أسوأ الأعوام بسبب المصروفات الباهظة ووصف الدبلومة بأنها مضيعة للوقت.
قالت حنان محمود مدرسة دراسات اجتماعية إن مدربي الجزء العملي مجموعة من المدرسين القدامي ويستخدمون أساليب قديمة في التعامل مع التلاميذ يصعب تطبيقها في العصر الحالي.
غياب التنسيق الخاص بالمعلمين المساعدين
تساءلت أسماء سعيد عن غياب التنسيق بين وزارتي التعليم العالى والتربية والتعليم بشأن الدبلومة خاصة أن امتحانات الدبلومة بالكليات تتزامن مع امتحانات المدارس.
أكدت شيرين رفعت أنها تعمل بالفترة المسائية ولا تتمكن من حضور المحاضرات في الوقت الذي حدده أساتذة الفترة الصباحية بالحرمان من الامتحان. وطالبت بإلغاء الدبلومة كشرط لتعيين المعلمين المساعدين .
اتفقت معها المعلم المساعد إيناس أحمد مدرسة تربية زراعية في صعوبة التوفيق بين مواعيد المحاضرات حيث تنتهي في الثامنة مساء وبين الدارسات زوجات وأمهات يقمن برعاية أطفالهن الصغار.
الدبلومة التربوية مفيدة للمعلمين المساعدين
أكد وائل طه “مدرس حاسب آلي” أن الدبلومة مفيدة ولكن لابد من توفير كافة الظروف لانجاحها من حيث الوقت والتسهيلات العلمية.
تري د.ماجدة مصطفي عميد كلية التربية حلوان أن حصول المعلم الأكاديمي على دبلومة تربوية كان من الضروري تطبيقه منذ عدة سنوات.
أوضحت أنه كان يجب على وزارة التربية والتعليم فرض هذا الشرط على جميع المعلمين لا المتعاقدين فقط.
أضافت أن الكلية قبلت 300 معلم لدراسة الدبلومة بنظام الساعات المعتمدة وأن الرسوم تبلغ 720 جنيها في السنة.
قرار صائب
أوضح د.محمود خورشيد الأستاذ بتربية حلوان أن إلزام المعلمين المساعدين من غير خريجي التربية بالدبلومة التربوية هو قرار صائب يساعد المعلمين المساعدين على توصيل المعلومة.
أما د.محمود حامد وكيل كلية تربية عين شمس فقال إن الدراسة الأكاديمية لا تكفي لتأهيل المعلمين المساعدين تربوياً ولابد من الدبلومة لتصحيح الخلل وإعادة التأهيل.
أكد أن الجامعة راعت ظروف العاملين بالتدريس وخصصت لمحاضراتهم الفترة المسائية من الثانية ظهراً الى الثامنة مساء.
قال د.عبدالعظيم صبري أستاذ المناهج بتربية حلوان إنه يتم التأهيل التربوي للمعلم أثناء وجوده بكليات التربية في 3 جوانب هي الجانب المهني وتهتم الدراسة فيه بكيفية التدريس واستراتيجيات التعليم واستخدام الوسائل التعليمية الحديثة والجانب الثقافي وتتناول تعريف المعلم للأحداث الجارية وهذا الجانب يكون للمعلم الجزء الأكبر في تنميته والجانب التخصصي.
أشار الى أن التأهيل بعد التخرج يكون من خلال دورات تدريبية تؤهل المدرس للتعامل مع الطلاب ولضمان الوصول لتأهيل جيد يجب إضافة سنة خامسة لكليات التربية كإعداد للمعلم لمزاولة المهنة وإعطائه هذا الترخيص.
أكد د.محمد دسوقي نائب رئيس الأكاديمية المهنية للمعلمين ووكيل كلية حلوان أنه يتم تأهيل المعلم أكاديمياً وثقافياً من خلال مقررات كلية التربية أما التأهيل الذي يحدث بعد التخرج فمن خلال دورات ودور الأكاديمية المهنية قائم على التنمية المهنية من خلال تنمية المهارات التربوية والتدريب عليها أما المعلمون غير المتخصصين فيشترط حصولهم على دبلوم تربوي والحصول على شهادة ICDL وأخذ دورات في اللغة الإنجليزية مع محاولة مسايرة التكنولوجيا والقراءة الجيدة لأحداث العصر.
أضاف د.على الشخيبي رئيس قسم أصول التربية بعين شمس أنه رغم محاولة تطوير المعلم إلا أن هناك عدة أسباب لضعف مستواه التأهيلي منها ضعف مستوى خريج الثانوية العامة والذي أصبح يذاكر من أجل المجموع مما يؤدي لنجاحه في المرحلة الثانوية وفشله داخل الكلية التي يلتحق بها وأيضا زيادة الإقبال على كليات التربية وخاصة من البنات.
أشار الى أن المنهج المقرر في كليات التربية ليس به أي جديد إضافة الى ضعف مستوى أعضاء هيئة التدريس وعدم تجويد المادة العلمية التي يقدمونها للطلاب مما يؤدي الى عدم تأهيلهم بالمستوى الذي يليق بالمهنة.
كما أن لاتجاهات الطلاب السلبية نحو الكلية تأثيراً على التأهيل وخاصة بعد قرار إلغاء التكليف لخريجي كليات التربية.
طالب بإضافة سنة خامسة للسنوات الأربع لإعداد معلم جيد يساعد في تخريج منتج تعليمي جيد على أن يدرس في هذه السنة ويتدرب عملياً في معامل مجهزة غير الموجودة حالياً.
ريحوا نفسكوا يامدرسين يا مساعدين واعملوا اضراب وهما هيعملونا عقود من غير اى شروط بعد اسبوع واحد بس صدقونى دىالمدارس من غيرنا فيها عجز شديد جدا لآن احنا اللى شيلين الشغل كله والله المستعان
السلام عليكم ياجماعه عاوزه اعرف هل في خصم 30جني في المرتب من اول الشهر ده ولالا لو حد عنده معلومات عن زياده اوخصم ياريت يفيدنا احنا في محافظه البحيره اداره حوش عيسي
حرام عليكم يا وزرا يالى قاعدين على المكاتب ومش حاسين بالمدرس الغلبان المطحون
دبلومه ايه الى انتو طالبينها , يعنى لو انتو بتفهمو هتعرفو ان التدريس ده خبره بتيجى بالممارسه مش كلام نظرى مكتوب فى ورق نحفظه وننساه بعد الامتحان والله انا اصحابى الى خدو الدبلومه قالو انهم ما استفادوش منها اى حاجه طب لازمتها ايه ؟ قولو ان انتو عايزين تلمو من المدرس الغلبان ابو 300 جنيه فلوس وبس
. لو انتو فعلا عاوزين تخلونا تربويين يبقا تخلو الدبلومه دى على حساب الوزاره مش تكلفو المدرس ب 2000 جنيه ليه يعنى انا هاخد دكتوراه لاء وفوق كل ده عاملين امتحاناتها مع امتحانات الطلبه يعنى مفروض نراقب وفى نفس الوقت نحضر الدبلومه مش فاهمه تيجى ازاى
؟ يا جماعه لو عينكو فى الالفين جنيه خدوها من غير دبلومه ولا قرف وسيبونا فى حالنا بقا هنلاقيها منين ولا منين ؟ اقعدو اقرفو فى المدرس والمدرس يقرف فى الطلبه وترجعو تدورو حال التعليم واقف ليه ؟ حسبى الله ونعم الوكيل
حسبى الله ونعم الوكيل على كل اللى قاعد على مكتبه و عمال يصدر فى فرمانات يظلم بيها من هم يقال عنهم ورثة الانبياء و معلموا الاجيال
كل عام وانتم بخير اللهم تقبل صيامنا وصلاتنا واجعل القرءان العظيم نور قلوبنا وارزقنا رزقا طيبا يارب هون علينا قرارات الوزير يارب مايفكر في حاجه تانيه بعد التربوي وicdl قادر علي كل شيء قولوا امين امييييييين
يـــــا جـــمـــاعـــه سيــــادة الوزير احمد ذكى بدر مش هو السبب فى موضوغ الدبلومه ولا icdl دا الوزير اللى قبله هو السبب وهو اللى حط الشروط دى قبل ما يمشى عشان ندعيله اكتر واكتر والظاهر انه حط الشروط دى قبل يا مشى عشان يودعنا ودعا يليق بمقامه حسبى الله ونعم الوكيل ويلا هنعمل ايه
فعلا لازم المعلم يكون مؤهل لكن عن طريق دورات تدريبية تابعة للوزارة طب الاخصائى الاجتماعى دخلة اية بالدبلومة التربوية فهو مؤهل اثناء دراستة بالتدريب العملى واللة حرام ارحموا من فى الارض
سبحان الله والله عجبى لو فاضل كلام أقولة كنت قولتة
أنا دخلت الامتحانات بتاعة الدبلومة دى ولم انجح فيه ولى اعادة فى العام القادم بالله مش حرام هى ناقصة مصاريف دا مصاريف ىالسنة الماضية وصلت ل3000 جنية وأكثر , اهم حاجة عند الدكتور الفلوس وحسبى الله ونعم الوكيل
ريحونا علشان نرجع نريح الطلبه
انا بقى اخصائيه نفسيه وماليش علاقه بالتدريس اودراسه اى مواد اساسيه ليه المفروض اخذ دبلومه تربويه هو مش كفايه الليسانس اللى معايا ولا مبقاش له ثمن؟؟؟؟؟؟؟؟؟؟؟؟؟؟؟؟
ارحموا من في الارض يرحمكم من في السماء
حسبي الله ونعم الوكيل حسبي الله ونعم الوكيل حسبي الله ونعم الوكيل
سيادة الوزير مش فاضي للمتعاقدين ده عنده هموم كتيرة عاوز يخلص طاره من الابنية التعليمة
علشان عرضه المشبوه وكمان هو جاي علشان يعكنن علي كل مدرس هو ده دوره لا تستغرب انت في مصر الرجل الغير مناسب في المكان المناسب وربنا معانا وعليكم بقول حسبنا الله ونعم الوكيل، حسبنا الله ونعم الوكيل، حسبنا الله ونعم الوكيل ،حسبنا الله ونعم حسبنا الله ونعم الوكيل الوكيل، حسبنا الله ونعم الوكيل ،حسبنا الله ونعم الوكيل حسبنا الله ونعم الوكيل
يبقي انت اكيد اكيد في مصر
يااستاذ وزير الغى الدبلومه الله يباركلك فى عيالك وصحتك
بلد العجايب اللى هى مصر الغاليه
اكيد مش هاضيف كتير على اللى اتقال بس اناضد الدبلومه لانها فعلا ضياع للوقت وللفلوس اللى مش ملكنا وكمان بعد ماكانت سنه واحده بقيت سنتين يعنى على مانخلصها يكون العقد انتهى فى 3_2011 ولا ايه انا نفسى الاقى حد يرد عليا فى النقطه دى عشان الحق اسهاجر واطفش من بلد العجايب
واللة حرام انامدرس مساعد همابزلو فين كده ليه عشان احنا اتفوقنا في الكليه وحصلنا علي تقديرات عاليا دا زاميلنا اللي ما اشتغلوش في التربيه والتعليم بيكسبوا ملايين واحنا بنكسب ملاليم
عايزة اعرف امتى ميعاد الامتحان
رحم الله سيدنا عمر بن الخطاب ورضى عنه وأرضاه كان يقول لو تعثرت دابة فى العراق لسئل عنها عمر .
انما الوزراء بتوعنا الايام دى ما شاء الله بيشوفوا أى حاجه تعكنن على الواحد مننا ويعملوها .
اخوانى كل اللى علينا دلوقت ان احنا نرفع ايدينا لرب السموات والأرض الذى هو مطلع على احوالنا وعالم بكروبنا ووجعنا وندعوا له بأن يفرج كروبنا ويحسن احوالنا ونعوذ بالله من شر من لا يخافك فينا ولا يرحمنا .
وأن يوسع لنا فى الارزاق جميعا وأن يفتح لنا ابواب الرزق بعيدا عن التربية والتعليم وفلسفتها .
قولوا آمين جميعا .
ممكن سؤال محيرنى بجد ؟
هما اخوانا الموظفين فى أماكن تانية وبيقبضوا بالــ 3.000ج ، 4.000ج زى مثلاً الضرائب أو الاتصالات أو مثلاً الكهرباء عمركم سمعتوا انه فى يوم حد قالهم اعملوا دبلومة فى كذا او فى كذا وانا شخصياً أعرف موظفين منهم بتكتب اسمها بالعافية . انما تقول ايه للواسطة .
ولا هما ماشيين بالعكس اللى بياخد مرتب أقل فى البلد دى يتبهدل أكتر .
وعلى رأى المثل كل ما تقبض قليل فرصتك فى العيشة بتتنيل . وعجبى
وشكراااااااااااااااااااااااااااااااااااااااا لوزارة التربية والتعليم
هى المفروض الوزارة دى يسموها وزارة الذل وفقدان الكرامة
فى اليابان أول حاجه فكروا فيها بعد الحرب قالوا نبدأ بالمعلم راحو جابو المعلم وعطوله أعلى مرتب فى الدولة بما يوازى مرتب رئيس الوزراء . هتقولى ايه اللى فيها ؟ محنا هنا فى مصر ما شاء الله بناخد فلوس عمر أهلنا ما كانوا بيحلموا بيها بنقبض 300 ج كل جنيه ينطح أخوه .
هما للاسف يا اخوانى المتعاقدين الوزارة حست نفسها اتدبست بالعربى كده فى موضوع الكادر قالوا نعمل ايه عشان نهرب منها نطفش كل المتعاقدين بدأوو بالـ ICDL وبعد كده الدبلومة قالوا نبقا نشوف كل مصاريف الكارنيهات بتاعة الدبلومة والكلام ده كله ناخد من الناس فلوس ونرجع نقبضهم بيها . انا نفسى اعرف الاخصائى الاجتماعى ياخد دبلومة فى كلية تربية ليه ؟؟؟؟؟
عاوزه ياخد دبلومة ياخدها فى مجاله مجال الخدمة الاجتماعية انما ياخدها ليه فى كلية التربية هو اى كلام فى الهيصة وخلاص !!!!!!!
احنا ينقصنا بجد فى البلد دى النية الصادقة . الواحد بينكسف لما يقول انه شغال فى التربية والتعليم .
شوفتوا زيادة شهر 7 افرحوا يامتعاقدين افرحوا ياعيال 20جنيه اعمل بيهم ايه ولاايه حروح ع المول واعملي شوبينج ويمكن العب حبة بولينج واخلف واد علشان يورثني وبحبة كمان حيحسسني واقوله السح الدح انبو بكرة حيقبض زي ابو اتباعك ياابو جريشه
انا خريجه كليه التربيه واحتاج نصيحتكوا هل مفيد ليا ان اعمل الدبلومه وماذا ستفيدني في المستقبل؟؟؟؟؟؟؟؟؟؟؟؟؟؟؟ظظ
بسم الله عندما جئت لاكتب تعليقي لم اجد ما اقوله وما في يدنا الا انا نقول حسبنا الله ونعم الوكيل والخير فيما اختاره الله
واضح ان الكلام مالوش لازمه حسبي الله ونعم الوكيل
نفسى اعرف اخرتها اية يا وزيرنا icdl وخدنا واجيد اللغات الاخرى ولسة بالعقد امتى الحنية ونتثبت بقا ولا حرام الاستقرار فى البلد دى يعنى هانبقى علماء دة كان زمان عايزين نعيش حتى بالمرتب التعبان دة وساكتين عشان الامل بتاع 2010 التثبيت النهائى زى المدرسين بجد ياخسارة كلية التربية ياريتنى خت دبلوم وارتحت بدل الكدب علينا لحد2050 وبردة مساعدين كلة بيضحك على كلة مالهم الاجانب احسن مننا بكتير علية العوض الهجرة هى الحل لاى دولة تحترمنا على الاقل
يا جماعه انا بالتعاقد من 2006 وامتحنت الكادر ونجحت بيقولو انهم هيجددو العقد ولازم icdl قبل 1/7 وانا لسه مخلصت امتحاناتها المفروض اعمل ايه مش هاخد الشهادة غير بعد فترة وهخلص ف اول 7 امتحانات لو حد عارف حاجه يرد عليا شكرااااااااااا
اتثبيت متتي؟
انا عملت كل حاجة قالوا عليها
ياتري هم حيعملو حاجة واحدة
واضح م اللى بيعلقوا انهم مازالو فى بداية الطريق يعنى سنهم صغير ودماغهم تقدر تستوعب دراسة السنة التربوى امال انا اعمل ايه حيث اننى اخصائية اجتماعية مرحلة ابتدائية ومعينة منذ 22 عاما وسنى 44 عاما ومع الكادر ذاكرت للامتحان تربوى ولغة عربية ومادة التخصص وبعد معاناة حصلت على الكادر اما الجديد انهم لن ينقولوننى للمرحلة القادمة او الترقية القادمة الا بشهادة ال ICDL بالزمة انا حستوعب المذاكرة لهذه الشهادة ومع ذلك انضميت لمركز ال ICC والمعتمد من وزارة التربية والتعليم وكمان وزارة الخارجية وانهيت تدريبى وامتحانى فى ال 7 برامج ولكن للاسف قالولى ما ينفعش لازم الشهادة الدولية بتاعة اليونيسكو مالها المراكز المصرية والا عقدة الخواجة ورانا ورانا امتحانات باللغة الانجليزية ناهيك عن المصاريف الباهظة ربنا يتولانا هو كل قرش زيادة لازم يجيلنا بحرق الدم بس خلاص هما دول الكلمتين اللى واقفين فى ظورى وتحياتى للجميع
الحمد لله الذي اكرمنا بالاسلام هذه مقوله احبا اقولها لكي انسان من نعم الاسلامانةيسر وليس عسر لذلك ان التعقيدات في العقد للمعلم المساعد شديدة لاكن انا بكالوريوس تجاري اعلم انني ا ستفدت كثيراً من الدبلومةالعامةلاكن اجيد شئ غريب يتم تدريب المدرس علي كيفية طرق التدريس وادارة الصف تدريبا للاكاديمية في مدرستاً ما تبعاً لمديرية التربية والتعليموايضاًنفس الكلامالذي يدرس في كلة التربية بل ان كلية التربية اشد من اي شخص يدرس هذه المواد خارج كلية فنجد مثلاًفي كلية تربيةالعريش عمالقة التربية كالدكتور محمد ريانومحمد الصرفي ورزق البديوي والدكتور كرم وعبد الحميد فنرجوا التيسير والدبلومة لا بد ان تكون مفروضة علي كل مدرس اساسي ومساعد وشكراً
يا جماعة ايه بقى هانفضل نكلم نفسنا كده ولا حد معبرنا
وبعدييييييييييييين
يا جماعة بجد عايزين رد
نقتنع بس ولا هو احنا بنكلم نفسنا
والله فعلا احنا المفروض كلنا نعمل اعتصام علي الرصيف عشان احنا ماحدش دريان بينا حتي ع الاقل اللي من القاهره يروحوا يعملوا اعتصام والله الموضوع ده لازم له من وقفه كبيره مننا والمرتب التافه اللي بناخده ماياكلش عيل وبنقوله احسن من مافيش هو ده اللي مطمع الحكومه فينا احنا لازم نعمل رابطه للمتعاقدين او نقابه ونكون يد واحده عشان نحل مشاكلنا والله اللي احنا فيه ده حراام حسبي الله ونعم الوكيل
كله ده تعقيد وخلاص مرة الدبلومة ومرة icdl ومرة محو امية ولسه احنا شفنا حاجة بعد مانعملمهم هيخترعوا حاجة جديدة وحسبي الله ونعم الوكيل
حرام عليكم انتوا ظالمين الوزير هو لو كان شايفنا على رصيف مجلس الشعب كان عرف بمرتبنا ال350 جنية لكن احنا معملناش حاجة عشان سيادتة يعمل حاجة
انا عايز اعرف لحد امتي الظلم ده لو فيه عدل فى البلد ده كانو يشوفوا مين احق بالتعيين
احنا الأ كاديميين فضلا عن اجتيازنا اقتراحات الوزير بضروره حصولنا علي icdl وتدريبات تربويه
واجتيازنا لإمتحان الكادر بنجاح في الوقت الليكان فيه المدرسين المتعينين ساقطين فى معظم المواد حتى التخصص بل واخذوا فلوسهم كمان ومحدش تعبهم كده ليه يا بلد ليه ؟
لحد امتى الظلم ده ارجع واقول يمهل ولا يهمل………………………………؟
ياجماعه الكلام مالوش لازمه احنا خلاص دخلنا المصيده واتحبسنا واللي كان الوزير يعني حيعملكم ايه هو مش كتر خيره شغلكم معلم مساعد قد الدنيا علي فكره بقي احنا طماعين قوي قوي ايه يعني لما نعمل تربوي وicdl هما صحيح غاليين بس وايه يعني استلف واعملهم هي الحكومه هتعمل ايه ولا ايه الله يكون في عونك ياحكومه من المعلم المساعد اللي بيتمسكن لحد ما يتمكن
من فضلكم ياريت ياريت التربوى دة يتلغى لاغنه مكلف جدا جدا هو احنا هنصرف على اية ولا اية ومفيش فلوس تكفى دة كلة يعنى شهادة icdl وكمان التربوى والاتنين مكلفين بجد حرام كل دةوانا شايفة انه ملوش لازمة اصلا هو عبارة دلوقتى عن دفع فلوس بس ومفيش ادنى استفادة منه وطبعا اساتذة الجامعات عمرهم مهيرفضوا التربوى لإنه بالنسبلهم طاقة قدر واتفتحتلهم هم هيرفضوا النعمة اللى جتلهم على طبق من ذهب واحنا يا عينى الهم راكبنا من كل ناحية عايزة اعرف اية الاستفادة منه لأخصائيين التكنولوجيا مثلى او باقى الاخصائيين ما احنا مش بندرس للطلبة ولا حاجة نعمله لية بقى بصراحة احنا على الأخر وبالعربى طفحناه يعنى ضرورى ضرورى تشوفوا حل لينا واتمنى الرد وشكرا على صدركم الرحب لى ولإخوانى
نشكر معالي الوزراء الذين يسعون جاهدين لجعل المدرس أكثر كئابة وبؤس وهذا للعمل على أن يقوم المعلم البائس بدوره النشط في إثراء الحياة العلمية. ده غير إن الوزارة كل فترة كتر ألف خيرها بتذود مرتب المعلم لغاية المعلم مبقاش عارف يودي الفلوس فين وكلية التربية لم تكلفنا في هذه السنة سوى مبلغ بسيط جداً وهو1000 جنيه تقريباً واحتمال بعض الجزارين في كلية التربية أسف التربويين يفكروا في إن لازم عدد من هؤلاء المعلمين يشرفونا عام آخر علشان العيشة بقت غالية وآدي احنا بنعلمهم برضوا حاجة تنفعهم. ياريت الوزير يقرر بعد التربوية أن يلزمنا بدبلومات أخرى حتى يصبح المعلم لا يشغله سوى العلم والتعلم . وإياك يفكر في حياة كريمة طول ما هو في هذه الوظيفة. آسف يا معالي الوزير من هذا الحس الساخر فأنت لم تقرر هذا ولكني أتأسف كل يوم أني أصبحنا أنصاف معلمين.
أريد معرفة الأهمية من أخذ التربوي لأخصائيين التطوير في المدارس ومدى الاستفادة منها في العمل على العلم أننا لا نتعامل مع الطلبة
من فضلكم حد يرد علينا ويساعدنا احنا فعلا متحيرين جدا
نداء الى من يهتم بالتربيه و التعليم اغيثونا من شرط الدبلومه التربويه والا ندور على وظيفه تانيه ونزلوها على جميع الكليات والمعاهد للمتخرجين الجدد
ياسياده الوزير انا مش حقول زى غيرى دا حرام لانك سمعته كتير انا بس حقول حاجه واحده لو صح حنستفاد من الدبلومه كنت اول واحده اقدمت عليها لاكن هى سد خانه مش اكتر وكمان المرتب كتير اوى لدرجه انى احب اشكر سياتك عليه وما اطلب بزيادته لان الدوله والوزاره مهتميه بينا كتير فحرام نكون طماعين اكتر من كدا انتو حتقبضوا ولا تقبضونا لاكفايا الناس الكبيره واحنا اقشطه كدا وربنا يعينك على سد البيوت
هناك تشدد واضح منذ اللحظة الأولى فى بدا العمل يالكادر من جانب اعضاء بنقابة المعلمين بالقاهرة وبعض اساتذة الجامعات الأخصائى الأجتماعى الذى قضى اربع سنوات داخل جدران المدارس فى التربية العملى يحتاج لأهيل لماذ كل الكرة للأخصائيين الأجتماعيين داخل المدراس واضح وليس لدينا الأ ان نرفع اكفة الضراعة الى الله سبخانة وتعالة اولا فى ان يرحمنا من ذلك الدبلومة والى ملاح شراع وزارة التربية والتعليم الدكتور احمد ذكى بدر ثانيا فى ان ينصف الأخصائيين المساعدين لينا اربع سنوات وفى الأخر دبلومة كنتوا قلتوا من الأول نروح فين لو نزلنا فى الدبلومة نبقى فى الشارع بعد خمس سنوات دة عدل فى الأخرة مش هيكون معاكم حد غير دعا الناس عليكم
ارحمونا
والله ياجماعه اللي بيحصل لنا ده حرام والله حرام 350 جنيه ياسيادة الوزير يعملوا ايه ياريت تفتكر الاخوه المتعاقدين دا سيادتك لما ظهرت ع 10 مساء ماجبتش سيره اي تعاقد وكاننا نكره مع اننا والله شغالين بضمير اكتر من المعلمين القدام اللي بيخدوا كادر اطلب العدل والله انا لما بييجي المرتبات بكون في غايه الحرج وانا داخله اقبض لاني اقل راتب فعامل المدرسه يسخر من راتبنا
انا مع الاستاذ شريف بالله عليكي ياحكومه يكفي المرتب ده لاسره مكونه من اب (متعاقد) وام (متعاقدة) وابنه والاب والام بيعملوا تربوي والله البلد دي القعدة فيها حرام ياريت لو حد عنده دين ينصف المتعاقدين الكادحين
حسبى الله ونعم الوكيل فى كل من ظلم ( الم يكفى تعليم المدرسين لمدة 18 سنه وعلى مرتب 300 جنية ماجايبينش جذمة للمدرس حرام دة ولا حلال وكمان عايزين دبلومة هيه ناقصة مصاريف والواد مسؤل عن نفسه واسره مكونة من 14 فرد هو وامة وابوة و6 اخوات كلهم فى مراحل التعليم المختلفة وزوجتة و4 ابناء بالله عليكم هل تكفى ال300 جنية مصاريف لينا حرام عليكم كفاية ظلم
ايه رايك فى الدكتور التربوى الذى لا يعرف توصيل المعلومة الحكاية قدرات الدبلومه تنمى جيب الدكتور لا عقول المتعلمين وحسبنا الله ونعم الوكيل
نرجوا ان ناخذ اجازة رسمية من المدارس اثناء شهر الامتحانات وده اقل حق من حقوقنا عشان نقدر ناخذ الشهادة الى عايزينها
اري انه لابد من تاهيل المعلم تربويا لكي يكون قادرا علي التدريس