اخبار كنيسة القديسين بالاسكندرية :البحث في فيديو القداس عن احد المشتبه بهم
مصريات
تواصل الأجهزة الأمنية جهودها لمعرفة هوية الجثة المجهولة في موقع تفجيرات كنيسة الاسكندرية.. وظهرت مفاجأة بـ اخبار كنيسة الاسكندرية حيث تبين أن صاحب السيارة الـ”سكودا” التي تردد أنه متورط في الجريمة محجوز في العناية المركزة بعد اصابته مما ينفي التهمة عنه.
من ناحية اخرى طالبت اجهزة الامن راعي كنيسة القديسين بالاسكندرية القمص مقار فوز تسجيلات الفيديو الخاصة بليلة حادثة كنيسة الاسكندرية والتي تبين انه يظهر فيه احد الاشخاص الذي يدخل الى الكنيسة قبل الانفجار بدقائق ويكون في الصفوف الامامية للمصلين ويظهر بيده ريموت كنترول يشتبه في أنه قد استخدمه من اجل تفجير السيارة المفخخة امام كنيسة الاسكندرية والدليل على ذلك هو تحركاته وكأنه على علم مسبق بأن التفجير سيتم من الخارج ..
الله يكون معانا كلنا لان الله ميعرفش الا ولادة .الله خلقنا كلنا وبيحبنا كلنا الله خلقنا جنس واحد بنى ادميين
الحكومة مابتقولش الحقيقة
والصحافة طبعا عايزة تشتغل وخلاص ولا اى واحد اتمسمك لحد الان وربنا يكون فى عون الناس كلة وربنا يرحمنا برحمتة الواسعة يارب
حسبى الله ونعم الوكيل .المفروض ان العالم كله عارف مين هم المسلمين والمعنى الحق للدين الاسلامى وبالتالى هيستنتج الجميع ان مثل هذه الجرائم البشعه لا يمكن ان تنسب باى شكل الى المسلمين …..
حرام عليهم اللى حصل ده ظلم وافتراء انا مسلمة وطول عمرى بعاشر المسيحين وناكل ونشرب مع بعض وفى الاخر كل واحد حر فى طريقة العبادة وفى النهاية لكم دينكم ولى الدين والدين الاسلامى معروف بالسماحة
كلنا اخوة وتحيا الهلال مع الصليب
انا مغربية و بحب مصر قوي والله اللي حصل ده ميرضيش اي حد احنا كمان عانينا من الارهاب 2003و التفجير كان قي ثلاث مناطق في نفس الوقت و راحت قيها ناس كثير اكتر من مية
الإرهاب هو جبن و ضعف و يأس من رحمة الله الواسعة كلنا فقراء ليس الفقر هو السبب وإنما هو التخلف و الجهل بديننا دين الحب والتسامح فالإسلام برئ من هؤلاء النافقين المجرمين اللهم احفظ بلد المغرب وسائر الأمة الإسلامية من رجس الظالمين الجاهلي
الاخ مسيحى انا عايزه أقولك ان المصريين دايما قلوبهم طيبه وكلنا هنا بنحب بعض جدا وعمرنا ما فكرنا نفرق بين واحد مسلم وواحد مسيحى وعمر ما كان بينا اى عداوه واللى فجر الكنيسه ده اكيد ميعرفش اى حاجه عن الدين احنا طول عمرنا عايشيين مع بعض وعمر ما كانت معاملة المسلمين للمسيحين وحشه بل بالعكس احنا دينا بيعلمنا اننا نتعامل معاهم بكل حب واحترام ولكم دينكم وليا دين.
هذا الكلام قلته منقبل لست شامتنا فهذا ليس من الدين ولا الخلق البشرى ولاكن اقول انها مدبره مثل احداث البرجيين لعب وزريعه للمطالبه بتحجيم المسلمين والسلفيه بالاخص والضغط على الحكومه لتقويت شوكت شنوده وهذا من فعله
ارجو ان يفهم الجميع ان الذى فعل ذلك ليس لة اى دين ولايعرف ربنا ولايمت للاسلام ولا حتى لليهودية باى صلة . هو مجرد مجرم سفاح مأجور ويفعل ذلك من اجل المال او مغسول دماغة ومضحوك علية. وبالتالى ليس للاسلام ولا المسلمين ذنب فى ذللك ولا يتمنوا ذلك اصلا ولم يخطر على بال اى احد فعلة شنعاء ومجرمة مثل ما حدث. وعلى هذا ارجو الانحمل الأمور اكثر من معناها واكثر مما تحتمل.
قديما كانت هناك افلام فكاهية مضمونها ان اثنين اصدقاء واقفين بجوار بعض وياتى واحد من خلفهم ويركل واحد من الأثنين ثم يختفى ثم ياتى مرة اخرى ويركل الأخر ويختفى حتى يظن كل واحد من الأثنين الأصدقاء ان الأخر يركلة ويبدأ الأثنين فى العراك . وهذا هو المطلوب الذى قام بة الفاعل. والامر واضح ويجب ان نكون اذكى من هذا الشيطان وإلا نكون فعلا ما يرغبة من وقيعة. هذا درس للأمن الذى استهتر بالتهديد المسبق من شهرين ويجب عليهم ان يبطلوا غرور وألاطة ويشوفو شغلهم لو كان دة حصل فى دبى كان زمانهم جابو المجرم فى ساعات اما هنا هم مش فاضين لينا اما قاعدين فى المكتب بيتفرجوا على التليفزيون او فى الشارع فى التشريفة. خلى حد يطلب بوليس النجدة او المطافى مثلا شوف يجى بعد قد اية وشوف حد يعمل بلاغ عن سرقة وشوف جد يسأل فية. معظم من تم سرقة سياراتهم وجدوها بأنفسهم وليس عن طريق البوليس. ارجو ان نحافظ على بلدنا لأن لو حصل انفجارات ماحدش حينفعنا ولا الأمن ولا غيرة وحنروح فى داهية كلنا كلنا وفية ناس كتيرة مستنية حاجة زى كدة علشلن يسرقوا وينهبوا الشقق والمحلات والسيارات وغيرة. ربنا يسترها يارب
امتي هنعيش في سلام في مصر وامتى الاخوه المسلمين هيسيبوا الناس تعيش في حالها وامتى هيصدر قانون دور العبادة الموحده بلاش شعارات كدابه يا مصريين وغيروا من نفسيكم وعيشو العصر الحاضر واتركو عصر الجاهلية والبطش بالغير طالما لم يتفق معكم في الراي والله احنا بنحترمكم ونحبكم يا ريت تعرفوا معنى المحبه
البقاء لله وقلوبنا جميعا مع اخواتنا المسيحيين زملائنا وشركائنا في الوطن, أنا مسلمية ودارسة بجامعة الأزهر الشريف, عايزة أقول كام حاجة كدة ضايقتني وانا بقرأ تعليقات اخوانا المسيحيين على أحد المواضيع , لاحظت إن تعليقات المسلمين كلهم في وادي وتعليقات المسيحيين في وادي آخر, المسلمين بلا استثناء بيعبروا عن حزنهم ورفضهم للي حصل ومواساتهم لكن في المقابل تعليقات اخواتنا المسيحيين كلها تدل على اقتناعهم بأنهم مضطهدين وان الي عمل كدة مسلمين, عايزة أسأل لو كان كدة ايه الي يجبر حد انه يقول هنا كلام مش من قلبه؟ انتو عارفين ان الواحد على النت مبيخفش من حاجة وبيقول كل اللي في نفسه, لو المسلمين دول فرحانين او مش متأثرين باللي حصل ايه الي يجبرهم ينافقو؟ خايفين مثلا؟ مفيش مبرر للخوف احنا مش قاعدين قدام قناة فضائية بنتكلم ولا حد شايف حد لاء ده احنا مجرد قدام شاشات وكل واحد في بيته بيقول اللي جواه بصدق واخلاص, صدقونا احنا اتنكدنا زيكو والله بالظبط لأن الي حصل ميرضيش أي بني آدم عنده انسانية وضمير مش حقول عنده دين, انا يوم الحادث ده كنت في الشارع مع بنت خالتي بنحتفل برأس السنة زيكو بالظبط والمنطقة الى انا فيها مليانة كنايس وعدينا من قدام حوالي تلات كنايس يعني كان ممكن لو حصل حاجة فالمنطقة دي اننا نموت معاكم لكن الواحد ماشي في أمان مش في باله أي احتمال لعمل حقير زي ده, احنا مسالمين جدا وانتو اكيد تشهدوا بكدة من خلال تعاملكم مع جيرانكو وزمايل العمل معكم من المسلمين, عندكو مشاكل وحاسين بعدم المساواة ؟ اقسم بالله مش لوحدكم, انتو اكيد عندكم خبر باللي بيحصل للمنقبات في مصر ومدى الاضطهاد الي بيعانوه – انا مش منقبة على فكرة بس لي صديقات منقبات بيعانوا واحنا داخلين الجامعة من تعنت المسئولين ومنعهم من الدخول إلا من أبعد باب وحاجات كتير تانية, مشاكلهم يا اخواتي معظمها بينكم وبين الدولة يعني مثلا تعطيل قانون بناء دور العبادة الموحد ده حاجة في ايد الدولة ملناش دعوة بها كمسلمين, احداث العمرانية بينكم وبين الداخلية بغض النظر ان كنتم غلطانين او لاء, للأسف انتم واحنا مقهورين في البلد دي مش انتو لحدكو, الأمن مقامش بدوره معاكم يوم راس السنة لأن الأمن مش فاضيلكم ولا فاضيلنا الأمن المركزي في البلد دي معمول بس عشان تأمين التشريفات والمسئولين الي بيمروا وتأمين اليهود الي بيجو يحتفلو بمولد ابو حصيرة , زعلانين انهم مأمنوش الكنايس؟ هم مش فاضيين لنا أصلا, للأسف انتو مش حاسين بمعاناتنا كمسلمين في البلد دي لو جربتو حتعرفو انكو مش لوحدكو الي تعبانين, بس نقول ايه الواحد رغم البهدلة الي هو فيها والوضع الاقتصادي الزفت الي عايشينه بنقول احنا عايشين في أمان جوة بلدنا ومنتمناش البلد تبقى زي العراق او لبنان والي جرالها زمان من الحروب الأهلية, لازم ندوس على نفسنا ونلم جراحنا ونتحد عشان ولادنا ومستقبل بلدنا الي بنحبها , والله نا بحب مصر أوي وبلدنا جميلة اوووي مش عايزنها تضيع من ايدينا أبوس ايديكو تعالو نتخطى المحنة دي ونقف مع بعض كلنا ونعدي بسلام ونخلي أعدائنا يفقدوا الأمل في دخول مصر عن طريق تفككيك المصريين لفريقين عشان يسهلوا عليهم المهمة, ربنا يرحم الشهداء ونحسبهم في الجنة وانتو يا اخواننا المسيحيين ادعوا ربنا كتير أوي لأن دعوة المظلوم مفيش بينها وبين ربنا حجاب وان شاء الله ربنا حيدمر أعدائنا وأعدائكم وحينصرنا عليهم . آآآآآمين .
ربنا يرحمهم ويوفق المباحث فى العثور على الجانى الله يلعنه
ربنا يكون فى عون المباحث لغز كبير وربنا يوفقهم ويحلو اللغز ويارب ارحم من مات
كلام غير منطقى مش داخل دماغى الامن بيهرج
ادعو لهم بالرحمه كنا ولاد وطن واحد