الآثار قتلت المنقبين ال 6 بالهرم

الآثار قتلت المنقبين ال 6بالهرم

الآثار قتلت المنقبين ال 6بالهرم

الآثار قتلت المنقبين ال 6 بالهرم

مصريات

لقى 6 أشخاص مصرعهم أثناء قيامهم بالحفر والتنقيب عن الآثار بأحد المنازل بالهرم.. قاموا بعمل حفرة بعمق 15 متراً وجدوا في نهايتها سرداباً وعندما نزلوا إليه أصيبوا باختناق وانهالت عليهم الأتربة والرمال فماتوا في الحال.. نجحت أجهزة الأمن وقوات الإنقاذ في انتشال ثلاث جثث وجاري البحث عن الثلاثة الآخرين.

تلقى اللواء محسن حفظي مدير أمن الجيزة إخطاراً بانهيار الحفرة على العمال الستة داخل منزل بمنطقة نزلة السمان بالهرم فانتقل على الفور اللواءان كمال الدالى مدير الإدارة العامة للمباحث وفايز أباظة مدير المباحث الجنائية ود.سيد عبدالعزيز محافظ الجيزة كما هرعت الى مكان الحادث 8 سيارات إسعاف بإشراف د.عبدالمنعم الجيش مدير إسعاف الجيزة وقوات الحماية المدنية فتبين أن المنزل مكون من طابق أرضي على مساحة 80 مترا مربعا ملك هشام منجود عبدالغفار “41 سنة” بائع متجول وأنه كان يقوم بالتنقيب عن الآثار منذ عدة أشهر.

كشفت تحريات العقيد محمد عبدالتواب مفتش مباحث غرب الجيزة أن صاحب العقار استعان منذ ثلاثة أشهر بكل من محمد عمران أبو سريع “25 سنة” طالب ومحمد فاروق عبدالغفار “28 سنة” بائع متجول وأحمد محمد خضر “23 سنة” بائع سلع سياحية وأسامة عبدالنبي إبراهيم الجابري “38 سنة” “موظف” ورضا أحمد عبدالفتاح “25 سنة” طالب وشخص آخر يدعي “عصام” في أعمال الحفر والتنقيب فقاموا بعمل حفرة عميقة عثروا في نهايتها على سرداب وعندما نزلوا إليه انهالت عليهم الرمال واختنقوا ليلقوا مصرعهم في الحال.
قال شهود العيان إنهم سمعوا أصوات استغاثة من داخل المنزل كما شاهدوا غباراً كثيفاً وأتربة تتصاعد منه فهرعوا لاستبيان الأمر وفوجئوا بحفرة عميقة محيطها حوالى 10 أمتار مليئة بالرمال وأنهم فشلوا في إنقاذ من بداخلها فأبلغوا المباحث.

اخبار ومواضيع ذات صلة:

15 comments
  1. مجهول 18/10/2010 18:07 -

    هي الاثار اللي الواحد بيلقيها في اي مكان حرام ولا حلال وملك للدوله ولا ملك اللي يلقيها ولو لقيت حاجه ورحت تسبمها بيقولو انت جبتها منين وسين وجيم فين الحقيقه في الكلام ده محدش فاهم حاجه في اللي بيتقال

  2. سمان بدوي 01/06/2010 19:36 -

    والله  انا من عائلة ابو ذكري  وعرف ناس منهم كثير  لكن الي انا اعرفو ان دولا حرمي اثار ومعلش يا عائلة بدوي

  3. ابو سها 03/03/2010 21:23 -

    الله يرحمهم جميعا خربو البلد وشردو ناس وجت سيرة البلد مع الى يسوى واللى ما يسواش مع اننا كنا احس بلد فى العالم شهره وطيبه واخلاق ولكن منهم لله غيرو صوره  اهل البلد للعالم

  4. مجهول 13/12/2009 13:12 -

    ابنة صحبى ومعيا الايام دى فى شرم

  5. مجهول 13/12/2009 13:12 -

    بس الى غدر بيهم صاحب البيت وهو رجب منجود كان فوق الخنيرة الخشب هو واسلام الكهربائى بتاع التقسيم وهو الى كان واقف فوق اول ما الاخشبة وقعت عليم وكان متر ردم امام السرداب واسلام قالو احنا هنطلع الاتراب وطلعهم من تحت رد علة وشتم وقالو فى دهية وهما قاعدوا يومين عيشين تحت فى السرداب والحكومة قالت ماتت والت باعو كل حاجة كانت فيها

  6. مجهول 13/12/2009 13:08 -

    واللة معرفش اية الى حصل انا كان نفسى انى هما يطلعو الحاجة على شان يكونوا سعداء بس ما حصلش نصيب واللة كان ثلاثة منهم كانو قاعدين معيا قبل رمضانن وانا كنت عارف انى هما بيفحتة فى العلوية فوف بس احمد صحبى الى كان معاهم فيهم كان بيقول لابوة ساعة ومش هنمشى على الارض هنكون ركبين الهمر وهما فى اربعة فيهم كانو بيفحتة فى بيت قبل كدة
    كانو بقلهم 8 شهور بيفحتة فى بيوت ويوصلة المكان وكان الشيخ يخوفهم ويمشيهم وقول ليهم المكان دة خطر لو فتحنة ها يحصل مشكة اللة يرحمك يا شيح هشام يا بتاع كرداسة اللة يرحمك يا احمد يا متش اللة يرحمك يا عم اسامة عبد النبى اخوكم الصغير 16 عام لكن اعرف مين بيفحت عندنا فى السمان والناس الايام دى خايفة قوى على شان المياة الى فى الارض سللللللللللللللام

  7. أمين 05/12/2009 21:28 -

    الأخت شوشو والأخت بوسى أولا انا لله وانا اليه راجعون البحث عن الأثار علم بحد ذاته له أساليب علمية تحافظ على القطع الأثرية عند أكتشافها ولا يحدث بها تشوهات بعدين معاكم ناس غلابة وطيبين رحمة اله عليهم جميعا وعندهم أحلام الغنى بس برضه ميبقاش الأنسان طماع وجاهل ويبحث فى المحيط عن أبرة بلا علم أو دراسة وبيت مساحته 80 متر علشان الأنسان يحفر لازم يعمل دعائم وتكسيات للأتربة وتهوية وسلالم آمنه مش أى حد يحفر يجد آثار . الأخ على مش صح اللى بتقوله الأثار ملك للأنسانية جمعاء مش لفرد أو افراد ولو بتابع الجرائد شوف القضايا المرفوعة من مصر على الألمان والفرنسيون لعودة آثارنا المنهوبة والمسروقة يبقى من باب أولى أن آثارنا تبقى موجودة فى بلادنا بشرط وضعها فى مكان لائق حضارى يجذب اليه السائحين من كل مكان ودى وجهة نظرى ونعزيكم من كل قلوبنا فى جيرانكم الموتى .

  8. انا من رايى انه لو كان فى بيتك كنز سواء فرعونى او رومانى او قبطى اواسلامى ايا كان
    فهو ملك لك ورزق ساقه الله اليك
    ولاتنسى ان تخرج منه زكاة الركاز وهى 20%
    والسلام عليكم

  9. الناس عايزة يهربو اثار بلدنا ياناس حرام عليكم اثار بلدنا يجب ان نحافظ عليها ولا نبيعها للاجانب مصر مصر مصر تحيا

  10. بوسى 30/09/2009 17:17 -

    الله يرحمهم بجد انا معرفهمش كلهم بس اعرف اتنين منهم

    1 – محمد عمران
    ده جارنا وصاحب اخواتى 2- احمد محمد خضر ده اخو صحبتى انا بجد ومن قلبى بطلبلهم الرحمة وربنا يصبر اهلهم كلهم وربنا يرحمنا ويرحم الشباب من اللىة بيشوفه فى الدنيا ده

  11. انا عايز اقول حاجه للي بيتكلم في الموضوع ده ان الناس مش حراميه ولا مش بحبو وطنهم الناس دي شباب كان ليهم طمو ح انهم يعملو حاجه وهم عارفين ان ده مش حرام لان الموضوع ده كان متصرح بي من فتره والناس متعرفش ان الناس اللي بيدخلو في الموضوع ده ناس غلبانه وكويسه جدا وما بيرضوش بحاجه حرام بس بيعتبرو ان الحاجه دي موجوده في بيتهم ومش مللك لحد واوعو تقولو مللك االحكومه لان الحكومه دي هي اللي بتسرق الحاجات ديه

  12. شوشو 27/09/2009 19:31 -

    اصلا الولاد دول مش زى ما بيقولو عليهم كده خالص ولا هما عمال ولا اى حاجه من دى كلها
    واصلا هما نزلو ملقهمش ولاقو اكلهم بس ولاقو جدى ودم بس هما مش لاقينهم وعمالين يهدو البيوت اللى حواليه والله حرام الناس دى كلها تروح فين فين جمعيه حقوق الانسان تيجى تشوف اللى هما بيعملوه فى الناس عاوزين يستولو ع ده كله فين التليفزيون فى كده انا فى مره هبقى اصور اللى بيحصل ده كله وتشوفو انتو يارتنى كنت صورته النهارده والله فين كلمه كفايه حرام اللى هما بيعملوه دول فين حركه الكفاح اللى تنقذ الناس دى من اللى هما فيه الناس بتنام فى الشارع والله كلهم هناك واهالى الولاد دول يصعبو ع الواحد جدا وهما مش عمال زى ما بيقولو فى التليفزيون وانهم مش وطنين وكده ده كله كدب ونفاق

  13. شوشو 27/09/2009 19:26 -

    ع فكره يا جماعه انا روحت المنطقه دى والله ما فى ولا كلمه من الى كتبتها دى حاصله

  14. احمد الهرم 27/09/2009 19:03 -

    الله يرحمهم بس فى حاجة مش واضحه للناس لان المباحث محتفظة بالاخبار دى ومعتبراها سر من اسرار المهنه…لكن اللى دايما بيتوقعه الناس ان اخرة التنقيب ع الاثار بتبقى كداا ومش كلهم بيتهنو فى الاخر على اللى بيطلعوة

  15. شوشو 27/09/2009 16:55 -

    الله يرحمهم بس اصلا دول جيرانا احنا مش متاكدين انهم ماتو لان البوليس مش عاوز يعرف حد خالص بس اهل الناس دول ياعينى عليهم الشارع هنا مقلوب جدا وزعلانين عليهم كلهم لاننا نعرفهم كويس كلهم حتى بس يصعبو اوى ع الواحد بس هما مش غلطانين اوى فى كده يارب يكونو عايشيييييييييين

أضف تعليقاً