انتخابات الرئاسة في مصر
انتخابات الرئاسة 2011 | هل يفوز واحد من هؤلاء
كثر الحديث في الاونة الاخيرة عن المرشحين لرئاسة مصر خاصة مع اقتراب عقد الانتخابات الرئاسية في مصر وانتهاء مدة حكم الرئيس مبارك الحالية عام 2011 لكن التحرك بدأ من خلال المطالبة بانتخابات نزيهة ومحاربة التوريث بالاضافة الى اكثار البعض من الظهور اعلاميا لاثبات وجوده
محمد هشام عبيه
مصريات
أن تكون الانتخابات الرئاسية -قول يارب تكون نظيفة نزيهة- في 2011، فهذا يعني أن الوقت لم يعد بعيدا، وأن على كل الأحزاب والجهات السياسية أ، تستعد بشكل حقيقي لهذه الانتخابات الأهم. هذا ما يحدث في أي دولة عندها انتخابات رئاسة وما حدث في 2005 كان له اسم آخر كيد تعرف أنت فإن هناك من يرى أن الانتخابات الرئاسية القادمة.. غير ذلك، وأن أشياء كثيرة ستحدد مستقبل هذا البلد ستتوقف على الشخص الذي سيتم اختياره رئيسا لمصر في انتخابات 2011.
في السطور القادمة، استعراض لعشرة أسماء محتمل أن تترشح في الانتخابات الرئاسية القادمة، الاحتمالات تتراوح بين “أكيد- يمكن- صعب”، لكنها واردة في كل الأحوال، وقائمة العشرة أمامك من الآن، ومن هنا لغاية 2011 فكر.. هتدي صوتك لمين؟! -بس خليها في سرك ليوميها!-
بســم الله الرحمــن الرحيـــم
اللى بيقؤل جمال مبارك يحكم مصر قبل ميتكلم يشوف ياترى هوه كان راضى عن مصر طول الــ30 سنه ولا لاء جمال هيبقى نفس مبارك مفيش تغير انا واحد من الناس مش راضى ميهمنيش مين يحكم مصر انا فؤضت امرى لربنا شوفوا عيشت دول عربيه كتيرعايشين ازاى هما مش احسن مننا شوفوهم عايشين ازاى واحنا عايشين ازاى للاسف اى رئيس هيقؤل كلام كتير وبعد مينجح مش هيعمل حاجه هيبقى وصل للى عايزه زى اللى قبله شوفوا برنامجالانتخابى اللى فات له وشوفوه عمل ايه كله بيتكلم ومحدش بينفذ المهم هوه يعيش وبس انا هقؤل لسيادته كلمه عيشى وسبننا نعيش ويوم القيامه انت هتتحاسب عننا وانا مش مسامح حسبى الله ونعم الوكيل
أنا معاك هانتخب عمى سامى مع انى معرفوش بس اكيد هيبقى الريس عمى سامى بتاع العيش
بصراحة المشكلة ان مصر بقت مشاكلها كتيرة اوى وكل واحد بيقول وانا مالى الزحاااااااام بقى جامد جدااااااا والتسول بقى بالزوفة متعرفش مين كداب ومين صادق اما بقى موضوع الشغل ده عاوز حواديت والمرتبات القليلة الحمد لله والناس بتقول ان الفقر كتير ومليان مع ان الرفاهية بقت اكتر الموضوع صعب اووووووووى وعايز تكاتف من الجميع
ملىون فى الميه مرشح الرئاسه القادم من الحزب الوطنى هو سيادة الرئيس جمال مبارك .ومليون فى الميه ال هينجح فى الانتخابات هو مرشح الحزب الوطنى.فبلاش انتخابات وتوفروا فلوس الانتخابات والدعايه وتفرقوها على الغلابه واحنا موافقين وربنا يخليكم لمصر
بصراحه وبدون تردد اتمنى جمال مبارك ده فى حالة عدم ترشيح سيادة الرئيس حسنى مبارك وبلاش اقول كلام كتير شوف احنا عايشين فى امان بقالنا اد ايه كفايه جدا انك تقوم الصبح تلاقى ولادك وبيتك واهلك عايشين والدنيا ماشيه واللى عايز حريه يبقى مش فاهم يعنى ايه حريه النهارده كله بيتكلم وكله بينتقد لاعلى المستويات والله يرحم زمان كانوا بيقولو هس الحيطان ليها ودان وياخوفى ليمسكها واحد من المعارضه ويروح بينا على سكة الضياع وامامنا الامثلة كتيرة على مستوى الوطن العربى لكن انا عارف ان شعب مصر واعى ولن يعطى صوته الا لأهل الخبرة وطبعا مش هيلاقى خبرة غير فى حزب متفق وليس منقسم حتى على رئيسه
نفسى يكون لينا رئيس نشيط يحبنا بجد يخاف علينا بيحب خدمة الناس يجدد ويطور لصالح البلد
ربنا يحسن احوالك يا مصر ادعو معانا يا مصريين
اكييييييد ايمن نور واحنا عارفين انو اتظلم
ايمن نور
الى فية الخير يقدمة ربنا والشعب المصرى قادر يحدد من يفوز فى الانتخابات الرئاسية وانا بختار الى اختارة الشعب علشان انا مش هاكون موجود وقاول بكل ثقة ولا خوف من اى حد !!! يا رئس الجمهورية ان كنت انت قدرنا فاليعينا الله عليك وان كنا قدرك فاليعينك الله علينا واقول للشيخ الشعراوى رحمة الله ابشر ببشراك
بسم الله الرحمن الرحيم
السلام عليكم ورحمة الله وبركاتة السلام والامان والا
ستقرار وبلد خالى من المحسوبية والظلم والرشاوى بلد نظيفة بجد بلد نعرف من يحكمها نعرف ماذا تريد بلد تريد مصلحة ابنائها وليس بلد كل ماتريده مصلحة ناس وناس لا بلد المصلحة الاولى والاخيرة امن ابنائها وسلامتهم وتجعل كرامتهم فوق اى شئ هل توجد من يرى نفسه يستطيع ان يحقق كل هذا سياثم وحسبنا الله ونعم الوكيل فيه ومنيترشح وهو غير اهل لهذا المنصب حسبنا الله ونعم الوكيل فيه ولا نسامحه ابداااااااااااااااااااااااااااا اللهم ولى امورنا اصلحنا ومن خافك ويخشاك اللهم ااااااااااااااااامين
الله يرحمك يا سادات
انا شايف ان لو حتى الرئيس اتغير هيطر يغير من الساعى حتى رئيس الوزراء الناس اللى اخدت على الرشاوى والكوسة وياخذ فلوس من المحلات الغير مرخصة امين الشرطة اللى يقف فى الشارع ياخذ ولااد الناس يمرمتهم ولو طلع بن ضابت يبقى امين الشرطة ضاع يبقى لو حد مسك جديد يتغيل من اول الساعي لحد الريس لان الللى واخذ على الحرام هيفضل طول عمرة حرام وبصراحة شغل الافلام مش بيعجبنى زى طباخ الريس دى سياسة دولة بيسبتلك ان الرئيس بتهنا عرف كل حاجة بسي الحاشية اللى معاه مش مخلينو يعرف دى سياسة دولة وتفتكرو بذكائكو فيلم زى دة يتعرض فى السينما الرئيس ما ياخذ عليم اي يا شعب مصر طول ما احنا خايفين ومش بنتكلم الحكومة هتعمل فينا اكثر من كدة ودة الكلام المفيد
هي دي مصر،بتنفر من ولادها، أصل وأصل
عارفين ستك نزيهة، أهي دي الإنتخابات حرة ونزيهة،عاوزين شبعان وبلاش هطل والعوض علي الله، وحسبي الله ونعم الوكيل.
معلومة السيد الرئيس حسني مبارك مش داخل الانتخبات من اصله لأنه هو والسيد جمال مبارك تبع الحزب الوطني ويجب ترشيح واحد فقط لذا السيد جمال مبارك هو المرشح وليس السيد حسني مبارك مع العلم ان افضل واحد لرئاسة مصر السيد جمال مبارك
اول سبب ان محمد البرادعي تبع امريكا الباقيين استاذة جامعيين والكل يعرف ان الاستاذة الجامعيين يعملون بالوسطة والمحسوبية
عاوزين ريس يحس بينا بهمومنا واجورنا وبالبطالة ونشوف تغير بجد مش زى الوعود اللى مشفناش منها حاجة وبعدين انا عندى سؤال مبارك متولى الحكم من يوم ولادتى مين القرر يبقى عندنا انتخبات
يا ناس العصابة عملت الثورة بزعيم العصابة الكبير جمال عبد الناصر و بقيت العصابة لغاية دلوقتي ماشية على منهجه و زيفو التاريخ لحسابهم و فهمونا انهم منقذون الأمة دول موظفين عند الأمريكان واليهود يعني من الآخر يقولهم يمين يبقى يمين شمال يبقى شمال يعني احنا عايشين برحمة ربنا
احسن رئيس جمال محمد حسنى مبارك ابن الوز عوام
ياجماعه ما تتعبوش نفسكم بالحاجه دى
وسيبوهم يختارو اللى هما عايزينه
لان راينا لمودى ولا جايب
احنا جربنا الحاجات دى كتير واكيد احنا شوفنا بعينا الفترة اللى فاتت
ايه اللى حصل مع ايمن نور
النتخابات دى حاجه صورى يعنى من الاخر
اللى عايزاه الحكومه رايح يكون وانت تخبط دماخك فى الحيط بقى
ههههههههه دى حاجه تحرق الدم بجد والله
بجد حاجة تكسف دوله فيها 80 مليون ومش عارفين نختار مين يحكمها
للاسف نظام مبارك مخلاش حد يكون عنده مواصفات الرئيس اللى ممكن شعب يثق فيه وبكده يفضل مبارك اكتر شخص ممكن يكون الرئيس . ثم انا ماتخيلش انه ممكن يسيب الرئاسه واللى هيكون رئيس مصر 2011 هو مبارك برضه طبعا فاكرين لما عبد الناصر حب يتنحى عن الحكم او لما قال انه مستعد انه يتنحى عن الحكم
مصر وشعبها بقينا علي اخرنا الواحد مش عارف مين فيهم اللي يصلح يا ريت كل واحد من المرشحين يطلع يتكلم مع الناس بجد الغلابه مش الناس اللي يعرفهم خلينا نفهم بئه او يعملوا برنامج في التليفزيون ويكون في واحد بيحب مصر بجد ييجي يتحاور مع الناس ده من غير خوف ويخلي الناس هي اللي تختار و من الاخر بئه احنا كمان عيزين اللي يشرف علي الانتخابات ده ناس امينه بمعني خلي الشعب هو اللي يختار الانسان اللي عنده امانه ييجي و يشرف عليها حتي لو فلاح من القريه هو اخر الكلام غير كده يبقي حسبي الله فيكم ( الحكومه ال ؟؟)
اتمنى ان يكون الرئيس المصرى القادم ان يتوفر به الاتى
1- يكون بجد بيحب مصر و نفسه يغيرها لاحسن حال
2- يوقف غلاء الاسعار و يوقف الكوسه فى البلد
3- لا يتكبر على الناس و ينزل بنفسه ليرى احوال الناس فى الشوارع ولا يجعل بينه و بين الناس حجاب يكون بابه مفتوح لاى حد من الشعب
4- خلق فرص عمل حقيقيه للشباب
5- محاولة استغلال موارد مصر واراضى مصرو صحراء مصر الشاسعه فى احسن استغلال حيث يصل بمصر للاكتفاء الذاتى من جميع السلع الغذائيه
العـــــــيب مـــــــش فى الــــلــى بيــحكـم الشــــعب العـــــــيب فــى الـــشـــــعب
لا احد من هؤلا يصلح لمصر الا حسنى مبارك كفاية السلام
على فكرة الانتخبات السنة دة غير أى مرة عدت بس أنا أتمنى من الله أن أى حد يمسك البلد يحسسنا فعلا بتغير لان أنا حاسس أن أحنا دايما بنتحرك للاسوء كل سنة بتيجى أوحش من اللى قبلها مفيش سنة بتيجى أحلى يااااارب أرزقنا بواحد كل همة أن البلد تبقى كويسة مش هوة اللى يبقى كويس
زهقان مخنوق قرفان
يا جماعة فيه ناس ممتازين ممكن يمسكوا البلد دى زى عمرو موسى والجنزورى
فين الناس دى ليه ما بيظهروش على الساحة اللى بيحب بلدة بجد ما يسيبهاش وقت الشدة أعتقد فيه ناس الشهور القادمة هيظهروا وهيقلبوا كل الموازين زى ما فيه الشر والفساد فيه الخير وناس أكيد بتحب البلد والمصريين اللهم ولى من يصلح واتمنى من الله تعالى ان يوفق الرئيس مبارك للبوح بأحسن المرشحين من بعدة وأكفأهم وربنا يسامح الكل آمييييييييييين
اتمنى ان يكون الرئيس المصرى القادم ان يتوفر به الاتى
1- يكون بجد بيحب مصر و نفسه يغيرها لاحسن حال
2- يوقف غلاء الاسعار و يوقف الكوسه فى البلد
3- لا يتكبر على الناس و ينزل بنفسه ليرى احوال الناس فى الشوارع ولا يجعل بينه و بين الناس حجاب يكون بابه مفتوح لاى حد من الشعب
4- خلق فرص عمل حقيقيه للشباب
5- محاولة استغلال موارد مصر واراضى مصرو صحراء مصر الشاسعه فى احسن استغلال حيث يصل بمصر للاكتفاء الذاتى من جميع السلع الغذائيه
بجد لازم نغير رئيس بلدنا لانه مش حاسس بالفساد الي احنا عايشين فيه عايزين حد يحس بينا ودا راي كل الناس مش الي عنده وسطه يعدي من اي مشكله والغلابه لاء اصلي بصراحه مفروسه منه اوي
بصراحه مينفعش جمال مبارك يمسك الرياسه مش هيبقي هو مينفعش يبقي الابن بعد ابوه رئيس جمهوريه وبعدين احنا عايزين تغير مش لازم الرئيس يبقي ثابت عايزين حد يحث بجد بالشعب مش تلغوا سفر لبيا البري عشان جمال مبارك شريك في شركه مصر للطيران حررررررررام بجد كدا
بصراحة لا حسنى ولا جمال ال واحد يكون مصرى بجد مثل السادات
بصراحة لاحسنى ولا جمال يمسك الرئاسة ال يمسكها يكون مصرى بجد يتقى الله واهم شىء يغير القوانين الفاشلة ال يوم الحكومة بسنة والله ب 10سنين بجد مصر يحكومها مصرى مثل السادات
اصتوصو بأهل مصر خير )صدق رسول الله صلى الله عليه وسلم
مين هيعمل بى الوصيه دى وهيق بين ايد ربنا ويتسال
اى حد يمسك الريس يتقى الله فينا وخلاص يحبنا ونحبه بس يسمع لينا وخلاص يعمل يوم لشباب مش مشكله نتفتش واحنا دخلين نقلع ملط عادى بس حد يسمعنا حد يفهمنا نقوله احنا عاوزين ايه مش لازم يوافق على كل طلبتنا بس نحس انه عاوز يسمعنا وخلاص بحب يا مصر
كله بيسرق فى كله موظف مش ليه لزمه شغال عندك الدوله معيناه عندك علشان يشوف مصلحك تلاقيه بيتنك عليك موظف فى السجل المدنى يضرب ناس ويقولهم اقفو فى الطابور يا بقر
ناس حتى ملهاش لزمه وانت مشغل خمسين واحد زيه تحت ايدك بيقول احترم نفسك يا استاذ ومش تسال غير ما تيجى فى الدور ويجى الدور عليك يقولك لا الصف التانى يا بيه تبص لصف التانى تحلف ميت يمين ما انت مخلص ورقق يعنى هتطلبو من الريس الجديد يتخلص من الناس دى كلها الناس الى حولين الريس وحشين اوى زفت خالص كام محافظه كل محافظ فيها حرامى وسارق المحافظه كبارى مش ليها لزمه وظفتها السرقه وخلاص هيقدر الريس يغير ده كله معقول يا ولاد داحنا عاوزين المصرين كلهم يتغيرو هيقدر يلم الخبرات الى بره مصر ويجبهم يقولهم تعالو من بره اشتغلو هنا وفيدو البلد انا واحد عندى خبره حلوه وبخترع حجات وبعدل على ماكينات تكيف مركزى مع انى مش متعلم اوى يدوب دبلوم صناعى بره بتاعم كانى مهندس هنا هضرب بى الجزمه وانت ايه يا معفن حته دبلوم ولا ليك لزمه لو حد بص فى بطقتى دبلوم صناعى هيقولو ايه ده ياعم روح بتكلم انجلش لو تتخيلو كنت فى المدرسه فاشل 0 من 20 فى الانجلش بتكلم انجليزى احسن من خريج هندسه مين يعرف ويقدر ويتاعمل ويجيب الناس الى بره مش عاوزين يجو مصر علشان مش هيتعملو حلو انا اقول لريس الجديد اتقى الله فى اهل
السلام عليكم انا خلاص من قبل ما يجى ريس جديد ولا قديم حلو ولا وحش ناوى امشى اسيب البلد اروح اتعامل مع ناس كويسه احنا دوله كلها محتاجه تتعلم يعنى ايه حقوق انسان يعنى ايه نبقى كلنا كويسين يعنى ايه نعامل بعض كويس البلد مليانه فساد ومش هنعرف نغيرها طول ما الى حولين اى ريس مش بيوصلو ليه الحقيقه والشعب عايش ازى فعلا لو اى حد فينا ريس هيتعب اوى الواحد بيبقى شايل هم نفسه وهم اسرته تخيل لو شال هم بلد الله يكون فى عونه
((((((((((((((الخلاصه فى الكلام الريس مش مشكله الريس تمام والله بس الى حوليه وحشين خالص وكلين الدنيا وكلين حق الغلابه دحتى بتوع العيش بيسرقونا بتوع التموين بيسرقونا كله بيسرق كله البلد دى طول عمرها هتفضل كده الا لو الحاشيه بتوع الملك اتغيرووووو من ناس صالحه)))))))))))))
انا احب اللى يفوز بالرئاسه يكون اللى بيحب مصر بجد ويخاف على مصلحته وبحب اللى حيفكر بفكر جديد ومتطور يفيد به الشعب المصرى ونفسه لان الفكر الجديد ده حيفيده فى تمديد الرئاسه له وبطلب من الى حيفوز الاتصال بيا على الاميل او موبايلى افضل لان لدى العديد من الافكار الجديده فى الابتكار من وجه نظرى ورقمي (0161865125)
يا ريت واحد زى عمرو موسى يبقى موجود وسط المرشحين واتمنى ان اللى يمسك الرئاسة اول حاجة يعملها يطبق قانون من اين لك هذا ويدور ورى الروس الكبيرة ويحاكموا الفاسدين منهم القضاء على الفساد والفاسدين يا فرحتى وانت بتدينى مليون جنية وانت عارف انهم هتسرقوا منى نقولها تانى القضاء على الفساد والفاسدين
انا قلبى حاسس ان اى حزب غير الوطنى هيصلح البلد وصورتها قدام العرب
انا اقترح والله انكم ترشحوا محمد ابو تريكة
تعرفو انا ليا طلب من الرئيس الى هيجى ان شاء الله
انه يهتم شوية بالقضية الفلسطينة لانهم اخواتنا وتنبيه احنا هنتحاسب على اهمالنا ليهم
طب مانحضر جيش ونحارب اليهود هتقولو العالم هيقف ضدنا مش مهم الله اقوى كم من فئة قليلة غلبت فئات كثيرة بنصر الله
وافتكر الجيوش العربية اكثر بكثير من اسرائيل اتقو الله كما تدين تدان ونفوم بالمقاطعة
ائمة العدل الرسول صلى الله عيه وسلم
ثم سيدنا ابو بكر
ثم سيدنا عمر بن الخطاب
وهكذا
ولا احد باعدل منهم فاتقو الله
يا جماعة المهم فعلا ان الحاكم الى هيجي ما يكون نساى لأنه ممكن ينسى انه سوف يقف بين ايدى الله يوم القيامة وهيت سال عن كل إنسان صغير أم كبير حتى الدابة وهيشيل كتاب عن كل إنسان إنسان إنسان ولازم يشوف أحوال الآمة وأحوال الناس الغلابة ويعطى الحقوق كاملة لانه والله هيتسال ولو مش هيقدر فالافضل يسيب الحكم لانها وقسما بالله ده يبقى أفضل له إن عقاب الله شديد وكلنا خائفين من الغقاب والكل خائف من السؤال عن كتابة والحاكم سوف يحمل كتاب عن كل انسان واستحاله يكون فى مخلوق اعدل من سيدنا عمر بن الخطاب ومع ذلك كان شديد الخوف من عقاب الله وحسبنا الله ونعم الوكيل وانا لله وانا اليه راجعون
اللى يمسك يمسك المهم يعيشنا فى امان وسلام بس انا شايف ان كل الناس بتقول البردعنى البردعى هو احنا شفناه الا من يومين اللى نعرفو احسن من اللى منعرفوش
الخير فيما اختاره الله بس البلد دى مينفعهاش غير راجل عسكرى سؤ برضانا او غصب عننا ا جمال مبارك هو اللى هيمسك الحكم لو الرئيس ساب الحكم والسلام عليكم
انا مش عارفه اللى بيختار جمال مبارك بيختاره ليه وعلى اساس ايه على اساس انه عايش فى امريكا مش مصر مش شايف اللى احنا شايفينوا حرام كده دا حتى اللى بيتلسع من التعبان بينفخ فى الزبادى وجمال مش زبادى خالص حرام اتكلكوا بزمه فين ضميركم راح فين الله يرحمك يا حكومه
انني احب واقدر الرئيس مبارك حبيب الكل لن تحظي مصر برئيس مثل حسني مبارك الذي قاد المسيرة بكل ثقة ارجو ان يرشح سيادته نفسه لينعم الاستقرار مصر ويعم الرخاء والسلام السلام
انشاء الله ما هتخرج من البيت ونظره ومدد يا سيدنا الحسين
انشاء الله برشح السيد جمال مبارك واقول بفخر ذاك الشبل من ذاك الاسد